សកម្មភាពទូទៅ

ឯកឧត្តម ជា សុខនី ចូលរួមកិច្ចប្រជុំពិភាក្សាលើការរៀបផែនការមេនៃភាពធន់របស់អាងទន្លេក្នុងព្រះរាជាណាចក្រកម្ពុជា

2025-04-30T14:10:31+00:00

នាសាលប្រជុំទីស្នាក់ការធនាគារអភិវឌ្ឍន៍អាស៊ី (ADB Meeting Room) នារសៀលថ្ងៃអង្គារ ៣កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៩ ខែមេសា ឆ្នាំ២០២៥ ដោយមានការអនុញ្ញាតពីថ្នាក់ដឹកនាំអាជ្ញាធរទន្លេសាប ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានដឹកនាំក្រុមការងារនាយកដ្ឋានធនធានធម្មជាតិ និងនាយកដ្ឋានត្រួតពិនិត្យ ការធ្វើអាជីវកម្ម និងអភិរក្ស នៃអាជ្ញាធរទន្លេសាប ចូលរួមកិច្ចប្រជុំពិភាក្សាលើការរៀបផែនការមេនៃភាពធន់របស់អាងទន្លេក្នុងព្រះរាជាណាចក្រកម្ពុជា។

គោលបំណងនៃកិច្ចប្រជុំបានពិភាក្សាអំពី៖

១. សាវតា វឌ្ឍនភាព និងយន្តការការងារ របស់ក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ដែលចែកជា ៣ ដំណាក់កាលទី១). ក្នុងអាងទន្លេសាប, ទី២). ក្នុងអាងទន្លេមេគង្គលើ និងទី៣). ក្នុងតំបន់ទន្លេមេគង្គក្រោម និងតំបន់មាត់សមុទ្រ។

២. ពិភាក្សារៀបចំជាយន្តការវិស័យធនធានទឹក សេដ្ឋកិច្ច សង្គម និងការងារគ្រប់គ្រងនៅតំបន់អាងទន្លេមេគង្គ អាងទន្លេសាប និងតំបន់មាត់សមុទ្រសម្រាប់រយៈពេលខ្លី (ឆ្នាំ២០២៦-២០៣០) រយៈពេលមធ្យម (ឆ្នាំ២០៣១-២០៥០) និងរយៈពេលវែង (ឆ្នាំ២០៥១-២០៧០) ដើម្បីកសាងផែនការមេ ជាពិសេសតំបន់អាងទន្លេសាបក្នុងដំណាក់កាលទី១ ។

៣. ប្រមូលមតិយោបល់ពីអង្គប្រជុំ ដែលជាធាតុចូលសម្រាប់កែលម្អ និងធ្វើឱ្យប្រសើរឡើងនូវទិសដៅរៀបចំជាយន្តការវិស័យធនធានទឹក សេដ្ឋកិច្ច សង្គម និងការងារគ្រប់គ្រងនៅពេលអនាគត៕

ឯកឧត្តម សរ គឹមសាន្ត បានដឹកនាំក្រុមការងារបច្ចេកទេសអាជ្ញាធរទន្លេសាប ចុះពិនិត្យស្ថានភាពទីតាំងជាក់ស្តែង ដែលដំណើរការជីកកាយស្តាបាតអាងទឹកយកអាចម៍ដីខេត្តសៀមរាប

2025-04-30T13:51:26+00:00

ដោយទទួលបានការណែនាំដ៏ខ្ពង់ខ្ពស់ពីឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នារសៀលថ្ងៃអង្គារ ៣កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៩ ខែមេសា ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំក្រុមការងារបច្ចេកទេសអាជ្ញាធរទន្លេសាប ដោយមានកិច្ចសហការចូលរួមពីតំណាងក្រសួងធនធានទឹក និងឧតុនិយម តំណាងមន្ទីរធនធានទឹក និងឧតុនិយម ខេត្តសៀមរាប ចុះពិនិត្យស្ថានភាពទីតាំងជាក់ស្តែង ដែលដំណើរការជីកកាយស្តាបាតអាងទឹកយកអាចម៍ដី របស់ក្រុមហ៊ុនលោក សេង មង្គល ក្នុងតំបន់២ ស្ថិតក្នុងភូមិសាស្ត្រ សង្កាត់ស្រង៉ែ ក្រុងសៀមរាប ខេត្តសៀមរាបដែលមានទំហំ ៣០ ៧៥០០ ម៉ែត្រការ៉េ ជាប្រភេទអាជីវកម្មជីកអាចម៍ដី។

ក្រុមការងារបានពិនិត្យ និងណែនាំបន្ថែមពីបទដ្ឋានច្បាប់ និងបទដ្ឋានបច្ចេកទេសដែលតម្រូវឱ្យក្រុមហ៊ុនអនុវត្តន៍ ដូចជា ការកែលម្អអាង ស្តង់ដាជម្រៅ និងការរក្សាព្រៃលិចទឹកក្នុងបរិវេណការដ្ឋានដែលបានកំណត់ជាដើម។ ល។ សូមបញ្ជាក់ជូនថា ក្រុមហ៊ុនមួយចំនួនកំពុងប្រតិបត្តិការជីកស្តាអាងទឹកជាប់ទំនប់ ៧៨ ក្នុងភូមិសាស្ត្រនេះ មានតំណាងឈ្មោះ : ១. ហ៊ួ តុងហ៊ុយ ២. សេង មង្គល ៣. អេង សុខហ្គិច... ៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន ប្រជុំពិភាក្សាបច្ចេកទេសអន្តរក្រសួងលើរបាយការណ៍បច្ចុប្បន្នភាពស្តីពី ការកំណត់តំបន់ការពារ និងអភិវឌ្ឍន៍ប្រភពទឹកបឹងទន្លេសាប សម្រាប់ផ្គត់ផ្គង់ទឹកស្

2025-04-30T13:37:02+00:00

នាថ្ងៃអង្គារ ៣កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៩ ខែមេសា ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័នពាក់ព័ន្ធ មន្ត្រីក្រុមការងារបច្ចេកទេសអាជ្ញាធរទន្លេសាប និងមន្ត្រីរដ្ឋាករទឹកស្វយ័តខេត្តសៀមរាប ប្រជុំពិភាក្សាលើរបាយការណ៍បច្ចុប្បន្នភាពស្តីពីការកំណត់តំបន់ការពារ និងអភិវឌ្ឍន៍ប្រភពទឹក ស្ថិតនៅក្នុងអាង នៃបឹងទន្លេសាប សម្រាប់ផ្គត់ផ្គង់ទឹកស្អាត ក្នុងក្រុងសៀមរាប និងតំបន់ជុំវិញ ខេត្តសៀមរាប។

អង្គប្រជុំបានពិនិត្យ និងពិភាក្សាបច្ចេកទេសលម្អិតជាមួយមន្ត្រីរដ្ឋាករទឹកស្វយ័តសៀមរាប និងមន្ត្រីបច្ចេកទេសអង្គភាពជំនាញពាក់ព័ន្ធ លើរបាយការណ៍បច្ចុប្បន្នភាពរបស់រដ្ឋាករទឹក និងបានគិតគូរដល់ផលប៉ះពាល់ ដែលអាចកើតមានដោយសារការកំណត់ទីតាំង និងទំហំតំបន់ការពារ និងអភិវឌ្ឍន៍ប្រភពទឹក និងពិនិត្យអំពីប្រភពបំពុលគុណភាពទឹក ផលប៉ះពាល់លម្ហនេសាទសាធារណៈ និងចរាចរណ៍ឆ្លងកាត់។

សូមជម្រាបជូនថា យុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា (មនុស្ស ផ្លូវ ទឹក ភ្លើង និងបច្ចេកវិទ្យា) ក្នុងនោះតម្រូវការក្នុងការប្រើប្រាស់ទឹកលើគ្រប់វិស័យដែលបឹងទន្លេសាបមានតួនាទីសំខាន់ រួមជាមួយបណ្តាដៃអាងស្ទឹងទាំង ១១ នៅជុំវិញបឹងទន្លេសាប ជាពិសេសតម្រូវការលើផ្នែកកសិកម្ម និងការផ្គត់ផ្គង់ទឹកស្អាត ព្រមទាំងបានគិតគូរពីបញ្ហាប្រឈមនានាមកលើបឹងទន្លេសាបក្នុងពេលបច្ចុប្បន្ន រួមទាំងកត្តាប្រែប្រួលអាកាសធាតុនាពេលអនាគតផងដែរ។

អង្គប្រជុំបានឯកភាពគ្នាជាគោលការណ៍កម្រិតបច្ចេកទេសឈានទៅដល់ការរៀបចំសេចក្តីព្រៀងកំណត់តំបន់ការពារប្រភពទឹក និងស្នើឱ្យរដ្ឋាករទឹកស្វយ័តសៀមរាប ធ្វើការវិភាគគុណភាពទឹកអណ្តូងដែលនៅជិតស្ថានីយបូមទឹកឆៅបឹងទន្លេសាបលើប៉ារ៉ាម៉ែត្រសំខាន់ៗ និងរៀបចំជារបាយការណ៍ និងបែបបទបច្ចេកទេសជាជម្រើសជូនថ្នាក់ដឹកនាំ និងប្រមុខរាជរដ្ឋាភិបាលសម្រេច៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាបចុះពិនិត្យស្ថានភាពដំណើរការកាយដីចេញពីទន្លេសាប ដែលក្រុមហ៊ុនបានចាក់ដីចូល

2025-04-30T13:12:50+00:00

នារសៀលថ្ងៃចន្ទ ២កើត ខែពិសាខ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៨ ខែមេសា ឆ្នាំ២០២៥ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញចូលរួមជាមួយ ឯកឧត្តម អ៊ុក វុទ្ធី អនុរដ្ឋលេខាធិការ និងឯកឧត្តម យិន ងួងកូលេនីន អនុរដ្ឋលេខាធិការនៃក្រសួងធនធានទឹក និងឧតុនិយម ដើម្បីចុះពិនិត្យស្ថានភាពដំណើរការ នៃការអនុវត្តរបស់ក្រុមហ៊ុនអានកូ វីធើរ សឹបផ្លាយ ស្របតាមខ្លឹមសារស្មារតីអង្គប្រជុំដែលបានឯកភាព និងសម្រេច កាលពីថ្ងៃទី២២ ខែមេសា ឆ្នាំ២០២៥ ដោយធ្វើការកាយដីចេញពីទន្លេសាប ដែលក្រុមហ៊ុនបានចាក់ដីចូលក្នុងទន្លេសាបសម្រាប់ផលិតទឹកស្អាត ស្ថិតក្នុងភូមិសាស្ត្រភូមិទី១ សង្កាត់ខ្សាម និងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង៕

ថ្នាក់ដឹកនាំ អាជ្ញាធរទន្លេសាប ចុះអធិការកិច្ចដែនព្រៃលិចទឹក និងព្រៃលិចទឹក តំបន់៣ ខេត្តបន្ទាយមានជ័យ

2025-04-25T12:57:52+00:00

ទទួលបានការចង្អុលបង្ហាញដ៏ខ្ពង់ខ្ពស់ពីឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នាថ្ងៃព្រហស្បតិ៍ ១២រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៤ ខែមេសា ឆ្នាំ២០២៥ ថ្នាក់ដឹកនាំ និងមន្ត្រីបច្ចេកទេស ក្រោមឱវាទអាជ្ញាធរទន្លេសាប ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានបន្តចុះធ្វើអធិការកិច្ចដែនព្រៃលិចទឹក និងព្រៃលិចទឹកតំបន់៣ ស្ថិតក្នុងភូមិសាស្ត្រស្រុកចំនួន ២ ស្ថិតក្រោមផ្លូវជាតិលេខ ៦ និងផ្លូវជាតិលេខ ៥ នៃខេត្តបន្ទាយមានជ័យ ជាប់តំបន់បឹងទន្លេសាប ។

នៅក្នុងដំណើរចុះបេសកកម្មអធិការកិច្ចខាងលើនេះ ត្រូវបានធ្វើការបែងចែកក្រុមការងារទទួលមុខព្រួញ ដូចខាងក្រោម :
១. ឯកឧត្តម ហ៊ែល តូនី អនុប្រធានក្តាប់រួម ទទួលចុះអធិការកិច្ច ស្រុកព្រះនេត្រព្រះ ឃុំភ្នំលៀប ជាប់តំបន់៣
២. ឯកឧត្តម សរ គឹមសាន្ត អគ្គលេខាធិការ ទទួលចុះអធិការកិច្ច ស្រុកព្រះនេត្រព្រះ ឃុំប្រាសាទ ជាប់តំបន់៣
៣. ឯកឧត្តម ជា សុខនី អគ្គលេខាធិការរង ទទួលចុះអធិការកិច្ចស្រុកមង្គលបូរី ឃុំសំបួរ ជាប់តំបន់៣។

សូមជម្រាបថា ៖ ការចុះអធិការកិច្ចរបស់អាជ្ញាធរទន្លេសាប បានពិនិត្យ និងរកឃើញថា សកម្មភាពនៃការចូលទៅបន្តអាស្រ័យផលរបស់ប្រជាពលរដ្ឋ និងកាប់ទន្ទ្រានដីព្រៃលិចទឹកក្នុងតំបន់៣ ពីសំណាក់ជនខិលខូច ត្រូវបានកាត់បន្ថយមួយកម្រឹត គួរឱ្យកត់សំគាល់ តាមរយៈនៃយន្តការការងារដ៏តឹងរឹង និងម៉ឺងមាត់ ក្នុងការទទួលខុសត្រូវ ចំពោះការការពារ ទប់ស្កាត់ និងផ្សព្វផ្សាយពីកិច្ចសហការរបស់ក្រសួងស្ថាប័នជំនាញថ្នាក់ជាតិ ថ្នាក់ខេត្ត និងថ្នាក់មូលដ្ឋាន ជាពិសេសថ្នាក់ដឹកនាំប្រមុខរាជរដ្ឋាភិបាល និតិកាលទី៧ នៃរដ្ឋសភា ។

ជារួម ភូមិសាស្ត្ររដ្ឋបាលដែនដីស្ថិតក្រោមផ្លូវជាតិលេខ ៦ និងផ្លូវជាតិលេខ ៥ នៃខេត្តបន្ទាយមានជ័យ មានស្រុកចំនួន ២ និងឃុំចំនួន ៣ ជាប់នឹងផ្ទៃដីដែនព្រៃលិចទឹកតំបន់៣ នៃបឹងទន្លេសាប ។ ផ្ទៃដីក្នុងភូមិសាស្ត្រខេត្តបន្ទាយមានជ័យ ជាប់នឹងតំបន់បឹងទន្លេសាបសរុបរួមប្រមាណ ១០៨ ៤៩៧.៤១ ហត ក្នុងនោះរួមមាន : តំបន់១ ចំនួន ៦៩ ៦៤៤.៦៦ ហត, តំបន់២ ចំនួន ៣០ ១២៤.៨៨ ហត, តំបន់៣ ចំនួន ៨ ៧២៧.៨៧ ហត និងមានបង្គោលព្រំតំបន់៣ ថ្មីចំនួន ៤៧ បង្គោល បានបោះរួចរាល់៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំក្រុមការងារមន្ត្រីបច្ចេកទេស ចុះពិនិត្យ ជួបសំណេះសំណាល និងសិក្សាស្វែងយល់ពីជីវភាពរស់នៅរបស់ប្រជាពលរដ្ឋបាននឹងកំពុងទទួលសិទ្ធិអាស្រ័យផលក្នុងតំបន់២

2025-04-24T22:42:03+00:00

រសៀលថ្ងៃពុធ ១១រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែមេសា ឆ្នាំ២០២៥ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំក្រុមការងារមន្ត្រីបច្ចេកទេស អគ្គលេខាធិការដ្ឋានអាជ្ញាធរទន្លេសាប ចុះពិនិត្យ ជួបសំណេះសំណាល និងសិក្សាស្វែងយល់ពីជីវភាពរស់នៅរបស់ប្រជាពលរដ្ឋបាននឹងកំពុងទទួលសិទ្ធិអាស្រ័យផលក្នុងតំបន់២ ដែលប្រកបមុខរបបធ្វើស្រែ និងកសិដ្ឋានចិញ្ចឹមសត្វ ដើម្បីផ្គត់ផ្គង់ជីវភាព ស្ថិតនៅក្នុងភូមិសាស្ត្រឃុំតាម៉ឺន ស្រុកថ្មគោល ខេត្តបាត់ដំបង។ ក្នុងគោលបំណងជំរុញការលើកទឹកចិត្តដល់ប្រជាពលរដ្ឋ និងម្ចាស់កសិដ្ឋាន ចូលរួមការពារថែរក្សា គ្រប់គ្រង និងអភិរក្សធនធានធម្មជាតិតំបន់បឹងទន្លេសាប និងផ្តល់ការគាំទ្រលើការបង្កើតមុខរបរបន្ថែម ដោយមិនបង្កផលប៉ះពាល់ជាអវិជ្ជមានមកលើធនធានបឹងទន្លេសាប ដើម្បីបង្កើនប្រាក់ចំណូលដល់គ្រួសារ និងសហគមន៍៕

ថ្នាក់ដឹកនាំ អាជ្ញាធរទន្លេសាប ចុះអធិការកិច្ចដែនព្រៃលិចទឹក និងព្រៃលិចទឹក តំបន់៣ ខេត្តបាត់ដំបង

2025-04-24T22:31:57+00:00

ទទួលបានការចង្អុលបង្ហាញដ៏ខ្ពង់ខ្ពស់ពីឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នាថ្ងៃពុធ ១១រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែមេសា ឆ្នាំ២០២៥ ថ្នាក់ដឹកនាំ និងមន្ត្រីបច្ចេកទេស ក្រោមឱវាទអាជ្ញាធរទន្លេសាប ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានបន្តចុះធ្វើអធិការកិច្ចដែនព្រៃលិចទឹក និងព្រៃលិចទឹកតំបន់៣ ស្ថិតក្នុងភូមិសាស្ត្រស្រុកចំនួន ៤ ក្រោមផ្លូវជាតិលេខ ៥ នៃខេត្តបាត់ដំបង ជាប់តំបន់បឹងទន្លេសាប ។

នៅក្នុងដំណើរចុះបេសកកម្មអធិការកិច្ចខាងលើនេះ ត្រូវបានធ្វើការបែងចែកក្រុមការងារទទួលមុខព្រួញ ដូចខាងក្រោម :
១. ឯកឧត្តម ហ៊ែល តូនី អនុប្រធានក្តាប់រួម ទទួលចុះអធិការកិច្ច ស្រុកថ្មគោល មាន ៤ឃុំ ជាប់តំបន់៣
២. ឯកឧត្តម ម៉ៅ ហាក់ អនុប្រធាន ទទួលចុះអធិការកិច្ច ស្រុកមោងឫស្សី មាន ៥ឃុំ ជាប់តំបន់៣
៣. ឯកឧត្តម សរ គឹមសាន្ត អគ្គលេខាធិការ ទទួលចុះអធិការកិច្ច ស្រុកសង្កែ មាន ៤ឃុំ ជាប់តំបន់៣
៤. ឯកឧត្តម ជា សុខនី អគ្គលេខាធិការរង ទទួលចុះអធិការកិច្ចស្រុកឯកភ្នំ មាន ៣ឃុំ ជាប់តំបន់៣។

សូមជម្រាបថា ៖ ការចុះអធិការកិច្ចរបស់អាជ្ញាធរទន្លេសាប បានពិនិត្យ និងរកឃើញថា សកម្មភាពនៃការចូលទៅបន្តអាស្រ័យផលរបស់ប្រជាពលរដ្ឋ និងកាប់ទន្ទ្រានដីព្រៃលិចទឹកក្នុងតំបន់៣ ពីសំណាក់ជនខិលខូច ត្រូវបានកាត់បន្ថយមួយកម្រឹត គួរឱ្យកត់សំគាល់ តាមរយៈនៃយន្តការការងារដ៏តឹងរឹង និងម៉ឺងមាត់ ក្នុងការទទួលខុសត្រូវ ចំពោះការការពារ ទប់ស្កាត់ និងផ្សព្វផ្សាយពីកិច្ចសហការរបស់ក្រសួងស្ថាប័នជំនាញថ្នាក់ជាតិ ថ្នាក់ខេត្ត និងថ្នាក់មូលដ្ឋាន ជាពិសេសថ្នាក់ដឹកនាំប្រមុខរាជរដ្ឋាភិបាល នីតិកាលទី៧ នៃរដ្ឋសភា ។

ជារួមភូមិសាស្ត្ររដ្ឋបាលដែនដីស្ថិតក្រោមផ្លូវជាតិលេខ ៥ នៃខេត្តបាត់ដំបង មានស្រុកចំនួន ៤ និងឃុំចំនួន ១៦ ជាប់នឹងផ្ទៃដីដែនព្រៃលិចទឹកតំបន់៣ នៃបឹងទន្លេសាប។ ផ្ទៃដីក្នុងភូមិសាស្ត្រខេត្តបាត់ដំបង ជាប់នឹងតំបន់បឹងទន្លេសាបសរុបរួមប្រមាណ ៣៣៨ ០៤៧.៨៦ ហត ក្នុងនោះរួមមាន : តំបន់១ ចំនួន ៨៥ ១៦៣.២៩ ហត, តំបន់២ ចំនួន ៥៨ ៤២៨.១៧ ហត, តំបន់៣ ចំនួន ១៩៤ ៤៥៦.៤០ ហត និងមានបង្គោលព្រំតំបន់៣ ថ្មីចំនួន ១៧១ បង្គោល បានបោះរួចរាល់៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាបចុះជួបសំណេះសំណាល ពិនិត្យ និងសិក្សាស្វែងយល់ជាមួយសហគមន៍នេសាទស្តីក្រោម-រហាលសួង (តំបន់អភិរក្សរាំងពេន៣ត)

2025-04-24T05:17:21+00:00

រសៀលថ្ងៃអង្គារ ១០រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែមេសា ឆ្នាំ២០២៥ ថ្នាក់ដឹកនាំ អគ្គលេខាធិការដ្ឋាននៃអាជ្ញាធរទន្លេសាប ដឹកនាំដោយឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ចុះជួបសំណេះសំណាល ពិនិត្យ និងសិក្សាស្វែងយល់ជាមួយសហគមន៍នេសាទស្តីក្រោម-រហាលសួង (តំបន់អភិរក្សរាំងពេន៣ត) និងការទ្រទ្រង់ជីវភាពរស់នៅរបស់ប្រជាជននៅតាមដងស្ទឹងសង្កែប្រកបរបរស្រែចំការ ស្ថិតក្នុងភូមិសាស្ត្រឃុំព្រែកហ្លួង ស្រុកឯកភ្នំ ខេត្តបាត់ដំបង។ ក្នុងគោលបំណងជំរុញលើកទឹកចិត្ត ដល់សហគមន៍ និងប្រជាពលរដ្ឋមូលដ្ឋាន ចូលរួមការពារថែរក្សា គ្រប់គ្រង និងអភិរក្សធនធានធម្មជាតិតំបន់បឹងទន្លេសាប និងផ្តល់ការគាំទ្រលើការបង្កើតមុខរបរបន្ថែម ដោយមិនបង្កផលប៉ះពាល់ជាអវិជ្ជមានមកលើធនធានបឹងទន្លេសាប ដើម្បីបង្កើនប្រាក់ចំណូលដល់គ្រួសារ និងសហគមន៍៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប អញ្ជើញចូលរួមកិច្ចប្រជុំអន្តរក្រសួងរបស់ក្រុមការងារពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់បឹងទន្លេសាប ក្នុងភូមិសាស្ត្រ ខេត្តកំពង់ឆ្នាំង

2025-04-24T05:11:13+00:00

នាព្រឹកថ្ងៃអង្គារ ១០រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែមេសា ឆ្នាំ២០២៥ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប និងមន្ត្រីក្រុមការងារ បានចូលរួមកិច្ចប្រជុំក្រុមការងារពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់បឹងទន្លេសាប ក្នុងភូមិសាស្ត្រខេត្តកំពង់ឆ្នាំង ដឹកនាំដោយ ឯកឧត្តម ស្រ៊ុន ដារិទ្ធិ រដ្ឋលេខាធិការ ក្រសួងដែនដី នគរូបនីយកម្ម និងសំណង់ និងជាប្រធានក្រុមការងារប្រតិបត្តិប្រចាំខេត្តកំពង់ឆ្នាំង។

គោលបំណងនៃកិច្ចប្រជុំ៖
- ការធ្វើបទបង្ហាញ អំពីទិន្នន័យ ព័ត៌មានដែលប្រមូលបាន របស់បណ្តាស្រុកទាំង៦ ជាប់ពាក់ព័ន្ធនឹងតំបន់ទន្លេសាប
- ពិនិត្យមើលអំពីសក្តានុពល ការប្រកបមុខរបរ និងការប្រើប្រាស់ដីក្នុងតំបន់១ តំបន់២ និងតំបន់៣
- បញ្ហាប្រឈម និងសំណូមពរផ្សេងៗដែលកើតមាននៅក្នុងតំបន់នីមួយៗ។

អង្គប្រជុំបានពិភាក្សាផ្លាស់ប្តូរយោបល់ និងផ្តល់ជាធាតុចូលលើវិធីសាស្ត្រនៃការប្រមូលទិន្នន័យ ដើម្បីធ្វើឱ្យទិន្នន័យដែលប្រមូលបាន មានសុក្រឹតភាព និងយកមកប្រើប្រាស់បាន។ ឯកឧត្តមប្រធានអង្គប្រជុំ បានស្នើឱ្យគ្រប់ស្រុកទាំងអស់ បូកសរុប និងបំពេញបន្ថែមនូវព័ត៌មានដែលចាំបាច់ ដោយធ្វើការពិនិត្យផ្ទៀងផ្ទាត់ ទិន្នន័យបឋម ដែលខ្វះចន្លោះ នៅតាមបណ្តាភូមិ ឃុំ ស្រុកទាំង៦ ដែលជាប់តំបន់បឹងទន្លេសាប ស្នើឱ្យស្រុករៀបចំទិន្នន័យនៃការប្រើប្រាស់ដី និងធ្វើផែនទីបង្ហាញអំពីទីតាំងនីមួយៗ និងបានស្នើឱ្យស្រុកទាំង៦ បន្តប្រមូលទិន្នន័យដោយសហការជាមួយស្ថាប័នពាក់ព័ន្ធ ដោយក្រុមការងារអន្តរក្រសួងនឹងចុះសិក្សា ពិនិត្យ និងវាយតម្លៃផ្ទាល់នៅតាមតំបន់នានានៃភូមិសាស្ត្រស្រុកទាំង៦ នៃខេត្តកំពង់ឆ្នាំង ដែលជាប់ពាក់ព័ន្ធតំបន់១ តំបន់២ និងតំបន់៣៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាបបានដឹកនាំមន្ត្រីបច្ចេកទេសប្រជុំពិនិត្យនិងពិភាក្សារកដំណោះស្រាយករណីចាក់ដីចូលក្នុងទន្លេសាប

2025-04-22T16:07:32+00:00

ដោយទទួលបានការណែនាំចង្អុលបង្ហាញដ៏ខ្ពង់ខ្ពស់ពី ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នាព្រឹកថ្ងៃអង្គារ ១០រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែមេសា ឆ្នាំ២០២៥ នៅសាលាខេត្តកំពង់ឆ្នាំង ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប រួមជាមួយ ឯកឧត្តម អ៊ុក វុទ្ធី អនុរដ្ឋលេខាធិការក្រសួងធនធានទឹក និងឧតុនិយម អមដំណើរដោយ ឯកឧត្តមអគ្គលេខាធិការ អគ្គលេខាធិការរង អាជ្ញាធរទន្លេសាប បានដឹកនាំមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប ដោយមានកិច្ចសហការចូលរួមពី ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង មន្ទីរជំនាញ តំណាងក្រុមហ៊ុនទឹកស្អាត ប្រជុំពិនិត្យ និងពិភាក្សារកដំណោះស្រាយករណីចាក់ដីចូលក្នុងទន្លេសាប ស្ថិតក្នុងភូមិសាស្ត្រភូមិទី១ សង្កាត់ខ្សាម និងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។

សូមជម្រាបជូនថា: កាលពីថ្ងៃ១៩ ខែមេសា ឆ្នាំ ២០២៥ ដែលក្រុមការងារថ្នាក់ជាតិ និងថ្នាក់ខេត្ត បានចុះពិនិត្យដល់ទីតាំងជាក់ស្តែង និងប្រជុំពិភាក្សាដោះស្រាយចំពោះករណីក្រុមហ៊ុនទឹកស្អាត ដែលបានចាក់ដីបំពានចូលទន្លេសាប ដែលជាបទល្មើស មានចែងក្នុងបទប្បញ្ញត្តិក្នុងមាត្រាទី ១២ និងមាត្រាទី ៣៦ នៃច្បាប់ ស្តីពីការគ្រប់គ្រងធនធានទឹកនៅក្នុងព្រះរាជាណាចក្រកម្ពុជា។ នៅថ្ងៃ២១ ខែមេសា ឆ្នាំ២០២៥ ក្រុមការងារបច្ចេកទេសអាជ្ញាធរទន្លេសាប ក៏បានប្រជុំពិភាក្សាជាមួយក្រុមការងារបច្ចេកទេសក្រសួងធនធានទឹក និងឧតុនិយម ដើម្បីពិនិត្យលក្ខណៈបច្ចេកទេសបន្ថែមឱ្យបានហ្មត់ចត់មុននឹងប្រជុំសម្រេច ការពារកុំឱ្យបង្កផលប៉ះពាល់ជាអវិជ្ជមានដល់លំហូរទឹកធម្មជាតិ និងប្រព័ន្ធអេកូឡូស៊ីរបស់ទន្លេសាប។

ជាលទ្ធផលអង្គប្រជុំនៅថ្ងៃទី២២ ខែមេសា ឆ្នាំ២០២៥ បានសម្រេច និងឯកភាពគ្នាដូចខាងក្រោម:
១. ឱ្យក្រុមហ៊ុនទឹកស្អាត ធ្វើការកាយដីទំនប់យកអាចម៌ដីចេញពីទន្លេសាបវិញស្របតាមច្បាប់ និងលក្ខណៈបច្ចេកទេស
២. ក្រុមហ៊ុនស្នើសុំរយៈពេល ១៥ ថ្ងៃ ដោយក្រុមហ៊ុននឹងធ្វើការកាយចេញជាបណ្តេីរៗក្នុងរយៈពេលពេល ៧ ថ្ងៃ ចាប់ពីពេលនេះទៅ និងរៀបចំប្លង់បច្ចេកទេសតាមការចង្អុលបង្ហាញរបស់ក្រសួង និងមន្ទីរពាក់ព័ន្ធ និង
៣. ក្រុមហ៊ុនទឹកស្អាតត្រូវស្នើសុំទៅក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដេីម្បីកំណត់ទីតាំងបូមទឹកឆៅក្នុងការផលិតទឹកស្អាត ដោយមានការចូលរួមពីក្រសួងធនធានទឹក និងឧតុនិយម អាជ្ញាធរទន្លេសាប និងរដ្ឋបាលខេត្តកំពង់ឆ្នាំង ស្របតាមច្បាប់ជាធរមាន៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាបដឹកនាំមន្ត្រីបច្ចេកទេសចុះពិនិត្យករណីចាក់ដីចូលក្នុងទន្លេសាបខេត្តកំពង់ឆ្នាំង

2025-04-20T11:12:22+00:00

ដោយទទួលបានការណែនាំដ៏ខ្ពង់ខ្ពស់ពី ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នាព្រឹកថ្ងៃសៅរ៍ ៧រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែមេសា ឆ្នាំ២០២៥ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប រួមជាមួយ ឯកឧត្តម អ៊ុក វុទ្ធី អនុរដ្ឋលេខាធិការ និងឯកឧត្តម លី ស៊ីណូ អនុរដ្ឋលេខាធិការនៃក្រសួងធនធានទឹក និងឧតុនិយម អមដំណើរដោយ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំមន្ត្រីបច្ចេកទេសនៃអគ្គលេខាធិការដ្ឋានអាជ្ញាធរទន្លេសាប ដោយមានកិច្ចសហការចូលរួមពី ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង រួមជាមួយមន្ទីរជំនាញ អាជ្ញាធរក្រុង-សង្កាត់ និងកងកម្លាំងសមត្ថិកិច្ចរដ្ឋបាលមូលដ្ឋានសង្កាត់ខ្សាម និងសង្កាត់ផ្សារឆ្នាំង ចុះពិនិត្យករណីចាក់ដីចូលក្នុងទន្លេសាប ស្ថិតក្នុងភូមិសាស្ត្រភូមិទី១ សង្កាត់ខ្សាម និងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង។

សូមបញ្ជាក់ជូនថា: ក្រុមការងារថ្នាក់ជាតិ និងថ្នាក់ខេត្ត បានចុះពិនិត្យដល់ទីតាំងជាក់ស្តែង និងប្រជុំពិភាក្សាដោះស្រាយចំពោះករណីក្រុមហ៊ុនទឹកស្អាត បានចាក់ដីបំពានចូលទន្លេសាប ដែលបង្កផលប៉ះពាល់ជាអវិជ្ជមានដល់លំហូរទឹកធម្មជាតិរបស់ទន្លេសាប ហើយជាបទល្មើស បានចែងក្នុងបទបញ្ញត្តិនៅក្នុងមាត្រាទី ១២ និងមាត្រាទី ៣៦ នៃច្បាប់ ស្តីពីការគ្រប់គ្រងធនធានទឹកនៅក្នុងព្រះរាជាណាចក្រកម្ពុជា។

ជាមួយនេះដែរ អង្គប្រជុំក៏បានសម្រេច នឹងរៀបចំកិច្ចប្រជុំពិភាក្សាលម្អិតជាលក្ខណៈបច្ចេកទេសនៅសប្តាហ៍ក្រោយជាមួយក្រសួង ស្ថាប័នជំនាញ ដើម្បីឱ្យក្រុមហ៊ុន មានលទ្ធភាពធ្វើការផ្គត់ផ្គង់ទឹកស្អាតបម្រើសេចក្តីត្រូវការប្រចាំថ្ងៃ របស់ប្រជាជនក្នុងខេត្តកំពង់ឆ្នាំង ដោយបញ្ចៀសហេតុផលប៉ះពាល់ជាអវិជ្ជមានដល់លំហូរទឹកធម្មជាតិ និងប្រព័ន្ធអេកូឡូស៊ីរបស់ទន្លេសាប៕

លោក ខូវ វេងសុង ប្រធានការិយាល័យធនធានរ៉ែ បានដឹកនាំក្រុមការងារការិយាល័យ ចុះសិក្សាស្រាវជ្រាវពីធនធានរ៉ែ និងផលប៉ះពាល់ពីការទាញយកធនធានរ៉ែ នៅតំបន់ទីជម្រាលអាងទន្លេសាប ស្ថិតនៅទីតាំងភូមិសាស្ត្រស្រុកបរិបូណ៌ ខេត្តកំពង់ឆ្នាំង

2025-04-20T10:51:08+00:00

នាថ្ងៃសុក្រ ៦រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែមេសា ឆ្នាំ២០២៥ លោក ខូវ វេងសុង ប្រធានការិយាល័យធនធានរ៉ែ នៃនាយកដ្ឋានធនធានធម្មជាតិ នៃអាជ្ញាធរទន្លេសាប បានដឹកនាំក្រុមការងារការិយាល័យ ចុះសិក្សាស្រាវជ្រាវពីធនធានរ៉ែ និងផលប៉ះពាល់ពីការទាញយកធនធានរ៉ែ នៅតំបន់ទីជម្រាលអាងទន្លេសាប ស្ថិតនៅស្ទឹងបរិបូណ៌ ក្នុងភូមិសាស្ត្រឃុំអញ្ចាញរូង ស្រុកបរិបូណ៌ ខេត្តកំពង់ឆ្នាំង។

ការចុះសិក្សានេះក្រុមការងារបាន៖
១. ជួបជាមួយមន្ទីររ៉ែ និងថាមពល និងមន្ទីរធនធានទឹក និងឧតុនិយម ខេត្តកំពង់ឆ្នាំង ដើម្បីសហការសុំព័ត៌មាន និងទិន្នន័យ អំពីធនធានរ៉ែ និងទីតាំងទាញយកធនធានរ៉ែ នៅតាមអាងស្ទឹង និងការប្រកបអាជីវកម្មធនធានរ៉ែ។ល។
២. ជួបជាមួយអាជ្ញាធរដែនដី និងម្ចាស់បូមខ្សាច់ នៅតាមទីតាំងសិក្សា ដើម្បីទទួលបានព័ត៌មានទូទៅ និងការធ្វើអាជីវកម្មធនធានរ៉ែ និងបញ្ហាផ្សេងៗ ដែលកើតមានឡើងនៅតាមទីតាំងសិក្សា
៣. ពិនិត្យជាក់ស្តែង និងវាយតម្លៃពីទំហំ-បរិមាណនៃការទាញយកធនធានរ៉ែ និងវាយតម្លៃលើស្ថានភាពផលប៉ះពាល់ការបាក់ច្រាំងស្ទឹង និងការប្រែប្រួលរូបរាងស្ទឹង
៤. ប្រើប្រាស់ដ្រូនជាជំនួយថតរូបពីលើអាកាសបន្ថែមលើការចុះសិក្សាជាក់ស្តែង។

សូមជម្រាបជូនថា៖ សកម្មភាពចុះសិក្សាស្រាវជ្រាវពីធនធានរ៉ែ និងផលប៉ះពាល់ពីការទាញយកធនធានរ៉ែ នៅតំបន់ទីជម្រាលអាងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៥ របស់អាជ្ញាធរទន្លេសាប។ សកម្មភាពខាងលើនេះ មានគោលបំណង៖
- សិក្សាវាយតម្លៃផលប៉ះពាល់ការធ្វើអាជីវកម្មធនធានរ៉ែ
- សិក្សាវាយតម្លៃលើភាពប្រែប្រួលរូបរាងស្ទឹង និង
- រៀបចំផែនទីទីតាំងធនធានរ៉ែ និងការទាញយកធនធានរ៉ែ នៅតាមអាងស្ទឹង៕

សង្ក្រាន្តពាមបាងឃុំខ្ញុំ (ឋបនីយជីវមណ្ឌលបឹងទន្លេសាប-បឹងទន្លេឆ្មា)

2025-04-14T10:00:40+00:00

❤️ក្រោមម្លប់សន្តិភាព❤️ សួស្តីឆ្នាំថ្មី #ប្រពៃណីខ្មែរ

ព្រះសង្ឃ អាជ្ញាធរដែនដី-សមត្ថកិច្ចគ្រប់ជំនាញ និងប្រជាពលរដ្ឋចំណុះជើង វត្តទីបការាម (ហៅវត្តពៅវើយ) ទាំង ៥ភូមិ ក្នុងឃុំពាមបាង រីករាយសប្បាយជាអនេកអបអរសាទរពិធីសង្ក្រាន្តបុណ្យចូលឆ្នាំថ្មី-ប្រពៃណីខ្មែរ ជាមួយនឹងពិធីចាប់រង្វាន់កាលពីថ្ងៃទី១២ ខែមេសា ឆ្នាំ២០២៥ ក្រោមការយកចិត្តទុកដាក់ និងទទួលបានការឧបត្ថម្ភដ៏ខ្ពង់ខ្ពស់ ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប និងជា ប្រធានក្រុមការងាររាជរដ្ឋាភិបាលកម្ពុជា ចុះជួយស្រុកស្ទោង ខេត្តកំពង់ធំ តាមរយៈថ្នាក់ដឹកនាំមន្ត្រីរាជការ អាជ្ញាធរទន្លេសាប និងជាក្រុមការងាររាជរដ្ឋាភិបាល ចុះជួយឃុំពាមបាង ស្រុកស្ទោង ខេត្តកំពង់ធំ។

សូមជម្រាបថា : ឃុំពាមបាង ជាឃុំមួយក្នុងចំណោមឃុំចំនួន១៣ ក្នុងស្រុកស្ទោង ខេត្តកំពង់ធំ ដែលមានភូមិសាស្ត្រស្ថិតនៅដាច់ស្រយាលនៅលើផ្ទៃបឹងទន្លេសាប ក្នុងតំបន់ស្នូល (បឹងទន្លេឆ្មា) នៃឋបនីយជីវមណ្ឌលបឹងទន្លេសាប។

ឃុំនេះមានចំនួន ៥ភូមិ ជាភូមិបណ្តែតទឹកអចិន្ត្រៃយ៍ និងមានប្រជាពលរដ្ឋចំនួន ៦១៤ គ្រួសារ រស់នៅដោយពឹងអាស្រ័យផ្ទាល់ជាមួយនឹងធនធានធម្មជាតិបឹងទន្លេសាប ដែលប្រកបរបរនេសាទជាចម្បង៕

ក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ចុះអនុវត្តន៍សកម្មភាពការសិក្សាស្រាវជ្រាវ តាមដាន វាយតម្លៃពីបរិមាណផលចាប់ធនធានត្រី និងជីវចម្រុះគ្រប់ប្រភេទនៅទីតាំងឃុំ

2025-04-13T07:09:01+00:00

នៅថ្ងៃសៅរ៍ ១៥កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២ ខែមេសា ឆ្នាំ២០២៥ ក្រុមការងារក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានចុះសិក្សាស្រាវជ្រាវ តាមដាន វាយតម្លៃពីបរិមាណផលចាប់ធនធានត្រី និងជីវចម្រុះគ្រប់ប្រភេទ ស្ថិតនៅភូមិទី១ ភូមិទី២ ភូមិទី៣ និងភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់។

ការចុះសិក្សានេះ ក្រុមការងារបានធ្វើការចុះជួបជាមួយ ៖
- ជួបជាមួយអាជ្ញាធរដែនដី និងស្ថាប័នពាក់ព័ន្ធ
- សម្ភាសន៍ជាមួយប្រជានេសាទ
- សម្ភាសន៍ជាមួយអាជីវករទិញ-លក់ត្រី។

សូមជម្រាបជូនថា៖ សកម្មភាពចុះសិក្សាស្រាវជ្រាវ តាមដាន វាយតម្លៃពីបរិមាណផលចាប់ធនធានត្រី និងជីវចម្រុះគ្រប់ប្រភេទតំបន់ទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ២០២៥ របស់អាជ្ញាធរទន្លេសាប។ សកម្មភាពខាងលើនេះ មានគោលបំណង៖
- សិក្សាតាមដានបរិមាណផលចាប់ប្រចាំថ្ងៃរបស់អ្នកនេសាទទៅតាមប្រភេទឧបករណ៍នេសាទសំខាន់ៗ
- សិក្សាចរន្ត និងតម្លៃទីផ្សារតាមតំបន់នីមួយៗ
- សិក្សាពីផលប៉ះពាល់ បញ្ហាប្រឈម និងស្វែងរកដំណោះស្រាយ៕

លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានដឹកនាំក្រុមការងារបច្ចេកទេសការិយាល័យកសិកម្មចម្រុះ ចុះសិក្សាស្រាវជ្រាវ តាមដាន និងវាយតម្លៃអំពីការប្រែប្រួលដីកសិកម្ម ក្នុងតំបន់បឹងទន្លេសាប ស្ថិតក្នុងភូមិសាស្ត្រស្រុក

2025-04-12T12:55:28+00:00

នាថ្ងៃសុក្រ ១៤កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែមេសា ឆ្នាំ២០២៥ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានដឹកនាំក្រុមការងារបច្ចេកទេសការិយាល័យកសិកម្មចម្រុះ ចុះសិក្សាស្រាវជ្រាវ តាមដាន និងវាយតម្លៃ អំពីការប្រែប្រួលដីកសិកម្ម ក្នុងតំបន់បឹងទន្លេសាប ស្ថិតក្នុងភូមិសាស្ត្រស្រុកបរិបូណ៌ ខេត្តកំពង់ឆ្នាំង។

សកម្មភាព នៃការចុះសិក្សាស្រាវជ្រាវ៖
១. ជួបជាមួយអាជ្ញាធរមូលដ្ឋាន និងស្ថាប័នពាក់ព័ន្ធ ដើម្បីស្នើសុំទិន្នន័យស្ថិតិប្រជាពលរដ្ឋ ការប្រើប្រាស់ដីធ្លី និងឯកសារពាក់ព័ន្ធផ្សេងៗ
២. ចុះទៅទីតាំងពិនិត្យមើលទិដ្ឋភាពជាក់ស្តែង ដើម្បីបញ្ជាក់បន្ថែមអំពីភាពត្រឹមត្រូវ នៃទីតាំង និងទំហំផ្ទៃដីប្រើប្រាស់
៣. ថតដ្រូន ដើម្បីយករូបភាពមកធ្វើការប្រៀបធៀបជាមួយរូបភាពពីផ្កាយរណប
៤. ប្រើប្រាស់កម្មវិធី Avenza mobile app ដើម្បីដំណើរការ នៃការចុះសិក្សាស្រាវជ្រាវ (ស្វែងរកទីតាំង ផ្លូវធ្វើដំណើរ និងពិនិត្យមើលផ្ទៃដីបឋម)។

សូមជម្រាបជូនថា៖ សកម្មភាពចុះសិក្សាស្រាវជ្រាវ តាមដាន និងវាយតម្លៃ អំពីការប្រែប្រួលដីកសិកម្ម ក្នុងតំបន់បឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើនដែលត្រូវបានអនុម័តសម្រាប់អនុវត្តនៅក្នុងផែនការសកម្មភាពប្រចាំឆ្នាំ២០២៥ របស់អាជ្ញាធរទន្លេសាប។ ដំណើរនៃការចុះបំពេញបេសកកម្មនេះមានគោលបំណង៖
- សិក្សាស្រាវជ្រាវ និងវិភាគ អំពីបម្រែបម្រួលផ្ទៃដីកសិកម្ម តំបន់១ តំបន់២ និងតំបន់៣ ក្នុងខេត្តទាំង ៦ ជុំវិញបឹងទន្លេសាប
- ចុះសិក្សាតាមដាន និងផ្ទៀងផ្ទាត់ លើព័ត៌មាន-ទិន្នន័យ ដែលប្រមូលបាន
- ធ្វើបច្ចុប្បន្នភាព ទៅលើទិន្នន័យដែលប្រមូលបាន
- បង្កើតជាផែនទីគម្របដីកសិកម្ម ក្នុងតំបន់១ តំបន់២ និងតំបន់៣ ក្នុងខេត្តទាំង៦ ជុំវិញបឹងទន្លេសាប
- ចងក្រងជារបាយការណ៍តាមដានការអនុវត្តសកម្មភាពត្រីមាស-ឆមាស-ប្រចាំឆ្នាំ និងរបាយការណ៍បច្ចេកទេស៕

លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានដឹកនាំក្រុមការងារបច្ចេកទេសការិយាល័យកសិកម្មចម្រុះ ចុះសិក្សាស្រាវជ្រាវ តាមដាន និងវាយតម្លៃអំពីការប្រែប្រួលដីកសិកម្ម ក្នុងតំបន់បឹងទន្លេសាប ស្ថិតក្នុងភូមិសាស្ត្រស្រុក

2025-04-12T12:55:01+00:00

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អញ្ជើញដឹកនាំកិច្ចប្រជុំស្តីពីការពង្រឹងប្រសិទ្ធភាពការងាររបស់អគ្គលេខាធិការដ្ឋានអាជា្ញធរទន្លេសាប

2025-04-11T11:57:54+00:00

នារសៀលថ្ងៃព្រហស្បតិ៍ ១៣កើត ខែចេត្រ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែមេសា ឆ្នាំ២០២៥នៅសាលប្រជុំទីស្តីការក្រសួងធនធានទឹក និងឧតុនិយម ក្បាលថ្នល់ (សាលរំដួល) ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញជាអធិបតីដឹកនាំកិច្ចប្រជុំពង្រឹងប្រសិទ្ធភាពការងាររបស់អគ្គលេខាធិការដ្ឋាន អាជ្ញាធរទន្លេសាប ដោយមានការអញ្ជើញចូលរួមពីឯកឧត្តមអនុប្រធាន ឯកឧត្តមអគ្គលេខាធិការ ឯកឧត្តមអគ្គលេខាធិការរង ប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រីរាជការក្រោមឱវាទអគ្គលេខាធិការដ្ឋាន អាជ្ញាធរទន្លេសាប។

សូមជម្រាបជូនថាកិច្ចប្រជុំស្តីពីការពង្រឹងប្រសិទ្ធភាពការងាររបស់អគ្គលេខាធិការដ្ឋាន អាជ្ញាធរទន្លេសាប ដើម្បី៖
- ពិនិត្យ ពិភាក្សាសមិទ្ធផលអនុវត្តការងាររយៈពេល ៣ខែ ក្នុងត្រីមាសទី១ ឆ្នាំ២០២៥ និងស្វែងរកចំណុចខ្លាំង ចំណុចខ្សោយព្រមទាំងបញ្ហាប្រឈម នៃការអនុវត្តតួនាទីភារកិច្ច ផែនការសកម្មភាពប្រចាំឆ្នាំ២០២៥
- ពិនិត្យ និងពិភាក្សាលើការគ្រប់គ្រងស្ថាប័ននិងបង្កើនប្រសិទ្ធភាពអនុវត្តន៍ការងាររបស់អគ្គលេខាធិការដ្ឋាន អាជ្ញាធរទន្លេសាបស្របតាមបរិបទនៃកំណែទម្រង់រដ្ឋបាលរបស់រាជរដ្ឋាភិបាល អាណត្តិទី៧
- ពិនិត្យ និងផ្តល់មតិណែនាំក្នុងការតម្រង់ទិសដល់អង្គភាព និងមន្ត្រីក្រោមឱវាទអគ្គលេខាធិការដ្ឋាន អាជ្ញាធរទន្លេសាប ដើម្បីអនុវត្តបានត្រឹមត្រូវតាមតួនាទីភារកិច្ចស្នូល ប្រសិទ្ធភាពការងារ សាមគ្គីភាព និងសុខដុមនីយកម្មការងារក្នុងអគ្គលេខាធិការដ្ឋានអាជ្ញាធរទន្លេសាប។

ក្នុងឱកាសនេះឯកឧត្ដមប្រធានអង្គប្រជុំបានវាយតម្លៃខ្ពស់ចំពោះកិច្ចខិតខំប្រឹងប្រែង របស់មន្ត្រីគ្រប់ថ្នាក់ របស់នាយកដ្ឋានក្នុងការសម្រេចបាននូវលទ្ធផលល្អប្រសើរ លើការអនុវត្តតួនាទីភារកិច្ចស្នូល អនុវត្តផែនការសកម្មភាព អនុវត្តការងារចំពោះមុខ ដែលថ្នាក់ដឹកនាំប្រគល់ជូនការគ្រប់គ្រង ចាត់ចែង ព្រមទាំងសាមគ្គីភាពផ្ទៃក្នុងរបស់នាយកដ្ឋានផងដែរ៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អញ្ជើញដឹកនាំកិច្ចប្រជុំពិនិត្យពីវឌ្ឍនភាពការងារចុះសហការជាមួយអន្តរក្រសួង ចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី ខេត្តទាំង៦ ជុំវិញបឹងទន្លេសាប

2025-04-11T09:56:50+00:00

នាព្រឹកថ្ងៃព្រហស្បតិ៍ ១៣កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែមេសា ឆ្នាំ២០២៥ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានដឹកនាំកិច្ចប្រជុំពិនិត្យពីវឌ្ឍនភាពការងារចុះសហការជាមួយអន្តរក្រសួង ដឹកនាំដោយក្រសួងរៀបចំដែនដី នគរូបនីយកម្ម និងសំណង់ ចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី ខេត្តទាំង៦ ជុំវិញបឹងទន្លេសាប ដោយមានការអញ្ជើញចូលរួមពីឯកឧត្តម យិន ងួនកូលេនីន អនុរដ្ឋលេខាធិការ ក្រសួងធនធានទឹក និងឧតុនិយម ឯកឧត្តម អនុប្រធាន អគ្គលេខាធិការ អគ្គលេខាធិការរង លោកប្រធាន-អនុប្រធាននាយកដ្ឋាន និងមន្ត្រីបច្ចេកទេសអគ្គលេខាធិការដ្ឋានអាជ្ញាធរទន្លេសាប នៃបណ្តាមុខព្រួញខេត្តទាំង៦ ជុំវិញបឹងទន្លេសាប មានខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងកំពង់ធំ។

សូមជម្រាបជូនថា កិច្ចប្រជុំនេះក្នុងគោលបំណង ដើម្បី៖
- ពិនិត្យវឌ្ឍនភាពការងារមុខព្រួញតាមបណ្តាខេត្តទាំង៦ ចុះសហការការងារជាមួយអន្តរក្រសួង
- ចែករំលែកព័ត៌មាន និងផ្លាស់ប្តូរបទពិសោធន៍ចំពោះកិច្ចការតាមមុខព្រួញនីមួយៗជាមួយអន្តរក្រសួង ស្ថាប័នពាក់ព័ន្ធ និងបញ្ហាប្រឈមនានា
- រៀបចំរបាយការណ៍បូកសរុបលទ្ធផលសហការអនុវត្តការងារជូនថ្នាក់ដឹកនាំ និងលើកផែនការសហការអនុវត្តជាមួយអន្តរក្រសួង ស្ថាប័ន។

សូមបញ្ជាក់ថា: កិច្ចប្រជុំនេះ ក៏បានពិភាក្សាលើផែនការរបស់អាជ្ញាធរទន្លេសាប ដោយមានការគាំទ្រពីក្រសួងធនធានទឹក និងឧតុនិយម ក្នុងការចុះផ្ទៀងផ្ទាត់ ធ្វើបច្ចុប្បន្នភាព និងស្រង់ទិន្នន័យ ព័ត៌មានការប្រើប្រាស់ដី បម្រែបម្រួលគម្របដី ប្រភពធនធានទឹក និងធនធានធម្មជាតិពាក់ព័ន្ធក្នុងតំបន់២ តំបន់១ និងស្ទឹងសំខាន់ៗទាំង១១ ស្ថិតក្នុងភូមិសាស្ត្រខេត្តទាំង៦ ជុំវិញតំបន់បឹងទន្លេសាប និងខេត្ត ២ ផ្សេងទៀតដែលពាក់ព័ន្ធជាប់នឹងតំបន់ទន្លេសាប (ខេត្តកំពង់ចាម និងខេត្តកណ្តាល)៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប អញ្ជើញចូលរួមពិធី សម្ពោធដាក់ឱ្យប្រើប្រាស់ យុទ្ធសាស្ត្រជាតិ ស្ដីពី សន្តិសុខស្បៀង និងអាហារូបត្ថម្ភលើកទី 3 ឆ្នាំ2024-2028

2025-04-11T09:36:30+00:00

ទីស្ដីការគណៈរដ្ឋមន្ត្រី៖ នាព្រឹកថ្ងៃព្រហស្បតិ៍ ១៣កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែមេសា ឆ្នាំ២០២៥ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប និងជាសមាជិកក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ បានអញ្ជើញចូលរួមពិធី សម្ពោធដាក់ឱ្យប្រើប្រាស់យុទ្ធសាស្ត្រជាតិ ស្ដីពីសន្តិសុខស្បៀង និងអាហារូបត្ថម្ភលើកទី 3 ឆ្នាំ2024-2028 (Launching Ceremony 3th National Strategy for Food Security and Nutrition 2024-2028) ក្រោមអធិបតីភាព ឯកឧត្តម បណ្ឌិតសភាចារ្យ អ៊ុក រ៉ាប៊ុន ទេសរដ្ឋមន្ត្រី និងជាប្រធានក្រុមប្រឹក្សាស្ដារអភិវឌ្ឍន៍វិស័យកសិកម្ម និងជនបទ។

សូមជម្រាបជូនថា: យុទ្ធសាស្ត្រជាតិ ស្ដីពីសន្តិសុខស្បៀង និងអាហារូបត្ថម្ភ គឺមានគោលបំណង លើកកម្ពស់របបអាហារសុខភាព តាមរយៈការផ្លាស់ប្ដូរឥរិយាបទបុគ្គល និងសង្គម រៀបចំបរិស្ថានស្បៀង ដោយផ្ដោតទៅលើគុណភាព សុវត្ថិភាពម្ហូបអាហារ និងលើកកម្ពស់លទ្ធភាពទទួលបាននូវសេវាអាហារូបត្ថម្ភផ្សេងៗ។ ចក្ខុវិស័យសំខាន់គឺ ធ្វើឱ្យប្រជាជនកម្ពុជាគ្រប់រូបទទួលបាននូវអាហារគ្រប់គ្រាន់ប្រកបដោយសុវត្ថិភាព តាមរយៈការពង្រឹងប្រព័ន្ធស្បៀងឱ្យកាន់តែមាន ភាពធន់ ចីរភាព បរិយាបន្ន និងសមធម៌ ដើម្បីឱ្យប្រជាពលរដ្ឋទទួលបានអាហារឧបត្ថម្ភល្អ និងសុខភាពល្អ៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប អញ្ជើញចូលរួមពិធី សម្ពោធដាក់ឱ្យប្រើប្រាស់ យុទ្ធសាស្ត្រជាតិ ស្ដីពី សន្តិសុខស្បៀង និងអាហារូបត្ថម្ភលើកទី 3 ឆ្នាំ2024-2028

2025-04-11T09:36:30+00:00

លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ និងក្រុមការងារយេនឌ័រ របស់អាជ្ញាធរទន្លេសាប បានចុះធ្វើការបញ្ជ្រាប និងលើកកម្ពស់ការយល់ដឹងយេនឌ័រ និងកសាងសមត្ថភាពស្ត្រី លើការការពារ ថែរក្សា ទប់ស្កាត់ និងគ្រប់គ្រងតំបន់ទន្ល

2025-04-09T14:27:49+00:00

កាលពីថ្ងៃអង្គារ ៤កើត ដល់ថ្ងៃសៅរ៍ ៨កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវថ្ងៃទី១ រហូតដល់ថ្ងៃទី៥ ខែមេសា ឆ្នាំ២០២៥ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ និងក្រុមការងារយេនឌ័រ របស់អាជ្ញាធរទន្លេសាប បានចុះធ្វើការបញ្ជ្រាប និងលើកកម្ពស់ការយល់ដឹងយេនឌ័រ និងកសាងសមត្ថភាពស្ត្រីលើការការពារ ថែរក្សា ទប់ស្កាត់ និងគ្រប់គ្រងនៅតំបន់ទន្លេសាប ស្ថិតនៅឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។

ក្រុមការងារចុះធ្វើការបញ្ជ្រាប និងលើកកម្ពស់ការយល់ដឹងយេនឌ័រ ក្នុងគោលបំណង៖
- សិក្សាស្វែងយល់ពីការចូលរួមយេនឌ័រលើការថែរក្សា ទប់ស្កាត់ និងគ្រប់គ្រងធនធានធម្មជាតិ នៅតំបន់បឹងទន្លេសាប
- សិក្សាស្វែងយល់ពីការយល់ដឹង និងការចូលរួមពីស្ត្រីក្នុងការការពារ ថែរក្សា ទប់ស្កាត់ និង គ្រប់គ្រងធនធានធម្មជាតិនៅតំបន់បឹងទន្លេសាប
- ចុះជួប និងអាជ្ញាធរមូលដ្ឋាន ពិភាក្សាពីតួនាទី និងបញ្ហាយេនឌ័រពាក់ព័ន្ធនឹងបទពិសោធន៍ និងការអនុវត្តការងារក្នុងមូលដ្ឋាន
- សិក្សាលើចំនួនស្ត្រី បុរស កុមារ និងជនពិការនៅក្នុងតំបន់។

សូមជម្រាបជូនថា៖ ក្រុមការងារបានចុះបញ្ជ្រាបពីការយល់ដឹងយេនឌ័រនេះ ផ្ដោតសំខាន់លើការប្រមូលព័ត៌មាន និងទិន្នន័យប្រជាពលរដ្ឋជាស្ត្រី បុរស កុមារ និងជនពិការ ដែលស្ថិតនៅក្នុងតំបន់ តាមរយៈអាជ្ញាធរមូលដ្ឋាន ដើម្បីបញ្ជ្រាបការយល់ដឹងយេនឌ័រឱ្យស៊ីជម្រៅក្នុងការការពារ ថែរក្សា ទប់ស្កាត់ និងគ្រប់គ្រងធនធានធម្មជាតិ និងយល់ពីសារៈប្រយោជន៍ធនធានធម្មជាតិរបស់បឹងទន្លេសាប ក្នុងការចែករំលែកចំណេះដឹង និងបទពិសោធន៍ ជាពិសេស កសាងសមត្ថភាពស្ត្រីឱ្យមានភាពអង់អាចចូលរួមចំណែកទប់ស្កាត់ ផ្តល់មតិយោបល់ និង អនុវត្តការងារក្នុងស្មារតីចូលរួមលើកកម្ពស់សមភាព និងសមធម៌ដោយមិនមានភាពរើសអើងក្នុងការអភិវឌ្ឍនៅតំបន់បឹងទន្លេសាបប្រកបដោយចីរភាព៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អញ្ជើញដឹកនាំកិច្ចប្រជុំតាមដានវឌ្ឍនភាពការងារកិច្ចសហការប្រតិបត្តិការទ្វេរភាគីជាមួយសាធារណរដ្ឋប្រជាមានិតចិន

2025-04-08T21:37:39+00:00

នារសៀលថ្ងៃអង្គារ ១១កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៨ ខែមេសា ឆ្នាំ២០២៥ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញដឹកនាំកិច្ចប្រជុំតាមដានវឌ្ឍនភាពការងារកិច្ចសហការប្រតិបត្តិការទ្វេរភាគីជាមួយសាធារណរដ្ឋប្រជាមានិតចិន ដែលមានការចូលរួមពីឯកឧត្តម អគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាន និងសមាជិកក្រុមការងារនៃគម្រោងកិច្ចសហប្រតិបត្កិការទ្វេរភាគិរវាងអាជ្ញាធរទន្លេសាប និងសាធារណរដ្ឋប្រជាមានិតចិន។

ការប្រជុំពិនិត្យវឌ្ឍនភាព នៃកិច្ចសហការប្រតិបត្តិការភាពជាដៃគូ ការថែទាំ និងគ្រប់គ្រងទិន្នន័យ ពីស្ថានីយជលសាស្ត្រ និងឧតុនិយមទាំង១១ មកស្ថានីយមេ (Master Station-Server) និងការរៀបចំផែនការ ដាក់ទិសដៅពង្រឹងទំនាក់ទំនងកិច្ចសហប្រតិបត្តិការនេះ គឺសំដៅរិះរកមធ្យោបាយ កសាងសមិទ្ធផលថ្មីបន្ថែមទៀត សម្រាប់ការគ្រប់គ្រងធនធានទឹក និងគាំពារអភិរក្សធនធានធម្មជាតិតំបន់បឹងទន្លេសាប និងបឹងទន្លេសាបប្រកបដោយចិរភាព និងនិរន្តរភាព៕

ក្រុមការងារមន្ត្រីបច្ចេកទេសនៃអាជ្ញាធរទន្លេសាប ចូលរួមកិច្ចប្រជុំ ដើម្បីពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៅភូមិសាស្ត្រខេត្តសៀមរាប នៃតំបន់បឹងទន្លេសាប

2025-04-08T14:45:07+00:00

រាជធានីភ្នំពេញ: ព្រឹកថ្ងៃអង្គារ ១១កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៨ ខែមេសា ឆ្នាំ២០២៥ ក្រុមការងារមន្ត្រីបច្ចេកទេស នៃអាជ្ញាធរទន្លេសាប តំណាង ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប និងជាប្រធានក្រុមការងារអាជ្ញាធរទន្លេសាបប្រចាំមុខព្រួញខេត្តសៀមរាប បានចូលរួមកិច្ចប្រជុំតាមប្រព័ន្ធ Zoom meeting ដើម្បីពិនិត្យមើលវឌ្ឍនភាពការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៅតាមបណ្តាឃុំ ស្រុកពាក់ព័ន្ធ ក្នុងភូមិសាស្ត្រខេត្តសៀមរាប នៃតំបន់បឹងទន្លេសាប ជាមួយក្រុមការងារមន្ត្រីបច្ចេកទេសអន្តរក្រសួងស្ថាប័នថ្នាក់ជាតិ ថ្នាក់ខេត្ត និងថ្នាក់មូលដ្ឋាន ប្រចាំមុខព្រួញខេត្តសៀមរាប ដែលដឹកនាំដោយ ឯកឧត្តម លាង មុនីរិទ្ធ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់៕

សិក្ខាសាលាពិគ្រោះយោបល់បច្ចេកទេស ស្តីពីការវាយតម្លៃលើដំណើរការប្រព័ន្ធព្យាករណ៍រយៈពេលមធ្យមនឹងវែង នឹងការដាក់ឱ្យដំណើរការព្រឹត្តបត្រព័ត៌មានរបស់ គណៈកម្មការទន្លេមេគង្គ

2025-04-08T11:06:24+00:00

ខេត្តកំពង់ចាម ៖ នាថ្ងៃសុក្រ ៧កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែមេសា ឆ្នាំ២០២៥ លោក ហេង បូរាណ ជំនាញការបច្ចេកទេស នៃនាយកដ្ឋាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចូលរួមសិក្ខាសាលាពិគ្រោះយោបល់បច្ចេកទេស ស្តីពីការវាយតម្លៃលើដំណើរការប្រព័ន្ធព្យាករណ៍រយៈពេលមធ្យមនឹងវែង និងការដាក់ឱ្យដំណើរការព្រឹត្តបត្រព័ត៌មានរបស់ គណៈកម្មការទន្លេមេគង្គ ក្រោមអធិបតីភាពឯកឧត្តម តែ ណាវុធ អនុប្រធានអចិន្ត្រៃយ៍ គណៈកម្មាធិការជាតិទន្លេមេគង្គកម្ពុជា ដោយមានការចូលរួមពីមន្ត្រីតំណាងក្រសួង-ស្ថាប័នពាក់ព័ន្ធ រួមមាន អាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ គណៈកម្មការជាតិគ្រប់គ្រងគ្រោះមហន្ដរាយ មន្ទីរជំនាញខេត្តពាក់ព័ន្ធ និងអ្នកជំនាញការពីលេខាធិការដ្ឋាន មជ្ឈមណ្ឌលគ្រប់គ្រងទឹកជំនន់ និងគ្រោះរាំងស្ងួត របស់គណៈកម្មការទន្លេមេគង្គ សរុប២៥រូប ។

គោលបំណងនៃសិក្ខាសាលាពិគ្រោះយោបល់គឺដើម្បី
- ពិនិត្យ និងវាយតម្លៃលើការអនុវត្តប្រព័ន្ធព្យាករណ៍រយៈពេលមធ្យម និងវែង ដោយផ្តោតលើប្រសិទ្ធភាពក្នុងអំឡុងពេលទឹកជំនន់ឆ្នាំ២០២៤

-ដើម្បីជាមូលដ្ឋានឈានដល់ការឯកភាពគ្នាលើការដាក់ឱ្យដំណើរការប្រើប្រាស់ជាផ្លូវការនៃផលិតផលព្យាករណ៍សម្រាប់ការប្រើប្រាស់ជាសាធារណៈ និង

-ពិនិត្យលើសកម្មភាពលម្អិត និងផែនការយុទ្ធសាស្ត្រសម្រាប់ការព្យាករណ៍ និងគំនិតផ្តួចផ្តើមនៅមជ្ឈមណ្ឌលគ្រប់គ្រងទឹកជំនន់ និងរាំងស្ងួតតំបន់ក្នុងឆ្នាំ២០២៥។

សូមជម្រាបជូនថា៖ គណៈកម្មការទន្លេមេគង្គ បានគិតគូរជាប់ជាប្រចាំលើការកសាងសមត្ថភាពសម្រាប់ធ្វើការវិភាគលើបញ្ហា បច្ចេកទេស ក្នុងនោះកិច្ចការសម្រាប់ការព្យាករណ៍ទឹកជំនន់ និងភាពរាំងស្ងួត ដែលមានសារៈសំខាន់ដើម្បីជួយដល់ការជូនដំណឹងជាមុន ការឆ្លើយតបពេលគ្រាអាសន្ន ដោយត្រូវមានការយល់ដឹងអំពីការប្រើប្រាស់ឧបករណ៍បច្ចេកទេសសមស្រប និងមានការប្រមូលទិន្នន័យជាប្រចាំសម្រាប់ប្រើប្រាស់ជាមួយឧបករណ៍ទាំងនោះ។ កន្លងមក ទាំងការងារព្យាករណ៍ និងជូនដំណឹងដល់ប្រទេសជាសមាជិក បានត្រឹមរយៈពេលខ្លី ប៉ុណ្ណោះ ទាំងនៅរដូវប្រាំង និងវស្សា ដែលហាក់ពុំទាន់បំពេញបានសមស្របទៅនឹងតម្រូវការរបស់ប្រទេសជាសមាជិកនៅឡើយ ដែលទាមទារឱ្យមានការព្យាករណ៍សម្រាប់រយៈពេលមធ្យម និងវែង ព្រមទាំងការដាក់ឱ្យដំណើរការអំពីផលិតផលទាំងនោះ៕

រួមគ្នាគិត-រួមគ្នាពិនិត្យ វិភាគ និងដាក់វិធានការដោះស្រាយលើគុណភាពទឹកនៃបឹងទន្លេសាប ដើម្បីរក្សាលំនឹងអេកូឡូសុី សុខុមាលភាពបឹង និងមុខងារនៃប្រព័ន្ធអេកូឡូស៊ីបឹងទន្លេសាបទាំងមូល ធ្វើយ៉ាងណាបន្តរក្សាទុកដល់កូនចៅជំនាន់ក្រោយ

2025-04-08T10:46:28+00:00

អាជ្ញាធរទន្លេសាប ក្រោមការដឹកនាំដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ជាមួយនឹងការអនុវត្តតាមអនុសាសន៍ណែនាំចង្អុលបង្ហាញដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាននិងកំពុងគិតគូរយ៉ាងយកចិត្តទុកដាក់ដោយធ្វើការវិភាគសំណាកទឹក និងពិនិត្យសកម្មភាពបង្កផលប៉ះពាល់មកលើគុណភាពទឹក តាមបណ្តាចំនុចគោលដៅសំខាន់ៗនៅក្នុងបឹងទន្លេសាប និងតំបន់ពាក់ព័ន្ធតាមរយៈកម្រិតនៃការសាយភាយការបំពុលបណ្តាលមកពីសកម្មភាពនៃការប្រើប្រាស់ ការគ្រប់គ្រង ការចូលរួមដោះស្រាយ និងការយល់ដឹងនៅមានកម្រិត គួរឱ្យព្រួយបារម្ភ ទាំងការរស់នៅលើផ្ទៃទឹកបឹង (ប្រជុំជនភូមិបណ្តែតទឹក) តំបន់កសិកម្មនៅជាប់ជុំវិញបឹងទន្លេសាប និងផលប៉ះពាល់ពីបណ្តាស្ទឹងសំខាន់ៗទាំង១១ និងតំបន់មេគង្គប៉ែកខាងលើ រួមមាន ៖

ភាពគ្មានអនាម័យ (បន្ទោបង់, បោកគក់, លាងសំអាត, វិចខ្ចប់…..) ការចោល/បង្ហូរកាកសំណល់រឹងរាវ (ប្រេងទូកម៉ាស៊ីន, ស្ថានីយប្រេង, ចំណីត្រី/ប៊ែរចិញ្ចឹមត្រី, អាជីវកម្មលក់ដូរ, សំណល់ពីលំនៅឋាន និងទីប្រជុំជន….) ការប្រើប្រាស់/បង្ហូរជីគីមី-ថ្នាំសម្លាប់សត្វល្អិតដំណាំកសិកម្មគ្មានស្តង់ដារបច្ចេកទេសត្រឹមត្រូវ, ការបង្ហូរទឹកកខ្វក់ពីរោងចក្រសិប្បកម្មគ្មានការចម្រោះ, ការធ្វើអាជីវកម្មរ៉ែ, ការកាប់ទន្ទ្រានព្រៃលិចទឹក, ការចាក់លុបបឹងបួរ….រួមនឹងការទន្ទ្រានយកដីក្នុងតំបន់ដីសើម….។ល។

សូមបញ្ជាក់ថា ការទទួលរងផលប៉ះពាល់ជាអវិជ្ជមានមកលើគុណភាពទឹកបឹងទន្លេសាប តែងតែកើតឡើងធ្ងន់ធ្ងរនៅរដូវប្រាំង ជាពិសេសតាមបណ្តាតំបន់ប្រជុំជនភូមិបណ្តែតទឹក និងតំបន់មានការប្រើប្រាស់ជីគីមី-ថ្នាំសម្លាប់សត្វល្អិតគ្មានលក្ខណៈបច្ចេកទេសត្រឹមត្រូវ។

លំនៅដ្ឋានប្រជាពលរដ្ឋរស់នៅក្នុងតំបន់បឹងទន្លេសាប ត្រូវបានបែងចែកចេញជា បីប្រភេទរួមមាន ៖ (១). លំនៅដ្ឋាននៅលើគោកអចិន្ត្រៃយ៍, (២). លំនៅដ្ឋាន៦ខែគោក ៦ខែទឹក និង (៣). លំនៅដ្ឋានលើទឹកជាអចិន្ត្រៃយ៍ ហៅថា ភូមិបណ្តែតទឹក ដែលបច្ចុប្បន្នតាមការគណនាមានប្រជាពលរដ្ឋប្រមាណជា ២៦ ៧០៧គ្រួសារ ស្មើនឹង ១១៦ ៩៩៣នាក់ ជាលំនៅដ្ឋានភូមិបណ្តែតទឹកក្នុងខេត្តទាំង៦ ជុំវិញបឹងទន្លេសាប។

ម្យ៉ាងទៀត ផ្ទៃដីស្ថិតក្រោមផ្លូវជាតិលេខ៦ និងលេខ៥ ក្នុងភូមិសាស្ត្រខេត្តទាំង៦ ជុំវិញតំបន់បឹងទន្លេសាប ត្រូវបានកំណត់បែងចែកជា បី តំបន់ រួមមាន៖

-តំបន់១ ជាតំបន់ភូមិករប្រជាជនរស់នៅរួមជាមួយដីកសិកម្មដែលទទួលបានកម្មសិទ្ធិស្របច្បាប់ នៅចន្លោះផ្លូវជាតិ (លេខ៥, លេខ៦) និងតំបន់២

-តំបន់២ ជាតំបន់អាស្រ័យផល និងជាតំបន់ទ្រនាប់ ដែលប្រជាពលរដ្ឋអាចទទួលបានត្រឹមសិទ្ធអាស្រ័យផល ស្ថិតនៅចន្លោះតំបន់១ និងតំបន់៣ ដែលផ្ទៃដីតំបន់២ នេះ ជាង ៨០ ភាគរយជាដីកសិកម្ម ដែលប្រជាពលរដ្ឋធ្វើស្រែ និងចំការ

-តំបន់៣ ជាតំបន់ព្រៃលិចទឹក និងលិចទឹកនៅរដូវវស្សា ក្លាយជាជម្រកពងកូន និងជាតំបន់រក្សាប្រព័ន្ធអេកូឡូស៊ីដ៏សំខាន់ ដែលត្រូវការពារដាច់ខាត៕

រួមគ្នាគិត-រួមគ្នាពិនិត្យអនុវត្តន៍វិធានការការពារថែរក្សា និងគាំពារតំបន់ដីសើម ជម្រកពងកូនធនធានមច្ឆជាតិ និងជីវចម្រុះគ្រប់ប្រភេទ និងលំនឹងប្រព័ន្ធអេកូឡូស៊ីបឹងទន្លេសាប បន្តរក្សាទុកដល់កូនចៅជំនាន់ក្រោយ

2025-04-07T10:22:29+00:00

អាជ្ញាធរទន្លេសាប ប្រជុំពិនិត្យពិភាក្សា ជាមួយអាជ្ញាធរដែនដី និងកម្លាំងសមត្ថកិច្ច នៃស្រុក/ក្រុងចំនួន៦ និងឃុំ/សង្កាត់ចំនួន២៧ រួមជាមួយសហគមន៍មូលដ្ឋានពាក់ព័ន្ធ ស្ថិតក្រោមផ្លូវជាតិលេខ៦ ដែលមានដែនដីរដ្ឋបាលស្ថិតនៅជាប់នឹងព្រំតំបន់៣ នៃដែនព្រៃលិចទឹកនិងព្រៃលិចទឹកតំបន់បឹងទន្លេសាប ក្នុងភូមិសាស្ត្រ ខេត្តសៀមរាប ដើម្បីដាក់វិធានការទទួលខុសត្រូវក្នុងការទប់ស្កាត់សកម្មភាពបន្តចូលទៅអាស្រ័យផលក្នុងដែនព្រៃលិចទឹក កាប់ឆ្ការទន្ទ្រានដីព្រៃលិចទឹក និងការពារថែរក្សាតំបន់ដីសើម និងព្រៃលិចទឹកក្នុងតំបន់បឹងទន្លេសាប៕

