ថ្ងៃទី 30 ខែតុលា ដល់ថ្ងៃទី 01 ខែវិច្ឆិកា ឆ្នាំ2017 ឯកឧត្តម ខូវ មាស អគ្គលេខាធិការរង បានបន្តចុះសិក្សាស្រាវជ្រាវ អំពីសក្តានុពលតំបន់ទេសចរណ៍ ក្រោមផ្លូវជាតិលេខ 6 ក្នុងភូមិសាស្ត្រ ខេត្តកំពង់ធំ ។ ក្រុមការងារបានស្វែងយល់ពីការគ្រប់គ្រងរដ្ឋបាលនៃរមណីយដ្ឋានបឹងសំរឹទ្ធបែបធម្មជាតិកែច្នៃ និងបានជួបពិភាក្សាការងារជាមួយមន្ត្រីមន្ទីរទេសចរណ៍ខេត្តកំពង់ធំ ដើម្បីសិក្សាស្វែងយល់អំពីសក្តានុពលទេសចរណ៍ដែលមាននៅក្នុងតំបន់។ ក្រុមការងារបានបន្តចុះពិនិត្យរមណីយដ្ឋានដែលមានភ្ញៀវទេសចរណ៍ទៅលេង កម្សាន្ត និងសហគមន៍នេសាទ បឹងរំពេរដែលជាកន្លែងអភិរក្សព្រៃលិចទឹក សត្វស្លាប និងត្រីមេពូជ។ សហគមន៍ទេសចរណ៍បឹងរំពេរ បានសំណូមពរដល់ស្ថាប័នពាក់ព័ន្ធនានាជួយផ្សព្វផ្សាយឲ្យបានទូលំទូលាយនៃតំបន់អេកូទេសចរណ៍នេះ ដើម្បីទាក់ទាញភ្ញៀវទេសចរណ៍ជាតិ និងអន្តរជាតិចូលមកទស្សនាឲ្យបាន កាន់តែច្រើន។