ការចុះសិក្សាស្រាវជ្រាវវាយតម្លៃការធ្វើដំណាំស្រូវប្រដេញទឹក(ស្រូវប្រាំង) ក្នុងតំបន់ 1 និងតំបន់ 2 ក្នុងខេត្តកំពង់ធំ
ឯកឧត្តម មាស អឿន ទីប្រឹក្សា អាជ្ញាធរទន្លេសាប បានដឹកនាំមន្ត្រីបច្ចេកទេស ចុះធ្វើការសិក្សាស្រាវជ្រាវ វាយតម្លៃស្រូវប្រាំង សម្រាប់ចងក្រងជាព័ត៌មានផ្នែកដំណាំកសិកម្ម តំបន់ជុំវិញបឹងទន្លេសាប នៅក្នុងតំបន់ 1 និងតំបន់ 2 នៃខេត្តកំពង់ធំ ចាប់ពីថ្ងៃទី 24 ដល់ថ្ងៃទី 28 ខែ វិច្ឆិកា ឆ្នាំ 2014 ។ ការចុះសិក្សាស្រាវជ្រាវនេះ មានគោលបំណងដើម្បីឲ្យដឹងពីប្រភេទពូជដំណាំស្រូវ វិធីសាស្ត្រដាំដុះ សត្វល្អិត ជំងឺបំផ្លាញ ទីផ្សារផលិតផល ការដឹកជញ្ជូន ការប្រើប្រាស់ជី ថ្នាំពុល បញ្ហាប្រឈមក្នុងដំណើរការដាំដុះ ដំណោះស្រាយ ប្រភពទឹកស្រោចស្រព និងប្រភេទដី និង សេដ្ចកិច្ចសង្គម។ ដំណើរការសិក្សាស្រាវជ្រាវនេះ ក្រុមការងារបានជួបប្រជុំជាមួយអាជ្ញាធរភូមិ-ឃុំ/ស្រុក និងធ្វើសម្ភាសន៍ជាមួយប្រជាកសិករធ្វើស្រូវប្រដេញទឹក (ស្រូវប្រាំង) ព្រមទាំងជីកដីដើម្បីពិនិត្យមើលប្រភេទដី (Soil Texture) ការពិពណ៌នាអំពី ប្រូហ្វីលដី និងការយកសំណាកដីធ្វើពិសោធន៍ ។