ទិដ្ឋភាពត្រៀមទទួលសិរីសួស្តីសង្ក្រានឆ្នាំថ្មី ២០២៥ ឃុំពាមបាង តំបន់បឹងទន្លេឆ្មា-ឋបនីយជីវមណ្ឌលបឹងទន្លេសាប ស្រុកស្ទោង ខេត្តកំពង់ធំ

2025-04-06T08:43:40+00:00

ព្រះសង្ឃ និងប្រជាពលរដ្ឋរស់នៅភូមិបណ្តែតទឹកទាំង៥ ភូមិ ចំណុះជើងវត្តទីបការាម (វត្តពៅវើយ) រួមជាមួយក្រុមការងាររបស់រាជរដ្ឋាភិបាល ចុះជួយមូលដ្ឋានឃុំពាមបាងក្រោមការដឹកនាំចង្អុលបង្ហាញដ៏ខ្ពង់ខ្ពស់ ឯកឧត្តមរដ្ឋមន្ត្រីធនធានទឹក និងឧតុនិយម និងជាប្រធានអាជ្ញាធរទន្លេសាប ហើយក៏ជា ប្រធានក្រុមការងាររបស់រាជរដ្ឋាភិបាល ចុះជួយមូលដ្ឋានស្រុកស្ទោង កំពុងរៀបចំតុបតែងត្រៀមទទួលសិរីសួស្តីសង្ក្រានឆ្នាំថ្មី២០២៥។

សូមជម្រាបថា ឃុំពាមបាង ជាឃុំមួយក្នុងចំណោមឃុំចំនួន១៣ ក្នុងស្រុកស្ទោង ខេត្តកំពង់ធំ ដែលមានភូមិសាស្ត្រស្ថិតនៅដាច់ស្រយាលនៅលើផ្ទៃបឹងទន្លេសាប ក្នុងតំបន់ស្នូល (បឹងទន្លេឆ្មា) នៃឋបនីយជីវមណ្ឌលបឹងទន្លេសាប។

លោក ម៉ម សុធា ប្រធានការិយាល័យជីវចម្រុះ បានដឹកនាំក្រុមការងារមន្ត្រីបច្ចេកទេសចុះសិក្សាស្រាវជ្រាវ តាមដានវិភាគ និងវាយតម្លៃពីលក្ខណៈជីវសាស្ត្រ និងផលប៉ះពាល់ធនធានត្រី និងជីវចម្រុះគ្រប់ប្រភេទ នៅក្នុងខេត្តសៀមរាប និងខេត្តបាត់ដំបង

2025-04-06T08:31:26+00:00

កាលពីថ្ងៃចន្ទ ៤រោច ដល់ថ្ងៃសុក្រ ៨រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១៧ ដល់ថ្ងៃទី ២១ ខែ មីនា ឆ្នាំ២០២៥ លោក ម៉ម សុធា ប្រធានការិយាល័យជីវចម្រុះ នៃនាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះ សិក្សាស្រាវជ្រាវ តាមដានវិភាគ និងវាយតម្លៃពីលក្ខណៈជីវសាស្ត្រ និងផលប៉ះពាល់ធនធានត្រី និងជីវចម្រុះគ្រប់ប្រភេទនៅក្នុងតំបន់បឹងពារាំង និងតំបន់ចុងឃ្នៀសខេត្តសៀមរាប និងតំបន់ព្រែកទាល់ខេត្តបាត់ដំបង។

ការចុះសិក្សានេះ ក្រុមការងារបានធ្វើការលើ ៖
១. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សា
២. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ និងពិនិត្យលើលំនៅដ្ឋានធនធានជលផល
៣. សម្ភាសន៍ជាមួយអ្នកពាក់ព័ន្ធនៅតំបន់អភិរក្សសត្វស្លាប និងជីវចម្រុះគ្រប់ប្រភេទក្នុងតំបន់សិក្សា ដើម្បីប្រមូលទិន្នន័យ/ព័ត៌មានលើប្រភេទនីមួយៗ។

សូមជម្រាបជូនថា៖ សកម្មភាពចុះសិក្សាស្រាវជ្រាវ តាមដានវិភាគ និងវាយតម្លៃពីលក្ខណៈជីវសាស្ត្រ និងផលប៉ះពាល់ធនធានត្រី និងជីវចម្រុះគ្រប់ប្រភេទ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៥ របស់អាជ្ញាធរទន្លេសាប។ សកម្មភាពខាងលើនេះ មានគោលបំណង៖
- តាមដាន និងវាយតម្លៃប្រភេទធនធានជលផល ទៅតាមប្រភេទឧបករណ៍នេសាទក្នុងតំបន់សិក្សា
- បច្ចុប្បន្នភាពប្រភេទសត្វស្លាប និងថនិកសត្វក្នុងតំបន់សិក្សា៕

សក្តានុពលធនធានធម្មជាតិបឹងពារាំងជាប់នឹងបឹងទន្លេសាប

2025-04-05T12:40:22+00:00

សក្តានុពលធនធានធម្មជាតិបឹងពារាំង ក្នុងតំបន់ការពារដែនព្រៃលិចទឹក និងព្រៃលិចទឹក (តំបន់៣) ជាប់នឹងបឹងទន្លេសាប ស្ថិតក្នុងភូមិសាស្ត្រសង្កាត់ជ្រាវ ក្រុងសៀមរាប ខេត្តសៀមរាប បាននិងកំពុងក្លាយជាខ្សែរបៀង តំបន់អេកូទេសចរធម្មជាតិដ៏សំខាន់មួយ ផ្សារភ្ជាប់ជាមួយបេតិកភណ្ឌប្រាសាទបូរាណក្នុងខេត្តសៀមរាប ក្នុងការទាក់ទាញភ្ញៀវជាតិ និងអន្តរជាតិ មកកំសាន្តអារម្មណ៍ និងបោះតង់លំហែរកាយនារដូវរំហើយ ក៏ដូចជារដូវប្រាំង ជាមួយនឹងទេសភាពដ៏ត្រកាលនៃព្រៃលិចទឹក ថ្ងៃលិច សត្វស្លាប ជីវចម្រុះគ្រប់ប្រភេទ និងទិដ្ឋភាពប្រជាកសិករអាស្រ័យផលក្នុងតំបន់២ នៃតំបន់បឹងទន្លេសាប ។

ការកែលម្អ និងលើកកម្ពស់ប្រសិទ្ធភាពនៃការតភ្ជាប់របៀងឧស្សាហកម្មគ្មានផ្សែងជាមួយតំបន់អេកូទេសចរធម្មជាតិសំខាន់ៗ ក្នុងការទាក់ទាញភ្ញៀវ បង្កើតឱកាសការងារ បង្កើនចំណូល និងបង្កើនកាលានុវត្តភាពមិត្តភាពកិច្ចសហប្រតិបត្តិការ ជាសសរស្តម្ភដ៏សំខាន់ក្នុងការជម្រុញប្រសិទ្ធភាពនៃកំណើនសេដ្ឋកិច្ច និងលើកកម្ពស់ជីវភាពរស់នៅសហគមន៍មូលដ្ឋាន ក្នុងការចូលរួមការពារថែរក្សាសម្បត្តិធនធានធម្មជាតិ៕

ថ្នាក់ដឹកនាំ អាជ្ញាធរទន្លេសាប ចុះអធិការកិច្ចដែនព្រៃលិចទឹក និងព្រៃលិចទឹក តំបន់៣ ខេត្តសៀមរាប

2025-04-04T22:11:58+00:00

ទទួលបានការចង្អុលបង្ហាញដ៏ខ្ពង់ខ្ពស់ពីឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នាថ្ងៃព្រហស្បតិ៍ ៦កើត ដល់ថ្ងៃសុក្រ ៧កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣-៤ ខែមេសា ឆ្នាំ២០២៥ ថ្នាក់ដឹកនាំ និងមន្ត្រីបច្ចេកទេស ក្រោមឱវាទអាជ្ញាធរទន្លេសាប ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានបន្តចុះធ្វើអធិការកិច្ចដែនព្រៃលិចទឹក និងព្រៃលិចទឹកតំបន់៣ ស្ថិតក្នុងភូមិសាស្ត្រស្រុក/ក្រុងចំនួន ៦ ក្រោមផ្លូវជាតិលេខ ៦ នៃខេត្តសៀមរាប ជាប់តំបន់បឹងទន្លេសាប ។

នៅក្នុងដំណើរចុះបេសកកម្មអធិការកិច្ចខាងលើនេះ ត្រូវបានធ្វើការបែងចែកក្រុមការងារទទួលមុខព្រួញ ដូចខាងក្រោម :
១. ឯកឧត្តម ហ៊ែល តូនី អនុប្រធានក្តាប់រួម ទទួលចុះអធិការកិច្ច ក្រុងសៀមរាប មាន ៧សង្កាត់ និងស្រុកជីក្រែង មាន ៧ឃុំ ជាប់តំបន់៣
២. ឯកឧត្តម ម៉ៅ ហាក់ អនុប្រធាន ទទួលចុះអធិការកិច្ច ស្រុកសូទ្រនិគម មាន ៣ឃុំ ជាប់តំបន់៣
៣. ឯកឧត្តម សរ គឹមសាន្ត អគ្គលេខាធិការ ទទួលចុះអធិការកិច្ច ស្រុកពួក មាន ៦ឃុំ ជាប់តំបន់៣
៤. ឯកឧត្តម ជា សុខនី អគ្គលេខាធិការរង ទទួលចុះអធិការកិច្ចស្រុកក្រឡាញ់ មាន ២ឃុំ ជាប់តំបន់៣
៥. ឯកឧត្តម ខូវ មាស អគ្គលេខាធិការរង ទទួលចុះអធិការកិច្ចស្រុកប្រាសាទបាគង មាន ២ឃុំ ជាប់បឹងទន្លេសាប។

ជារួម ភូមិសាស្ត្ររដ្ឋបាលដែនដីស្ថិតក្រោមផ្លូវជាតិលេខ ៦ នៃខេត្តសៀមរាប មានស្រុក/ក្រុងចំនួន ៦ និងឃុំ/សង្កាត់ចំនួន ២៧ ជាប់នឹងផ្ទៃដីដែនព្រៃលិចទឹកតំបន់៣ នៃបឹងទន្លេសាប ។ ផ្ទៃដីក្នុងភូមិសាស្ត្រខេត្តសៀមរាម ជាប់នឹងតំបន់បឹងទន្លេសាបសរុបរួមប្រមាណ ២៥៧ ៨៥៨.៥០ ហត ក្នុងនោះរួមមាន : តំបន់១ ចំនួន ៦៦ ៧០០.៩០ ហត, តំបន់២ ចំនួន ៩០ ៣៥២.០០ហត, តំបន់៣ ចំនួន ១០០ ៨០៥.៦០ ហត និងមានបង្គោលព្រំតំបន់៣ ថ្មី ចំនួន ២៩៩ បង្គោល បានបោះរួចរាល់៕

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងជាប្រធានក្រុមការងារអាជ្ញាធរទន្លេសាបប្រចាំមុខព្រួញខេត្តពោធិ៍សាត់ បានអញ្ជើញចូលរួមកិច្ចប្រជុំវឌ្ឍនភាពការចុះពិនិត្យផ្ទៀងផ្ទាត់ធ្វើបច្ចុប្បន្នភាព និងចងក្រងទិន្នន័យក្បាលដីតាមបណ្តាឃុំ ស្រុកព

2025-04-01T13:43:24+00:00

នាព្រឹកថ្ងៃអង្គារ ៤កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០១ ខែមេសា ឆ្នាំ២០២៥ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងជាប្រធានក្រុមការងារអាជ្ញាធរទន្លេសាបប្រចាំមុខព្រួញខេត្តពោធិ៍សាត់ បានអញ្ជើញដឹកនាំក្រុមការងារចូលរួមកិច្ចប្រជុំវឌ្ឍនភាពការចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដីតាមបណ្តាឃុំ ស្រុកពាក់ព័ន្ធតំបន់បឹងទន្លេសាប ស្ថិតក្នុងភូមិសាស្ត្រខេត្តពោធិ៍សាត់ ដឹកនាំដោយ ឯកឧត្តម សុខ គាង រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារប្រតិបត្តិអន្តរក្រសួង ស្ថាប័ន ចុះពិនិត្យផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីតំបន់បឹងទន្លេសាប ក្នុងភូមិសាស្ត្រខេត្តពោធិ៍សាត់ ដែលរៀបចំនៅទីស្តីការក្រសួងរៀបចំដែនដី នគរូបនីយកម្ម និងសំណង់ ដែលមានការអញ្ជើញចូលរួមពីឯកឧត្តម លោកជំទាវ លោក លោកស្រីជាប្រធាន អនុប្រធាន និងសមាជិកអញ្ជើញមកពីតំណាងក្រសួងរៀបចំដែនដី នគរូបនីយកម្ម និងសំណង់ អាជ្ញាធរទន្លេសាប ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ (រដ្ឋបាលជលផល) ក្រសួងបរិស្ថាន រដ្ឋបាលខេត្ត មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មន្ទីរកសិកម្ម រុក្ខាប្រមាញ់ និងនេសាទខេត្ត មន្ទីរធនធានទឹក និងឧតុនិយមខេត្ត មន្ទីរបរិស្ថានខេត្ត រដ្ឋបាលស្រុកកណ្តៀង រដ្ឋបាលស្រុកក្រគរ និងរដ្ឋបាលស្រុកបាកាន។

សូមជម្រាបជូនថា កិច្ចប្រជុំនេះ ដើម្បីពិនិត្យវឌ្ឍនភាពការងារចុះអនុវត្តសម្រង់កម្រងសំណួរជាមួយអាជ្ញាធរមូលដ្ឋាន និងធ្វើបច្ចុប្បន្នទិន្នន័យនៃការគ្រប់គ្រងដីពាក់ព័ន្ធជាមួយក្រសួងស្ថាប័ន ស្ថិតតាមបណ្តាស្រុកជាប់បឹងទន្លេសាប ក្នុងភូមិសាស្ត្រខេត្តពោធិ៍សាត់ និងរៀបចំរបាយការណ៍លទ្ធផលរកឃើញនៃការចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី មានភាពច្បាស់លាស់ ធានានូវសុក្រឹតភាព៕

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងជាប្រធានក្រុមការងារអាជ្ញាធរទន្លេសាបប្រចាំមុខព្រួញខេត្តពោធិ៍សាត់ បានអញ្ជើញចូលរួមកិច្ចប្រជុំវឌ្ឍនភាពការចុះពិនិត្យផ្ទៀងផ្ទាត់ធ្វើបច្ចុប្បន្នភាព និងចងក្រងទិន្នន័យក្បាលដីតាមបណ្តាឃុំ ស្រុកព

2025-04-01T13:36:29+00:00

លោក សុខ រ៉ាយ៉ុង ប្រធានការិយាល័យអភិរក្ស បានដឹកនាំក្រុមការងារចុះសិក្សាស្វែងយល់ និងពិគ្រោះយោបល់ជាមួយសហគមន៍ ព្រមទាំងអ្នកពាក់ព័ន្ធ ដើម្បីអាចកំណត់វិភាគមុខងារ លើតំបន់អភិរក្សជលផលកំពង់ប្រាក់

2025-03-31T13:17:56+00:00

នាថ្ងៃអង្គារ ១២រោច ដល់ថ្ងៃសៅរ៍ ១កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ដល់ថ្ងៃទី២៩ ខែមីនា ឆ្នាំ២០២៥ លោក សុខ រ៉ាយ៉ុង ប្រធានការិយាល័យអភិរក្ស នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារចុះសិក្សាស្វែងយល់ និងពិគ្រោះយោបល់ជាមួយសហគមន៍ ព្រមទាំងអ្នកពាក់ព័ន្ធ ដើម្បីអាចកំណត់វិភាគមុខងារ លើតំបន់អភិរក្សជលផលកំពង់ប្រាក់ ស្ថិតក្នុងភូមិសាស្ត្រភូមិកំពង់ប្រាក់ ឃុំស្នាអន្សា ស្រុកក្រគរ ខេត្តពោធិ៍សាត់។

ក្នុងការចុះសិក្សានេះ ក្រុមការងារបាន៖
- ជួបពិភាក្សា និងប្រមូលព័ត៌មានជាមួយ ផ្នែករដ្ឋបាលជលផលស្រុកក្រគរ និងមន្ត្រីដែលប្រចាំការនៅស្នាក់ការក្នុងតំបន់អភិរក្ស
- ជួបពិភាក្សា និងប្រមូលព័ត៌មានជាមួយអាជ្ញាធរមូលដ្ឋាន សហគមន៍នេសាទ និងប្រជានេសាទ
- ចុះពិនិត្យ និងអង្កេតផ្ទាល់ពីស្ថានភាពទូទៅតំបន់អភិរក្សជលផលកំពង់ប្រាក់។

សូមជម្រាបជូនថា៖ សកម្មភាពចុះសិក្សាស្វែងយល់ និងពិគ្រោះយោបល់ជាមួយសហគមន៍ ព្រមទាំងអ្នកពាក់ព័ន្ធ ដើម្បីអាចកំណត់វិភាគមុខងារ លើតំបន់អភិរក្សជលផលកំពង់ប្រាក់ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើនដែលត្រូវបានអនុម័តដាក់អនុវត្តន៍នៅក្នុងផែនការសកម្មភាពប្រចាំឆ្នាំ២០២៥ របស់អាជ្ញាធរទន្លេសាប។ ការចុះសិក្សាជំហានដំបូងនេះមានគោលបំណង៖
- ស្វែងយល់ពីរចនាសម្ព័ន្ធនៃការគ្រប់គ្រងអ្នកចូលរួមគ្រប់គ្រង អភិរក្ស ទស្សនៈវិស័យ និងផែនការគ្រប់គ្រងនៅក្នុងតំបន់អភិរក្សជលផលកំពង់ប្រាក់
- ស្វែងយល់ពីសក្តានុពលនៃធនធានជលផល ជីវចម្រុះ ព្រៃលិចទឹក និងប្រព័ន្ធអេកូឡូស៊ី ព្រមទាំងស្ថានភាពទូទៅផ្សេងៗទៀត៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប ជាប្រធានក្រុមការងារអាជ្ញាធរទន្លេសាបប្រចាំមុខព្រួញខេត្តបាត់ដំបង បានអញ្ជើញចូលរួមកិច្ចប្រជុំ បូកសរុបលទ្ធផលបឋមការងារពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីតាមបណ្

2025-03-30T08:38:18+00:00

នាព្រឹកថ្ងៃសុក្រ ១៥រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៨ ខែមីនា ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប ជាប្រធានក្រុមការងារអាជ្ញាធរទន្លេសាបប្រចាំមុខព្រួញខេត្តបាត់ដំបង រួមជាមួយថ្នាក់ដឹកនាំនាយកដ្ឋាន និងមន្ត្រីបច្ចេកទេសអាជ្ញាធរទន្លេសាប បានចូលរួមកិច្ចប្រជុំពិនិត្យពិភាក្សាលេីលទ្ធផលបឋម ក្នុងការអនុវត្តការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី តាមបណ្តាភូមិ ឃុំ ស្រុក ពាក់ព័ន្ធតំបន់បឹងទន្លេសាប ស្ថិតក្នុងភូមិសាស្ត្រខេត្តបាត់ដំបង ដឹកនាំដោយ ឯកឧត្តម គឹត ច័ន្ទគ្រឹស្នា អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអនុប្រធានក្រុមការងារពិនិត្យផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីតំបន់បឹងទន្លេសាប ក្នុងភូមិសាស្ត្រខេត្តបាត់ដំបង។

អង្គប្រជុំបានឯកភាពគ្នាជាមួយក្រុមការងារផ្ទៀងផ្ទាត់ និងបញ្ចូលទិន្នន័យច្បាស់លាស់បន្ថែមធ្វើយ៉ាងណាធានានូវសុក្រឹតភាព ដែលអាចចងក្រងព័ត៌មានជាមូលដ្ឋានសម្រាប់ថ្នាក់ដឹកនាំធ្វេីសេចក្តីសម្រេចចិត្តតម្រង់ទិសក្នុងការរៀបចំផែនការអភិរក្ស និងផែនការអភិវឌ្ឍន៍ប្រទេសជាតិដោយផ្ដោតលើគុណភាព សំដៅលើកកម្ពស់ជីវភាពរស់នៅរបស់ប្រជាពលរដ្ឋ ដោយកាត់បន្ថយបន្ទុកដែលពឹងផ្អែកទាំងស្រុងលើធនធានធម្មជាតិក្នុងតំបន់បឹងទន្លេសាប និងធានាបាននិរន្តរភាពនៃប្រពន្ធ័អេកូឡូសុីបឹងទន្លេសាបសម្រាប់កូនចៅតជំនាន់៕

លោក ណៅ ណាតា អនុប្រធាននាយកដ្ឋាន បានដឹកនាំក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ចុះអនុវត្តន៍សកម្មភាពការសិក្សាស្រាវជ្រាវ តាមដាន វាយតម្លៃពីបរិមាណផលចាប់ធនធានត្

2025-03-27T09:33:21+00:00

នៅថ្ងៃចន្ទ ១១រោច ដល់ថ្ងៃពុធ ១៣រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៤ ដល់ថ្ងៃទី២៦ ខែមីនា ឆ្នាំ២០២៥ លោក ណៅ ណាតា អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ ចុះសិក្សាស្រាវជ្រាវ តាមដាន វាយតម្លៃពីបរិមាណផលចាប់ធនធានត្រី និងជីវចម្រុះគ្រប់ប្រភេទ ស្ថិតនៅភូមិឆ្នុកទ្រូ ភូមិកំពង់ព្រះ ភូមិសេះស្លាប់ ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង។

ការចុះសិក្សានេះ ក្រុមការងារបានធ្វើការជួបជាមួយ ៖
១. ជួបសម្ភាសន៍ជាមួយអាជ្ញាធរដែនដី និងខណ្ឌរដ្ឋបាលជលផលខេត្តកំពង់ឆ្នាំង
២. សម្ភាសន៍ជាមួយប្រជានេសាទ
៣. សម្ភាសន៍ជាមួយអាជីវករទិញ-លក់ត្រីតាមតំបន់។

សូមជម្រាបជូនថា៖ សកម្មភាពចុះសិក្សាស្រាវជ្រាវ តាមដាន វាយតម្លៃពីបរិមាណផលចាប់ធនធានត្រី និងជីវចម្រុះគ្រប់ប្រភេទតំបន់ទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៥ របស់អាជ្ញាធរទន្លេសាប ។ សកម្មភាពខាងលើនេះ មានគោលបំណង៖
- សិក្សាតាមដានបរិមាណផលចាប់ប្រចាំថ្ងៃរបស់អ្នកនេសាទទៅតាមប្រភេទឧបករណ៍នេសាទសំខាន់ៗ
- សិក្សាចរន្ត និងតម្លៃទីផ្សារតាមតំបន់នីមួយៗ
- សិក្សាពីផលប៉ះពាល់ បញ្ហាប្រឈម និងស្វែងរកដំណោះស្រាយ៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាបបន្តអនុវត្តការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី តាមបណ្តាឃុំ ស្រុកពាក់ព័ន្ធនឹងតំបន់បឹងទន្លេសាប

2025-03-23T12:49:08+00:00

នាថ្ងៃសៅរ៍ ៩រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែមីនា ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប និងជាប្រធានក្រុមការងារមុខព្រួញខេត្តបាត់ដំបងរបស់អាជ្ញាធរទន្លេសាប រួមជាមួយថ្នាក់ដឹកនាំនាយកដ្ឋាន និងមន្ត្រីបច្ចេកទេសអាជ្ញាធរទន្លេសាប បានសហការជាមួយថ្នាក់ដឹកនាំ និងមន្ត្រីបច្ចេកទេសរបស់ក្រសួងរៀបចំដែនដី នគរូបនីយកម្ម និងសំណង់ដែលដឹកនាំដោយ ឯកឧត្តម គិត ចន្ទ័គ្រឹស្នា អនុរដ្ឋលេខាធិការជាប្រធានក្រុមប្រតិបត្តិទទួលស្រុកសង្កែ ព្រមជាមួយ អាជ្ញាធរដែនដី ប៉ុស្តិ៍នគរបាលរដ្ឋបាលឃុំ បន្តអនុវត្តការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី តាមបណ្តាឃុំ ស្រុកពាក់ព័ន្ធនឹងតំបន់បឹងទន្លេសាប និងបានចុះពិនិត្យស្ថានភាពជាក់ស្តែងដីស្រែប្រជាពលរដ្ឋ និងបង្គោលព្រំតំបន់៣ ស្ថិតក្នុងភូមិសាស្ត្រស្រុកឯកភ្នំ និងស្រុកសង្កែ ខេត្តបាត់ដំបង៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប និងជាប្រធានក្រុមការងារមុខព្រួញខេត្តបាត់ដំបង បានអញ្ជើញចូលរួមកិច្ចប្រជុំ ដើម្បីពិភាក្សាក្នុងការអនុវត្តការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី តាមបណ្តា

2025-03-23T12:31:21+00:00

នាព្រឹកថ្ងៃសុក្រ ៨រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែមីនា ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប និងជាប្រធានក្រុមការងារមុខព្រួញខេត្តបាត់ដំបង រួមជាមួយថ្នាក់ដឹកនាំនាយកដ្ឋាន និងមន្ត្រីបច្ចេកទេសអាជ្ញាធរទន្លេសាប បានចូលរួមកិច្ចប្រជុំ ដើម្បីពិភាក្សាក្នុងការអនុវត្តការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី តាមបណ្តាឃុំ ស្រុកពាក់ព័ន្ធនឹងតំបន់បឹងទន្លេសាប ស្ថិតក្នុងភូមិសាស្ត្រខេត្តបាត់ដំបង ដឹកនាំដោយ ឯកឧត្តម សូ ខនឬទ្ធីគុណ រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារប្រតិបត្តិខេត្តបាត់ដំបង។

គោលបំណងនៃកិច្ចប្រជុំដើម្បី៖
- បញ្ជាក់អំពីគោលបំណងនៃការបង្កើតក្រុមការងារពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីនៃខេត្តទាំង៦ ជុំវិញតំបន់បឹងទន្លេសាប
- ពិភាក្សាអំពីស្ថានភាពទូទៅ ការអាស្រ័យផល របស់ប្រជាជននៅក្នុងតំបន់២,តំបន់៣ និងបញ្ហាប្រឈមនានា
- ណែនាំពីទម្រង់កម្រងបញ្ជីសំនួរសម្រាប់កិច្ចសម្ភាសន៍ជាមួយអាជ្ញាធរភូមិ សហគមន៍ រៀបចំផែនការ កំណត់ពេលវេលាចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីតំបន់ទន្លេសាប ដើម្បីបូកសរុបបាយការណ៍ជូនថ្នាក់ដឹកនាំ។

អង្គប្រជុំបានសម្រេចឯកភាពគ្នាដូចខាងក្រោម៖
- រៀបចំបែងចែកសមាសភាពក្រុមការងារចុះអនុវត្ត ចំនួន៤ ក្រុមទទួលខុសត្រូវតាមស្រុកនីមួយៗ ដើម្បីចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី តាមបណ្តាភូមិ ឃុំ ក្នុងស្រុកពាក់ព័ន្ធតំបន់បឹងទន្លេសាប មានស្រុកមោងឬស្សី ស្រុកសង្កែ ស្រុកឯកភ្នំ និងស្រុកថ្មគោល ក្នុងភូមិសាស្ត្រខេត្តបាត់ដំបង។

សូមបញ្ជាក់ថា៖
សេចក្តីសម្រេចលេខ ០១៤ ដនស.សសរ ចុះថ្ងៃទី២០ ខែកុម្ភៈ ឆ្នាំ២០២៥ ស្តីពីការបង្កើតក្រុមការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់បឹងទន្លេសាប គឺដើម្បីរៀបចំលក្ខខណ្ឌការប្រើប្រាស់ដីសម្រាប់ការអភិរក្ស ការអភិវឌ្ឍតំបន់ទន្លេសាប (តំបន់២ និងតំបន់៣) ដោយផ្អែកលើទិន្នន័យពីការប្រើប្រាស់ដីជាក់ស្ដែង ក្នុងស្ថានភាពបច្ចុប្បន្ន ដូចជាៈ លក្ខណៈភូមិសាស្ត្រ ប្រជាសាស្ត្រ និងមុខរបរ រូបភាពប្រើប្រាស់ដី ហេដ្ឋារចនាសម្ព័ន្ធ និងស្ថានភាពសកម្មភាពអភិវឌ្ឍន៍ក្នុងមូលដ្ឋានភូមិ ឃុំ ស្រុក ស្ថិតក្នុងតំបន់ការពារបឹងទន្លេសាប នៃដែនតំបន់គ្រប់គ្រងរបស់អាជ្ញាធរទន្លេសាប នៃខេត្តទាំង៦ជុំវិញតំបន់បឹងទន្លេសាប រួមមាន៖ ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ចូលរួមចុះពិនិត្យទិន្នន័យការប្រើប្រាស់ដីធ្លី នៅភូមិសាស្ត្រខេត្តសៀមរាប នៃតំបន់បឹងទន្លេសាប

2025-03-23T12:10:47+00:00

ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នាថ្ងៃព្រហស្បតិ៍ ៧រោច ដល់ថ្ងៃសុក្រ ៨រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០-២១ ខែមីនា ឆ្នាំ២០២៥ តាមរយៈការចាត់អញ្ជើញរបស់ក្រសួងរៀបចំដែនដី នគរូបនីយកម្ម និងសំណង់ ឯឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានដឹកនាំមន្ត្រីបច្ចេកទេសនៃអគ្គលេខាធិការដ្ឋាន អាជ្ញាធរទន្លេសាប ដើម្បីចូលរួមចុះពិនិត្យការប្រើប្រាស់ដី និងជីវភាពរស់នៅសហគមន៍ទេសចរនៃភូមិបណ្តែតទឹក ក្នុងតំបន់បឹងទន្លេសាប ជាមួយក្រុមការងារមន្ត្រីបច្ចេកទេសអន្តរក្រសួងស្ថាប័នថ្នាក់ជាតិ ថ្នាក់ខេត្ត និងថ្នាក់មូលដ្ឋាន ប្រចាំមុខព្រួញខេត្តសៀមរាប ដែលដឹកនាំដោយ ឯកឧត្តម តឹក រ៉េតសំរេច រដ្ឋលេខាធិការប្រចាំការ នៃក្រសួងរៀបចំដែនដី នគរូបនីយកម្ម និងសំណង់ ស្ថិតក្នុងភូមិសាស្ត្រក្រុងសៀមរាប ស្រុកប្រាសាទបាគង ស្រុកសូទ្រនិគម ស្រុកជីក្រែង និងស្រុកពួក ។

សូមជម្រាបថា ខេត្តសៀមរាបមានផ្ទៃដីមកជាប់តំបន់បឹងទន្លេសាប សរុបចំនួន ២៥៧ ៨៥៨.៥០ ហត ក្នុងនោះរួមមាន : តំបន់១ ចំនួន ៦៦ ៧០០.៩០ ហត, តំបន់២ ចំនួន ៩០ ៣៥២.០០ហត, តំបន់៣ ចំនួន ១០០ ៨០៥.៦០ ហត និងមានបង្គោលព្រំតំបន់៣ ចំនួន ២៩៩ បង្គោល៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាបបានអញ្ជើញជាអធិបតីភាពបិទសិក្ខាសាលា ស្តីពីការចាប់ផ្តើមសិក្សា និងវិភាគសន្តិសុខទឹកក្នុងអាងទន្លេសាប

2025-03-23T11:55:14+00:00

នាថ្ងៃពុធ ៦រោច ខែផល្គុន ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ១៩ ខែមីនា ឆ្នាំ២០២៥ នៅសណ្ឋាគារអង្គរមិរ៉ាខល (Angkor Miracle Resort & Spa) ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយ លោកស្រី Bridget Collier អនុប្រធានបេសកកម្មនៃស្ថានទូតអូស្ត្រាលី និងលោកស្រី Maria Angelica Sotomayor ប្រធានគ្រប់គ្រងការអនុវត្តទឹកប្រចាំអាស៊ីប៉ាស៊ីហ្វិច នៃធនាគារពិភពលោក បានអញ្ជើញជាអធិបតីភាពបិទសិក្ខាសាលា ស្តីពីការចាប់ផ្តើមសិក្សា និងវិភាគសន្តិសុខទឹកក្នុងអាងទន្លេសាប ដោយមានកិច្ចសហការជាមួយ ធនាគារពិភពលោក (World Bank - WB), ក្រសួងកិច្ចការបរទេស និងពាណិជ្ជកម្ម នៃប្រទេសអូស្ត្រាលី (DFAT) និង Australian Water Partnership (AWP) ក្នុងការអនុវត្តកម្មវិធីវាយតម្លៃសន្តិសុខ និងភាពធន់នៃបឹងទន្លេសាបសម្រាប់ឆ្នាំ២០២៤-២០២៦ ពីថ្ងៃទី១៨ ដល់ថ្ងៃទី១៩ ខែមីនា ឆ្នាំ២០២៥ នៅខេត្តសៀមរាប។

សូមជម្រាបជូនថា កិច្ចប្រជុំខាងលើ មានសមាសភាពចូលរួមពីសមាជិកសមាជិកាអាជ្ញាធរទន្លេសាប ក្រសួង ស្ថាប័នពាក់ព័ន្ធ ខេត្តពាក់ព័ន្ធជុំវិញបឹងទន្លេសាប ស្ថាប័នអប់រំ និងស្រាវជ្រាវ និងដៃគូអភិវឌ្ឍន៍ ដោយផ្ដោតសំខាន់លើ ៖ (i). ការពង្រឹងការយល់ដឹងអំពីបញ្ហាសុវត្ថិភាពទឹកនៅក្នុងតំបន់បឹងទន្លេសាប និងដៃស្ទឹងរបស់វា (ii). គាំទ្រគោលនយោបាយដើម្បីកសាងនូវការឯកភាពគ្នាលើប្រព័ន្ធនៃការគ្រប់គ្រងតំបន់ទន្លេសាប (iii). កំណត់ផែនការអភិវឌ្ឍពហុដំណាក់កាល ផ្អែកលើភស្តុតាងសម្រាប់តំបន់ទន្លេសាប (iv). ការផ្លាស់ប្ដូរចំណេះដឹង ការបង្កើតកម្មវិធី និងការបង្កើនសមត្ថភាពភាគីពាក់ព័ន្ធ។

សូមបញ្ជាក់ជូនថាកិច្ចប្រជុំនេះមានគោលបំណងសំខាន់ប្រមូលផ្ដុំភាគីពាក់ព័ន្ធសំខាន់ៗទាំងអស់ ដើម្បីកំណត់ និងឯកភាពគ្នាយ៉ាងច្បាស់លើគោលដៅគម្រោង វិសាលភាព ពេលវេលា តួនាទី ទំនួលខុសត្រូវ និងហានិភ័យដែលអាចកើតមានឡើងធ្វើយ៉ាងណាឱ្យភាគីពាក់ព័ន្ធទាំងអស់មានការយល់ដឹងរួមគ្នាមុននឹងឈានទៅមុខជាមួយនឹងការអនុវត្តគម្រោងរួមគ្នា៕

ជារួមលទ្ធផល នៃកិច្ចប្រជុំនេះសម្រេចបាននូវការចែករំលែក និងពិភាក្សាយ៉ាងស៊ីជម្រៅអំពីបញ្ហាប្រឈម ឱកាស និងផែនការសកម្មភាពដើម្បីធានាសន្និសុខទឹកនៅអាងទន្លេសាប។ ក្រោមប្រធានបទ “ការរួមគ្នាសម្រាប់សន្តិសុខទឹកនៅអាងទន្លេសាប” យើងបានលើកយកជាមូលដ្ឋានគ្រឹះចំនួន ៣យ៉ាងមកវិភាគ (១)បញ្ហាទឹក និងបរិស្ថានទឹក (២)សង្គម-សេដ្ឋកិច្ច (៣)គោលនយោបាយ និងបច្ចេកទេស ជាទស្សនៈសម្រាប់ការអភិរក្ស និងការអភិវឌ្ឍតំបន់បឹងទន្លេសាប ឈានទៅដល់ការឯកភាពគ្នាលើគោលបំណង វិសាលភាព ពេលវេលា តួនាទី និងទំនួលខុសត្រូវរបស់គម្រោង ការប្រមូលធាតុចូលពីភាគីពាក់ព័ន្ធសំខាន់ៗរួមទាំងការកំណត់ទិន្នន័យ និងព័ត៌មានចាំបាច់ ដើម្បីធ្វើការវាយតម្លៃក៏ដូចជាការកសាង ការរួមបញ្ចូលគ្នាសម្រាប់សន្តិសុខទឹក និងភាពធន់នៅបឹងទន្លេសាប ដោយអនុលោមតាមផែនការចូលរួមរបស់គម្រោង ការពិគ្រោះយោបល់ជាបន្តបន្ទាប់ ការចែករំលែកផ្លាស់ប្តូរចំណេះដឹង និងត្រូវរៀបចំឡើងជាជំហានសំខាន់ៗ ក្រោមគម្រោងសម្រាប់កម្មវិធីសន្តិសុខទឹក និងភាពធន់នៃបឹងទន្លេសាប៕

ទន្ទឹងនឹងនេះដែរ ឯកឧត្តមអនុប្រធានក្តាប់រួម បានមានប្រសាសន៍ក្នុងពិធីបិទសិក្ខាសាលានេះ ទឹកនៅអាងទន្លេសាបគឺជាសម្បត្តិសម្រាប់មនុស្សជំនាន់នេះ និងអនាគត។ យើងនឹងធ្វើឱ្យអាងទន្លេសាបក្លាយជាគំរូនៃការគ្រប់គ្រងទឹកប្រកបដោយចីរភាព។ ការរួមចំណែករបស់យើងមិនត្រឹមតែជាកាតព្វកិច្ចប៉ុណ្តោះទេ គឺជាក្តីសង្ឃឹមសម្រាប់កូនជំនាន់ក្រោយ យើងនឹងមានទឹកគ្រប់គ្រាន់ និងមានសុវត្ថិភាព សម្រាប់ប្រើប្រាស់ប្រចាំថ្ងៃ និងជីវិតប្រកបដោយសុខដុម៕

Visit of His Excellency Thor Chetha, Chairman of the Tonle Sap Authority, and His Excellency Li Guoying, Minister of Water Resources of the People's Republic of China, to the Tonle Sap Area in Siem Reap Province

2025-03-20T06:06:11+00:00

On March 18, 2025, His Excellency Thor Chetha, Minister of Water Resources and Meteorology and Chairman of the Tonle Sap Authority, accompanied by His Excellency Li Guoying, Minister of Water Resources of the People's Republic of China, and a delegation, visited the Tonle Sap area in Siem Reap Province. The delegation included representatives from the Ministry of Water Resources and Meteorology, the Tonle Sap Authority, the Deputy Governor of Siem Reap Province, provincial administrative officials, representatives from the Department of Water Resources and Meteorology, local authorities of Siem Reap Municipality, and community members.

During the visit, the delegation inspected the Kampong Thkov Hydrological and Meteorological Station in Kralanh District, the Baray Teuk Thla Reservoir, and the Tonle Sap Lake in the floating village of Chhnok Tru, Siem Reap City. His Excellency the Minister and Chairman of the Tonle Sap Authority warmly welcomed His Excellency Li Guoying, Minister of Water Resources of the People's Republic of China, and highlighted the importance of hydrological and meteorological stations for Cambodia in receiving and transmitting data, monitoring, managing water resources and weather, and effectively managing flood disasters. This information is shared and disseminated to the public. His Excellency also emphasized the significance of the Tonle Sap Lake as the cultural heart of the Khmer nation and its benefits in water resources, eco-tourism, the environment, and national resources. Fish, for example, are a source of protein that supports human health and the national economy. The flooded forests around the Tonle Sap Lake play a crucial role in protecting the lake from drying up, preventing siltation, pollution, and toxins from upstream development areas, which negatively impact water quality, the environment, and the health of the lake, posing risks to humans, animals, plants, biodiversity, and the ecosystem.

During this visit, His Excellency the Minister of Water Resources of the People's Republic of China and the delegation expressed strong interest in the importance of data collection, management of hydrological and meteorological data, water inflow and outflow volumes of the Tonle Sap Lake. His Excellency praised Cambodia for its invaluable heritage, including its culture, traditions, the ancient temples of Angkor Wat, the Baray Teuk Thla Reservoir, and the Tonle Sap Lake, which is surrounded by flooded forests that thrive during the long rainy season.

Please also note that His Excellency the Minister of Water Resources of the People's Republic of China pledged to strengthen cooperation with the Tonle Sap Authority and the Ministry of Water Resources of Cambodia through the Embassy of the People's Republic of China and institutions under the Ministry of Water Resources of China. This cooperation aims to protect and sustain the Tonle Sap Lake, similar to the efforts to manage Lake Taihu in China. His Excellency also recommended that the Nanjing Hydraulic Research Institute (NHRI) and the Nanjing Research Institute of Hydrology and Water Conservation Automation (NIHWA) continue collaborating with the Tonle Sap Authority to study the needs for additional equipment and technical support in the Tonle Sap Basin (including its 11 major tributaries) and to train human resources capable of maintaining, repairing, and managing hydrological data. This includes studying the cycle of flooded forests and sharing experiences on planting flooded forests in the Tonle Sap Lake, which could be applied to Lake Taihu in China.

ដំណើរទស្សនកិច្ចរបស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប និងឯកឧត្តម Li Guoying រដ្ឋមន្ត្រីក្រសួងធនធានទឹក នៃសាធារណរដ្ឋប្រជាមានិតចិន នៅតំបន់ទន្លេសាប ខេត្តសៀមរាប

2025-03-20T06:06:11+00:00

នៅថ្ងៃអង្គារ ៥រោច ខែផល្គុន ឆ្នាំរោង ឆស័ក ពស២៥៦៨ ត្រូវនឹងថ្ងៃទី១៨ ខែមីនា ឆ្នាំ២០២៥ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ដោយមានការអញ្ជើញចូលរួមពីឯកឧត្តម Li Guoying រដ្ឋមន្ត្រីក្រសួងធនធានទឹក នៃសាធារណរដ្ឋប្រជាមានិតចិន និងគណៈប្រតិភូអមដំណើរដោយឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ មកពីក្រសួងធនធានទឹក និងឧតុនិយម អាជ្ញាធរទន្លេសាប លោកអភិបាលរងខេត្ត មន្ត្រីរដ្ឋបាលខេត្ត តំណាងមន្ទីរធនធានទឹក និងឧតុនិយម អាជ្ញាធរដែនដីរដ្ឋបាលក្រុងសៀមរាម និងសហគមន៍មូលដ្ឋាន។

ក្នុងដំណើរទស្សនកិច្ចរបស់គណៈប្រតិភូ បានអញ្ជើញចុះពិនិត្យទីតាំងស្ថានីយជលសាស្ត្រ និងឧតុនិយមកំពង់ថ្កូវ ស្ថិតក្នុងស្រុកក្រឡាញ់ ទស្សនកិច្ចបារាយណ៍ទឹកថ្លា និងបឹងទន្លេសាប ស្ថិតនៅតំបន់ភូមិបណ្តែតទឹកចុងឃ្នៀស ក្រុងសៀមរាប។ ឯកឧត្តមរដ្ឋមន្ត្រី និងជាប្រធានអាជ្ញាធរទន្លេសាប បានសម្តែងនូវការស្វាគមន៍យ៉ាងកក់ក្តៅចំពោះឯកឧត្តម Li Guoying រដ្ឋមន្ត្រីក្រសួងធនធានទឹក នៃសាធារណរដ្ឋប្រជាមានិតចិន និងជម្រាបជូនពីសារៈសំខាន់នៃស្ថានីយជលសាស្ត្រ និងឧតុនិយម សម្រាប់ប្រទេសកម្ពុជា ដើម្បីទទួល-បញ្ជូនទិន្នន័យព័ត៌មាន ការតាមដាន គ្រប់គ្រងធនធានទឹក និងអាកាសធាតុ គ្រប់គ្រងគ្រោះមហន្តរាយទឹកជំនន់បានត្រឹមត្រូវទៀតទាត់ ក្នុងការចែករំលែក ផ្សព្វផ្សាយជូនដល់មហាជន។ ដោយឡែក ឯកឧត្តមរដ្ឋមន្ត្រី ក៏បានបញ្ជាក់ជូនប្រតិភូអំពីបឹងទន្លេសាប ដែលវាជាបេះដូងវប្បធម៌ជាតិខ្មែរ និងអត្ថប្រយោជន៍បឹងទន្លេសាបលើវិស័យធនធានទឹក ទេសចរណ៏អេកូធម្មជាតិ បរិស្ថាន ធនធានជាតិ ក្នុងនោះ ត្រី ជាប្រភពប្រូតេអ៊ីនទ្រទ្រង់សុខភាពមនុស្ស និងសេដ្ឋកិច្ចជាតិ, ព្រៃលិចទឹកជុំវិញបឹងទន្លេសាប ផ្តល់នូវមុខងារជាច្រើនលើការការពារបឹងទន្លេសាបពីការគោករាក់ ការពារទប់ស្កាត់ភាពកករដីល្បាប់ ភាពកខ្វក់ ជាតិពុល ពីតំបន់អភិវឌ្ឍន៍ផ្នែកខាងលើហូរចាក់ចូលបឹងទន្លេសាប ជះឥទ្ធិពលអវិជ្ជមានដល់គុណភាពទឹក បរិស្ថាន សុខមាលភាពបឹងទន្លេសាបមិនស្អាត និងបង្កគ្រោះថ្នាក់ដល់ការប្រើប្រាស់របស់មនុស្ស សត្វ និងរុក្ខជាតិព្រៃលិចទឹក ប្រព័ន្ធជីវចម្រុះ និងប្រព័ន្ធអេកូឡូស៊ី។

ក្នុងដំណើរទស្សនកិច្ចស្វែងយល់នេះដែរ ឯកឧត្តមរដ្ឋមន្ត្រីក្រសួងធនធានទឹក នៃសាធារណរដ្ឋប្រជាមានិតចិននិងគណៈប្រតិភូ មានចំណាប់អារម្មណ៍យ៉ាងខ្លាំងចំពោះសារសំខាន់នៃការប្រមូលផ្តុំទិន្នន័យ ការគ្រប់គ្រងទិន្នន័យ ព័ត៌មានជលសាស្ត្រ ឧតុនិយម ទំហំបរិមាណទឹកហូរចូលបឹងទន្លេសាប និងហូរចេញពីបឹងទន្លេសាប។ ឯកឧត្តម បានកោតស្ញប់ស្ញែងប្រទេសកម្ពុជា ដែលទទួលបាននូវមរតកមហាសាលមិនអាចកាត់ថ្លៃបាននោះ គឺវប្បធម៌ ប្រពៃណី ប្រាសាទបុរាណអង្គរវត្ត អាងទឹកបារាយណ៍ទឹកថ្លា និងបឹងទន្លេសាប ដែលមានព្រៃលិចទឹកនៅព័ទ្ធជុំវិញរស់នៅបានក្នុងរដូវវស្សាទឹកលិចរយៈយ៉ាងយូរ ។

សូមបញ្ជាក់ជូនផងដែរថា ឯកឧត្តមរដ្ឋមន្ត្រី ក្រសួងធនធានទឹក នៃសាធារណរដ្ឋប្រជាមាននិតចិន បានគាំទ្រជំរុញពង្រឹងកិច្ចសហប្រតិបតិ្តការជាមួយអាជ្ញាធរទន្លេសាប និងក្រសួងធនធានទឹក នៃសាធារណរដ្ឋប្រជាមាននិតចិន តាមរយៈស្ថានទូតសាធារណរដ្ឋប្រជាមានិតចិន និងស្ថាប័នក្រោមក្រសួងធនធានទឹក (ចិន) ក្នុងការចូលរួមការការពារបឹងទន្លេសាបឱ្យបានគង់វង្ស និងចីរភាពដូចគ្នានឹងការអនុវត្តការគ្រប់បឹង Tiahu នៅប្រទេសចិនជាដើម ព្រមទាំងផ្តល់អនុសាសន៍ណែនាំដល់វិទ្យាស្ថានស្រាវជ្រាវជលគតិ ណានជីង (Nanjing Hydraulic Research Institute-NHRI) និងវិទ្យាស្ថានស្រាវជ្រាវណានជីងផ្នែកជលសាស្ត្រ និងប្រព័ន្ធស្វ័យប្រវត្តិកម្មសម្រាប់ការអភិរក្ស (Nanjing Research Institute Hydrology and Water Conservation Automation-NIHWA) បន្តសហការជាមួយអាជ្ញាធរទន្លេសាបសិក្សារួមគ្នាលើតម្រូវការផ្តល់នូវឧបករណ៍បំពាក់ និងបច្ចេកទេសបន្ថែម នៅតំបន់អាងបឹងទន្លេសាប(ស្ទឹងសំខាន់ៗទាំង១១) និងបណ្តុះបណ្តាលធនធានមនុស្សប្រកបដោយសមត្ថភាពក្នុងការថែទាំ ជួសជុល គ្រប់គ្រងទិន្នន័យ ព័ត៌មានពីជលសាស្ត្រ សិក្សាពីវដ្តនៃព្រៃលិចទឹក និងដកស្រង់បទពិសោធន៍ពីការដាំព្រៃលិចទឹកនៅបឹងទន្លេសាប ទៅដាំនៅបឹង Tiahu ប្រទេសចិន៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប អញ្ជើញចូលរួមកិច្ចប្រជុំប្រឹក្សាយោបល់ ជាមួយក្រុមការងារតំណាងអង្គការ UNESCO លើគម្រោងនៃការគ្រប់គ្រងទឹកឆ្លងដែន (Transboundary Water Projects)

2025-03-19T10:18:50+00:00

នាព្រឹកថ្ងៃអង្គារ ៥រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ខែមីនា ឆ្នាំ២០២៥ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប តំណាងក្រសួងធនធានទឹក និងឧតុនិយម និងគណៈកម្មាធិការជាតិទន្លេមេគង្គកម្ពុជា បានចូលរួមកិច្ចប្រជុំប្រឹក្សាយោបល់ ជាមួយតំណាងអ្នកឯកទេសគ្រប់គ្រងទឹកមកពីអង្គការ UNESCO ប្រចាំទីក្រុង Paris និងភ្នំពេញ។

គោលបំណងនៃកិច្ចប្រជុំ៖

- ចែករំលែកព័ត៌មានគម្រោងដែលត្រូវអនុវត្តសម្រាប់ការគ្រប់គ្រងទឹកក្រោមដីឆ្លងដែន (Transboundary Groundwater Resources Management in the Great Mekong Subregion)
- គម្រោងមានការចូលរួមពីក្រសួងពាក់ព័ន្ធមានដូចជា ក្រសួងបរិស្ថាន អង្គការ IUCN និង UNESCO ប្រចាំទីក្រុងភ្នំពេញ និងបណ្ដាលប្រទេសអនុតំបន់ទន្លេមេគង្គ៖ កម្ពុជា វៀតណាម ឡាវ និងថៃ។

កិច្ចប្រជុំបានបញ្ជាក់អំពីតួនាទី និងភារកិច្ចរបស់ក្រសួងធនធានទឹក និងឧតុនិយម គណៈកម្មការជាតិទន្លេមេគង្គកម្ពុជា និងអាជ្ញាធរទន្លេសាប ដែលជាស្ថាប័នគោលទាក់ទងលើការគ្រប់គ្រងធនធានទឹក និងទឹកក្រោមដី។ ក្រុមការងារតំណាងអង្គការ UNESCO នឹងបន្តសហការ និងធ្វើការរួមគ្នា ដើម្បីឱ្យដំណើរការគម្រោងទទួលបានជោគជ័យនាពេលខាងមុខ៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប អញ្ជើញចូលរួមកិច្ចប្រជុំប្រឹក្សាយោបល់ ជាមួយក្រុមការងារតំណាងអង្គការ UNESCO លើគម្រោងនៃការគ្រប់គ្រងទឹកឆ្លងដែន (Transboundary Water Projects)

2025-03-19T10:18:50+00:00

គោលបំណងនៃកិច្ចប្រជុំ៖

ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាបបានអញ្ជើញជាអធិបតីភាពបើកសិក្ខាសាលា ស្តីពីការចាប់ផ្តើមសិក្សា និងវិភាគសន្តិសុខទឹកក្នុងអាងទន្លេសាប

2025-03-19T08:21:10+00:00

នាថ្ងៃអង្ការ ៥រោច ខែផល្គុន ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ១៨ ខែមីនា ឆ្នាំ២០២៥ នៅសណ្ឋាគារអង្គរមីរ៉ាខល ខេត្តសៀមរាប (Angkor Miracle Resort & Spa) ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយ លោកស្រី Bridget Collier អនុប្រធានបេសកកម្មនៃស្ថានទូតអូស្ត្រាលី និងលោកស្រី Maria Angelica Sotomayor ប្រធានគ្រប់គ្រងការអនុវត្តទឹកប្រចាំអាស៊ីប៉ាស៊ីហ្វិច នៃធនាគារពិភពលោក បានអញ្ជើញជាអធិបតីភាពបើកសិក្ខាសាលា ស្តីពីការចាប់ផ្តើមសិក្សា និងវិភាគសន្តិសុខទឹកក្នុងអាងទន្លេសាប ដោយមានកិច្ចសហការជាមួយ ធនាគារពិភពលោក (World Bank - WB), ក្រសួងកិច្ចការបរទេស និងពាណិជ្ជកម្ម នៃប្រទេសអូស្ត្រាលី (DFAT) និង Australian Water Partnership (AWP) ក្នុងការអនុវត្តកម្មវិធីវាយតម្លៃសន្តិសុខ និងភាពធន់នៃនឹងទន្លេសាប សម្រាប់ឆ្នាំ ២០២៤-២០២៦។

ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ទទួលជួបសម្តែងការគួរសម និងពិភាក្សាការងារ ជាមួយឯកឧត្តម Li Guoying រដ្ឋមន្ត្រីក្រសួងធនធានទឹក នៃសាធារណរដ្ឋប្រជាមានិតចិន

2025-03-19T07:42:04+00:00

ព្រឹកថ្ងៃចន្ទ ៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែមីនា ឆ្នាំ២០២៥ នៅអាជ្ញាធរទន្លេសាប ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានទទួលជួបសម្តែង ការគួរសម និងពិភាក្សាការងារជាមួយឯកឧត្តម Li Guoying រដ្ឋមន្ត្រីក្រសួងធនធានទឹក នៃសាធារណរដ្ឋប្រជាមានិតចិន និងគណៈប្រតិភូអមដំណើរ ដោយមានការអញ្ជើញចូលរួមពីឯកឧត្តម លោកជំទាវ មកពីក្រសួងធនធានទឹក និងឧតុនិយម គណ:កម្មាធិការជាតិទន្លេមេគង្គកម្ពុជា ឯកឧត្តមអនុប្រធាន អគ្គលេខាធិការ អគ្គលេខាធិការរង និងមន្ត្រីបច្ចេកទេស អាជ្ញាធរទន្លេសាប។

ឆ្លៀតក្នុងឱកាសជំនួបពិភាក្សានេះដែរ ឯកឧត្តម ប្រធានអាជ្ញាធរទន្លេសាប បានសម្តែងនូវការស្វាគមន៍យ៉ាងកក់ក្តៅចំពោះឯកឧត្តម Li Guoying រដ្ឋមន្ត្រីក្រសួងធនធានទឹក នៃសាធារណរដ្ឋប្រជាមានិតចិន និងគណៈប្រតិភូអមដំណើរ ដែលបានអញ្ជើញមកស្វែងយល់ផ្ទាល់ពីស្ថាប័នអាជ្ញាធរទន្លេសាប ព្រមទាំងបានជម្រាបជូនគណ:ប្រតិភូអំពីបឹងទន្លេសាប ដែលជាបឹងទឹកសាបធំជាងនៅអាស៊ីអាគ្នេយ៍ ផ្តល់នូវសក្តានុពលដ៏មានសារៈប្រយោជន៍យ៉ាងច្រើនដល់ការរស់នៅរបស់មនុស្ស សត្វ រុក្ខជាតិ ដូចជា មច្ឆជាតិ ជីវចម្រុះគ្រប់ប្រភេទ ព្រៃលិចទឹក និងជាអាងទឹកឆ្លាតវៃក្នុងការផ្តល់ទឹកស្រោចស្រព កាត់បន្ថយគ្រោះទឹកជំនន់ពីទន្លេមេគង្គ។ បច្ចុប្បន្ន រាជរដ្ឋាភិបាល បានដាក់ចេញនូវវិធានការជាបន្តបន្ទាប់ក្នុងការការពារបឹងទន្លេសាបឱ្យបានគង់វង្សយូរអង្វែង បន្ទាប់ពីបឹងទន្លេសាប បាននិងកំពុងទទួលរងផលប៉ះពាល់យ៉ាងធ្ងន់ធ្ងរពីកត្តាមនុស្ស និងកត្តាបម្រែបម្រួលអាកាសធាតុ បង្កដល់ការបាត់បង់ប្រព័ន្ធអេកូឡូស៊ីរបស់បឹងទន្លេសាប។

ទន្ទឹមនឹងនេះ ឯកឧត្តមប្រធានអាជ្ញាធរទន្លេសាប ក៏បានជម្រាបជូនឯកឧត្តមរដ្ឋមន្ត្រីក្រសួងធនធានទឹក នៃសាធារណរដ្ឋប្រជាមានិតចិន ពីតម្រូវការចាំបាច់របស់អាជ្ញាធរទន្លេសាប គឺបន្តផ្តល់នូវការគាំទ្រយ៉ាងមុតមាំក្នងកិច្ចសហប្រតិបត្តិការភាពជាដៃគូយូរអង្វែងរវាងអាជ្ញាធរទន្លេសាប និងក្រសួងធនធានទឹក នៃសាធារណរដ្ឋប្រជាមានិតចិន លើជំនួយបច្ចេកទេស និងបណ្តុះបណ្តាលធនធានមនុស្សដល់មន្ត្រីអគ្គលេខាធិការដ្ឋានអាជ្ញាធរទន្លេសាប ដើម្បីទទួលបាននូវសមត្ថភាពគ្រប់គ្រាន់លើការជួសជុលថែទាំឧបករណ៍ បច្ចេកទេស ការតាមដាន ត្រួតពិនិត្យ គ្រប់គ្រងគ្រោះទឹកជំនន់ និងភាពរាំងស្ងួត ការគ្រប់គ្រងធនធានទឹក គុណភាពទឹក និងការគ្រប់គ្រងបឹងទន្លេសាបឱ្យមាននិរន្តរភាព ធានាបាននូវបរិស្ថានធនធានធម្មជាតិ ជីវចម្រុះ ប្រព័ន្ធអេកូស៊ីបឹងទន្លេសាបល្អប្រសើរ និងចែករំលែកបទពិសោធន៍ តាមរយ:ទស្សនកិច្ចសិក្សាស្វែងយល់នៅសាធារណរដ្ឋប្រជាមានិតចិន នាពេលខាងមុខ។

សូមជូនជម្រាបថា ឯកឧត្តមរដ្ឋមន្ត្រី ក្រសួងធនធានទឹក នៃសាធារណរដ្ឋប្រជាមានិតចិនបានអញ្ជើញដឹកនាំគណៈប្រតិភូបន្តពិនិត្យស្ថានីយមេ (Master Station) សម្រាប់ទទួលបញ្ជូនទិន្នន័យជលសាស្ត្រ និងឧតុនិយមពីស្ថានីយនីមួយៗ និងបន្តស្វែងយល់អំពីសារៈសំខាន់នៃបឹងទន្លេសាប ជីវភាពរស់នៅរបស់ប្រជាជននៅបឹងទន្លេសាបនៅតំបន់ចុងឃ្នៀស និងស្ថានីយជលសាស្ដ្រ និងឧតុនិយម (QR. V-ADCP) ស្ថិតក្នុងភូមិសាស្ត្រឃុំកំពង់ថ្កូវ ស្រុកក្រឡាញ់ ខេត្តសៀមរាប ដែលជាស្ថានីយទទួលជំនួយបច្ចេកទេសសហការប្រតិបត្តិការសិក្សារួម លើគម្រោងសិក្សាសាកល្បងគំរូបច្ចេកវិទ្យាសង្កេត និងបញ្ជូនទិន្នន័យជលសាស្ត្រសម្រាប់អាងទន្លេសាបប្រទេសកម្ពុជាលើប្រព័ន្ធស្វ័យប្រវត្តិកម្មចំនួន ១១ស្ថានីយ ដែលបានចាប់ផ្តើមអនុវត្តពីឆ្នាំ២០២២ ក្រោមជំនួយបច្ចេកទេស របស់វិទ្យាស្ថានស្រាវជ្រាវណានជីងផ្នែកជលសាស្ត្រ និងប្រព័ន្ធស្វ័យប្រវត្តិកម្មសម្រាប់ការអភិរក្ស (Nanjing Research Institute Hydrology and Water Conservation Automation- NIHWA)៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប អញ្ជើញចូលរួមកិច្ចប្រជុំអន្តរក្រសួងរបស់ក្រុមការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់បឹងទន្លេសាប ខេត្តកំពង់ឆ្នាំង

2025-03-19T07:23:35+00:00

នារសៀលថ្ងៃចន្ទ ៤រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែមីនា ឆ្នាំ២០២៥ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប និងក្រុមការងារមុខព្រួញ បានចូលរួមកិច្ចប្រជុំរៀបចំផែនការអនុវត្តការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី តាមបណ្តាភូមិ ឃុំ ស្រុក ពាក់ព័ន្ធនឹងតំបន់បឹងទន្លេសាប ក្នុងភូមិសាស្ត្រខេត្តកំពង់ឆ្នាំង ដឹកនាំដោយ ឯកឧត្តម ស្រ៊ុន ដារិទ្ធិ រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារប្រតិបត្តិខេត្តកំពង់ឆ្នាំង។

គោលបំណងនៃកិច្ចប្រជុំដើម្បីរៀបចំ៖
- បញ្ជាក់អំពីគោលបំណងនៃការបង្កើតក្រុមការងារពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីនៃខេត្តទាំង៦ ជុំវិញតំបន់បឹងទន្លេសាប
- ពិភាក្សាអំពីស្ថានភាពទូទៅ និងការអាស្រ័យផល របស់ប្រជាជននៅក្នុងតំបន់២ និងតំបន់៣ និងបញ្ហាប្រឈមនានា
- រៀបចំបង្កើតក្រុមការងារអនុវត្តដោយរដ្ឋបាលខេត្ត និងមន្ទីរជំនាញពាក់ព័ន្ធ និងជនបង្គោលអាជ្ញាធរទន្លេសាប (មន្ទីរធនធានទឹក និងឧតុនិយម)
- រៀបចំផែនការ និងពេលវេលានៃការចុះអនុវត្តការងារ និងបូកសរុបបាយការណ៍ អំពីសក្តានុពលនៃធនធានដីតំបន់បឹងទន្លេសាប សម្រាប់បម្រើដល់ការប្រើប្រាស់យូរអង្វែង។

ក្រុមការងារអន្តរស្ថាប័ននឹងបន្តកិច្ចសហការ ចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីនៃតំបន់បឹងទន្លេសាប រួមមាន លក្ខណៈភូមិសាស្ត្រ ប្រជាសាស្ត្រ និងមុខរបរ រូបភាពនៃការប្រើប្រាស់ដីហេដ្ឋារចនាសម្ព័ន្ធពាក់ព័ន្ធ និងស្ថានភាពសកម្មភាពអភិវឌ្ឍន៍នៅមូលដ្ឋានឃុំ ស្រុក ដែលស្ថិតនៅក្នុងភូមិសាស្ត្រនៃខេត្តកំពង់ឆ្នាំង៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អញ្ជើញទទួលជួបពិភាក្សាការងារជាមួយគណៈប្រតិភូនៃវិទ្យាស្រាវជ្រាវជលសាស្ត្រ ណានជីង នៃក្រសួងធនធានទឹក សាធារណរដ្ឋប្រជាមានិតចិន

2025-03-17T06:50:05+00:00

នារសៀលថ្ងៃអាទិត្យ ៣រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៦ ខែមីនា ឆ្នាំ២០២៥ ឯកឧត្ដម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប អញ្ជើញទទួលជួបពិភាក្សាការងារពីកិច្ចសហប្រតិបត្តិការជាមួយគណៈប្រតិភូនៃវិទ្យាស្ថានស្រាវជ្រាវជលសាស្ត្រ ណានជីង នៃក្រសួងធនធានទឹកសាធារណរដ្ឋប្រជាមានិតចិន ដឹកនាំដោយឯកឧត្តមសាស្ត្រាចារ្យ Dai Jiqun ប្រធានវិទ្យាស្ថានស្រាវជ្រាវជលសាស្ត្រ ណានជីង (Nanjing Hydraulic Research Institute) នៅអគ្គលេខាធិការដ្ឋាន អាជ្ញាធរទន្លេសាប ដែលមានការអញ្ជើញចូលរួមពីឯកឧត្តម អនុប្រធាន អគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាន និងមន្ត្រីបច្ចេកទេសនៃអគ្គលេខាធិការដ្ឋាន អាជ្ញាធរទន្លេសាប និងវិទ្យាស្ថានស្រាវជ្រាវជលសាស្ត្រ ណានជីង នៃក្រសួងធនធានទឹកចិន ។

សូមជម្រាបជូនថា កិច្ចប្រជុំនេះមានគោលបំណង ដើម្បីបង្កើន និងពង្រឹងកិច្ចសហប្រតិបត្តិការរវាងអាជ្ញាធរទន្លេសាប និងវិទ្យាស្ថានស្រាវជ្រាវជលសាស្ត្រ ណានជីង លើការគ្រប់ធនធានទឹក និងបរិស្ថាននៅតំបន់បឹងទន្លេសាប ព្រមទាំងការគ្រប់គ្រងបឹងទន្លេសាបឱ្យមាននិរន្តរភាព និងការចែករំលែកបទពិសោធន៍លើការគ្រប់គ្រងបឹង ដូចនៅបឹង Taihu និងបឹងផ្សេងៗទៀតនៅសាធារណរដ្ឋប្រជាមានិតចិន ។

ក្នុងឱកាសជំនួបនេះដែរ ឯកឧត្តម ហ៊ែល តូនី អនុប្រធានក្តាប់រួម បានមានមតិស្វាគមន៍ចំពោះការអញ្ជើញមកបំពេញទស្សនកិច្ចរបស់គណៈប្រតិភូ និងបានជម្រាបជូនអំពីបញ្ហាប្រឈមមួយចំនួនដែលប៉ះពាល់មកលើបឹងទន្លេសាបលើការគ្រប់ធនធានទឹក និងបរិស្ថានបឹងទន្លេសាប ដូចជាការគោករាក់ បឹងនិងស្ទឹងសំខាន់ៗ នៅជុំវិញបឹងទន្លេសាបនារដូវប្រាំង និងមានជំនន់នៅរដូវវស្សា។ ឯកឧត្តម រំលឹកផងដែរពី ដំណើរទស្សនកិច្ចរបស់គណ:ប្រតិភូដែលអញ្ជើញមកអាជ្ញាធរទន្លេសាបនាពេលនេះ ផ្តើមចេញពីកិច្ចសហប្រតិបត្តិការរួមគ្នារវាងអាជ្ញាធរទន្លេសាប និងវិទ្យាស្ថានស្រាវជ្រាវជលសាស្ត្រ និងស្វ័យប្រវត្តិកម្ម ការអភិរក្សទឹកណានជីង (NIHWA) នៃក្រសួងធនធានទឹកចិន ដែលបានអនុវត្តន៍គម្រោងសាកល្បងសិក្សាគំរូបច្ចេកវិទ្យាសង្កេត និងបញ្ជូនទិន្នន័យជលសាស្ត្រ សម្រាប់អាងទន្លេសាប និងការអញ្ជើញគណ:ប្រតិភូអាជ្ញាធរទន្លេសាបចូលរួមសន្និសីទអន្តរជាតិ Taihu ស្តីពីការគ្រប់គ្រងទឹកបឹង Gushi នៅទីក្រុង Wuxi នៃសាធារណៈរដ្ឋប្រជាមានិតចិន កាលពីថ្ងៃទី ១៣-១៥ ខែវិច្ឆិកា ឆ្នាំ២០២៤ កន្លងទៅ។

សូមជម្រាបជូនថា ឯកឧត្តម សាស្ត្រាចារ្យ តំណាងប្រតិភូនៃវិទ្យាស្ថានស្រាវជ្រាវជលសាស្ត្រ ណានជីង បានជម្រាបជូនពីបេសកកម្ម តួនាទីភារកិច្ច និងរចនាសម្ព័ន្ធរបស់វិទ្យាស្ថាន ព្រមទាំងផ្តល់ការចែករំលែកបទពិសោធន៍ជាច្រើនលើការគ្រប់គ្រងទឹកនៅបឹង Taihu ដែលវិទ្យាស្ថានស្រាវជ្រាវជលសាស្ត្រ ណានជីង អនុវត្តន៍ជោគជ័យ ទាំងការគ្រប់គ្រងទឹក បរិស្ថាន គុណភាពទឹក គ្រោះទឹកជំនន់ និងគោករាំងស្ងួត។ ឯកឧត្តមបានបញ្ជាក់ជូនពីការបន្តពង្រឹងចំណងកិច្ចសហប្រតិបត្តិការឱ្យកាន់តែខ្លាំងក្លារវាងអាជ្ញាធរទន្លេសាប និងវិទ្យាស្ថានស្រាវជ្រាវជលសាស្ត្រ ណានជីង ដោយធ្វេីការគាំទ្រទាំងឧបករណ៍បច្ចេកទេស ការបណ្តុះបណ្តាលធនធានមនុស្ស និងចែករំលែកបទពិសោធន៍តាមរយ:ទស្សនកិច្ចសិក្សានៅវិទ្យាស្ថានស្រាវជ្រាវជលសាស្ត្រ ណានជីង សាធារណរដ្ឋប្រជាមានិតចិន នាពេលខាងមុខ។

សូមបញ្ជាក់ជូនថា ក្នុងពិធីជំនួបពិភាក្សាការងារនេះដែរ អាជ្ញាធរទន្លេសាប និងវិទ្យាស្ថានស្រាវជ្រាវជលសាស្ត្រ ណានជីង នៃក្រសួងធនធានទឹក សាធារណរដ្ឋប្រជាមានិតចិន បានឈានដល់ពិធីចុះហត្ថលេខាលេីឯកសារចំនួន២ ៖

១. ពិធីហត្ថលេខាលេីអនុស្សរណៈយោគយល់គ្នា (MoU) លើកិច្ចសហប្រតិបត្តិរវាងអាជ្ញាធរទន្លេសាប ដោយឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប និងឯកឧត្តមសាស្ត្រាចារ្យ Dai Jiqun ប្រធានវិទ្យាស្ថានស្រាវជ្រាវជលសាស្ត្រ ណានជីង (Najing Hydraulic Research Institute_NHRI) ដើម្បីពង្រឹងកិច្ចសហប្រតិបត្តិការក្នុងការចែករំលែកបទពិសោធន៍ ទិន្នន័យ ព័ត៌មាន ការតាមដាន ការវាយតម្លៃ ការស្រាវជ្រាវរួមគ្នា ការធ្វេីទស្សនកិច្ចសិក្សា និងការកសាងសមត្ថភាពទាក់ទងទៅនឹងការអភិវឌ្ឍ និងការគ្រប់គ្រងធនធានទឹកបឹងទន្លេសាប។

២. ពិធីចុះហត្ថលេខាលើឯកសារប្រគល់-ទទួលស្ថានីយ និងឧបករណ៍ សម្ភារៈនៃគម្រោងសហប្រតិបត្តិការ សិក្សារួមរវាងអាជ្ញាធរទន្លេសាប និងវិទ្យាស្ថានស្រាវជ្រាវជលសាស្ត្រ និងស្វ័យប្រវត្តិកម្ម ការអភិរក្សទឹកណានជីង (NIHWA) នៃក្រសួងធនធានទឹក នៃសាធារណរដ្ឋប្រជាមានិតចិន ដែលបានបញ្ចប់ការអនុវត្តគម្រោងសិក្សាគំរូបច្ចេកវិទ្យាសង្កេត និងបញ្ជូនទិន្នន័យជលសាស្ត្រ សម្រាប់អាងទន្លេសាប ដែលមានស្ថានីយជលសាស្ត្រ និងឧតុនិយមស្វ័យប្រវត្តិ ចំនួន ១១ស្ថានីយ ជុំវិញបឹងទន្លេសាប និងស្ថានីយមេ ចំនួន ១ (Master Station)៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ជួបប្រជុំចុះអនុស្សរណៈយោគយល់ និងពិភាក្សាការងារជាមួយមជ្ឍមណ្ឌលធនធានទឹកមេគង្គ-ឡាងឆាង

2025-03-16T11:12:50+00:00

នារសៀលថ្ងៃសៅរ៍ ២រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៥ ខែមីនា ឆ្នាំ២០២៥ ឯកឧត្ដម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប ដឹកនាំមន្ត្រីបច្ចេកទេសអាជ្ញាធរទន្លេសាប ជួបពិភាក្សាការងារជាមួយគណៈប្រតិភូមេគង្គ-ឡានឆាង ដែលដឹកនាំដោយឯកឧត្តម Dr. Zhou Zhiwei អគ្គលេខាធិការ មជ្ឈមណ្ឌលកិច្ចសហប្រតិបត្តិការធនធានទឹកឡានឆាង-មេគង្គ (Lancang-Mekong Water Resources Cooperation Center-LMC)។

សូមជម្រាបជូនថា កិច្ចប្រជុំនេះមានគោលបំណងធំចំនួនពីរ គឺ (១) ដើម្បីចុះអនុស្សរណៈយោគយល់ (MOU) រវាងអាជ្ញាធរទន្លេសាប និងមជ្ឍមណ្ឌលធនធានទឹកមេគង្គ-ឡាងឆាង និង(២) ដើម្បីរៀបចំគម្រោងដើម្បីអនុវត្តរួមគ្នានៅអាងទន្លេសាបតាមរយៈថវិកានៃសាធារណៈរដ្ឋប្រជាមានិតចិន។

ក្នុងឱកាសជំនួបនេះដែរ ឯកឧត្តម ហ៊ែល តូនី អនុប្រធានក្តាប់រួម បានជម្រាបជូនគណៈប្រតិភូ អំពីតួនាទី ភារកិច្ច បេសកកម្មស្នូល និងសមិទ្ធផលស្នាដៃដែលអាជ្ញាធរទន្លេសាបសម្រេចបាន ដោយផ្សារភ្ជាប់នឹងបញ្ហាប្រឈម និងវិធានការទប់ស្កាត់ផលប៉ះពាល់មកលើបឹងទន្លេសាបនាពេលបច្ចុប្បន្ន និងទៅអនាគត រួមជាមួយការលើកឡើងភាពទំនាក់ទំនងរវាងបឹងទន្លេសាប ជាមួយទន្លេមេគង្គ។ ឆ្លៀតក្នុងឱកាសនោះដែរ ប្រតិភូមជ្ឍមណ្ឌលធនធានទឹកមេគង្គឡាងឆាងក៏បានណែនាំអំពីគោលបំណងនៃការចូលរួមក្នុងកិច្ចប្រជុំរៀបរាប់អំពីសាវតានៃការចង់បង្កើតកិច្ចសហប្រតិបត្តិការជាមួយអាជ្ញាធរទន្លេសាប និងក៏បានប្រៀបធៀបភាពស្រដៀងគ្នានៃបឹងមួយចំនួននៅប្រទេសចិនដូចជាបឹងតុងគីង បឹងពូយ៉ាង ជាមួយនឹងបឹងទន្លេសាបផងដែរ។

