លោក ណៅ ណាតា អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារ ចុះសិក្សាស្រាវជ្រាវ តាមដាន វាយតម្លៃពីការកែច្នៃត្រី ស្ថិតនៅភូមិសាស្ត្រឃុំកោះជីវាំង ស្រុកឯកភ្នំ ខេត្តបាត់ដំបង
នាថ្ងៃសុក្រ ១៣កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី៩ ខែឧសភា ឆ្នាំ២០២៥ លោក ណៅ ណាតា អនុប្រធាននាយកដ្ឋានត្រួតពិនិត្យការធ្វេីអាជីវកម្ម និងអភិរក្ស បានដឹកនាំក្រុមការងារចុះសិក្សាស្រាវជ្រាវ តាមដាននិងវាយតម្លៃពីការកែច្នៃត្រី ស្ថិតនៅភូមិព្រែកទាល់ ភូមិអន្លង់តាអួរ ភូមិក្បាលតោល ភូមិកំពង់ប្រហុក និងភូមិថ្វាង ឃុំកោះជីវាំង ស្រុកឯកភ្នំ ខេត្តបាត់ដំបង។
ការចុះសិក្សានេះ ក្រុមការងារបានចុះជួបជាមួយ ៖
១. អាជ្ញាធរដែនដី និងស្ថាប័នពាក់ព័ន្ធ
២. សម្ភាសន៍ជាមួយប្រជាជនកែច្នៃត្រី
៣. សម្ភាសន៍ជាមួយអាជីវករទិញ-លក់ត្រីកែច្នៃ។
សូមជម្រាបជូនថា៖ សកម្មភាពចុះសិក្សាស្រាវជ្រាវ តាមដាន វាយតម្លៃពីការកែច្នៃត្រី គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ២០២៥ របស់អាជ្ញាធរទន្លេសាប។ សកម្មភាពខាងលើនេះ មានគោលបំណង៖
- តាមដានបរិមាណត្រីស្រស់ និងប្រភេទត្រីនៃការកែច្នៃ
- បច្ចេកទេសនៃការកែច្នៃតាមប្រភេទនីមួយៗ
- សិក្សាពីចរន្តទីផ្សារ
- សិក្សាពីផលប៉ះពាល់ បញ្ហាប្រឈម និងស្វែងរកដំណោះស្រាយ៕
