កិច្ចប្រជុំស្តីពី គណៈកម្មការគ្រប់គ្រងធនធានទឹកចម្រុះនៃអាងស្ទឹងសែន
នាព្រឹកថ្ងៃទី 15 ខែមីនា ឆ្នាំ2016 នៅសាលប្រជុំក្រសួងធនធានទឹក និងឧតុនិយម (អាគារដើមត្នោត) មានរៀបចំកិច្ចប្រជុំ ស្តីពីគណៈកម្មការគ្រប់គ្រងធនធានទឹកចម្រុះនៃអាងស្ទឹងសែន ក្រោមអធិបតីភាពដ៏ខ្ពស់ខ្ពស់ឯកឧត្តម លឹម គានហោ រដ្ឋមន្ត្រីក្រសួងធនធានទឹក និងឧតុនិយម និងជាប្រធាន អាជ្ញាធរទន្លេសាប និងមានការចូលរួមពីថ្នាក់ដឹកនាំក្រសួង មន្ត្រីរាជការ តំណាងដៃគូអភិវឌ្ឍន៍ ដៃគូសហប្រតិបត្តិការ ភ្លៀវកិត្តិយសជាតិ អន្តរជាតិ សរុបជាង ២៥០ រូប ។ កិច្ចប្រជុំនេះ រៀបចំឡើងក្នុងគោលបំណងចំបង គឺបង្ហាញពីការវិវត្ត និងលទ្ធផលសម្រេចបាននៃគម្រោងក្នុងការគ្រប់គ្រងធនធានទឹកចម្រុះអាងស្ទឹងសែនពីឆ្នាំ 2012 រហូតដល់ឆ្នាំ 2015 ព្រមទាំងការរៀបចំជំហ៊ានទី 3 ក្នុងការគ្រប់គ្រងធនធានទឹកចម្រុះអាងស្ទឹងសែនសម្រាប់ឆ្នាំ 2016-2017 ។ ជាមួយនេះដែរការចាប់ផ្តើមគម្រោងសិក្សាស្រាវជ្រាវ និងការអភិវឌ្ឍន៍លើការគ្រប់គ្រងអាងទន្លេនៅព្រះរាជាណាចក្រកម្ពុជា ។