ទន្ទឹងនឹងនេះដែរ ឯកឧត្តមអនុប្រធានក្តាប់រួម ក៏បានបង្ហាញពីឆន្ទៈច្បាស់លាស់ពីការពង្រឹង ភាពជាដៃគូរសហប្រតិបត្តិការ យូរអង្វែងរវាងអាជ្ញាធរទន្លេសាប និងមជ្ឈមណ្ឌលកិច្ចសហប្រប្រតិបត្តិការធនធានទឹកឡានឆាង-មេគង្គ ចាប់តាំងពីថ្នាក់ដឹកនាំ និងមន្ត្រីបច្ចេកទេសរបស់អាជ្ញាធរទន្លេសាប បានទទួលការអនុញ្ញាតទៅចូលរួមសន្និសីទអន្តរជាតិ Taihu ស្តីពីការគ្រប់គ្រងទឹកបឹង Gushi នៅទីក្រុង Wuxi នៃសាធារណៈរដ្ឋប្រជាមានិតចិន កាលពីថ្ងៃទី១៣ ដល់ថ្ងៃទី១៥ ខែវិច្ឆិកា ឆ្នាំ២០២៤ កន្លងមក។

សូមជម្រាបជូនថា ក្នុងពិធីជំនួបពិភាក្សាការងារនេះដែរ ភាគីទាំងពីរ បានចុះអនុស្សរណៈយោគយល់គ្នា (MoU) រវាងអាជ្ញាធរទន្លេសាប ដោយឯកឧត្តម សរ គឹមសាន អគ្គលេខាធិការ និងឯកឧត្តម Zhou Zhiwei អគ្គលេខាធិការ មជ្ឈមណ្ឌលកិច្ចសហប្រតិបត្តិការធនធានទឹកមេគង្គ-ឡានឆាង (Lancang-Mekong Water Resources Cooperation Center-LMC) ដើម្បីពង្រឹងសហប្រតិបត្តិការក្នុងការចែករំលែកបទពិសោធន៍ទិន្នន័យ ព័ត៌មាន ការតាមដាន ការវាយតម្លៃ និងស្រាវជ្រាវរួមគ្នា ការគ្រប់គ្រងចំណេះដឹង ទស្សនកិច្ចសិក្សា និងការកសាងសមត្ថភាពទាក់ទងទៅនឹងការអភិវឌ្ឍ និងគ្រប់គ្រងធនធានទឹក ដើម្បីលើកកម្ពស់ការអភិវឌ្ឍសង្គម-សេដ្ឋកិច្ចនៅបឹងទន្លេសាប និងដើម្បីរៀបចំ គម្រោងស្នើសុំថវិកាពីរដ្ឋាភិបាល នៃសាធារណរដ្ឋប្រជាមានិតចិនក្នុងការអនុវត្តរួមគ្នានៅអាងទន្លេសាប៕

ក្រុមការងារបច្ចេកទេសអាជ្ញាធរទន្លេសាប បានចូលរួមកិច្ចប្រជុំក្រុមការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់ទន្លេសាប ខេត្តបន្ទាយមានជ័យ

2025-03-14T13:44:07+00:00

នារសៀលថ្ងៃអង្គារ ១៣កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែមីនា ឆ្នាំ២០២៥ ក្រុមការងារបច្ចេកទេសអាជ្ញាធរទន្លេសាប តំណាងឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប និងជាប្រធានក្រុមការងារមុខព្រួញខេត្តបន្ទាយមានជ័យ នៃសមាសភាពក្រុមការងារមុខព្រួញសម្រាប់កិច្ចសហការណ៍ការងារជាមួយក្រុមការងារក្រសួងរៀបចំដែនដី នគរូបនីយកម្ម និងសំណង់ បានចូលរួមកិច្ចប្រជុំលើកដំបូង ដើម្បីពិភាក្សាក្នុងការត្រៀមអនុវត្តការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី តាមបណ្តាភូមិ ឃុំ ស្រុក ស្ថិតក្នុងភូមិសាស្ត្រតំបន់ការពារទន្លេសាប នៃដែនតំបន់គ្រប់គ្រងរបស់អាជ្ញាធរទន្លេសាប នៃខេត្តបន្ទាយមានជ័យ ដឹកនាំកិច្ចប្រជុំដោយ ឯកឧត្តម ទេព ធន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់។

គោលបំណងនៃកិច្ចប្រជុំនេះ :
- បានណែនាំពីសេចក្តីសម្រេចលេខ ០១៤ ដនស.សសរ ចុះថ្ងៃទី២០ ខែកុម្ភៈ ឆ្នាំ២០២៥ ស្តីពីការបង្កើតក្រុមការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់បឹងទន្លេសាប
- បានបញ្ជាក់ពីការរៀបចំ និងខ្លឹមសារ នៃលិខិតបង្គាប់ការ ចុះថ្ងៃទី១០ ខែមីនា ឆ្នាំ២០២៥ ក្រុមការងារប្រតិបត្តិខេត្តបន្ទាយមានជ័យ។

យោងតាមការសម្រេចពីប្រធានអង្គប្រជុំ៖
១. បានសម្រេច ជាមួយក្រុមការងារថ្នាក់ខេត្ត រៀបចំបែងចែកសមាសភាពក្រុមការងារចុះអនុវត្ត ចំនួន ៧ក្រុម តាមឃុំ និងស្រុក ដើម្បីចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី តាមបណ្តាភូមិ ឃុំ និងស្រុកស្ថិតក្នុងភូមិសាស្ត្រតំបន់ការពារទន្លេសាប នៃដែនតំបន់គ្រប់គ្រង របស់អាជ្ញាធរទន្លេសាប នៃខេត្តបន្ទាយមានជ័យ
២. បានធ្វើការណែនាំពីទម្រង់កម្រងបញ្ជីសំណួរ សម្រាប់កិច្ចសម្ភាសន៍ជាមួយអាជ្ញាធរភូមិ រៀបចំក្រុមការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីតំបន់ទន្លេសាប នៃខេត្តបន្ទាយមានជ័យ
៣. បានស្នើសុំក្រុមការងារចុះពិនិត្យការបោះបង្គោលព្រំតំបន់៣ ស្របតាមឯកសារបទដ្ឋានគតិយុត្តដែលបានកាត់ឆ្វៀលកន្លងមកដោយក្រសួងរៀបចំដែនដី នគរូបនីយកម្ម និងសំណង់
៤. បានស្នើសុំអោយមានការចូលរួមកិច្ចការងារនេះ ពីអាជ្ញាធរដែនដីមូលដ្ឋាន មន្ទីរស្ថាប័នពាក់ព័ន្ធ ជាពិសេសចាស់ព្រឹទ្ធាចារ្យភូមិ និងមន្ត្រីកសិកម្មឃុំ ដើម្បីទទួលបានទិន្នន័យព័ត៌មានគ្រប់ជ្រុងជ្រោយ។

ជាការចូលរួមតំណាងក្រុមការងារបច្ចេកទេសអាជ្ញាធរទន្លេសាប បានគោរពជម្រាបជូនប្រធានអង្គប្រជុំ ពីកិច្ចពិភាក្សាការងារនេះ និងបានប្រគល់ភារកិច្ចការងារចុះអនុវត្តសហការ ជូនដល់មន្ទីរធនធានទឹកដែលជាជនបង្គោលអាជ្ញាធរទន្លេសាប។ តំណាងចូលរួមពីក្រសួងធនធានទឹក និងឧតុនិយម បានណែនាំដល់មន្ទីរធនធានទឹក និងឧតុនិយមខេត្ត ធ្វើការសហការឱ្យបានជិតស្និតជាមួយប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តបន្ទាយមានជ័យ ដើម្បីធ្វើបច្ចុប្បន្នភាពបូកសរុបព័ត៌មាន និងទិន្នន័យ សម្រាប់រៀបចំរបាយការណ៍ជូនប្រធានក្រុមការងារមុខព្រួញ និងគោរពរាយការណ៍ជូនឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងប្រធានអាជ្ញាធរទន្លេសាប សម្រាប់ជាមូលដ្ឋានព័ត៌មានគោលដើម្បីធ្វើការសម្រេចចិត្តនាពេលខាងមុខ។

សូមបញ្ជាក់ថា៖ សេចក្តីសម្រេចលេខ ០១៤ ដនស.សសរ ចុះថ្ងៃទី២០ ខែកុម្ភៈ ឆ្នាំ២០២៥ ស្តីពីការបង្កើតក្រុមការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់បឹងទន្លេសាប គឺដើម្បីរៀបចំលក្ខខណ្ឌការប្រើប្រាស់ដីសម្រាប់ការអភិវឌ្ឍតំបន់ទន្លេសាប (តំបន់២ និងតំបន់៣) ដោយផ្អែកលើទិន្នន័យពីការប្រើប្រាស់ដីជាក់ស្ដែង ក្នុងស្ថានភាពបច្ចុប្បន្ន ដូចជាៈ លក្ខណៈភូមិសាស្ត្រ ប្រជាសាស្ត្រ និងមុខរបរ រូបភាពប្រើប្រាស់ដី ហេដ្ឋារចនាសម្ព័ន្ធ និងស្ថានភាពសកម្មភាពអភិវឌ្ឍន៍ក្នុងមូលដ្ឋានភូមិ ឃុំ ស្រុក ស្ថិតក្នុងភូមិសាស្ត្រតំបន់ការពារទន្លេសាប នៃដែនតំបន់គ្រប់គ្រងរបស់អាជ្ញាធរទន្លេសាប នៃខេត្តទាំង៦ជុំវិញតំបន់បឹងទន្លេសាបមាន ខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តសៀមរាប និងខេត្តកំពង់ធំ៕

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប អញ្ជើញចូលរួមកិច្ចប្រជុំអន្តរក្រសួងរបស់ក្រុមការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់បឹងទន្លេសាប ខេត្តកំពង់ធំ

2025-03-12T10:47:42+00:00

នាព្រឹកថ្ងៃអង្គារ ១៣កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែមីនា ឆ្នាំ២០២៥ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប និងក្រុមការងារមុខព្រួញ បានចូលរួមកិច្ចប្រជុំរៀបចំផែនការអនុវត្តការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យក្បាលដី តាមបណ្តាភូមិ ឃុំ ស្រុក ពាក់ព័ន្ធនឹងតំបន់បឹងទន្លេសាប ក្នុងភូមិសាស្ត្រខេត្តកំពង់ធំ ដឹកនាំដោយ ឯកឧត្តម ឡោ ដាវុធ រដ្ឋលេខាធិការ ក្រសួងដែនដី នគរូបនីយកម្ម និងសំណង់។

គោលបំណងនៃកិច្ចប្រជុំ ដើម្បីរៀបចំលក្ខខណ្ឌការប្រើប្រាស់ដីសម្រាប់ការអភិវឌ្ឍតំបន់ទន្លេសាប (តំបន់២ និងតំបន់៣) ដោយផ្អែកលើទិន្នន័យពីការប្រើប្រាស់ដីជាក់ស្ដែង ក្នុងស្ថានភាពបច្ចុប្បន្ន ដូចជាៈ លក្ខណៈភូមិសាស្ត្រ ប្រជាសាស្ត្រនិងមុខរបរ រូបភាពប្រើប្រាស់ដី ហេដ្ឋារចនាសម្ព័ន្ធ និងស្ថានភាពសកម្មភាពអភិវឌ្ឍន៍ក្នុងមូលដ្ឋាន ៕

មន្ត្រីបច្ចេកទេសអគ្គលេខាធិការដ្ឋាន នៃអាជ្ញាធរទន្លេសាប សហការជាមួយមន្ត្រីជំនាញរបស់វិទ្យាស្ថានទឹកណានជីន ចុះពិនិត្យ ថែទាំ ដុសលាងសំអាត Sensors និង Calibration ស្ថានីយជលសាស្ត្រ និងឧតុនិយមស្វ័យប្រវត្តិ ស្ថិតក្នុងភូមិសាស្ដ្រខេត្តកំពង់ធំ សៀមរ

2025-03-11T07:17:25+00:00

នៅថ្ងៃសៅរ៍ ១០កើត ដល់ថ្ងៃចន្ទ ១២កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៨ ដល់ថ្ងៃទី១០ ខែមីនា ឆ្នាំ២០២៥ មន្ត្រីបច្ចេកទេសអគ្គលេខាធិការដ្ឋាន នៃអាជ្ញាធរទន្លេសាប ដោយមានការសហការគាំទ្របច្ចេកទេសពីមន្ត្រីជំនាញនៃវិទ្យាស្ថានស្រាវជ្រាវណានជីន ផ្នែកជលសាស្ត្រ និងប្រព័ន្ធស្វ័យប្រវត្តិកម្មសម្រាប់ការអភិរក្សទឹក ក្រសួងធនធានទឹក នៃសាធារណរដ្ឋប្រជាមានិតចិន បានចុះធ្វើការថែទាំស្ថានីយជលសាស្ត្រ និងឧតុនិយមស្វ័យប្រវត្តិនៅខេត្តកំពង់ធំ សៀមរាប និងខេត្តបាត់ដំបង។

សូមជម្រាបជូនថា ក្រុមការងារទាំងពីរ បានចុះពិនិត្យ ជួសជុល ថែទាំ ដុសលាងសំអាត Sensors និង Calibration ស្ថានីយជលសាស្ត្រ និងឧតុនិយមស្វ័យប្រវត្តិ ចំនួន ៥ស្ថានីយ មាន៖
- ស្ថានីយកម្ពស់ទឹក និងទឹកភ្លៀង (HR) ត្នោតជុំ ស្ថិតនៅស្ទឹងជីនិត ឃុំត្នោតជុំ ស្រុកបារាយណ៍ ខេត្តកំពង់ធំ
- ស្ថានីយឧតុនិយម (AWS) តាអោក ស្ថិតនៅស្ទឹងសែន ឃុំឈូក ស្រុកប្រាសាទសំបូរ ខេត្តកំពង់ធំ
- ស្ថានីយវាស់ធារទឹក (QHR V-ADCP) តាអោក ស្ថិតនៅស្ទឹងសែន ឃុំឈូក ស្រុកប្រាសាទសំបូរ ខេត្តកំពង់ធំ
- ស្ថានីយវាស់ធារទឹក (QHR V-ADCP) កំពង់ថ្កូវ ស្ថិតនៅស្ទឹងស្រែង ឃុំកំពង់ថ្កូវ ស្រុកក្រឡាញ់ ខេត្តសៀមរាប
- ស្ថានីយកម្ពស់ទឹក និងទឹកភ្លៀង (HR) ព្រែកទាល់ ស្ថិតនៅស្ទឹងសង្កែ ឃុំកោះជីវាំង ស្រុកឯកភ្នំ ខេត្តបាត់ដំបង។

ជាលទ្ធផល ក្រុមការងារសម្រេចបាន៖
១.បានធ្វើឱ្យប្រសើរឡើងប្រព័ន្ធកម្មវិធីទទួល-បញ្ជូនទិន្នន័យ នៅស្ថានីយមេ (upgrade system of Master Station)
២. បានធ្វើឱ្យប្រសើរឡើងនូវឧបករណ៍ស្ថានីយជលសាស្ត្រ និងឧតុនិយម ក្នុងការបញ្ជូនទិន្នន័យមក Server
៣. បានតេស្តឧបរកណ៍វាស់ធារទឹក V-ADCP នៅស្ថានីយតាអោក (ស្ទឹងសែន) និងស្ថានីយកំពង់ថ្កូវ ឱ្យដំណើរការបានជាប្រក្រតី
៤. ត្រួតពិនិត្យដំណើរស៊ីមកាត ផ្ទាំងសូឡា អាគុយ លាងសំអាត និងថ្លឹងទឹកឧបករណ៍វាស់ទឹកភ្លៀងឡើងវិញ
៥. ដំឡើងផ្ទាំងបដាគម្រោង (Billboards) នៅស្ថានីយជលសាស្ត្រកំពង់ថ្កូវ
៦. បានធ្វើបច្ចុប្បន្នភាពគណនាកម្មវិធី software ឡើងវិញផងដែលនៅក្នុងកុំព្យូទ័រ
៧. មន្ត្រីបច្ចេកទេសអគ្គលេខាធិការដ្ឋាន នៃអាជ្ញាធរទន្លេសាប បានបង្កើនសមត្ថភាព ចំណេះដឹង បទពិសោធន៍ លើការថែទាំ ប្រតិបត្តិការ និង Configuration System។

សូមបញ្ជាក់ថា អាជ្ញាធរទន្លេសាប បានសហការជាមួយវិទ្យាស្ថានស្រាវជ្រាវណានជីន ផ្នែកជលសាស្ត្រ និងប្រព័ន្ធស្វ័យប្រវត្តិកម្មសម្រាប់ការអភិរក្សទឹក ក្រសួងធនធានទឹក នៃសាធារណរដ្ឋប្រជាមានិតចិន អនុវត្តន៍រួមគ្នានៃគម្រោងសិក្សាសាកល្បងបច្ចេកវិទ្យាសង្កេត និងបញ្ជូនទិន្នន័យជលសាស្ត្រសម្រាប់អាងទន្លេសាប ដែលសា្ថនីយមេ ចំនួន ១ និងស្ថានីយជលសាស្ត្រ និងឧតុនិយម ចំនួន ១១ស្ថានីយ៖
- ស្ថានីយជលសាស្ត្រ និងឧតុនិយម (HR) ចំនួន ៤ស្ថានីយ
- ស្ថានីយឧតុនិយម (AWS) ចំនួន ៤ស្ថានីយ
- ស្ថានីយជលសាស្ត្រ វាស់ធារទឹក (V-ADCP ) ចំនួន ៣ស្ថានីយ៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ជួបប្រជុំពិភាក្សាការងារជាមួយ ដៃគូអភិវឌ្ឍន៍ធនាគារអភិវឌ្ឍន៍អាស៊ី (ADB)

2025-03-09T10:40:05+00:00

នារសៀលថ្ងៃព្រហស្បតិ៍ ៨កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៦ ខែមីនា ឆ្នាំ២០២៥ ឯកឧត្ដម ហ៊ែល តូនី អនុប្រធានក្តាប់រួមអាជ្ញាធរទន្លេសប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំមន្ត្រីបច្ចេកទេសអាជ្ញាធរទន្លេសាប ជួបប្រជុំពិភាក្សាជាមួយ លោកបណ្ឌិត Robert Rout និងលោក សាយ ណាល់ អ្នកជំនាញមកពីធនាគារអភិវឌ្ឍន៍អាស៊ី (ADB) នៅសាលប្រជុំអាជ្ញាធរទន្លេសាប។

កិច្ចប្រជុំនេះមានគោលបំណង ដើម្បីធ្វើការពិភាក្សាលើកិច្ចសហការ រវាង អាជ្ញាធរទន្លេសាប ជាមួយនឹង ធនាគារអភិវឌ្ឍន៍អាស៊ី (ADB)។ បន្ទាប់មកទៀតកិច្ចប្រជុំនេះបានផ្ដោតលើការពិភាក្សា អំពីចក្ខុវិស័យ របស់អាជ្ញាធរទន្លេសាប ក្នុងការរៀបចំផែនការមេ បូករួមទាំងការព្រួយបារម្ភអំពីបឹងទន្លេសាប សារសំខាន់របស់បឹងទន្លេសាប លំហូរទឹកពី ស្ទឹងទាំង ១១ និងទន្លេមេគង្គដែលមានទំនាក់ទំនងជាមួយនឹង បឹងទន្លេសាប ក្នុងនោះបានផ្តោតសំខាន់លើការរៀបចំផែនការដើម្បី គ្រប់គ្រងប្រព័ន្ធបឹងទន្លេសាបស្របតាមគោលនយោបាយ របស់រាជរដ្ឋាភិបាល និងការអភិវឌ្ឍនៅតំបន់១ និងតំបន់២ ជាមួយនឹងការគិតគូរពីតំបន់ ជុំវិញបឹងទន្លេសាប ទាំងប្រព័ន្ធទឹកដែលមានស្រាប់ និងប្រព័ន្ធទឹកដែលបានសាងសង់ថ្មីៗដើម្បីធានាបាននៅចីរភាពនៃការប្រើប្រាស់ទឹកជុំវិញបឹងទន្លេសាបនាថ្ងៃអនាគត។ កិច្ចប្រជុំនេះក៏បានពិភាក្សាតំបន់សេដ្ឋកិច្ច នៃខេត្តទាំងបួន (Fourth Economic Pole) (ខេត្តពោធិ៍សាត់ បាត់ដំបង បន្ទាយមានជ័យ និងប៉ៃលិន) លើការអភិវឌ្ឍដីធ្លីនៅតំបន់នោះ៕

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប អញ្ជើញចូលរួមកិច្ចប្រជុំអន្តរក្រសួងរបស់ក្រុមការងារចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លី នៃតំបន់បឹងទន្លេសាប ខេត្តពោធិ៍សាត់

2025-03-07T10:56:12+00:00

នាព្រឹកថ្ងៃព្រហស្បតិ៍ ៨កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែមីនា ឆ្នាំ២០២៥ នៅសាលប្រជុំទីស្តីការក្រសួងរៀបចំដែនដី នគរូបនីយកម្ម និងសំណង់ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប និងក្រុមការងារមុខព្រួញខេត្តពោធ៍សាត់ ចូលរួមកិច្ចប្រជុំលើកដំបូងរបស់ក្រុមការងារអន្តរក្រសួង ចុះពិនិត្យ ផ្ទៀងផ្ទាត់ ធ្វើបច្ចុប្បន្នភាព និងចងក្រងទិន្នន័យដីធ្លីតាមឃុំ ស្រុក ក្នុងភូមិសាស្ត្រខេត្តពោធិ៍សាត់ នៃតំបន់បឹងទន្លេសាប ដឹកនាំដោយ ឯកឧត្តម សុខ គាង រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់។

គោលបំណងនៃកិច្ចប្រជុំ គឺដើម្បីប្រមូលព័ត៌មាន ទិន្នន័យ និងគ្រប់គ្រង លេីការប្រើប្រាស់ដីធ្លីនៅតំបន់បឹងទន្លេសាបប្រកបដោយសុភវិនិច្ឆ័យ។ កិច្ចប្រជុំបានពិនិត្យ និងពិភាក្សាលេីរបៀបវារៈ ចំនួន ៣ ដេីម្បីត្រៀមចុះអនុវត្តន៍ការងារ មានដូចខាងក្រោម៖
១. រៀបចំកម្រងបញ្ជីសំណួរអង្កេត សម្រាប់ចុះប្រមូលទិន្នន័យ ព័ត៌មាន តាមបណ្តាភូមិ ដែលរួមបញ្ចូលកត្តាភូមិសាស្ត្រ និងវិទ្យាសាស្ត្រ
២. រៀបចំក្រុមការងារអន្តរក្រសួង និងក្រុមការងារថ្នាក់ខេត្តសម្រាប់ចុះអនុវត្តន៍ការងារ
៣. រៀបចំផែនការ និងពេលវេលាក្នុងការអនុវត្តការងារ ព្រមទាំងធនធានសម្រាប់គាំទ្រ៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំប្រជុំពិភាក្សាស្វែងរកដំណោះស្រាយវិវាទដីព្រៃលិចទឹកក្នុងតំបន់២ និងលើកកម្ពស់និរន្តរភាពតំបន់អេកូទេសចរណ៍ធម្មជាតិបឹងពារាំងស្ថិតក្នុងដែនការពារព្រៃលិចទឹក (តំបន់៣) ជាប់បឹងទន

2025-03-05T07:34:54+00:00

ដោយអនុវត្តន៍តាមស្មារតីលិខិតលេខ ២០៥ សជណ.កធ ចុះថ្ងៃទី៦ ខែកុម្ភៈ ឆ្នាំ២០២៥ របស់ទីស្តីការគណៈរដ្ឋមន្ត្រី នៅថ្ងៃចន្ទ ៥កើត ដល់ថ្ងៃអង្គារ ៦កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣-៤ ខែមីនា ឆ្នាំ២០២៥ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយនឹង លោក ហែន ពុទ្ធី អភិបាលរងខេត្ត តំណាងឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានអញ្ជើញដឹកនាំកិច្ចប្រជុំពិភាក្សាស្វែងរកដំណោះស្រាយជាមួយនឹងក្រុមការងារបច្ចេកទេសអន្តរក្រសួងស្ថាប័នថ្នាក់ជាតិ មន្ទីរជំនាញថ្នាក់ខេត្ត ថ្នាក់មូលដ្ឋាននៃរដ្ឋបាលក្រុងសៀមរាប និងសហគមន៍ក្នុងតំបន់បឹងពារាំង លើករណី (i) រំលោភបំពានខ្លឹមសារអនុក្រឹត្យលេខ ៨៣ អនក្រ.បក ចុះថ្ងៃទី២៦ ខែមេសា ឆ្នាំ២០២៣ របស់រាជរដ្ឋាភិបាល ក្នុងសកម្មភាពឈួសឆាយព្រៃលិចទឹក (តំបន់២) នៃតំបន់ទ្រនាប់ (ii) ការជីកប្រឡាយ និងលើកផ្លូវក្នុងតំបន់អភិរក្សបឹងពារាំងនៃដែនព្រៃលិចទឹកតំបន់៣ និង(iii) ការលើកកម្ពស់និរន្តរភាពអេកូទេសចរណ៍ធម្មជាតិបឹងពារាំងក្នុងតំបន់ការពារដែនព្រៃលិចទឹក (តំបន់៣) នៃបឹងទន្លេសាប ស្ថិតក្នុងភូមិសាស្ត្រសង្កាត់ជ្រាវ ក្រុងសៀមរាប ខេត្តសៀមរាប ។

សូមជម្រាបផងដែរថា មុននឹងដំណើរការកិច្ចប្រជុំពិភាក្សា ដើម្បីស្វែងរកដំណោះស្រាយ ឯកឧត្តមអនុប្រធានក្តាប់រួមអាជ្ញាធរទន្លេសាប ក៏បានដឹកនាំគណៈប្រតិភូអន្តរក្រសួងស្ថាប័ន ចុះទៅពិនិត្យស្ថានភាពជាក់ស្តែងក្នុងទីតាំងទាំងពីរ រួមមាន ទីតាំងដីទំហំ ៧៧.០៣ ហិកតា (តំបន់២) ត្រូវបានទទួលរងការឈួសឆាយព្រៃលិចទឹក និងទីតាំងតំបន់អេកូទេសចរណ៍ធម្មជាតិបឹងពារាំងស្ថិតក្នុងដែនការពារព្រៃលិចទឹក (តំបន់៣)។

ជារួមលទ្ធផលនៃកិច្ចប្រជុំរយៈពេល ២ថ្ងៃ បន្ទាប់ពីធ្វើការពិភាក្សាពិគ្រោះយោបល់គ្នារវាងក្រុមការងារថ្នាក់ជាតិ និងថ្នាក់ខេត្ត ដោយឈរលើស្មារតីយកចិត្តទុកដាក់ និងមនសិការចូលរួមថែរក្សាការពារធនធានធម្មជាតិ រក្សាលំនឹងប្រព័ន្ធអេកូឡូស៊ីបឹងទន្លេសាប និងលើកកម្ពស់និរន្តរភាពអេកូទេសចរណ៍ធម្មជាតិ ស្របជាមួយនឹងរបៀងសេដ្ឋកិច្ចឧស្សាហកម្មគ្មានផ្សែងខេត្តសៀមរាប អង្គប្រជុំពិភាក្សា បានឯកភាព និងយល់ស្រប:

ទី១. ក្រុមការងារថ្នាក់ខេត្ត ជាពិសេសអាជ្ញាធរខេត្តសៀមរាប និងអាជ្ញាធរក្រុងសៀមរាប ពិនិត្យលទ្ធភាពសម្របសម្រួល និងជម្រុញបង្កើតឱ្យមានយន្តការរចនាសម្ព័ន្ធសហគមន៍ត្រឹមត្រូវ ក្នុងស្មារតីទទួលខុសត្រូវ តម្លាភាព និងគណនេយ្យភាព
ទី២. អាជ្ញាធរខេត្តសៀមរាប និងអាជ្ញាធរក្រុងសៀមរាប ត្រូវចាត់វិធានការ និងរៀបចំនីតិវិធី ឃាត់ និងបញ្ឈប់រាល់សកម្មភាព ដែលបង្កឱ្យប៉ះពាល់ដល់ធនធានធម្មជាតិ ព្រៃលិចទឹក និងជីវចម្រុះក្នុងតំបន់អភិរក្សបឹងពារាំង ក៏ដូចជាសកម្មភាពលើដីទំហំ ៧៧.០៣ ហិកតា ដែលស្ថិតក្នុងនីតិវិធីស៊ើបអង្កេត កំពុងដំណើរការ
ទី៣. សហគមន៍បន្តដំណើរការការងារក្នុងសកម្មភាពការពារទប់ស្កាត់បទល្មើសនានា និងនិរន្តរភាពការទាក់ទាញភ្ញៀវទេសចរមកកំសាន្តក្នុងតំបន់អភិរក្សបឹងពារាំង
ទី៤. ជំរុញយន្តការរៀបចំក្រុមការងារបច្ចេកទេសអន្តរក្រសួងស្ថាប័នថ្នាក់ជាតិ និងថ្នាក់ខេត្ត ដើម្បីពង្រឹងការយកចិត្តទុកដាក់ និងចូលរួមគាំទ្រដំណើរការរបស់សហគមន៍ ក្នុងការលើកកម្ពស់និរន្តរភាពអេកូទេសចរណ៍ធម្មជាតិបឹងពារាំងក្នុងតំបន់ការពារតាមរយៈ (១) កសាងសមត្ថភាពធនធានមនុស្សក្នុងសហគមន៍ (២) រៀបចំផែនការអភិវឌ្ឍ និងគ្រប់គ្រងអេកូទេសចរធម្មជាតិក្នុងតំបន់ការពារបឹងពារាំង (៣) ផែនការអាជីវកម្មអេកូទេសចរធម្មជាតិបឹងពារាំងក្នុងតំបន់ការពារ ដើម្បីស្វែងរកថវិកាគាំទ្រ និង (៤) តាមដានត្រួតពិនិត្យ និងវាយតម្លៃប្រសិទ្ធភាពការងារសហគមន៍ ក៏ដូចជានិរន្តរភាពវឌ្ឍនភាពដំណើរការអេកូទេសចរណ៍ធម្មជាតិក្នុងតំបន់ការពារបឹងពារាំង៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំក្រុមការងារ បន្តចុះធ្វើអធិការកិច្ចបង្គោលព្រំតំបន់៣ ដែនព្រៃលិចទឹក ក្នុងភូមិសាស្ត្រស្រុកជីក្រែង ខេត្តសៀមរាប

2025-03-03T15:45:43+00:00

ក្រោមការដឹកនាំ និងចង្អុលបង្ហាញដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នៅថ្ងៃអាទិត្យ ៤កើត ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០២ ខែមីនា ឆ្នាំ២០២៥ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អមដំណើរដោយឯកឧត្តម សរ គឹមសាន្ត អគ្គលេខាធិការ និងឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេសអគ្គលេខាធិការដ្ឋាន នៃអាជ្ញាធរទន្លេសាប បានបន្តចុះអធិការកិច្ចបង្គោលព្រំដែនព្រៃលិចទឹក និងព្រៃលិចទឹកតំបន់៣ ស្ថិតក្នុងភូមិសាស្ត្រឃុំល្វែងឬស្សី ស្ពានត្នោត អន្លង់សំណរ ជីក្រែង គោកធ្លកក្រោម សង្វើយ និងឃុំឬស្សីលក ស្រុកជីក្រែង ខេត្តសៀមរាប ដោយមានកិច្ចសហការចូលរួមពីតំណាងមន្ទីរធនធានទឹក និងឧតុនិយមខេត្តសៀមរាប លោកអភិបាលរង នៃគណៈអភិបាលស្រុកជីក្រែង សមាជិកក្រុមប្រឹក្សាស្រុក មន្ត្រីរដ្ឋបាលស្រុក តំណាងការិយាល័យកសិកម្ម ធនធានធម្មជាតិ និងបរិស្ថាន តំណាងការិយាល័យដែនដី នគរូបនីយកម្ម សំណង់ និងសុរិយោដី លោកមេឃុំ ក្រុមប្រឹក្សាឃុំ លោកមេភូមិ-ប្រជាការពារពាក់ព័ន្ធ រួមនិងកងកម្លាំងប្រដាប់អាវុធទាំង៣ប្រភេទរបស់ស្រុកជីក្រែង។

សូមជម្រាបជូនថា ឆ្លៀតក្នុងឱកាសក្នុងអធិការកិច្ចនេះដែរ ឯកឧត្តមប្រធានក្រុមការងារបានពាំនាំជម្រាបជូនពីគោលនយោបាយ អនុសាសន៍ណែនាំដ៏ខ្ពង់ខ្ពស់របស់រាជរដ្ឋាភិបាលដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការការពារ ថែរក្សាដែនព្រៃលិចទឹក និងព្រៃលិចទឹកតំបន់៣ ព្រមទាំងបានណែនាំដល់អាជ្ញាធរដែនដីចូលរួមទប់ស្កាត់ការបន្តចូលអាស្រ័យផលដីតំបន់៣ ការរុករានទន្ទ្រានព្រៃលិចទឹក និងពង្រឹងការអនុវត្តច្បាប់ បទដ្ឋានគតិយុត្ត មានដូចជាអនុក្រឹត្យលេខ ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១ និងអនុក្រឹត្យលេខ ៨៣ អនក្រ.បក ចុះថ្ងៃទី២៦ ខែមេសា ឆ្នាំ២០២៣។

សូមបញ្ជាក់ថា ក្រុមការងារបាន ចុះពិនិត្យទីតាំងជាក់ស្តែងបង្គោល កំណត់ព្រំដែនព្រៃលិចទឹក និងព្រៃលិចទឹកតំបន់៣ ស្ថិតក្នុងភូមិសាស្ត្រស្រុកជីក្រែង គ្របដណ្តប់លើឃុំចំនួន ៨ មានបង្គោលសរុបចំនួន ៨០បង្គោល ចាប់ពីចំណុចបង្គោលលេខ២២០ ដល់២៩៩(លេខបណ្តោះអាសន្ន) បានពិនិត្យឃើញថា បានបោះចប់ ១០០% និងមានសភាពល្អសមស្របតាមចំណុចនិយាមកាដែលក្រុមការងារបច្ចេកទេសអាជ្ញាធរទន្លេសាបបានកំណត់។ តែនៅក្នុងភូមិសាស្ត្រឃុំមួយចំនួន ប្រជាពលរដ្ឋ សហគមន៍ និងម្ចាស់កសិដ្ឋានស្រែប្រាំងនៅតែបន្តចូលអាស្រ័យផលលើដីតំបន់៣ និងមានការជីកអាងទឹក ជីកស្តារប្រឡាយទឹកក្នុងតំបន់ក្នុងតំបន់២ និងតំបន់៣៕

សិក្ខាសាលាស្តីពីការអភិរក្សទឹកជនបទ

2025-03-01T10:11:59+00:00

នៅរាជធានីភ្នំពេញ: ថ្ងៃសុក្រ ២កើត ខែផល្គុន ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៨ ខែកុម្ភៈ ឆ្នាំ២០២៥ មន្ត្រីអគ្គលេខាធិការដ្ឋាន នៃអាជ្ញាធរទន្លេសាប បានចូលរួមសិក្ខាសាលាស្តីពីការអភិរក្សទឹកជនបទ ដែលរៀបចំដោយគណៈកម្មការធនធានទឹក Changjiang (CWRC), និង វិទ្យាស្ថានស្រាវជ្រាវវិទ្យាសាស្ត្រទន្លេ Changjiang (CRSRI) នៃគណៈកម្មការធនធានទឹក Changjiang មជ្ឈមណ្ឌលសហប្រតិបត្តិការធនធានទឹក Lancang-Mekong (LMC Water Center)។ សិក្ខាសាលា មានចូលរួមពីលោក លោកស្រី អញ្ជើញមកពីតំណាងក្រសួងធនធានទឹកចិន គណៈកម្មការធនធានទឹក Changjiang ក្រសួងធនធានទឹក និងឧតុនិយម ប្រទេសកម្ពុជា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនាវាអនុវត្តន៍ អាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា , មជ្ឍមណ្ឌលគ្រប់គ្រងគ្រោះមហន្តរាយ និងទឹកជំនន់តំបន់ សាកលវិទ្យាល័យភ្នំពេញកម្ពុជា, វិទ្យាស្ថានបច្ចេកវិទ្យា និង LMC center។

សូមជម្រាបជូនថា គោលបំណងនៃសិក្ខាសាលាបណ្តុះបណ្តាលដើម្បី៖
1. ពង្រឹងសមត្ថភាពបច្ចេកទេសក្នុងការអភិរក្សទឹកជនបទ ការគ្រប់គ្រងប្រព័ន្ធធារាសាស្ត្រ និងការអភិវឌ្ឍហេដ្ឋារចនាសម្ព័ន្ធខ្នាតតូច
2. ណែនាំការអនុវត្តល្អបំផុតក្នុងការគ្រប់គ្រងទឹកជនបទ និងការគ្រប់គ្រងធនធានទឹកប្រកបដោយនិរន្តរភាព
3. លើកកម្ពស់វិធីសាស្ត្រគ្រប់គ្រងទឹកតាមសហគមន៍សម្រាប់ការធ្វើឱ្យប្រសើរឡើងនូវការចូលរួម និងចូលរួមរបស់ភាគីពាក់ព័ន្ធ
4. សម្របសម្រួលការផ្លាស់ប្តូរចំណេះដឹងរវាងបុគ្គលិកបច្ចេកទេសមកពីស្ថាប័នរដ្ឋាភិបាលផ្សេងៗ និងស្ថាប័នស្រាវជ្រាវ
5. ជំរុញកិច្ចសហប្រតិបត្តិការក្នុងតំបន់ក្នុងក្របខ័ណ្ឌ Lancang-Mekong ដើម្បីជំរុញអភិបាលកិច្ចទឹកប្រកបដោយនិរន្តរភាព និងការតម្រឹមគោលនយោបាយ។

សូមបញ្ជាក់ជូន វគ្គបណ្តុះបណ្តាល សិក្ខាកាម ទទួលបានលទ្ធផលដូចខាងក្រោម៖
- ទទួលបានចំណេះដឹងជាក់ស្តែងនៃបច្ចេកទេសអភិរក្សទឹកជនបទប្រកបដោយនិរន្តរភាព
- អភិវឌ្ឍជំនាញបច្ចេកទេសក្នុងការគ្រប់គ្រងប្រព័ន្ធធារាសាស្ត្រ និងបច្ចេកវិទ្យាសន្សំសំចៃទឹក
- ពង្រឹងបណ្តាញអ្នកពាក់ព័ន្ធសម្រាប់ការផ្លាស់ប្តូរចំណេះដឹងជាបន្តបន្ទាប់
- រួមចំណែកដល់កិច្ចសហប្រតិបត្តិការក្នុងតំបន់ តាមរយៈការចែករំលែកចំណេះដឹងក្នុងក្របខ័ណ្ឌឡានឆាង-មេគង្គ៕

ឯកឧត្ដម ហ៊ែល តូនី អនុប្រធានក្តាប់រួម បានចុះត្រួតពិនិត្យស្ថានីយ៍កម្ពស់ទឹក-តម្រងទឹកភ្លៀង ស្ថិតក្នុងភូមិសាស្ត្រឃុំពាមបាង ស្រុកស្ទោង ខេត្តកំពង់ធំ

2025-02-24T10:53:08+00:00

ក្រោមការដឹកនាំ និងចង្អុលបង្ហាញដ៏ខ្ពង់ខ្ពស់ ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកស្ទោង នាថ្ងៃសុក្រ ៩រោច ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២១ ខែកុម្ភៈ ឆ្នាំ ២០២៥ ឯកឧត្ដម ហ៊ែល តូនី អនុប្រធានក្តាប់រួម និងលោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ អមដោយក្រុមការងារមន្ត្រីបច្ចេកស្រាវជ្រាវបែបវិទ្យាសាស្ត្រវ័យក្មេងដែលដឹកនាំសម្របសម្រួលដោយលោកបណ្ឌិត អ៊ុក សុវណ្ណារ៉ា ជំនួយការផ្ទាល់របស់ឯកឧត្ដមអនុប្រធានក្តាប់រួមអាជ្ញាធរទន្លេសាប បានចុះត្រួតពិនិត្យស្ថានីយ៍កម្ពស់ទឹក-តម្រងទឹកភ្លៀង និងប្រមូលសំណាកទឹកតាមទីតាំងសំខាន់ៗ ដើម្បីធ្វើការវិភាគលក្ខណៈរូបគីមី និងជីវៈនៃប៉ារ៉ាម៉ែត្រគុណភាពទឹកបឹងទន្លេសាប និងបឹងទន្លេឆ្មារ ស្ថិតក្នុងភូមិសាស្ត្រឃុំពាមបាង ស្រុកស្ទោង ខេត្តកំពង់ធំ ។ ជាមួយនឹងសកម្មភាពស្រាវជ្រាវនេះផងដែរ ឯកឧត្តម ក៏បានជួបប្រជុំពិភាក្សាជាមួយអាជ្ញាធរមូលដ្ឋានឃុំ និងភូមិ អំពីបទល្មើស ការចូលរួមការពារទប់ស្កាត់ធនធានធម្មជាតិ ការទ្រទ្រង់ជីវភាពរស់នៅ និងភូមិ-ឃុំមានសុវត្ថិភាពរបស់ប្រជាពលរដ្ឋទាំង៥ ភូមិ ក្នុងឃុំពាមបាង៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប ចុះអធិការកិច្ចបង្គោលព្រំតំបន់៣ និងពិនិត្យការបន្តអាស្រ័យផលលើដីតំបន់២ និងតំបន់៣ នៃដែនព្រៃលិចទឹក ក្នុងភូមិសាស្ត្រស្រុកក្រគរ ខេត្តពោធិ៍សាត់

2025-02-22T12:16:28+00:00

ក្រោមការដឹកនាំ និងចង្អុលបង្ហាញដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នៅថ្ងៃសុក្រ ៩ រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែកុម្ភៈ ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប ដឹកនាំក្រុមការងារមន្ត្រីអគ្គលេខាធិការដ្ឋាន អាជ្ញាធរទន្លេសាប សហការជាមួយរដ្ឋបាលខេត្តពោធិ៍សាត់ មន្ទីរធនធានទឹក និងឧតុនិយម រដ្ឋបាលស្រុកក្រគរ ចុះអធិការកិច្ចបង្គោលព្រំតំបន់៣ និងពិនិត្យការបន្តអាស្រ័យផលលើដីតំបន់២ និងតំបន់៣ នៃដែនព្រៃលិចទឹក ក្នុងភូមិសាស្ត្រស្រុកក្រគរ ខេត្តពោធិ៍សាត់។

ក្នុងឱកាសនេះដែរ ឯកឧត្តមប្រធានក្រុមការងារបានពាំនាំជម្រាបជូនពីគោលនយោបាយ អនុសាសន៍ណែនាំដ៏ខ្ពង់ខ្ពស់របស់រាជរដ្ឋាភិបាលដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការការពារ ថែរក្សាដែនព្រៃលិចទឹក និងព្រៃលិចទឹកតំបន់៣ ព្រមទាំងបានណែនាំដល់អាជ្ញាធរដែនដីចូលរួមទប់ស្កាត់ការបន្តចូលអាស្រ័យផលដីតំបន់៣ ការរុករានទន្ទ្រានព្រៃលិចទឹក និងពង្រឹងការអនុវត្តច្បាប់ បទដ្ឋានគតិយុត្ត មានដូចជាអនុក្រឹត្យលេខ ១៩៧ អនក្រ.បក និងអនុក្រឹត្យលេខ ៨៣ អនក្រ.បក។

សូមបញ្ជាក់ជូនថា ការចុះអធិការកិច្ច និងពិនិត្យការធ្វើស្រែប្រាំងក្នុងតំបន់២ និងតំបន់៣ ដល់ទីតាំងផ្ទាល់នេះដែរ មានការអញ្ជើញចូលរួមពីតំណាងមន្ទីរធនធានទឹក និងឧតុនិយម លោកអភិបាលស្រុក អភិបាលរងស្រុក សមាជិកក្រុមប្រឹក្សាស្រុក តំណាង សង្កាត់រដ្ឋបាលជលផល ការិយាល័យកសិកម្ម ធនធានធម្មជាតិ និងបរិស្ថាន ការិយាល័យដែនដី នគរូបនីយកម្ម សំណង់ និងសុរិយោដីកងកម្លាំងទាំង៣ អង្គភាព លោកមេឃុំ ក្រុមប្រឹក្សាឃុំ លោកមេភូមិពាក់ព័ន្ធ និងតំណាងសហគមន៍នេសាទ៕

ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប ដឹកនាំក្រុមការងារអគ្គលេខាធិការដ្ឋាន អាជ្ញាធរទន្លេសាប ចុះធ្វើអធិការកិច្ចបង្គោលព្រំតំបន់៣ ដែនព្រៃលិចទឹក ក្នុងភូមិសាស្ត្រស្រុកកណ្តៀង ខេត្តពោធិ៍សាត់

2025-02-22T12:07:21+00:00

នៅថ្ងៃសុក្រ ៩ រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែកុម្ភៈ ឆ្នាំ២០២៥ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បន្តដឹកនាំក្រុមការងារមន្ត្រីអគ្គលេខាធិការដ្ឋាន អាជ្ញាធរទន្លេសាប សហការជាមួយរដ្ឋបាលខេត្តពោធិ៍សាត់ មន្ទីរធនធានទឹក និងឧតុនិយម រដ្ឋបាលស្រុកកណ្តៀង ចុះអធិការកិច្ចបង្គោលព្រំតំបន់៣ និងពិនិត្យការបន្តអាស្រ័យផលលើដីតំបន់២ និងតំបន់៣ នៃដែនព្រៃលិចទឹក ក្នុងភូមិសាស្ត្រស្រុកកណ្តៀង ខេត្តពោធិ៍សាត់។

ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប ដឹកនាំក្រុមការងារអគ្គលេខាធិការដ្ឋាន អាជ្ញាធរទន្លេសាប ចុះធ្វើអធិការកិច្ចបង្គោលព្រំតំបន់៣ ដែនព្រៃលិចទឹក ក្នុងភូមិសាស្ត្រស្រុកបាកាន ខេត្តពោធិ៍សាត់

2025-02-22T11:57:22+00:00

នៅថ្ងៃសុក្រ ៩ រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែកុម្ភៈ ឆ្នាំ២០២៥ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប បន្តដឹកនាំក្រុមការងារមន្ត្រីអគ្គលេខាធិការដ្ឋាន អាជ្ញាធរទន្លេសាប សហការជាមួយរដ្ឋបាលខេត្តពោធិ៍សាត់ មន្ទីរធនធានទឹក និងឧតុនិយម រដ្ឋបាលស្រុកបាកាន ចុះអធិការកិច្ចបង្គោលព្រំតំបន់៣ និងពិនិត្យការបន្តអាស្រ័យផលលើដីតំបន់២ និងតំបន់៣ នៃដែនព្រៃលិចទឹក ក្នុងភូមិសាស្ត្រស្រុកបាកាន ខេត្តពោធិ៍សាត់។

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប អញ្ជើញដឹកនាំកិច្ចប្រជុំពិភាក្សាករណីស្នើសុំបញ្ជូនព័ត៌មាន និងទិន្នន័យពាក់ព័ន្ធនឹងគម្រោងសម្រាប់កម្មវិធីវិនិយោគសាធារណៈ បីឆ្នាំរំកិល២០២៦-២០២៨ លើវិស័យធនធានទឹក និងឧតុនិយម ក្នុងអគ្គលេខាធិក

2025-02-21T00:08:02+00:00

នារសៀលថ្ងៃព្រហស្បតិ៍ ៨រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែកុម្ភៈ ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប អញ្ជើញដឹកនាំកិច្ចប្រជុំពិភាក្សាករណីស្នើសុំបញ្ជូនព័ត៌មាន និងទិន្នន័យពាក់ព័ន្ធនឹងគម្រោងសម្រាប់កម្មវិធីវិនិយោគសាធារណៈ បីឆ្នាំរំកិល២០២៦-២០២៨ លើវិស័យធនធានទឹក និងឧតុនិយម នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប។

កិច្ចប្រជុំនេះមានការអញ្ជើញចូលរួមពីឯកឧត្តមអគ្គលេខាធិការរង លោកប្រធាននាយកដ្ឋានទាំង៤ និងមន្ត្រីក្នុងការិយាល័យផែនការ សហប្រតិបត្តិការ របស់អគ្គលេខាធិការដ្ឋាន នៃអាជ្ញាធរទន្លេសាប ដេីម្បីធ្វើការពិភាក្សារៀបចំអត្ថន័យ និងកំណត់គម្រោងអាទិភាពសំខាន់ៗ ទៅតាមតួនាទីភារកិច្ចរបស់អាជ្ញាធរទន្លេសាប បន្ស៊ីគ្នានឹងផែនការយុទ្ធសាស្ត្រ អ.ទ.ស និងផែនការអភិវឌ្ឍន៍ជាតិ សម្រាប់ដាក់បញ្ចូលក្នុងកម្មវិធីវិនិយោគសាធារណ: ដោយមានអត្ថន័យ គោលបំណង លទ្ធផលរំពឹងទុក ថវិការបស់គម្រោង អោយបានច្បាស់លាស់សម្រាប់ជាឯកសារ Proposal ងាយក្នុងការចរចា និងកៀគរដៃគូរអភិវឌ្ឍន៍៕

ឯកឧត្តម ហ៊ែល តូនី អនុប្រធានក្តាប់រួម អញ្ជើញដឹកនាំកិច្ចប្រជុំជាមួយក្រសួង ស្ថាប័នពាក់ព័ន្ធ ដើម្បីពិភាក្សាករណីមិនប្រក្រតីសកម្មភាពអនាធិបតេយ្យក្នុងតំបន់២ និងតំបន់៣ តំបន់អភិរក្សជីវចម្រុះបឹងពារាំង និងតំបន់ជុំវិញរោងចក្រប្រព្រឹត្តកម្ម

2025-02-19T16:12:35+00:00

នាព្រឹកថ្ងៃពុធ ៧រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកុម្ភៈ ឆ្នាំ២០២៥ នាសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សាការងារជាមួយក្រសួង ស្ថាប័នពាក់ព័ន្ធ លើករណីមិនប្រក្រតីសកម្មភាពអនាធិបតេយ្យក្នុងតំបន់២ និងតំបន់៣ តំបន់អភិរក្សជីវចម្រុះបឹងពារាំង និងតំបន់ជុំវិញរោងចក្រប្រព្រឹត្តកម្មទឹកស្អាតជ្រាវ ស្ថិតក្នុងភូមិសាស្ត្រសង្កាត់ជ្រាវ ក្រុងសៀមរាប ខេត្តសៀមរាប។

សូមជម្រាបជូនថា យោងលិខិតលេខ២០៥ ស.ជ.ណ ចុះថ្ងៃទី៦ ខែកុម្ភៈ ឆ្នាំ២០២៥ របស់ទីស្តីការគណៈរដ្ឋមន្ត្រី កិច្ចប្រជុំរៀបចំឡើងក្នុងគោលបំណង ដើម្បីពិភាក្សាផ្តល់យោបល់រកដំណោះស្រាយ និងចាត់វិធានការតាមនីតិវីធីរួមមាន៖ ១-លើកយោបល់ផ្តួចផ្តើមគំនិតចុះសិក្សាស្រាវជ្រាវបន្ថែម ដើម្បីមានឯកសារគតិយុត្ត និងភស្តុតាងគ្រប់គ្រាន់សម្រាប់ជាមូលដ្ឋានផ្តល់ជូនអង្គភាពប្រឆាំងអំពើពុករលួយចាត់ការតាមនីតិវិធីច្បាប់ ២-ពិភាក្សាលើកយោបល់ ដើម្បីចាត់វិធានការតាមផ្លូវច្បាប់ ចំពោះសមាគមន៍ទេសចរណ៍ធម្មជាតិបឹងពារាំង និងបុគ្គលដែលបានប្រព្រឹត្តល្មើស ៣- ពិភាក្សាអំពីការរៀបចំយន្តការការងារ ក្នុងការកសាងយុទ្ធសាស្ត្រដំណើរការសហគមន៍ទេសចរណ៍នេះឱ្យមានប្រសិទ្ធភាព ដើម្បីជាគំរូដល់សហគមន៍ដទៃទៀត ក្នុងការពង្រឹងនិរន្តរភាពដំណើរការរបស់សហគមន៍ ចូលរួមលើកកម្ពស់វិស័យទេសចរណ៍អេកូឡូស៊ីការពារធនធានធម្មជាតិ ជាពិសេសព្រៃលិចទឹក ៤- កំណត់ពេលវេលាក្នុងការធ្វើការងារជាមួយក្រុមការងារថ្នាក់ខេត្ត ដូចមានចែងក្នុងលិខិតលេខ២០៥ របស់ទីស្តីការគណៈរដ្ឋមន្ត្រី និងចុះទៅទីតាំងផ្ទាល់នៅសហគមន៍បឹងពារាំង ។

សូមបញ្ជាក់ជូនថា បន្ទាប់ពីបានពិនិត្យ និងពិភាក្សា អង្គប្រជុំបានឯកភាពយល់ព្រមលើការយកសំណើមតិយោបល់នាពេលនេះ ទៅពិភាក្សាជាមួយក្រុមការងារចម្រុះថ្នាក់ខេត្ត និងសហគមន៍នេសាទចុងឃ្នាស និងសហគមន៍ទេសចរណ៍ធម្មជាតិបឹងពារាំង ដើម្បីសិក្សាស្វែងយល់បន្តទៀត លើយន្តការរបស់ថ្នាក់ក្រោមជាតិ និងសហគមន៍មូលដ្ឋាន និងដាក់ជូនថ្នាក់ដឹកនាំពិនិត្យសម្រេច៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប អញ្ជើញជាអធិបតីដឹកនាំកិច្ចប្រជុំពិភាក្សាលើសេចក្តីព្រាងបទបញ្ជាផ្ទៃក្នុងស្តីពីនីតិវិធីអនុវត្តន៍ការងារក្នុងអគ្គលេខាធិការដ្ឋាននៃអាជ្ញាធរទន្លេសាប

2025-02-17T15:02:52+00:00

នាព្រឹកថ្ងៃចន្ទ ៥រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែកុម្ភ្ភៈ ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប អញ្ជើញជាអធិបតីដឹកនាំកិច្ចប្រជុំពិភាក្សាលើសេចក្តីព្រាងបទបញ្ជាផ្ទៃក្នុង ស្តីពីនីតិវិធីអនុវត្តន៍ការងារក្នុងអគ្គលេខាធិការដ្ឋាន នៃអាជ្ញាធរទន្លេសាប នៅសាលប្រជុំទីស្តីការក្រសួងធនធានទឹក និងឧតុនិយម។ កិច្ចប្រជុំនេះមានការអញ្ជើញចូលរួមពីឯកឧត្តមអគ្គលេខាធិការរង លោកទីប្រឹក្សា លោកប្រធាន-អនុប្រធាននាយកដ្ឋាន លោកប្រធាន-អនុប្រធានការិយាល័យ និងមន្ត្រីក្រោមឱវាទរបស់នាយកដ្ឋានទាំង៤ របស់អគ្គលេខាធិការដ្ឋាន នៃអាជ្ញាធរទន្លេសាប។

សូមជម្រាបជូនថា កិច្ចប្រជុំនេះ មានគោលបំណង ដើម្បីពិនិត្យ និងពិភាក្សាផ្តល់យោបល់ណែនាំបន្ថែមទៅលើបទបញ្ជាផ្ទៃក្នុង ដើម្បីពង្រឹងក្នុងពីនីតិពិធីអនុវត្តការងារឱ្យមានប្រសិទ្ធភាព អភិបាលកិច្ចល្អ និងលើកកម្ពស់វិន័យ ក្រមសីលធម៌ សាមគ្គីភាពផ្ទៃក្នុង សណ្តាប់ធ្នាប់របៀបរៀបរយ រក្សាឱ្យបាននូវសេចក្តីថ្លៃថ្នូរ ព្រមទាំងកំណត់ អំពីសិទ្ធិ កាតព្វកិច្ច ដើម្បីភាពសុខដុមនីយកម្ម ប្រសិទ្ធភាពការងារ និងនិរន្តរភាពការងាររបស់អាជ្ញាធរទន្លេសាប។

សូមបញ្ជាក់ថា សេចក្តីព្រាងបទបញ្ជាផ្ទៃក្នុង ស្តីពីនីតិវិធីអនុវត្តន៍ការងារក្នុងអគ្គលេខាធិការដ្ឋាន នៃអាជ្ញាធរទន្លេសាប ចែកជា ៧ចំណុច ផ្តោតសំខាន់លើ:
១. នីតិវិធីអនុវត្តការងារ
២. កាតព្វកិច្ចមន្ត្រីរាជការ
៣. វិន័យ និងសិទ្ធិមន្ត្រីរាជការ
៤. ការចូលរួមថែរក្សារទ្រព្យសម្បត្តិ សន្សំសំចៃ និងអនាម័យ
៥. ការហាមឃាត់ និងសន្តិសុខ សណ្តាប់ធ្នាប់របៀបរៀបរយ
៦. ផលប្រយោជន៍
៧. វិន័យទណ្ឌកម្មមន្ត្រីរាជការ៕

ឯកឧត្តម ហ៊ែល តូនី អនុប្រធានក្តាប់រួម ជួបប្រជុំពិភាក្សាការងារពង្រឹងកិច្ចសហប្រតិបត្តិការជាមួយ ដៃគូអភិវឌ្ឍន៍ធនាគារអភិវឌ្ឍន៍អាស៊ី ADB និងទីភ្នាក់ងារបារាំងសម្រាប់អភិវឌ្ឍន៍ AFD

2025-02-15T15:12:23+00:00

នារសៀលថ្ងៃសុក្រ ២រោច ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៤ ខែកុម្ភៈ ឆ្នាំ ២០២៥ ឯកឧត្ដម ហ៊ែល តូនី អនុប្រធានក្តាប់រួម តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយ ឯកឧត្ដម ជា សុខនី អគ្គលេខាធិការរង អាជ្ញាធរទន្លេសាប និងលោកបណ្ឌិត អ៊ុក សុវណ្ណារ៉ា ជំនួយការផ្ទាល់ឯកឧត្ដមអនុប្រធានក្តាប់រួមអាជ្ញាធរទន្លេសាប បានដឹកនាំមន្ត្រីបច្ចេកទេសអាជ្ញាធរទន្លេសាប ជួបប្រជុំពិភាក្សាជាមួយក្រុមជំនាញការដៃគូអភិវឌ្ឍន៍ លោកបណ្ឌិត Morgan MARTEAU ប្រធានក្រុមប្រឹក្សាជួយកិច្ចការធនាគារអភិវឌ្ឍន៍អាស៊ី (ADB) និងលោកបណ្ឌិត Phillipe GOURBESVILLE ក្រុមការងារស្ថាប័នជំនួយនៃវិទ្យាស្ថានធនធានទឹក និងវារីសាស្ត្រ (Institute of Water Resources and Hydropower) ប្រទេសចិន រួមជាមួយ លោក ថ្លាង ភក្ត្រា ទទួលបន្ទុកគម្រោងទីភ្នាក់ងារបារាំងសម្រាប់អភិវឌ្ឍន៍ (AFD) និងសហការី ។

កិច្ចប្រជុំពិភាក្សានេះ គឺក្នុងគោលបំណងធ្វើការណែនាំ អំពីការរៀបចំកម្មវិធីវិនិយោគ ផ្តោតលើភាពធន់នឹងអាកាសធាតុ និងសន្តិសុខទឹក (CRWSCIP) រួមទាំងការគិតគូរពីការរៀបចំក្របខ័ណ្ឌយុទ្ធសាស្ត្រពាក់ព័ន្ធនឹងវិសាលភាពនៃការគ្រប់គ្រង អភិរក្ស និងអភិវឌ្ឍន៍តំបន់បឹងទន្លេសាបឱ្យស្របទៅនឹងគោលនយោបាយរបស់រាជរដ្ឋាភិបាលកម្ពុជា ក្នុងអាណត្តិទី ៧ នៃរដ្ឋសភា ជាពិសេសយុទ្ធសាស្ត្របញ្ចកោណដំណាក់កាលទី ១ ។

នៅក្នុងកិច្ចប្រជុំខាងលើ ភាគីដៃគូអភិវឌ្ឍន៍ ធនាគារអភិវឌ្ឍន៍អាស៊ី ក៏បានបង្ហាញពីលទ្ធផល Output ចំនួន៣ធំៗរបស់គម្រោង ដែលនឹងសម្រចបាន ដូចជា៖
១) ពង្រឹងការរៀបចំផែនការទីក្រុងដែលធន់នឹងអាកាសធាតុ
២) បង្កើនភាពធន់ទៅនឹងហានិភ័យទឹកជំនន់ទីក្រុង ការគ្រប់គ្រងប្រព័ន្ធបង្ហូរទឹកកខ្វក់ និងអនាម័យសម្រាប់ភាពធន់នឹងអាកាសធាតុ
៣) កែលម្អសេវាកម្មផ្គត់ផ្គង់ទឹកក្នុងទីក្រុងដែលមានភាពធន់នឹងអាកាសធាតុ ។

ជាមួយនឹងលទ្ធផលទី១ ខាងលើ ចំណុចសំខាន់ៗមានដូចជា : គម្រោងអភិវឌ្ឍផែនការទីតាំង និងការប្រើប្រាស់ដីសម្រាប់ខេត្ត និងទីក្រុងដែលស្ថិតនៅជុំវិញតំបន់ទន្លេសាប រួមទាំងលទ្ធផលផ្សេងទៀតរួមមានការរៀបចំ និងការសាងសង់ហេដ្ឋារចនាសម្ព័ន្ធទីក្រុង៕

ឯកឧត្តម ហ៊ែល តូនី អនុប្រធានក្តាប់រួម ជួបប្រជុំពិភាក្សាការងារពង្រឹងកិច្ចសហប្រតិបត្តិការជាមួយ ដៃគូអភិវឌ្ឍន៍ធនាគារអភិវឌ្ឍន៍អាស៊ី ADB និងទីភ្នាក់ងារបារាំងសម្រាប់អភិវឌ្ឍន៍ AFD

2025-02-15T15:12:23+00:00

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប ចុះពិនិត្យសំណើសុំគោលការណ៍អនុញ្ញាតក្នុងការស្តារប្រឡាយទឹកចាស់ពីតំបន់៣

2025-02-15T15:02:28+00:00

ដោយទទួលបានការណែនាំដ៏ខ្ពង់ខ្ពស់ពីឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នាថ្ងៃសុក្រ ២រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១៤ ខែកុម្ភៈ ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប និង លោក ថាំង វីយុទ្ធដា ប្រធាននាយកដ្ឋានវិស្វកម្មនៃក្រសួងធនធានទឹក និងឧតុនិយម បានដឹកនាំក្រុមការងារបច្ចេកទេស ចុះពិនិត្យសំណើសុំគោលការណ៍អនុញ្ញាតក្នុងការស្តារប្រឡាយទឹកចាស់ពីតំបន់៣ ដើម្បីយកទឹកមកក្នុងដីតំបន់២ សម្រាប់សង្គ្រោះស្រូវ របស់បងប្អូនប្រជាពលរដ្ឋប្រមាណជាង ២៣០ហិកតា ស្ថិតនៅក្នុងតំបន់បីមុំ ឃុំស្រឡៅ ស្រុកតាំងគោក ខេត្តកំពង់ធំ។

បច្ចុប្បន្ននេះបងប្អូនប្រជាពលរដ្ឋ បានកំពុងតែធ្វើស្រែប្រាំងលើកទី១ នៅក្នុងតំបន់តាអុក តាតេង ទំនេកសេក និងតំបន់ផ្សេងៗទៀត ដែលមានផ្ទៃដីអាស្រ័យផលប្រមាណជាង ២៣០ហិកតា ដែលកំពុងតែត្រូវការទឹកក្នុងការជួយសង្គ្រោះស្រូវទាំងនោះឱ្យបានទាន់ពេលវេលា។ ប្រភពទឹកដែលអាចយកមកជួយសង្គ្រោះស្រូវរបស់បងប្អូនប្រជាពលរដ្ឋប្រមាណជាង ២៣០ហិកតា នោះគឺត្រូវឆ្លងកាត់តាមដីតំបន់៣ ចូលមកក្នុងដីតំបន់២ ដែលមានប្រវែងសរុប ១,០២៤ម៉ែត្រ ដោយកាត់ដីតំបន់២ មានប្រវែង ៣៣០ម៉ែត្រ ដែលបានកាត់ឆ្វៀលតាមអនុក្រឹត្យលេខ ២៨ អនក្រ.បក និងត្រូវកាត់តាមដីតំបន់៣ ប្រវែង ៦៩៤ម៉ែត្រ៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ប្រជុំពិភាក្សា online zoom ពង្រឹងកិច្ចសហការជាមួយ សកលវិទ្យាល័យ យ៉ាម៉ាណាស៊ី (University of Yamanashi)

2025-02-15T14:51:41+00:00

នាព្រឹកថ្ងៃសុក្រ ២រោច ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៤ ខែកុម្ភៈ ឆ្នាំ២០២៥ ឯកឧត្ដម ហ៊ែល តូនី អនុប្រធានក្តាប់រួម តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយលោកបណ្ឌិត អ៊ុក សុវណ្ណារ៉ា ជំនួយការផ្ទាល់ឯកឧត្ដមអនុប្រធានក្តាប់រួមអាជ្ញាធរទន្លេសាប បានដឹកនាំមន្ត្រីបច្ចេកទេសអាជ្ញាធរទន្លេសាប ជួបប្រជុំពិភាក្សា Virtual Microsoft Team Meeting Room ជាមួយ លោកបណ្ឌិត ណាកាម៉ូរា តាកាស៊ី (Dr. NAKAMURA Takashi) សាស្ត្រាចារ្យ និង កញ្ញា ដេត មួយគាង និស្សិតបរិញ្ញាបត្រជាន់ខ្ពស់នៃសកលវិទ្យាល័យ យ៉ាម៉ាណាស៊ី (University of Yamanashi) ប្រទេសជប៉ុន។ កិច្ចប្រជុំពិភាក្សានេះ មានគោលបំណងធំៗចំនួន៤ រួមមាន :
ទី១-ណែនាំ និងស្វែងយល់ពីគ្នាទៅវិញទៅមករវាងស្ថាប័នទាំង២ (អាជ្ញាធរទន្លេសាប និង សកលវិទ្យាល័យ យ៉ាម៉ាណាស៊ី University of Yamanashi)
ទី២-ពិភាក្សាផ្តួចផ្តើមនូវកិច្ចសហការគ្នារវាងភាគីទាំង២
ទី៣-ផ្តួចផ្តើមគំនិតបង្កើតនូវទិសដៅសិក្សាស្រាវជ្រាវរួមគ្នានៅលើប្រធានបទ និងទីតាំងសំខាន់ៗក្នុងតំបន់បឹងទន្លេសាប និង
ទី៤-ពិនិត្យ និងកែសម្រួលទៅលើខ្លឹមសារអនុស្សរណៈយោគយល់ MoU រវាងស្ថាប័នទាំងពីរ (អាជ្ញាធរទន្លេសាប និង សាកលវិទ្យាល័យ យ៉ាម៉ាណាស៊ី University of Yamanashi) ដើម្បីត្រៀមចុះហត្ថលេខានាពេលខាងមុខ៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ប្រជុំពិភាក្សា online zoom ពង្រឹងកិច្ចសហការជាមួយ សកលវិទ្យាល័យ យ៉ាម៉ាណាស៊ី (University of Yamanashi)

2025-02-15T14:51:41+00:00

ពិធីបិទសន្និបាតបូកសរុបលទ្ធផលការងារក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ប្រចាំឆ្នាំ២០២៤ និងលើកទិសដៅអនុវត្តឆ្នាំ២០២៥

2025-02-14T14:37:36+00:00

នារសៀលថ្ងៃព្រហស្បតិ៍ ១រោច ខែមាឃ ឆ្នាំរោង ឆស័ក ពុទ្ធស័ករាជ ២៥៦៨ ត្រូវនឹងថ្ងៃទី១៣ ខែកុម្ភៈ ឆ្នាំ២០២៥ នាសណ្ឋាគារសុខា រាជធានីភ្នំពេញ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ប្រធានគណៈកម្មាធិការជាតិទន្លេមេគង្គកម្ពុជា និងជាប្រធានអាជ្ញាធរទន្លេសាប បានអញ្ជើញចូលរួមក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅអនុវត្តឆ្នាំ២០២៥ របស់ក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ក្រោមអធិបតីភាពដ៏ខ្ពង់ខ្ពស់ឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ថ្លែងក្នុងអង្គពិធីបិទសន្និបាត ឯកឧត្តមរដ្ឋមន្ត្រី បានជម្រាបជូនពីលទ្ធផលការងារ បញ្ហាប្រឈម ដំណោះស្រាយ និងផែនការឆ្នាំ២០២៥ របស់អាជ្ញាធរទន្លេសាប ក្នុងនោះសមិទ្ធផលសម្រេចបានក្នុងឆ្នាំ២០២៤ រួមមាន ការធ្វើវិភាគមុខងាររចនាសម្ព័ន្ធអគ្គលេខាធិការដ្ឋាន អាជ្ញាធរទន្លេសាប, កិច្ចសហការជាមួយក្រសួង-ស្ថាប័នពាក់ព័ន្ធចុះសិក្សាដើម្បីប្រមូលធាតុចូលក្នុងការការពារ គ្រប់គ្រង អភិរក្ស និងអភិវឌ្ឍន៍ធនធានធម្មជាតិបឹងទន្លេសាបប្រកបដោយនិរន្តរភាព, ការសិក្សាស្រាវជ្រាវលើធនធានធម្មជាតិ បរិស្ថាន ការធ្វើអាជីវកម្ម គុណភាពទឹក របបជលសាស្ត្រ និងសេដ្ឋកិច្ចសង្គម នៅជុំវិញតំបន់បឹងទន្លេសាប, អនុវត្តនូវការងារចំពោះមុខ ដែលរាជរដ្ឋាភិបាលប្រគល់ជូន ដោយធ្វើកិច្ចសហការជាមួយក្រសួងស្ថាប័នពាក់ព័ន្ធ បានចុះកំណត់និយាមកាតំបន់ ១ តំបន់២ តំបន់៣ បឹងទន្លេសាប និងបានធ្វេីការសង់បង្គោលព្រំដែនព្រៃលិចទឹក ព្រមទាំងកំណត់ផែនទីទាំងបីតំបន់ នៅតាមបណ្តាខេត្តទាំង៦ ជុំវិញបឹងទន្លេសាប។

ជាកិត្តិយសដ៏ឧត្តុង្គឧត្តមនៃពិធីបិទសន្និបាត ឯកឧត្តមឧបនាយករដ្ឋមន្ត្រី បានជម្រាបជូនសមាជិក សមាជិកាអង្គសន្និបាតជ្រាបថា គោលនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃ ព្រមទាំងចក្ខុវិស័យវែងឆ្ងាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា តាមរយៈការដាក់ចេញនូវកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ ដោយបានកំណត់យកអាទិភាពគន្លឹះចំនួន ៥ គឺ «មនុស្ស ផ្លូវ ទឹក ភ្លើង និង បច្ចេកវិទ្យា» ដើម្បីកំណើន ការងារ សមធម៌ ប្រសិទ្ធភាព និងចីរភាព កសាងមូលដ្ឋានឆ្ពោះទៅសម្រេចចក្ខុវិស័យជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសមានចំណូលខ្ពស់នៅឆ្នាំ២០៥០។

ជាមួយគ្នានេះផងដែរ ឯកឧត្តមឧបនាយករដ្ឋមន្ត្រីបានផ្តល់នូវអនុសាសន៍ចំនួន ១០ចំណុច ដល់ក្រសួងធនធានទឹកនិងឧតុនិយម គណៈកម្មាការជាតិទន្លេមេគង្គកម្ពុជា និងអាជ្ញាធរទន្លេសាប ព្រមទាំងក្រសួង-ស្ថាប័នពាក់ព័ន្ធ បន្តកិច្ចសហការដើម្បីលើកកម្ពស់អភិបាលកិច្ចក្នុងការគ្រប់គ្រងធនធានទឹក និងធនធានធម្មជាតិបឹងទន្លេសាបឱ្យកាន់តែមានប្រសិទ្ធភាព និងនិរន្តរភាព ក្នុងនោះអាជ្ញាធរទន្លេសាបត្រូវបន្តពង្រឹងអភិបាលកិច្ចស្ថាប័ន ដោយកសាងលើកកម្ពស់មូលធនមនុស្សតាមរយ:ការពង្រឹងសមត្ថភាពបច្ចេកទេស ការប្រើប្រាស់បច្ចេកវិទ្យាទំនើប ការលើកទឹកចិត្ត ការពង្រឹងកិច្ចសហប្រតិបត្តិការគ្រប់ភាគីពាក់ព័ន្ធ ហេីយក្រសួងធនធានទឹក និងឧតុនិយម និងអាជ្ញាធរទន្លេសាប ត្រូវបន្តអនុវត្តតួនាទី ភារកិច្ចរបស់ខ្លួន ដោយសហការជាមួយក្រសួង-ស្ថាប័នពាក់ព័ន្ធ និងអាជ្ញាធរមូលដ្ឋានគ្រប់រាជធានី-ខេត្ត ក្នុងការពន្លឿនការចុះបញ្ជីដីផ្ទៃអាង ការទប់ស្កាត់ ការកាប់បំផ្លាញព្រៃលិចទឹកក្នុងតំបន់៣ នៅជុំវិញបឹងទន្លេសាប និងជំរុញបញ្ចប់ការធ្វើបច្ចុប្បន្នភាពផែនទីតំបន់១ តំបន់២ និងតំបន់៣ នៃតំបន់ទន្លេសាប និងធ្វើការបោះបង្គោលព្រំ ព្រមទាំងទប់ស្កាត់ការរំលោភបំពានដីក្នុងអាងស្តុកទឹក ដីព្រៃលិចទឹក ការចាក់ដី និងថ្មចូលក្នុងទន្លេ ស្ទឹង អូរ និងបឹងបួរនៅទូទាំងប្រទេស ព្រមទាំងរៀបចំផែនទីបង្ហាញផ្លូវយុទ្ធសាស្ត្រសម្រាប់ការគ្រប់គ្រង និងអភិវឌ្ឍន៍តំបន់ទន្លេសាបប្រកបដោយនិរន្តរភាព៕

ឯកឧត្តមរដ្ឋមន្ត្រី ថោ ជេដ្ឋា អញ្ជើញជាអធិបតីបើកសន្និបាតបូកសរុបលទ្ធផលការងារក្រសួងធនធានទឹក និងឧតុនិយម អាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា ប្រចាំឆ្នាំ២០២៤ និងលើទិសដៅអនុវត្តឆ្នាំ២០២៥

2025-02-14T14:13:28+00:00

រាជធានីភ្នំពេញ: ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ប្រធានអាជ្ញាធរទន្លេសាប និងជាប្រធានគណៈកម្មាធិការជាតិទន្លេមេគង្គកម្ពុជា អញ្ជើញជាអធិបតីបើកសន្និបាតបូកសរុបលទ្ធផលការងារឆ្នាំ២០២៤ និងលើទិសដៅអនុវត្តឆ្នាំ២០២៥ របស់ក្រសួងធនធានទឹក និងឧតុនិយម អាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា នៅសណ្ឋាគារសុខាភ្នំពេញ នាថ្ងៃពុធ ១៥កើត ខែមាឃ ឆ្នាំរោង ឆស័ក ពុទ្ធស័ករាជ ២៥៦៨ ត្រូវនឹងថ្ងៃទី ១២ ខែកុម្ភៈ ឆ្នាំ២០២៥។ ថ្លែងក្នុងអង្គពិធីបើក ឯកឧត្តមរដ្ឋមន្ត្រី បានមានប្រសាសន៍លើកឡើងថារាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃ ព្រមទាំងចក្ខុវិស័យវែងឆ្ងាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅតែបន្តយកចិត្តទុកដាក់ខ្ពស់លើវិស័យធនធានទឹក និងឧតុនិយម តាមរយៈការដាក់ចេញនូវកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ ដោយបានកំណត់យកអាទិភាពគន្លឹះចំនួន ៥ គឺ «មនុស្ស ផ្លូវ ទឹក ភ្លើង និង បច្ចេកវិទ្យា» ដើម្បីកំណើន ការងារ សមធម៌ ប្រសិទ្ធភាព និង ចីរភាព កសាងមូលដ្ឋានឆ្ពោះទៅសម្រេចចក្ខុវិស័យជាប្រទេសមានចំណូលមធ្យមកម្រិតខ្ពស់នៅឆ្នាំ ២០៣០ និងជាប្រទេសមានចំណូលខ្ពស់នៅឆ្នាំ២០៥០។

ឯកឧត្តមរដ្ឋមន្ត្រីបានមានប្រសាសន៍សង្កត់ធ្ងន់ថា ក្នុងបរិបទបច្ចុប្បន្ន វិស័យធនធានទឹក ពុំមែនជាវិស័យមួយ ដែលបម្រើឱ្យតែការស្រោចស្រពដំណាំកសិកម្មតែមួយមុខប៉ុណ្ណោះទេ ក៏ប៉ុន្តែវិស័យធនធានទឹក បាននិងកំពុងបម្រើឱ្យពហុវិស័យ ជាអាទិ៍កិច្ចគាំពារបរិស្ថាន ឧស្សាហកម្ម ថាមពល ការដឹកជញ្ជូន ទេសចរណ៍ អភិវឌ្ឍន៍ជនបទ អាកាសចរណ៍ និងការគ្រប់គ្រងគ្រោះមហន្តរាយ ហើយដែលទាមទារឱ្យមានកិច្ចសហការគាំទ្រពីក្រសួង-ស្ថាប័នពាក់ព័ន្ធ។

ជាមួយគ្នានេះ ឯកឧត្តមរដ្ឋមន្ត្រីបានមានប្រសាសន៍បញ្ជាក់ផងដែរថា នៅក្នុងផែនការយុទ្ធសាស្ត្រអភិវឌ្ឍន៍វិស័យធនធានទឹក និងឧតុនិយម និងផែនការយុទ្ធសាស្ត្រអភិវឌ្ឍន៍រយៈពេល ៥ឆ្នាំ(២០២៤-២០២៨) របស់ក្រសួង-ស្ថាប័នទាំងបី បានដាក់ចេញយ៉ាងច្បាស់នូវសកម្មភាពជាអាទិភាព សូចនាករ និងពេលវេលាច្បាស់លាស់សម្រាប់ការអនុវត្តសកម្មភាព និងយន្តការត្រួតពិនិត្យវាយតម្លៃដោយផ្អែកលើក្របខ័ណ្ឌសមិទ្ធកម្មគន្លឹះ ហើយក៏បានកំណត់អំពីការទទួលខុសត្រូវរបស់នាយកដ្ឋានជំនាញនីមួយៗ ដើម្បីទទួលបានជោគជ័យក្នុងការអភិវឌ្ឍ ការគ្រប់គ្រង និងការអភិរក្សធនធានទឹកប្រកបដោយប្រសិទ្ធភាព ស័ក្កិសិទ្ធិភាព និងនិរន្តរភាព។

ពិធីបើកសន្និបាតនេះ ក៏មានការអញ្ជើញចូលរួមពីឯកឧត្តមអនុប្រធានក្តាប់រួម ឯកឧត្តមអនុប្រធាន ឯកឧត្តម អគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាន និងមន្ត្រី សសយក នៃអគ្គលេខាធិការដ្ឋាន អាជ្ញាធរទន្លេសាប៕

ឯកឧត្តមរដ្ឋមន្ត្រី ថោ ជេដ្ឋា អញ្ជើញជាអធិបតីបើកសន្និបាតបូកសរុបលទ្ធផលការងារក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ប្រចាំឆ្នាំ២០២៤ និងទិសដៅអនុវត្តឆ្នាំ២០២៥

2025-02-12T17:45:32+00:00

នៅព្រឹកថ្ងៃពុធ ១៥កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២ ខែកុម្ភៈ ឆ្នាំ២០២៥នេះ នៅសណ្ឋាគារសុខាភ្នំពេញ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ប្រធានគណៈកម្មាធិការជាតិទន្លេមេគង្គកម្ពុជា និងជាប្រធានអាជ្ញាធរទន្លេសាប បានអញ្ជើញជាអធិបតីបើកសន្និបាតបូកសរុបលទ្ធផលការងារឆ្នាំ២០២៤ និងទិសដៅអនុវត្តឆ្នាំ២០២៥ របស់ក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប។

ថ្លែងក្នុងអង្គពិធី ឯកឧត្តមរដ្ឋមន្ត្រីបានមានប្រសាសន៍លើកឡើងថា រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃ ព្រមទាំងចក្ខុវិស័យវែងឆ្ងាយរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅតែបន្តយកចិត្តទុកដាក់ខ្ពស់លើវិស័យធនធានទឹក និងឧតុនិយម តាមរយៈការដាក់ចេញនូវកម្មវិធីនយោបាយ និងយុទ្ធសាស្ត្របញ្ចកោណដំណាក់កាលទី១ ដោយបានកំណត់យកអាទិភាពគន្លឹះចំនួន ៥ គឺ «មនុស្ស ផ្លូវ ទឹក ភ្លើង និង បច្ចេកវិទ្យា» ដើម្បីកំណើន ការងារ សមធម៌ ប្រសិទ្ធភាព និង ចីរភាព កសាងមូលដ្ឋានឆ្ពោះទៅសម្រេចចក្ខុវិស័យជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។អានត...

