សកម្មភាពចូលរួមវគ្គបណ្តុះបណ្តាលស្តីពីគោលនយោបាយគ្រប់គ្រងផ្ទៃក្នុងនិងនីតិវិធីសវនកម្ម
នាថ្ងៃអង្គារ ០៤កើត ដល់ថ្ងៃ ព្រហស្បតិ៍ ០៦ កើត ខែពិសាខ ឆ្នាំកុរ ឯកស័ក ព.ស ២៥៦២ ត្រូវនឹងថ្ងៃទី ០៧ ដល់ថ្ងៃទី ០៩ ខែឧសភា ឆ្នាំ២០១៩ លោក សំឯល ហាគីម ប្រធាននាយកដ្ឋានរដ្ឋបាល ផែនការ និងសហប្រតិបត្តិការ នៃអាជ្ញាធរទន្លេសាប បានចូលរួមវគ្គបណ្តុះបណ្តាល ស្តីពី គោលនយោបាយគ្រប់គ្រងផ្ទៃក្នុង និង នីតិវិធីសវនកម្ម នៅទីស្តីការក្រសួងធនធានទឹក និងឧតុនិយម ក្រោមអធិបតីភាពឯកឧត្តម ប៊ុន ហ៊ាន រដ្ឋលេខាធិការ និងជាប្រធានក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈ ប្រចាំក្រសួងធនធានទឹក និងឧតុនិយម ។ វគ្គនេះមានគោលបំណងដើម្បីឲ្យថ្នាក់ដឹកនាំ និងមន្ត្រីរាជការ ទទួលបានការយល់ដឹងបន្ថែមកាន់តែច្បាស់ និងស៊ីជម្រៅអំពីគោលនយោបាយគ្រប់គ្រងផ្ទៃក្នុង ការគ្រប់គ្រងហានិភ័យរបស់សវនដ្ឋាន ពីនីតិវិធីសវនកម្ម និងពីភារកិច្ចរបស់សវនកម្មផ្ទៃក្នុង។
