នាថ្ងៃព្រហស្បតិ៍ ខែពិសាខ ឆ្នាំច សំរឹទ្ធិស័ក ព.ស ២៥៦២ ត្រូវនិងថ្ងៃទី ៣ ដល់ ៤ ខែឧសភា ឆ្នាំ ២០១៨ ឯកឧត្តម ខូវ មាស អគ្គលេខាធិការរង ចូលរួមកិច្ចប្រជុំប្រឹក្សាយោបល់ថ្នាក់តំបន់ ស្តីអំពីកម្មវិធី BRIDGE (Building River Dialogue and Governance) ក្រោមការគាំទ្រអង្គការ IUCN ។ កិច្ចប្រជុំនេះ ប្រព្រឹត្តទៅនាទីក្រុងបាងកក ប្រទេសថៃ ដែលមានសមាសភាពអញ្ជើញចូលរួមមកពីបណ្តាប្រទេសអនុតំបន់ទន្លេមេគង្គ រួមមាន ៖ កម្ពុជា វៀតណាម ឡាវ ថៃ និងប្រទេសភូមា ។ អង្គប្រជុំ បានពិភាក្សាអំពី SWOT Analysis និងការដកស្រង់បទពិសោធន៍នៃកម្មវិធី BRIDGE-3 ដែលបានអនុវត្តនាពេលកន្លងមកនៅតំបន់ 3S (សេកុង សេសាន ស្រែពក) ព្រមទាំងបានលើកគម្រោងផែនការសម្រាប់អនុវត្តកម្មវិធី BRIDGE ជំហ៊ាន 4 ជាបន្តទៀត សម្រាប់ឆ្នាំ2019 ដល់ 2021 ។