សកម្មភាពមន្ត្រីបច្ចេកទេសចុះបង្ហោះដ្រូនផ្តិតយករូបភាពជាក់ស្តែងប្រជុំកោះជាច្រកលំហូរទឹកចូល-ចេញពីទន្លេសាបចូលក្នុងបឹងទន្លេសាប
សកម្មភាពមន្ត្រីបច្ចេកទេសទីវាល អគ្គលេខាធិការដ្ឋាន អាជ្ញាធរទន្លេសាប ចុះបង្ហោះដ្រូនផ្តិតយករូបភាពជាក់ស្តែងប្រជុំកោះជាច្រកលំហូរទឹកចូល-ចេញពីទន្លេសាបចូលក្នុងបឹងទន្លេសាប ស្ថិតក្នុងភូមិសាស្ត្រខេត្តកំពង់ឆ្នាំង បន្ទាប់ពីក្រុមការងារធ្វើការពិនិត្យ វិភាគ និងទាញយករូបភាពបឋមពីផ្កាយរណប ដើម្បីពិនិត្យបន្ថែម និងរៀបចំផែនទីរូបភាពឱ្យបានត្រឹមត្រូវ សម្រាប់ជាទឡ្ហីករណ៍ក្នុងការប្រើប្រាស់ និងវិភាគក្នុងការសិក្សារៀបចំឯកសារបច្ចេកទេសផ្សេងៗ។
សូមជម្រាបថា បឹងទន្លេសាប ដើរតួនាទីជាអាងស្តុកទឹកធំជាងគេរបស់ទន្លេមេគង្គ ដោយទទួលនូវរបបទឹកពីទន្លេមេគង្គនារដូវវស្សាចាប់ពីខែពាក់កណ្តាលឧសភា ដល់ពាក់កណ្តាលខែតុលា ដែលនាំយកមកនូវដីល្បាប់មានជីវជាតិមានប្រយោជន៍ជាជីសម្រាប់ដំណាំ ព្រមទាំងជួយទ្រទ្រង់ប្រព័ន្ធអេកូឡូស៊ី និងជីវៈចម្រុះរបស់បឹងផងដែរ៕
