សិក្ខាសាលាពិគ្រោះយោបល់លើសេចក្តីព្រាងរបាយការណ៍រួមចុងក្រោយនៃគម្រោងបឹងទន្លេសាបកម្ពុជា និងបឹងសុងក្លាថៃ
ថ្ងៃ ព្រហស្បតិ៍ ១០ កើត ខែ មាឃ ឆ្នាំ ច សំរឹទ្ធស័ក ព.ស ២៥៦២ ត្រូវនឹងថ្ងៃទី ១៤ ខែ កុម្ភៈ ឆ្នាំ ២០១៩ នៅខេត្តសៀមរាប អាជ្ញាធរទន្លេសាប សហការជាមួយគណៈកម្មាធិការជាតិទន្លេមេគង្គកម្ពុជា បានរៀបចំសិក្ខាសាលាពិគ្រោះយោបល់ពិនិត្យលើសេចក្តីព្រាងរបាយការណ៍រួមចុងក្រោយនៃគម្រោងកិច្ចសហប្រតិបត្តិការផ្លាស់ប្តូរបទពិសោធន៍រវាងបឹងទន្លេសាបកម្ពុជា និងបឹងសុងក្លាថៃ ក្រោមការទ្រទ្រង់ថវិកាដោយធនាគារពិភពលោកតាមរយៈលេខាធិការដ្ឋានគណៈកម្មការទន្លេមេគង្គ។ សិក្ខាសាលានេះ ក៍មានទស្សកិច្ចសិក្សានៅតំបន់ព្រែកទាល់ ខេត្តបាត់ដំបង ដើម្បីស្វែងយល់អំពីទិដ្ឋភាពជាក់ស្តែងពិសេសធនធានធម្មជាតិ និងជីវភាពរស់នៅប្រចាំថ្ងៃរបស់ប្រជាជន។