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ជួបប្រជុំជាមួយអ្នកជំនាញបម្រែបម្រួលអាកាសធាតុតំណាងក្រុមហ៊ុនប្រឹក្សានិងស្រាវជ្រាវ Abt Global

2025-02-11T23:25:21+00:00

នាព្រឹកថ្ងៃអង្គារ៍ ១៤កើត ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ១១ ខែកុម្ភៈ ឆ្នាំ ២០២៥ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំមន្ត្រីបច្ចេកទេសអាជ្ញាធរទន្លេសាប ជួបប្រជុំជាមួយលោក Sebastian Sabogal ប្រធានអភិវឌ្ឍន៍អាជីវកម្មតំបន់អាស៊ី-ប៉ាស៊ីហ្វិក និងលោកស្រី Ally Lynch អ្នកជំនាញបម្រែបម្រួលអាកាសធាតុតំណាងក្រុមហ៊ុនប្រឹក្សានិងស្រាវជ្រាវ Abt Global ពិភាក្សាអំពីឱកាសសហការ និងពិភាក្សាដើម្បីស្វែងយល់អំពីបញ្ហា និងឱកាសក្នុងការគ្រប់គ្រងទឹកក្នុងអាងទន្លេសាប ក្រោមកម្មវិធីភាពធន់នឹងអាកាសធាតុកម្ពុជា (CCRP) របស់រដ្ឋាភិបាលអូស្ត្រាលី៕

ឯកឧត្តមរដ្ឋមន្ត្រី ថោ ជេដ្ឋា អញ្ជើញចូលរួមកិច្ចប្រជុំអន្តរក្រសួង ដើម្បីពិភាក្សាការងារគ្រប់គ្រងដីតំបន់បឹងទន្លេសាប ស្ថិតក្នុងភូមិសាស្ត្រខេត្តកំពង់ឆ្នាំង

2025-02-11T10:53:14+00:00

នារសៀលថ្ងៃចន្ទ ១៣កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែកុម្ភៈ ឆ្នាំ២០២៥ នេះ នៅសាលប្រជុំនៃសាលាខេត្តកំពង់ឆ្នាំង ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អមដំណើរដោយឯកឧត្តមរដ្ឋលេខាធិការប្រចាំការ ឯកឧត្តមជាថ្នាក់ដឹកនាំ មន្ត្រីបច្ចេកទេសក្រសួងធនធានទឹក និងឧតុនិយម និងអាជ្ញាធរទន្លេសាប បានអញ្ជើញចូលរួមកិច្ចប្រជុំអន្តរក្រសួង ដើម្បីពិភាក្សាការងារគ្រប់គ្រងដីតំបន់បឹងទន្លេសាប និងការបញ្ចប់វិវាទដីធ្លី ក្នុងភូមិសាស្ត្រខេត្តកំពង់ឆ្នាំង ក្រោមអធិបតីភាពដ៏ខ្ពង់ខ្ពស់សម្តេច មហាមន្ត្រី គុយ សុផល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។ អានត...

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ដឹកនាំក្រុមការងារអគ្គលេខាធិការដ្ឋាន អាជ្ញាធរទន្លេសាប ចុះធ្វើអធិការកិច្ចបង្គោលព្រំតំបន់៣ ដែនព្រៃលិចទឹក ខេត្តកំពង់ធំ

2025-02-06T15:16:15+00:00

នៅថ្ងៃពុធ ៨កើត ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០៥ ខែកុម្ភៈ ឆ្នាំ២០២៥ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប រួមជាមួយឯកឧត្តម សរ គឹមសាន្ត អគ្គលេខាធិការ ឯកឧត្តម ខូវ មាស អគ្គលេខាធិការរង និងឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារមន្ត្រីអគ្គលេខាធិការដ្ឋាន អាជ្ញាធរទន្លេសាប សហការជាមួយរដ្ឋបាលខេត្តកំពង់ធំ បានចុះពិនិត្យមើលការបន្តអាស្រ័យផលស្រូវប្រាំងនៅក្នុងដីតំបន់២ និងតំបន់៣ នៃដែនព្រៃលិចទឹក ក្នុងភូមិសាស្ត្រស្រុកស្ទោង កំពង់ស្វាយ បារាយណ៍ និងស្រុកតាំងគោក ខេត្តកំពង់ធំ។

សូមជម្រាបជូនថា ការចុះអធិការកិច្ច និងពិនិត្យការធ្វើស្រែប្រាំងក្នុងតំបន់២ និងតំបន់៣ ដល់ទីតាំងផ្ទាល់នេះដែរ មានការអញ្ជើញចូលរួមពីឯកឧត្តមអភិបាលខេត្ត ឯកឧត្តមប្រធានក្រុមប្រឹក្សាខេត្ត លោកអភិបាលរងខេត្ត លោកអភិបាល អភិបាលរងស្រុក ប្រធានក្រុមប្រឹក្សាស្រុក កងកម្លាំងទាំង៣ អង្គភាព លោកមេឃុំ ក្រុមប្រឹក្សាឃុំ លោកមេភូមិពាក់ព័ន្ធ។

ក្នុងឱកាសនេះដែរ ឯកឧត្តមអនុប្រធាន បានពាំនាំជម្រាបជូនពីគោលនយោបាយ អនុសាសន៍ណែនាំដ៏ខ្ពង់ខ្ពស់របស់រាជរដ្ឋាភិបាលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងការការពារ ថែរក្សាដែនព្រៃលិចទឹក និងព្រៃលិចទឹកតំបន់៣ ព្រមទាំងបានណែនាំដល់អាជ្ញាធរដែនដីចូលរួមទប់ស្កាត់ការបន្តចូលអាស្រ័យផលដីតំបន់៣ ការរុករានទន្ទ្រានព្រៃលិចទឹក និងពង្រឹងការអនុវត្តច្បាប់ បទដ្ឋានគតិយុត្ត មានដូចជាអនុក្រឹត្យលេខ ១៩៧ អនក្រ.បក និងអនុក្រឹត្យលេខ ៨៣ អនក្រ.បក៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប ចុះធ្វើអធិការកិច្ចតំបន់៣ នៃដែនព្រៃលិចទឹក ក្នុងភូមិសាស្ត្រស្រុកសន្ទុក និងក្រុងស្ទឹងសែន ខេត្តកំពង់ធំ

2025-02-03T12:08:30+00:00

នៅថ្ងៃអាទិត្យ ៥កើត ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០២ ខែកុម្ភៈ ឆ្នាំ២០២៥ ថ្នាក់ដឹកនាំអគ្គលេខាធិការដ្ឋាន អាជ្ញាធរទន្លេសាប ដឹកនាំដោយឯកឧត្តម ខូវ មាស អគ្គលេខាធិការរង អមដំណើរដោយមន្ត្រីបច្ចេកទេស ដោយបានសហការជាមួយរដ្ឋបាលខេត្តកំពង់ធំ បានចុះពិនិត្យមើលការទន្ទ្រាន ការបន្តអាស្រ័យផលស្រូវប្រាំងនៅក្នុងដីតំបន់២ និងតំបន់៣ នៃដែនព្រៃលិចទឹក ក្នុងភូមិសាស្ត្រស្រុកសន្ទុក និងក្រុងស្ទឹងសែន ខេត្តកំពង់ធំ ។

សូមជម្រាបជូនថា ការចុះអធិការកិច្ចខាងលើនេះ ក្រុមការងារបានចុះទៅដល់ទីតាំងផ្ទាល់ដោយមានការអញ្ជើញចូលរួមពីសំណាក់លោកអភិបាលក្រុងស្ទឹងសែន អភិបាលរងស្រុកសន្ទុក គណៈបញ្ជាការស្រាល កងកម្លាំងទាំង៣ អង្គភាព លោកមេឃុំ លោកមេភូមិ និងមន្ទីរជំនាញពាក់ព័ន្ធ។

ក្នុងឱកាសនេះដែរ ឯកឧត្តមប្រធានក្រុមការងារ បានជម្រាបជូនអំពី សារ:សំខាន់នៃតំបន់៣ ដែលត្រូវរួមគ្នាការពារ និងថែរក្សាព្រមទាំងបានណែនាំដល់អាជ្ញាធរដែនដីចូលរួមទប់ស្កាត់ ការទន្ទ្រានដោយបន្តចូលអាស្រ័យផលក្នុងដីតំបន់៣ ការកាប់បំផ្លាញព្រៃលិចទឹកក្នុងតំបន់២ និងតំបន់៣ ជាពិសេសពង្រឹងលើយន្តការអនុវត្តច្បាប់ បទដ្ឋានគតិយុត្ត ដែលមានជាធរមាន៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ដឹកនាំក្រុមការងារអគ្គលេខាធិការដ្ឋាន អាជ្ញាធរទន្លេសាប ចុះធ្វើអធិការកិច្ចបង្គោលព្រំតំបន់៣ ដែនព្រៃលិចទឹក ខេត្តកំពង់ឆ្នាំង

2025-02-03T11:31:05+00:00

នៅថ្ងៃសៅរ៍ ៤កើត ខែមាឃ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី០១ ខែកុម្ភៈ ឆ្នាំ២០២៥ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប រួមជាមួយឯកឧត្តម សរ គឹមសាន្ត អគ្គលេខាធិការ និងឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារមន្ត្រីអគ្គលេខាធិការដ្ឋាន អាជ្ញាធរទន្លេសាប សហការជាមួយរដ្ឋបាលខេត្តកំពង់ឆ្នាំង បានចុះពិនិត្យមើលការបន្តអាស្រ័យផលស្រូវប្រាំងនៅក្នុងដីតំបន់២ និងតំបន់៣ នៃដែនព្រៃលិចទឹក ក្នុងភូមិសាស្ត្រស្រុកជលគីរី កំពង់លែង និងស្រុកបរិបូណ៌ ខេត្តកំពង់ឆ្នាំង។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានអញ្ជើញជាអធិបតីដឹកនាំកិច្ចប្រជុំពិភាក្សា ពិនិត្យលើតារាងម៉ាទ្រិចចង្កោមសកម្មភាពអាទិភាពការងារប្រចាំឆ្នាំ២០២៥ របស់អគ្គលេខាធិការដ្ឋាន អាជ្ញាធរទន្លេសាប

2025-02-01T14:35:21+00:00

នាថ្ងៃព្រហស្បតិ៍ ២កើត ដល់ថ្ងៃសុក្រ ៣កើត ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០-៣១ ខែមករា ឆ្នាំ២០២៥ នៅសាលប្រជុំអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប អមដោយឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានអញ្ជើញជាអធិបតីដឹកនាំកិច្ចប្រជុំពិភាក្សាពិនិត្យលើតារាងម៉ាទ្រិចចង្កោមសកម្មភាពការងារអាទិភាព របស់អគ្គលេខាធិការដ្ឋានអាជ្ញាធរទន្លេសាប ប្រចាំឆ្នាំ ២០២៥។ កិច្ចប្រជុំមានការអញ្ជើញចូលរួមពីឯកឧត្តមអគ្គលេខាធិការរង ប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រីក្រោមឱវាទនាយកដ្ឋាននីតិកម្ម និងផ្សព្វផ្សាយ នាយកដ្ឋានត្រួតពិនិត្យការធ្វើអាជីវកម្ម និងអភិរក្ស នាយកដ្ឋានធនធានធម្មជាតិ និងនាយកដ្ឋានរដ្ឋបាល ផែនការ និងសហប្រតិបត្តិការ នៃអគ្គលេខាធិការដ្ឋានអាជ្ញាធរទន្លេសាប។

កិច្ចប្រជុំនេះ មានគោលបំណងពិនិត្យ និងពិភាក្សាផ្តល់យោបល់ណែនាំបន្ថែមទៅលើសកម្មភាពអាទិភាពនីមួយៗ ដែលនាយកដ្ឋានបានដាក់ស្នើឡើងក្នុងតារាងម៉ាទ្រិចសម្រាប់សកម្មភាពប្រចាំឆ្នាំ២០២៥ ដើម្បីស្នើសុំគោលការណ៍ខ្ពង់ខ្ពស់ពីឯកឧត្តមប្រធាន ពិនិត្យអនុម័តដាក់ឱ្យដំណើរការអនុវត្តរួម ជាផែនការ របស់អគ្គលេខាធិការដ្ឋានអាជ្ញាធរទន្លេសាប ឆ្នាំ២០២៥។

ក្នុងឱកាសនេះ ឯកឧត្តមអនុប្រធានក្តាប់រួម ឯកឧត្ដមអគ្គលេខាធិការ និងឯកឧត្តមអគ្គលេខាធិការរង បានឯកភាពផ្តល់ជូននាយកដ្ឋានរៀបចំផែនការលម្អិតនៃសកម្មភាពនីមួយៗ ដោយបញ្ជាក់ឱ្យបានច្បាស់លាស់ពី Goal, Objective, Output and Outcome និងតារាងលម្អិតពេលវេលាអនុវត្តន៍(Time Frame) និងផ្តល់ជូននាយកដ្ឋានត្រូវបន្តអនុវត្តន៍ឱ្យសម្រេចបាននូវលទ្ធផលការងារកាន់តែល្អប្រសើរ ទាន់ពេលវេលា ទាំងលើការអនុវត្តតួនាទី ភារកិច្ចស្នូលរបស់នាយកដ្ឋាន និងការអនុវត្តការងារចំពោះមុខដែលថ្នាក់ដឹកនាំប្រគល់ជូន ការគ្រប់គ្រង ចាត់ចែង ព្រមទាំងសាមគ្គីភាពផ្ទៃក្នុងរបស់នាយកដ្ឋាន។

សូមបញ្ជាក់ថា សេចក្តីព្រាងតារាងម៉ាទ្រិចចង្កោមសកម្មភាពអាទិភាពការងារប្រចាំឆ្នាំ២០២៥ របស់អគ្គលេខាធិការដ្ឋាន អាជ្ញាធរទន្លេសាប មានកម្មវិធីអាទិភាពចំនួន ១១ ដើម្បីគាំទ្រដល់ផែនការយុទ្ធសាស្ត្រ ២០២៤-២០២៨ របស់អាជ្ញាធរទន្លេសាប ដែលនឹងត្រូវអនុវត្តដោយនាយកដ្ឋាននីតិកម្ម និងផ្សព្វផ្សាយ នាយកដ្ឋានត្រួតពិនិត្យការធ្វើអាជីវកម្ម និងអភិរក្ស នាយកដ្ឋានធនធានធម្មជាតិ និងនាយកដ្ឋានរដ្ឋបាល ផែនការ និងសហប្រតិបត្តិការ៕

ឯកឧត្តម ហ៊ែល តូនី អនុប្រធានអចិន្ត្រៃយ៍ អាជ្ញាធរទន្លេសាប បានអញ្ជើញជាអធិបតីភាពដឹកនាំកិច្ចប្រជុំសម្របសម្រួលជាមួយភាគីពាក់ព័ន្ធស្ដីពី "ការកសាងកិច្ចសហការរួមគ្នាសម្រាប់សន្តិសុខទឹក និងភាពធន់នៅបឹងទន្លេសាប "

2025-01-28T07:27:04+00:00

នាព្រឹកថ្ងៃចន្ទ ១៤រោច ខែបុស្ស ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៧ ខែមករា ឆ្នាំ២០២៥ នៅសណ្ឋាគារ Raffles Hotel Le Royal ភ្នំពេញ ឯកឧត្តម ហ៊ែល តូនី អនុប្រធានអចិន្ត្រៃយ៍ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប រួមជាមួយលោកស្រី Tania Mayer ប្រធានគ្រប់គ្រងប្រចាំប្រទេសនៃធនាគារពិភពលោកប្រចាំព្រះរាជាណាចក្រកម្ពុជា បានអញ្ជើញជាអធិបតីភាពដឹកនាំកិច្ចប្រជុំសម្របសម្រួលជាមួយភាគីពាក់ព័ន្ធស្ដីពី "ការកសាងកិច្ចសហការរួមគ្នាសម្រាប់សន្តិសុខទឹក និងភាពធន់នៅបឹងទន្លេសាប " ដោយមានកិច្ចសហការជាមួយ ធនាគារពិភពលោក (WBG), ក្រសួងកិច្ចការបរទេស និងពាណិជ្ជកម្ម (DFAT) និង Australian Water Partnership (AWP) ក្នុងការអនុវត្តកម្មវិធីវាយតម្លៃសន្តិសុខ និងភាពធន់នៃនឹងទន្លេសាប សម្រាប់ឆ្នាំ ២០២៤-២០២៦។

សូមជម្រាបជូនថា កិច្ចប្រជុំខាងលើ មានសមាសភាពចូលរួមពីសមាជិកសមាជិកាអាជ្ញាធរទន្លេសាប ក្រសួង ស្ថាប័នពាក់ព័ន្ធ ខេត្តពាក់ព័ន្ធជុំវិញបឹងទន្លេសាប ស្ថាប័នអប់រំ និងស្រាវជ្រាវ និងដៃគូអភិវឌ្ឍន៍ ដោយផ្ដោតសំខាន់លើ ៖ (i). បង្កើនការយល់ដឹងទាក់ទងនឹងបញ្ហាប្រឈមនៅក្នុងតំបន់បឹងទន្លេសាប និងស្ទឹងសំខាន់ៗទាំង១១ (ii). គាំទ្រគោលនយោបាយនានាដែលពាក់ព័ន្ធ ដើម្បីចូលរួមឯកភាពគ្នាក្នុងការបង្កើតឡើងនូវការគ្រប់គ្រងអាងទន្លេសាប ព្រមទាំងការសម្រេចចិត្តផ្អែកលើភស្តុតាងនានា សម្រាប់បង្កើតនូវផែនការអភិវឌ្ឍពហុដំណាក់កាលរយៈពេលវែងសម្រាប់ទន្លេសាបប្រកបដោយនិរន្តរភាព និងកិច្ចសហការ (iii). ផ្លាស់ប្តូរចំណេះដឹង បង្កើតកម្មវិធី និងការពង្រឹងសមត្ថភាពរវាងភាគីពាក់ព័ន្ធ។

សូមបញ្ជាក់ជូនថា កិច្ចប្រជុំនេះ មានគោលបំណងបង្កើននូវការយល់ដឹងអំពីកម្មវិធីសន្តិសុខទឹក និងភាពធន់នៃបឹងទន្លេសាប ដើម្បីទទួលយកចំណេះដឹងថ្មីៗ និងគម្រោង ឬកម្មវិធីនានា ដែលស្ថិតនៅក្រោមខ្សែបន្ទាត់ក្រសួង ស្ថាប័នពាក់ព័ន្ធសំខាន់ៗ ដើម្បីជូនដំណឹងអំពីការវាយតម្លៃនាពេលខាងមុខ និងក្របខ័ណ្ឌយុទ្ធសាស្ត្រសម្រាប់អាងទន្លេសាប។

ជាលទ្ធផល កិច្ចប្រជុំនេះសម្រេចបាននូវការចែករំលែក និងពិភាក្សាក្នុងចំណោមភាគីពាក់ព័ន្ធអំពីទស្សនៈសម្រាប់ការអភិរក្ស និងការអភិវឌ្ឍតំបន់បឹងទន្លេសាប ក៏ដូចជាការកសាង ការរួមបញ្ចូលគ្នាសម្រាប់សន្តិសុខទឹក និងភាពធន់នៅបឹងទន្លេសាប ដោយអនុលោមតាមផែនការចូលរួមរបស់គម្រោង ការពិគ្រោះយោបល់ជាបន្តបន្ទាប់ ការចែករំលែកផ្លាស់ប្តូរចំណេះដឹង និងត្រូវរៀបចំឡើងជាជំហានសំខាន់ៗ ក្រោមគម្រោងសម្រាប់កម្មវិធីសន្តិសុខទឹក និងភាពធន់នៃបឹងទន្លេសាប៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប អញ្ជើញជាអធិបតីដឹកនាំកិច្ចប្រជុំផ្សព្វផ្សាយអំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប

2025-01-25T10:45:42+00:00

នាព្រឹកថ្ងៃសុក្រ ១១រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៤ ខែមករា ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប រួមជាមួយ លោក លៀម សុដា អភិបាលរងខេត្ត តំណាងដ៏ខ្ពង់ខ្ពស់ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយអំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ដល់មន្ទីរអង្គភាពជំនាញ កងកម្លាំងសមត្ថកិច្ច អាជ្ញាធរដែនដី និងអ្នកពាក់ព័ន្ធផ្ទាល់ជាមួយតំបន់បឹងទន្លេសាបទាំងក្នុងកម្រិតថ្នាក់ខេត្ត និងថ្នាក់មូលដ្ឋាននៃខេត្តបន្ទាយមានជ័យ ដើម្បីយកទៅផ្សព្វផ្សាយបន្តទៅដល់ប្រជាពលរដ្ឋ និងសហគមន៍មូលដ្ឋាន ក្នុងការធានាបាននូវប្រសិទ្ធភាពការចូលរួមអនុវត្តដល់ការគ្រប់គ្រង និងការប្រើប្រាស់ដីធ្លី និងធនធានធម្មជាតិក្នុងតំបន់បឹងទន្លេសាប ប្រកបដោយចីរភាព និងនិរន្តរភាព ស្របតាមអនុសាសន៍ណែនាំដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសគោរពប្រតិបត្តិឱ្យបានគ្រប់ជ្រុងជ្រោយរាល់ខ្លឹមសារសំខាន់ៗបានកំណត់នៅក្នុងច្បាប់ និងបទដ្ឋានគតិយុត្តពាក់ព័ន្ធ ក្នុងស្មារតីសហការទទួលខុសត្រូវ ដើម្បីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភាជាតិ ។

សូមជម្រាបថា កិច្ចប្រជុំផ្សព្វផ្សាយនេះ បានសហការរៀបចំឡើងដោយសាលាខេត្តបន្ទាយមានជ័យ ដែលមានអញ្ជើញចូលរួមពីឯកឧត្តម លោក លោកស្រីតំណាងមកពីក្រសួងរៀបចំដែនដី នគរូបនីយកម្ម និងសំណង់, ក្រសួងកសិកម្ម រុក្ខាប្រមាញ់ និងនេសាទ, ក្រសួងមហាផ្ទៃ, ក្រសួងបរិស្ថាន, រដ្ឋបាលជលផល, សមាជិកក្រុមប្រឹក្សាខេត្ត, ក្រុមប្រឹក្សាស្រុក, នាយករដ្ឋបាលសាលាខេត្ត, ក្រុង/ស្រុក, ឃុំ/សង្កាត់, ប៉ុស្តិ៍នគរបាលរដ្ឋបាលគ្រប់ឃុំ-សង្កាត់ដែលពាក់ព័ន្ធ, មន្ទីរធនធានទឹក និងឧតុនិយម, មន្ទីររៀបចំដែនដី នគរូបនីយកម្ម សំណង់ និងសុរិយោដី, មន្ទីរកសិកម្មរុក្ខាប្រមាញ់ និងនេសាទខេត្ត, មន្ទីរបរិស្ថាន, បញ្ជាការតំបន់ប្រតិបត្តិការសឹករងខេត្ត, បញ្ជាការកងរាជអាវុធហត្ថខេត្ត, ស្នងការដ្ឋាននគរបាលខេត្តបន្ទាយមានជ័យ, ព្រមទាំងថ្នាក់ដឹកនាំ និងមន្ត្រីបច្ចេកទេសនៃអគ្គលេខាធិការ អាជ្ញាធរទន្លេសាប៕

ឯកឧត្តម ខូវ មាស អគ្គលេខាធិការរងនៃអាជ្ញាធរទន្លេសាបចុះពិនិត្យមើលភាពអនាធិបតេយ្យ ក្នុងតំបន់២ និងតំបន់៣ ខេត្តសៀមរាប

2025-01-24T15:58:04+00:00

នាថ្ងៃព្រហស្បតិ៍ ១០រោច ខែបុស្ស ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៣ ខែមករា ឆ្នាំ២០២៥ ឯកឧត្តម ខូវ មាស អគ្គលេខាធិការរងនៃអាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានសហការជាមួយ ឯកឧត្តម អុឹង គឹមលាង អភិបាលរងនៃគណៈអភិបាលខេត្តសៀមរាប ដឹកនាំក្រុមការងារអន្តរក្រសួងស្ថាប័ន មន្ត្រីបច្ចេកទេស តំណាងអង្គភាពប្រឆាំងអំពើពុករលួយ និងតំណាងមន្ទីរពាក់ព័ន្ធ ចុះពិនិត្យមើលភាពអនាធិបតេយ្យ ក្នុងតំបន់២ និងតំបន់៣ ដែលស្ថិតនៅតំបន់អភិរក្សបឹងពារាំង និងស្ថិតនៅក្រោយរោងចក្រប្រព្រឹត្តកម្មទឹកស្អាតជ្រាវ ក្រុងសៀមរាប ខេត្តសៀមរាប។

ឯកឧត្តម ហ៊ែល តូនី អនុប្រធានក្តាប់រួម បានប្រជុំណែនាំក្រុមការងារបច្ចេកទេសចុះស្រាវជ្រាវករណីមិនប្រក្រតីលើដីព្រៃលិចទឹកក្នុងតំបន់២ និងតំបន់៣

2025-01-23T09:32:37+00:00

អាជ្ញាធរទន្លេសាប : បន្ទាប់ពីទទួលបានការណែនាំដ៏ខ្ពង់ខ្ពស់ពីឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នាព្រឹកថ្ងៃអង្គារ ៩រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែមករា ឆ្នាំ២០២៥ ឯកឧត្តម ហ៊ែល តូនី អនុប្រធានក្តាប់រួម បានប្រជុំណែនាំក្រុមការងារបច្ចេកទេស ដឹកនាំដោយ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប នឹងចុះស្រាវជ្រាវករណីមិនប្រក្រតីលើដីព្រៃលិចទឹកក្នុងតំបន់២ និងតំបន់៣ ក្រោយពីដំណើរទស្សនៈកិច្ចរបស់គណៈប្រតិភូសមាជិកអាជ្ញាធរទន្លេសាប ដែលដឹកនាំដោយឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប កាលពីថ្ងៃទី ១៧ ខែមករា ឆ្នាំ២០២៥ កន្លងទៅ ក្នុងការចុះសិក្សាស្វែងយល់ស្ថានភាពទូទៅនៃបឹងទន្លេសាប ក្នុងភូមិសាស្ត្រខេត្តសៀមរាប បានពិនិត្យឃើញមានសកម្មភាពមិនប្រក្រតី នៃការរំលោភបំពានដីព្រៃលិចទឹក ដោយការមិនគោរពអនុវត្តនូវបទបញ្ជា និងការណែនាំរបស់ប្រមុខរាជរដ្ឋាភិបាល ជាពិសេសការមិនគោរពអនុវត្តច្បាប់ និងបទដ្ឋានគតិយុត្តនានា ស្ថិតក្នុងភូមិសាស្ត្រសង្កាត់ជ្រាវ ក្រុងសៀមរាប ខេត្តសៀមរាប៕

ឯកឧត្តម សរ គឹមសាន្ដ អគ្គលេខាធិការ អាជ្ញាធរទន្លេសាប ជួបពិភាក្សាការងារជាមួយមន្ត្រីបច្ចេកទេស របស់វិទ្យាស្ថានស្រាវជ្រាវទឹក ក្រសួងធនធានទឹកនៃសាធារណៈប្រជាមានិតចិន តាមរយៈប្រព័ន្ធវីដេអូ (Video Conference)

2025-01-23T09:22:30+00:00

នាព្រឹកថ្ងៃអង្គារ ៨រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែមករា ឆ្នាំ២០២៥ នៅសាលប្រជុំអគ្គលេខាធិការដ្ឋានអាជ្ញាធរទន្លេសាប ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានដឹកនាំមន្ត្រីបច្ចេកទេសអាជ្ញាធរទន្លេសាប ជួបប្រជុំពិភាក្សាជាមួយក្រុមការងារបច្ចេកទេសរបស់វិទ្យាស្ថានស្រាវជ្រាវទឹក (NHRI) របស់ក្រសួងធនធានទឹក នៃសាធារណៈរដ្ឋប្រជាមានិតចិន លើកិច្ចសហប្រតិបត្តិការ។

សូមជម្រាបជូនថា កិច្ចប្រជុំនេះ បានពិនិត្យពិភាក្សាលើ៖
- កម្មវិធីចុះពិនិត្យស្ថានីយត្រួតពិនិត្យជលសាស្ត្រ ដែលបានដំឡើងតាមរយៈគម្រោងកិច្ចសហប្រតិបត្តិការ NIHWA
- ពិនិត្យសេចក្ដីព្រាងអនុស្សារណ:នៃការយោគយល់គ្នា រវាងអាជ្ញាធរទន្លេសាប និងវិទ្យាស្ថានស្រាវជ្រាវទឹក នៃក្រសួងធនធានទឹកចិន ពីកិច្ចសហការសិក្សាស្រាវជ្រាវរួមគ្នាលើការគ្រប់គ្រង និងអភិវឌ្ឍន៍ធនធានទឹកប្រកបដោយចីរភាព។

សូមបញ្ជាក់ថា ដំណើរបេសកកម្មរបស់ប្រតិភូរដ្ឋមន្ត្រីក្រសួងធនធានទឹក និងមន្ត្រីបច្ចេកទេសវិទ្យាស្ថានស្រាវជ្រាវទឹក (NHRI) របស់ក្រសួងធនធានទឹក នៃសាធារណៈរដ្ឋប្រជាមានិតចិន នឹងប្រព្រឹត្តទៅនាខែមីនា ឆ្នាំ២០២៥ ខាងមុខនេះ៕

ឯកឧត្តម សរ គឹមសាន្ដ អគ្គលេខាធិការ អាជ្ញាធរទន្លេសាប ជួបពិភាក្សាការងារជាមួយមន្ត្រីបច្ចេកទេស របស់វិទ្យាស្ថានស្រាវជ្រាវទឹក ក្រសួងធនធានទឹកនៃសាធារណៈប្រជាមានិតចិន តាមរយៈប្រព័ន្ធវីដេអូ (Video Conference)

2025-01-23T09:22:30+00:00

ក្រុមការងាររាជរដ្ឋាភិបាលអាជ្ញាធរទន្លេសាប ចុះជួយមូលដ្ឋានឃុំពាមបាង បានអញ្ជើញដឹកនាំក្រុមការងារចូលរួមវេទិកាសាធារណ: ខេត្តកំពង់ធំ

2025-01-23T09:08:01+00:00

នាព្រឹកថ្ងៃចន្ទ ៧រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែមករា ឆ្នាំ២០២៥ ក្រុមការងាររាជរដ្ឋាភិបាលអាជ្ញាធរទន្លេសាប ចុះជួយមូលដ្ឋានឃុំពាមបាង បានអញ្ជើញដឹកនាំក្រុមការងារចូលរួមវេទិកាសាធារណ: ស្ថិតនៅក្នុងបរិវេណវត្តពៅវើយ ភូមិពៅវើយ ឃុំពាមបាង ស្រុកស្ទោង ខេត្តកំពង់ធំ ដោយបានជួបសំណេះសំណាលសួរសុខទុក្ខ ដោះស្រាយបញ្ហាប្រឈម និងសំណូមពរ អំពីកង្វល់ជីវភាពរស់នៅរបស់ប្រជាពលរដ្ឋក្នុងឃុំ ក្រោមអធិបតីភាព ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងាររាជរដ្ឋាភិបាលចុះជួយមូលដ្ឋានឃុំពាមបាង ស្រុកស្ទោង ខេត្តកំពង់ធំ តំណាងឯកឧត្តមរដ្ឋមន្ត្រី ថោ ជេជ្ឋា ប្រធានក្រុមការងាររាជរដ្ឋាភិបាលចុះជួយស្រុកស្ទោង រួមជាមួយឯកឧត្តម អស់លោក លោកស្រីជាអនុប្រធាន សមាជិកក្រុមការងាររាជរដ្ឋាភិបាលចុះជួយមូលដ្ឋានឃុំពាមបាង និងលោក សាយ គឹមឡម អភិបាលស្រុកស្ទោង, លោក អ៊ួច សុខា មេឃុំពាមបាង ព្រមទាំងសមាជិកក្រុមប្រឹក្សាឃុំ ប្រធាន-អនុប្រធានភូមិ លោកគ្រូ អ្នកគ្រូ កម្លាំងនគរបាល កងរាជអាវុធហត្ថ ប្រជាការពារ សហគមន៍នេសាទ និងអ្នកពាក់ព័ន្ធមួយចំនួន សរុបចំនួន ១២៩នាក់(ស្រី៣៩នាក់) ។ វេទិកាសាធារណៈបានលើកយកប្រធានបទចំនួន ៥ មកពិគ្រោះយោបល់ជាមួយប្រជាពលរដ្ឋ ក្នុងនោះមាន៖
១- បញ្ហាហេដ្ឋារចនាសម្ព័ន្ធផ្លូវថ្នល់ ដោយស្នើសុំផ្លូវលំលិចទឹកខែវស្សា ចំនួន ១ ខ្សែ ពីវត្តពៅវើយ ទៅភ្ជាប់ឃុំម្សាក្រង
២- បញ្ហាប្រឡាយគោករីងរាក់នៅខែប្រាំង ដែលខ្វះទឹកប្រើប្រាស់នៅរដូវប្រាំង ស្នើសុំជីកស្រះផ្គត់ផ្គង់ទឹកប្រើប្រាស់ខែប្រាំង ចំនួន ០១ ស្រះ ក្នុង ១ភូមិ លើភូមិចំនួន ០៥
៣- បញ្ហានេសាទ ការលួចឆក់ត្រីខុសច្បាប់
៤- បញ្ហាសិស្សបញ្ចប់ថ្នាក់បឋមសិក្សាខ្វះលទ្ធភាពរៀនបន្តនៅអនុវិទ្យាល័យ
៥- បញ្ហាក្មេងទំនើង ការប្រើប្រាស់គ្រឿងញៀន និងបញ្ហាផ្សេងៗទៀត ដូចជាសេវាសុខភាពសាធារណ: ការប្រើប្រាស់រថយន្តពេទ្យ ការស្លាប់ដោយគ្រោះថ្នាក់ចរាចរ ប័ណ្ណក្រីក្រ អត្តសញ្ញាប័ណ្ណ និងសេវាសាធារណៈមួយចំនួនទៀត។

ក្នុងឱកាសវេទិកាសាធារណៈនេះដែរ ឯកឧត្តមប្រធានក្រុមការងារ បានណែនាំដល់រដ្ឋបាលស្រុកក៏ដូចជាឃុំត្រូវបន្តការយកចិត្តទុកដាក់ដល់ជីវភាពរស់នៅរបស់បងប្អូនប្រជាពលរដ្ឋ ជាពិសេសបញ្ហាប្រឈមនានាដែលកើតមាននៅក្នុងមូលដ្ឋានរបស់ខ្លួន ។ ដោយឡែកចំពោះសំណើខាងលើ ឯកឧត្តមប្រធាន នឹងចាត់ក្រុមការងារ រួមជាមួយនឹងជំនាញពាក់ព័ន្ធចុះធ្វើការសិក្សាឱ្យបានច្បាស់លាស់៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាបអញ្ជើញជាអធិបតីដឹកនាំកិច្ចប្រជុំវាយតម្លៃលើផលចាប់តាមឡូត៍ដាយ សម្រាប់ឆ្នាំ២០២៤-២០២៥

2025-01-21T07:23:14+00:00

នាព្រឹកថ្ងៃចន្ទ ៧រោច ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែមករា ឆ្នាំ២០២៥ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប អមដោយលោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានអញ្ជើញជាអធិបតីដឹកនាំកិច្ចប្រជុំវាយតម្លៃលើផលចាប់តាមឡូត៍ដាយ សម្រាប់ឆ្នាំ២០២៤-២០២៥ និងការរៀបចំធ្វើសៀវភៅទស្សនាវដ្តីស្តីពី “ការធ្វើអាជីវកម្មឡូត៍ដាយ “។ កិច្ចប្រជុំនេះមានការចូលរួមពីលោកអនុប្រធាននាយកដ្ឋាន ប្រធាន-អនុប្រធានការិយាល័យ មន្ត្រីនៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស និងនាយកដ្ឋានធានធម្មជាតិ។

កិច្ចប្រជុំនេះ មានគោលបំណង ៖
- វាយតម្លៃលើផលចាប់សរុបតាមខ្នើតនីមួយៗ របស់ឡូត៍ដាយ សម្រាប់ឆ្នាំ២០២៤-២០២៥
- ការរៀបចំធ្វើសៀវភៅទស្សនាវដ្តីស្តីពី “ការធ្វើអាជីវកម្មឡូត៍ដាយ “។

ក្នុងកិច្ចប្រជុំនេះ ឯកឧត្ដមអគ្គលេខាធិការរង បានវាយតម្លៃខ្ពស់ចំពោះកិច្ចខិតខំប្រឹងប្រែង របស់មន្ត្រីអនុវត្តការងារទាំងអស់ប្រកបដោយប្រសិទ្ធភាពខ្ពស់ទៅតាមបែបបទបច្ចេកទេស មានភាពទទួលខុសត្រូវខ្ពស់លើតួនាទី និងភារកិច្ចដែលថ្នាក់ដឹកបានប្រគល់ឱ្យជាពិសេសបានផ្តល់ជាអនុសាសន៍ និងបំពេញបន្ថែមលើចំណុចខ្វះខាតដល់ក្រុមការងារដើម្បីជាទិសដៅក្នុងការអនុវត្តការងារបន្ត៕

ឯកឧត្តមរដ្ឋមន្ត្រី ថោ ជេដ្ឋា អញ្ជើញដឹកនាំគណៈប្រតិភូអន្តរក្រសួងធ្វើទស្សនកិច្ចទៅកាន់តំបន់បឹងទន្លេសាប និងចុះពិនិត្យបង្គោលព្រំការពារដែនព្រៃលិចទឹក និងព្រៃលិចទឹកតំបន់៣ ក្នុងភូមិសាស្ត្រខេត្តសៀមរាប

2025-01-18T10:32:17+00:00

នៅព្រឹកថ្ងៃសុក្រ ៤រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ខែមករា ឆ្នាំ២០២៥នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញដឹកនាំគណៈប្រតិភូសមាជិកអាជ្ញាធរទន្លេសាប ដែលជាតំណាងក្រសួងស្ថាប័ន និងអាជ្ញាធរខេត្តពាក់ព័ន្ធ ធ្វើដំណើរទស្សនកិច្ចទៅកាន់តំបន់បឹងទន្លេសាប ដើម្បីចុះសិក្សាស្វែងយល់ពីបង្គោលព្រំការពារដែនព្រៃលិចទឹក និងព្រៃលិចទឹកតំបន់៣ សហគមន៍អភិរក្សជីវៈចម្រុះបឹងពារាំង និងស្ថានីយបូមទឹកសម្រាប់ផ្គត់ផ្គង់ទឹកស្អាតរបស់រដ្ឋាករទឹកស្វយ័តសៀមរាប ក្នុងសង្កាត់ជ្រាវ ក្រុងសៀមរាប ខេត្តសៀមរាប។ អានត...

ទិដ្ឋភាពប្លែកទឹកទន្លេពណ៌ពីរផ្សេងគ្នា បង្កើតការចាប់អារម្មណ៍នៃការប្រសព្វខ្សែទឹកទន្លេមេគង្គ និងទន្លេសាប

2025-01-15T14:04:04+00:00

ខ្សែទឹកទន្លេទាំងពីរ ទន្លេមេគង្គ និងទន្លេសាប បានរំលេចចេញជាពីរពណ៌ផ្សេងគ្នា និងមិនរលាយចូលគ្នា ដែលបានបង្កើតជាផ្ទាំងទស្សនីយភាព ក៏ដូចជាទិដ្ឋភាពដ៏ប្លែក បាននឹងកំពុងទទួលបានការចាប់អារម្មណ៍យ៉ាងខ្លាំង នៅរាជធានីភ្នំពេញ ។

បើតាមការស្រាវជ្រាវរបស់អ្នកវិទ្យាសាស្ត្រ បានឱ្យដឹងថា ទឹកទន្លេ គឺមានធាតុផ្សំ និងមានសារធាតុរលាយខុសៗគ្នា ។ មូលហេតុ ដែលទឹកទន្លេមិនរលាយចូលគ្នានេះ គឺបណ្តាលមកពី : ទឹកទន្លេមានសីតុណ្ហភាពមិនស្មើគ្នា, ដង់ស៊ីតេនៃទន្លេទាំងពីរខុសគ្នា, ទឹកទន្លេមានលំហូរបញ្ច្រាសទិសគ្នា និងល្បឿនលំហូរទឹកមានលក្ខណៈលឿន ឬយឺតជាងគ្នា ។

----------------------

លំហូរទឹកពីទន្លេមេគង្គនៃផ្ទៃអាងខាងលើ ត្រូវបានបង្វែរយ៉ាងខ្លាំងដោយសារលក្ខខណ្ឌអាកាសធាតុ ដែលកើតឡើងក្នុងរយៈពេលរដូវខ្យល់មូសុងប្រាំង និងវស្សា ។ ជាទូទៅកម្រិតទឹកទន្លេមេគង្គ មានការប្រែប្រួលចាប់ពីខែកញ្ញា ដល់ខែវិច្ឆិកា ដែលកម្រិតកម្ពស់ទឹកទាបកើតឡើងពីខែកុម្ភៈ ដល់ខែមីនា និងរដូវទឹកជំនន់កើតឡើងចាប់ពីខែមិថុនា ដល់ខែធ្នូ ប្រមាណ ៨៥-៩៥% នៃធារទឹកសរុបប្រចាំឆ្នាំ ។ ទឹកជំនន់ប្រចាំឆ្នាំតែងតែជន់លិចផ្ទៃដីធំនៃភាគខាងត្បូងប្រទេសកម្ពុជា និងវៀតណាម នៃផ្ទៃអាងខាងក្រោមបឹងទន្លេសាប និងចំណុចប្រសព្វនៃទន្លេមេគង្គ និងទន្លេសាបនៅរាជធានីភ្នំពេញ ។

នៅរដូវវស្សា (ឧសភា-តុលា) បរិមាណទឹកទន្លេមេគង្គមានការកើនឡើងខ្លាំងដោយសារភ្លៀងធ្លាក់ និងទឹកកកររលាយពីតំបន់ខ្ពង់រាបទីបេ ប្រទេសចិន ដែលបណ្ដាលឱ្យល្បឿនលំហូរទឹកលឿន និងខ្លាំង នាំយកកករមកតិច ទាំងសារធាតុសរីរាង្គ និងអសរីរាង្គ បើប្រៀបធៀបទៅនឹងទន្លេសាប ដែលធ្វើឱ្យទឹកទន្លេមេគង្គមានពណ៌ថ្លាជាង និងខៀវជាង ។ ស្របគ្នានេះដែរ លំហូរទឹកទន្លេសាប ហូរបញ្ច្រាសដោយសារកម្ពស់ទឹកទន្លេមេគង្គខ្ពស់ ដែលនាំមកនូវកករច្រើនពីតំបន់ទំនាបលិចទឹកចូលក្នុងទន្លេសាប បង្កអោយទឹកទន្លេសាបមានសភាពល្អក់ និងមានពណ៌ត្នោត ។ ភាពខុសគ្នានេះបង្កើតព្រំដែនធម្មជាតិដែលធ្វើឱ្យខ្សែទឹកទន្លេទាំងពីរមិនងាយរលាយជាមួយគ្នា។

ទន្លេសាប និងបឹងទន្លេសាប ដើរតួនាទីជានិយ័តករធម្មជាតិ នៃទឹកជំនន់របស់អាងទន្លេមេគង្គខាងក្រោម ដោយបន្ថយកម្រិតអតិបរមានៃទឹកជំនន់នៅដើមរដូវទឹកជំនន់ និងដោយបង្កើនការហូរនៅរដូវប្រាំង ។ នៅរដូវទឹកជំនន់ការហូរខ្លាំងនៃទឹកនៅក្នុងទន្លេមេគង្គ បណ្តាលអោយមានការហូរច្រាសទៅបឹងទន្លេសាប ធ្វើឱ្យទឹកនៅបឹងទន្លេសាបកើនយ៉ាងខ្លាំង និងជន់លិចព្រៃលិចទឹក ដែលនៅជុំវិញបឹងទន្លេសាប ។ នៅរដូវប្រាំងទឹកបឹងទន្លេសាប បានហូរចេញតាមរយៈទន្លេសាប រួចហូរចូលទៅទន្លេមេគង្គ និងបន្ថយការហូរទៅក្នុងទន្លេមេគង្គប្រមាណ ១៦% ។
សូមជម្រាបផងដែរថា៖ ទិដ្ឋភាពកើតឡើងនៅប្រទេសកម្ពុជា ក៏មានកើតឡើងនៅប្រទេសមួយចំនួនជុំវិញពិភពលោកផងដែរ ដែលធ្វើអោយទឹកទន្លេមានពណ៌ខុសគ្នា និងមិនអាចរលាយចូលគ្នាបាន ដូចជា៖
- ទន្លេ Rio Negro និង Solimoes (ប្រទេសប្រស៊ីល)
- ទន្លេ Thompson និង Fraser (ប្រទេសកាណាដា)
- ទន្លេ Bhagirathi និង Alaknanda (ប្រទេសឥណ្ឌា)
- ទន្លេ Danube និង Inn (ប្រទេសអាល្លឺម៉ង់)
- ទន្លេ Rhone និង Arve (ប្រទេសស្វីស)
- ទន្លេ Green និង Colorado (សហរដ្ឋអាមេរិក)៕

កិច្ចប្រជុំពិភាក្សាលើការរៀបចំ concept note ក្រោមចំណងជើងថាសម្បូរត្រីនៅកម្ពុជា

2025-01-11T13:27:22+00:00

នារសៀលថ្ងៃពុធ ១០កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០៨ ខែមករា ឆ្នាំ២០២៥ ឯកឧត្តម ខូវ មាស អគ្គលេខាធិការរង និងលោក ហេង សុវណ្ណារ៉ា ប្រធាននាយកដ្ឋានត្រួតពិនិត្យអាជីវកម្ម និងអភិរក្ស នៃអាជ្ញាធរទន្លេសាប បានជួបប្រជុំពិភាក្សាលើការរៀបចំ concept note ក្រោមចំណងជើងថាសម្បូរត្រីនៅកម្ពុជា ដើម្បីស្នើ Fund ពី GCF នៅស្នាក់ការការិយាល័យអង្គការស្បៀងអាហារពិភពលោកកម្ពុជា FAO នៅក្រសួងកសិកម្ម រុក្ខាប្រមាញ់ និងនេសាទ។

ក្នុងគោលបំណងធ្វើលើកិច្ចការមួយចំនួនដើម្បីបន្សាំលើបម្រែបម្រួលអាកាសធាតុ:
១. ពិនិត្យលើកិច្ចវារីវប្បកម្ម
២. ពិនិត្យលើការងាររៀបចំធ្វើអោយប្រសើរឡើងវិញនៅទីជម្រកជលផល និងអេកូស៊ីស្តែម
៣. ពិនិត្យលើការងារជលសាស្ត្រ ឧតុនិយម ដែលជះឥទ្ធិពលលើជលផល។

ជារួមអង្គការ FAO និងសម្របសម្រួលគ្រប់ក្រសួងដែលពាក់ពន្ធ័ ដើម្បីរៀបគម្រោងដ៏ធំមួយសម្រាប់ដោះស្រាយលើតម្រូវការ និងសន្តិសុខស្បៀងទៅដល់ឆ្នាំ២០៥០ និងថ្ងៃអនាគតសម្រាប់កម្ពុជា៕

កិច្ចប្រជុំពិភាក្សាលើការរៀបចំ concept note ក្រោមចំណងជើងថាសម្បូរត្រីនៅកម្ពុជា

2025-01-11T13:27:22+00:00

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប អញ្ជើញដឹកនាំកិច្ចប្រជុំបូកសរុបការងារប្រចាំឆ្នាំ២០២៤ និងទិសដៅអនុវត្តបន្ត របស់នាយកដ្ឋានរដ្ឋបាល ផែនការ និងសហប្រតិបត្តិការ

2025-01-04T09:56:06+00:00

នារសៀលថ្ងៃសុក្រ ៥កើត ខែបុស្ស ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣ ខែមករា ឆ្នាំ២០២៥ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារបន្តឆ្នាំ២០២៥ របស់នាយកដ្ឋានរដ្ឋបាល ផែនការ និងសហប្រតិបត្តិការ នៃអគ្គលេខាធិការដ្ឋាន អាជ្ញាធរទន្លេសាប ដែលមានការអញ្ជើញចូលរួមពីឯកឧត្តម ជា សុខនី អគ្គលេខាធិការរង លោកប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រី នៃនាយកដ្ឋានរដ្ឋបាល ផែនការ និងសហប្រតិបត្តិការ។

កិច្ចប្រជុំនេះ មានគោលបំណងដើម្បី៖
- បូកសរុបពីលទ្ធផលនៃការអនុវត្តការងារឆ្នាំ២០២៤ បញ្ហាប្រឈម ដំណោះស្រាយ និងសំណូមពរ
- ពិភាក្សាលើកផែនសកម្មភាពការងារ ឆ្នាំ២០២៥
- បង្កើនប្រសិទ្ធភាពលើកិច្ចការគ្រប់គ្រងរដ្ឋបាល និងហិរញ្ញវត្ថុ សាមគ្គីភាព និងសុខដុមនីយកម្មការងារក្នុងនាយកដ្ឋាន និងអង្គភាពទាំងមូល។

ក្នុងឱកាសនេះ ឯកឧត្ដម អគ្គលេខាធិការ និងឯកឧត្តម អគ្គលេខាធិការរង បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ត្រីគ្រប់ជាន់ថ្នាក់របស់នាយកដ្ឋានក្នុងការសម្រេចបាននូវលទ្ធផលការងារល្អប្រសើរ ទាន់ពេលវេលា ទាំងលើការអនុវត្តតួនាទី ភារកិច្ចស្នូល របស់នាយកដ្ឋាន និងការអនុវត្តការងារចំពោះមុខដែលថ្នាក់ដឹកនាំប្រគល់ជូន ការគ្រប់គ្រង ចាត់ចែង ព្រមទាំងសាមគ្គីភាពផ្ទៃក្នុងរបស់នាយកដ្ឋាន៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញចូលរួមកិច្ចប្រជុំស្ដីពី " គំនិតផ្ដួចផ្ដើមដើម្បីចីរភាពបរិស្ថានទន្លេសាប "

2025-01-03T08:41:35+00:00

នារសៀលថ្ងៃព្រហស្បតិ៍ ៤កើត ខែបុស្ស ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២ ខែមករា ឆ្នាំ២០២៥ ដោយទទួលបានការចាត់តាំងដ៏ខ្ពង់ខ្ពស់ពីឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប, ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អមដោយ ឯកឧត្តម សរ គឹមសាន្ត អគ្គលេខាធិការ ឯកឧត្តម ខូវ មាស អគ្គលេខាធិការរង និងលោក វ៉ិន ប៊ុនពៅ ប្រធាននាយកដ្ឋានធនធានធម្មជាតិ បានអញ្ជើញចូលរួមកិច្ចប្រជុំពិភាក្សាជាមួយ ឯកឧត្តម ចែម ផល្លា អនុប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ រួមជាមួយសមាជិក និងថ្នាក់ដឹកនាំក្រុមប្រឹក្សា ដើម្បីពិនិត្យ ពិភាក្សា អំពីឯកសារទស្សនទានស្ដីពី " គំនិតផ្ដួចផ្ដើមដើម្បីចីរភាពបរិស្ថានទន្លេសាប " ។

កិច្ចប្រជុំពិភាក្សានៃកម្មវិធីស្តីពី "គំនិតផ្តួចផ្តើមដើម្បីចីរភាពបរិស្ថានទន្លេសាប" នេះ មានគោលបំណង ៖
១- ធ្វេីវុឌ្ឍិកម្មគុណភាពបឹងទន្លេសាបឡើងវិញ ដោយកាត់បន្ថយឱ្យបានច្រើននូវការបំពុលដោយសារសំណល់(រឹង, រាវ)
២- ធ្វើវុឌ្ឍិកម្មអេកូឡូស៊ីបឹងទន្លេសាបឡើងវិញ ដោយកាត់បន្ថយឱ្យបានច្រើននូវវត្តមានប្រភេទរុក្ខជាតិទឹកដែលរាតត្បាតនៅក្នុងបឹងទន្លេសាប
៣- ធ្វើពិពិធកម្មរបរចិញ្ចឹមជីវិត ដើម្បីបញ្ចូលការងារ មុខរបរ និងជំនាញជំនួសផ្សេងទៀត
៤- ស្តារឡើងវិញនូវតំបន់ទំនាបលិចទឹកដែលរេចរឹលដោយដាំរុក្ខជាតិឡើងវិញនិងអនុវត្តវិធានការអភិរក្ស។

អង្គប្រជុំបានឯកភាពគ្នាឱ្យមានការសិក្សារួមគ្នាជាមួយក្រសួង-ស្ថាប័នពាក់ព័ន្ធនានា ក្នុងនោះអាជ្ញាធរទន្លេសាប ដែលជាស្ថាប័នដឹកនាំ និងសម្របសម្រួលលើការងារគ្រប់គ្រង អភិរក្ស និងអភិវឌ្ឍន៍តំបន់ទន្លេសាប ជាពិសេសធ្វេីការសិក្សារួមគ្នា (Feasibility Study) ជាមួយក្រសួងបរិស្ថាន ដើម្បីជាធាតុចូលក្នុងការរៀបចំកសាងឯកសារទស្សនទាន គំនិតផ្ដួចផ្ដើមដើម្បីចីរភាពបរិស្ថានទន្លេសាប ឱ្យកាន់តែច្បាស់លាស់ និងស៊ីជម្រៅ មុនដាក់ជូនប្រមុខរាជរដ្ឋាភិបាលពិនិត្យ និងសម្រេចជាគោលការណ៍៕

ឯកឧត្តម ហ៊ែល តូនី អនុប្រធានក្តាប់រួមបានអញ្ជើញជាអធិបតីដឹកនាំកិច្ចប្រជុំផ្សព្វផ្សាយ អំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ខេត្តសៀមរាប

2024-12-31T07:46:28+00:00

ខេត្តសៀមរាប : នាព្រឹកថ្ងៃចន្ទ ១កើត ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣០ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប រួមជាមួយ ឯកឧត្តម ជ្រិញ គឹមនី សមាជិកក្រុមប្រឹក្សា និងលោក អ៉ឹង គឹមលាង អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម ប្រាក់ សោភ័ណ អភិបាលនៃគណៈអភិបាលខេត្តសៀមរាប បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយអំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ដល់មន្ទីរអង្គភាពជំនាញ កងកម្លាំងសមត្ថកិច្ច អាជ្ញាធរដែនដី និងអ្នកពាក់ព័ន្ធផ្ទាល់ជាមួយតំបន់បឹងទន្លេសាបទាំងក្នុងកម្រិតថ្នាក់ខេត្ត និងថ្នាក់មូលដ្ឋាននៃខេត្តសៀមរាប ដើម្បីយកទៅផ្សព្វផ្សាយបន្តទៅដល់ប្រជាពលរដ្ឋ និងសហគមន៍មូលដ្ឋាន ក្នុងការធានាបាននូវប្រសិទ្ធភាពការចូលរួមអនុវត្តដល់ការគ្រប់គ្រង និងការប្រើប្រាស់ដីធ្លី និងធនធានធម្មជាតិក្នុងតំបន់បឹងទន្លេសាប ប្រកបដោយចីរភាព និងនិរន្តរភាព ស្របតាមអនុសាសន៍ណែនាំដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសគោរពប្រតិបត្តិឱ្យបានគ្រប់ជ្រុងជ្រោយរាល់ខ្លឹមសារសំខាន់ៗបានកំណត់នៅក្នុងច្បាប់ និងបទដ្ឋានគតិយុត្តិពាក់ព័ន្ធ ក្នុងស្មារតីសហការទទួលខុសត្រូវ ដើម្បីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភាជាតិ ។

សូមជម្រាបថា កិច្ចប្រជុំផ្សព្វផ្សាយនេះ បានសហការរៀបចំឡើងដោយសាលាខេត្តសៀមរាប ដែលមានអញ្ជើញចូលរួមពីឯកឧត្តម លោក លោកស្រីតំណាងមកពីក្រសួងរៀបចំដែនដី នគរូបនីយកម្ម និងសំណង់, ក្រសួងកសិកម្ម រុក្ខាប្រមាញ់ និងនេសាទ, ក្រសួងមហាផ្ទៃ, ក្រសួងបរិស្ថាន, រដ្ឋបាលជលផល, សមាជិកក្រុមប្រឹក្សាខេត្ត, ក្រុមប្រឹក្សាស្រុក, នាយករដ្ឋបាលសាលាខេត្ត, ក្រុង/ស្រុក, ឃុំ/សង្កាត់, ប៉ុស្តិ៍នគរបាលរដ្ឋបាលគ្រប់ឃុំ-សង្កាត់ដែលពាក់ព័ន្ធ, មន្ទីរធនធានទឹក និងឧតុនិយម, មន្ទីររៀបចំដែនដី នគរូបនីយកម្ម សំណង់ និងសុរិយោដី, មន្ទីរកសិកម្មរុក្ខាប្រមាញ់ និងនេសាទខេត្ត, មន្ទីរបរិស្ថាន, បញ្ជាការតំបន់ប្រតិបត្តិការសឹករងខេត្ត, បញ្ជាការកងរាជអាវុធហត្ថខេត្ត, ស្នងការដ្ឋាននគរបាលខេត្តសៀមរាប, ព្រមទាំងថ្នាក់ដឹកនាំ និងមន្ត្រីបច្ចេកទេសនៃអគ្គលេខាធិការ អាជ្ញាធរទន្លេសាប៕

ឯកឧត្តម ហ៊ែល តូនី អនុប្រធានក្តាប់រួមបានអញ្ជើញជាអធិបតីដឹកនាំកិច្ចប្រជុំផ្សព្វផ្សាយ អំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ខេត្តបាត់ដំបង

2024-12-28T07:10:28+00:00

ខេត្តបាត់ដំបង : នារសៀលថ្ងៃសុក្រ ១២រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប រួមជាមួយលោក សឿម ប៊ុនរិទ្ធិ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង និងឯកឧត្តម អេ សារុម សមាជិកក្រុមប្រឹក្សាខេត្តបាត់ដំបង បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយអំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ដល់មន្ទីរអង្គភាពជំនាញ កងកម្លាំងសមត្ថកិច្ច អាជ្ញាធរដែនដី និងអ្នកពាក់ព័ន្ធផ្ទាល់ជាមួយតំបន់បឹងទន្លេសាបទាំងក្នុងកម្រិតថ្នាក់ខេត្ត និងថ្នាក់មូលដ្ឋាននៃខេត្តបាត់ដំបង ដើម្បីយកទៅផ្សព្វផ្សាយបន្តទៅដល់ប្រជាពលរដ្ឋ និងសហគមន៍មូលដ្ឋាន ក្នុងការធានាបាននូវប្រសិទ្ធភាពការចូលរួមអនុវត្តដល់ការគ្រប់គ្រង និងការប្រើប្រាស់ដីធ្លី និងធនធានធម្មជាតិក្នុងតំបន់បឹងទន្លេសាប ប្រកបដោយចីរភាព និងនិរន្តរភាព ស្របតាមអនុសាសន៍ណែនាំដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសគោរពប្រតិបត្តិឱ្យបានគ្រប់ជ្រុងជ្រោយរាល់ខ្លឹមសារសំខាន់ៗបានកំណត់នៅក្នុងច្បាប់ និងបទដ្ឋានគតិយុត្តិពាក់ព័ន្ធ ក្នុងស្មារតីសហការទទួលខុសត្រូវ ដើម្បីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភាជាតិ ។

សូមជម្រាបថា កិច្ចប្រជុំផ្សព្វផ្សាយនេះ បានសហការរៀបចំឡើងដោយសាលាខេត្តបាត់ដំបង ដែលមានអញ្ជើញចូលរួមពីឯកឧត្តម លោក លោកស្រីតំណាងមកពីក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, ក្រសួងមហាផ្ទៃ, ក្រសួងបរិស្ថាន, រដ្ឋបាលជលផល, សមាជិកក្រុមប្រឹក្សាខេត្ត, នាយករដ្ឋបាលសាលាខេត្ត, ក្រុង/ស្រុក, ឃុំ/សង្កាត់, ប៉ុស្តិ៍នគរបាលរដ្ឋបាលគ្រប់ឃុំ-សង្កាត់ដែលពាក់ព័ន្ធ, មន្ទីរធនធានទឹកា និងឧតុនិយមខេត្ត, មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត, មន្ទីរកសិកម្មរុក្ខាប្រមាញ់ និងនេសាទខេត្ត, មន្ទីរបរិស្ថានខេត្ត, បញ្ជាការតំបន់ប្រតិបត្តិការសឹករងខេត្ត, បញ្ជាការកងរាជអាវុធហត្ថខេត្ត, ស្នងការដ្ឋាននគរបាលខេត្តបាត់ដំបង, ព្រមទាំងថ្នាក់ដឹកនាំ និងមន្ត្រីបច្ចេកទេសនៃអគ្គលេខាធិការ អាជ្ញាធរទន្លេសាប៕

ឯកឧត្តម ហ៊ែល តូនី អនុប្រធានក្តាប់រួមបានអញ្ជើញជាអធិបតីដឹកនាំកិច្ចប្រជុំផ្សព្វផ្សាយ អំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ខេត្តកំពង់ធំ

2024-12-25T00:02:29+00:00

ខេត្តកំពង់ធំ : នារសៀលថ្ងៃអង្គារ ៩រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប រួមជាមួយ ឯកឧត្តម អ៊ុង វុទ្ធី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយ អំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ដល់មន្ទីរអង្គភាពជំនាញ កងកម្លាំងសមត្ថកិច្ច អាជ្ញាធរដែនដី និងអ្នកពាក់ព័ន្ធផ្ទាល់ជាមួយតំបន់បឹងទន្លេសាបទាំងក្នុងកម្រិតថ្នាក់ខេត្ត និងថ្នាក់មូលដ្ឋាននៃខេត្តកំពង់ធំ ដើម្បីយកទៅផ្សព្វផ្សាយបន្តទៅដល់ប្រជាពលរដ្ឋ និងសហគមន៍មូលដ្ឋាន ក្នុងការធានាបាននូវប្រសិទ្ធភាពការចូលរួមអនុវត្តដល់ការគ្រប់គ្រង និងការប្រើប្រាស់ដីធ្លី និងធនធានធម្មជាតិក្នុងតំបន់បឹងទន្លេសាប ប្រកបដោយចីរភាព និងនិរន្តរភាព ស្របតាមអនុសាសន៍ណែនាំដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសគោរពប្រតិបត្តិឱ្យបានគ្រប់ជ្រុងជ្រោយរាល់ខ្លឹមសារសំខាន់ៗបានកំណត់នៅក្នុងច្បាប់ និងបទដ្ឋានគតិយុត្តិពាក់ព័ន្ធ ក្នុងស្មារតីសហការទទួលខុសត្រូវ ដើម្បីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភាជាតិ ។

សូមជម្រាបថា សមាសភាព ដែលបានអញ្ជើញចូលរួមក្នុងកិច្ចប្រជុំផ្សព្វផ្សាយ បានរៀបចំឡើងនៅសាលាខេត្តកំពង់ធំ រួមមាន : ឯកឧត្តម លោក លោកស្រីតំណាងមកពីក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, ក្រសួងមហាផ្ទៃ, ក្រសួងបរិស្ថាន, ប្រធានក្រុមប្រឹក្សាខេត្ត, នាយករដ្ឋបាលសាលាខេត្ត, ក្រុង/ស្រុក, ឃុំ/សង្កាត់, ប៉ុស្តិ៍នគរបាលរដ្ឋបាលគ្រប់ឃុំ-សង្កាត់ដែលពាក់ព័ន្ធ, មន្ទីរធនធានទឹក និងឧតុនិយមខេត្ត, មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត, មន្ទីរកសិកម្មរុក្ខាប្រមាញ់ និងនេសាទខេត្ត, មន្ទីរបរិស្ថានខេត្ត, បញ្ជាការតំបន់ប្រតិបត្តិការសឹករងខេត្ត, បញ្ជាការកងរាជអាវុធហត្ថខេត្ត, ស្នងការដ្ឋាននគរបាលខេត្តកំពង់ធំ, ព្រមទាំងថ្នាក់ដឹកនាំ និងមន្ត្រីបច្ចេកទេសនៃអគ្គលេខាធិការ អាជ្ញាធរទន្លេសាប៕

លោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ និងជាសមាសភាពក្រុមការងារថ្នាក់ជាតិ អនុវត្តផែនការសកម្មភាពគ្រប់គ្រងភាពរាំងស្ងួត និងអភិវឌ្ឍន៍គ្រប់គ្រងធនធានធានទឹកចម្រុះបានបន្តចូលរួមសិក្ខាសាលាពិគ្រោះយោបល់ស្តីពី ការវាយតម្លៃគ្រោះរាំងស្ង

2024-12-24T23:36:39+00:00

នាថ្ងៃអង្គារ ៩រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៤ ខែធ្នូ ឆ្នាំ២០២៤ លោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ និងជាសមាសភាពក្រុមការងារថ្នាក់ជាតិអនុវត្តផែនការសកម្មភាពគ្រប់គ្រងភាពរាំងស្ងួត និងអភិវឌ្ឍន៍គ្រប់គ្រងធនធានធានទឹកចម្រុះ បានបន្តចូលរួមសិក្ខាសាលាពិគ្រោះយោបល់ស្តីពី ការវាយតម្លៃគ្រោះរាំងស្ងួត និងផែនការសកម្មភាពថ្នាក់ជាតិស្តីពីការគ្រប់គ្រង និងការបន្សាំទៅនឹងគ្រោះរាំងស្ងួតនៅកម្ពុជា សម្រាប់ឆ្នាំ ២០២៥-២០៣០។ សិក្ខាសាលាពិគ្រោះយោបល់នេះ រៀបចំដោយក្រសួងធនធានទឹក និងឧតុនិយម ក្រោមអធិបតីភាព លោកជំទាវ សិទ្ធ វណ្ណារ៉េត ទីប្រឹក្សាក្រសួងធនធានទឹក និងឧតុនិយម និងជាតំណាងអចិន្ត្រៃយ៍ នៃព្រះរាជាណាចក្រកម្ពុជា សម្រាប់អង្គការឧតុនិយមពិភពលោក ដែលមានសមាសភាពចូលរួមពីតំណាងកម្មវិធីស្បៀងអាហារពិភពលោក(WFP), តំណាងគណៈកម្មាធិការជាតិទន្លេមេគង្គកម្ពុជា(CMNC), តំណាងអាជ្ញាធរទន្លេសាប(TSA), តំណាងក្រសួងបរិស្ថាន(MOE), តំណាងក្រសួងកសិកម្ម រុក្ខាប្រមាញ់ និងនេសាទ(MAFF), តំណាងក្រសួងអភិវឌ្ឍន៍ជនបទ(MRD), ក្រុមការងារដៃគូទឹកសកលកម្ពុជា(GWP) និងអ្នកជំនាញការក្រុមប្រឹក្សាគ្រោះរាំងស្ងួតថ្នាក់ជាតិ។

សូមជម្រាបជូនថា សិក្ខាសាលាពិគ្រោះយោបល់បញ្ចប់នេះមានគោលបំណងចំនួនពីរ៖
១. ដើម្បីពិនិត្យឡើងវិញភាពកាន់តែប្រសើរឡើងនូវសេចក្តីពង្រៀងផែនការសកម្មភាព ស្តីពីការគ្រប់គ្រង និងការបន្សាំទៅនឹងគ្រោះរាំងស្ងួតនៅកម្ពុជា សម្រាប់ឆ្នាំ២០២៥-២០៣០ លើរចនាសម្ព័ន្ធ ឯកសារទាំងមូល និងការប្រមូលធាតុចូលបន្ថែម លើគំនិតយោបល់ និងសំណូមពរ។
២. រៀបចំផែនការសកម្មភាព សម្រាប់ឆ្នាំ២០២៥-២០៣០ បញ្ជូនទៅថ្នាក់ដឹកនាំក្រសួងធនធានទឹក និងឧតុនិយម ពិនិត្យ និងសុំគោលការណ៍យល់ព្រម(endorsement)

ជាលទ្ធផលនៃគោលបំណងទាំងពីរ បានពិគ្រោះយោបល់យ៉ាងសកម្មទទួលបានការបំពេញបន្ថែមកែលម្អ និងអនុសាសន៍ដូចខាងក្រោម៖ (១) បានបំពេញបន្ថែមនូវហេដ្ឋារចនាសម្ព័ន្ធទឹកខ្នាតតូច និងមធ្យម នៃ Output 4៖ ការឆ្លើយតប និងសកម្មភាពបន្សាំភាពរាំងស្ងួត (២) ការកែលម្អយន្តការអនុវត្តអត្ថន័យ ពាក្យ តាមបរិបទគ្រោះរាំងស្ងួត និងឯកសារយោង និងបន្ថែមនូវសកម្មភាព ជាមួយនឹងលើកថវិកាបន្ថែមចន្លោះពី ៤ ទៅ ៦ លានដុល្លារ (៣) អាជ្ញាធរទន្លេសាបនឹងដើរតួនាទីជាសមាជិកចូលរួមអនុវត្តផែនការសកម្មភាពនេះផងដែរ។

គួរបញ្ជាក់ផងដែរ សិក្ខាសាលាពិគ្រោះយោបល់លើការវាយតម្លៃគ្រោះរាំងស្ងួត និងផែនការសកម្មភាពថ្នាក់ជាតិស្តីពី ការគ្រប់គ្រង និងការបន្សាំទៅនឹងគ្រោះរាំងស្ងួត កម្ពុជាបានដើរមុនគេ នៃប្រទេសជាសមាជិកអាងទន្លេមេគង្គ ដែលរៀបចំដោយក្រសួងធនធានទឹក និងឧតុនិយម៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប អញ្ជើញដឹកនាំកិច្ចប្រជុំពិនិត្យមើលលទ្ធផលការងារឆ្នាំ២០២៤ និងពិភាក្សាកែសម្រួលសកម្មភាពការងារឆ្នាំ២០២៥ របស់នាយកដ្ឋានធនធានធម្មជាតិ

2024-12-23T23:46:38+00:00

នាព្រឹកថ្ងៃចន្ទ ៨រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៣ ខែធ្នូ ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានអញ្ជើញជាអធិបតីដឹកនាំកិច្ចប្រជុំពិនិត្យមើលលទ្ធផលការងារឆ្នាំ២០២៤ និងពិភាក្សាកែសម្រួលសកម្មភាពការងារឆ្នាំ២០២៥ របស់នាយកដ្ឋានធនធានធម្មជាតិនៃអគ្គលេខាធិការដ្ឋានអាជ្ញាធរទន្លេសាប ដែលមានការអញ្ជើញចូលរួមពីឯកឧត្តម ខូវ មាស អគ្គលេខាធិការរង លោកប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ មន្ត្រីនៃនាយកដ្ឋានធានធម្មជាតិ ។

