នាព្រឹកថ្ងៃច័ន្ទ ១២ រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនិងថ្ងៃទី ១២ ខែកុម្ភៈ ឆ្នាំ ២០១៨ នៅអគ្គលេខាធិការដ្ឋាន នៃអាជ្ញាធរទន្លេសាប បានបើកវគ្គបណ្តុះពង្រឹងសមត្ថភាពមន្ត្រីបច្ចេកទេសស្រាវជ្រាវក្រោមឱវាទអាជ្ញាធរទន្លេសាប ស្តីពី វិធីសាស្ត្រសិក្សាស្រាវជ្រាវ ការវិភាគទិន្នន័យ និងការសន្និដ្ឋានសរសេររបាយការណ៍ស្រាវជ្រាវ ស្ថិតក្រោមអធិបតីភាពឯកឧត្តម ហ៊ែល តូនី អគ្គលេខាធិការ តំណាងដ៏ខ្ពង់ខ្ពស់ឯកឧត្តមប្រធាន អាជ្ញាធរទន្លេសាប ដើម្បីពង្រឹងតួនាទីភារកិច្ចស្នូលរបស់អង្គភាព និងគាំទ្រដល់ដំណើរការអនុវត្តផែនការសកម្មភាព ក្នុងការលើកកម្ពស់ការកសាងសមត្ថភាពចំណេះដឹងលើការសិក្សាស្រាវជ្រាវ។ វគ្គបណ្តុះបណ្តាល នឹងទទួលបាន ៖
- យល់ដឹងពីគោលការណ៍ និងក្របខ័ណ្ឌចាំបាច់ សម្រាប់យកទៅអនុវត្តឧ្យបានល្អប្រសើរ
- បង្កើនសមត្ថភាពក្នុងការវិភាគទិន្នន័យ និងធ្វើរបាយការណ៍តាមលក្ខណៈបច្ចេកវិទ្យាសាស្ត្រ
- លើកកម្ពស់ចំណេះ ឧ្យបានយល់ដឹងអំពីក្របខ័ណ្ឌនៃការគ្រប់គ្រងទឹក បរិស្ថាន និងវិធីសាស្ត្ររបស់ IWRM កាន់តែច្បាស់
- កសាងសមត្ថភាពដល់អ្នកចូលរួមក្នុងការដោះស្រាយសកម្មភាពស្រាវជ្រាវ និងតាមដាននៅក្នុងក្របខ័ណ្ឌសេដ្ឋកិច្ចសង្គម អំពីគុណតម្លៃទឹក ជលសាស្ត្រ និងជីវចម្រុះនៅក្នុងបរិយាកាសទឹកសាប ឧ្យមាននិរន្តរភាព
- អភិវឌ្ឍន៍សមត្ថភាពក្នុងការត្រួតពិនិត្យ និងវាយតម្លៃអំពីសេដ្ឋកិច្ចសង្គម ជីវចម្រុះ និងបរិស្ថាន
- ចែករំលែកពង្រឹងបណ្តាញពាក់ព័ន្ធ ដើម្បីចូលរួមកំណត់ និងដោះស្រាយបញ្ហាធ្វើយ៉ាងណាឧ្យបឹងទន្លេសាបទទួលបាននូវសុខាមាលភាព ។