ឯកឧត្តម ហ៊ែល តូនី អគ្គលេខាធិការ អញ្ជើញចូលរួមកិច្ចប្រជុំដោះស្រាយទំនាស់វិវាទរវាងប្រជាកសិករប្រើប្រាស់ទឹកធ្វើស្រែប្រាំង ខេត្តកំពង់ធំ
នាព្រឹកថ្ងៃសុក្រ 14 រោច ខែទុតិយាសាឍ ឆ្នាំច សំរិទ្ធស័ក ព.ស. 2562 ត្រូវនឹងថ្ងៃទី 10 ខែសីហា ឆ្នាំ 2018 នៅសាលាស្រុកស្ទោង ឯកឧត្តម ហ៊ែល តូនី អគ្គលេខាធិការ និងជាតំណាងដ៏ខ្ពង់ខ្ពស់របស់ឯកឧត្តម ប្រធាន អាជ្ញាធរទន្លេសាប បានដឹកនាំកិច្ចប្រជុំពិនិត្យសម្របសម្រួល និងដោះស្រាយទំនាស់វិវាទរវាងប្រជាកសិករប្រើប្រាស់ទឹកសម្រាប់ធ្វើស្រែប្រាំងក្នុងតំបន់វាលទំនាបលិចទឹកនៃបឹងទន្លេសាបដែលរស់នៅឃុំចំណារលើ ជាមួយម្ចាស់អាជីវកម្មអាងទឹកកំពង់ព្រីង និងចកសារ៉ាយ ស្ថិតក្នុងឃុំចំណារក្រោម ស្រុកស្ទោង ខេត្តកំពង់ធំ ។ កិច្ចប្រជុំ មានការអញ្ជើញចូលរួមពីមន្ត្រីថ្នាក់ដឹកនាំសាលាខេត្តកំពង់ធំ រួមមាន លោក ហួន វ៉ាន់និត អភិបាលរងខេត្ត មន្ទីរជំនាញពាក់ព័ន្ធ តុលាការខេត្ត អាជ្ញាធរស្រុកស្ទោង អាជ្ញាធរឃុំចំណារក្រោម និងចំណាលើ។
ជាលទ្ធផលកិច្ចប្រជុំ ភាគីទាំងពីរបានទទួលយករាល់ដំណោះស្រាយ តាមការបន្តចាត់ចែងសម្របសម្រួលរបស់អាជ្ញាធរដែនដីខេត្តកំពង់ធំ និងបន្តអនុវត្តអោយមានប្រសិទ្ធភាពនូវកិច្ចសន្យាដែលបានយល់ព្រមរួមគ្នាកាលពីឆ្នាំ 2015 ។