កិច្ចប្រជុំនេះ មានគោលបំណង ៖
- ពិនិត្យមើលលទ្ធផលនៃសិក្សាតាមដានការអនុវត្តផែនការសកម្មភាពការងាររបស់នាយកដ្ឋានសម្រាប់ឆ្នាំ២០២៤
-ពិភាក្សាកែសម្រួលលេីផែនសកម្មភាពឆ្នាំ២០២៥ ដើម្បីឆ្លើយតបទៅនឹងផែនការយុទ្ធសាស្ត្ររបស់អគ្គលេខាធិការដ្ឋានអាជ្ញាធរទន្លេសាបឆ្នាំ២០២៤ -២០២៨
- ពង្រឹងនិងបង្កើនប្រសិទ្ធភាពការងារ សាមគ្គីភាពក្នុងនាយកដ្ឋាន ក៏ដូចជាក្នុងអគ្គលេខាធិការដ្ឋាន ។
ក្នុងកិច្ចប្រជុំនេះ ឯកឧត្ដមអគ្គលេខាធិការ និងឯកឧត្តមអគ្គលេខាធិការរង បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ត្រីអនុវត្តការងារទាំងអស់ប្រកបដោយប្រសិទ្ធភាពខ្ពស់ទៅតាមបែបបទបច្ចេកទេស មានភាពទទួលខុសត្រូវខ្ពស់លើតួនាទី និងភារកិច្ចដែលថ្នាក់ដឹកបានប្រគល់អោយ ជាពិសេសបានផ្តល់ជាអនុសាសន៍ និងបំពេញបន្ថែមលើចំណុចខ្វះខាតដល់ក្រុមការងារដើម្បីជាទិសដៅក្នុងការអនុវត្ត៕

ក្រុមការងារអាជ្ញាធរទន្លេសាប មានលោក វិន ប៊ុនពៅ, លោក ហេង បូរាណ និងលោក ខូវ វេងសុង បានចូលរួមសិក្ខាសាលាស្តីពីការប្រមូលទិន្នន័យ លើការវាយតម្លៃតម្រូវការ ការត្រៀមខ្លួនរួចរាល់នៅកម្ពុជា ផ្តោតលើកិច្ចពិភាក្សាជាក្រុមទាក់ទងនឹងមូលនិធិ អាកាសធាតុប

2024-12-21T09:35:19+00:00

នៅសណ្ឋាគារហៃយ៉ាត់រីជិនស៊ី រាជធានីភ្នំពេញ នាព្រឹកថ្ងៃសុក្រ ៥រោច ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែធ្នូ ឆ្នាំ២០២៤ ក្រុមការងារអាជ្ញាធរទន្លេសាប មានលោក វិន ប៊ុនពៅ ប្រធាននាយកដ្ឋាន, លោក ហេង បូរាណ អនុប្រធាននាយកដ្ឋាន និងលោក ខូវ វេងសុង ប្រធានការិយាល័យ បានចូលរួមសិក្ខាសាលាស្តីពីការប្រមូលទិន្នន័យ លើការវាយតម្លៃតម្រូវការ ការត្រៀមខ្លួនរួចរាល់នៅកម្ពុជា ផ្តោតលើកិច្ចពិភាក្សាជាក្រុមទាក់ទងនឹងមូលនិធិ អាកាសធាតុបៃតង ដែលសហការរៀបចំដោយ វិទ្យាស្ថានកំណើនបៃតងសាកល (GGGI) និងសម្របសម្រួលដោយក្រុមប្រឹក្សាជាតិអភិវឌ្ឍន៍ដោយចីរភាព នៃក្រសួងបរិស្ថាន ដែលមានសមាសភាពចូលរួមសរុបប្រមាណ ៤៧ រូប មកពីតំណាងក្រសួងស្ថាប័នពាក់ព័ន្ធចំនួន ២៦ មានដូចជា វិទ្យាស្ថានកំណើនបៃតងសាកល (GGGI), ក្រសួងបរិស្ថាន, ក្រសួងធនធានទឹក និងឧតុនិយម, អាជ្ញាធរទន្លេសាប, ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, PPSEZ and another special economic zone, Golden Tree Co.,Ltd., Wing Bank, Verywords Cambodia, Cambodia Logistics Association, DHL Express, EnergyLab, Savino Del Bene, Bollore Logistics, Vireak Buntham Express, AZ Group, Truck Association, Capitol Logistics, FAO, UNIDO, WCS, SME Bank of Cambodia Plc, Royal Group Phnom Penh Economic Zone, Amret Plc and LOLC។ គោលបំណងនៃការចូលរួមសិក្ខាសាលា គឺក្រុមពិភាក្សាគឺផ្តោតសំខាន់លើ ការប្រមូលធាតុចូលពីភាគីពាក់ព័ន្ធសំខាន់ៗ ដើម្បីកំណត់អាទិភាពសកម្មភាពអាកាសធាតុ ដោះស្រាយ រួមទាំងគម្លាតសមត្ថភាពក្នុងការដោះស្រាយបញ្ហាប្រឈម សម្រាប់រៀបចំសំណើរ អភិវឌ្ឍគម្រោងមូលនិធិអាកាសធាតុបៃតង ដែលមានសក្តានុពល និងស្របតាមគោលនយោបាយជាតិ៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប អញ្ជើញដឹកនាំកិច្ចប្រជុំពិនិត្យមើលលទ្ធផលនៃសិក្សាតាមដានអាជីវកម្មឡូត៍ដាយរដូវនេសាទឆ្នាំ២០២៤-២០២៥ នៅរាជធានីភ្នំពេញ និងខេត្តកណ្តាល នៅខ្នើតខែមិគសិរចាប់ពីថ្ងៃទី០១ ដល់ថ្ងៃទី១៥ ខែធ្នូ ឆ្

2024-12-21T09:18:31+00:00

នាព្រឹកថ្ងៃសុក្រ ៥រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២០ ខែធ្នូ ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានអញ្ជើញជាអធិបតីដឹកនាំកិច្ចប្រជុំពិនិត្យមើលលទ្ធផលនៃសិក្សាតាមដានលើអាជីវកម្មឡូត៍ដាយរដូវនេសាទឆ្នាំ២០២៤-២០២៥ នៅរាជធានីភ្នំពេញ និងខេត្តកណ្តាល របស់ក្រុមការងារប្រចាំការតាមគន្លងដាយ និងក្រុមការងារសិក្សាក្រៅគន្លងដាយ នៅខ្នើតខែមិគសិរ ចាប់ពីថ្ងៃទី០១ ដល់ថ្ងៃទី១៥ ខែធ្នូ ឆ្នាំ ២០២៤ និងទិសដៅអនុវត្តសកម្មភាពនៅឆ្នាំ២០២៥ របស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអគ្គលេខាធិការដ្ឋានអាជ្ញាធរទន្លេសាប ដែលមានការអញ្ជើញចូលរួមពីឯកឧត្តម ខូវ មាស អគ្គលេខាធិការរង លោកប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ មន្ត្រី និងមន្ត្រីកិច្ចសន្យា នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ។

កិច្ចប្រជុំនេះ មានគោលបំណង ៖
- បូកសរុបលទ្ធផល និងពិនិត្យមើលលទ្ធផលនៃសិក្សាតាមដានអាជីវកម្មឡូត៍ដាយ នៅខ្នើតខែមិគសិរ
- លើកជាផែនការសកម្មភាពអាទិភាព និងពិភាក្សាលើកផែនសកម្មភាពឆ្នាំ២០២៥ ដើម្បីឆ្លើយតបទៅនឹងផែនការយុទ្ធសាស្ត្ររបស់អគ្គលេខាធិការដ្ឋានអាជ្ញាធរទន្លេសាបឆ្នាំ២០២៤-២០២៨
- ពង្រឹង និងបង្កើនប្រសិទ្ធភាពការងារ សាមគ្គីភាព និងសុខដុមនីយកម្មការងារក្នុងនាយកដ្ឋាន ។

ក្នុងកិច្ចប្រជុំនេះ ឯកឧត្ដមអគ្គលេខាធិការ និងឯកឧត្តមអគ្គលេខាធិការរង បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ត្រីអនុវត្តការងារទាំងអស់ប្រកបដោយប្រសិទ្ធភាពខ្ពស់ទៅតាមបែបបទបច្ចេកទេស ទិន្នន័យទទួលបានមានសុក្រឹត មានភាពទទួលខុសត្រូវខ្ពស់លើតួនាទី និងភារកិច្ចដែលថ្នាក់ដឹកបានប្រគល់អោយ ។ ជាពិសេសបានផ្តល់ជាអនុសាសន៍ និងបំពេញបន្ថែមលើចំណុចខ្វះខាតដល់ក្រុមការងារដើម្បីជាទិសដៅក្នុងការអនុវត្ត៕

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប អញ្ជើញដឹកនាំកិច្ចប្រជុំបូកសរុបការងារប្រចាំឆ្នាំ២០២៤ និងទិសដៅអនុវត្តបន្ត របស់នាយកដ្ឋាននីតិកម្ម និងផ្សព្វផ្សាយ

2024-12-19T09:42:08+00:00

នាព្រឹកថ្ងៃពុធ ៣រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានអញ្ជើញជាធិបតីដឹកនាំកិច្ចប្រជុំបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារបន្តឆ្នាំ២០២៥ របស់នាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប ដែលមានការអញ្ជើញចូលរួមពីឯកឧត្តម ជា សុខនី អគ្គលេខាធិការរង លោកប្រធាន-អនុប្រធាននាយកដ្ឋាន ប្រធាន-អនុប្រធានការិយាល័យ និងមន្ត្រី នៃនាយកដ្ឋាននីតិកម្ម និងផ្សព្វផ្សាយ។

កិច្ចប្រជុំនេះ ក្នុងគោលបំណងដើម្បី៖
- បូកសរុបពីលទ្ធផលការអនុវត្តផែនការសកម្មភាពការងារឆ្នាំ២០២៤ បញ្ហាប្រឈម និងដំណោះស្រាយ
- ពិភាក្សាលើកផែនសកម្មភាពការងារ ឆ្នាំ២០២៥
- បង្កើនប្រសិទ្ធភាពការងារ សាមគ្គីភាព និងសុខដុមនីយកម្មការងារក្នុងនាយកដ្ឋាន។

ក្នុងឱកាសនេះ ឯកឧត្ដម អគ្គលេខាធិការ និងឯកឧត្តម អគ្គលេខាធិការរង បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ត្រីគ្រប់ថ្នាក់ របស់នាយកដ្ឋានក្នុងការសម្រេចបាននូវលទ្ធផលល្អប្រសើរ ទាំងលើការអនុវត្តន៍តួនាទី ភារកិច្ចស្នូល ការអនុវត្តផែនការសកម្មភាព ការអនុវត្តការងារចំពោះថ្នាក់ដឹកនាំប្រគល់ជូន ការគ្រប់គ្រង ចាត់ចែង ព្រមទាំងសាមគ្គីភាពផ្ទៃក្នុងរបស់នាយកដ្ឋាន៕

ឯកឧត្តម ហ៊ែល តូនី អនុប្រធានក្តាប់រួម បានដឹកនាំមន្ត្រីបច្ចេកទេសចូលរួមកិច្ចប្រជុំពិភាក្សាការងារដំបូងតាមរយៈ ប្រព័ន្ធ វីឌេអូ (Video Conference) ជាមួយ ក្រុមការងារ ធនាគារអភិវឌ្ឍន៍អាស៊ី

2024-12-19T09:31:56+00:00

អាជ្ញាធរទន្លេសាប : រសៀលថ្ងៃពុធ ៣រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៨ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម បានដឹកនាំមន្ត្រីបច្ចេកទេស នៃអគ្គលេខាធិការដ្ឋាន អាជ្ញាធរទន្លេសាប កិច្ចប្រជុំពិភាក្សាការងារដំបូងតាមរយៈ ប្រព័ន្ធ វីឌេអូ (Video Conference) ជាមួយ ក្រុមការងារ ធនាគារអភិវឌ្ឍន៍អាស៊ី មានលោកបណ្ឌិត Morgan MARTEAU ជាប្រធានក្រុមទីប្រឹក្សា ADB និង លោកបណ្ឌិត Philippe Gourbesvill ប្រធានសមាគមន៍ International Association for Hydro-Environment Engineering and Research

គោលបំណង កិច្ចពិភាក្សានេះគឺ ដើម្បីផ្តួចផ្តើមគំនិតពង្រឹងកិច្ចសហប្រតិបត្តិការឡើងវិញ រវាងធនាគារអភិវឌ្ឍន៍អាស៊ី ជាមួយ អាជ្ញាធរទន្លេសាប ក្នុងការកៀងគរការចូលរួមគាំទ្រទាំងហិរញ្ញាវត្ថុ និងបច្ចេកទេសលើការរៀបចំកម្មវិធីវិនិយោគសន្តិសុខទឹក និងភាពធន់នឹងអាកាសធាតុនៅតំបន់ជុំវិញបឹងទន្លេសាប។
ដោយបន្ស៊ីកិច្ចការនេះស្រប និងដំណើរការរៀបចំក្របខ័ណ្ឌយុទ្ធសាស្ត្ររយះពេលវែងរបស់ អាជ្ញាធរទន្លេសាប ដែលបាន និងកំពុងទទួលការគាំទ្រដោយ ធនាគារពិភពលោក ក៏ដូចជាគោលនយោបាយយុទ្ធសាស្ត្របញ្ចកោណដំណាក់កាលទី ១ របស់រាជរដ្ឋាភិបាល ជាពិសេសការគ្រប់គ្រងក្នុងការអភិរក្ស និងការគ្រប់គ្រងក្នុងការអភិវឌ្ឍន៍លើកិច្ចការកំណត់តំបន់ទាំង៣ នៅជុំវិញបឹងទន្លេសាប សំដៅលើកកម្ពស់ជីវភាពរស់នៅរបស់ប្រជាពលរដ្ឋជាមួយការគិតគូរដល់ការអភិវឌ្ឍន៍ជនបទ និងការពារអភិរក្សធនធានធម្មជាតិតំបន់បឹងទន្លេសាបប្រកបដោយចីរភាព៕

ឯកឧត្តម ហ៊ែល តូនី អនុប្រធានក្តាប់រួម បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយ អំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប

2024-12-14T11:38:05+00:00

ខេត្តពោធិ៍សាត់ : នាព្រឹកថ្ងៃសុក្រ ១៣ កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៣ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប រួមជាមួយ ឯកឧត្តម ហេង សុភាណា អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ខូយ រីដា អភិបាល នៃគណៈអភិបាលខេត្តពោធិ៍សាត់ និងឯកឧត្តម វង្ស សំអុល ក្រុមប្រឹក្សាខេត្តខេត្តពោធិ៍សាត់ បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយ អំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ដល់មន្ទីរអង្គភាពជំនាញ កងកម្លាំងសមត្ថកិច្ច អាជ្ញាធរដែនដី និងអ្នកពាក់ព័ន្ធផ្ទាល់ជាមួយតំបន់បឹងទន្លេសាបទាំងក្នុងកម្រិតថ្នាក់ខេត្ត និងថ្នាក់មូលដ្ឋាននៃខេត្តពោធិ៍សាត់ ដើម្បីយកទៅផ្សព្វផ្សាយបន្តទៅដល់ប្រជាពលរដ្ឋ និងសហគមន៍មូលដ្ឋាន ក្នុងការធានាបាននូវប្រសិទ្ធភាពការចូលរួមអនុវត្តដល់ការគ្រប់គ្រង និងការប្រើប្រាស់ដីធ្លី និងធនធានធម្មជាតិក្នុងតំបន់បឹងទន្លេសាប ប្រកបដោយចីរភាព និងនិរន្តរភាព ស្របតាមអនុសាសន៍ណែនាំដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសគោរពប្រតិបត្តិឱ្យបានគ្រប់ជ្រុងជ្រោយរាល់ខ្លឹមសារសំខាន់ៗបានកំណត់នៅក្នុងច្បាប់ និងបទដ្ឋានគតិយុត្តិពាក់ព័ន្ធ ក្នុងស្មារតីសហការទទួលខុសត្រូវ ដើម្បីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភាជាតិ ។

សូមជម្រាបថា សមាសភាព ដែលបានអញ្ជើញចូលរួមក្នុងកិច្ចប្រជុំផ្សព្វផ្សាយ បានរៀបចំឡើងនៅសាលាខេត្តពោធិ៍សាត់ រួមមាន : ឯកឧត្តម លោក លោកស្រីតំណាងមកពីក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, ក្រសួងមហាផ្ទៃ, ក្រសួងបរិស្ថាន, ប្រធានក្រុមប្រឹក្សាខេត្ត, នាយករដ្ឋបាលសាលាខេត្ត, ក្រុង/ស្រុក, ឃុំ/សង្កាត់, ប៉ុស្តិ៍នគរបាលរដ្ឋបាលគ្រប់ឃុំ-សង្កាត់ដែលពាក់ព័ន្ធ, មន្ទីរធនធានទឹក និងឧតុនិយមខេត្ត, មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត, មន្ទីរកសិកម្មរុក្ខាប្រមាញ់ និងនេសាទខេត្ត, មន្ទីរបរិស្ថានខេត្ត, បញ្ជាការតំបន់ប្រតិបត្តិការសឹករងខេត្ត, បញ្ជាការកងរាជអាវុធហត្ថខេត្ត, ស្នងការដ្ឋាននគរបាលខេត្តពោធិ៍សាត់, ព្រមទាំងថ្នាក់ដឹកនាំ និងមន្ត្រីបច្ចេកទេសនៃអគ្គលេខាធិការ អាជ្ញាធរទន្លេសាប៕

ក្រុមការងារគម្រោងគ្រប់គ្រងធនធានទឹកចម្រុះនៃអាងស្ទឹងសែន សហការជាមួយក្រុមប្រឹក្សាភិបាលនៃគណៈកម្មការគ្រប់គ្រងធនធានទឹកចម្រុះអាងស្ទឹងសែន បានរៀបចំកិច្ចប្រជុំសន្និបាតប្រចាំឆ្នាំរបស់គណៈកម្មការគ្រប់គ្រងធនធនធានទឹកចម្រុះនៃអាងស្ទឹងសែនឆ្នាំ២

2024-12-14T10:46:01+00:00

នាថ្ងៃព្រហស្បតិ៍ ១២កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវថ្ងៃទី១២ ខែធ្នូ ឆ្នាំ២០២៤ នៅសាលប្រជុំសាលាខេត្តព្រះវិហារ ឯកឧត្តម លឹម ពុយ អនុប្រធានអាជ្ញាធរទន្លេសាប និងជាប្រធានក្រុមការងារគម្រោងគ្រប់គ្រងធនធានទឹកចម្រុះនៃអាងស្ទឹងសែន បានអញ្ជើញដឹកនាំកិច្ចប្រជុំសន្និបាតប្រចាំឆ្នាំរបស់គណៈកម្មការគ្រប់គ្រងធនធនធានទឹកចម្រុះនៃអាងស្ទឹងសែនឆ្នាំ២០២៤ រួមជាមួយឯកឧត្តម ស៊ិន វិសិទ្ធ អនុរដ្ឋលេខាធិការ ក្រសួងធនធានទឹក និងឧតុនិយម ឯកឧត្តម ជា សុខនីអគ្គលេខាធិការរងនៃអាជ្ញាធរទន្លេសាប ឯកឧត្តម ព្រឹម រដ្ឋា ប្រធានក្រុមប្រឹក្សាភិបាល និងឯកឧត្តម អ៊ុក គឹមសាន្ត អនុប្រធានក្រុមប្រឹក្សាភិបាលនៃគណៈកម្មការគ្រប់គ្រងធនធានទឹកចម្រុះនៃអាងស្ទឹងសែន សមាជិក សមាជិកានៃក្រុមការងារប្រតិបត្តិគ្រប់គ្រងធនធានទឹកចម្រុះនៃអាងស្ទឹងសែន ព្រមទាំងអង្គការដៃគូរបស់គម្រោងស្ទឹងសែនរួមមាន អង្គការក្រៅរដ្ឋាភិបាលបារាំង GESCOD HAMAP GRET និងអង្គការទឹកភ្លៀងកម្ពុជា និងសមាគមទឹកស្អាតអាងស្ទឹងសែន សរុបអ្នកចូលរួម ៥៦នាក់ (ស្រី ១០នាក់)។

សន្និបាតប្រចាំឆ្នាំ មានគោលបំណង៖
១- បូកសរុបលទ្ធផលការងារឆ្នាំ 2024 ដោយមានធ្វើបទបង្ហាញ (i) សេចក្តីរាយការណ៍សង្ខេបអំពីការសិក្សា តាមដានរបស់ក្រុមការងារចំនួន 3 គឺ ផ្នែកទឹកស្អាត និងសុខុមាលភាព, ធនធានទឹក និងកសិកម្ម និងផ្នែកបរិស្ថាន, (ii) វឌ្ឍនភាពដំណើរការរបស់គម្រោង ឆ្នាំ2024 និងសកម្មភាពដែលត្រូវអនុវត្តនៅឆ្នាំ 2025-2026
២- វឌ្ឍនភាពរបស់គម្រោងអភិវឌ្ឍន៍ក្នុងការសាងសង់ស្ថានីយផ្គត់ផ្គង់ទឹកស្អាតក្នុងអាងស្ទឹងសែនដែលជាជំនួយឥតចំណងរបស់ទីភ្នាក់ងារទឹកបារាំង Rhin-Meuse និង Loire-Bretagne ដែលទទួលអនុវត្តដោយអង្គការក្រៅរដ្ឋាភិបាលបារាំង និងសមាគមទឹកស្អាតអាងស្ទឹងសែន ព្រមទាំងបញ្ហាប្រឈម
៣- បទបង្ហាញស្តីពីគម្រោងកិច្ចការពារតំបន់អភិរក្សបរិស្ថាន និងតំបន់អភិរក្សធនធានត្រីនៃទំនប់អាងទឹករក្សា
៤- ផ្សព្វផ្សាយ និងប្រគល់សៀវភៅស្តីពីការគ្រប់គ្រងធនធានទឹកចម្រុះនៅព្រះរាជាណាចក្រកម្ពុជា-លើអាងស្ទឹងគម្រូស្ទឹងសែន-បទពិសោធន៍លើកិច្ចសហប្រតិបត្តិការភាពជាដៃគូរវាងភាគីបារាំង និងភាគីកម្ពុជារយៈពេល 10ឆ្នាំ
៥- ការបោះឆ្នោតជ្រើសរើសសមាសភាពក្នុងការបង្កើតក្រុមការងារទី 3 ផ្នែកបរិស្ថាន
៦- បោះឆ្នោតសម្រេចលើសកម្មភាពដែលត្រូវអនុវត្តនៅឆ្នាំ 2025-2026៕

ឯកឧត្តម ហ៊ែល តូនី អនុប្រធានក្តាប់រួមដឹកនាំកិច្ចប្រជុំពិភាក្សាពង្រឹងការងារក្នុងការចូលរួមការគ្រប់គ្រង និងការប្រើប្រាស់ដីធ្លី និងធនធានធម្មជាតិតំបន់បឹងទន្លេសាប

2024-12-12T07:04:41+00:00

អាជ្ញាធរទន្លេសាប : នាព្រឹកថ្ងៃពុធ ១១ កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សា ជាមួយ អគ្គលេខាធិការ អគ្គលេខាធិការរង ប្រធាននាយកដ្ឋានក្រោមឱវាទអគ្គលេខាធិការនៃអាជ្ញាធរទន្លេសាប និងប្រធានមន្ទីរធនធានទឹក និងឧតុនិយម និងជាប្រធានជនបង្គោលរបស់អាជ្ញាធរទន្លេសាបប្រចាំខេត្តទាំង ៨ ជុំវិញតំបន់ទន្លេសាប (ខេត្តកំពង់ឆ្នាំង, ពោធិ៍សាត់, បាត់ដំបង, បន្ទាយមានជ័យ, សៀមរាប, កំពង់ធំ, កណ្តាល និងខេត្តកំពង់ចាម) ដើម្បីពង្រឹងការងារក្នុងការចូលរួមការគ្រប់គ្រង និងការប្រើប្រាស់ដីធ្លី និងធនធានធម្មជាតិតំបន់បឹងទន្លេសាប រួមមាន :
១. យន្តការការងាររដ្ឋបាល និងកិច្ចសហការការងារ
២. ការចុះផ្សព្វផ្សាយ និងណែនាំ
៣. វិធានការសកម្មភាពការងារចុះអធិការកិច្ច និងសេចក្តីរាយការណ៍
៤. ការស្រាវជ្រាវ ការគិតគូរពីការអភិវឌ្ឍន៍ និងវិធានការពារតំបន់បឹងទន្លេសាប និងតំបន់ពាក់ព័ន្ធ៕

ឯកឧត្តម ហ៊ែល តូនី អនុប្រធានក្តាប់រួមបានអញ្ជើញជាអធិបតីដឹកនាំកិច្ចប្រជុំផ្សព្វផ្សាយ អំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប

2024-12-09T22:47:07+00:00

ខេត្តកំពង់ឆ្នាំង : នាព្រឹកថ្ងៃចន្ទ ៩ កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប និងឯកឧត្តម ស៊ុន សុវណ្ណារិទ្ធ អភិបាល នៃគណៈអភិបាលខេត្តកំពង់ឆ្នាំង បានអញ្ជើញជាអធិបតីដឹកនាំកិច្ចប្រជុំផ្សព្វផ្សាយ អំពីវិធានការនៃការចូលរួមការពារ ទប់ស្កាត់ និងគ្រប់គ្រងតំបន់បឹងទន្លេសាប ដល់មន្ទីរអង្គភាពជំនាញ កងកម្លាំងសមត្ថកិច្ច អាជ្ញាធរដែនដី និងអ្នកពាក់ព័ន្ធផ្ទាល់ជាមួយតំបន់បឹងទន្លេសាបទាំងក្នុងកម្រិតថ្នាក់ខេត្ត និងថ្នាក់មូលដ្ឋាននៃខេត្តកំពង់ឆ្នាំង ដើម្បីយកទៅផ្សព្វផ្សាយបន្តទៅដល់ប្រជាពលរដ្ឋ និងសហគមន៍មូលដ្ឋាន ក្នុងការធានាបាននូវប្រសិទ្ធភាពការចូលរួមអនុវត្តដល់ការគ្រប់គ្រង និងការប្រើប្រាស់ដីធ្លី និងធនធានធម្មជាតិក្នុងតំបន់បឹងទន្លេសាប ប្រកបដោយចីរភាព និងនិរន្តរភាព ស្របតាមអនុសាសន៍ណែនាំដ៏ខ្ពង់ខ្ពស់បំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសគោរពប្រតិបត្តិឱ្យបានគ្រប់ជ្រុងជ្រោយរាល់ខ្លឹមសារសំខាន់ៗបានកំណត់នៅក្នុងច្បាប់ និងបទដ្ឋានគតិយុត្តិពាក់ព័ន្ធ ក្នុងស្មារតីសហការទទួលខុសត្រូវ ដើម្បីចូលរួមលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភាជាតិ ។

សូមជម្រាបថា សមាសភាព ដែលបានអញ្ជើញចូលរួមក្នុងកិច្ចប្រជុំផ្សព្វផ្សាយ បានរៀបចំឡើងនៅសាលាខេត្តកំពង់ឆ្នាំង រួមមាន : ឯកឧត្តម លោក លោកស្រីតំណាងមកពីក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, ក្រសួងមហាផ្ទៃ, ក្រសួងបរិស្ថាន, ប្រធានក្រុមប្រឹក្សាខេត្ត, នាយករដ្ឋបាលសាលាខេត្ត, ក្រុង/ស្រុក, ឃុំ/សង្កាត់, ប៉ុស្តិ៍នគរបាលរដ្ឋបាលគ្រប់ឃុំ-សង្កាត់ដែលពាក់ព័ន្ធ, មន្ទីរធនធានទឹក និងឧតុនិយមខេត្ត, មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត, មន្ទីរកសិកម្មរុក្ខាប្រមាញ់ និងនេសាទខេត្ត, មន្ទីរបរិស្ថានខេត្ត, បញ្ជាការតំបន់ប្រតិបត្តិការសឹករងខេត្ត, បញ្ជាការកងរាជអាវុធហត្ថខេត្ត, ស្នងការដ្ឋាននគរបាលខេត្តកំពង់ឆ្នាំង, ព្រមទាំងថ្នាក់ដឹកនាំ និងមន្ត្រីបច្ចេកទេសនៃអគ្គលេខាធិការ អាជ្ញាធរទន្លេសាប៕

ឯកឧត្តម ហ៊ែល តូនី អនុប្រធានក្តាប់រួមដឹកនាំកិច្ចប្រជុំពិភាក្សាការងារបច្ចេកទេសជាមួយថ្នាក់ដឹកនាំ និងមន្ត្រីបច្ចេកទេសនៃក្រសួងជំនាញលើប្រសិទ្ធភាពនៃការកំណត់បែងចែកការគ្រប់គ្រង និងការប្រើប្រាស់ដីក្នុងតំបន់បឹងទន្លេសាប

2024-12-07T13:22:06+00:00

អាជ្ញាធរទន្លេសាប : ព្រឹកថ្ងៃសុក្រ ៦ កើត ខែមិគសិរ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម តំណាងដ៏ខ្ពង់ខ្ពស់ ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សាការងារបច្ចេកទេស ជាមួយថ្នាក់ដឹកនាំ និងមន្ត្រីបច្ចេកទេសនៃក្រសួងជំនាញរួមមាន : ក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, ក្រសួងបរិស្ថាន និងអគ្គលេខាធិការដ្ឋានអាជ្ញាធរទន្លេសាប ដើម្បីពិនិត្យ ពិភាក្សា និងពិគ្រោះយោបល់លើប្រសិទ្ធភាពនៃការកំណត់បែងចែកការគ្រប់គ្រង និងការប្រើប្រាស់ដីក្នុងតំបន់បឹងទន្លេសាប រួមជាមួយទិសដៅអនុវត្តការងារបន្ត ដើម្បីជម្រុញការអនុវត្តការងារបច្ចេកទេស ក្នុងការធានាបាននូវការការពារ ថែរក្សា ទប់ស្កាត់ និងគ្រប់គ្រងតំបន់បឹងទន្លេសាប ប្រកបដោយចីរភាព និងនិរន្តរភាព ស្របតាមអនុសាសន៍ណែនាំដ៏ថ្លៃថ្លាបំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តសម្រាប់ឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ កាលពីថ្ងៃទី ២៦ ខែវិច្ឆិកា ឆ្នាំ ២០២៤ ។

សូមជម្រាបថា បន្ទាប់ពីក្រសួងស្ថាប័នជំនាញ បានធ្វើបទបង្ហាញលក្ខណៈបច្ចេកទេស និងពិភាក្សាពិគ្រោះយោបល់ដោយយកចិត្តទុកដាក់បំផុត ។ កិច្ចប្រជុំ បានឯកភាពគ្នាចាត់តាំងមន្ត្រីបច្ចេកទេសពីក្រសួងស្ថាប័នជំនាញទាំង ៥ បន្តសហការធ្វើការរួមគ្នាក្នុងការពិនិត្យ និងផ្ទៀងផ្ទាត់នូវចំណុចខ្វះខាតបែបលក្ខណៈបច្ចេកទេស និងលើកយោបល់ជូនថ្នាក់ដឹកនាំ ពិនិត្យ និងសម្រេច ដើម្បីប្រសិទ្ធភាពការងារគ្រប់គ្រង និងការប្រើប្រាស់ដីធ្លី និងធនធានធម្មជាតិតំបន់បឹងទន្លេសាប ៕

ឯកឧត្តម ហ៊ែល តូនី អនុប្រធានក្តាប់រួម បានដឹកនាំប្រជុំពិភាក្សាអំពីការប្រមូលចងក្រង និងរៀបចំបោះពុម្ពសៀវភៅសមិទ្ធិផលសិក្សាស្រាវជ្រាវរបស់អាជ្ញាធរទន្លេសាប

2024-12-02T23:07:22+00:00

អាជ្ញាធរទន្លេសាប : បន្ទាប់ពីទទួលបានការណែនាំដ៏ខ្ពង់ខ្ពស់ពី ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ក្នុងការប្រមូលចងក្រង និងរៀបចំបោះពុម្ពសៀវភៅសមិទ្ធិផលសិក្សាស្រាវជ្រាវរបស់អាជ្ញាធរទន្លេសាប អំពីចំនួនប្រភេទត្រី, បក្សីទឹក, ព្រៃលិចទឹក, ល្មូន រួមជាមួយជីវចម្រុះគ្រប់ប្រភេទដែលមាននៅក្នុងតំបន់បឹងទន្លេសាប នៅថ្ងៃចន្ទ ២កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០២ ខែធ្នូ ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម បានដឹកនាំប្រជុំពិភាក្សាជាមួយ ឯកឧត្តមសាស្ត្រាចារ្យអនុប្រធាន ឯកឧត្តមអគ្គលេខាធិការ និងប្រធាននាយកដ្ឋានជំនាញបច្ចេកទេស ដើម្បីពិនិត្យលើរបកគំហើញនៃការស្រាវជ្រាវ និងយន្តការបែបបទបច្ចេកទេស ក្នុងការរៀបចំឱ្យស្របតាមលក្ខណៈវិទ្យាសាស្ត្របច្ចេកទេស ដែលអាចផ្សព្វផ្សាយ និងយកទៅប្រើប្រាស់ជាផ្លូវការបាន សម្រាប់ធ្វើជាមូលដ្ឋានដល់អ្នកសិក្សា និងអ្នកស្រាវជ្រាវ ជាពិសេសដើម្បីជាមូលដ្ឋានក្នុងការរៀបចំផែនការ ចូលរួមថែរក្សាការពារ អភិរក្ស និងគ្រប់គ្រងធនធានទាំងអស់នេះ ប្រកបដោយចីរភាព និងនិរន្តរភាព ៕

សកម្មភាពចុះសិក្សាស្រាវជ្រាវ អំពីផលនេសាទ តាមរយៈការធ្វើអាជីវកម្មឡូត៍ដាយនៅតាមដងទន្លេសាប

2024-12-02T14:06:38+00:00

អាជ្ញាធរទន្លេសាប : បន្ទាប់ពីទទួលបានការណែនាំដ៏ខ្ពង់ខ្ពស់ពី ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប លើការចុះសិក្សាស្រាវជ្រាវ អំពីផលនេសាទ តាមរយៈការធ្វើអាជីវកម្មឡូត៍ដាយនៅតាមដងទន្លេសាប នារដូវបើកនេសាទ នៅថ្ងៃអាទិត្យ ១កើត ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០១ ខែធ្នូ ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប អមដោយអគ្គលេខាធិការរង ប្រធាននាយកដ្ឋាន និងមន្ត្រីបច្ចេកទេស បានចុះតាមគន្លងដាយនីមួយៗដែលបានកំណត់ជ្រើសរើស គឺគន្លងដាយលេខ៣C. ៨H. ១១A. ១៣A. ១៤A. ១៥B. ១៥D ដើម្បីពិនិត្យមើលពីស្ថានភាពទូទៅលើការធ្វើអាជីវកម្មឡូត៍ដាយក្នុងភូមិសាស្ត្ររាជធានីភ្នំពេញ និងខេត្តកណ្តាល ព្រមទាំងបានចាត់ក្រុមការងារប្រចាំការរយ:ពេល ១៥ថ្ងៃ ពីថ្ងៃទី០១ ដល់ថ្ងៃទី១៥ ខែធ្នូ ឆ្នាំ២០២៤។

សូមជម្រាបថា ការសិក្សាតាមឡូត៍ដាយ និងក្រៅឡូត៍ដាយ គឺមានគោលបំណងតាមដានពីបម្រែបម្រួលទន្និផលផលនេសាទធនធានត្រី រួមទាំងទំហំ និងប្រភេទត្រីចេញពីបឹងទន្លេសាប ដែលចាប់បានដោយឡូត៍ដាយ និងការនេសាទដោយឧបករណ៍ផ្សេងទៀត ។

ជារួមការចុះសិក្សានេះ នឹងអនុវត្តន៍ ដូចខាងក្រោម :
១- តាមដានបរិមាណផលចាប់
២- តាមដានភាពសម្បូរបែប នៃប្រភេទត្រី
៣- តាមដានការកែច្នៃ និងចរន្តទីផ្សារលើផលនេសាទពីអាជីវកម្មឡូត៍ដាយ ៕

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស បានបន្តចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប

2024-12-02T13:43:21+00:00

កាលពីថ្ងៃចន្ទ ១០រោច ដល់ថ្ងៃព្រហស្បតិ៍ ១៣រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៥ ដល់ថ្ងៃទី ២៨ ខែ វិច្ឆិកា ឆ្នាំ២០២៤ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស បានបន្តចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រតាមដងស្ទឹងពោធិ៍សាត់ ក្នុងខេត្តពោធិ៍សាត់ និងដងស្ទឹងសង្កែ ក្នុងខេត្តបាត់ដំបង។

សកម្មភាពខាងលើនេះ មានគោលបំណង៖
- តាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍នេសាទក្នុងទីតាំងសិក្សា។
- បច្ចុប្បន្នភាពប្រភេទ និងលក្ខណៈជីវសាស្ត្រធនធានជលផលតាមប្រភេទទីជម្រក ចំណី និងបរិស្ថានទឹក។ (វាយតម្លៃបឋមលើគុណភាពទឹកតាមទីតាំងចុះសិក្សា)
- វាយតម្លៃប្រភេទធនធានជលផលនៅតាមដងទន្លេសាប (កណ្តាល-ភ្នំពេញ-កំពង់ឆ្នាំង) នៅឡូត៍ដាយត្រី និងតំបន់ពាក់ព័ន្ធ
- វាយតម្លៃលើការបន្លាស់ទីធនធានជលផលតាមស្ទឹង និងលក្ខណៈជីវសាស្ត្ររបស់ត្រី និងក្រៅពីត្រី៕

ឯកឧត្តម សរ គឹមសាន្ត អគ្គលេខាធិការ បានទទួលជួបពិភាក្សាការងារបង្កើនកិច្ចសហប្រតិបត្តិការ ជាមួយប្រតិភូតំណាងការិយាល័យជលសាស្ត្រ នៃគណៈកម្មការធនធានទឹក Changjaing នៃសាធារណៈរដ្ឋប្រជាមានិតចិន

2024-12-02T13:29:10+00:00

អាជ្ញាធរទន្លេសាប : រសៀលថ្ងៃទី២៩ ខែវិច្ឆិកា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ តំណាងដ៏ខ្ពង់ខ្ពស់ ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ដែលអមដោយឯកឧត្តមអគ្គលេខាធិការរង និងមន្ត្រីនាយកដ្ឋានបច្ចេកទេស នៃអគ្គលេខាធិការដ្ឋាន អាជ្ញាធរទន្លេសាប បានទទួលជួបពិភាក្សាការងារបង្កើនកិច្ចសហប្រតិបត្តិការ ជាមួយប្រតិភូតំណាងការិយាល័យជលសាស្ត្រ នៃគណៈកម្មការធនធានទឹក Changjaing ក្រសួងធនធានទឹក នៃសាធារណៈរដ្ឋប្រជាមានិតចិន ដឹកនាំដោយលោក Wang Zhifei នាយករងការិយាល័យជលសាស្ត្ររបស់គណៈកម្មការធនធានទឹក Changjaing ។

សូមជម្រាបថា កិច្ចជំនួបពិភាក្សាការងារនេះ បានឈានដល់ការយោគយល់គ្នាដូចខាងក្រោម :
១/. មូលដ្ឋានទស្សនទានសំខាន់ៗក្នុងការពង្រឹងកិច្ចសហប្រតិបត្តិការយូរអង្វែងរវាងភាគីទាំងពីរ (អាជ្ញាធរទន្លេសាប និងការិយាល័យជលសាស្ត្រនៃគណៈកម្មការធនធានទឹក Changjaing)
២/. ការចុះទស្សនកិច្ចសិក្សារួមគ្នាពិនិត្យទីតាំងអនុវត្តគម្រោងនៅតំបន់បឹងទន្លេសាប ចាប់ពីថ្ងៃទី២៩ ខែវិច្ឆិកា ដល់ថ្ងៃទី៤ ខែធ្នូ ឆ្នាំ២០២៤
៣/. ការត្រៀមចុះហត្ថលេខាអនុស្សរណ:នៃការយោគយល់គ្នា Letter of Intent for Cooperation in Hydro-meteological Monitoring and Management Capacity Building in Tonle Sap Basin
៤/. ការធ្វើបច្ចុប្បន្នភាពវេទិកា (កម្មវិធីប្រព័ន្ធ) សម្រាប់គម្រោង “ការសង្កេត និងបញ្ជូនទិន្នន័យធនធានទឹកក្នុងអាងទន្លេសាប” និងការបណ្តុះបណ្តាល ស្តីពីប្រតិបត្តិការ និងថែទាំប្រព័ន្ធ៕

ឯកឧត្តម សរ គឹមសាន្ត អគ្គលេខាធិការ បានទទួលជួបពិភាក្សាការងារបង្កើនកិច្ចសហប្រតិបត្តិការ ជាមួយប្រតិភូតំណាងការិយាល័យជលសាស្ត្រ នៃគណៈកម្មការធនធានទឹក Changjaing នៃសាធារណៈរដ្ឋប្រជាមានិតចិន

2024-12-02T13:29:10+00:00

ឯកឧត្តម ហ៊ែល តូនី អនុប្រធានក្តាប់រួម អញ្ជើញដឹកនាំប្រជុំក្រុមការងារទទួលបន្ទុកផ្សព្វផ្សាយច្បាប់បទដ្ឋានគតិយុត្ត ព័ត៌មាន និងចំណេះដឹងពាក់ព័ន្ធ

2024-11-29T00:15:27+00:00

អាជ្ញាធរទន្លេសាប : ព្រឹកថ្ងៃទី ២៨ ខែវិច្ឆិកា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អញ្ជើញដឹកនាំប្រជុំក្រុមការងារទទួលបន្ទុកផ្សព្វផ្សាយច្បាប់បទដ្ឋានគតិយុត្ត ព័ត៌មាន និងចំណេះដឹងពាក់ព័ន្ធ ដើម្បីពិភាក្សាលើការរៀបចំឯកសារ និងយន្តការការងារចុះផ្សព្វផ្សាយទៅដល់អាជ្ញាធរដែនដី និងអ្នកពាក់ព័ន្ធទាំងថ្នាក់ខេត្ត និងថ្នាក់មូលដ្ឋាននៃខេត្តទាំង ៦ ជុំវិញបឹងទន្លេសាប អំពីការចូលរួមប្រតិបត្តិឱ្យបានមុឺងម៉ាត់នូវ អនុសាសន៍ដ៏ថ្លៃថ្លាបំផុត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជាពិសេសការអនុវត្តច្បាប់ បទដ្ឋានគតិយុត្តលើការគ្រប់គ្រង និងប្រើប្រាស់ដីធ្លី និងធនធានធម្មជាតិ រួមជាមួយគោលការណ៍លក្ខខណ្ឌច្បាស់លាស់ នៃការប្រើប្រាស់ដីតំបន់១ តំបន់២ និងតំបន់៣ ក្នុងតំបន់បឹងទន្លេសាប ដើម្បីធានាប្រសិទ្ធភាពក្នុងការចូលរួមការពារ ថែរក្សា ទប់ស្កាត់ និងគ្រប់គ្រងបរិស្ថាន និងធនធានធម្មជាតិតំបន់បឹងទន្លេសាបប្រកបដោយចីរភាព និងនិរន្តរភាព សម្រាប់កូនចៅជំនាន់ក្រោយៗបន្តទៀត៕

លោក ភេម ស៊ា ទីប្រឹក្សា អាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋាន អាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-11-29T00:04:50+00:00

កាលពីថ្ងៃអង្គារ ១១រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៦ ខែវិច្ឆិកា ឆ្នាំ២០២៤ លោក ភេម ស៊ា ទីប្រឹក្សា អាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋាន អាជ្ញាធរទន្លេសាប បានបន្តចុះសិក្សាស្រាវជ្រាវទៅតាមផែន ការសកម្មភាពការងារប្រចាំឆ្នាំ២០២៤ មានដូចខាងក្រោម:

១.គោលបំណង:
- គ្រប់គ្រងស្ថិតិផលនេសាទតាមបែបវិទ្យា សាស្ត្រដែលបានចូលរួមនៅក្នុងវិស័យ សេដ្ឋកិច្ចជាតិ។
- មានមូលដ្ឋានគ្រឹះគ្រប់គ្រាន់ដើម្បីចូលរួម ជាមតិថ្នាក់ជាតិមានចំណាប់អារម្មណ៍កំ ណត់គោលនយោបាយគ្រប់គ្រងវិស័យជលផលឱ្យមានប្រសិទ្ធភាព និងនិរន្តរ ភាព។
- មានទិន្នន័យសម្រាប់ធ្វើការប្រៀបធៀប ទៅនឹងលទ្ធផលទិន្នន័យពីអតីតកាល។

២-វិធីសាស្ត្រ:
- អ្នកយកទិន្នន័យ(Data collection)
- អង្កេតចំនួនឧបករណ៍នេសាទត្រី (Frame survey)
- យកគំរូតាមប្រភេទឧបករណ៍នេសាទជាលក្ខណ:ចៃដន្យ (Random)
- យកទិន្នន័យហ្វ្រេកង់បណ្តោយ និង បណ្តោយទម្ងន់ត្រីគ្រប់ប្រភេទ(Conducting length frequency and length weight sampling)
- អង្កេតចំនួនឧបករណ៍ចេញនេសាទ (Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើប្រាស់កម្មវិធី (Microsoft Access) ដើម្បីធ្វើការវិភាគទិន្នន័យ។

៣- តំបន់គោលដៅនៃការសិក្សា:នៅចុងខែវិច្ឆិកានេះ មានចំនួន ០៣ តំបន់គឺ: ស្រុកបរិបូរណ៌ ស្រុករលាប្អៀរ និងស្រុកជលគីរី ខេត្តកំពង់ឆ្នាំង៕

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រតាមដងស្ទឹងស្ទោង និងស្ទឹងសែន ក្នុងខេត្តកំពង់ធំ និងដងស្ទឹងសៀម

2024-11-24T16:10:40+00:00

កាលពីថ្ងៃចន្ទ ៣រោច ដល់ថ្ងៃព្រហស្បតិ៍ ៦រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ដល់ថ្ងៃទី ២១ ខែ វិច្ឆិកា ឆ្នាំ២០២៤ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រតាមដងស្ទឹងស្ទោង និងស្ទឹងសែន ក្នុងខេត្តកំពង់ធំ និងដងស្ទឹងសៀមរាប ក្នុងខេត្តសៀមរាប។

សកម្មភាពខាងលើនេះ មានគោលបំណង៖
- តាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍នេសាទក្នុងទីតាំងសិក្សា
- បច្ចុប្បន្នភាពប្រភេទ និងលក្ខណៈជីវសាស្ត្រធនធានជលផលតាមប្រភេទទីជម្រក ចំណី និងបរិស្ថានទឹក។ (វាយតម្លៃបឋមលើគុណភាពទឹកតាមទីតាំងចុះសិក្សា)
- វាយតម្លៃប្រភេទធនធានជលផលនៅតាមដងទន្លេសាប (កណ្តាល-ភ្នំពេញ-កំពង់ឆ្នាំង) នៅឡូត៍ដាយត្រី និងតំបន់ពាក់ព័ន្ធ
- វាយតម្លៃលើការបន្លាស់ទីធនធានជលផលតាមស្ទឹង និងលក្ខណៈជីវសាស្ត្ររបស់ត្រី និងក្រៅពីត្រី៕

ក្រុមការងារមន្ត្រីការិយាល័យសម្របសម្រួលវិវាទ បន្តអនុវត្តសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ខេត្តកំពង់ធំ

2024-11-23T13:20:04+00:00

នាថ្ងៃសុក្រ ៧ រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២២ ខែវិច្ឆិកា ឆ្នាំ២០២៤ ក្រុមការងារមន្ត្រីការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានបន្តចុះអនុវត្តសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ ដោយបានធ្វើការជួបពិភាក្សាជាមួយតំណាងអង្គភាពជំនាញពាក់ព័ន្ធ រដ្ឋបាលស្រុកសន្ទុក អាជ្ញាធរមូលដ្ឋាន រួមនឹងសហគមន៍នេសាទតាមុនមានលាភ ស្ថិតនៅក្នុងភូមិសាស្ត្រឃុំព្នៅ ស្រុកសន្ទុក ខេត្តកំពង់ធំ ។

សូមជម្រាបជូនថា តាមរយ:ការចុះអនុវត្តសកម្មភាពនេះបានឱ្យឃើញថា បច្ចុប្បន្នសម្ពាធនៃកំណើនប្រជាជន និងតម្រូវការជីវភាពរបស់ប្រជាជនក្នុងការទាញយកផលប្រយោជន៍ពីធនធានធម្មជាតិ បាន និងកំពុងជះឥទ្ធិពលមកលើធនធានធម្មជាតិជាន់នឹងតំបន់បឹងទន្លេសាប ក៏បានបង្កឡើងនូវទំនាស់/វិវាទផលប្រយោជន៍ ជាអាទិ៍ :សកម្មភាពប្រើប្រាស់នូវប្រភេទឧបករណ៍នេសាទខុសច្បាប់ ការរំលោភបំពានដីតំបន់ទ្រនាប់ (តំបន់២) និងដីចំណីបឹងសាធារណៈរបស់រដ្ឋ ការប្រើប្រាស់ថ្នាំបំពុលសម្លាប់សត្វល្អិត និងជីគីមីកសិកម្មគ្មានស្ដង់ដារបច្ចេកទេសត្រឹមត្រូវ និងការចោលកាកសំណល់ (សម្បកថ្នាំ/ជីគីមី) ចូលក្នុងប្រភពទឹកពាលវាលពាសកាល រួមនឹងបញ្ហាវិវាទនៃក្នុងទាញយកទឹកមកស្រោចស្រពក្នុងវិស័យកសិកម្ម ជាដើម ដែលហេតុបង្កឱ្យមានផលប៉ះពាល់មកលើធនធានធម្មជាតិ និងដែនព្រៃលិចទឹកក្នុងភូមិសាស្ត្រឃុំព្នៅ ស្រុកសន្ទុក ខេត្តកំពង់ធំ។

សូមបញ្ជាក់ជូនថាៈ សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ដើម្បីជួបពិភាក្សា និងប្រមូលទិន្នន័យ-ព័ត៌មាន និងផ្សព្វផ្សាយបញ្ជ្រាបខ្លឹមសារអនុក្រឹត្យលេខ ៨៣ (ការកំណត់ និងសិទ្ធិអាស្រ័យផលដីតំបន់២) ក្នុងគោលបំណងបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធានធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព ៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញទស្សនកិច្ចសិក្សា ក្រុមហ៊ុនផលិតដ្រូននៅទីក្រុង Wuxi នៃសាធារណៈរដ្ឋប្រជាមានិតចិន

2024-11-17T08:54:49+00:00

នៅថ្ងៃសុក្រ ១៥ កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៤ នេះ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រី និងជាប្រធានអាជ្ញាធរទន្លេសាប បានដឹកនាំគណៈប្រតិភូអគ្គលេខាធិការដ្ឋាន អ.ទ.ស ធ្វេីទស្សនកិច្ចសិក្សានៅ ក្រុមហ៊ុនផលិតដ្រូន នាទីក្រុង Wuxi នៃសាធារណៈរដ្ឋប្រជាមានិតចិន។

សូមជម្រាបជូនថា តបតាមការអញ្ជើញផ្ទាល់របស់ក្រុមហ៊ុនក្នុងការធ្វើទស្សនកិច្ចសិក្សានៅរោងចក្រក្នុងពេលឯកឧត្តមកំពុងចូលរួមសន្និសីទអន្តរជាតិ Taihu ស្តីពីការគ្រប់គ្រងទឹកបឹងTaihu ឯកឧត្តមបានផ្តល់កិត្តិយសអញ្ជើញជួបពិភាក្សាការងារ និងធ្វេីទស្សនកិច្ចសិក្សានៅក្នុងក្រុមហ៊ុន និងរោងចក្រផ្ទាល់ ។

ការអញ្ជើញទស្សនកិច្ចសិក្សានេះដែរគឺមានគោលបំណង ៖
១). សិក្សាស្វែងយល់បច្ចេកវិទ្យា និងផលិតផលថ្មីៗរបស់ក្រុមហ៊ុនក្នុងការបំពេញតម្រូវការក្នុងកិច្ចការពារថែរក្សាតំបន់បឹងទន្លេសាប និងតំបន់ពាក់ព័ន្ធ
២). ពិភាក្សាពីការប្រើបច្ចេកវិទ្យាបញ្ញាសិប្បនិម្មិតAI (Artificial Intelligence) រួម និងដ្រូន ដើម្បីរកដំណោះស្រាយចំពោះបញ្ហាប្រឈមដែលកំពុងកើតមាននៅក្នុងតំបន់បឹងទន្លេសាប
៣). ផ្លាស់ប្តូរបទពិសោធន៍ និងពង្រឹងកិច្ចសហការណ៍ការងារបន្ថែម។

ជាមួយគ្នានោះដែរ ឯកឧត្តម ហ៊ែល តូនី បានដឹកនាំគណៈប្រតិភូអគ្គលេខាធិការដ្ឋានអាជ្ញាធរទន្លេសាប ប្រជុំពិភាក្សាការងារជាមួយថ្នាក់ដឹកនាំក្រុមហ៊ុន ដោយបានធ្វើបទបង្ហាញរួមពីគម្រោងគាំពារអភិរក្សបឹងទន្លេសាប និងបច្ចេកវិទ្យាថ្មីៗរបស់ក្រុមហ៊ុន ពិភាក្សាពិគ្រោះយោបល់ ចែករំលែកផ្លាស់ប្តូរបទពិសោធន៍ការងារទៅវិញទៅមកក្នុងបរិយាកាសរីករាយនិងស្និទ្ធស្នាលបំផុត។

ទន្ទឹមនោះដែរក្រុមហ៊ុនក៏មានបំណងចង់មកស្វែងយល់បន្ថែមពីស្ថានភាពភូមិសាស្ត្រតំបន់បឹងទន្លេសាប និងតំបន់ការពារពាក់ព័ន្ធ របស់អាជ្ញាធរទន្លេសាប ហើយឯកឧត្តមក៏បានស្នើថ្នាក់ដឹកនាំក្រុមហ៊ុនពិនិត្យលទ្ធភាពពេលវេលាមកធ្វើទស្សនកិច្ចសិក្សានាពេលខាងមុខ៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញទស្សនកិច្ចសិក្សា ក្រុមហ៊ុនផលិតដ្រូននៅទីក្រុង Wuxi នៃសាធារណៈរដ្ឋប្រជាមានិតចិន

2024-11-17T08:54:49+00:00

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អញ្ជើញចូលរួមសន្និសីទអន្តរជាតិ Taihu ស្តីពីការគ្រប់គ្រងទឹកបឹង (InConTaihu) នៅទីក្រុង Wuxi នៃសាធារណៈរដ្ឋប្រជាមានិតចិន

2024-11-17T08:37:57+00:00

នៅថ្ងៃពុធ ១២កើត ដល់ថ្ងៃព្រហស្បតិ៍ ១៣កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣-១៤ ខែវិច្ឆិកា ឆ្នាំ២០២៤ នេះ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រី និងជាប្រធានអាជ្ញាធរទន្លេសាប បានដឹកនាំគណៈប្រតិភូអគ្គលេខាធិការដ្ឋាន អ.ទ.ស ចូលរួមសន្និសីទអន្តរជាតិ Taihu ស្តីពីការគ្រប់គ្រងទឹកបឹង (InConTaihu) ដែលនឹងប្រព្រឹត្តទៅចាប់ពីថ្ងៃទី ១៣ ដល់ថ្ងៃទី ១៤ ខែវិច្ឆិកា ឆ្នាំ២០២៤ នៅទីក្រុង Wuxi នៃសាធារណៈរដ្ឋប្រជាមានិតចិន។

សូមជម្រាបជូនថា កម្មវិធីសន្និសីទអន្តរជាតិ លើប្រធានបទ "អាងបៃតង និងទឹកឆ្លាតវៃ" InConTaihu ស្វែងរកការកសាងសមត្ថភាពសម្រាប់សន្តិសុខទឹកនៅក្នុងអាងទឹក Taihu និងអាងទឹកផ្សេងទៀតនៅទូទាំងពិភពលោក ក្នុងនោះក៏មានអាងទន្លេសាបផងដែរ។ សន្និសីទនេះមានប្រធានបទបច្ចេកទេសសំខាន់ៗមួយចំនួន ៦ នឹងមានវគ្គបទបង្ហាញជាច្រើនពីអ្នកវិទ្យាសាស្ត្រវ័យក្មេង។

គោលបំណងនៃសន្និសីទអន្តរជាតិនេះគឺ
• ផ្តល់នូវវេទិកាមួយដើម្បីដោះស្រាយទាំងបញ្ហាប្រឈមទឹកជាប្រវត្តិសាស្ត្រ និងដែលកំពុងកើតមាននៅក្នុងបរិយាកាសផ្លាស់ប្តូរ
• ផ្លាស់ប្តូរបទពិសោធន៍ ចែករំលែកការរកឃើញនៃការស្រាវជ្រាវ និងរួមចំណែកដល់ការពិភាក្សា ស្តីពីការគ្រប់គ្រងទឹកបឹងសម្រាប់អនាគតប្រកបដោយចីរភាព ពីអ្នកជំនាញ អ្នកស្រាវជ្រាវ អ្នកបង្កើតគោលនយោបាយ និងអ្នកជំនាញទូទាំងពិភពលោក
• ដើម្បីជំរុញកិច្ចសហប្រតិបត្តិការក្រោមបញ្ហាប្រឈមជាច្រើន នៃសន្តិសុខទឹកនៅក្នុងពិភពលោកដែលកំពុងផ្លាស់ប្តូរ។

ក្នុងឱកាសនោះ ឯកឧត្តម ហ៊ែល តូនី តំណាងឯកឧត្តមប្រធាន អ.ទ.ស ត្រូវបានបានអញ្ជើញចូលរួម ពិភាក្សាពិគ្រោះយោបល់ ចែករំលែកបទពិសោធន៍ការងារគ្រប់គ្រងអាងទន្លេសាប ការស្រាវជ្រាវ និងពិភាក្សាពីសារៈសំខាន់ក្នុងការដោះស្រាយបញ្ហាទឹកជាមួយវាគ្មិនកិត្តិយសពីស្ថាប័នគ្រប់គ្រងអាងទឹកក្នុងនៃសាធារណៈរដ្ឋប្រជាមានិតចិន និងស្ថាប័នសិក្សាស្រាវជ្រាវជុំវិញពិភពលោកផងដែរ។

ជាមួយគ្នានោះដែរ ឯកឧត្តម និងប្រតិភូអគ្គលេខាធិការដ្ឋាន បានចូលរួមចុះធ្វើទស្សនកិច្ចសិក្សាអំពីបទពិសោធន៍នៃការគ្រប់គ្រង ការស្តាឡើងវិញ និងការអភិវឌ្ឍន៍ បឹងថៃហ៊ូ (Taihu) ដែលប្រកបដោយប្រសិទ្ធភាព និងនវានុវត្តន៍ខ្ពស់ នៅមន្ទីរពិសោធន៍ទឹក ស្ថានីយគ្រប់គ្រងទឹក និងមជ្ឍមណ្ឌលម៉ូដែលជលសាស្ត្រ។ ជាការឆ្លើយតបថ្នាក់ដឹកនាំទាំងអស់បានវាយតម្លៃខ្ពស់ កិច្ចខិតខំប្រឹងប្រែងរបស់ថ្នាក់ដឹកនាំ អាជ្ញាធរទន្លេសាប រួមទាំងអ្នកជំនាញការបច្ចេកទេស ក្នុងការចួលរួមចែករំលែកបទពិសោធន៍ល្អៗក្នុងសន្និសីទអន្តរជាតិនេះ។

ផ្សារភ្ជាប់ដំណើរទស្សនកិច្ចនេះ ឯកឧត្តមមានជំនួបពិភាក្សាការងារជាមួយវិទ្យាស្ថានស្រាវជ្រាវជលសាស្ត្រណានជីង (NHRI)និងអាជ្ញាធរបឹងTaihu (TBA) ដើម្បីពង្រឹងកិច្ចសហប្រតិបត្តិការ រៀបចំមន្ទីរពិសោធន៍ទឹក ការងារសិក្សាស្រាវជ្រាវ និងបណ្តុះបណ្តាលមន្ត្រីជំនាញ ជាមួយនឹងការរៀបចំចុះអនុសារណៈយោគយល់គ្នា(MOU)នាពេលខាងមុខផងដែរ ៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អញ្ជើញចូលរួមសន្និសីទអន្តរជាតិ Taihu ស្តីពីការគ្រប់គ្រងទឹកបឹង (InConTaihu) នៅទីក្រុង Wuxi នៃសាធារណៈរដ្ឋប្រជាមានិតចិន

2024-11-17T08:37:57+00:00

លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ បានចូលរួមវេទិកាមូសុងជាតិលើកទី១០ នៅសណ្ឋាគារសាន់វេ រាជធានីភ្នំពេញ

2024-11-13T09:32:25+00:00

នៅសណ្ឋាគារសាន់វេ រាជធានីភ្នំពេញ : នាថ្ងៃអង្គារ ១២ កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២ ខែវិច្ឆិកា ឆ្នាំ២០២៤ លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ បានចូលរួមវេទិកាមូសុងជាតិលើកទី១០ សហការរៀបចំ និងសម្របសម្រួលដោយក្រសួងធនធានទឹក និងឧតុនិយម គាំទ្រដោយអង្គការឧតុនិយមពិភពលោក WMO និង RIMES ក្រោមគម្រោងប្រព័ន្ធព្រមានអំពីហានិភ័យអាកាសធាតុ CREWS ក្រោមអធិបតីភាពលោកជំទាវ សិទ្ធ វណ្ណារ៉េត ទីប្រឹក្សាក្រសួងធនធានទឹក និងឧតុនិយម និងជាតំណាងអចិន្ត្រៃយ៍ នៃព្រះរាជាណាចក្រកម្ពុជាសម្រាប់អង្គការឧតុនិយមពិភពលោក ដែលមានសមាសភាពចូលរួមសរុបប្រមាណ ៤៩ នាក់ មកពីតំណាងក្រសួងស្ថាប័នពាក់ព័ន្ធចំនួន ១៤ ក្នុងរដ្ឋាភិបាលកម្ពុជារួមមាន ក្រសួងកសិកម្ម រុក្ខាប្រមាញ់និងនេសាទ ក្រសួងបរិស្ថាន ក្រសួងសុខាភិបាល ក្រសួងអប់រំ យុវជន និងកីឡា ក្រសួងអភិវឌ្ឍន៍ជនបទ ក្រសួងកិច្ចការនារី អាជ្ញាធរទន្លេសាប (TSA) គណៈកម្មាធិការជាតិគ្រប់គ្រងគ្រោះមហន្តរាយ (NCDM) និងអាជ្ញាធរព្រមទាំងគ្រឹះស្ថានអប់រំ៖ សាកលវិទ្យាល័យភូមិន្ទភ្នំពេញ វិទ្យាស្ថានបច្ចេកវិទ្យាកម្ពុជា និងសាកលវិទ្យាល័យភូមិន្ទកសិកម្ម និងដៃគូរអភិវឌ្ឍន៍៖ អង្គការឧតុនិយមពិភពលោក (WMO), The Regional Integrated Multi-Hazard Early Warning System (RIMES), World Food Programme (WFP), Food and Agriculture Organization of the United Nations (FAO), United Nations Economic and Social Commission for Asia and the Pacific (UNESCAP), The United Nations Office for Disaster Risk Reduction (UNDRR), World Vision, Cambodia Development Resource Institute (CDRI), International Rice Research Institute (IRRI), People in Need (PIN), Cambodia Agricultural Research and Development Institute (CARDI), and CWS។

វេទិកាមូសុងជាតិលើកទី១០ មានគោលបំណង៖
- ពង្រឹងការយល់ដឹងអំពីការព្យាករណ៍អាកាសធាតុក្នុងតំបន់ និងថ្នាក់ជាតិ និង
- ការព្យាករណ៍អាកាសធាតុ ធាតុអាកាស និងប្រព័ន្ធព្រមានអំពីហានិភ័យអាកាសធាតុសម្រាប់ទាំងអស់គ្នា។
គួរបញ្ជាក់ផងដែរ ការរៀបចំវេទិកាមូសុងថ្នាក់ជាតិ មានការធ្វើបទបង្ហាញពីវាគ្មិនតាមវិស័យ និងកិច្ចពិភាក្សារួមមាន៖
១. ពិនិត្យឡើងវិញនូវបទពិសោធន៍ បញ្ហាប្រឈម និងមេរៀនដែលបានរៀនក្នុងអំឡុងឆ្នាំ២០២៤ ក្រោយអំឡុងខ្យល់មូសុង
២. ទទួលយកមតិកែលម្អពីស្ថាប័នដែលជាអ្នកប្រើប្រាស់អំពីតម្រូវការព័ត៌មានអាកាសធាតុ
៣. ពិភាក្សាអំពីភាពពាក់ព័ន្ធ និងលទ្ធភាពប្រើប្រាស់ នៃព័ត៌មានអាកាសធាតុបច្ចុប្បន្នដែលបានទទួលពី នាយកដ្ឋាន ឧតុនិយម និងនាយកដ្ឋានជលសាស្ត្រនិងការងារទន្លេ និងអនុសាសន៍សម្រាប់ពង្រឹងការបង្កើតការព្យាករណ៍ ការបកប្រែ ការទំនាក់ទំនង និងកម្មវិធី
៤. បង្ហាញទស្សនវិស័យអាកាសធាតុតាមរដូវកាលសម្រាប់រដូវមូសុង កញ្ញា តុលា វិច្ឆិកា (SON) ឆ្នាំ២០២៤
៥. បង្ហាញទស្សនវិស័យអាកាសធាតុ នារដូវកាលសម្រាប់រដូវប្រាំង ធ្នូ មករា កុម្ភៈ និងមិនា (DJFM) ឆ្នាំ២០២៥
៦. ពិភាក្សាអំពីទស្សនវិស័យផលប៉ះពាល់សក្តានុពលតាមវិស័យ និងយុទ្ធសាស្ត្រគ្រប់គ្រងសម្រាប់ការអនុវត្តដោយភាគីពាក់ព័ន្ធ៕

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ អាជ្ញាធរទន្លេសាប បានដឹកនាំក្រុមការងារទទួលបន្ទុកផ្សព្វផ្សាយ បន្តចុះផ្សព្វផ្សាយ ច្បាប់ បទដ្ឋានគតិយុត្ត បទបញ្ញត្តិនានាពាក់ព័ន្ធការការពារ ថែរក្សា គ្រប់គ្រង និងអភិរក្សដែនព្រៃលិចទឹក និង

2024-11-13T09:21:10+00:00

ខេត្តបាត់ដំបង: ដើម្បីលើកកម្ពស់ប្រសិទ្ធភាពក្នុងការចូលរួម ការពារ ថែរក្សា និងគ្រប់គ្រងធនធានធម្មជាតិ ជីវចម្រុះ និងព្រៃលិចទឹក តំបន់បឹងទន្លេសាប ប្រកបដោយនិរន្តរភាព លោក យ៉ាន់ សំរិទ្ធ ប្រធាននាយកដ្ឋាន បានដឹកនាំមន្ត្រីនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បន្តចុះផ្សព្វផ្សាយ ច្បាប់ បទដ្ឋានគតិយុត្ត បទបញ្ញត្តិនានាពាក់ព័ន្ធការការពារ ថែរក្សា គ្រប់គ្រង និងអភិរក្សដែនព្រៃលិចទឹក និងព្រៃលិចទឹកតំបន់២ និងតំបន់៣ បឹងទន្លេសាប នៃបឹងទន្លេសាប ស្ថិតនៅក្នុងភូមិសាស្ត្រស្រុកមោងឬស្សី ខេត្តបាត់ដំបង។

សូមជម្រាបជូនថា វគ្គផ្សព្វផ្សាយនេះ បានរៀបចំឡើងនៅថ្ងៃចន្ទ ១១កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែវិច្ឆិកា ឆ្នាំ២០២៤ ដែលអញ្ជើញចូលរួមពីលោក លោកស្រី ជាមេឃុំ ជំទប់ឃុំ ក្រុមប្រឹក្សាឃុំ មេភូមិ អនុភូមិ មន្ត្រីនគរបាលប៉ុស្តិ៍ តំណាងសហគមន៍នេសាទ និងប្រជាពលរដ្ឋរស់នៅក្នុងភូមិសាស្ត្រឃុំឬស្សីក្រាំង ឃុំជ្រៃ ឃុំតាលាស់ ឃុំកកោះ និងឃុំព្រៃតូច ស្រុកមោងឬស្សី ខេត្តបាត់ដំបង សរុបចំនួន ១០៣ នាក់។

វគ្គផ្សព្វផ្សាយនេះ មានគោលបំណងផ្ដោតសំខាន់លើ ៖
- បង្កើនការយល់ដឹងទៅកាន់ប្រជាពលរដ្ឋ ឱ្យមានការចូលរួមការពារ ថែរក្សា និងគ្រប់គ្រងធនធានធម្មជាតិ ជីវចម្រុះ និងព្រៃលិចទឹក។
- សំដៅធានាឱ្យបាននូវការគ្រប់គ្រងធនធានធម្មជាតិ ជីវចម្រុះ ដែនព្រៃលិចទឹក និងព្រៃលិចទឹក នៅក្នុងតំបន់ជុំវិញបឹងទន្លេសាប ប្រកបដោយនិរន្តរភាព ។
សូមបញ្ជាក់ថា ខ្លឹមសារសំខាន់នៃវគ្គផ្សព្វផ្សាយនេះ បានបង្ហាញពីសារ:សំខាន់របស់បឹងទន្លេសាប ព្រៃលិចទឹក រួមនឹងវិធានការការពារធនធានធម្មជាតិ ដោយការចូលរួមក្នុងការអនុវត្តច្បាប់ បទបញ្ញត្តិនានា ដើម្បីធានាឱ្យបាននូវការការពារ ថែរក្សា និងគ្រប់គ្រងធម្មជាតិ ជីវចម្រុះ ធនធានជលផល ព្រៃលិចទឹកនៅតំបន់២ និងតំបន់៣ នៃបឹងទន្លេសាបឱ្យមានប្រសិទ្ធភាពខ្ពស់ និងរក្សាបាននូវតុល្យភាពប្រព័ន្ធអេកូឡូស៊ីបឹងទន្លេសាប ដែលជាអត្តសញ្ញាណជាតិមិនអាចកាត់ថ្លៃបានសម្រាប់មនុស្សជាតិ ព្រមទាំង ខ្លឹមសារដែលមានចែងក្នុងច្បាប់ស្តីពីការគ្រប់គ្រងធនធានធម្មជាតិ ច្បាប់ស្ដីពីជលផល និងអនុក្រឹត្យលេខ ៨៣ អនក្រ.បក ស្តីពីការកំណត់សិទ្ធិប្រើប្រាស់ និងអាស្រ័យផលលើដីរដ្ឋ ក្នុងដែនដីតំបន់ទ្រនាប់នៃដែនព្រៃលិចទឹក (តំបន់២) ជុំវិញបឹងទន្លេសាប ស្ថិតក្នុងភូមិសាស្ត្រខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ៕

សូមបញ្ជាក់ជូនផងដែលថា អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងសហការ សម្របសម្រួលជាមួយស្ថាប័នជំនាញពាក់ព័ន្ធ ក្នុងការផ្សព្វផ្សាយច្បាប់ បទដ្ឋានគតិយុត្តិ ព័ត៌មាន និងចំណេះដឹងដល់អាជ្ញាធរមូលដ្ឋាន ប្រជាពលរដ្ឋ និងសហគមន៍នេសាទ តំបន់បឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់បំផុតរបស់ប្រមុខរាជរដ្ឋាភិបាល ក្នុងការប្ដេជ្ញា ថែរក្សា ការពារធនធានធម្មជាតិបឹងទន្លេសាប ប្រកបដោយ ប្រសិទ្ធភាព សុក្រឹតភាព និងចីរភាព ៕

វគ្គបណ្តុះបណ្តាលស្តីពី ការបន្សាំទៅនឹងប្រព័ន្ធអេកូឡូស៊ី “ Ecosystem-Based Adaptation “ ប្រទេសថៃ

2024-11-10T11:07:21+00:00

កាលពីថ្ងៃអង្គារ ៥កើត ដល់ថ្ងៃព្រហស្បតិ៍ ៧កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៥ ដល់ ថ្ងៃទី៧ ខែ វិច្ឆិកា ឆ្នាំ២០២៤ លោក ម៉ម សុធា ប្រធានការិយាល័យជីវចម្រុះ នៃអាជ្ញាធរទន្លេសាប បានទៅចូលរួមវគ្គបណ្តុះបណ្តាលស្តីពី ការបន្សាំទៅនឹងប្រព័ន្ធអេកូឡូស៊ី “ Ecosystem-Based Adaptation “ នៅសណ្ឋាគារ Radisson Blu Plaza ក្នុងទីក្រុងបាំងកក ប្រទេសថៃ។

វគ្គបណ្តុះបណ្តាលនេះបានរៀបចំឡើងដោយ អង្គការសហភាពអន្តរជាតិសម្រាប់ការអភិរក្សធម្មជាតិ “ International Union for Conservation of Nature “ (IUCN) ក្រោមកិច្ចសហការណ៍ និងសម្របសម្រួលដោយអង្គការ IUCN ប្រចាំប្រទេសថៃ។ ក្នុងនោះមានការចូលរួមពីខាងមន្ត្រីរដ្ឋាភិបាលតាមបណ្តាលប្រទេសជាសមាជិករួមមាន: ប្រទេសកម្ពុជា( អាជ្ញាធរទន្លេសាប គណៈកម្មាធិការជាតិទន្លេមេគង្គកម្ពុជា ក្រសួងបរិស្ថាន រដ្ឋបាលជលផល និងប្រធានអង្គការ IUCN ប្រចាំនៅកម្ពុជា ) ចិន ថៃ វៀតណាម និងឡាវ សរុបរួមចំនួន ៣៦នាក់ ។

វគ្គបណ្តុះបណ្តាលនេះមានគោលបំណងគឺ ពង្រឹងការយល់ដឹង និងសកម្មភាពរបស់រដ្ឋាភិបាល ជាមួយសហគមន៍នៅក្នុងអនុតំបន់មេគង្គ(GMS) ដើម្បីសម្របខ្លួនទៅនឹងការបម្រែបម្រួលអាកាសធាតុ ដោយប្រើវិធីសាស្ត្រការបន្សាំទៅនឹងប្រព័ន្ធអេកូឡូស៊ី (EBA)៕

វគ្គបណ្តុះបណ្តាលស្តីពី ការបន្សាំទៅនឹងប្រព័ន្ធអេកូឡូស៊ី “ Ecosystem-Based Adaptation “ ប្រទេសថៃ

2024-11-10T11:07:21+00:00

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាបបាន ដឹកនាំប្រជុំពិភាក្សា វាយតម្លៃលក្ខណៈបច្ចេកទេសពីរបបទឹក និងត្រួតពិនិត្យថែទាំស្ថានីយ៍កម្ពស់ទឹក

2024-11-10T10:58:23+00:00

អាជ្ញាធរទន្លេសាប : ព្រឹកថ្ងៃទី ៨ ខែវិច្ឆិកា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំប្រជុំពិភាក្សាកិច្ចការបច្ចេកទេសជាមួយក្រុមការងារមន្ត្រីជំនាញបច្ចេកទេសនៃនាយកដ្ឋានធនធានធម្មជាតិ ដើម្បីចុះសិក្សាវាយតម្លៃលក្ខណៈបច្ចេកទេសពីរបបទឹក និងត្រួតពិនិត្យថែទាំស្ថានីយ៍កម្ពស់ទឹក នៅតំបន់ស្នូល (បឹងទន្លេឆ្មា)៕

ឯកឧត្តម ហ៊ែល តូនី អនុប្រធានក្តាប់រួម ចុះពិនិត្យស្ថានភាពជាក់ស្តែងនៃផលប៉ះពាល់ការទាញទឹកប្រើប្រាស់ចេញទំនប់អាងទឹកក្នុងតំបន់ ៣

2024-11-10T10:44:34+00:00

ស្រុកកំពង់លែង : ព្រឹកថ្ងៃទី៧ ខែវិច្ឆិកា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម តំណាងឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប បានដឹកនាំមន្ត្រីបច្ចេកទេស អាជ្ញាធរទន្លេសាប, នាយកដ្ឋានវិស្វកម្ម និងនាយកដ្ឋានធារាសាស្ត្រ និងកសិកម្មនៃក្រសួងធនធានទឹកនិងឧតុនិយម សហការជាមួយអាជ្ញាធរដែនដី មន្ទីរធនធានទឹក និងឧតុនិយម និងសហគមន៍នេសាទ ចុះពិនិត្យស្ថានភាពជាក់ស្តែងនៃផលប៉ះពាល់ការទាញទឹកប្រើប្រាស់ចេញទំនប់អាងទឹកក្នុងតំបន់ ៣ ដើម្បីស្រោចស្រពដីស្រែអាស្រ័យផលក្នុងតំបន់២ និងសត្វពាហនៈក្នុងរដូវប្រាំង ស្ថិតក្នុងឃុំច្រណូក ស្រុកកំពង់លែង ខេត្តកំពង់ឆ្នាំង៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេសនៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-11-10T10:28:32+00:00

កាលពីថ្ងៃព្រហស្បតិ៍ ៧កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៧ ខែវិច្ឆិកា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេសនៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

១- គោលបំណងសិក្សា :
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ។
- មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមានប្រសិទ្ធភាព និងនិរន្តរភាព។
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។

២-ការយកទិន្នន័យ (Data collection)
- អង្កេតចំនួនឧបករណ៍ (Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យផ្សេងៗ ដូចជា ហ្វ្រេកង់បណ្តោយ និងបណ្តោយទម្ងន់ត្រី(Conducting length frequency and length weight sampling)
- អង្កេតចំនួនឧបករណ៍ចេញនេសាទ (Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើប្រាស់កម្មវិធី (MicrosoftAccess) ដើម្បីធ្វើការវិភាគទិន្នន័យ...

