នាថ្ងៃទី ២៨ - ៣០ ខែកញ្ញា ឆ្នាំ២០១៥ ក្រុមការងារនាយកដ្ឋាននីតិកម្ម និងផ្សព្វផ្សាយ ដឹកនាំដោយលោក លឹម ហេង អនុប្រធាននាយកដ្ឋាន បានចុះអនុវត្តន៍ផែនការសកម្មភាពពង្រឹងការអនុវត្តបទដ្ឋានគតិយុត្តពាក់ព័ន្ធនឹងការការពារធនធានធម្មជាតិនៅតំបន់ជុំវិញបឹងទន្លេសាបនិង តំបន់ពាក់ព័ន្ធ ដើម្បីបន្តការចូលរួមពិនិត្យតាមដានប្រសិទ្ធភាពការអនុវត្តបទដ្ឋានគតិយុត្ត និងបទបញ្ញត្តនានាក្នុងការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ និងជីវចម្រុះប្រកបដោយនីរន្តរភាពស្ថិតនៅក្នុងភូមិសាស្ត្រខេត្តពោធិ៍សាត់។ ការចុះអនុវត្តផែនការសកម្មភាពនេះ បានសិក្សាស្វែងយល់ពីការផ្សព្វ ផ្សាយ ការយល់ដឹង ភាពខ្លាំង-ខ្សោយ រួមជាមួយបញ្ហាប្រឈមនានានិងប្រសិទ្ធភាពក្នុងការអនុវត្តបទដ្ឋានគតិយុត្ត និងបទបញ្ញត្តរបស់រាជរដ្ឋាភិបាល លើកិច្ចការការពារធនធានធម្មជាតិ ដោយ បានជួបពិភាក្សាផ្ទាល់ជាមួយអង្គភាពពាក់ព័ន្ធ អាជ្ញាធរដែនដី សហគមន៍នេសាទ និងប្រជាជនដែលកំពុងអាស្រ័យផលធនធានធម្មជាតិ ។