សកម្មភាពសិក្សាតាមដានផលចាប់ប្រចាំថ្ងៃតាមស្ទឹងទាំង ១១ ជុំវិញបឹងទន្លេសាប
ថ្ងៃទី៣០ ខែតុលា ឆ្នាំ២០១៧ ក្រុមការងារមន្ត្រីបច្ចេកទេស នាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយលោក ស៊ិន វិសិទ្ធ ប្រធាននាយកដ្ឋាន បានបន្តចុះត្រួតពិនិត្យតាមដានលើការកត់ត្រា និងការធ្វើសំណាករបស់ក្រុមគោលដៅអ្នកនេសាទ ក្នុងការអនុវត្តគម្រោងសកម្មភាពសិក្សាតាមដានបរិមាណផលចាប់ប្រចាំថ្ងៃ តាមបណ្តាលស្ទឹងទាំង ១១ ជុំវិញបឹងទន្លេសាប ដំណាក់កាលទី ២ (២០១៧-២០១៨) ។ គោលបំណងនៃការចុះ រួមមាន ៖
- ត្រួតពិនិត្យផ្ទាល់លើការកត់ត្រាក្នុងសៀវភៅ Logbook
- បំពេញបន្ថែមរាល់ចំណុចខ្វះខាតទាំងឡាយពិសេសលើការធ្វើសំណាក
- ប្រមូលយកសៀវភៅ Logbook ដើម្បីសំអាត និងបញ្ចូលទិន្នន័យ ។