៣- តំបន់គោលដៅនៃការសិក្សា:
នៅក្នុងខែវិច្ឆិកានេះមាន ៣ ស្រុក គឺ: ស្រុកកំពង់ត្រឡាច ស្រុកជលគីរី និងស្រុករលាប្អៀរ៕

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារបន្តអនុវត្តសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ខេត្តកំពង់ឆ្នាំង

2024-11-06T08:02:16+00:00

នាថ្ងៃចន្ទ ៤ កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០៤ ខែវិច្ឆិកា ឆ្នាំ២០២៤ លោក យ៉ាន់ សំរិទ្ធ ប្រធាននាយកដ្ឋាន បានដឹកនាំក្រុមការងារមន្ត្រីបច្ចេកទេស នៃនាយកដ្ឋាននីតិកម្ម និងផ្សព្វផ្សាយ បន្តចុះអនុវត្តសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ ដោយបានធ្វើការជួបពិភាក្សាជាមួយតំណាងអង្គភាពជំនាញពាក់ព័ន្ធ រដ្ឋបាលស្រុករលាប្អៀរ អាជ្ញាធរមូលដ្ឋាន រួមនឹងសហគមន៍នេសាទកោះកែវ ស្ថិតនៅក្នុងភូមិសាស្ត្រឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ។

សូមជម្រាបជូនថា ការសិក្សានេះ បានឃើញថាបច្ចុប្បន្នសម្ពាធនៃកំណើនប្រជាជន និងភាពក្រីក្ររបស់ប្រជាជនក្នុងតំបន់ជាប់នឹងបឹងទន្លេសាប បាន និងកំពុងជះឥទ្ធិពលមកលើធនធានធម្មជាតិបឹងទន្លេសាប បង្កឡើងនូវទំនាស់/វិវាទផលប្រយោជន៍ ក្នុងនោះរួមមាន សកម្មភាពលបលួចទន្ទ្រានដែនព្រៃលិចទឹក និងព្រៃលិចទឹក (ដីតំបន់២) តាមរូបភាពដុតរកសត្វ ការដណ្ដើមទឹកស្រោចស្រពលើវិស័យកសិកម្ម ដែលលើសផែនការ និងការផ្គត់ផ្គង់ទឹក ព្រមទាំងការប្រើប្រាស់ថ្នាំបំពុលសត្វល្អិត និងជីគីមីកសិកម្មគ្មានស្ដង់ដារបច្ចេកទេសត្រឹមត្រូវ រួមនឹងការចោលកាកសំណល់ (សម្បកថ្នាំ/ជីគីមី) ចូលក្នុងប្រភពទឹក ពាលវាលពាសកាល និងសកម្មភាពការប្រើប្រាស់នូវប្រភេទឧបករណ៍នេសាទខុសច្បាប់ជាដើម ដែលជាកត្តាបង្កឱ្យមានផលប៉ះពាល់យ៉ាងធ្ងន់ធ្ងរដល់ធនធានធម្មជាតិ និងព្រៃលិចទឹកក្នុងភូមិសាស្ត្រឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង។

លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស ចុះសិក្សាស្តីពីបម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រ ខេត្តកំពង់ឆ្នាំង និងខេត្តកំពង់ធំ

2024-11-04T16:06:35+00:00

កាលពីថ្ងៃអង្គារ ៥រោច ដល់ថ្ងៃសុក្រ ៨រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២២ ដល់ថ្ងៃទី ២៥ ខែ តុលា ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រខេត្តកំពង់ឆ្នាំង និងខេត្តកំពង់ធំ។

ការចុះសិក្សានេះ ក្រុមការងារបានធ្វើលើ ៖
១. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សាខាងលើ
២. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ និងពិនិត្យលើលំនៅដ្ឋានធនធានជលផលនៅរដូវវស្សា ។

សូមជម្រាបជូនថាៈ សកម្មភាពចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រខេត្តកំពង់ឆ្នាំង និងខេត្តកំពង់ធំ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៤ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាថ្នាក់តំបន់ស្តីពី ឆ្ពោះទៅរកដំណោះស្រាយកម្រិតមូលដ្ឋាន-ការគ្រប់គ្រងធនធានទឹកខ្នាតតូច ក្នុងអនុតំបន់មេគង្គ “Heading Towards Local-Based Solution-Small-Scale

2024-11-03T12:58:35+00:00

នាថ្ងៃសុក្រ ១កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០១ ខែវិច្ឆិកា ឆ្នាំ២០២៤ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាថ្នាក់តំបន់ស្តីពី ឆ្ពោះទៅរកដំណោះស្រាយកម្រិតមូលដ្ឋាន-ការគ្រប់គ្រងធនធានទឹកខ្នាតតូច ក្នុងអនុតំបន់មេគង្គ “Heading Towards Local-Based Solution-Small-Scale Water Resource Management in the Mekong Sub-region” ក្រោមគម្រោងការលើកកម្ពស់ការគ្រប់គ្រងធនធានទឹកសហគមន៍ខ្នាតតូចក្នុងអនុតំបន់មេគង្គ (X-Water) របស់មជ្ឈមណ្ឌលសម្រាប់សង្គមស៊ីវិល និងការគ្រប់គ្រងមិនស្វែងរកប្រាក់ចំណេញ (CSNM) នៃសាកលវិទ្យាល័យខនកេន (Khon Kean University) ដែលឧបត្ថម្ភថវិកាដោយមូលនិធិសហប្រតិបត្តិការមេគង្គ-កូរ៉េ (MKCF) នៅទីក្រុងខនកេន ខេត្តខនកេន ប្រទេសថៃ ក្រោមអធិបតីភាពលោកប្រធានសាកលវិទ្យាល័យ ខនកេន និងមានសមាជិកចូលរួមដែលអញ្ជើញមកពីប្រទេសជាសមាជិកគម្រោងមាន(កម្ពុជា,ថៃ,ឡាវ) មន្ត្រីពាក់ព័ន្ធនឹងការរៀបចំគោលនយោបាយទឹកនៃបណ្តាប្រទេសជាសមាជិកគម្រោង និងអ្នករៀបចំគោលនយោបាយថ្នាក់តំបន់ គ្រឹះស្ថានឧត្តមសិក្សា និងដៃគូអភិវឌ្ឍន៍ សរុបមានចំនួន ៥៥នាក់។

សិក្ខាសាលាថ្នាក់តំបន់ X-Water មានគោលបំណងដូចខាងក្រោម ៖
១. ដើម្បីធ្វើបទបង្ហាញ និងតស៊ូមតិចំពោះវិធានការគោលនយោបាយ ដែលបានបង្កើតឡើងតាមរយៈគម្រោង X-Water
២. លើកកម្ពស់កិច្ចសន្ទាគោលនយោបាយ និងការចូលរួមរវាងភាគីពាក់ព័ន្ធលើបញ្ហានៃការគ្រប់គ្រងធនធានទឹកខ្នាតតូចនៅក្នុងអនុតំបន់មេគង្គ៕

លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពីការសិក្សារួមគ្នាលើបម្រែបម្រួលជលសាស្ត្រក្នុងអាងទន្លេមេគង្គ-ឡានឆាង និងផែនការយុទ្ធសាស្ត្របន្ស៉ាំ នៅភោជនីយដ្ឋានទន្លេបា

2024-11-03T12:44:26+00:00

នាថ្ងៃសុក្រ ១ កើត ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ០១ ខែវិច្ឆិកា ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមកិច្ចប្រជុំពិគ្រោះយោបល់ថ្នាក់ជាតិ ស្តីពីការសិក្សារួមគ្នាលើបម្រែបម្រួលជលសាស្ត្រក្នុងអាងទន្លេមេគង្គ-ឡានឆាង និងផែនការយុទ្ធសាស្ត្របន្ស៉ាំ នៅភោជនីយដ្ឋានទន្លេបាសាក់ ២ រាជធានីភ្នំពេញ ។

កិច្ចប្រជុំពិគ្រោះយោបល់ថ្នាក់ជាតិនេះ រៀបចំដោយគណៈកម្មាធិការជាតិទន្លេមេគង្គកម្ពុជា ដោយមានសមាសភាពចូលរួមពី ក្រសួងធនធានទឹក និងឧតុនិយម ក្រសួងកសិកម្មរុក្ខា ប្រមាញ់ និងនេសាទ ក្រសួងបរិស្ថាន អាជ្ញាធរទន្លេសាប គណៈកម្មការទន្លេមេគង្គ និងគណៈកម្មាធិការជាតិទន្លេមេគង្គកម្ពុជា សរុបចំនួន ១៧ នាក់ (ស្រី ១នាក់) ។

គោលបំណង នៃកិច្ចប្រជុំរួមមាន៖
- ដើម្បីពិភាក្សាអំពីលទ្ធផលបឋម និងសេចក្តីព្រាងរបាយការណ៍ដំបូងនៃការសិក្សារួមលើទិន្នន័យ និងវិធីសាស្ត្រម៉ូដែលក្នុងដំណាក់កាលទី ២ ឆ្នាំ២០២៤
- បទបង្ហាញ និងពិភាក្សាអំពីលទ្ធផលគំរូមូលដ្ឋាន សេណារីយ៉ូការប្រែប្រួលអាកាសធាតុ និងសេណារីយ៉ូហេដ្ឋារចនាសម្ព័ន្ធទឹក រួមជាមួយនឹងវិធានការបន្ស៊ាំសក្តានុពលដែលបានជ្រើសរើសសម្រាប់ការពិភាក្សា និងវិធីសាស្ត្រគំរូ
- បង្ហាញលទ្ធផលសិក្សាបឋមពីម៉ូដែលនៃរបបជលសាស្ត្រក្នុងអាងទន្លេមេគង្គលើសម្រាប់ការព្យាករណ៍ជលសាស្ត្រក្នុងរយៈពេលខ្លី មធ្យម និងវែង (១០ឆ្នាំ ៣០ឆ្នាំ និង៦៩ឆ្នាំ ឬ១០០ឆ្នាំ)៕

លោក សុខ រ៉ាយ៉ុង ប្រធានការិយាល័យអភិរក្ស និងលោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃអាជ្ញាធរទន្លេសាប បានចូលរួមកិច្ចប្រជុំថ្នាក់ជាតិ ស្តីពីការរៀបចំឯកសារគម្រោង ពង្រឹងការគ្រប់គ្រងជលផលឆ្លងដែនក្នុងអាងទន្លេមេ

2024-10-31T15:18:19+00:00

នាថ្ងៃពុធ ១៣រោជ ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣០ ខែតុលា ឆ្នាំ២០២៤ លោក សុខ រ៉ាយ៉ុង ប្រធានការិយាល័យអភិរក្ស និងលោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃអាជ្ញាធរទន្លេសាប បានចូលរួមកិច្ចប្រជុំថ្នាក់ជាតិ ស្តីពីការរៀបចំឯកសារគម្រោង ពង្រឹងការគ្រប់គ្រងជលផលឆ្លងដែនក្នុងអាងទន្លេមេគង្គភាគខាងក្រោម នៅសណ្ឋាគារកាំបូឌីយ៉ាណា រាជធានីភ្នំពេញ។ កិច្ចប្រជុំពិគ្រោះយោបល់ថ្នាក់ជាតិនេះ រៀបចំដោយគណៈកម្មាធិការជាតិទន្លេមេគង្គកម្ពុជា ដោយមានសមាសភាពចូលរួមពី ក្រសួងកសិកម្មរុក្ខា ប្រមាញ់ និងនេសាទ ក្រសួងបរិស្ថាន អាជ្ញាធរទន្លេសាប ខណ្ឌរដ្ឋបាលជលផលខេត្តស្ទឹងត្រែង/ខេត្តកំពង់ឆ្នាំង/ខេត្តកណ្តាល/ខេត្តព្រៃវែង អង្គការ IUCN គណះកម្មការទន្លេមេគង្គ និងគណៈកម្មាធិការជាតិទន្លេមេគង្គកម្ពុជា សរុបចំនួន ២៧ នាក់ (ស្រី ៣នាក់) ។

គោលបំណង នៃកិច្ចប្រជុំរួមមាន៖
១. ពិនិត្យ និងពិភាក្សាអំពីសេចក្តីព្រាងទី១ នៃឯកសារគម្រោង។
២. ពិនិត្យ និង ពិភាក្សាអំពីតួនាទី និងការទទួលខុសត្រូវរបស់អ្នកពាក់ព័ន្ឋក្នុងឯកសារគម្រោង។

សូមជម្រាបផងដែរថាគម្រោង ពង្រឹងការគ្រប់គ្រងជលផលឆ្លងដែនក្នុងអាងទន្លេមេគង្គភាគខាងក្រោម មានសមាសធាតុសំខាន់ៗចំនួន ៤ ៖
- សមាសធាតុទី១: ការអនុវត្តដំណោះស្រាយជលផលឆ្លងដែន
- សមាសធាតុទី២: គ្រឿងលើកទឹកចិត្តផ្នែកសេដ្ឋកិច្ច និងហិរញ្ញវត្ថុសម្រាប់ជលផលឆ្លងដែន
- សមាសធាតុទី៣: បញ្ជ្រាបជលផលដែកផ្អែកលើប្រព័ន្ធអេកូឡូស៊ីទៅក្នុងគោលនយោបាយ និងផែនការតាមវិស័យ
- សមាសធាតុទី៤: ការចែករំលែកចំណេះដឹងអំពីលទ្ធផល និងមេរៀន៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេសនៃអគ្គលេខាធិការដ្ឋានអាជ្ញាធរទន្លេសាប បន្តការចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-10-26T12:55:45+00:00

កាលពីថ្ងៃពុធ ៦រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែតុលា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេសនៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

១- គោលបំណងសិក្សា :
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ។
-មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមានប្រសិទ្ធភាព និងនិរន្តរភាព។
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។

២-ការយកទិន្នន័យ (Data collection)
- អង្កេតចំនួនឧបករណ៍ (Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យផ្សេងៗ ដូចជា ហ្វ្រេកង់បណ្តោយ និងបណ្តោយទម្ងន់ត្រី(Conducting length frequency and length weight sampling)
- អង្កេតចំនួនឧបករណ៍ចេញនេសាទ(Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើប្រាស់កម្មវិធី (MicrosoftAccess) ដើម្បីធ្វើការវិភាគទិន្នន័យ...

៣- តំបន់គោលដៅនៃការសិក្សា: នៅក្នុងខែតុលា នេះមាន ៣ ស្រុក គឺ: ស្រុកបរិបូរណ៍ ស្រុកកំពង់លែង និងក្រុងកំពង់ឆ្នាំង៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានទទួលជួបប្រជុំពិភាក្សាការងារជាមួយលោកបណ្ឌិត ម៉ាស៊ីម៉ូ សារទី ទីប្រឹក្សាអន្តរជាតិ ផ្នែកវាយតម្លៃភាពងាយរងគ្រោះ និងហានិភ័យ (VRA) និងការកំណត់តំបន់កសិ-អេកូឡូស៊ី (AEZ)

2024-10-23T07:39:06+00:00

កាលពីព្រឹកថ្ងៃអង្គារ ៥រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ២២ ខែតុលា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប អមដោយក្រុមការងារបច្ចេកទេសនៃអាជ្ញាធរទន្លេសាប បានទទួលជួបប្រជុំពិភាក្សាការងារជាមួយលោកបណ្ឌិត ម៉ាស៊ីម៉ូ សារទី ទីប្រឹក្សាអន្តរជាតិ អមជាមួយលោក វន សាវុធ ទីប្រឹក្សាជាតិ ផ្នែកវាយតម្លៃភាពងាយរងគ្រោះ និងហានិភ័យ (VRA) និងការកំណត់តំបន់កសិ-អេកូឡូស៊ី (AEZ) និងលោកបណ្ឌិត ហេង សុខឆាយ សាស្ត្រាចារ្យនៃវិទ្យាស្ថានបច្ចេកវិទ្យាកម្ពុជា ដែលបាននិងកំពុងអនុវត្តគម្រោងលើកកម្ពស់ជីវភាពធន់នឹងអាកាសធាតុនៃសហគមន៍ផលិតស្រូវនៅតំបន់បឹងទន្លេសាប (PCRL) ។

ឯកឧត្តម សរ គឹមសាន្ត បានជម្រាបជូនអង្គប្រជុំអំពីតួនាទីភារកិច្ច និងការងារស្នូលរបស់អាជ្ញាធរទន្លេសាប ដែលបាននិងកំពុងធ្វើកន្លងមក ក៏ដូចជាអំពីផែនការយុទ្ធសាស្ត្ររបស់អាជ្ញាធរទន្លេសាបផងដែរ។ នៅក្នុងកិច្ចប្រជុំនេះ លោកបណ្ឌិត ម៉ាស៊ីម៉ូ សារទី មានការចាប់អារម្មណ៍ខ្លាំង លើការងាររបស់អាជ្ញាធរទន្លេសាប និងបានជម្រាបជូនអំពីវិសាលភាពនៃគម្រោង ក៏ដូចជាព័ត៌មានលម្អិតនៃគម្រោងរបស់គាត់ ដែលអាចផ្តល់នូវលទ្ធផល មានប្រយោជន៍សម្រាប់សហគមន៍កសិករ និងលើការវាយតម្លៃភាពងាយរងគ្រោះ និងហានិភ័យ និងលើតំបន់កសិ-អេកូឡូស៊ី ក្នុងខេត្តចំនួនប្រាំ នៅជុំវិញបឹងទន្លេសាប៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានទទួលជួបប្រជុំពិភាក្សាការងារជាមួយលោកបណ្ឌិត ម៉ាស៊ីម៉ូ សារទី ទីប្រឹក្សាអន្តរជាតិ ផ្នែកវាយតម្លៃភាពងាយរងគ្រោះ និងហានិភ័យ (VRA) និងការកំណត់តំបន់កសិ-អេកូឡូស៊ី (AEZ)

2024-10-23T07:39:06+00:00

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប និងតំណាងក្រសួងសេដ្ឋកិច្ច និងហិរញ្ញវត្ថុ ចុះពិនិត្យ និងវាយតម្លៃការងារបោះបង្គោលព្រំតំបន់៣ ការពារដែនព្រៃលិចទឹក និងព្រៃលិចទឹក នៅខេត្តទាំង៦ ជុំវិញបឹងទន្លេសាប

2024-10-21T07:06:37+00:00

ចាប់ពីថ្ងៃពុធ ១៤កើត ដល់ថ្ងៃអាទិត្យ ៣រោច ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១៦ ដល់ថ្ងែទី២០ ខែតុលា ឆ្នាំ២០២៤ ដោយមានការអនុញ្ញាតដ៏ខ្ពង់ខ្ពស់ពីឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប និងប្រតិភូតំណាងក្រសួងសេដ្ឋកិច្ច និងហិរញ្ញវត្ថុ អមដំណើរដោយថ្នាក់ដឹកនាំ និងក្រុមការងារបច្ចេកទេសអាជ្ញាធរទន្លេសាប បានចុះពិនិត្យ និងវាយតម្លៃបញ្ចប់ការងារបោះបង្គោលព្រំតំបន់៣ ការពារដែនព្រៃលិចទឹក និងព្រៃលិចទឹក នៅខេត្តទាំង៦ ជុំវិញបឹងទន្លេសាប ដែលមានបង្គោលសរុបចំនួន១២២៤បង្គោល មានដូចខាងក្រោម ៖
១. ខេត្តកំពង់ឆ្នាំង មានចំនួន ២១៥ បង្គោល
២.ខេត្តពោធិ៍សាត់ មានចំនួន ១៤៦ បង្គោល
៣.ខេត្តបាត់ដំបង មានចំនួន ១៧១ បង្គោល
៤.ខេត្តបន្ទាយមានជ័យ មានចំនួន ៤៧ បង្គោល
៥.ខេត្តសៀមរាប មានចំនួន ២៩៩ បង្គោល
៦.ខេត្តកំពង់ធំ មានចំនួន ៣៤៦ បង្គោល។

ជារួមការងារបោះបង្គោលព្រំតំបន់៣ ចំនួន ១២២៤ បង្គោល នៅក្នុងខេត្តទាំង៦ ជុំវិញបឹងទន្លេសាប បានបញ្ចប់តាមផែនការការងារដែលបានគ្រោងទុកសម្រាប់ឆ្នាំ ២០២៤ នេះ ១០០%។

សូមជម្រាបជូនផងដែរថា ដោយមានការយកចិត្តទុកដាក់ពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងមានការគាំទ្រថវិកាពីក្រសួងសេដ្ឋកិច្ច និងហិរញ្ញវត្ថុទាន់ពេលវេលា និងអនុវត្តតាមសេចក្តីជូនដំណឹងលេខ ១៨៨ សជណ.ដប ចុះថ្ងៃទី ៩ ខែកុម្ភៈ ឆ្នាំ ២០២៤ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានដឹកនាំកិច្ចប្រជុំជាមួយថ្នាក់ដឹកនាំ និងក្រុមការងារមន្ត្រីបច្ចេកទេស ដើម្បីរៀបចំផែនការការងារចុះបោះបង្គោលឱ្យបានរួចរាល់ត្រឹមខែកញ្ញា ឆ្នាំ២០២៤ ។ ដូចអ្វីដែលបានរំពឹងទុក ក្រុមការងារបានយកចិត្តទុកដាក់អនុវត្តការងារតាមជំហ៊ានទាំងថ្ងៃ ទាំងយប់ពេលខ្លះ ទោះមានឧបសគ្គច្រើនយ៉ាងណា ក៏ក្រុមការងារខិតខំបំពេញ និងដោះស្រាយ សម្របសម្រួលរហូតឈានដល់សម្រេចបានជោគជ័យ១០០% និងត្រៀមអនុវត្តន៍ការងារបន្ត សម្រាប់ការងារបោះបង្គោលជំហ៊ាន២ តំបន់កាត់ឆ្វៀល តំបន់១ និងតំបន់២ ដែលស្ថិតនៅក្នុងតំបន់៣(បង្គោលឃ្លុំ) ក្នុងឆ្នាំ ២០២៥៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានអញ្ជើញដឹកនាំសម្របសម្រួលប្រតិភូអន្តរក្រសួង ស្ថាប័ន ចុះស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សជលផលអតីតឡូត៍លេខ២(តំបន់ស្នូលព្រែកទាល់) ខេត្តបាត់ដំបង

2024-10-19T08:23:12+00:00

នាថ្ងៃសុក្រ ១រោច ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៨ ខែតុលា ឆ្នាំ២០២៤ ឯកឧត្តម សរ គឹមសាន្ដ អគ្គលេខាធិការ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប រួមជាមួយឯកឧត្តម សឿម ប៊ុនរិទ្ធិ អភិបាលរង នៃគណៈអភិបាលខេត្តបាត់ដំបង បានអញ្ជើញដឹកនាំសម្របសម្រួលប្រតិភូអន្តរក្រសួង ស្ថាប័ន អង្គភាពជំនាញថ្នាក់ក្រោមជាតិ អាជ្ញាធរស្រុក ឃុំ កងកម្លាំងសមត្ថកិច្ច និងមន្ត្រីក្រុមការងារបច្ចេកទេសអាជ្ញាធរទន្លេសាប ចុះសិក្សាស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សជលផលអតីតឡូត៍លេខ២ (តំបន់ស្នូលព្រែកទាល់) ស្ថិតក្នុងឃុំកោះជីវាំង ស្រុកឯកភ្នំ ខេត្តបាត់ដំបង។

ការសិក្សាស្វែងយល់នេះ មានការអញ្ជើញចូលរួមពី ឯកឧត្តម អគ្គលេខាធិការរងអាជ្ញាធរទន្លេសាប លោក លោកស្រី ជាតំណាងក្រសួងធនធានទឹក និងឧតុនិយម ក្រសួងអភិវឌ្ឍន៍ជនបទ ក្រសួងបរិស្ថាន រដ្ឋបាលជលផល គណៈកម្មាធិការជាតិទន្លេមេគង្គកម្ពុជា អង្គការ FACT មន្ទីរ-អង្គភាពជំនាញពាក់ព័ន្ធជុំវិញខេត្តបាត់ដំបង កងកម្លាំងទាំង៣ប្រភេទ អាជ្ញាធរមូលដ្ឋានស្រុកឯកភ្នំ អាជ្ញាធរឃុំកោះជីវាំង ខណ្ឌជលផល-ផ្នែកជលផល-សង្កាត់ជលផលព្រែកទាល់ សហគមន៍នេសាទ ប្រជាសហគមន៍ មានចំនួនសរុប ៥១ នាក់។

ក្នុងឱកាសនោះដែរ ឯកឧត្តម អគ្គលេខាធិការបានជម្រាបជូនប្រតិភូអំពីបេសកកម្មការងាររបស់អាជ្ញាធរទន្លេសាប ដែលរាជរដ្ឋាភិបាលបានប្រគល់ជូន ក្នុងការយកចិត្តទុកដាក់លើសារៈសំខាន់នៃធនធានធម្មជាតិ ជីវចម្រុះ និងសក្តានុពលក្នុងតំបន់បឹងទន្លេសាប ដែលជាប្រភពផ្តល់នូវធនធានជលផល ដែលបាន និងកំពុងរងការគំរាមកំហែងនាពេលបច្ចុប្បន្ន បណ្តាលមកពីបម្រែបម្រួលអាកាសធាតុ ទឹកបឹងទន្លេសាបគោករាក់នៅរដូវប្រាំង និងកំណើនប្រជាពលរដ្ឋជាដើម ដែលមូលហេតុទាំងនេះបង្កឱ្យផលស្តុកធនធានជលផលធ្លាក់ចុះ និងប៉ះពាល់មកលើប្រព័ន្ធអេកូឡូស៊ីបឹងទន្លេសាប។

ដោយឡែក តំបន់អភិរក្សជលផលដែលជាអតីតឡូត៍នេសាទលេខ២ (តំបន់ស្នូលព្រែកទាល់) នេះ ត្រូវបានរាជរដ្ឋាភិបាល សម្រេចលុបចោលតាមអនុក្រឹត្យលេខ ៣៧ អនក្រ.បក ចុះថ្ងៃទី ៧ ខែមីនា ឆ្នាំ២០១២ ដែលមានផ្ទៃដីទំហំ ៥០ ១៣៤ ហិកតា លាតសន្ធឹងក្នុងស្រុកឯកភ្នំ និងស្រុកសង្កែ ខេត្តបាត់ដំបង។ តំបន់អភិរក្សជលផលនេះ មានលក្ខណៈសមស្របសម្រាប់ជាកន្លែងជួយថែរក្សាពូជមច្ឆជាតិ និងជីវចម្រុះគ្រប់ប្រភេទ ដើម្បីជួយបង្កើនបរិមាណផលស្តុកជលផល ការទ្រទ្រង់ជីវភាពរស់នៅរបស់ប្រជាជន និងសេដ្ឋកិច្ចជាតិ។

សូមជម្រាបថា ការយកចិត្តទុកដាក់របស់រាជរដ្ឋាភិបាលក្នុងការការពារ ថែរក្សា និងគ្រប់គ្រងតំបន់បឹងទន្លេសាប ជាពិសេសការលើកយកនូវអនុសាសន៍ និងសេចក្តីអំពាវនាវដ៏ថ្លៃថ្លាបំផុតរបស់សម្តេចមហាបវរធិបតី នាយករដ្ឋមន្ត្រី កាលពីថ្ងៃទី២១ ខែសីហា ឆ្នាំ២០២៤ ចំពោះវិធានការចូលរួមទប់ស្កាត់ការទន្ទ្រានដីព្រៃលិចទឹក ចូលរួមថែរក្សា និងការពារបឹងទន្លេសាប គឺជាការចូលរួមរក្សាធនធានជលផល និងសន្តិសុខស្បៀងសម្រាប់ប្រជាពលរដ្ឋ ក៏ដូចជាសន្តិសុខទឹកសម្រាប់ការប្រើប្រាស់ និងស្រោចស្រព ព្រមទាំងរក្សាបាននូវតុល្យភាពប្រព័ន្ធអេកូឡូស៊ីបឹងទន្លេសាប។

សូមបញ្ជាក់ថា ក្នុងស្មារតីយកចិត្តទុកដាក់ខ្ពស់ចំពោះតំបន់អភិរក្សជលផលក្នុងតំបន់បឹងទន្លេសាប ត្រូវមានកិច្ចសហការចូលរួមអនុវត្តដោយម៉ឺងម៉ាត់ពីក្រសួង ស្ថាប័ន ពាក់ព័ន្ធក្នុងការចាត់វិធានការការពារ ទប់ស្កាត់បទល្មើសនេសាទក្នុងតំបន់បឹងទន្លេសាបដើម្បីធានាបាននូវភាពសម្បូរបែបនៃធនធានជលផល ក៏ដូចជាប្រភេទត្រីកម្រដែលជិតផុតពូជ និងសម្រេចបាននូវការថែរក្សា ការបង្កើនផលស្តុកសម្រាប់ប្រើប្រាស់យូរអង្វែង ព្រមទាំងធានាបាននូវប្រភពប្រូតេអ៉ីន និងជីវភាពរស់នៅសម្រាប់បន្តដល់កូនចៅជំនាន់ក្រោយ៕

មន្ត្រីក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើសក្តានុពលទេសចរណ៍ និងខ្សែសង្វាក់សេវាកម្មទេសចរណ៍ធម្មជាតិក្នុងខេត្តសៀមរាប

2024-10-19T08:01:30+00:00

កាលពីថ្ងៃអង្គារ ៦កើត ខែអស្សុជ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៨ ខែតុលា ឆ្នាំ២០២៤ មន្ត្រីក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើ សក្តានុពលទេសចរណ៍ និងខ្សែសង្វាក់សេវាកម្មទេសចរណ៍ធម្មជាតិក្នុងឃុំកំពង់ឃ្លាំង ខេត្តសៀមរាប ។

ការចុះសិក្សារបស់ក្រុមការងារមានដូចខាងក្រោម៖
១-ជួបជាមួយនឹងតំណាងអ្នកសម្របសម្រួលទេសចរណ៍នៅក្នុងឃុំកំពង់ឃ្លាំង ពិភាក្សា និងស្វែងយល់ពីស្ថានភាពទូទៅនៃទេសចរណ៍ដែលមាននៅក្នុងឃុំ រួមបញ្ចូលទាំង ចំនួនភ្ញៀវទេសចរណ៍មកទស្សនា
២- ការរៀបចំបែងចែកវេនសម្រាប់ប្រជាជនដែលបើកទូកដឹកភ្ញៀវទេសចរណ៍ ចំនួនប្រជាពលរដ្ឋដែលបម្រើសេវាកម្មទេសចរណ៍ (ចំនួនអ្នកបើកទូក/កាណូត ចំនួនផ្ទះស្នាក់)
៣- ជួបជាមួយអាជ្ញាធរដែនដី ថ្នាក់ឃុំ អំពីផែនការដែលឃុំចូលរួមក្នុងការជួយដល់ផ្នែកទេសចរណ៍ក្នុងតំបន់ និងដៃគូរសហការនានាពាក់ព័ន្ធនឹងវិស័យទេសចរណ៍ដែលជួយដល់ឃុំកំពង់ឃ្លាំង។

សូមជម្រាបជូនថា៖ សកម្មភាពនេះមានគោលបំណង ធ្វើបច្ចុប្បន្នភាពដែលប្រជាជនបាននឹងកំពុងរស់នៅក្នុងភូមិបណ្ដែតទឹក ចងក្រងពីស្ថានភាពជាក់ស្ដែងក្នុងភូមិបណ្ដែតទឹក ចងក្រងសក្ដានុពលទេសចរណ៍ សហគមន៍នេសាទ ធនធានធម្មជាតិដែលមានតម្លៃក្នុងការជួយគាំទ្រដល់សេដ្ឋកិច្ចប្រជាជនដែលនៅក្នុងតំបន់៕

ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប អញ្ជើញចូលរួមជាវាគ្មិនតំណាងឱ្យប្រទេសកម្ពុជា ស្តីពីការគ្រប់គ្រងអាងទន្លេ (World General Assembly on Basin Management) នៅទីក្រុង Bordeaux ប្រទេសបារាំង

2024-10-19T07:48:37+00:00

នាថ្ងៃពុធ ៧កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ៩ ខែតុលា ឆ្នាំ២០២៤ នៅទីក្រុង Bordeaux ប្រទេសបារាំង ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប ដោយមានការអនុញ្ញាតដ៏ខ្ពង់ខ្ពស់ពីឯកឧត្តម ថោ ជេដ្ឋា ប្រធានអាជ្ញាធរទន្លេសាប បានអញ្ជើញចូលរួមក្នុងមហាសន្និបាតពិភពលោក និងចូលរួមធ្វើជាអ្នកសម្របសម្រួលលើប្រធានបទ «កិច្ចសហប្រតិបត្តិការឆ្លងដែនរបស់ទន្លេ និងការគ្រប់គ្រង នៃគុណភាពទឹក» ក្នុងមហាសន្និបាតពិភពលោកស្តីពី ការគ្រប់គ្រងអាងទន្លេ (World General Assembly on Basin Management) ដែលរៀបចំដោយ International Network of Basin Organization (INBO) លើប្រធានបទធនធានទឹក និងការប្រែប្រួលអាកាសធាតុ៖ តើការគ្រប់គ្រងអាងទន្លេដោយបន្ស៉ាំនឹងការប្រែប្រួលអាកាសធាតុត្រូវធ្វើដោយរបៀបណា? ។

សូមជម្រាបថា ក្នុងមហាសន្និបាតទឹកពិភពលោកនេះនៅ Session ដែលនិយាយលើប្រធានបទ « កិច្ចសហប្រតិបត្តិការឆ្លងដែនរបស់ទន្លេ និងការគ្រប់គ្រង នៃគុណភាពទឹក » ឯកឧត្តមសាស្ត្រាចារ្យ លឹម ពុយ បានចូលរួមធ្វើជាអ្នកសម្របសម្រួលដែលមកពីប្រទេសកម្ពុជា និងចូលរួមពីវាគ្មិនចំនួន ៩ រូប ដែលមកពីប្រទេសបារាំង ប្រទេសកាណាដា ប្រទេស Mexico ប្រទេសអាមេរិកខាងត្បូង ប្រទេសប្រេស៊ីល ប្រទេសអាហ្វ្រិច និងសហគមន៍អ៉ឺរ៉ុប។

មហាសន្និបាតពិភពលោកនេះគឺជាឱកាសដ៏សំខាន់មួយ ដោយរំលឹកដល់ការខិតខំប្រឹងប្រែងអស់ពីកម្លាំងកាយចិត្តរបស់ INBO ក្នុងរយៈពេល ៣ ទសវត្សរ៍ក្នុងការតស៊ូមតិសម្រាប់ការគ្រប់គ្រងធនធានទឹកចម្រុះនៅកម្រិតអាងទន្លេ។ សន្និបាតនេះ ក៏បម្រើជាឱកាសពិសេសមួយសម្រាប់អ្នកពាក់ព័ន្ធចម្រុះដែលចាប់អារម្មណ៍លើការគ្រប់គ្រងធនធានទឹកអាង - រដ្ឋបាលជាតិ អង្គការអាង (ទាំងជាតិ និងឆ្លងដែន) ស្ថាប័នបច្ចេកទេស គណៈកម្មការតំបន់ ទីភ្នាក់ងារ ផ្តល់មូលនិធិ ទីភ្នាក់ងារអង្គការសហប្រជាជាតិ និងច្រើនទៀត - ដើម្បីរួមគ្នា និងចែករំលែកបទពិសោធន៍៕

ឯកឧត្តមសាស្ត្រាចារ្យ លឹម ពុយ អនុប្រធានអាជ្ញាធរទន្លេសាប អញ្ជើញចូលរួមជាវាគ្មិនតំណាងឱ្យប្រទេសកម្ពុជា ស្តីពីការគ្រប់គ្រងអាងទន្លេ (World General Assembly on Basin Management) នៅទីក្រុង Bordeaux ប្រទេសបារាំង

2024-10-19T07:48:37+00:00

លោកស្រី ទេស សុដាវី អនុប្រធាននាយកដ្ឋាន រដ្ឋបាល ផែនការ និងសហប្រតិបត្តិការ បានដឹកនាំក្រុមការងារយេនឌ័រ របស់អាជ្ញាធរទន្លេសាប បន្តចុះស្វែងយល់ពីការលើកកម្ពស់ការយល់ដឹង និងកសាងសមត្ថភាពយេនឌ័រលើការ គ្រប់គ្រងធនធានធម្មជាតិ ស្ថិតនៅក្នុងខេត្តពោធិ៍សាត់

2024-10-19T07:38:31+00:00

កាលពីថ្ងៃអង្គារ ៦កើត ដល់ថ្ងៃសុក្រ ៩កើត ខែអស្សុជ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី៨ រហូតដល់ថ្ងៃទី១១ ខែតុលា ឆ្នាំ២០២៤ លោកស្រី ទេស សុដាវី អនុប្រធាននាយកដ្ឋាន រដ្ឋបាល ផែនការ និងសហប្រតិបត្តិការ បានដឹកនាំក្រុមការងារយេនឌ័ររបស់អាជ្ញាធរទន្លេសាប បន្តចុះស្វែងយល់ពីការលើកកម្ពស់ការយល់ដឹង និងកសាងសមត្ថភាពយេនឌ័រលើការគ្រប់គ្រងធនធានធម្មជាតិ ស្ថិតនៅក្នុងឃុំអន្សាចំបក់ ស្រុកក្រគរ ខេត្តពោធិ៍សាត់។

១. គោលបំណង
- ចុះជួបជាមួយអាជ្ញាធរមូលដ្ឋានពាក់ព័ន្ធការងារយេនឌ័រពីតួនាទី ភារកិច្ចក្នុងការគ្រប់គ្រង និងអភិរក្សធនធានធម្មជាតិ
- ពង្រឹងសមត្ថភាពយេនឌ័រឱ្យស៊ីជម្រៅពីការចូលរួមរបស់ស្ត្រីលើគ្រប់គ្រងធនធានធម្មជាតិ
- សិក្សាលើចំនួនប្រជាពលរដ្ឋ មុខរបរ និងចំនួនស្ត្រីយល់ដឹងពីសារៈប្រយោជន៍ធនធានធម្មជាតិរបស់បឹងទន្លេសាប។

២. គោលដៅនៃការសិក្សា
- ក្រុមការងារចុះជួបពិភាក្សាការងារពាក់ព័ន្ធយេនឌ័រជាមួយអាជ្ញាធរមូលដ្ឋាន ស្ថិតនៅឃុំអន្សាចំបក់ ស្រុកក្រគរ ខេត្តពោធិ៍សាត់
- សម្ភាសន៍ពីការរងារស្ត្រី។

ការចុះសិក្សាស្វែងយល់នេះ ផ្ដោតលើការលើកកម្ពស់ការយល់ដឹងយេនឌ័រជូនដល់អាជ្ញាធរមូលដ្ឋាន និងប្រជាពលរដ្ឋ ដើម្បីពង្រឹងសមត្ថភាពយេនឌ័របន្ថែមពីអត្ថប្រយោជន៍ពីបឹងទន្លេសាប និងឱ្យមានការចូលរួមរបស់ស្ត្រីដោយសមធម៌មិនរើសអើង ក៏ដូចជាការផ្សារភ្ជាប់រវាងតួនាទី ភារកិច្ចរបស់ស្ត្រី និងបុរសពាក់ព័ន្ធនឹងការងារគ្រប់គ្រង និងអភិរក្សធនធានធម្មជាតិនៅតំបន់បឹងទន្លេសាបប្រកបដោយនិរន្តរភាព៕

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ អាជ្ញាធរទន្លេសាប បានបន្តដឹកនាំក្រុមការងារទទួលបន្ទុកផ្សព្វផ្សាយ បន្តចុះផ្សព្វផ្សាយ ច្បាប់ បទដ្ឋានគតិយុត្ត បទបញ្ញត្តិនានាពាក់ព័ន្ធការការពារ ថែរក្សា គ្រប់គ្រង និងអភិរក្សដែនព្រៃលិចទឹ

2024-10-15T13:48:14+00:00

ខេត្តពោធិ៍សាត់: ដើម្បីធានាដល់ការការពារ ថែរក្សា និងគ្រប់គ្រងធនធានធម្មជាតិ ជីវចម្រុះ និងព្រៃលិចទឹក តំបន់បឹងទន្លេសាប ប្រកបដោយនិរន្តរភាព លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានដឹកនាំក្រុមការងារបន្តចុះផ្សព្វផ្សាយច្បាប់ បទដ្ឋានគតិយុត្ត បទបញ្ញត្តនានាពាក់ព័ន្ធការការពារ ថែរក្សា គ្រប់គ្រង និងអភិរក្សដែនព្រៃលិចទឹក និងព្រៃលិចទឹកតំបន់៣ បឹងទន្លេសាប ស្ថិតនៅក្នុងភូមិសាស្ត្រស្រុកកណ្ដៀង ខេត្តពោធិ៍សាត់ ។ វគ្គផ្សព្វផ្សាយនេះ បានរៀបចំឡើង នាថ្ងៃចន្ទ ១២ កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៤ ខែតុលា ឆ្នាំ២០២៤ ដែលបានអញ្ជើញចូលរួមពីលោកអនុប្រធានមន្ទីរធនធានទឹក និងឧតុនិយមខេត្តពោធិ៍សាត់ លោកអភិបាលរងស្រុកកណ្តៀង ព្រមទាំងលោក លោកស្រី ជាមេឃុំ ជំទប់ឃុំ ក្រុមប្រឹក្សាឃុំ មេភូមិ អនុភូមិ មន្ត្រីនគរបាលប៉ុស្តិ៍ តំណាងសហគមន៍នេសាទ និងប្រជាពលរដ្ឋរស់នៅក្នុងភូមិសាស្ត្រឃុំរាំងទិល ឃុំស្រែស្ដុក ឃុំកណ្ដៀង ឃុំស្យា និងឃុំកញ្ជរ ស្រុកកណ្ដៀង ខេត្តពោធិ៍សាត់ សរុបចំនួន ១៤៨ នាក់។

សូមជម្រាបជូនថា សម្រាប់វគ្គផ្សព្វផ្សាយនេះ មានគោលបំណងផ្ដោតសំខាន់លើ ៖
- បង្កើនការយល់ដឹងទៅកាន់ប្រជាពលរដ្ឋ ឱ្យមានការចូលរួមការពារ ថែរក្សា និងគ្រប់គ្រងធនធានធម្មជាតិ ជីវចម្រុះ និងព្រៃលិចទឹក
- សំដៅធានាបាននូវការគ្រប់គ្រងធនធានធម្មជាតិ ជីវចម្រុះ ដែនព្រៃលិចទឹក និងព្រៃលិចទឹក នៅក្នុងតំបន់ជុំវិញបឹងទន្លេសាប ប្រកបដោយនិរន្តរភាព ។

ខ្លឹមសារសំខាន់នៃវគ្គផ្សព្វផ្សាយនេះ បានបង្ហាញពីសារ:សំខាន់របស់បឹងទន្លេសាប ព្រៃលិចទឹក រួមនឹងវិធានការការពារធនធានធម្មជាតិ ដោយការចូលរួមក្នុងការអនុវត្តច្បាប់ ដើម្បីធានាឱ្យបាននូវការការពារ ថែរក្សា និងគ្រប់គ្រងធម្មជាតិ ជីវចម្រុះ ធនធានជលផល ព្រៃលិចទឹកនៅតំបន់២ និងតំបន់៣ នៃបឹងទន្លេសាបឱ្យមានប្រសិទ្ធភាពខ្ពស់ និងរក្សាបាននូវតុល្យភាពប្រព័ន្ធអេកូឡូស៊ីបឹងទន្លេសាប ដែលជាអត្តសញ្ញាណជាតិមិនអាចកាត់ថ្លៃបានសម្រាប់មនុស្សជាតិ ព្រមទាំង ខ្លឹមសារដែលមានចែងក្នុងច្បាប់ស្តីពីការគ្រប់គ្រងធនធានធម្មជាតិ និងអនុក្រឹត្យលេខ ៨៣ អនក្រ.បក ស្តីពីការកំណត់សិទ្ធិប្រេីប្រាស់ និងអាស្រ័យផលលេីដីរដ្ឋ ក្នុងដែនដីតំបន់ទ្រនាប់នៃដែនព្រៃលិចទឹក (តំបន់២) ជុំវិញបឹងទន្លេសាប ស្ថិតក្នុងភូមិសាស្ត្រខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ។

លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បន្តចុះសិក្សាស្រាវជ្រាវតាមដាន និងវាយតម្លៃការធ្វើអាជីវកម្មនេសាទ នៅខេត្តសៀមរាប

2024-10-15T13:38:46+00:00

កាលពីថ្ងៃចន្ទ ៥កើត ដល់ថ្ងៃសុក្រ ៩កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៧ ដល់ថ្ងៃទី១១ ខែតុលា ឆ្នាំ២០២៤ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វេីអាជីវកម្ម និងអភិរក្ស បានដឹកនាំក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានបន្តចុះសិក្សាស្រាវជ្រាវ តាមដាន វាយតម្លៃការធ្វើអាជីវកម្មនេសាទ ស្ថិតនៅភូមិសាស្ត្រឃុំកំពង់ភ្លុក ស្រុកប្រាសាទបាគង ខេត្តសៀមរាប។

ការចុះសិក្សានេះ ក្រុមការងារស្រាវជ្រាវ បានធ្វើការជាមួយ ៖
១. ជួបសម្ភាសន៍ជាមួយអាជ្ញាធរដែនដី និងប្រជានេសាទ
២. ដឹងពីប្រភេទឧបករណ៍ដែលកំពង់ធ្វើការនេសាទ
៣. ដឹងពីបរិមាណផលចាប់ ប្រភេទត្រី និងចរន្តទីផ្សារ

សូមជម្រាបជូនថា៖ សកម្មភាពចុះសិក្សា តាមដាន វាយតម្លៃការធ្វើអាជីវកម្មនេសាទ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ ២០២៤ របស់អាជ្ញាធរទន្លេសាប ។ សកម្មភាពខាងលើនេះ មានគោលបំណង៖
- សិក្សាតាមដានបរិមាណនេសាទប្រចាំរបស់ប្រជានេសាទ និងភាពសម្បូរនៃត្រី
- សិក្សាចរន្តទីផ្សារនៃការធ្វើអាជីវកម្មនេសាទ
- សិក្សាបញ្ហាប្រឈម និងផលប៉ះពាល់នៃការធ្វើអាជីវកម្មនេសាទ៕

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស ចុះសិក្សាស្តីពីបម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រតាមដងស្ទឹងស្ទោង និងស្ទឹងសែន ក្នុងខេត្តកំពង់ធំ និងស្ទឹងសៀមរា

2024-10-15T13:24:12+00:00

កាលពីថ្ងៃចន្ទ ៥កើត ដល់ថ្ងៃសុក្រ ៩កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ៧ ដល់ថ្ងៃទី ១១ ខែ តុលា ឆ្នាំ២០២៤ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រតាមដងស្ទឹងស្ទោង និងស្ទឹងសែន ក្នុងខេត្តកំពង់ធំ និងស្ទឹងសៀមរាប ក្នុងខេត្តសៀមរាប។

ការចុះសិក្សានេះ ក្រុមការងារបានធ្វើលើ ៖
ទី១. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សាខាងលើ ។
ទី២. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ និងពិនិត្យលើលំនៅដ្ឋានធនធានជលផលនៅរដូវវស្សា ។

សូមជម្រាបជូនថាៈ សកម្មភាពចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រតាមដងស្ទឹងស្ទោង និងស្ទឹងសែន ក្នុងខេត្តកំពង់ធំ និងស្ទឹងសៀមរាប ក្នុងខេត្តសៀមរាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៤ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។

ក្រុមការងារនាយកដ្ឋានធនធានធម្មជាតិ នៃអាជ្ញាធរទន្លេសាប បានបន្តចុះសិក្សាស្រាវជ្រាវពីការតាមដានគម្របដីកសិកម្ម និងការប្រើប្រាស់ដី នៅតំបន់ទន្លេសាប និងតំបន់ពាក់ព័ន្ធ ក្នុងខេត្តបាត់ដំបង

2024-10-15T13:13:31+00:00

កាលពីថ្ងៃព្រហស្បតិ៍ ៨កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែតុលា ឆ្នាំ២០២៤ លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ បានដឹកនាំក្រុមការងារ បន្តចុះសិក្សាស្រាវជ្រាវពីការតាមដានគម្របដីកសិកម្ម និងការប្រើប្រាស់ដី នៅតំបន់ទន្លេសាប និងតំបន់ពាក់ព័ន្ធ នៅ ឃុំជ្រៃ ឃុំតាលាស់ និងឃុំព្រៃតូច ស្រុកម៉ោងឬស្សី ខេត្តបាត់ដំបង។

ក្រុមការងារបានចុះសិក្សាលើ៖
១. ប្រមូលទិន្នន័យកសិកម្ម ទាក់ទងនឹងចំនួនប្រជាជនដែលប្រកបរបរកសិកម្ម ផ្ទៃដីកសិកម្ម និងការធ្វើកសិកម្ម នៅសាលាស្រុកម៉ោងឬស្សី និងនៅតាមឃុំចំនួន ៣ ជាមួយអាជ្ញាធរពាក់ព័ន្ធ ។
២. ចុះដល់ទីតាំងផ្ទាល់ ដើម្បីពិនិត្យមើលស្ថានភាពជាក់ស្ដែងលើការប្រើប្រាស់ដី និងគម្រោងដីកសិកម្មនៅក្នុងឃុំចំនួន ៣ គឺឃុំជ្រៃ ឃុំតាលាស់ និងឃុំព្រៃតូច។

គោលបំណងនៃការសិក្សា៖
- សិក្សាស្រាវជ្រាវ និងវិភាគពីបម្រែបម្រួលផ្ទៃដីកសិកម្ម តំបន់ ២ និងតំបន់ ៣ ក្នុងខេត្តទាំង៦ ជុំវិញបឹងទន្លេសាប
- ចុះសិក្សា តាមដាន និងផ្ទៀងផ្ទាត់ លើព័ត៌មាន-ទិន្នន័យ ដែលប្រមូលបាន
- ធ្វើបច្ចុប្បន្នភាព ទៅលើទិន្នន័យដែលប្រមូលបាន
- ចងក្រងជាប្រព័ន្ធទិន្នន័យមូលដ្ឋានលើស្ថានភាពការធ្វើកសិកម្ម៕

ក្រុមការងារនាយកដ្ឋានធនធានធម្មជាតិ នៃអាជ្ញាធរទន្លេសាប បានបន្តចុះសិក្សាស្រាវជ្រាវពីការតាមដានគម្របដីកសិកម្ម និងការប្រើប្រាស់ដី នៅតំបន់ទន្លេសាប និងតំបន់ពាក់ព័ន្ធ ក្នុងខេត្តបាត់ដំបង

2024-10-15T13:01:59+00:00

ក្រុមការងារមន្ត្រីបច្ចេកទេសនាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានបន្តចុះសិក្សាស្វែងយល់ពីសក្ដានុពល និងការគ្រប់គ្រងតំបន់អភិរក្សជលផលដីរនាត ស្ថិតនៅឃុំមេទឹក ស្រុកបាកាន ខេត្តពោធិ៍សាត់

2024-10-15T12:52:30+00:00

នាថ្ងៃសុក្រ ៩ កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១១ ខែតុលា ឆ្នាំ២០២៤ ក្រុមការងារមន្ត្រីបច្ចេកទេសរបស់ នាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានបន្តចុះសិក្សាស្វែងយល់ពីសក្ដានុពល និងការគ្រប់គ្រងតំបន់អភិរក្សជលផលដីរនាត ស្ថិតក្នុងឃុំមេទឹក ស្រុកបាកាន ខេត្តពោធិ៍សាត់។

ក្នុងដំណើរបេសកកម្មនេះក្រុមការងារបាន៖
១. ជួបពិភាក្សា ស្វែងយល់ និងប្រមូលព័ត៌មាន-ទិន្នន័យពីមន្ត្រីជំនាញជលផល អាជ្ញាធរដែនដី សហគមន៍នេសាទ និងកម្លាំងចម្រុះដែលប្រចាំការក្នុងតំបន់អភិរក្ស
២. ជួបសម្ភាសន៍ជាមួយប្រជានេសាទ ដើម្បីស្វែងយល់ និងប្រមូលព័ត៌មាន-ទិន្នន័យ ពីបម្រែបម្រួលផលនេសាទ និងការចូលរួមគ្រប់គ្រង ការពារ ធនធានជលផលនៅក្នុងតំបន់អភិរក្ស
៣. ចុះពិនិត្យ និងអង្កេតផ្ទាល់ពីស្ថានភាពទូទៅតំបន់អភិរក្សជលផលដីរនាត

សូមជម្រាបជូនថាៈ សកម្មភាពចុះសិក្សាស្វែងយល់ពីសក្ដានុពល និងការគ្រប់គ្រងតំបន់អភិរក្សជលផលក្នុងបណ្តាខេត្តទាំង ៦ ជុំវិញបឹងទន្លេសាប គឺជាសកម្មភាពមួយ ក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្ត នៅក្នុងផែនការសកម្មភាពប្រចាំឆ្នាំ២០២៤ របស់អាជ្ញាធរទន្លេសាប។

សកម្មភាពខាងលើនេះ មានគោលបំណង
- សិក្សាស្វែងយល់ពីស្ថានភាពទូទៅរបស់តំបន់អភិរក្សជលផល
- ស្វែងយល់ពីបញ្ហាប្រឈមផ្សេងៗ និងដំណោះក្នុងការគ្រប់គ្រង តំបន់អភិរក្សជលផល
- វិភាគស៊ីជម្រៅលើបញ្ហាប្រឈម ដែលពាក់ព័ន្ធក្នុងការគ្រប់គ្រងតំបន់អភិរក្សជលផល ដើម្បីផ្ដល់ជម្រើសដំណោះស្រាយសមស្រប៕

លោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានដឹកនាំក្រុមការងារចុះផ្សព្វផ្សាយបង្កើនការយល់ដឹងអំពីច្បាប់ និងលិខិតបទដ្ឋានគតិយុត្តពាក់ព័ន្ធការគ្រប់គ្រង អភិរក្ស និងអភិវឌ្ឍន៍ធនធានធម្មជាតិដល់ប្រជាសហគមន៍ស្ថិតនៅ

2024-10-12T09:55:14+00:00

នាថ្ងៃពុធ ៧កើត ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០៩ ខែតុលា ឆ្នាំ២០២៤ លោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានដឹកនាំក្រុមការងារចុះផ្សព្វផ្សាយបង្កើនការយល់ដឹងអំពីច្បាប់ និងលិខិតបទដ្ឋានគតិយុត្តពាក់ព័ន្ធការគ្រប់គ្រង អភិរក្ស និងអភិវឌ្ឍន៍ធនធានធម្មជាតិដល់ប្រជាសហគមន៍ស្ថិតក្នុងឃុំកោះថ្កូវ ស្រុកជលគីរី និងឃុំកំពង់ត្រឡាច ស្រុកកំពង់ត្រឡាច ខេត្តកំពង់ឆ្នាំង។ វគ្គផ្សព្វផ្សាយនេះ ក៏មានការអញ្ជើញចូលរួមពីលោកមេឃុំ ជំទប់ឃុំ មេភូមិ សមាជិកភូមិ ផ្នែកជលផល នាយសង្កាត់ជលផល គណៈកម្មការសហគមន៍នេសាទ និងប្រជាពលរដ្ឋរស់នៅក្នុងភូមិសាស្ត្រឃុំកោះថ្កូវ និងឃុំកំពង់ត្រឡាច សរុបចំនួន ៦៥នាក់។

សូមជម្រាបជូនថា ការចុះផ្សព្វផ្សាយនេះ ផ្តោតលើគោលបំណងសំខាន់ៗរួមមាន ៖
១. ផ្សព្វផ្សាយ ច្បាប់ និងលិខិតបទដ្ឋានគតិយុត្តនានាពាក់ព័ន្ធការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ ជីវចម្រុះ និងផលប៉ះពាល់នៃការអនុវត្តច្បាប់ ដើម្បីធានាបានក្នុងការគ្រប់គ្រងធនធានធម្មជាតិ ប្រកបដោយនិរន្តរភាព
២. បញ្ជ្រៀបការយល់ដឹង អំពីច្បាប់ និងលិខិតបទដ្ឋានគតិយុត្តនានាពាក់ព័ន្ធការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ និងជីវចម្រុះ។

ក្នុងវគ្គផ្សព្វផ្សាយនេះផងដែរ ក្រុមការងារក៏បានធ្វើការបង្ហាញ អំពីច្បាប់ និងលិខិតបទដ្ឋានគតិយុត្តនានាពាក់ព័ន្ធការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ ជីវចម្រុះ ធនធានធលផល និងព្រៃលិចទឹក មានដូចជា ៖
- ច្បាប់ ស្តីពី ជលផល
- ច្បាប់ ស្តីពី កិច្ចការពារបរិស្ថាន និងការគ្រប់គ្រង់ធនធានធម្មជាតិ
- ច្បាប់ ស្តីពី ព្រៃឈើ
- ច្បាប់ ស្តីពី តំបន់ការពារធម្មជាតិ
- អនុក្រឹត្យលេខៈ ២៧ អនក្រ.បក ស្តីពី ការត្រួតពិនិត្យការបំពុលទឹក
- អនុក្រឹត្យលេខៈ ៨៣ អនក្រ.បក ស្តីពី ការកំណត់សិទ្ធិប្រើប្រាស់ និងអាស្រ័យផលលើដីរដ្ឋ ក្នុងដែនដីតំបន់ទ្រនាប់នៃដែនព្រៃលិចទឹក (តំបន់២)ស្ថិតនៅភូមិសាស្ត្រខេត្តទាំង ៦ ជុំវិញបឹងទន្លេសាប
- ប្រកាសលេខៈ ៤៥៨ ប្រក.កសក ស្តីពី ការកំណត់ប្រភេទឧបករណ៍នេសាទគ្រួសារដែលអនុញ្ញាតឱ្យធ្វើនេសាទក្នុងដែននេសាទទឹកសាបនៃព្រះរាជាណាចក្រកម្ពុជា
- ប្រកាសលេខៈ ៥៧១ ប្រក.កសក ស្តីពី វិធានការការពារប្រភេទធនធានជលផលដែលកំពុងរងគ្រោះ។

ជាទីបញ្ចប់ ក្រុមការងារបានសំណូមពរ ទៅកាន់ប្រជាពលរដ្ឋ និងសហគមន៍នេសាទ ដែលបានមកចូលរួមក្នុងវគ្គផ្សព្វផ្សាយនេះ ជួយធ្វើការផ្សព្វផ្សាយបន្តដល់ប្រជាពលរដ្ឋផ្សេងទៀតដែលរស់នៅក្នុងសហគមន៍៕

លោក ឡូញ ណារិន្ន ប្រធានការិយាល័យកសិកម្មចម្រុះ និងមន្ត្រីបច្ចេកទេសរបស់អាជ្ញាធរទន្លេសាប បានទៅចូលរួមសិក្ខាសាលាស្តីពី “រួមបញ្ចូលគ្នាលើការគ្រប់គ្រងធនធានទឹក (Integrated Water Resources Management)” នៅទីក្រុង Hangzhou ខេត្ត Zhejiang ទីក្រុង Nan

2024-10-08T11:30:50+00:00

ចាប់ពីថ្ងៃសុក្រ ១១កើត ដល់ថ្ងៃសៅរ៍ ១១រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៣ ដល់ថ្ងៃទី២៨ ខែកញ្ញា ឆ្នាំ២០២៤ លោក ឡូញ ណារិន្ន ប្រធានការិយាល័យកសិកម្មចម្រុះ និងមន្ត្រីបច្ចេកទេសនៃអាជ្ញាធរទន្លេសាប បានទៅចូលរួមសិក្ខាសាលាស្តីពី “រួមបញ្ចូលគ្នាលើការគ្រប់គ្រងធនធានទឹក (Integrated Water Resources Management)” នៅទីក្រុង Hangzhou ខេត្ត Zhejiang ទីក្រុង Nanjing ខេត្ត Jiangsu និងទីក្រុង Beijing នៃសាធារណៈរដ្ឋប្រជាមានិតចិន។ វគ្គសិក្ខាសាលានេះ រៀបចំឡើងដោយ វិទ្យាស្ថានស្រាវជ្រាវជាតិសម្រាប់អគ្គិសនីជនបទ, ក្រសួងធនធានទឹក (MWR) សាធារណៈរដ្ឋប្រជាមានិតចិន, មជ្ឈមណ្ឌលតំបន់ Hangzhou (អាស៊ីប៉ាស៊ីហ្វិក) សម្រាប់ថាមពលវារីអគ្គិសនីខ្នាតតូច (HRC) និងសហការរៀបចំដោយមជ្ឈមណ្ឌលសហប្រតិបត្តិការធនធានទឹក ឡានឆាង-មេគង្គ ក្រោមការឧបត្ថម្ភថវិកា របស់ក្រសួងពាណិជ្ជកម្ម នៃសាធារណៈរដ្ឋប្រជាមានិតចិន ដើម្បីជាការឆ្លើយតបទៅនឹងការប្រែប្រួលអាកាសធាតុសកល ដែលមានការចូលរួមពី មន្ត្រីរាជរដ្ឋាភិបាល វិទ្យាស្ថានសិក្សា ក្រុមសាស្ត្រាចារ្យ អ្នកជំនាញការ អ្នកបច្ចេកទេស អ្នកស្រាវជ្រាវ ស្ថាប័នជំនាញពាក់ព័ន្ធ និងបណ្តាប្រទេសផ្សេងៗសរុបចំនួន ៣២ រូប ដូចជា ៖ កម្ពុជា ថៃ មីយ៉ាន់ម៉ា វៀតណាម ឡាវ និងឥណ្ឌូនេស៊ី ។ ក្នុងនោះ សិក្ខាកាមក៏បានចូលរួមសន្និសីទ សប្តាហ៍ទឹកអន្តរជាតិអាស៊ីលើកទី ៣ (3rd Asia International Water Week) ក្រោមប្រធានបទ ការលើកកម្ពស់សុវត្ថិភាពទឹកនាពេលអនាគតរបស់យើង (Enhancing Our Future Water Security) ដែលបានរៀបចំនៅមជ្ឈមណ្ឌលសន្និបាតអន្តរជាតិប៉េកាំង ក្នុងទីក្រុងប៉េកាំង នៃសាធារណៈរដ្ឋប្រជាមានិតចិន នាថ្ងៃទី ២៤ ដល់ថ្ងៃទី ២៦ ខែកញ្ញា ឆ្នាំ២០២៤ ។ ទន្ទឹមនឹងនោះ វគ្គសិក្ខាសាលាខាងលើក៏មានការចុះធ្វើ ទស្សនៈកិច្ចសិក្សាស្វែងយល់បន្ថែមនៅតាមក្រុមហ៊ុន តំបន់ប្រវត្តិសាស្ត្រ និងសាកលវិទ្យាល័យហូហៃ ផងដែរ ។

សិក្ខាសាលានេះមានគោលបំណង៖
(១) ការគ្រប់គ្រងធនធានទឹកចម្រុះសម្រាប់ប្រទេសក្នុងតំបន់មេគង្គឡានឆាង
(២) ការរៀបចំផែនការគ្រប់គ្រងធនធានទឹក និងការបែងចែកទឹក
(៣) ដំណើរការបច្ចេកវិទ្យា និងភាពធន់របស់សំណង់មេក្បាលហុង
(៤) ការផ្លាស់ប្តូរបទពិសោធន៍គ្រប់គ្រងធនធានទឹកចម្រុះរបស់ប្រទេសនីមួយៗ
(៥)ពង្រឹងចំណងកិច្ចសហប្រតិបត្តិការរវាងបណ្តាប្រទេសជាសមាជិកនៃតំបន់មេគង្គឡានឆាងដែលមានន័យខ្លីថា «ផឹកទឹកទន្លេតែមួយ ដូចគ្រួសារតែមួយ» ៕

លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាបចូលរួមវគ្គបណ្តុះបណ្តាលស្តីពី ការគ្រប់គ្រងធនធានទឹកជាក់ស្តែងសម្រាប់ដោះស្រាយបញ្ហាទឹក “Practical IWRM (Integrated Water Resources Management) for Solving Water Problems” ស្ថិតនៅទីក

2024-10-08T10:56:29+00:00

នាថ្ងៃអង្គារ ១កើត ខែភទ្របទ ដល់ថ្ងៃសៅរ៍ ៣កើត ខែអស្សុជ ឆ្នាំរោង ឆស័ក ២៥៦៨ ត្រូវនឹងថ្ងៃទី ០៣ ខែកញ្ញា ដល់ថ្ងៃទី ០៥ ខែតុលា ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប និងសិក្ខាកាមចំនួន ១៣ រូប ដែលបានឧបត្ថម្ភគាំទ្រដោយភាគី JICA (ភាគីជប៉ុន) ក្នុងការអញ្ជើញឱ្យទៅចូលរួម ដូចជា៖ ប្រទេសនេប៉ាល់, បង់ក្លាដែស, ហ្វីលីពីន, ស៊ូដង់ខាងត្បូង, ម៉ូរ៉ូកូ, ហ្វីស្សី, វៀតណាម, ស្រីលាំងការ, អេផ្ជ័រពីញ៉ា, កេនីញ៉ា, ស៊ូដង់, កុយបា និងសាធារណៈរដ្ឋដូមីនីកាន បានទៅចូលរួមវគ្គបណ្តុះបណ្តាលស្តីពី ការគ្រប់គ្រងធនធានទឹកជាក់ស្តែងសម្រាប់ដោះស្រាយបញ្ហាទឹក “Practical IWRM (Integrated Water Resources Management) for Solving Water Problems” ដែលនឹងប្រព្រឹត្តិទៅនៅប្រទេសជប៉ុន ដើម្បីសិក្សាស្វែងយល់ពីការយល់ដឹង និងកសាងសមត្ថភាព ផ្នែកគ្រប់គ្រងធនធានទឹកចម្រុះ នៅក្នុងប្រទេសជប៉ុន និងតំបន់ផ្សេងៗពាក់ព័ន្ធវិស័យធនធានទឹក ។

១- គោលបំណង
- ផលប៉ះពាល់គុណភាពទឹកលើបរិស្ថាន ជីវចម្រុះ និងត្រួតពិនិត្យតាមដានការប្រែប្រួលគុណភាពទឹកលើដី និងទឹកក្រោមដី នៅតាមប្រទេសកំពុងអភិវឌ្ឍន៍មួយចំនួន និងប្រទេសជប៉ុន ។
- ការគ្រប់គ្រងធនធានទឹកនៅតាមទំនប់អាងទឹក និងប្រព័ន្ធស្រោចស្រពនៅតាមប្រទេសកំពុងអភិវឌ្ឍន៍មួយចំនួន និងប្រទេសជប៉ុន ពិសេសការចែករំលែកបទពិសោធន៍ និងដំណោះស្រាយរបស់សិក្ខាកាមក្នុងវគ្គសិក្សា ។
- ការវាយតម្លៃបឋម និងការសិក្សាស្រាវជ្រាវ ស្តីពីផលប៉ះពាល់វិស័យធនធានទឹក តាមរយៈការប្រែប្រួលអាកាសធាតុ និងការទាញយកប្រភពទិន្នន័យផ្សេងៗមកប្រើប្រាស់តាមរយៈផ្កាយរណប ព្រមទាំងផ្សែងពុលចេញពីរោងចក្រ និងការដុតព្រៃ ។
- ការចុះទស្សនៈកិច្ចនៅតាមបណ្តាលទំនប់ទឹក វារីអគ្គីសនី ប្រព័ន្ធស្រោចស្រព មន្ទីរពិសោធគុណភាពទឹក (ទឹកលើដី និងទឹកក្រោមដី) រោងចក្របន្សុទ្ធទឹកប្រៃ (ទឹកសមុទ្រ) រោងចក្រផលិតអាងស្តុកទឹកលូបង្គន់/លូទឹកទីក្រុង និងប្រតិកម្មទឹកកខ្វក់ចេញពីបង្គន់/ទីក្រុងទៅជាទឹកប្រើប្រាស់ប្រចាំថ្ងៃ (បរិស្ថានស្តង់ដារ) ។
- ការរៀបចំផែនការសកម្មភាព និងបទពិសោធន៍ផ្សេងៗនៅក្នុងវគ្គបណ្តុះបណ្តាល IWRM ។

២. លទ្ធផលសិក្សា៖
- វិធីសាស្ត្រដំណោះស្រាយបញ្ហាប្រឈម : ទឹកជំនន់ គ្រោះរាំងស្ងួន ការបំពុលបរិស្ថានទឹក គុណភាពទឹក ការគ្រប់គ្រង និងតាមដានវិស័យធនធានទឹក ការងារក្នុងស្ថាប័ន និងវិធីសាស្ត្រដោះស្រាយតាម IAS (Issues Analysis Sheet)។
- ប្រព័ន្ធចម្រោះទឹកស្អាត ដែលយកពីប្រភពទឹកលើដី ក្រោមដី និងទឹកសមុទ្រ ដើម្បីចែកចាយទៅទីក្រុងគីតាគ្យូស៊ូ និងតំបន់ផ្សេងៗប្រកបដោយចីរភាព (KitaKyusu city) ។
- គំនិតច្នៃប្រឌិតក្នុងការសន្សំសំចៃទឹកក្នុងទីក្រុង បរិស្ថានទន្លេក្នុងទីក្រុង និងច្បាប់ទន្លេ សកម្មភាពការចូលរួមរបស់ប្រជាពលរដ្ឋក្នុងការការពារបរិស្ថានផ្សែងពុល ទឹកទន្លេ និងទឹកលូបង្គន់/ទីក្រុង (បន្សុទ្ធមុនបញ្ចេញចោលជាសាធារណៈ (ចូលទន្លេ និងសមុទ្រ) ។
- ការយល់ដឹងពីទ្រឹស្តី, ការទស្សនកិច្ចលើទីតាំងសំណង់ទំនប់, រោងចក្រ, មន្ទីរពិសោធន៍ និងវប្បធម៌៖ (1)-Seaga Mizummonogatari-kan & Ishiibi, (2)-Chikugo Ozeki weir, (3)-Yamada weir, (4)-Koishiwaragawa dam, (5)-Monitoring well, (6)-Agriculture reservoir construction site, (7)-Fukuoka river information center, (8)-Water distribution control center, (9)-Water reclamation facilities និង (10)- Leakage inspection in Kitakyushu City ៕

លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានដឹកនាំក្រុមការងារយេនឌ័ររបស់អាជ្ញាធរទន្លេសាប បានបន្តចុះស្វែងយល់ពីការលើកកម្ពស់ការយល់ដឹង និងកសាងសមត្ថភាពយេនឌ័រលើការគ្រប់គ្រងធនធានធម្មជាតិ ស្ថិតនៅក្នុងខេត្តកំពង់

2024-10-01T12:31:12+00:00

កាលពីថ្ងៃពុធ ៨រោច ដល់ថ្ងៃសៅរ៍ ១១រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ដល់ថ្ងៃទី២៨ ខែកញ្ញាឆ្នាំ២០២៤ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានដឹកនាំក្រុមការងារយេនឌ័ររបស់អាជ្ញាធរទន្លេសាប ចុះស្វែងយល់ពីការលើកកម្ពស់ការយល់ដឹង និងកសាងសមត្ថភាព យេនឌ័រលើការគ្រប់គ្រងធនធានធម្មជាតិ ស្ថិតនៅក្នុងឃុំសូយោង ស្រុកតាំងគោក ខេត្តកំពង់ធំ។

ការចុះសិក្សានេះ ក្នុងគោលដៅ:
- ក្រុមការងារចុះជួបពិភាក្សាការងារពាក់ព័ន្ធយេនឌ័រជាមួយអាជ្ញាធរមូលដ្ឋានស្ថិតនៅឃុំសូយោង ស្រុកតាំងគោក ខេត្តកំពង់ធំ
- សម្ភាសន៍ពីការងារស្ត្រី។

សូមជម្រាបជូនថា: ក្រុមការងារបានចុះសិក្សាស្វែងយល់នេះ ផ្ដោតសំខាន់លើការលើកកម្ពស់ការយល់ដឹងយេនឌ័រជូនដល់អាជ្ញាធរមូលដ្ឋាន ដើម្បីពង្រឹងសមត្ថភាពយេនឌ័របន្ថែមពីអត្ថប្រយោជន៍ពីបឹងទន្លេសាប និងឱ្យមានការចូលរួមរបស់ស្ត្រីដោយមានសមត្ថភាព និងសមធម៌មិនរើសអើង ពាក់ព័ន្ធនឹងការងារគ្រប់គ្រងធនធានធម្មជាតិនៅតំបន់បឹងទន្លេសាប។សកម្មភាពនេះសិក្សាមានគោលបំណង:
- ចុះជួបជាមួយអាជ្ញាធរមូលដ្ឋានពាក់ព័ន្ធការងារយេនឌ័រពីតួនាទី និងភារកិច្ចក្នុងការពារធនធានធម្មជាតិ
- ពង្រឹងសមត្ថភាពយេនឌ័រពីការចូលរួមរបស់ស្ត្រី
- សិក្សាលើចំនួនប្រជាពលរដ្ឋ មុខរបរ និងចំនួនស្ត្រីយល់ដឹងពីសារៈប្រយោជន៍ និងអាស្រ័យផលពីធនធានធម្មជាតិរបស់បឹងទន្លេសាប៕

ក្រុមការងារមន្ត្រីបច្ចេកទេសនៃនាយកដ្ឋានធនធានធម្មជាតិ បានបន្តចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រដងស្ទឹងពោធិ៍សាត់ ក្នុងខេត្តពោធិ៍សាត់ និងដងស្ទឹងសង្កែ ក្នុងខេត្តបាត់ដំបង

2024-10-01T07:33:02+00:00

កាលពីថ្ងៃពុធ ៨រោច ដល់ថ្ងៃសៅរ៍ ១១រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៥ ដល់ថ្ងៃទី ២៨ ខែកញ្ញា ឆ្នាំ២០២៤ ក្រុមការងារមន្ត្រីបច្ចេកទេសនៃនាយកដ្ឋានធនធានធម្មជាតិបានបន្តចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រដងស្ទឹងពោធិ៍សាត់ ក្នុងខេត្តពោធិ៍សាត់ និងដងស្ទឹងសង្កែ ក្នុងខេត្តបាត់ដំបង។

ការចុះសិក្សានេះ ក្រុមការងារបានធ្វើលើ ៖
១. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សាខាងលើ ។
២. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ និងពិនិត្យលើលំនៅដ្ឋានធនធានជលផលនៅរដូវវស្សា ។

សូមជម្រាបជូនថាៈ សកម្មភាពចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រដងស្ទឹងពោធិ៍សាត់ ក្នុងខេត្តពោធិ៍សាត់ និងដងស្ទឹងសង្កែ ក្នុងខេត្តបាត់ដំបង គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៤ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។

សកម្មភាពខាងលើនេះ មានគោលបំណង៖
- តាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍នេសាទក្នុងទីតាំងសិក្សា
- បច្ចុប្បន្នភាពប្រភេទ និងលក្ខណៈជីវសាស្ត្រធនធានជលផលតាមប្រភេទទីជម្រក ចំណី និងបរិស្ថានទឹក (វាយតម្លៃបឋមលើគុណភាពទឹកតាមទីតាំងចុះសិក្សា)
- វាយតម្លៃប្រភេទធនធានជលផលនៅតាមដងទន្លេសាប (កណ្តាល-ភ្នំពេញ-កំពង់ឆ្នាំង) នៅឡូត៍ដាយត្រី និងតំបន់ពាក់ព័ន្ធ
- វាយតម្លៃលើការបន្លាស់ទីធនធានជលផលតាមស្ទឹង និងលក្ខណៈជីវសាស្ត្ររបស់ត្រី និងក្រៅពីត្រី ៕

ក្រុមការងារបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប បានបន្តចុះសិក្សាស្រាវជ្រាវពីសក្តានុពលធនធានរ៉ែក្នុងបឹងទន្លេសាប និងតាមអាងស្ទឹងទាំង ១១ នៅតំបន់បឹងទន្លេសាប ក្នុងខេត្តពោធិ៍សាត់

2024-09-30T17:59:28+00:00

កាលពីថ្ងៃពុធ ៨ រោច ដល់ថ្ងៃសៅរ៍ ១១ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ដល់ថ្ងៃទី២៨ ខែកញ្ញា ឆ្នាំ២០២៤ ក្រុមការងារបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប បានបន្តចុះសិក្សាស្រាវជ្រាវពីសក្តានុពលធនធានរ៉ែក្នុងបឹងទន្លេសាប និងតាមអាងស្ទឹងទាំង ១១ នៅតំបន់បឹងទន្លេសាប ដោយចុះសិក្សានៅតាមដងស្ទឹងពោធិ៍សាត់ ស្ថិតក្នុងភូមិសាស្ត្រស្រុកភ្នំក្រវាញ និងស្រុកកណ្ដៀង នៃខេត្តពោធិ៍សាត់។

ការចុះសិក្សានេះ ក្រុមការងារបានធ្វើការ៖
- ចុះជួបម្ចាស់ធ្វើអាជីវកម្មរ៉ែខ្សាច់ផ្ទាល់នៅទីតាំងបូមខ្សាច់
- ចុះពិនិត្យស្ថានភាពស្ទឹងពោធិ៍សាត់ផ្នែកខាងក្រោម ខាងលើផ្លូវជាតិ និងទីតាំងកំពុងទាញយកខ្សាច់
- ជួបជាមួយប្រជាពលរដ្ឋដែលរស់នៅក្នុងតំបន់បូមខ្សាច់ និងបង្ហោះ Drone នៅតាមទីតាំងសិក្សា ដើម្បីជាការជំនួយលើរូបភាពផ្ទាល់ និងរូបភាពផែនទី។

សូមជម្រាបជូនថាៈ សកម្មភាពចុះសិក្សាស្រាវជ្រាវពីសក្តានុពលធនធានរ៉ែក្នុងបឹងទន្លេសាប និងតាមអាងស្ទឹងទាំង ១១ នៅតំបន់បឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៤ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ដែលសកម្មភាពខាងលើនេះ មានគោលបំណងដូចខាងក្រោម៖
- បន្តប្រមូល និងចងក្រងព័ត៌មានទិន្នន័យធនធានរ៉ែដែលមានក្នុងតំបន់សិក្សា
- សិក្សាតាមដាន និងវាយតម្លៃផលប៉ះពាល់បរិស្ថាន និងសេដ្ឋកិច្ចសង្គម ដែលបង្កឡើងដោយសកម្មភាពដកហូតធនធានរ៉ែក្នុងតំបន់សិក្សា
- ធ្វើផែនទីទីតាំងទាញយករ៉ែ នៅស្ទឹងទាំង១១ និងតំបន់ពាក់ព័ន្ធ៕

ក្រុមការងារមន្ត្រីបច្ចេកទេសការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានបន្តអនុវត្តសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ក្នុងខេត្តពោធិ៍សាត់

2024-09-29T12:36:56+00:00

នាថ្ងៃព្រហស្បតិ៍ ៩ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៦ ខែកញ្ញា ឆ្នាំ២០២៤ ក្រុមការងារមន្ត្រីបច្ចេកទេសការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានបន្តចុះអនុវត្តសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ ដោយបានធ្វើការជួបពិភាក្សាជាមួយតំណាងអង្គភាពជំនាញពាក់ព័ន្ធ នៃរដ្ឋបាលស្រុកបាកាន អាជ្ញាធរមូលដ្ឋាន រួមនឹងសហគមន៍នេសាទរបងរមាស ស្ថិតនៅក្នុងភូមិសាស្ត្រឃុំបឹងបត់កណ្តោល ស្រុកបាកាន ខេត្តពោធិ៍សាត់ ។

សូមជម្រាបជូនថា បច្ចុប្បន្នសម្ពាធនៃកំណើនប្រជាជន និងភាពក្រីក្ររបស់ប្រជាជនក្នុងតំបន់ជាប់នឹងបឹងទន្លេសាប បាននិងកំពុងជះឥទ្ធិពលមកលើធនធានធម្មជាតិបឹងទន្លេសាប ក្នុងនោះរួមមាន៖ សកម្មភាពលបលួចទន្ទ្រានដីព្រៃលិចទឹក ការដណ្ដើមទឹកស្រោចស្រពលើវិស័យកសិកម្ម ដែលលើសផែនការ និងការផ្គត់ផ្គង់ទឹក ព្រមទាំង ការប្រើប្រាស់ថ្នាំបំពុលសត្វល្អិត និងជីគីមីកសិកម្មគ្មានស្ដង់ដារបច្ចេកទេសត្រឹមត្រូវ រួមនឹងការចោលកាកសំណល់ (សម្បកថ្នាំ/ជីគីមី) ចូលក្នុងប្រភពទឹក ពាលវាលពាសកាល និងសកម្មភាពការប្រើប្រាស់នូវប្រភេទឧបករណ៍នេសាទខុសច្បាប់ជាដើម ដែលជាកត្តាបង្កឱ្យមានផលប៉ះពាល់យ៉ាងធ្ងន់ធ្ងរដល់ធនធានធម្មជាតិ និងព្រៃលិចទឹកក្នុងភូមិសាស្ត្រឃុំបឹងបត់កណ្តោល ស្រុកបាកាន ខេត្តពោធិ៍សាត់។

សូមបញ្ជាក់ជូនថាៈ សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្នន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធានធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព ៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេសនៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-09-29T12:25:36+00:00

កាលពីថ្ងៃពុធ ៨ រោច ដល់ថ្ងៃសៅរ៍ ១១ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ដល់ថ្ងៃទី២៨ ខែកញ្ញា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

១- គោលបំណងសិក្សា :
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ
- មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមានប្រសិទ្ធភាព និងនិរន្តរភាព
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យផ្សេងៗ ដូចជា ហ្វ្រេកង់បណ្តោយ និងបណ្តោយទម្ងន់ត្រី (Conducting length frequency and length weight sampling)
- អង្កេតចំនួនឧបករណ៍ចេញនេសាទ (Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើប្រាស់កម្មវិធី (Microsoft Access) ដើម្បីវិភាគទិន្នន័យ...

