សកម្មភាពចូលរួមសិក្ខាសាលាស្តីពី ថវិកាកម្មវិធី (PB) និងអង្គភាពថវិកា (BE)
រយៈពេល ៣ ថ្ងៃ គិតចាប់ពីថ្ងៃទី ១៨ ដល់ថ្ងៃទី ២០ ខែមីនា ឆ្នាំ២០១៥នេះ លោក សរ គឹមសាន្ត ប្រធាននាយកដ្ឋានរដ្ឋបាល ផែនការ និងសហប្រតិបត្តិការ នៃអាជ្ញាធរទន្លេសាប និងមន្ត្រីជំនាញ បានអញ្ជើញចូលរួមក្នុងសិក្ខាសាលា ស្តីពី ថវិកាកម្មវិធី (PB) និងអង្គភាពថវិកា (BE) ដែលរៀបចំដោយក្រសួងធនធានទឹក និងឧតុនិយម សហការជាមួយជំនាញការ ADB TA 0222-CAM ក្រោមអធិបតីភាព ឯកឧត្តម ចាន់ យុត្ថា អគ្គាធិការ និងជាប្រធានក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈប្រចាំក្រសួងធនធានទឹក និងឧតុនិយម ដែលបានប្រព្រឹត្តទៅនៅភោជនីយដ្ឋាន ទន្លេបាសាក់ II រាជធានីភ្នំពេញ។ សិក្ខាសាលានេះរៀបចំឡើងក្នុងគោលបំណងទទួលយកចំណេះដឹង និងបទពិសោធន៍ ដើម្បីអនុវត្តថវិកាកម្មវិធីដែលនឹងដាក់ឲ្យដំណើរការដោយក្រសួងសេដ្ឋកិច្ច និងហិរញ្ញវត្ថុ ក្នុងឆ្នាំ ២០១៦ ខាងមុខ។
