សកម្មភាពដំណើរទស្សនៈកិច្ចសិក្សាស្វែងយល់ពីអភិបាលកិច្ចល្អនៃការគ្រប់គ្រងធនធានទឹកចម្រុះនៅប្រទេសថៃ
ចាប់ពីថ្ងៃទី ១៦ខែកុម្ភៈ ដល់ថ្ងៃទី ២០ ខែ កុម្ភៈ ឆ្នាំ ២០១៥ លោក ស៊ិន វិសិទ្ធ ប្រធាននាយកដ្ឋានត្រួតពិនិត្យ ការធ្វើអាជីវកម្ម និងអភិរក្ស និងជាអនុប្រធានគម្រោងឆ្លងដែន ស្តីពី អភិបាលកិច្ចល្អនៃការគ្រប់គ្រងធនធានទឹកចម្រុះរវាងបឹងទន្លេសាប(កម្ពុជា) និងអាងទន្លេសុងក្លា(ប្រទេសថៃ) ក្រោមជំនួយរបស់ធនាគារពិភពលោកសម្របសម្រួលដោយគណៈកម្មការជាតិទន្លេមេគង្គកម្ពុជា បានដឹកនាំក្រុមការងារអនុវត្តគម្រោងទៅធ្វើទស្សនៈកិច្ចសិក្សាស្វែងយល់ពីអភិបាលកិច្ចល្អនៃការគ្រប់គ្រងធនធានទឹកចម្រុះនៅប្រទេសថៃ។ ដំណើរទស្សនៈកិច្ចសិក្សានេះមានគោលបំណងៈ
-ធ្វើការស្វែងយល់អំពីស្ថានភាពបច្ចុប្បន្ននៃបឹងទាំងពីរប្រទេស
-បង្កើនចំណេះដឹងលើការគ្រប់គ្រងធនធានទឹកចម្រុះ និងស្ថានភាពរស់នៅរបស់ប្រជាជន ពិសេសប្រជាជនក្រីក្រនៃបឹងទាំងពីរប្រទេស
-ផ្លាស់ប្តូរបទពិសោធន៍ ពត៌មានល្អៗពីគ្នាទៅវិញទៅមក
-ផ្លាស់ប្តូរអនុសាសន៍គ្នាទៅវិញទៅមក ដើម្បីអោយការគ្រប់គ្រងធនធានទឹកចម្រុះ និង ស្ថានភាពបឹងនៃប្រទេសទាំងពីរកាន់តែល្អប្រសើរ។