៣- តំបន់គោលដៅនៃការសិក្សា: នៅក្នុងចុងខែកញ្ញា នេះមាន ៣ ស្រុក គឺ: ស្រុកកំពង់ត្រឡាច ស្រុកជលគីរី និង ស្រុករលាប្អៀរ៕

លោក ណៅ ណាតា អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចុះសិក្សាស្វែងយល់ពីសក្ដានុពល និងការគ្រប់គ្រងតំបន់អភិរក្សជលផលបាឡត ស្ថិតនៅឃុំពាមបាង ស្រុកស្ទោង ខេត្តកំពង់ធំ

2024-09-28T13:22:05+00:00

នាថ្ងៃព្រហស្បតិ៍ ៩ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៦ ខែកញ្ញា ឆ្នាំ២០២៤ ក្រុមការងារមន្ត្រី បច្ចេកទេសរបស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយ លោក ណៅ ណាតា អនុប្រធាននាយកដ្ឋាន បានបន្តចុះសិក្សាស្វែងយល់ពីសក្ដានុពល និងការគ្រប់គ្រងតំបន់អភិរក្សជលផលបាឡត ស្ថិតក្នុងឃុំពាមបាង ស្រុកស្ទោង ខេត្តកំពង់ធំ។

ក្នុងដំណើរបេសកកម្មនេះក្រុមការងារបាន៖
១. ជួបពិភាក្សា ស្វែងយល់ និងប្រមូលព័ត៌មាន-ទិន្នន័យពីមន្ត្រីជំនាញជលផល អាជ្ញាធរដែនដី មន្ត្រីបរិស្ថាន សហគមន៍នេសាទ និងកម្លាំងចម្រុះដែលប្រចាំការក្នុងតំបន់អភិរក្ស
២. ជួបសម្ភាសន៍ជាមួយប្រជានេសាទ ដើម្បីស្វែងយល់ និងប្រមូលព័ត៌មាន-ទិន្នន័យ ពីបម្រែបម្រួលផលនេសាទ និងការចូលរួមគ្រប់គ្រង ការពារ ធនធានជលផលនៅក្នុងតំបន់អភិរក្ស
៣. ចុះពិនិត្យ និងអង្កេតផ្ទាល់ពីស្ថានភាពទូទៅតំបន់អភិរក្សជលផលបាឡត។

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន ចុះស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សជលផលអតីតឡូត៍លេខ៦ (បឹងទន្លេឆ្មារ) ឃុំពាមបាង ស្រុកស្ទោង ខេត្តកំពង់ធំ

2024-09-28T05:21:35+00:00

នាថ្ងៃសុក្រ ១០ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែកញ្ញា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អមដំណើរដោយថ្នាក់ដឹកនាំអគ្គលេខាធិការដ្ឋាន អាជ្ញាធរទន្លេសាប និងលោក អ៊ុង វុទ្ធី អភិបាលរងខេត្តកំពង់ធំ បានអញ្ជើញដឹកនាំប្រតិភូអន្តរក្រសួង ស្ថាប័ន អង្គភាពជំនាញថ្នាក់ក្រោម អាជ្ញាធរស្រុក ឃុំ កងកម្លាំងសមត្ថកិច្ច និងមន្ត្រីក្រុមការងារបច្ចេកទេសអាជ្ញាធរទន្លេសាប ចុះសិក្សាស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សជលផលអតីតឡូត៍លេខ៦ (បឹងទន្លេឆ្មារ) ស្ថិតក្នុងឃុំពាមបាង ស្រុកស្ទោង ខេត្តកំពង់ធំ។

ជាមួយនេះដែរ ឯកឧត្តម ក៏បានលើកពីការយកចិត្តទុកដាក់របស់រាជរដ្ឋាភិបាលក្នុងការការពារ ថែរក្សា និងគ្រប់គ្រងតំបន់បឹងទន្លេសាប ជាពិសេសការលើកយកនូវអនុសាសន៍ និងសេចក្តីអំពាវនាវដ៏ថ្លៃថ្លាបំផុតរបស់ សម្តេចមហាបវរធិបតី នាយករដ្ឋមន្ត្រី នារសៀលថ្ងៃទី ២១ ខែសីហា ឆ្នាំ២០២៤ ចំពោះវិធានការចូលរួមទប់ស្កាត់ការទន្ទ្រានដីព្រៃលិចទឹក ចូលរួមថែរក្សា និងការពារបឹងទន្លេសាប គឺជាការចូលរួមរក្សាធនធានជលផល និងសន្តិសុខស្បៀងសម្រាប់ប្រជាពលរដ្ឋ ក៏ដូចជាសន្តិសុខទឹកសម្រាប់ការប្រើប្រាស់ និងស្រោចស្រព ព្រមទាំងរក្សាបាននូវតុល្យភាពប្រព័ន្ធអេកូឡូស៊ីបឹងទន្លេសាប។

ការចុះសិក្សាស្វែងយល់នៅតំបន់អភិរក្សជលផលអតីតឡូត៍លេខ៦(បឹងទន្លេឆ្មារ) នេះជាបេសកកម្មលើកទី៤ របស់ក្រុមប្រតិភូអន្តរក្រសួង និងអង្គការអន្តរជាតិ ក្នុងតំបន់បឹងទន្លេសាប ដែលតំបន់អភិរក្សជលផលនេះ ដែលមានផ្ទៃដី ៨៣២៥ ហិកតា និងមានបង្គោលការពារដែនអភិរក្សបានចំនួន ៣៣បង្គោល។ តំបន់អភិរក្សជលផលនេះ មានលក្ខណៈសមស្របសម្រាប់ជាកន្លែងជួយថែរក្សាពូជមច្ឆាជាតិ និងជីវចម្រុះគ្រប់ប្រភេទ ដើម្បីជួយបង្កើនបរិមាណផលស្តុកជលផល ការទ្រទ្រង់ជីវភាពរស់នៅរបស់ប្រជាជន និងសេដ្ឋកិច្ចជាតិ។

ក្នុងស្មារតីយកចិត្តទុកដាក់ខ្ពស់ចំពោះតំបន់អភិរក្សក្នុងតំបន់ទន្លេសាប កាលពីថ្ងៃទី១៥ ខែសីហា ឆ្នាំ២០២៤ អាជ្ញាធរទន្លេសាប បានចេញលិខិតជម្រាបជូនទៅ ឯកឧត្តមអភិបាល នៃគណៈអភិបាលខេត្តទាំង៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ) ចូលរួមអនុវត្តដោយម៉ឺងម៉ាត់ក្នុងការចាត់វិធានការការពារ និងទប់ស្កាត់បទល្មើសនេសាទក្នុងរដូវបិទនេសាទឆ្នាំ២០២៤ ក្នុងភូមិសាស្ត្រខេត្តទាំង៦ ជុំវិញបឹងទន្លេសាប ដើម្បីធានាបាននូវភាពសម្បូរ នៃធនធានជលផល ជាពិសេសប្រភេទត្រីកម្រ និងជិតផុតពូជអាចមានទីជម្រក និងសម្រេចបាននូវការថែរក្សា និងបង្កើនផលស្តុកសម្រាប់ប្រើប្រាស់យូរអង្វែង ព្រមទាំងចូលរួមលើកកម្ពស់កម្រិតជីវភាពរស់នៅរបស់ប្រជានេសាទ និងធានាបាននូវប្រភពប្រូតេអ៉ីន និងជីវភាពសម្រាប់បន្តដល់កូនចៅជំនាន់ក្រោយៗ៕

លោក ខ្វាន់ ភត្ត្រា ប្រធានស្តីទី នៃនាយកដ្ឋានធនធានធម្មជាតិ និងសហសវិកតារបស់ខ្លួន បានចូលរួមពិភាក្សាស្តីពីគម្រោងវាយតម្លៃសេចក្តីត្រូវការ និងការត្រៀមខ្លួន នៃថវិកាអាកាសធាតុបៃតង (Green Climate Fund Readiness Needs Assessment)

2024-09-27T15:34:22+00:00

នាថ្ងៃសុក្រ ១០ រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែកញ្ញា ឆ្នាំ២០២៤ លោក ខ្វាន់ ភត្ត្រា ប្រធានស្តីទី នៃនាយកដ្ឋានធនធានធម្មជាតិ និងសហសវិកតារបស់ខ្លួន បានចូលរួមពិភាក្សា ស្តីពីគម្រោងវាយតម្លៃសេចក្តីត្រូវការ និងការត្រៀមខ្លួន នៃថវិកាអាកាសធាតុបៃតង (Green Climate Fund Readiness Needs Assessment)។ កិច្ចពិភាក្សានេះមានការចូលរួមអន្តរស្ថាប័ន រួមមានក្រសួងធនធានទឹក និងឧតុនិយម ក្រោមអធិបតីភាព ឯកឧត្តម អឿង ចន្ថា អនុរដ្ឋលេខាធិការក្រសួងធនធានទឹក និងឧតុនិយម និងអាជ្ញាធរទន្លេសាប តាមវិស័យការងាររៀងៗខ្លួន។

សូមជម្រាបជូនថា កិច្ចពិភាក្សានេះមានគោលបំណង៖
១. ការស្វែងយល់អំពីសកម្មភាពរបស់អន្តរស្ថាប័ន ភាពត្រៀមខ្លួននៃសេចក្តីត្រូវការ និងបញ្ហាប្រឈម
២. ការចោទសំណួរ និងការបំពេញសំណួរ យន្តការសម្របសម្រួលអន្តរស្ថាប័ន ភាពខ្លាំង និងភាពខ្សោយលើ Climate Action and Finance និងលទ្ធភាពដែលទទួលបានហិរញ្ញប្បទានអនុវត្តគម្រោងនៃថវិកាអាកាសធាតុបៃតង

ជាលទ្ធផល អាជ្ញាធរទន្លេសាបបានការគាំទ្រដោយក្រុមប្រឹក្សាពិគ្រោះយោបល់ជាតិ និងអន្តរជាតិ ដើម្បីបើកផ្លូវ និងស្វែងរកកាលានុវត្តភាពអនុវត្តគម្រោងនៅតំបន់បឹងទន្លេសាប តាមរយៈថវិកាអាកាសធាតុបៃតង។

គួរបញ្ជាក់ផងដែរ អាជ្ញាធរទន្លេសាបបានសកម្មនៃការបំពេញសំណួរចម្លើយនៃគម្រោងវាយតម្លៃសេចក្តីត្រូវការ និងការត្រៀមខ្លួន នៃថវិកាអាកាសធាតុបៃតង (Green Climate Fund Readiness Needs Assessment) និងកិច្ចប្រជុំព្រមព្រៀងគ្នាបង្កើតក្រុមការងារបឋមមួយដើម្បីរក្សាទំនាក់ទំនង លើសេចក្តីត្រូវការនានាសម្រាប់ជំហ៊ានបន្ទាប់ ការចែករំលែកបទពិសោធន៍ និងសកម្មភាពការងារគម្រោងអនាគត៕

លោក ខ្វាន់ ភត្ត្រា ប្រធានស្តីទី នៃនាយកដ្ឋានធនធានធម្មជាតិ និងសហសវិកតារបស់ខ្លួន បានចូលរួមពិភាក្សាស្តីពីគម្រោងវាយតម្លៃសេចក្តីត្រូវការ និងការត្រៀមខ្លួន នៃថវិកាអាកាសធាតុបៃតង (Green Climate Fund Readiness Needs Assessment)

2024-09-27T15:34:22+00:00

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស ចុះសិក្សាស្តីពីបម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រតាមដងស្ទឹងស្ទោង និងស្ទឹងសែន ក្នុងខេត្តកំពង់ធំ និងស្ទឹងសៀមរា

2024-09-24T09:33:07+00:00

នាថ្ងៃចន្ទ ១៤កើត ដល់ថ្ងៃសុក្រ ៣រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១៦ ដល់ថ្ងៃទី ២០ ខែកញ្ញា ឆ្នាំ២០២៤ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រតាមដងស្ទឹងស្ទោង និងស្ទឹងសែន ក្នុងខេត្តកំពង់ធំ និងស្ទឹងសៀមរាប ក្នុងខេត្តសៀមរាប។

ការចុះសិក្សានេះ ក្រុមការងារបានធ្វើលើ ៖

ទី១. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សាខាងលើ ។
ទី២. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ និងពិនិត្យលើលំនៅដ្ឋានធនធានជលផលនៅរដូវវស្សា ។

ក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វេីអាជីវកម្ម និងអភិរក្ស បានបន្តចុះសិក្សាស្រាវជ្រាវ អំពីការតាមដាន និងវាយតម្លៃការធ្វេីអាជីវកម្មនេសាទ នៅភូមិព្រែកទាល់ ឃុំកោះជីវាំង ស្រុក

2024-09-24T09:25:32+00:00

នាថ្ងៃពុធ ១រោច ដល់ថ្ងៃសៅរ៍ ៤រោច ខែភទ្របទ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី១៨ ដល់ថ្ងៃទី២១ ខែកញ្ញា ឆ្នាំ២០២៤ លោក ព្រហ្ម សុគំនិត អនុប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តដឹកនាំក្រុមការងារសិក្សាស្រាវជ្រាវ តាមដាន វាយតម្លៃការធ្វើអាជីវកម្មនេសាទ ស្ថិតនៅភូមិសាស្ត្រភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង។

ការចុះសិក្សានេះ ក្រុមការងារស្រាវជ្រាវ បានធ្វើការជាមួយ ៖
១. ជួបសម្ភាសន៍ជាមួយអាជ្ញាធរដែនដី និងប្រជានេសាទ
២. ដឹងពីប្រភេទឧបករណ៍ដែលកំពុងធ្វើការនេសាទ
៣. ដឹងពីបរិមាណផលចាប់ ប្រភេទត្រី និងចរន្តទីផ្សារ ។

សូមជម្រាបជូនថា ៖ សកម្មភាពចុះសិក្សាតាមដានវាយតម្លៃការធ្វើអាជីវកម្មនេសាទ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ ២០២៤ របស់អាជ្ញាធរទន្លេសាប ។ សកម្មភាពខាងលើនេះ មានគោលបំណង៖
- សិក្សាតាមដានបរិមាណនេសាទប្រចាំ របស់ប្រជានេសាទ និងភាពសម្បូរនៃត្រី
- សិក្សាចរន្តទីផ្សារនៃការធ្វើអាជីវកម្មនេសាទ
- សិក្សាបញ្ហាប្រឈម និងផលប៉ះពាល់នៃការធ្វើអាជីវកម្មនេសាទ៕

ក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចុះអនុវត្តន៍សកម្មភាពតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ និងចរន្តទីផ្សារតាមច្រកចេញ-ចូល នៅប

2024-09-22T15:11:52+00:00

នាថ្ងៃអង្គារ ១៥កើត ដល់ថ្ងៃសៅរ៍ ៤រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៧ ដល់ថ្ងៃទី២១ ខែកញ្ញា ឆ្នាំ២០២៤ ក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានចុះសិក្សាតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ និងចរន្តទីផ្សារតាមច្រកចេញ-ចូល ស្ថិតនៅភូមិសាស្ត្រភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង ។

ការចុះសិក្សានេះ ក្រុមការងារបានធ្វើការចុះជួបជាមួយ ៖
១/. ជួបសម្ភាសន៍ជាមួយអាជ្ញាធរដែនដី
២/. សម្ភាសន៍ជាមួយប្រជានេសាទ
៣/. សម្ភាសន៍ជាមួយអាជីវករទិញ-លក់ត្រី ត្រីនុយ និងសិប្បីសត្វ
៤/. ជួបសម្ភាសន៍ជាមួយអ្នកចឹញ្ចឹមត្រី ។

ជាមួយនឹងសកម្មភាពនេះផងដែរក្រុមការងារបានចុះសិក្សានៅតំបន់ពាក់ព័ន្ធខាងលើ ជាលទ្ធផលរកឃើញថា ៖
- ស្ថានភាពភូមិសាស្ត្រនៅភូមិព្រែកទាល់ នៅខែកញ្ញា ឆ្នាំ២០២៤ ទឹកបានលិចព្រៃលិចទឹក ដោយយោងលើស្ថានីយ៍ ព្រែកទាល់ (តំបន់ស្នូល) មានកម្ពស់ទឹកប្រែប្រួលពី ១.៨១ ទៅ ៥.១១ ម៉ែត្រ និងកម្ពស់ទឹកជាមធ្យម ៣.៧៩ ម៉ែត្រ ។
- មានផ្ទះ ឬ ស្តង់ចាំទទួលទិញ និងលក់ត្រីសរុបប្រមាណ ៣៨ ផ្ទះ (ធំ ៨ផ្ទះ និងតូច ៣០ផ្ទះ) ដោយមានការធ្វើអាជីវកម្មត្រីជាមធ្យមប្រមាណ ៣.៩តោន/ថ្ងៃ និងមានបរិមាណសរុបប្រមាណ ១៩.៥ តោន/៥ថ្ងៃ ។ តម្លៃត្រី៖ ប្រភេទត្រីលេខ១ មានតម្លៃចន្លោះពី ១០.០០០ រហូតដល់ ៣០.០០០ រៀល/គ.ក្រ ប្រភេទត្រីលេខ២ មានតម្លៃចន្លោះពី ៥.០០០ រហូតដល់ ១០.០០០ រៀល/គ.ក្រ និងប្រភេទត្រីលេខ៣ មានតម្លៃចន្លោះពី ២.០០០ រហូតដល់ ៥.០០០ រៀល/គ.ក្រ ។
- មានការធ្វើអាជីវកម្មត្រីនុយជាមធ្យមមានបរិមាណប្រមាណ ១.៦ តោន/ថ្ងៃ និងមានបរិមាណសរុបប្រមាណ ៨ តោន/៥ថ្ងៃ មានតម្លៃទិញចូល និងលក់ចេញវិញចន្លោះពី ៨០០ ទៅ ២.០០០ រៀល/គ.ក្រ ។
- នៅពេលចុះសិក្សាមិនមានការធ្វើអាជីវកម្មសិប្បីសត្វដូចជា ពពួកលៀស ខ្យង និងខ្ចៅនោះទេ ។
- ការធ្វើអាជីវកម្មត្រី និងត្រីនុយ មានប្រភពមកពីការនេសាទដោយប្រើប្រាស់ឧបករណ៍នេសាទដូចជា បរ របាំងស្បៃមុង មងរាយ សន្ទូចរនង ឡើរ និងសៃយ៉ឺននៅក្នុងបឹងទន្លេសាប តាមព្រៃលិចទឹក និងតាមស្ទឹង ។
- ចំពោះផ្ទះ ឬ ស្តង់ធំៗចាំទទួលទិញត្រីជាប្រចាំ និងដឹកត្រីទៅលក់នៅកន្លែងបែងចែកផលនេសាទនៅតំបន់ចុងឃ្នៀសនៃខេត្តសៀមរាបជារៀងរាល់ថ្ងៃ ។ រីឯផ្ទះ ឬ ស្តង់តូចៗ ទិញត្រីបានបរិមាណតិច ដោយទុករយៈពេលពី ២ ទៅ ៣ ថ្ងៃ បានដឹកទៅលក់កន្លែងឡើងត្រីភូមិពាមតាអ៊ួរ ឃុំកែវពណ៌ ស្រុកពួក និងទៅលក់នៅកន្លែងបែងចែកផលនេសាទនៅតំបន់ចុងឃ្នៀសនៃខេត្តសៀមរាប ។ ចំពោះតម្លៃត្រី ឈ្មួញអ្នកចាំទទួលទិញត្រីបន្តជាអ្នកអោយតម្លៃភ្លាមៗទៅតាមហាងឆេង និងគុណភាពផលិតផលរបស់ពួកគាត់ជាក់ស្តែង ។ ឈ្មួញកណ្តាលអាចលក់រាយ ឬ លក់ដុំក្នុងតំបន់ភ្លាមៗបើមានអ្នកទិញ និងត្រូវតម្លៃគ្នា ។
- ការធ្វើអាជីវកម្មធនធានធម្មជាតិនៅបឹងទន្លេសាប និងតំបន់ពាក់ព័ន្ធនៅក្នុងខេត្តបាត់ដំបង នារដូវទឹកតំឡើងនៅខែកញ្ញា បានផ្តល់ផលអវិជ្ជមានដូចជាៈ បណ្តាលអោយបាត់បង់ពពួកកូនត្រីទើបនឹងញាស់ កូនត្រីមានទំហំតូចៗ និងត្រីមេពូជមានពងក្នុងពោះនៅឡើយ ជាពិសេសការប្រើប្រាស់ឧបករណ៍នេសាទបរ និងរបាំងស្បៃមុងដែលបង្កផលប៉ះពាល់យ៉ាងខ្លាំង ។ នៅពេលការនេសាទត្រីធម្មជាតិធ្លាក់ចុះ ប្រជាជននឹងងាកទៅចិញ្ចឹមត្រីតាមបែរនៅតាមភូមិបណ្តែតទឹកនៃឃុំកោះជីវាំង ស្រុកឯកភ្នំ ខេត្តបាត់ដំបង ដែលធ្វើអោយមានតម្រូវការត្រីនុយធម្មជាតិកាន់តែខ្ពស់ ដូចនេះប្រជានេសាទកាន់តែពង្រីកការនេសាទខុសច្បាប់បន្ថែមទៀតជាមិនខាន ។ ជាពិសេសបំផុត គឺតម្លៃត្រីធម្មជាតិមានតម្លៃកើនខ្ពស់ខុសពីឆ្នាំមុនៗ ។

សូមជម្រាបជូនថា៖ សកម្មភាពចុះតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ និងចរន្តទីផ្សារតាមច្រកចេញ-ចូល នៅបណ្តាខេត្តទាំង ៦ និងតំបន់ពាក់ព័ន្ធជុំវិញបឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ ២០២៤ របស់អាជ្ញាធរទន្លេសាប ។ សកម្មភាពខាងលើនេះ មានគោលបំណង៖
- តាមដានបរិមាណនៃការធ្វើអាជីវកម្មធនធានធម្មជាតិនៅតំបន់បឹងទន្លេសាប
- សិក្សាអំពីប្រភព និងប្រភេទត្រីនុយដែលធ្វើអាជីវកម្មលើវារីវប្បកម្ម
- សិក្សាចរន្តទីផ្សារនៃធ្វើការធ្វើអាជីវកម្មធនធានធម្មជាតិ និងផលប៉ះផលនៃការធ្វើអាជីវកម្មលើធនធានធម្មជាតិ ៕

ក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានចុះសិក្សាស្រាវជ្រាវលើ កាកសំណល់ឧបករណ៍នេសាទនៅក្នុងភូមិសាស្ត្រសង្កាត់ចុងឃ្នៀស ក្រុងសៀមរាប ខេត្តសៀមរាប

2024-09-21T15:58:54+00:00

នាថ្ងៃចន្ទ ៧កើត ដល់ថ្ងៃសុក្រ ១១កើត ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៩ ដល់ថ្ងៃទី ១៣ ខែកញ្ញា ឆ្នាំ២០២៤ ក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើ កាកសំណល់ឧបករណ៍នេសាទនៅក្នុងភូមិបណ្ដែតទឹកចុងឃ្នៀស សង្កាត់ចុងឃ្នៀស ក្រុងសៀមរាប ខេត្តសៀមរាប។

ការសិក្សា របស់ក្រុមការងារមានដូចខាងក្រោម :
១- ជួបជាមួយអាជ្ញាធរដែនដី ពិភាក្សាអំពីការទុកដាក់សំរាម(ឧបករណ៍នេសាទ) របស់ប្រជាជន លើភូមិបណ្ដែតទឹកចុងឃ្នៀស។
២- ជួបសម្ភាសន៍ជាមួយប្រជានេសាទ ពាក់ព័ន្ធ និងប្រើប្រាស់ឧបករណ៍នេសាទ តម្លៃទិញចូល អាយុកាលប្រើប្រាស់ និងរបៀបគ្រប់គ្រងកាកសំណល់ឧបករណ៍នេសាទ ក្រោយពេលផុតអាយុកាលប្រើប្រាស់។
៣- ជួបពិភាក្សាអាជីវករលក់ដូរឧបករណ៍នេសាទលើភូមិបណ្ដែតទឹក ដឹងពីតម្លៃទីផ្សារប្រភេទឧបករណ៍នីមួយៗ និងឧបករណ៍ដែលពេញនិយមដូចជា បរ មង និងអ៊ុយ ជាដើម។

ជាមួយនឹងសកម្មភាពក្រុមការងារចុះសិក្សានៅតំបន់ពាក់ព័ន្ធខាងលើនេះជាលទ្ធផលមានដូចជា៖
១. ប្រជាជននៅតំបន់ចុងឃ្នៀសប្រកបរបរនេសាទប្រមាណជា ៦០% និងប្រកបរបរបម្រើសេវាកម្មទេសចរណ៍ ៣០% ប្រកបរបរផ្សេងៗដូចជា លក់ដូរ កម្មករ ជាងជុសជុល មន្ត្រីរាជការ និងធ្វេីស្រែ មានប្រមាណជា១០%។
២. ប្រភេទឧបករណ៍នេសាទដែលប្រជានេសាទ ពេញនិយមប្រើប្រាស់ក្នុងពេលបច្ចុប្បន្ន រួមមានៈ មងរាយ៦០% សៃយឺន ២០% មាន(កន្សុំ សន្ទួច លបរ៉ាវ មងអុសដៃ)។
៣. ក្រោយផុតអាយុកាលប្រើប្រាស់ ប្រភេទឧបករណ៍ដូចជា មងរាយ សន្ទួច លបរ៉ាវ ត្រូវបានបោះបង់ចោលទៅក្នុងបឹង និងប្រមូលយកមកវិញតែប្រភេទឧបករណ៍ណាដែលអាចជួសជុលប្រើប្រាស់ឡើងវិញ និងអាចទាញយកតម្លៃសេដ្ឋកិច្ចបានដូចជាសៃយុឺនដែលអាចរុះយកដែកលក់បាន ៥០០រៀល/១គីឡូក្រាម។
សូមបញ្ជាក់ថាសកម្មភាពខាងលេីនេះមានគោលបំណង សិក្សាវាយតម្លៃលើប្រភេទឧបករណ៍នេសាទដែលប្រជានេសាទពេញនិយមក្នុងការប្រើប្រាស់មានដូចជា ប្រភេទឧបករណ៍នេសាទ បរ មង និងអ៊ុយ និងសិក្សាវាយតម្លៃលើប្រភេទឧបករណ៍នេសាទដែលប្រជាជនប្រើប្រាស់ ជាលក្ខណៈគ្រួសារ ។ សិក្សាពីលំហូរនៃផលប៉ះពាល់បណ្ដាលមកពីកាកសំណល់ឧបករណ៍នេសាទទៅលើអេកូស៊ីស្ទែមបឹងរួមជាមួយនឹងតម្លៃសេដ្ឋកិច្ច ទៅលើប្រភេទឧបករណ៍នេសាទនីមួយៗ និងរយៈពេលនៃការប្រើប្រាស់៕

កិច្ចប្រជុំពិភាក្សាការងារលើកទី១ របស់ក្រុមការងារបច្ចេកទេស ដើម្បីកំណត់រៀបចំ ក្របខ័ណ្ឌយុទ្ធសាស្ត្រ សម្រាប់អាងបឹងទន្លេសាប នៃកម្មវិធីការអនុវត្តវាយតម្លៃសន្តិសុខទឹក ក្រោមកិច្ចសហប្រតិបត្តិការជំនួយគាំទ្រពីធនាគារពិភពលោក

2024-09-20T07:29:01+00:00

នាព្រឹកថ្ងៃព្រហស្បតិ៍ ២រោច ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកញ្ញា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សាលើកទី១ ជាមួយក្រុមការងារបច្ចេកទេសអាជ្ញាធរទន្លេសាប ដើម្បីស្តាប់បទបង្ហាញបច្ចេកទេសការងារ របស់ទីប្រឹក្សាបច្ចេកទេសអន្តរជាតិ ដែលធនាគារពិភពលោកបានជ្រើសរើសឱ្យជួយកិច្ចការបច្ចេកទេសដល់អាជ្ញាធរទន្លេសាប ក្នុងដំណើរការរៀបចំក្របខ័ណ្ឌយុទ្ធសាស្ត្រ សម្រាប់អាងបឹងទន្លេសាប នៃកម្មវិធីការអនុវត្តវាយតម្លៃសន្តិសុខទឹក ឆ្នាំ២០២៤-២០២៦។

សូមបញ្ជាក់ថា អាជ្ញាធរទន្លេសាប ទទួលបានកិច្ចសហការគាំទ្រពីធនាគារពិភពលោក (WB), ក្រសួងការបរទេស និងពាណិជ្ជកម្ម (DFAT) និងអង្គការភាពជាដៃគូទឹកអូស្ត្រាលី (AWP) ដើម្បីកំណត់រៀបចំក្របខ័ណ្ឌយុទ្ធសាស្ត្រ សម្រាប់អាងបឹងទន្លេសាប នៃកម្មវិធីការអនុវត្តវាយតម្លៃសន្តិសុខទឹក ឆ្នាំ២០២៤-២០២៦៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានដឹកនាំកិច្ចពិភាក្សាជាមួយក្រុមការងារពិនិត្យរៀបចំផែនការ ពីសំណើជាបឋមនៃការវាស់ស្ទង់ជម្រៅបាតបឹង និងសិក្សាអំពីប្រភេទដីនៃបឹងទន្លេសាបនៅកម្ពុជា

2024-09-19T07:17:08+00:00

នារសៀលថ្ងៃចន្ទ ១៤ កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ១៦ ខែកញ្ញា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានដឹកនាំកិច្ចពិភាក្សាជាមួយក្រុមការងារពិនិត្យរៀបចំផែនការ ពីសំណើជាបឋមនៃការវាស់ស្ទង់ជម្រៅបាតបឹង និងសិក្សាអំពីប្រភេទដីនៃបឹងទន្លេសាបនៅកម្ពុជា ដើម្បីធ្វើផែនទីក្រោមទឹកបាតបឹងទន្លេសាប សម្រាប់ជាប្រយោជន៍ប្រេីប្រាស់បម្រើអោយវិស័យនានាដែលពាក់ពន្ធ័៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាបបានជួបពិភាក្សាក្រុមការងាររៀបចំគម្រោងផែនការ និងស្តាប់ការធ្វើបទបង្ហាញរបស់មន្ត្រីបច្ចេកទេសអាជ្ញាធរទន្លេសាប

2024-09-19T06:46:24+00:00

នាព្រឹកថ្ងៃចន្ទ ១៤ កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ១៦ ខែកញ្ញា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប និងឯកឧត្តម ខូវ មាស អគ្គលេខាធិការរង បានជួបពិភាក្សាក្រុមការងាររៀបចំគម្រោងផែនការ និងស្តាប់ការធ្វើបទបង្ហាញរបស់មន្ត្រីបច្ចេកទេសអាជ្ញាធរទន្លេសាប ស្តីពី "ការសិក្សាអំពីគុណភាពទឹកនៅក្នុងប្រព័ន្ធអេកូហាយដ្រូឡូជីដ៏ស្មុគស្មាញរបស់បឹងទន្លេសាប និងបរិស្ថានជុំវិញ" ដែលចូលរួមប្រឹក្សាយោបល់ដោយ លោកបណ្ឌិត អ៊ុក សុវណ្ណារ៉ា សាស្ត្រាចារ្យ និងអ្នកស្រាវជ្រាវនៅសាកលវិទ្យាល័យអាមេរិចកាំងភ្នំពេញ (AUPP) និង វិទ្យាសា្ថនបច្ចេកវិទ្យាកម្ពុជា (ITC) ៕

ក្រុមការងារការិយាល័យ នីតិកម្ម នៃនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក សុខ មុនី ប្រធានការិយាល័យ បានបន្តចុះសិក្សាពីស្ថានភាពរស់នៅរបស់ប្រជាជនលើការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ក្នុងភូមិសាស្ត្រខេត្តសៀមរាប

2024-09-17T11:36:29+00:00

កាលពីថ្ងៃអង្គារ ៨រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែសីហា ឆ្នាំ២០២៤ ក្រុមការងារការិយាល័យនីតិកម្ម ដឹកនាំដោយ លោក សុខ មុនី ប្រធានការិយាល័យ បានចុះសិក្សាពីស្ថានភាពជីវភាពរស់នៅរបស់ប្រជាជនលើការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប សិ្ថតនៅក្នុងភូមិសាស្ត្រឃុំកំពង់ភ្លុក ស្រុកប្រាសាទបាគង ខេត្តសៀមរាប។

សកម្មភាពខាងលើ ក្រុមការងារបានជួបសម្ភាសន៍ជាមួយ ៖
១. ប្រជាជនដែលមានមុខរបរទ្រទ្រង់ជីវភាពដោយការអាស្រ័យផលលើធនធានធានធម្មជាតិ
២. អាជ្ញាធរមូលដ្ឋានភូមិ ឃុំ ពាក់ព័ន្ធនឹងស្ថានភាពទូទៅរបស់តំបន់។

ក្នុងការចុះសិក្សានៅតំបន់ខាងលើ ក្រុមការងារ ទទួលបានលទ្ធផល ដូចតទៅ ៖
១. ប្រជាជននៅក្នុងតំបន់សិក្សាមានមុខរបរសំខាន់ៗ ដើម្បីទ្រទ្រង់ជីវភាពរួមមាន: ការងារនេសាទត្រី៦៥% , សេវាកម្មទេសចរណ៍៣០%, និងលក់ដូរតាមផ្ទះ៥%
២. ជីវភាពរស់នៅប្រចាំថ្ងៃរបស់ប្រជាជនក្នុងតំបន់សិក្សាមានបញ្ហាប្រឈមដោយពួកគាត់ មិនមានផ្ទៃដីសម្រាប់បង្កបង្កើនផល, ផលនេសាទ និងភ្ញៀវទេសចរណ៍ធ្លាក់ចុះ

៣. កត្តាមួយចំនួនដែលជះឥទ្ធិពលលើជីវភាពរបស់ពួកគាត់រួមមាន
-កត្តាគ្រួសារ : ខ្វះកម្លាំងពលកម្មក្នុងគ្រួសារ(សមាជិកតិច), ចាស់ជរាមានជម្ងឺ , និងការអប់រំទាប
- កត្តាធម្មជាតិ : មានគ្រោះរាំងស្ងួត, និងការថយចុះធនធានធម្មជាតិ(ត្រី)
- កត្តាសង្គម : ចំណាយលើអាហារហូបចុកកើនឡើងដោយសារនេសាទត្រីមិនបានត្រូវទិញត្រីចិញ្ចឹមពីផ្សារមកហូប

៤. ប្រជាជនក្នុងតំបន់សិក្សាមានតម្រូវការចាំបាច់មួយចំនួនដើម្បីជម្រុញជីវភាពរស់នៅរបស់ពួកគាត់មានភាពប្រសើរឡើង
- ជួយទប់ស្កាត់បទល្មើសនេសាទនៅបឹងទន្លេសាប
- ជម្រុញការផ្សព្វផ្សាយពីសក្តានុពល និងសេវាកម្មទេសចរណ៍
- ជួយបណ្តុះបណ្តាលជំនាញវិជ្ជាជីវៈ ដើម្បីកាត់បន្ថយការពឹងអាស្រ័យតែលើការនេសាទ
- ជួយផ្តល់ឥណទានដែលមានអត្រាការប្រាក់ទាប

សូមជម្រាបជូនថាៈ សកម្មភាពចុះសិក្សាពីស្ថានភាពរស់នៅរបស់ប្រជាជនលើការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាបមានគោលបំណង ១).កំណត់ពីសក្តានុពលធនធានធម្មជាតិនៅតំបន់បឹងទន្លេសាប ២). វាយតម្លៃពីកត្តាផ្សេងៗ ដែលជះឥទ្ធិពលដល់ជីវភាពរស់នៅរបស់ប្រជាជន និង៣). វិភាគពីតម្រូវការរបស់ប្រជាជនរស់នៅតំបន់បឹងទន្លេសាប៕

លោក ខ្វាន់ ភត្ត្រា ប្រធាន.ស្តីទី នាយកដ្ឋានធនធានធម្មជាតិ និងជាសមាសភាពក្រុមការងារថ្នាក់ជាតិអនុវត្តផែនការសកម្មភាពគ្រប់គ្រងភាពរាំងស្ងួត និងអភិវឌ្ឍន៍គ្រប់គ្រងធនធានធានទឹកចម្រុះ បានចូលរួមសិក្ខាសាលាបណ្តុះបណ្តាលស្តីពី ការកសាងសមត្ថភាពនៃកម្

2024-09-13T09:29:57+00:00

នាថ្ងៃព្រហស្បតិ៍-សុក្រ ១០-១១ កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២-១៣ ខែកញ្ញា ឆ្នាំ២០២៤ លោក ខ្វាន់ ភត្ត្រា ប្រធាន.ស្តីទី នាយកដ្ឋានធនធានធម្មជាតិ និងជាសមាសភាពក្រុមការងារថ្នាក់ជាតិអនុវត្តផែនការសកម្មភាពគ្រប់គ្រងភាពរាំងស្ងួត និងអភិវឌ្ឍន៍គ្រប់គ្រងធនធានធានទឹកចម្រុះ បានចូលសិក្ខាសាលាបណ្តុះបណ្តាលស្តីពី ការកសាងសមត្ថភាពនៃកម្មវិធីការគ្រប់គ្រងភាពរាំងស្ងួតចម្រុះ (Integrated Drought Management Programme)។ សិក្ខាសាលាបណ្តុះបណ្តាលនេះ រៀបចំដោយក្រសួងធនធានទឹក និងឧតុនិយម ក្រោមអធិបតីភាព លោកជំទាវ សិទ្ធ វណ្ណារ៉េត ទីប្រឹក្សាក្រសួងធនធានទឹក និងឧតុនិយម និងជាតំណាងអចិន្ត្រៃយ៍ នៃព្រះរាជាណាចក្រកម្ពុជាសម្រាប់អង្គការឧតុនិយមពិភពលោក ដែលមានសមាសភាពចូលរួមពីតំណាងក្រសួងបរិស្ថាន (MOE), តំណាងក្រសួងកសិកម្ម រុក្ខាប្រមាញ់ និងនេសាទ (MAFF), តំណាងក្រសួងអភិវឌ្ឍន៍ជនបទ (MRD), តំណាងគណៈកម្មាធិការជាតិគ្រប់គ្រងគ្រោះមហន្តរាយ (NCDM), តំណាងគណៈកម្មាធិការជាតិទន្លេមេគង្គកម្ពុជា (CMNC), អាជ្ញាធរទន្លេសាប (TSA) និងតំណាងមន្ទីរធនធានទឹក និងឧតុនិយមខេត្តកែប។

សូមជម្រាបជូនថា សិក្ខាសាលាបណ្តុះបណ្តាលនេះមានគោលបំណងចំនួនពីរ៖

១.គោលបំណងចំពោះមុខនៃគម្រោង គឺដើម្បីបង្កើតផែនការសកម្មភាពជាតិគ្រប់គ្រងគ្រោះរាំងស្ងួត និងការកាត់បន្ថយផលប៉ះពាល់ ដោយផ្តោតសំខាន់លើតំបន់ដែលមានហានិភ័យ និងដើម្បីកសាងការរៀបចំស្ថាប័នសម្រាប់ការអនុវត្តផែនការ ប្រកបដោយប្រសិទ្ធភាព និងប្រសិទ្ធផល។

២.គោលបំណងយូរអង្វែងនៃគម្រោង គឺដើម្បីពង្រឹងសម្ថភាពភាពសាំក្នុងការប្រយុទ្ធប្រឆាំងនឹងគ្រោះរាំងស្ងួត និងកាត់បន្ថយផលប៉ះពាល់តាមរយៈផែនការសកម្មភាពដ៏មានប្រសិទ្ធភាព និងការប្រើប្រាស់ធនធានទឹកដោយចីរភាព។

ជាលទ្ធផល (១) ផ្តល់ឱ្យអ្នកចូលរួមនូវការយល់ដឹងដ៏ទូលំទូលាយអំពីគ្រោះរាំងស្ងួត រួមទាំងប្រភេទ និងផលប៉ះពាល់លើវិស័យផ្សេងៗ (២) បំពាក់ឱ្យអ្នកចូលរួមនូវចំណេះដឹងអំពីឧបករណ៍ និងបច្ចេកទេសសម្រាប់ត្រួតពិនិត្យគ្រោះរាំងស្ងួត និងប្រព័ន្ធព្រមានជាមុនប្រកបដោយប្រសិទ្ធភាព និង (៣) ណែនាំឱ្យអ្នកចូលរួមយល់ដឹងអំពីដំណើរការនៃការរៀបចំ និងអនុវត្តផែនការសកម្មភាពគ្រោះរាំងស្ងួត ដោយផ្តល់នូវឧបករណ៍ជាក់ស្តែង ដើម្បីបង្ហាញពីគំនិតសំខាន់ៗ ។

គួរបញ្ជាក់ផងដែរ វគ្គបណ្តុះបណ្តាលលើគ្រោះរាំងស្ងួតនេះមានការចែករំលែកពីស្ថាប័នអន្តរជាតិរួមមាន ដៃគូទឹកសកល(GWP) មជ្ឈមណ្ឌលកាត់បន្ថយគ្រោះរាំងជាតិសហរដ្ឋអាមេរិក(NDMC) មជ្ឈមណ្ឌលអេកូឡូស៊ី និងជលសាស្ត្រអង់គ្លេស (CEH) និង MRC លើបទពិសោធន៍ វិធីសាស្ត្រ សូចនាករ សន្ទស្សន៍ ពហុនិយមន័យគ្រោះរាំងស្ងួត៕

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានជួបប្រជុំពិភាក្សាការងារជាមួយតំណាងរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ ដឹកនាំដោយ លោកបណ្ឌិត ទូច ប៊ុនថង អនុប្រធានវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប

2024-09-12T22:27:07+00:00

ដោយមានការអនុញ្ញាតដ៏ខ្ពង់ខ្ពស់ពី ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នាព្រឹកថ្ងៃព្រហស្បតិ៍ ១០កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១២ ខែកញ្ញា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប អមដោយឯកឧត្តម ខូវ មាស អគ្គលេខាធិការរង លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស និងមន្ត្រីបច្ចេកទេស អាជ្ញាធរទន្លេសាប បានជួបប្រជុំពិភាក្សាការងារ និងធ្វើបទបង្ហាញស្តីពី បែបបទបច្ចេកទេសសិក្សាស្រាវជ្រាវ និងតាមដានផលចាប់អាជីវកម្មឡូត៍ដាយ និងក្រៅមាត់ដាយ ក្នុងភូមិសាស្ត្ររាជធានីភ្នំពេញ និងខេត្តកណ្តាល ជាមួយតំណាងរដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ ដឹកនាំដោយ លោកបណ្ឌិត ទូច ប៊ុនថង អនុប្រធានវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប។ កិច្ចប្រជុំនេះ មានគោលបំណងសំខាន់ដើម្បីពិនិត្យ និងពិភាក្សាលើបែបបទបច្ចេកទេសរួមនៃការចុះសិក្សាស្រាវជ្រាវ ផ្លាស់ប្តូរបទពិសោធន៍នៃការអនុវត្តការងារសិក្សាស្រាវជ្រាវលើអាជីវកម្មឡូត៍ដាយកន្លងមករវាងស្ថាប័នទាំងពីរ និងពិនិត្យលើកិច្ចសហការក្នុងការសិក្សាស្រាវជ្រាវនារដូវនេសាទឆ្នាំ ២០២៤-២០២៥ ខាងមុខនេះ ដើម្បីទទួលបានទិន្នន័យរួមគ្នាមានលក្ខណ:ត្រឹមត្រូវតាមបច្ចេកទេស និងនិយាមដែលទទួលស្គាល់ទាំងថ្នាក់ជាតិ និងថ្នាក់តំបន់ ៕

កិច្ចពិភាក្សាពង្រឹងកិច្ចសហការរវាងអាជ្ញាធរទន្លេសាប ជាមួយ វិទ្យាស្ថានបច្ចេកវិទ្យាកម្ពុជា

2024-09-12T00:36:25+00:00

វិទ្យាស្ថានបច្ចេកវិទ្យាកម្ពុជា : នាព្រឹកថ្ងៃ ពុធ ៩ កើត ខែ ភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១១ ខែកញ្ញា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម ខូវ មាស អគ្គលេខាធិការង អមដោយមន្ត្រីបច្ចេកទេសនៃអគ្គលេខាធិការដ្ឋានអាជ្ញាធរទន្លេសាប ជួបប្រជុំពិភាក្សាជាមួយ សាស្ត្រាចារ្យបណ្ឌិតនៃវិទ្យាស្ថានបច្ចេកវិទ្យាកម្ពុជា និង Dr. Yoshihamura-sensei គម្រោង SATREPs ដើម្បីពិគ្រោះយោបល់ និងផ្លាស់ប្តូរគំនិតទស្សនទាននៃការផ្តួចផ្តើមគំនិតលើកកម្ពស់ការកសាងសមត្ថភាព និងពង្រឹងការសិក្សាស្រាវជ្រាវ ក្នុងកិច្ចសហប្រតិបត្តិការ និងទំនាក់ទំនងរវាង អាជ្ញាធរទន្លេសាប និងវិទ្យាស្ថានបច្ចេកវិទ្យាកម្ពុជា សម្រាប់និរន្តរភាពបឹងទន្លេសាប៕

ឯកឧត្តម ជា សុខនី អគ្គលេខាធិការអាជ្ញាធរទន្លេសាប ដឹកនាំក្រុមការងារអាជ្ញាធរទន្លេសាប ប្រមូលព័ត៌មានពីការយល់ដឹងពីបឹងទន្លេសាប និងសារ:ផលប្រយោជន៍ពីធនធានធម្មជាតិបឹងទន្លេសាប

2024-09-12T00:27:35+00:00

(ភ្នំពេញ)៖ នាថ្ងៃសៅរ៍ ១២រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣១ ខែសីហា ឆ្នាំ២០២៤ ក្រុមការងារអាជ្ញាធរទន្លេសាប សហការជាមួយសារព័ត៌មាន FRESH NEWS ឯកឧត្តម ជា សុខនី អគ្គលេខាធិការអាជ្ញាធរទន្លេសាប ដឹកនាំក្រុមការងារអាជ្ញាធរទន្លេសាប ប្រមូលព័ត៌មានពីការយល់ដឹងពីបឹងទន្លេសាប និងសារ:ផលប្រយោជន៍ពីធនធានធម្មជាតិបឹងទន្លេសាប របស់ប្រជាពលរដ្ឋដែលរស់នៅតាមបណ្តាខេត្ត ដូចជាខេត្តកណ្តាល តាកែវ កំពត និងខេត្តកែប។

ជាលទ្ធផល ការចុះប្រមូលព័ត៌មាននេះដែរ ក្រុមការងារបានជួបសម្ភាសន៍ជាមួយអាជីវករលក់ដូរ ប្រជាពលរដ្ឋ អាជ្ញាធរដែនដី ប្រជាសហគមន៍ លោកគ្រូ អ្នគគ្រូ និងសិស្សានុសិស្ស ។

គួរបញ្ជាក់ផងដែរ គួរបញ្ជាក់ដែរថា ដើម្បីលើកកម្ពស់និងជំរុញប្រសិទ្ធភាពការអភិរក្សធនធានធម្មជាតិនៅបឹងទន្លេសាប រាជរដ្ឋាភិបាលកម្ពុជាបានបង្កើតអាជ្ញាធរអាងទន្លេសាប ហើយតាមរយៈកំណែទម្រង់នេះ «អាជ្ញាធរទន្លេសាប» ក៏ត្រូវបានបង្កើតឡើងតាមព្រះរាជក្រឹត្យលេខ នស/រកត /០៦០៩/៧០៥ ចុះថ្ងៃទី២៩ ខែមិថុនា ឆ្នាំ២០០៩ ដែលជាអង្គភាពថ្នាក់ជាតិមួយ ជាសេនាធិការផ្ទាល់ឱ្យរាជរដ្ឋាភិបាល ក្នុងការដឹកនាំ សម្របសម្រួល គ្រប់គ្រង អភិរក្ស និងអភិវឌ្ឍន៍តំបន់បឹងទន្លេសាបប្រកបដោយចីរភាព និងដើរតួនាទីជាអង្គភាពសិក្សា ស្រាវជ្រាវ តាមដាន និងវាយតម្លៃអំពីសក្តានុពលសេដ្ឋកិច្ច សង្គមកិច្ច និងធនធានធម្មជាតិនៅតំបន់បឹងទន្លេសាបនិងតំបន់ពាក់ព័ន្ធ ហើយក៏ជាអង្គភាពរៀបចំបង្កើតឡើងនូវផែនទីបង្ហាញផ្លូវ ទស្សនវិស័យ គោលនយោបាយ យុទ្ធសាស្ត្រជូនរាជរដ្ឋាភិបាល។ លើសពីនេះ អាជ្ញាធរទន្លេសាបក៏មានភារកិច្ចក្នុងការតាមដាន ត្រួតពិនិត្យ ធ្វើអធិការកិច្ចដែនព្រៃលិចទឹកនិងព្រៃលិចទឹក ដែលបានកំណត់ដោយអនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ ២០១១ កំណត់ដែនព្រៃលិចទឹកចំនួន ៦៤៧.៤០៦ ស្ថិតនៅក្នុងខេត្តទាំង ៦ ជុំវិញបឹងទន្លេសាប (ខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តសៀមរាប និងខេត្តកំពង់ធំ ។ បន្ថែមពីនេះ អាជ្ញាធរទន្លេសាប បានសហការជាមួយស្ថាប័នជំនាញពាក់ព័ន្ធក្នុងការបោះបង្គោលកំណត់ព្រំតំបន់៣នៃព្រៃលិចទឹក និងដែនព្រៃលិចទឹកនៅក្នុងខេត្តទាំង៦ជុំវិញបឹងទន្លេសាប ៕

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបន្តចុះផ្សព្វផ្សាយការយល់ដឹងពីបឹងទន្លេសាប និងសារ:ប្រយោជន៍ពីធនធានធម្មជាតិបឹងទន្លេសាប

2024-09-07T11:21:49+00:00

នាថ្ងៃសុក្រ ៤ កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៦ ខែកញ្ញា ឆ្នាំ២០២៤ ក្រុមការងារអាជ្ញាធរទន្លេសាប សហការជាមួយសារព័ត៌មាន FRESH NEWS ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានបន្តចុះប្រមូលព័ត៌មានពីប្រជាពលរដ្ឋ និងផ្សព្វផ្សាយពីសារៈប្រយោជន៍នៃធនធានធម្មជាតិបឹងទន្លេសាប នៅតាមខេត្តគោលដៅចំនួន៤ ដូចជា ខេត្តកំពង់ចាម កំពង់ធំ ព្រះវិហារ និងខេត្តសៀមរាប។

សូមជម្រាបជូនថា ការចុះប្រមូលព័ត៌មាននេះ ក្នុងគោលបំណង ដើម្បីផ្សព្វផ្សាយ និងផលិតវីដែអូបទយកការណ៍ ស្តីពីការយល់ដឹងពីបឹងទន្លេសាប និងសារៈប្រយោជន៍ធនធានធម្មជាតិនៅក្នុងបឹងទន្លេសាបព្រមទាំងបំផុសស្មារតីស្រឡាញ់ ការពារ អភិរក្សធនធានធម្មជាតិនៅបឹងទន្លេសាប ទៅកាន់ប្រជាពលរដ្ឋ។

ជាលទ្ធផល ការចុះប្រមូលព័ត៌មានពីការយល់ដឹង និងការផ្សព្វផ្សាយយល់ដឹងពីសារៈសំខាន់បឹងទន្លេសាបផងដែរ ក្រុមការងារបានជួបសម្ភាសន៍ជាមួយអាជ្ញាធរដែនដី ប្រជាពលរដ្ឋមូលដ្ឋាន ប្រជាសហគមន៍នេសាទ ក្រុមគ្រូពេទ្យ សមត្ថកិច្ច អាជីវករលក់ដូរ លោកគ្រូអ្នកគ្រូ សិស្សានុសិស្ស ដែលពួកគាត់សុទ្ធតែលើកឡើងនូវការគាំទ្រកិច្ចការពារធនធានធម្មជាតិបឹងទន្លេសាប ព្រៃលិចទឹក មច្ឆជាតិ សត្វស្លាប និងជីវចម្រុះផ្សេងៗទៀតឱ្យបន្តនៅគង់វង្ស និងកាន់តែសម្បូរបែបច្រើនជាងនេះ។

គួរបញ្ជាក់ផងដែរ ដើម្បីលើកកម្ពស់ និងជំរុញប្រសិទ្ធភាពដំណើរការការងារគំនិតផ្តួចផ្តើមបឹងទន្លេសាប រាជរដ្ឋាភិបាលកម្ពុជាបានបង្កើតអាជ្ញាធរអាងទន្លេសាប និង តាមរយៈកំណែទម្រង់នេះ «អាជ្ញាធរទន្លេសាប» ក៏ត្រូវបានបង្កើតឡើងតាមព្រះរាជក្រឹត្យលេខ នស/រកត /០៦០៩/៧០៥ ចុះថ្ងៃទី២៩ ខែមិថុនា ឆ្នាំ ២០០៩ ដែលជាអង្គភាពថ្នាក់ជាតិមួយ ជាសេនាធិការផ្ទាល់ឱ្យរាជរដ្ឋាភិបាល និងដើរតួនាទីជាអង្គភាពសិក្សា ស្រាវជ្រាវ តាមដាន និងវាយតម្លៃអំពីសក្តានុពលសេដ្ឋកិច្ច សង្គមកិច្ច និងធនធានធម្មជាតិនៅតំបន់បឹងទន្លេសាប និងតំបន់ពាក់ព័ន្ធ និងជាអ្នករៀបចំបង្កើតឡើងនូវផែនទីបង្ហាញផ្លូវ ទស្សនវិស័យ គោលនយោបាយយុទ្ធសាស្ត្រជូនរាជរដ្ឋាភិបាល។

សូមរំលឹកជូនថា អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងព្រៃលិចទឹក បានធ្វើកិច្ចសហការជាមួយក្រសួង ស្ថាប័នជំនាញពាក់ព័ន្ធ ក្នុងការបោះបង្គោលកំណត់ព្រំតំបន់៣ នៃព្រៃលិចទឹក នៅក្នុងខេត្តទាំង៦ ជុំវិញបឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ក្នុងការកំណត់តំបន់ព្រៃលិចទឹកបឹងទន្លេសាប៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន ចុះស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សជលផលកំពង់ភ្លុក ឃុំកំពង់ភ្លុក ស្រុកប្រាសាទបាគង ខេត្តសៀមរាប

2024-09-06T22:54:53+00:00

នាថ្ងៃសុក្រ ៤កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែកញ្ញា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អមដំណើរដោយថ្នាក់ដឹកនាំអគ្គលេខាធិការដ្ឋាន អាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន អង្គការអន្តរជាតិ និងមន្ត្រីក្រុមការងារបច្ចេកទេសអាជ្ញាធរទន្លេសាប ចុះសិក្សាស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សជលផលកំពង់ភ្លុក ស្ថិតក្នុងឃុំកំពង់ភ្លុក ស្រុកប្រាសាទបាគង ខេត្តសៀមរាប។

ក្នុងឱកាសនោះដែរ ឯកឧត្តម បានជម្រាបជូនប្រតិភូ និងអង្គប្រជុំអំពីបេសកកម្មការងាររបស់អាជ្ញាធរទន្លេសាប ដែលរាជរដ្ឋាភិបាលបានប្រគល់ជូន ក្នុងការយកចិត្តទុកដាក់លើសារៈសំខាន់នៃធនធានធម្មជាតិ ជីវចម្រុះ និងសក្តានុពលក្នុងតំបន់បឹងទន្លេសាប រួមជាមួយការគំរាមកំហែងនាពេលបច្ចុប្បន្នបណ្តាលឱ្យផលស្តុកធនធានជលផលធ្លាក់ចុះ និងផលប៉ះពាល់មកលើប្រព័ន្ធអេកូឡូស៊ីបឹងទន្លេសាប។ ជាមួយនេះដែរ ឯកឧត្តម ក៏បានលើកពីការយកចិត្តទុកដាក់របស់រាជរដ្ឋាភិបាលក្នុងការការពារ ថែរក្សា និងគ្រប់គ្រងតំបន់បឹងទន្លេសាប ជាពិសេសការលើកយកនូវអនុសាសន៍ និងសេចក្តីអំពាវនាវដ៏ថ្លៃថ្លាបំផុតរបស់ សម្តេចមហាបវរធិបតី នាយករដ្ឋមន្ត្រី នារសៀលថ្ងៃទី ២១ ខែសីហា ឆ្នាំ២០២៤ ចំពោះវិធានការចូលរួមទប់ស្កាត់ការទន្ទ្រានដីព្រៃលិចទឹក ចូលរួមថែរក្សា និងការពារបឹងទន្លេសាប គឺជាការចូលរួមរក្សាធនធានជលផល និងសន្តិសុខស្បៀងសម្រាប់ប្រជាពលរដ្ឋ ក៏ដូចជាសន្តិសុខទឹកសម្រាប់ការប្រើប្រាស់ និងស្រោចស្រព ព្រមទាំងរក្សាបាននូវតុល្យភាពប្រព័ន្ធអេកូឡូស៊ីបឹងទន្លេសាប។

ការចុះសិក្សាស្វែងយល់នៅតំបន់អភិរក្សជលផលកំពង់ភ្លុកនេះជាបេសកកម្មលើកទី ៣ របស់ក្រុមប្រតិភូអន្តរក្រសួង និងអង្គការអន្តរជាតិ ក្នុងតំបន់បឹងទន្លេសាប ដែលតំបន់អភិរក្សជលផលកំពង់ភ្លុកនេះ បានបង្កើតឡើងក្នុងសម័យអាណានិគមបារាំង និងមានការប្រកាសទទួលស្គាល់ដោយក្រសួងកសិកម្ម រុក្ខាប្រមាញ់ និងនេសាទ នៅឆ្នាំ១៩៨៩ មានផ្ទៃដី ៦.៤០០ហិកតា និងមានបង្គោលការពារចំនួន២០បង្គោល ហេីយជាតំបន់ដ៏មានសារៈសំខាន់មួយក្នុងចំណោមតំបន់អភិរក្សទាំង ៤ កន្លែង ក្នុងខេត្តសៀមរាប ដែលស្ថិតនៅក្នុងបឹងទន្លេសាប។ តំបន់អភិរក្សជលផលនេះ មានលក្ខណៈសមស្របសម្រាប់ជាកន្លែងជួយថែរក្សាពូជមច្ឆាជាតិ និងជីវចម្រុះគ្រប់ប្រភេទដើម្បីជួយបង្កើនបរិមាណផលស្តុកជលផល ការទ្រទ្រង់ជីវភាពរស់នៅរបស់ប្រជាជន និងសេដ្ឋកិច្ចជាតិ។

ការចុះសិក្សាស្វែងយល់នេះដែរ មានការអញ្ជើញចូលរួមពី ឯកឧត្តម លោក លោកស្រី មកពីតំណាងក្រសួងធនធានទឹក និងឧតុនិយម, ក្រសួងរៀបចំដែនដី នគរូបនីយកម្ម និងសំណង់, ក្រសួងមហាផ្ទៃ, ក្រសួងអភិវឌ្ឍន៍ជនបទ, ក្រសួងបរិស្ថាន, ក្រសួងកសិកម្ម រុក្ខាប្រមាញ់ និងនេសាទ, រដ្ឋបាលជលផល, គណៈកម្មាធិការជាតិទន្លេមេគង្គកម្ពុជា, តំណាងស្ថានទូតអូស្ត្រាលី អង្គការអភិរក្សទឹកអន្តរជាតិ (CI) ធនាគារពិភពលោក, ឯកឧត្តមអភិបាលរងខេត្ត មន្ទីរ-អង្គភាពជំនាញពាក់ព័ន្ធជុំវិញខេត្តសៀមរាប កងកម្លាំងទាំង៣ប្រភេទ អាជ្ញាធរមូលដ្ឋានស្រុកប្រាសាទបាគង ឃុំកំពង់ភ្លុក ខណ្ឌជលផល-ផ្នែកជលផល-សង្កាត់ជលផលកំពង់ភ្លុកសហគមន៍នេសាទ រួមនឹងថ្នាក់ដឹកនាំ មន្ត្រីបច្ចេកទេសអាជ្ញាធរទន្លេសាប សរុបចំនួន ៧៨នាក់។

ក្នុងស្មារតីយកចិត្តទុកដាក់ខ្ពស់ចំពោះតំបន់អភិរក្សក្នុងតំបន់ទន្លេសាប កាលពីថ្ងៃទី ១៥ ខែសីហា ឆ្នាំ២០២៤ អាជ្ញាធរទន្លេសាប បានចេញលិខិតជម្រាបជូនទៅ ឯកឧត្តមអភិបាល នៃគណៈអភិបាលខេត្តទាំង៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ) ចូលរួមអនុវត្តដោយម៉ឺងម៉ាត់ក្នុងការចាត់វិធានការការពារ និងទប់ស្កាត់បទល្មើសនេសាទក្នុងរដូវបិទនេសាទឆ្នាំ២០២៤ ក្នុងភូមិសាស្ត្រខេត្តទាំង៦ ជុំវិញបឹងទន្លេសាប ដើម្បីធានាបាននូវភាពសម្បូរនៃធនធានជលផល ជាពិសេសប្រភេទត្រីកម្រ និងជិតផុតពូជអាចមានទីជម្រក និងសម្រេចបាននូវការថែរក្សា និងបង្កើនផលស្តុកសម្រាប់ប្រើប្រាស់យូរអង្វែង ព្រមទាំងចូលរួមលើកកម្ពស់កម្រិតជីវភាពរស់នៅរបស់ប្រជានេសាទ និងធានាបាននូវប្រភពប្រូតេអ៉ីន និងជីវភាពសម្រាប់បន្តដល់កូនចៅជំនាន់ក្រោយៗ៕

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ក្នុ

2024-09-04T23:50:02+00:00

នាថ្ងៃពុធ ២ កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ០៤ ខែកញ្ញា ឆ្នាំ២០២៤ លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ និងក្រុមការងារបានបន្តចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ស្ថិតនៅក្នុងភូមិសាស្ត្រស្រុកមង្គលបូរី ខេត្តបន្ទាយមានជ័យ ។

សូមជម្រាបជូនថា ការបន្តចុះអនុវត្តសកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន និងសហគមន៍នេសាទ ដើម្បី ៖
- ជួបពិភាក្សាជាមួយអាជ្ញាធរឃុំតាឡំ និងតំណាងអង្គភាពជំនាញពាក់ព័ន្ធ នៃរដ្ឋបាលស្រុកមង្គលបូរី
- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទរុងរឿង ។

សូមបញ្ជាក់ជូនថាៈ សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធានធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព ៕

កិច្ចប្រជុំក្នុងក្របខ័ណ្ឌបច្ចេកទេសសិក្សាស្រាវជ្រាវ ដើម្បីពិនិត្យនិងពិភាក្សារបស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស

2024-09-04T10:14:28+00:00

នារសៀលថ្ងៃអង្គារ ១កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣ ខែកញ្ញា ឆ្នាំ២០២៤ នៅអាជ្ញាធរទន្លេសាប បានរៀបចំកិច្ចប្រជុំក្នុងក្របខ័ណ្ឌបច្ចេកទេសសិក្សាស្រាវជ្រាវ ដើម្បីពិនិត្យ និងពិភាក្សាលើបទបង្ហាញបច្ចេកទេសរបស់ លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអគ្គលេខាធិការដ្ឋានអាជ្ញាធរទន្លេសាប អំពីវិធីសាស្ត្របច្ចេកទេសនៃការចុះសិក្សាផលចាប់តាមឡូត៍ដាយ នៅតាមបណ្តោយទន្លេសាប ស្ថិតក្នុងភូមិសាស្ត្រខេត្តកណ្តាល និងរាជធានីភ្នំពេញ នៅក្នុងរដូវបើកនេសាទនាពេលខាងមុខ។

កិច្ចប្រជុំនេះ ត្រូវបានដឹកនាំសម្របសម្រួលដោយ ឯកឧត្ដម ហ៊ែល តូនី អនុប្រធានអចិន្ត្រៃយ៍អាជ្ញាធរទន្លេសាប ដោយមានការចូលរួមពីឯកឧត្ដមអគ្គលេខាធិការ អគ្គលេខាធិការរងអាជ្ញាធរទន្លេសាប ប្រធាន-អនុប្រធាននាយកដ្ឋាន និងមន្ត្រីបច្ចេកទេសអាជ្ញាធរទន្លេសាប៕

ឯកឧត្តម ហ៊ែល តូនី អញ្ជើញចូលរួមកិច្ចប្រជុំអន្តរក្រសួង ដើម្បីពិនិត្យនិងពិភាក្សាលើបែបបទនីតិវិធីច្បាប់ក្នុងការផ្ទេរលេខាធិការដ្ឋានឋបនីយជីវមណ្ឌលបឹងទន្លេសាប និងលេខាធិការពី គណៈកម្មាធិការជាតិទន្លេមេគង្គកម្ពុជា ឱ្យទៅស្ថិតនៅក្នុងរចនាសម្ព

2024-09-03T15:34:03+00:00

នាព្រឹកថ្ងៃអង្គារ ១កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃ០៣ ខែកញ្ញា ឆ្នាំ២០២៤ ដោយទទួលបានការចាត់តាំង និងជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អមដោយថ្នាក់ដឹកនាំនៃអគ្គលេខាធិការដ្ឋាន អាជ្ញាធរទន្លេសាប បានអញ្ជើញចូលរួមកិច្ចប្រជុំអន្តរក្រសួង ដើម្បីពិនិត្យ និងពិភាក្សាលើបែបបទនីតិវិធីច្បាប់ ក្នុងការផ្ទេរលេខាធិការដ្ឋានឋបនីយជីវមណ្ឌលបឹងទន្លេសាប និងលេខាធិការពី គណៈកម្មាធិការជាតិទន្លេមេគង្គកម្ពុជា ឱ្យទៅស្ថិតនៅក្នុងរចនាសម្ព័ន្ធ និងការគ្រប់គ្រងរបស់អាជ្ញាធរទន្លេសាប ស្របតាមសេចក្តីជូនដំណឹងរបស់រាជរដ្ឋាភិបាល លេខ: ៧៨០សជណ-កបច ចុះថ្ងៃទី១៣ ខែមិថុនា ឆ្នាំ២០២៤ ក្រោមការរៀបចំ និងសម្របសម្រួលរបស់ គណៈកម្មាធិការក្រុមប្រឹក្សាអ្នកច្បាប់ របស់ទីស្តីការគណៈរដ្ឋមន្ត្រី ។ កិច្ចប្រជុំនេះ មានការអញ្ជើញចូលរួមពីតំណាងក្រសួងមុខងារសាធារណៈ ក្រសួងសេដ្ឋកិច្ច និងហិរញ្ញវត្ថុ គណៈកម្មការភាសាវិទ្យាខ្មែរ ។

សូមបញ្ជាក់ថា ការផ្ទេរឋបនីយជីវមណ្ឌលបឹងទន្លេសាបពីគណៈកម្មាធិការជាតិទន្លេមេគង្គកម្ពុជា មកស្ថិតក្រោមរចនាសម្ព័ន្ធគ្រប់គ្រងរបស់អាជ្ញាធរទន្លេសាប ត្រូវបានទទួលការឯកភាពគ្នា តាមរយៈការប្រជុំពិនិត្យ និងពិភាក្សាជាមួយក្រសួងស្ថាប័នពាក់ព័ន្ធជាច្រើនលើកមកហើយ ក្នុងនោះរួមមាន ក្រសួងបរិស្ថាន ក្រសួងកសិកម្ម រុក្ខាប្រមាញ់ និងនេសាទ និងក្រសួងធនធានទឹក និងឧតុនិយម ជាពិសេសការដឹកនាំ និងសម្របសម្រួលកិច្ចប្រជុំអន្តរក្រសួងពាក់ព័ន្ធដោយ គណៈកម្មាធិការក្រុមប្រឹក្សាអ្នកច្បាប់ នៃទីស្តីការគណៈរដ្ឋមន្ត្រីកាលពីថ្ងៃទី២៨ ខែសីហា ឆ្នាំ២០២៤ ។

សូមជម្រាបថា បន្ទាប់ពីបានពិនិត្យ និងពិភាក្សាគ្នាយ៉ាងយកចិត្តទុកដាក់ និងមានការចូលរួមមតិយោបល់ពីតំណាងក្រសួងស្ថាប័ន អង្គប្រជុំបានសម្រេច ដូចខាងក្រោម៖
១- ដោយអនុលោមតាមអនុក្រឹត្យលេខ ១១៤ អនក្រ.បក ចុះថ្ងៃទី៧ ខែកញ្ញា ឆ្នាំ ២០១៥ អាជ្ញាធរទន្លេសាប ត្រូវប្រជុំពិភាក្សាពាក់ព័ន្ធនឹងរចនាសម្ព័ន្ធ និងវិភាគមុខងារជាមួយក្រសួងមុខងារសាធារណៈ និងក្រសួងសេដ្ឋកិច្ច និងហិរញ្ញវត្ថុ
២- គណៈកម្មាធិការក្រុមប្រឹក្សាអ្នកច្បាប់ ឯកភាពខ្លឹមសារនៃការរៀបចំសេចក្តីព្រាងព្រះរាជក្រឹត្យ ក្នុងការផ្ទេរលេខាធិការដ្ឋានឋបនីយជីវមណ្ឌលបឹងទន្លេសាប និងលេខាធិការពី គណៈកម្មាធិការជាតិទន្លេមេគង្គកម្ពុជា ឱ្យទៅស្ថិតនៅក្នុងរចនាសម្ព័ន្ធ និងការគ្រប់គ្រងរបស់អាជ្ញាធរទន្លេសាប ដោយរង់ចាំការប្រជុំសម្រេចជាមួយក្រសួងមុខងារសាធារណៈ៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស បន្តការចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-08-31T13:35:06+00:00

កាលពីថ្ងៃអង្គារ ៨រោច ដល់ថ្ងៃសៅរ៍ ១២ រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៧ ដល់ថ្ងៃទី៣១ ខែសីហា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យផ្សេងៗ ដូចជា ហ្វ្រេកង់បណ្តោយ និងបណ្តោយទម្ងន់ត្រី(Conducting length frequency and length weight sampling)
- អង្កេតចំនួនឧបករណ៍ចេញនេសាទ(Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើប្រាស់កម្មវិធី (Microsoft Access) ដើម្បីវិភាគទិន្នន័យ...

