ការសិក្សាពីសេដ្ឋកិច្ចសង្គម និងការប្រើប្រាស់ធនធានធម្មជាតិផ្នែកជីវចម្រុះ
ថ្ងៃចន្ទ ១៣រោច ខែផល្គុន ដល់ថ្ងៃសុក្រ ៥កើត ខែចេត្រ ឆ្នាំ ច សំរិទ្ធស័ក ព.ស ២៥៦២ ត្រូវនឹងថ្ងៃទី ២ ដល់ ៥ខែមេសា ឆ្នាំ២០១៩ លោក ភេម ស៊ា ទីប្រឹក្សា អាជ្ញាធរទន្លេសាប បានដឹកនាំមន្ត្រីបច្ចេកទេសនៃនាយកដ្ឋាននីតិកម្ម និងផ្សព្វផ្សាយ បានបន្តចុះសិក្សាស្រាវជ្រាវពីស្ថានភាពសេដ្ឋកិច្ចសង្គមនឹងការប្រើប្រាស់ធនធានធម្មជាតិ ផ្នែកជីវចម្រុះ នៅតំបន់ស្នូលស្ទឹងសែន ខេត្តកំពង់ធំ សម្រាប់ខែ មេសា ឆ្នាំ ២០១៩។ ការសិក្សានេះ ស្ថិតក្នុងជំហាន ៣ បន្តពីការសិក្សានៅតំបន់ស្នូលទន្លេឆ្នា និងតំបន់ស្នូលព្រែកទាល់ ក្នុងគោលបំណង៖ ជីវភាពរស់របស់ប្រជាពលរដ្ឋនៅតំបន់ស្នូលពាក់ព័ន្ធនឹងផលចាប់ធនធានជលផល និងធ្វើបច្ចុប្បន្នភាពពីប្រភេទសត្វស្លាប សត្វល្មូន ថនិកសត្វ និងសិប្បិសត្វ។