៣- តំបន់គោលដៅនៃការសិក្សា នៅក្នុងចុងខែសីហានេះមាន៣ស្រុក គឺស្រុកកំពង់ត្រឡាច ស្រុកជលគីរី និងស្រុករលាប្អៀរ។
៤- លទ្ធផលការសិក្សាសង្ខេប:
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries) ចំនួន ៩៨០ គ្រួសារ ប្រើប្រាស់ឧបករណ៍នេសាទ ១១ ប្រភេទផ្សេងៗគ្នា
- ផលចាប់សរុប: ២៦៧.៥៩ តោន
- ប្រភេទត្រីបូកយោង ១៥២ ប្រភេទ
- តម្លៃផលនេសាទសរុប: ១,៤៧១.៧៥លានរៀល
- តម្លៃផលនេសាទគិតជាដុល្លារស្មើនឹង ៣៥៨,៩៦២.២០ ដុល្លារសហរដ្ឋអាមេរិក (៤,១០០៛/១ដុល្លារ)

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ អាជ្ញាធរទន្លេសាប បានដឹកនាំក្រុមការងារចុះផ្សព្វផ្សាយ ច្បាប់ និងបទដ្ឋានគតិយុត្ត ពាក់ព័ន្ធការការពារ ថែរក្សា គ្រប់គ្រង និងអភិរក្សដែនព្រៃលិចទឹក និងព្រៃលិចទឹកតំបន់៣ បឹងទន្លេសាប ស្ថិត

2024-08-23T22:28:56+00:00

នាថ្ងៃព្រហស្បតិ៍ ៣ រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែសីហា ឆ្នាំ២០២៤ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានដឹកនាំក្រុមការងារបន្តចុះផ្សព្វផ្សាយ ច្បាប់ បទដ្ឋានគតិយុត្ត បទបញ្ញត្តិនានាពាក់ព័ន្ធការការពារ ថែរក្សា គ្រប់គ្រង និងអភិរក្សដែនព្រៃលិចទឹក និងព្រៃលិចទឹកតំបន់៣ បឹងទន្លេសាប ស្ថិតនៅក្នុងភូមិសាស្ត្រស្រុកក្រគរ ខេត្តពោធិ៍សាត់ ។ វគ្គផ្សព្វផ្សាយនេះ បានអញ្ជើញចូលរួមពីលោកអនុប្រធានមន្ទីរធនធានទឹក និងឧតុនិយម លោកអភិបាលរងស្រុក លោកនាយករងរដ្ឋបាលស្រុក ព្រមទាំងលោក លោកស្រី ជាមេឃុំ ជំទប់ឃុំ ក្រុមប្រឹក្សាឃុំ មេភូមិ អនុភូមិ មន្ត្រីនគរបាលប៉ុស្តិ៍ តំណាងសហគមន៍នេសាទ និងប្រជាពលរដ្ឋរស់នៅក្នុងភូមិសាស្ត្រឃុំក្បាលត្រាច ឃុំអន្សាចំបក់ ឃុំអូរសណ្តាន់ ឃុំស្នាអន្សា ឃុំកំពង់ពោធិ៍ ឃុំកំពង់លួង និងឃុំអន្លង់ត្នោត ស្រុកក្រគរ ខេត្តពោធិ៍សាត់ សរុបចំនួន ២៣៤ នាក់។

សូមជម្រាបជូនថា ការចុះផ្សព្វផ្សាយនេះ គោលបំណងផ្ដោតសំខាន់លើ ៖
- បញ្ជៀបការយល់ដឹងទៅកាន់ប្រជាពលរដ្ឋ ឱ្យមានការចូលរួមការពារ ថែរក្សា និងគ្រប់គ្រងធនធានធម្មជាតិ ជីវចម្រុះ និងព្រៃលិចទឹក
- សំដៅធានាបាននូវការគ្រប់គ្រងធនធានធម្មជាតិ ជីវចម្រុះ ដែនព្រៃលិចទឹក និងព្រៃលិចទឹក នៅក្នុងតំបន់ជុំវិញបឹងទន្លេសាប ប្រកបដោយនិរន្តរភាព ។

វគ្គផ្សព្វផ្សាយនេះដែរ ក្រុមការងារក៏បានបង្ហាញពីសារ:សំខាន់បឹងទន្លេសាប ព្រៃលិចទឹក វិធានការការពារធនធានធម្មជាតិ ការចូលរួមការអនុវត្តច្បាប់ ដើម្បីធានាការការពារ ថែរក្សា និងគ្រប់គ្រងធម្មជាតិ ជីវចម្រុះ ធនធានជលផល ព្រៃលិចទឹកនៅតំបន់៣ នៃបឹងទន្លេសាបឱ្យមានប្រសិទ្ធភាពខ្ពស់ និងរក្សាបាននូវ តុល្យភាពប្រព័ន្ធអេកូឡូស៊ីបឹងទន្លេសាប ដែលជាអត្តសញ្ញាណជាតិមិនអាចកាត់ថ្លៃបានសម្រាប់មនុស្សជាតិ ដែលវាបាន និងកំពុងគំរាមកំហែងមកលើប្រព័ន្ធអេកូឡូស៊ីបឹងទន្លេសាប បង្កឡើងដោយ កត្តាមនុស្ស និងកត្តាធម្មជាតិ ក្មុងនោះរួមមានសកម្មភាពក្នុងការទន្ទ្រានដីព្រៃលិចទឹក និងការនេសាទខុសច្បាប់ ជាដើម។

សូមបញ្ជាក់ជូនថា អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងព្រៃលិចទឹក បានធ្វើកិច្ចសហការជាមួយស្ថាប័នជំនាញពាក់ព័ន្ធ ក្នុងការបោះបង្គោលកំណត់ព្រំតំបន់៣ នៃព្រៃលិចទឹក នៅក្នុងខេត្តទាំង៦ ជុំវិញបឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ក្នុងការកំណត់តំបន់ព្រៃលិចទឹកបឹងទន្លេសាប ៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន ចុះស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សជលផល២ស្ទួន ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ

2024-08-23T22:04:26+00:00

នាថ្ងៃសុក្រ ៤រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែសីហា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អមដំណើរដោយថ្នាក់ដឹកនាំអគ្គលេខាធិការដ្ឋាន អាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន អង្គការអន្តរជាតិ និងមន្ត្រីក្រុមការងារបច្ចេកទេសអាជ្ញាធរទន្លេសាប ចុះសិក្សាស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សជលផល ២ស្ទួន ស្ថិតក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ។

ក្នុងឱកាសនោះដែរ ឯកឧត្តម បានជម្រាបជូនប្រតិភូ និងអង្គប្រជុំអំពីបេសកកម្មការងាររបស់អាជ្ញាធរទន្លេសាប ដែលរាជរដ្ឋាភិបាលបានប្រគល់ជូន ក្នុងការយកចិត្តទុកដាក់លើសារៈសំខាន់នៃធនធានធម្មជាតិ ជីវចម្រុះ និងសក្តានុពលក្នុងតំបន់បឹងទន្លេសាប រួមជាមួយការគំរាមគំហែងនាពេលបច្ចុប្បន្នបណ្តាលឱ្យផលស្តុកធនធានជលផលធ្លាក់ចុះ និងផលប៉ះពាល់មកលើប្រព័ន្ធអេកូឡូស៊ីបឹងទន្លេសាប។ ជាមួយនេះដែរ ឯកឧត្តម ក៏បានលើកពីការយកចិត្តទុកដាក់របស់រាជរដ្ឋាភិបាលក្នុងការការពារ ថែរក្សា និងគ្រប់គ្រងតំបន់បឹងទន្លេសាប ជាពិសេសការលើកយកនូវអនុសាសន៍ និងសេចក្តីអំពាវនាវដ៏ថ្លៃថ្លាបំផុតរបស់ សម្តេចមហាបវរធិបតី នាយករដ្ឋមន្ត្រី នារសៀលថ្ងៃទី ២១ ខែសីហា ឆ្នាំ២០២៤ ចំពោះវិធានការចូលរួមទប់ស្កាត់ការទន្ទ្រានដីព្រៃលិចទឹក ចូលរួមថែរក្សា និងការពារបឹងទន្លេសាប គឺជាការចូលរួមរក្សាធនធានជលផល និងសន្តិសុខស្បៀងសម្រាប់ប្រជាពលរដ្ឋ ក៏ដូចជាសន្តិសុខទឹកសម្រាប់ការប្រើប្រាស់ និងស្រោចស្រព ព្រមទាំងរក្សាបាននូវតុល្យភាពប្រព័ន្ធអេកូឡូស៊ីបឹងទន្លេសាប។

ការចុះសិក្សាស្វែងយល់នៅតំបន់អភិរក្សជលផល២ស្ទួននេះជាបេសកកម្មលើកទី២ របស់ក្រុមប្រតិភូអន្តរក្រសួង និងអង្គការអន្តរជាតិ ក្នុងតំបន់បឹងទន្លេសាប ដែលតំបន់អភិរក្សជលផល២ស្ទួននេះ បានបង្កើតឡើងក្នុងសម័យអាណានិគមបារាំងឆ្នាំ១៩៥៨ ជាតំបន់ដ៏មានសារៈសំខាន់មួយក្នុងចំណោមតំបន់អភិរក្សទាំង ៤កន្លែង ក្នុងខេត្តកំពង់ធំ ដែលស្ថិតនៅក្នុងបឹងតូចនៃបឹងទន្លេសាប។ តំបន់អភិរក្សជលផលនេះ មានលក្ខណៈសមស្របសម្រាប់ជាកន្លែងជួយថែរក្សាពូជមច្ឆាជាតិ និងជីវចម្រុះគ្រប់ប្រភេទដើម្បីជួយបង្កើនបរិមាណផលស្តុកជលផល ការទ្រទ្រង់ជីវភាពរស់នៅរបស់ប្រជាជន និងសេដ្ឋកិច្ចជាតិ។

សូមជម្រាបថាៈ ការចុះសិក្សាស្វែងយល់នេះ មានមានការអញ្ជើញចូលរួមពី ឯកឧត្តម លោក លោកស្រី ជាតំណាងក្រសួងធនធនទឹក និងឧតុនិយម, ក្រសួងរៀបចំដែនដី នគរូបនីយកម្ម និងសំណង់, ក្រសួងមហាផ្ទៃ, ក្រសួងអភិវឌ្ឍន៍ជនបទ, ក្រសួងបរិស្ថាន, ក្រសួងកសិកម្ម រុក្ខាប្រមាញ់ និងនេសាទ, រដ្ឋបាលជលផល, គណៈកម្មាធិការជាតិទន្លេមេគង្គកម្ពុជា, អង្គការអភិរក្សអន្តរជាតិ (CI), ឯកឧត្តមអភិបាលរងខេត្ត មន្ទីរ-អង្គភាពជំនាញពាក់ព័ន្ធជុំវិញខេត្តកំពង់ធំ កងកម្លាំងទាំង៣ប្រភេទ អាជ្ញាធរមូលដ្ឋានស្រុកកំពង់ស្វាយ ឃុំផាត់សណ្តាយ ខណ្ឌជលផល-ផ្នែកជលផល-សង្កាត់ជលផលផាត់សណ្តាយ សហគមន៍នេសាទផាត់សណ្តាយ រួមនឹងថ្នាក់ដឹកនាំ មន្ត្រីបច្ចេកទេសអាជ្ញាធរទន្លេសាប សរុបចំនួន ៦០នាក់។

សូមបញ្ជាក់ថា កាលពីថ្ងៃទី ១៥ ខែសីហា ឆ្នាំ២០២៤ អាជ្ញាធរទន្លេសាប បានចេញលិខិតជម្រាបជូនទៅ ឯកឧត្តមអភិបាល នៃគណៈអភិបាលខេត្តទាំង៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ) ចូលរួមអនុវត្តដោយម៉ឹងម៉ាត់ក្នុងការចាត់វិធានការការពារ និងទប់ស្កាត់បទល្មើសនេសាទក្នុងរដូវបិទនេសាទឆ្នាំ២០២៤ ក្នុងភូមិសាស្ត្រខេត្តទាំង៦ ជុំវិញបឹងទន្លេសាប ដើម្បីធានាបាននូវភាពសម្បូរនៃធនធានជលផល ជាពិសេសប្រភេទត្រីកម្រ និងជិតផុតពូជអាចមានទីជម្រក និងសម្រេចបាននូវការថែរក្សា និងបង្កើនផលស្តុកសម្រាប់ប្រើប្រាស់យូរអង្វែង ព្រមទាំងចូលរួមលើកកម្ពស់កម្រិតជីវភាពរស់នៅរបស់ប្រជានេសាទ និងធានាបាននូវប្រភពប្រូតេអ៉ីន និងជីវភាពសម្រាប់បន្តដល់កូនចៅជំនាន់ក្រោយៗ៕

ឯកឧត្តមរដ្ឋមន្ត្រី ថោ ជេដ្ឋា អញ្ជើញដឹកនាំកិច្ចប្រជុំបូកសរុបការងាររយៈពេល ១ឆ្នាំលើវិស័យធនធានទឹក និងឧតុនិយម

2024-08-21T20:53:58+00:00

នៅសាលប្រជុំរំដួល នៃទីស្ដីការក្រសួងធនធានទឹក និងឧតុនិយម នាព្រឹកថ្ងៃពុធ ២រោច ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែសីហា ឆ្នាំ ២០២៤នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានអញ្ជើញដឹកនាំកិច្ចប្រជុំបូកសរុបការងាររយៈពេល១ឆ្នាំ លើវិស័យធនធានទឹក និងឧតុនិយម អាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា។ អានត...

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន ប្រជុំពិភាក្សាអំពី ការសុំកំណត់តំបន់ការពារ និងអភិវឌ្ឍន៍ប្រភពទឹក ស្ថិតនៅក្នុងអាង នៃបឹងទន្លេសាប សម្រាប់ផ្គត់ផ្គង់ទឹកស្អាត ក្នុងក្រុងសៀមរាប ន

2024-08-17T10:50:37+00:00

នាថ្ងៃសុក្រ ១២ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១៦ ខែសីហា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័នពាក់ព័ន្ធ មន្ត្រីក្រុមការងារបច្ចេកទេសអាជ្ញាធរទន្លេសាប និងរដ្ឋបាលថ្នាក់ក្រោមជាតិរបស់ខេត្តសៀមរាប ប្រជុំពិភាក្សាលើការស្នើសុំកំណត់តំបន់ការពារ និងអភិវឌ្ឍន៍ប្រភពទឹក ស្ថិតនៅក្នុងអាង នៃបឹងទន្លេសាប សម្រាប់ផ្គត់ផ្គង់ទឹកស្អាត ក្នុងក្រុងសៀមរាប និងតំបន់ជុំវិញ ខេត្តសៀមរាប ។

ឯកឧត្តមអនុប្រធាន បានជម្រាបជូនអង្គប្រជុំពីសារៈសំខាន់នៃបឹងទន្លេសាប ពីប្រភពធនធានទឹក នៃបឹងទន្លេសាប តម្រូវការក្នុងការប្រើប្រាស់ទឹកលើគ្រប់វិស័យនៅក្នុងបឹងទន្លេសាប និងតាមបណ្តាដៃអាងស្ទឹងនៅជុំវិញបឹងទន្លេសាប ជាពិសេសតម្រូវការលើផ្នែកកសិកម្ម និងការផ្គត់ផ្គង់ទឹកស្អាត ព្រមទាំងលើកអំពីបញ្ហាប្រឈមនានាមកលើបឹងទន្លេសាបក្នុងពេលបច្ចុប្បន្ន រួមទាំងកត្តាប្រែប្រួលអាកាសធាតុផងដែរ ។ ឯកឧត្តមក៏បានគូសបញ្ជាក់អំពីយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី ៧ នៃរដ្ឋសភា ដែលបានកំណត់យកអាទិភាពគន្លឹះ ៥ មាន មនុស្ស ផ្លូវ ទឹក ភ្លើង និង បច្ចេកវិទ្យា ។ ដោយឯកឧត្តម បានសំណូមពរឱ្យអង្គប្រជុំមានការពិភាក្សាយកមតិយោបល់ល្អៗ និងដំណោះស្រាយរួមគ្នា ។

ឯកឧត្តមអគ្គនាយករដ្ឋាករទឹកស្វយ័តសៀមរាប បានលើកឡើងអំពីទិសដៅឈានទៅសម្រេចគោលដៅរបស់រាជរដ្ឋាភិបាលកម្ពុជា នៅក្នុងការផ្គត់ផ្គង់ទឹកស្អាតសម្រាប់ប្រជាជន និងតម្រូវការទឹកស្អាតប្រចាំថ្ងៃ ជាមួយនឹងប្រភពទឹក សម្រាប់យកមកផ្គត់ផ្គង់នៅក្នុងខេត្តសៀមរាប ។ ឯកឧត្តមបានបញ្ជាក់ថា កន្លងមកការផ្គត់ផ្គង់ទឹកស្អាតក្នុងក្រុងសៀមរាប គឺបានមកពីប្រភពទឹកក្រោមដី និងបារាយណ៍ ហើយក៏មិនមានសមត្ថភាពផ្គត់ផ្គង់ទឹកស្អាតបានគ្រប់គ្រាន់ផងដែរ ។ ដោយផ្អែកលើការសិក្សា មានតែប្រភពទឹកពីបឹងទន្លេសាបតែមួយគត់ ដែលអាចធានាបាននូវនិរន្តរភាពយូរអង្វែង និងមិនបង្កឱ្យមានផលប៉ះពាល់ដល់បេតិកភណ្ឌអង្គរ ។ បច្ចុប្បន្នគុណភាពទឹក គឺមានបញ្ហាច្រើន ដែលទាមទារឱ្យមានការការពារលើប្រភពទឹកនៅទីតាំងបូមពីស្ថានីយបឹងទន្លេសាប ដែលតម្រូវឱ្យ មានការកំណត់ទំហំជាតំបន់ការពារ និងអភិវឌ្ឍន៍ប្រភពទឹក ដើម្បីធានាបាននូវការ ផ្គត់ផ្គង់ទឹកស្អាត ក្នុងក្រុងសៀមរាប និងតំបន់ជុំវិញ មាននិរន្តរភាព ។

អង្គប្រជុំបានសម្រេចផ្តល់លទ្ធភាពជូនរដ្ឋបាលខេត្ត និងមន្ទីរ-អង្គភាពជំនាញពាក់ព័ន្ធជុំវិញខេត្តសៀមរាប ជាមួយរដ្ឋាករទឹកស្វយ័តសៀមរាប ចុះសិក្សាលម្អិតលើទីតាំងការសុំកំណត់តំបន់ការពារ និងអភិវឌ្ឍន៍ប្រភពទឹក ស្ថិតនៅក្នុងអាង នៃបឹងទន្លេសាប សម្រាប់ផ្គត់ផ្គង់ទឹកស្អាត ក្នុងក្រុងសៀមរាប និងតំបន់ជុំវិញ នៃខេត្តសៀមរាប រួចធ្វើរបាយការណ៍មកអាជ្ញាធរទន្លេសាប ដើម្បីរៀបចំកិច្ចប្រជុំអន្តរក្រសួងពិនិត្យមើល និងសម្រេចម្តងទៀតនៅពេលខាងមុខ ៕

សិក្ខាសាលាពិគ្រោះយោបល់លើសេចក្តីព្រាងគោលការណ៍ណែនាំ ស្តីពីការគ្រប់គ្រងហិរញ្ញវត្ថុសាធារណៈ

2024-08-16T22:02:10+00:00

នាថ្ងៃ ព្រហស្បតិ៍ ១៥កើតដល់ថ្ងៃ សុក្រ ១៦កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវថ្ងៃទី១៥-១៦ ខែសីហា ឆ្នាំ២០២៤ នាងខ្ញុំ ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ, លោកស្រី ចាន់ លក្ខិណា និង លោកស្រី ទិត្យ ដារ៉ាយ៉ាបុស្សនី អនុប្រធានការិយាល័យគណនេយ្យ និងហិរញ្ញវត្ថុ, លោកស្រី ឃន ចន្ធា មន្រី្តជាប់កិច្ចសន្យា បានចូលរួមចូលសិក្ខាសាលា លើសេចក្តីព្រាងគោលការណ៍ណែនាំ ស្តីពីការគ្រប់គ្រងហិរញ្ញវត្ថុសាធារណៈ ក្រោមអធិបតីភាព ឯកឧត្តម ចាន់ យុត្ថា រដ្ឋលេខាធិការក្រសួងធនធានទឹក និងឧតុនិយម និងជាប្រធានក្រុមការងារកំណែទម្រង់ការគ្រប់គ្រងហិរញ្ញវត្ថុសាធារណៈ ។ សិក្ខាសាលានេះ មានការចូលរួមពីឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គាធិការ អគ្គនាយកនៃអគ្គនាយកដ្ឋានកិច្ចការរដ្ឋបាល អគ្គនាយកនៃអគ្គនាយកដ្ឋានកិច្ចការបច្ចេកទេស ប្រធាននាយកដ្ឋាន និងប្រធានមជ្ឈមណ្ឌល ប្រធានមន្ទីររាជធានី-ខេត្ត និងសមាជិកក្រុមការងារកែទម្រង់រដ្ឋបាលសាធារណៈទាំងអស់ចំណុះក្រសួងធនធានទឹក និងឧតុនិយម តំណាងក្រសួងសេដ្ឋកិច្ច និងហិរញ្ញវត្ថុ ក្រសួងអភិវឌ្ឍន៍ជនបទ ក្រសួងកសិកម្ម រុក្ខាប្រមាញ់ និងនេសាទ។

គោលបំណងរបស់សិក្ខាសាលា គឺដើម្បីប្រមូលធាតុចូលពីភាគីពាក់ព័ន្ធដែលរួមមាន ក្រសួងសេដ្ឋកិច្ច និងហិរញ្ញវត្ថុ ក្រសួងកសិកម្ម រុក្ខាប្រមាញ់ និងនេសាទ និងក្រសួងអភិវឌ្ឍន៍ជនបទ ព្រមទាំងអង្គភាពក្រោមឱវាទក្រសួង និងមន្ទីរធនធានទឹក និងឧតុនិយម ទាំង២៥ រាជធានី-ខេត្ត និងដើម្បីឱ្យគោលការណ៍ណែនាំ ស្តីពីការគ្រប់គ្រងហិរញ្ញវត្ថុសាធារណៈ របស់ក្រសួងធនធានទឹក និងឧតុនិយម កាន់តែប្រសើរ គ្រប់ជ្រុងជ្រោយ សង្គតិភាព និងអាចដាក់ឱ្យប្រើប្រាស់បាននៅឆ្នាំ២០២៥៕

ឯកឧត្តម ហ៊ែល តូនី បានដឹកនាំកិច្ចប្រជុំពិភាក្សារៀបចំផែនការកសាងផែនទីសណ្ឋានដីបាតបឹងទន្លេសាប និងបាតទន្លេសាប

2024-08-14T15:45:30+00:00

ព្រឹកថ្ងៃពុធ ១៤កើត ខែស្រាពណ៍ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី ១៤ ខែសីហា ឆ្នាំ ២០២៤ នៅសាលប្រជុំអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អមដោយឯកឧត្តមអគ្គលេខាធិការ អគ្គលេខាធិការរង បានដឹកនាំមន្ត្រីបច្ចេកទេសអាជ្ញាធរទន្លេសាប បានជួបប្រជុំពិភាក្សារៀបចំផែនការកសាងផែនទីសណ្ឋានដីបាតបឹងទន្លេសាប និងបាតទន្លេសាប ចាប់ពីតំបន់ទន្លេចតុមុខរហូតដល់បឹងទន្លេសាប ជាមួយប្រធាន អនុប្រធាននាយកដ្ឋានជលសាស្ត្រ និងការងារទន្លេ នៃក្រសួងធនធានទឹកនិងឧតុនិយម និងប្រធានលេខាធិការដ្ឋានឋបនីយជីវមណ្ឌលបឹងទន្លេសាបនៃគណ:កម្មាធិការជាតិទន្លេមេគង្គកម្ពុជា៕

លោក ភេម ស៊ា ទីប្រឹក្សាអាជ្ញាធរទន្លេសាប បានបន្តដឹកនាំក្រុមការងារបច្ចេកទេស ការចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-08-13T07:38:08+00:00

នាថ្ងៃអង្គារ ២ កើត ដល់ថ្ងៃសៅរ៍ ៦ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ០៦ ដល់ថ្ងៃទី១០ ខែសីហា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យផ្សេងៗ ដូចជា ហ្វ្រេកង់បណ្តោយ និងបណ្តោយទម្ងន់ត្រី(Conducting length frequency and length weight sampling)
- អង្កេតចំនួនឧបករណ៍ចេញនេសាទ (Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើប្រាស់កម្មវិធី (Microsoft Access) ដើម្បីវិភាគទិន្នន័យ...

៣- តំបន់គោលដៅនៃការសិក្សា:
នៅក្នុងដើមខែសីហានេះមាន៣ស្រុកគឺស្រុកបរិបូរណ៍ ស្រុកកំពង់លែង និងទីរួមខេត្តកំពង់ឆ្នាំង។

៤- លទ្ធផលការសិក្សាសង្ខេប:
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries) ចំនួន ១,៥៩៨ គ្រួសារ ប្រើប្រាស់ឧបករណ៍នេសាទ ១៤ ប្រភេទផ្សេងៗគ្នា
- ផលចាប់សរុប: ៥៥៣.៨៧ តោន
- ប្រភេទត្រីបូកយោង ១៥១ ប្រភេទ
- តម្លៃផលនេសាទសរុប: ៣,០៥៦.២៩ លានរៀល
- តម្លៃផលនេសាទគិតជាដុល្លារស្មើនឹង ៧៤២,៩៩៦.៣៤ ដុល្លារសហរដ្ឋអាមេរិក(៤,១០០៛/១ដុល្លារ)៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន ចុះស្វែងយល់ ពីការគ្រប់គ្រង អភិរក្សធនធានជលផលក្នុងតំបន់អភិរក្សកំពង់ប្រាក់ ស្រុកក្រគរ ខេត្តពោធិ៍សាត់

2024-08-09T15:42:25+00:00

នាថ្ងៃសុក្រ ៥ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៩ ខែសីហា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តម រដ្ឋមន្ត្រី និងជាប្រធានអាជ្ញាធរទន្លេសាប បានអញ្ជើញដឹកនាំប្រតិភូអន្តរក្រសួង ស្ថាប័ន និងមន្ត្រីក្រុមការងារអាជ្ញាធរទន្លេសាប ចុះសិក្សាស្វែងយល់ពីការគ្រប់គ្រង អភិរក្សធនធានជលផលក្នុងតំបន់អភិរក្សកំពង់ប្រាក់ ស្ថិតក្នុងឃុំស្នាអន្សា ស្រុកក្រគរ ខេត្តពោធិ៍សាត់ ។
ឆ្លៀតក្នុងឱកាសនោះដែរ ឯកឧត្តម បានជម្រាបជូនប្រតិភូពីសារៈសំខាន់នៃបឹងទន្លេសាប សក្តានុពលធនធានធម្មជាតិ ជីវចម្រុះនៅក្នុងបឹងទន្លេសាប ភាពគំរាមកំហែងនាពេលបច្ចុប្បន្ន បណ្តាលឱ្យផលស្តុកធនធានជលផលធ្លាក់ចុះ ។

ដោយឡែក ការជ្រើសរើសចុះសិក្សាស្វែងយល់នៅពេលនេះ គឺតំបន់អភិរក្សជលផលកំពង់ប្រាក់ ដែលជាតំបន់អភិរក្សដ៏សំខាន់មួយក្នុងចំណោមតំបន់អភិរក្សទាំង ៨ កន្លែង បានបង្កើតឡើងក្នុងសម័យបារាំង ឆ្នាំ១៩៥៨ ហើយស្ថិតនៅក្នុងបឹងតូច នៃបឹងទន្លេសាប ។

តំបន់អភិរក្សជលផលនេះ មានលក្ខណៈសមស្របសម្រាប់ជាកន្លែងជួយថែរក្សាពូជមច្ឆាជាតិ និងជីវចម្រុះគ្រប់ប្រភេទដើម្បីជួយបង្កើនបរិមាណផលស្តុកជលផល ការទ្រទ្រង់ជីវភាពរស់នៅរបស់ប្រជាជន និងសេដ្ឋកិច្ចជាតិ ។ ដើម្បីធានានិរន្តរភាពធនធានជលផល ត្រូវមានការចូលរួមទាំងអស់គ្នា ក្នុងនោះ÷
- បន្តការការពារ និងដាំដុះព្រៃលិចទឹកឡើងវិញ
- សហគមន៍នេសាទបន្តរក្សាការពារមេពូជត្រីក្នុងតំបន់អភិរក្ស
- ស្ថាប័នជលផល បន្តសហការជាមួយអង្គការដៃគូអភិវឌ្ឍន៍ បង្កើនការផ្សព្វផ្សាយច្បាប់ ដល់សហគមន៍
- ពង្រឹងការអនុវត្តច្បាប់ និងការបង្ក្រាបបទល្មើសនេសាទ
- អាជ្ញាធរឃុំ ត្រូវបញ្ចូលកញ្ចប់ថវិកាទៅក្នុងផែនការកម្មវិធីវិនិយោគឃុំ សម្រាប់កិច្ចការពារធនធានធម្មជាតិ និងអភិរក្សជលផល។

សូមជម្រាបជូនផងដែរថា ការចុះសិក្សាស្វែងយល់ នៅតំបន់អភិរក្សកំពង់ប្រាក់នេះ ក្នុងគោលបំណង ដើម្បី÷
១. ស្វែងយល់ពីទស្សនវិស័យ និងផែនការគ្រប់គ្រង អភិរក្សធនធានជលផល ជីវចម្រុះ ព្រៃលិចទឹក និងប្រព័ន្ធអេកូឡូស៊ី នៅក្នុងតំបន់អភិរក្ស
២. សកម្មភាពការងារ រួមជាមួយការអនុវត្តច្បាប់ និងបទដ្ឋានគតិយុត្ត ដែលមានស្រាប់នៅក្នុងការចូលរួមថែរក្សា ការពារ និងគ្រប់គ្រងធនធានជលផល ជីវចម្រុះ ព្រៃលិចទឹក និងប្រព័ន្ធអេកូឡូស៊ីក្នុងតំបន់អភិរក្ស
៣. បញ្ហាផលប៉ះពាល់មកលើគ្រប់គ្រង និងអភិរក្សធនធានជលផល ជីវចម្រុះ ជាពិសេសប្រព័ន្ធអេកូឡូស៊ី នៅក្នុងតំបន់អភិរក្ស
៤. ស្ថានភាពជីវភាពទ្រទ្រង់ជីវភាពរស់នៅរបស់ប្រជាសហគមន៍នេសាទ នៅជុំវិញតំបន់អភិរក្ស
៥. សក្តានុពល និងកាលានុវត្តភាពតំបន់អភិរក្ស ក្នុងការជម្រុញផលិតភាពធនធានជលផល ជីវចម្រុះ និងជីវភាពរស់នៅរបស់ប្រជាសហគមន៍នេសាទ
៦. ការចូលរួមចំណែកពីក្រសួងស្ថាប័ន និងដៃគូរពាក់ព័ន្ធក្នុងតំបន់អភិរក្ស
៧. ភាពខ្លាំង ភាពខ្សោយ និងវិធានដោះស្រាយ រួមជាមួយតម្រូវការក្នុងវិធានការឆ្ពោះទៅការគ្រប់គ្រង និងអភិរក្សធនធានជលផលក្នុងតំបន់អភិរក្សជុំវិញបឹងទន្លេសាបប្រកបដោយចីរភាព និងនិរន្តរភាព។

សូមបញ្ជាក់ថា ប្រតិភូអន្តរក្រសួង ស្ថាប័នបានអញ្ជើញចូលរួមចុះសិក្សាស្វែងយល់នេះ មានពីឯកឧត្តមលោក លោកស្រី ជាតំណាងក្រសួងធនធនទឹក និងឧតុនិយម ក្រសួងរៀបចំដែនដី នគរូបនីយកម្ម និងសំណង់ ក្រសួងមហាផ្ទៃ ក្រសួងអភិវឌ្ឍន៍ជនបទ ក្រសួងបរិស្ថាន ក្រសួងកសិកម្ម រុក្ខាប្រមាញ់ និងនេសាទ ក្រសួងទេសចរណ៍ គណៈកម្មាធិការជាតិទន្លេមេគង្គកម្ពុជា ធនាគាពិភពលោក (World bank) នាយកដ្ឋានកិច្ចការបរទេស និងពាណិជ្ជកម្ម (DFAT) សហភាពអឺរ៉ុប (EU) អង្គការអភិរក្សអន្តរជាតិ (CI) ឯកឧត្តមអភិបាលរងខេត្ត មន្ទីរ-អង្គភាពពាក់ព័ន្ធជុំវិញខេត្តពោធិ៍សាត់ អាជ្ញាធរមូលដ្ឋានស្រុកក្រគរ ឃុំ ខណ្ឌជលផល-ផ្នែកជលផលស្រុកក្រគរ សហគមន៍នេសាទកំពង់ប្រាក់ រួមនឹងថ្នាក់ដឹកនាំ មន្ត្រីបច្ចេកទេស អាជ្ញាធរទន្លេសាប សរុបចំនួន ៥០នាក់៕

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ក្នុងខ

2024-08-09T15:25:09+00:00

នាថ្ងៃព្រហស្បតិ៍ ៤កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ០៨ ខែសីហា ឆ្នាំ២០២៤ លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ និងក្រុមការងារបានបន្តចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ស្ថិតនៅក្នុងភូមិសាស្ត្រស្រុកមោងឬស្សី ខេត្តបាត់ដំបង ។

សូមជម្រាបជូនថា ការបន្តចុះអនុវត្តសកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន និងសហគមន៍នេសាទ ដើម្បី ៖
- ជួបពិភាក្សាជាមួយអាជ្ញាធរឃុំតាលាស់ និងតំណាងអង្គភាពជំនាញពាក់ព័ន្ធ នៃរដ្ឋបាលស្រុកមោងឬស្សី
- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទម៉ាណោក ។

លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាស្តីពី "ការពង្រឹងកិច្ចសហប្រតិបត្តិការដើម្បីដោះស្រាយផលប៉ះពាល់នៃការប្រែប្រួលអាកាសធាតុនៅទន្លេមេគង្គក្រោម" នៅសាលប្រជុំសាលាខេត្តស្ទឹងត្រែង

2024-08-08T14:43:12+00:00

នាថ្ងៃពុធ ៣កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ៧ ខែសីហា ឆ្នាំ២០២៤ លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាស្តីពី "ការពង្រឹងកិច្ចសហប្រតិបត្តិការ ដើម្បីដោះស្រាយផលប៉ះពាល់ នៃការប្រែប្រួលអាកាសធាតុនៅទន្លេមេគង្គក្រោមតាមរយៈការទទួលទិន្នន័យជលសាស្ត្រ និងការបន្សាំទៅនឹងការប្រែប្រួលអាកាសធាតុ" ។ សិក្ខាសាលានេះ រៀបចំដោយអង្គការអុកស្វាម និងដៃគូរបស់អុកស្វាម (OXFAM) ដោយមានសមាសភាពចូលរួមពីតំណាងរាជរដ្ឋាភិបាលរួមមាន អាជ្ញាធរទន្លេសាប ក្រសួងធនធានទឹក និងឧតុនិយម ក្រសួងបរិស្ថានគណៈកម្មាធិការជាតិទន្លេមេគង្គកម្ពុជា គណៈកម្មាធិការជាតិគ្រប់គ្រងគ្រោះមហន្តរាយសហគមន៍តាមដងទន្លេមេគង្គក្រោម សហគមន៍តាមបឹងទន្លេសាប សាកលវិទ្យាល័យភូមិន្ទកសិកម្មសរុបចំនួន ៦០នាក់។

សិក្ខាសាលានេះ លោកស្រី ប្រាក់ ចាន់វឌ្ឍនា ក៏បានចែករំលែកបទពិសោធន៍តាមរយៈធ្វើបទបង្ហាញស្តីពី "បញ្ហាប្រឈមចំនួន ៦ ចំណុចរបស់អាជ្ញាធរទន្លេសាប ទាក់ទងនឹងផលប៉ះពាល់នៃការប្រែប្រួលអាកាសធាតុលើបឹងទន្លេសាប និងការសិក្សាស្រាវជ្រាវរបស់អាជ្ញាធរទន្លេសាបដើម្បីដោះស្រាយផលប៉ះពាល់នេះ" ផងដែរក្នុងចំណោមវាគ្មិន ២ រូបទៀតគឺ ថ្នាក់ដឹកនាំរបស់គណៈកម្មាធិការជាតិទន្លេមេគង្គកម្ពុជា និងអនុប្រធាននាយកដ្ឋានប្រែប្រួលអាកាសធាតុ នៃក្រសួងបរិស្ថាន។

គោលបំណង នៃសិក្ខាសាលាមាន៖
• បង្កើនការយល់ដឹងរបស់អ្នកចូលរួមអំពីផលប៉ះពាល់នៃការប្រែប្រួលអាកាសធាតុនៅក្នុងអាងទន្លេមេគង្គ និងទន្លេសាប ។
• បង្កើនកិច្ចសហប្រតិបត្តិការក្នុងចំណោមភាគីពាក់ព័ន្ធសំខាន់ៗលើការចែករំលែកទិន្នន័យជលសាស្ត្រ និងឧតុនិយម និងការលើកកម្ពស់ការទទួលបានព័ត៌មានសម្រាប់សហគមន៍តាមដងទន្លេពីប្រភពទិន្នន័យផ្សេងៗ
• ពង្រឹងកិច្ចសហប្រតិបត្តិការក្នុងចំណោមភាគីពាក់ព័ន្ធសំខាន់ៗនៅថ្នាក់ជាតិ ថ្នាក់ក្រោមជាតិ និងអង្គការសង្គមស៊ីវិលក្នុងការឆ្លើយតបនឹងគ្រោះមហន្តរាយដែលបណ្តាលមកពីការប្រែប្រួលអាកាសធាតុ៕

ឯកឧត្តមរដ្ឋមន្ត្រី ថោ ជេដ្ឋា អញ្ជើញចូលរួមក្នុងកិច្ចប្រជុំអន្តរក្រសួងដើម្បីពិនិត្យវឌ្ឍនភាពការងារចុះបញ្ជីដីនៅតំបន់ជុំវិញបឹងទន្លេសាប

2024-08-07T12:11:44+00:00

នៅសាលប្រជុំនៃទីស្ដីការក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃពុធ ៣កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៧ ខែសីហា ឆ្នាំ២០២៤ នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អនុប្រធានគណៈកម្មការចំពោះកិច្ចចុះបញ្ជីដីតំបន់ទន្លេសាប និងជាប្រធានអាជ្ញាធរទន្លេសាប អមដោយឯកឧត្តមរដ្ឋលេខាធិការប្រចាំការ ឯកឧត្តមជាថ្នាក់ដឹកនាំក្រសួង ឯកឧត្តម អនុប្រធាន និងអគ្គលេខាធិការអាជ្ញាធរទន្លេសាប បានអញ្ជើញចូលរួមកិច្ចប្រជុំអន្តរក្រសួងដើម្បីពិនិត្យវឌ្ឍនភាពការងារចុះបញ្ជីដីនៅតំបន់ជុំវិញបឹងទន្លេសាប ក្រោមអធិបតីភាពដ៏ខ្ពង់ខ្ពស់របស់ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។

សូមជម្រាបថា តំបន់ជុំវិញបឹងទន្លេសាបគ្របដណ្តប់ក្នុងខេត្តចំនួន៦ មានខេត្តកំពង់ឆ្នាំង ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តកំពង់ធំ ត្រូវបានបែងចែកជាបីគឺ៖ តំបន់១ តំបន់២ និងតំបន់៣។ ក្នុងនោះតំបន់១ ជាតំបន់លំនៅដ្ឋាន និង ស្រែចំការរបស់ប្រជាពលរដ្ឋ ដែលទទួលបានកម្មសិទ្ធិស្របច្បាប់ និងអាចលិចទឹកបន្តិចបន្តួចនៅរដូវវស្សា។ តំបន់២ ជាតំបន់ប្រើប្រាស់អាស្រ័យផល និងរក្សាទុកជាតំបន់ទ្រនាប់ការពារ ជាតំបន់ប្រជាពលរដ្ឋធ្វើស្រែឡើងទឹក និងប្រដេញទឹក ហើយតំបន់នេះអាចលិចទឹកនៅរដូវវស្សាកម្រិតកម្ពស់ពី ៣ ទៅ ៤ ម៉ែត្រ។ ចំណែក តំបន់ ៣ ជាតំបន់ដែនព្រៃលិចទឹក ហាមឃាត់ដាច់ខាត ដែលអាចលិចទឹកនៅរដូវវស្សាកម្រិតកម្ពស់ពី ៦ ទៅ ៧ ម៉ែត្រ៕ អានត...

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ អាជ្ញាធរទន្លេសាប បានដឹកនាំក្រុមការងារចុះផ្សព្វផ្សាយ ច្បាប់ និងបទដ្ឋានគតិយុត្ត ពាក់ព័ន្ធការការពារ ថែរក្សា គ្រប់គ្រង និងអភិរក្សដែនព្រៃលិចទឹក និងព្រៃលិចទឹកតំបន់៣ បឹងទន្លេសាប ស្ថិត

2024-08-02T19:38:33+00:00

ខេត្តពោធិ៍សាត់: នាថ្ងៃសុក្រ ១៣ រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី០២ ខែសីហា ឆ្នាំ២០២៤ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ អាជ្ញាធរទន្លេសាប បានដឹកនាំក្រុមការងារ ចុះផ្សព្វផ្សាយ ច្បាប់ និងបទដ្ឋានគតិយុត្ត ពាក់ព័ន្ធការការពារ ថែរក្សា គ្រប់គ្រង និងអភិរក្សដែនព្រៃលិចទឹក និងព្រៃលិចទឹកតំបន់៣ បឹងទន្លេសាប ដែលបានអញ្ជើញចូលរួមពីលោក លោកស្រីជាមេឃុំ ក្រុមប្រឹក្សាឃុំ មេភូមិ អនុភូមិ តំណាងសហគមន៍នេសាទ និងប្រជាពលរដ្ឋរស់នៅក្នុងភូមិសាស្ត្រជាប់តំបន់៣ ព្រៃលិចទឹកបឹងទន្លេសាប ឃុំស្នាមព្រះ បឹងបត់កណ្តោល អូរតាប៉ោង និងឃុំមេទឹក ស្រុកបាកានខេត្តពោធិ៍សាត់ សរុបចំនួន ១៣២ នាក់។

សូមជម្រាបជូនថា ការចុះផ្សព្វផ្សាយនេះ គោលបំណងផ្ដោតសំខាន់លើ :
- បញ្ជៀបការយល់ដឹងទៅកាន់ប្រជាពលរដ្ឋ ឱ្យមានការចូលរួមការពារ ថែរក្សា និងគ្រប់គ្រងធនធានធម្មជាតិ ជីវចម្រុះ និងព្រៃលិចទឹក
- សំដៅធានាបាននូវការគ្រប់គ្រងធនធានធម្មជាតិ ជីវចម្រុះ ដែនព្រៃលិចទឹក និងព្រៃលិចទឹក នៅក្នុងតំបន់ជុំវិញបឹងទន្លេសាប ប្រកបដោយនិរន្តរភាព ។
ឆ្លៀតក្នុងឱកាសនៃវគ្គផ្សព្វផ្សាយដល់អាជ្ញាធរមូលដ្ឋាននេះដែរ ក្រុមការងារបានបញ្ជ្រាបការយល់ដឹងដោយសង្កត់ធ្ងន់លើសារ:សំខាន់នៃបឹងទន្លេសាប ដែលជាអត្តសញ្ញាណជាតិមិនអាចកាត់ថ្លៃបាន និងកត្តាប្រឈមនានា ដែលបាន និងកំពុងជះឥទ្ធិពលគំរាមកំហែងមកលើប្រព័ន្ធអេកូឡូស៊ីបឹងទន្លេសាប ដូចជាសកម្មភាពក្នុងការទន្ទ្រានដីព្រៃលិចទឹកនិងការនេសាទខុសច្បាប់ ជាដើម ដែលតម្រូវឱ្យរួមគ្នាពង្រឹងការអនុវត្តច្បាប់លើជនបង្កបទល្មើស ដើម្បីធានាការការពារ ថែរក្សា និងគ្រប់គ្រងធម្មជាតិ ជីវចម្រុះ ធនធានជលផល ព្រៃលិចទឹកនៅតំបន់៣ នៃបឹងទន្លេសាបឱ្យមានប្រសិទ្ធភាពខ្ពស់។

សូមបញ្ជាក់ជូនថា: អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងព្រៃលិចទឹក បានធ្វើកិច្ចសហការជាមួយស្ថាប័នជំនាញពាក់ព័ន្ធ ក្នុងការបោះបង្គោលកំណត់ព្រំតំបន់៣ នៃព្រៃលិចទឹក នៅក្នុងខេត្តទាំង៦ ជុំវិញបឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ក្នុងការកំណត់តំបន់ព្រៃលិចទឹកបឹងទន្លេសាប អោយប្រកបដោយ ប្រសិទ្ធភាព សុក្រឹតភាព និងចីរភាព ៕

លោក ហេង បូរាណ បានចូលរួមកិច្ចប្រជុំពិគ្រោះយោបល់ស្តីពី ការធ្វើបច្ចុប្បន្នភាពក្របខ័ណ្ឌធារទឹក សម្រាប់នីតិវិធីថែរក្សាទឹកនៅលើទន្លេមេ នៃទន្លេមេគង្គ និងការបញ្ចប់របាយការណ៍មេគង្គប្រចាំឆ្នាំ២០២៣ ផ្នែកជលសាស្ត្រ ទឹកជំនន់ និងភាពរាំងស្ងួត ទីរួមខ

2024-08-01T07:43:46+00:00

នាថ្ងៃអង្គារ ១០រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣០ ខែកក្កដា ឆ្នាំ២០២៤ លោក ហេង បូរាណ ជំនួយការឯកឧត្តមអនុប្រធានអចិន្ត្រៃយ៍ នៃអាជ្ញាធរទន្លេសាប ប្រជុំពិគ្រោះយោបល់ស្តីពី ការធ្វើបច្ចុប្បន្នភាពក្របខ័ណ្ឌធារទឹក សម្រាប់នីតិវិធីថែរក្សាទឹកនៅលើទន្លេមេ នៃទន្លេមេគង្គ និងការបញ្ចប់របាយការណ៍មេគង្គប្រចាំឆ្នាំ២០២៣ ផ្នែកជលសាស្ត្រ ទឹកជំនន់ និងភាពរាំងស្ងួត កិច្ចប្រជុំពិគ្រោះយោបល់នេះ រៀបចំដោយគណៈកម្មាធិការជាតិទន្លេមេគង្គកម្ពុជា ដោយមានសមាសភាពចូលរួមពីថ្នាក់ដឹកនាំ រួមទាំងមន្ត្រីបច្ចេកទេសពីស្ថាបប័នពាក់ព័ន្ធដូចជា អាជ្ញាធរទន្លេសាប ក្រសួងធនធានទឹក និងឧតុនិយម ក្រសួងបរិស្ថាន ក្រសួងរ៉ែ និងថាមពល ក្រសួងសាធារណៈការ និងដឹកជញ្ជូន គណៈកម្មាធិការជាតិគ្រប់គ្រងគ្រោះមហន្តរាយ មន្ទីរធនធានទឹកនិងឧតុនិយមខេត្ត(ស្ទឹងត្រែង ក្រចេះ កំពង់ចាម កំពង់ឆ្នាំង និងព្រៃវែង) រួមជាអ្នកជំនាញការព្យាករណ៍ នៃគណៈកម្មការទន្លេមេគង្គអន្តរជាតិ (MRC) សរុបអ្នកចូលរួម ២៤នាក់។

គោលបំណងនៃកិច្ចប្រជុំពិភាក្សាមាន ៖
១). ពិភាក្សាលើការបង្កើតអភិក្រម និងវិធីសាស្ត្រជាប្រព័ន្ធសម្រាប់ធ្វើបច្ចុប្បន្នភាពក្របខ័ណ្ឌលំហូរទឹកថ្មី ក្រោមនីតិវិធី PMFM សម្រាប់បច្ចេកទេសវាស់វែង និងវិភាគទិន្នន័យឱ្យមានប្រសិទ្ធភាពទាក់ទងនឹងការងារពិនិត្យតាមដាន និងផែនការ
២). ពិភាក្សាលើព័ត៌មានសំខាន់ៗពី របាយការណ៍ Annual Mekong Hydrology, Flood and Drought Report (AMHR)-2023 រួមទាំងស្ថានភាពទឹកជំនន់ និងភាពរាំងស្ងួតនៅឆ្នាំ២០២៣ និង
៣). ពិភាក្សា និងប្រមូលអនុសាសន៍សម្រាប់រៀបចំរបាយការណ៍ ស្តីពីជលសាស្ត្រ ទឹកជំនន់ និងភាពរាំងស្ងួតឆ្នាំ២០២៣ ក្នុងនោះមានស្ថានភាពទឹកជំនន់ និងភាពរាំងស្ងួត របស់គណៈកម្មការទន្លេមេគង្គកម្ពុជា។

សូមបញ្ចាក់ថា នីតិវិធីស្តីពីការថែទាំលំហូរនៅលើទន្លេមេ នៃទន្លេមេគង្គ (Procedures for the Maintenance of Flows on the Mainstream-PMFM) ត្រូវបានបង្កើត និងអនុម័តដោយក្រុមប្រឹក្សា MRC នៅថ្ងៃទី២២ ខែមិថុនា ឆ្នាំ២០០៦ នៅទីក្រុងហូជីមិញ ប្រទេសវៀតណាម គឺដើម្បីរក្សារបបលំហូរជលសាស្ត្រលើទន្លេមេ ជាមួយការធានាបានប្រសិទ្ធភាពក្នុងការប្រើប្រាស់ទឹកពហុបំណង និងការកាត់បន្ថយផលប៉ះពាល់ដែលបង្កជាគ្រោះថ្នាក់ ដែលផ្តល់អត្ថប្រយោជន៍ដល់ប្រទេសជាសមាជិកមេគង្គទាំងអស់ ។ ដើម្បីអនុវត្តនីតិវិធីខាងលើ គណៈកម្មការទន្លេមេគង្គកម្ពុជា បានប្រើប្រាស់គោលការណ៍ណែនាំបច្ចេកទេស ស្តីពីការអនុវត្តនីតិវិធីសម្រាប់ថែរក្សាលំហូរនៅលើទន្លេមេ ក្នុងគោលបំណងចម្បង គឺដើម្បីផ្តល់នូវក្របខ័ណ្ឌលំហូរ (និងកម្រិតដែលពាក់ព័ន្ធ) សម្រាប់ការធ្វើផែនការ និងពិនិត្យតាមដាននៅតាមស្ថានីយជលសាស្ត្រ ឧតុនិយម និងដើម្បីលើកកម្ពស់ការយល់ដឹងអំពីលក្ខខណ្ឌលំហូរតាមពេលវេលាជាក់ស្តែង។ តាមរយៈលទ្ធផល ឆ្នាំ២០២២របស់គណៈកម្មការទន្លេមេគង្គអន្តរជាតិ ពិនិត្យឃើញថា ទឹកភ្លៀងប្រចាំខែលើសពីមធ្យមភាគរយៈពេលវែង ដែលបណ្តាលឱ្យមានលំហូរខ្ពស់នៅក្នុងទន្លេមេគង្គក្នុងរដូវប្រាំង ហើយកម្រិតទឹកនៅក្នុងអាងទន្លេមេគង្គជាទូទៅ មានកម្រិតទាបជាងមធ្យមភាគរយៈពេលវែង មានការប្រែប្រួល នៅតាមស្ថានីយមួយចំនួនដោយសារប្រតិបត្តិការទំនប់វារីអគ្គិសនី។ លំហូរចូលបឹងទន្លេសាបបានបញ្ចប់ទៅលឿនជាងធម្មតា ដោយសារឥទ្ធិពលពីកត្តាមួយចំនួន រួមមានកម្រិតទឹកទន្លេ លំហូរទឹកទន្លេ និងទឹកភ្លៀង៕

កិច្ចប្រជុំពិភាក្សាលើរបាយការណ៍សិក្សាស្រាវជ្រាវ

2024-07-31T14:20:56+00:00

នាព្រឹកថ្ងៃអង្គារ ១០ រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣០ ខែកក្កដា ឆ្នាំ២០២៤ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម សរ គឹមសាន្ដ អគ្គលេខាធិការ បានប្រជុំពិភាក្សាពិនិត្យលើរបាយការណ៍សិក្សាស្រាវជ្រាវដែលដឹកនាំដោយឯកឧត្តម លឹម ពុយ អនុប្រធានអាជ្ញាធរទន្លេសាប ។ កិច្ចពិភាក្សា មានការអញ្ជើញចូលរួមពីឯកឧត្តម អគ្គលេខាធិការរង លោកទីប្រឹក្សា ប្រធាន-អនុប្រធាននាយកដ្ឋាន។

ក្នុងឱកាសនេះដែរ ឯកឧត្តម សាស្ត្រាចារ្យ លឹម ពុយ បានធ្វើបទបង្ហាញពីរបាយការណ៍លទ្ធផលសិក្សាស្រាជ្រាវកន្លងរួមមានៈ
១. ការសិក្សាលើការវិវត្តន៍ព្រៃលិចទឹកតំបន់៣ នៃបឹងទន្លេសាប
២. ការសិក្សាលើករបបជលសាស្ត្រ និងគុណភាពទឹកនៅបឹងទន្លេសាប និងស្ទឹងទាំង ១១
៣. ការអនុវត្តគម្រោងគ្រប់គ្រងធនធាន ទឹកចម្រុះអាងស្ទឹងសែន ដែលបានបញ្ចប់ ។ ហើយគ្រោងនឹងបន្តអនុវត្តរយ:ពេល២ ឆ្នាំ (២០២៤-២០២៥) ។
សូមជម្រាបជូនថា ការពិនិត្យ និងពិភាក្សានេះ មានគោលបំណងរៀបចំចងក្រង និងបោះពុម្ពជាសៀវភៅសម្រាប់ដាក់ជូនថ្នាក់ដឹកនាំពិនិត្យ និងដើម្បីរក្សាទុកជាឯកសារ៕

លោក ខូវ វេងសុង ប្រធានការិយាល័យធនធានរ៉ែ នៃនាយកដ្ឋានធនធានធម្មជាតិ នៃអាជ្ញាធរទន្លេសាប បានទៅចូលរួមសិក្ខាសាលាស្តីពី “ វឌ្ឍនភាពក្នុងការអភិវឌ្ឍន៍ទីផ្សារកាបូនរបស់ប្រទេសចិន និងកិច្ចសហប្រតិបត្តិការទីផ្សារកាបូនសកល (China’s Carbon Market Devel

2024-07-30T07:30:21+00:00

កាលពីថ្ងៃអាទិត្យ ៩ កើត ដល់ថ្ងៃសៅរ៍ ៧ រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១៤ ដល់ថ្ងៃទី ២៧ ខែកក្កដា ឆ្នាំ២០២៤ លោក ខូវ វេងសុង ប្រធានការិយាល័យធនធានរ៉ែ នៃនាយកដ្ឋានធនធានធម្មជាតិ នៃអាជ្ញាធរទន្លេសាប បានទៅចូលរួមសិក្ខាសាលាស្តីពី “ វឌ្ឍនភាពក្នុងការអភិវឌ្ឍន៍ទីផ្សារកាបូនរបស់ប្រទេសចិន និងកិច្ចសហប្រតិបត្តិការទីផ្សារកាបូនសកល (China’s Carbon Market Development Progress and Global Market Cooperation Seminar) ” នៅទីក្រុង Wuhan ខេត្ត Hubei នៃសាធារណៈរដ្ឋប្រជាមានិតចិន ។ វគ្គសិក្ខាសាលានេះ រៀបចំឡើងដោយ មជ្ឈមណ្ឌលផ្លាស់ប្តូរការបំភាយឧស្ម័នកាបូន ខេត្ត Hubei ក្រោមការឧបត្ថម្ភថវិកា របស់នាយកដ្ឋានប្រែប្រួលអាកាសធាតុ នៃក្រសួងអេកូឡូស៊ី និងបរិស្ថាន ក្នុងកិច្ចសហប្រតិបត្តិការខាងត្បូង-ខាងត្បូង ឆ្នាំ២០២៤ ដើម្បីជាការឆ្លើយតបទៅនឹងការប្រែប្រួលអាកាសធាតុសកល ដែលមានការចូលរួមពី មន្ត្រីរាជរដ្ឋាភិបាល វិទ្យាស្ថានសិក្សា ក្រុមសាស្ត្រាចារ្យ អ្នកជំនាញការ អ្នកបច្ចេកទេស អ្នកស្រាវជ្រាវ និងស្ថាប័នជំនាញពាក់ព័ន្ធនានា សរុបចំនួន ៣៨ រូប មកពីតាមបណ្តាប្រទេសផ្សេងៗចំនួន ១៥ មានដូចជា ៖ ប្រទេសចិន កម្ពុជា ថៃ មីយ៉ាន់ម៉ា វៀតណាម ម៉ាឡេស៊ី ម៉ុងហ្គោលី នេប៉ាល់ បង់ក្លាដែស គុយបា អ៊ីរ៉ង់ អេហ្ស៉ីប អ៊ុយរ៉ាហ្គាយ នីហ្សេរីយ៉ា និងអាហ្វ្រិចខាងត្បូង ។ ក្នុងនោះដែរថ្ងៃទី២១ ខែកក្កដា ពេលព្រឹកសិក្ខាកាមទាំងអស់ក៏បានចូលរួមសន្និសីទទីផ្សារកាបូនរបស់ប្រទេសចិន និងពេលរសៀលចូលរួមវេទិកាតុមូល ស្តីពី ការពង្រឹងកិច្ចសហប្រតិបត្តិការខាងត្បូង-ខាងត្បូង និងលើកកម្ពស់ការអភិវឌ្ឍបៃតង និងកាបូនទាប នៃកម្មវិធីខ្សែក្រវ៉ាត់និងផ្លូវ ដែលបានរៀបចំនៅមជ្ឈមណ្ឌលសន្និបាតអន្តរជាតិ Donghu អាគារ Jingzhou ក្នុងទីក្រុង Wuhan ខេត្ត Hubei ដដែល ។ សម្រាប់វគ្គសិក្ខាសាលានេះក៏មានចុះធ្វើទស្សនៈកិច្ចសិក្សានៅតាមក្រុមហ៊ុន សហគមន៍ និងមជ្ឈមណ្ឌលស្រាវជ្រាវការបំពុលបរិយាកាស នៃសាកលវិទ្យាល័យភូមិសាស្ត្រផងដែរ ។

សិក្ខាសាលានេះមានគោលបំណង ៖
(១) ណែនាំជាប្រព័ន្ធ និងភាពត្រឹមត្រូវចំពោះគោលនយោបាល និងសមិទ្ធិផលរបស់រដ្ឋាភិបាលចិន ក្នុងការសាងសង់ប្រព័ន្ធពាណិជ្ជកម្មនៃការបំភាយឧស្ម័នការបូន
(២) ចែករំលែកបទពិសោធន៍ និងបង្កើនការយល់ដឹងអំពីប្រព័ន្ធពាណិជ្ជកម្មការបំភាយឧស្ម័នកាបូននៅក្នុងប្រទេសចិន និងអន្តរជាតិ
(៣) ធ្វើឱ្យប្រសើរឡើងនូវសមត្ថភាពគ្រប់គ្រង និងកម្រិតបច្ចេកទេសរបស់អ្នកចូលរួមនៅក្នុងវិស័យទីផ្សារពាណិជ្ជកម្មការបំភាយឧស្ម័នកាបូននៅក្នុងប្រទេសកំពុងអភិវឌ្ឍន៍
(៤) លើកកម្ពស់ឥទ្ធិពលនៃទីផ្សារកាបូនរបស់ប្រទេសចិនក្នុងវិស័យត្រួតពិនិត្យការបំភាយកាបូនអន្តរជាតិ
(៥) ជម្រុញការសាងសង់ទីផ្សារកាបូនពិភពលោក និងជួយអភិបាលកិច្ចអាកាសធាតុសកល និងការអភិវឌ្ឍន៍ប្រកបដោយចីរភាព៕

ការចុះស្វែងយល់ពីការលើកកម្ពស់ ការយល់ដឹង និងកសាងសមត្ថភាព យេនឌ័រលើការគ្រប់គ្រងធនធានធម្មជាតិ ស្ថិតនៅក្នុងខេត្តកំពង់ធំ

2024-07-30T07:13:53+00:00

កាលពីថ្ងៃចន្ទ ២រោច ដល់ថ្ងៃសុក្រ ៦រោច ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២២ រហូតដល់ថ្ងៃទី២៦ ខែកក្កដា ឆ្នាំ២០២៤ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ និងក្រុមការងារ បានចុះស្វែងយល់ពីការលើកកម្ពស់ការយល់ដឹង និងកសាងសមត្ថភាពយេនឌ័រលើការគ្រប់គ្រងធនធានធម្មជាតិ ស្ថិតនៅក្នុងឃុំទ្រៀល ស្រុកតាំងគោក ខេត្តកំពង់ធំ មានដូចខាងក្រោម៖

១). គោលបំណង
- ចុះជួបជាមួយអាជ្ញាធរមូលដ្ឋានពាក់ព័ន្ធការងារយេនឌ័រពីតួនាទី និងភារកិច្ចក្នុងការគ្រប់គ្រងធនធានធម្មជាតិ
- ពង្រឹងសមត្ថភាពយេនឌ័រឱ្យស៊ីជម្រៅពីការចូលរួម របស់ស្ត្រីលើគ្រប់គ្រងធនធានធម្មជាតិ
- សិក្សាលើចំនួនប្រជាពលរដ្ឋ និងចំនួនស្ត្រីយល់ដឹងពីសារៈប្រយោជន៍ធនធានធម្មជាតិរបស់បឹងទន្លេសាប។

២). គោលដៅនៃការសិក្សា
- ក្រុមការងារចុះជួបពិភាក្សាការងារ ពាក់ព័ន្ធយេនឌ័រជាមួយអាជ្ញាធរមូលដ្ឋាន ក៏ដូចជាសហគមន៍ទាំង៤ ស្ថិតនៅឃុំទ្រៀល ស្រុកតាំងគោក ខេត្តកំពង់ធំ
- សម្ភាសន៍ក្រុមប្រឹក្សាឃុំទទួលបន្ទុកការងារស្ត្រី។

៣). លទ្ធផលនៃការសិក្សា
- បានពង្រឹងសមត្ថភាពពីការចូលរួមយេនឌ័រជូនដល់អាជ្ញាធរមូលដ្ឋាន ដើម្បីចែករំលែកចំណេះដឹង និងបទពិសោធន៍បន្តជូនដល់សមាជិកសមាជិការក្រុមប្រឹក្សាឃុំទាំង ១១ នាក់ ក្នុងនោះស្ត្រីមានចំនួន ៩ នាក់ ធ្វើការបញ្ជ្រាបយេនឌ័រដល់ប្រជាពលរដ្ឋក្នុងការអភិរក្ស និងសារៈប្រយោជន៍ធនធានធម្មជាតិនៅបឹងទន្លេសាប
- បានប្រមូលទិន្នន័យចំនួនប្រជាពលរដ្ឋសរុបពីអាជ្ញាធរមូលដ្ឋានមានចំនួន ១៩២៥០ នាក់ ក្នុងនោះស្ត្រី មានចំនួន ៩៧៤៤ នាក់
- បានពង្រឹងសមត្ថភាពពីការចូលរួមយេនឌ័រជូនដល់អាជ្ញាធរមូលដ្ឋានឱ្យសហគមន៍ទាំង ៤ ជាសហគមន៍ធ្វើ កសិកម្មនៅក្នុងតំបន់ឱ្យមានការចូលរួមទាំងបុរស និងស្ត្រីដោយសមភាព សមធម៌មិនរើសអើង លើការ គ្រប់គ្រង ការពារធនធានធម្មជាតិ និងការអាស្រ័យផលនៅតំបន់បឹងទន្លេសាប មាន៖ សហគមន៍តាអុកតាអេង, សហគមន៍ជ្រោយកកូរ, សហគមន៍ដូនព័ន្ធ, សហគមន៍អូរលួ
- បានពង្រឹងសមត្ថភាពជូនដល់អាជ្ញាធរមូលដ្ឋាន ក្នុងការជម្រុញលើកទឹកចិត្តឱ្យសហគមន៍ និងប្រជាពលរដ្ឋបញ្ចេញមតិយោបល់ក្នុងការអភិវឌ្ឍន៍នៅតំបន់បឹងទន្លេសាបឱ្យមាននិរន្តរភាព៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-07-30T07:07:40+00:00

កាលពីថ្ងៃអង្គារ ៣ រោច ដល់ថ្ងៃសៅរ៍ ៧ រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៣ ដល់ថ្ងៃទី២៧ ខែកក្កដា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យផ្សេងៗ ដូចជា ហ្វ្រេកង់បណ្តោយ និងបណ្តោយទម្ងន់ត្រី (Conducting length frequency and length weight sampling)
- អង្កេតចំនួនឧបករណ៍ចេញនេសាទ (Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើប្រាស់កម្មវិធី (MicrosoftAccess) ដើម្បីវិភាគទិន្នន័យ...

៣- តំបន់គោលដៅការសិក្សាខែកក្កដា:
- ស្រុកកំពង់ត្រឡាច: មានឃុំកំពង់ត្រ ឡាច អំពិលទឹក តាជេស លង្វែក និង ឃុំសែប
- ស្រុកជលគីរី: មានឃុំកោះថ្កូវ ជលសារ កំពង់អុស ព្រៃគ្រី និងឃុំពាមឆ្កោក
- ស្រុករលាប្អៀរ: មានឃុំទឹកហូត ទឹកហូត និងឃុំស្វាយជ្រុំ។

៤- លទ្ធផលការសិក្សាសង្ខេប:
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries)ចំនួន ៦៧៥ គ្រួសារ ប្រើប្រាស់ឧបករណ៍នេសាទ ១៤ ប្រភេទផ្សេងៗគ្នា
- ផលចាប់សរុប: ១៣៥.២៣ តោន
- ប្រភេទត្រីបូកយោង ១៥១ ប្រភេទ
- តម្លៃផលនេសាទសរុប: ៧៤៣.៧៧លានរៀល
- តម្លៃផលនេសាទគិតជាដុល្លារស្មើនឹង ១៨១,៤០៦.០៩ ដុល្លារសហរដ្ឋអាមេរិក(៤,១០០៛/១ដុល្លារ)

៥- ខេត្តកំពង់ឆ្នាំងគឺជាខេត្តមួយដែលសម្បូរធនធានត្រី និងមានផលចាប់ច្រើនជាងបណ្តាខេត្តនាៗនៅជុំវិញបឹងទន្លេសាប (MRC/DANIDA Project 1994-2003)
- ការបើកច្រកឱ្យត្រីអាចធ្វើចរាចរបាន ពីទន្លេសាប ចូលបឹងទន្លេសាប ចូលតំបន់ ព្រៃលិចទឹក ដើម្បីពងកូនគ្មានការរាំងស្ទះនោះផលនេសាទនឹងមានការកើនឡើង បានមួយចំណែកធំផងដែរ បើធ្វើការ ប្រៀបធៀបទៅនឹងបណ្តាខេត្តនាៗនៅជុំវិញបឹងទន្លេសាប
- ដាយត្រី/ឡូត៍ដាយ នឹងចាប់ត្រីបានច្រើនជាងមុន។ ផលិតផលដែលចាប់ ដោយ ដាយត្រី(Dai Fisheries)/ឡូត៍ដាយ ដើរតួរយ៉ាងសំខាន់ក្នុងការផ្តល់ត្រីជារៀងរាល់ឆ្នាំ ដល់ប្រជាជន ជាពិសេសប្រជាជនដែលរស់នៅតំបន់ដាច់ស្រយ៉ាលបានមកធ្វើប្រហុក ផ្អក...សម្រាប់ផ្គត់ផ្គង់ ជីវភាពប្រចាំឆ្នាំ និងចូលរួមយ៉ាងខ្លាំងក្នុងសន្តិសុខស្បៀង។ល៕

ឯកឧត្តម ហ៊ែល តូនី អនុប្រធានក្តាប់រួម បានចូលរួមសិក្ខាសាលាថ្នាក់ជាតិស្តីពី ការប្រើប្រាស់បច្ចេកវិទ្យាអង្កេតពីលំហរ ពីទីតាំងភូមិសាស្ត្រ និងស្ថានភាពទំនប់ទឹក និងអាងទឹកក្នុងប្រទេសកម្ពុជា នៅសណ្ឋាគារភ្នំពេញ

2024-07-26T15:51:02+00:00

នាថ្ងៃសុក្រ ៦រោច ខែអាសាឍ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី២៦ ខែកក្កដា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម រួមទាំងលោក ហេង បូរាណ ជំនួយការបច្ចេកទេស នៃអាជ្ញាធរទន្លេសាប បានចូលរួមការរៀបចំឯកសារគម្រោង "ការប្រើប្រាស់បច្ចេកវិទ្យាអង្កេតពីលំហរ ពីទីតាំងភូមិសាស្ត្រ និងស្ថានភាពទំនប់ទឹក និងអាងទឹកក្នុងប្រទេសកម្ពុជា" សិក្ខាសាលាថ្នាក់ជាតិនេះ រៀបចំដោយធនាគារពិភពលោក(World Bank) ដោយមានសមាសភាពចូលរួមពីថ្នាក់ដឹកនាំ រួមទាំងមន្ត្រីបច្ចេកទេសពីស្ថាប័នពាក់ព័ន្ធដូចជា អាជ្ញាធរទន្លេសាប ក្រសួងធនធានទឹក និងឧតុនិយម ក្រសួងបរិស្ថាន ក្រសួងរ៉ែ និងថាមពល ក្រសួងកសិកម្ម រុក្ខាប្រមាញ់ និងនេសាទ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ គណៈកម្មាធិការជាតិទន្លេមេគង្គកម្ពុជា JICA, UNDP ជាមួយអ្នកជំនាញបច្ចេកទេសផែ្នករូបភាពផ្កាយរណប និងអង្កេតពីលំហរ ពីក្រុមហ៊ុនDHI សរុបអ្នកចូលរួម ៤៨នាក់។

គោលបំណងនៃកិច្ចប្រជុំពិភាក្សាមាន ៖
• បង្ហាញពីលទ្ធផលបច្ចេកទេស និងប្រមូលមតិយោបល់កែលម្អ ជាធាតុចូលក្នុងការធ្វើអោយប្រសើរឡើងនូវរបាយការណ៍បច្ចេកទេស និងសេចក្តីណែនាំ
• ពិភាក្សា និងពិគ្រោះយោបល់ជាមួយស្ថាប័នពាក់ព័ន្ធថ្នាក់ជាតិពីការរកឃើញ និងការផ្តល់អនុសាសន៍ លើរបាយការណ៍លទ្ធផលបច្ចេកទេស ដោយប្រើប្រាស់បច្ចេកវិទ្យាអង្កេតពីលំហរ រួមនិងការពិនិត្យលើសេចក្តីណែនាំក្របខ័ណ្ឌការគ្រប់គ្រងសុវត្ថិភាពស្ថានភាពទំនប់ទឹក និងអាងទឹក ក្នុងប្រទេសកម្ពុជា។

សូមបញ្ជាក់ថាដោយពិនិត្យឃើញថាការកើនឡើងចំនួនទំនប់ទឹក និងអាងទឹកក្នុងប្រទេសកម្ពុជា គ្រោះមហន្តរាយពីការបាក់ទំនប់ទឹក និងទំនប់វារីអគ្គិសនី ដែលកើតឡើងពីកង្វះខាតលើបញ្ហា និងភាពខ្សោយក្នុងការគ្រប់គ្រងសុវត្ថិភាពទំនប់ទឹក និងការធ្វើបច្ចុប្បន្នភាពលើសេចក្តីណែនាំក្របខ័ណ្ឌការគ្រប់គ្រងសុវត្ថិភាពស្ថានភាពទំនប់ទឹក ស្របនិងកត្តាបម្រែបម្រួលអាកាសធាតុ និងការប៉ាន់ប្រមាណផលប៉ះពាល់លើហេដ្ឋារចនាសម្ព័ន្ធ និងប្រជាជនរស់តាំងទីលំនៅផ្នែកខាងក្រោមទំនប់និងអាងទឹក។

ឯកឧត្តមអនុប្រធានក្តាប់រួមបានថ្លែងអំណរគុណ និងវាយតម្លៃខ្ពស់លើលទ្ធផល រួមទាំងឯកសារ ក្រុមការងារបច្ចេកទេសពីក្រុមហ៊ុន DHI ជាពិសេស ធានាគារពិភពលោក(World Bank) ដែលបានរៀបចំ និងកសាងឯកសារដ៏មានសារៈសំខាន់នេះ។ ឯកឧត្តមក៏បានផ្តល់អនុសាសន៍គន្លឹះមួយចំនួនលើ ផលិតផល លទ្ធផលបច្ចេកទេស រួមនិងការពិនិត្យលើសេចក្តីណែនាំការគ្រប់គ្រងសុវត្ថិភាពស្ថានភាពទំនប់ទឹក និងអាងទឹក។

ឯកឧត្តមអនុប្រធានក្តាប់រួមបានស្នើសុំអោយមានការបញ្ចូលបន្ថែម ប្រព័ន្ធពិនិត្យនិងផ្តល់ព័ត៌មានពីស្ថានភាព និងផលប៉ះពាល់លើទំនប់និងអាងទឹក តាមការដាក់ប្រព័ន្ធ QR Code នៃទីតាំងផ្ទាំងផ្តល់ព័ត៌មាន និងការរៀបចំប្រព័ន្ធជូនដំណឹងជាមុន ពីហានិភ័យគ្រោះមហន្តរាយទឹកជំនន់ទឹកភ្លៀង គ្រោះរាំងស្ងួត ដែលកើតឡើងពីការប្រែប្រួលអាកាសធាតុ ស្ថិតក្នុងតំបន់អាងទន្លេសាបផងដែរ៕

ឯកឧត្តម ជា សុខនី អគ្គលេខាធិការរង និង លោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានចូលរួមសិក្ខាសាលាថ្នាក់ជាតិ ស្តីពី ការរៀបចំឯកសារគម្រោង" ពង្រឹងការគ្រប់គ្រងជលផលឆ្លងដែនក្នុងអាងទន្លេមេគ

2024-07-23T20:32:30+00:00

នាថ្ងៃអង្គារ ៣រោច ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៣ ខែកក្កដា ឆ្នាំ២០២៤ ឯកឧត្តម ជា សុខនី អគ្គលេខាធិការង និង លោក ហេង សុវណ្ណារ៉ា ប្រធាននាយកដ្ឋាន នៃអាជ្ញាធរទន្លេសាប បានចូលរួមការរៀបចំឯកសារគម្រោង "ពង្រឹងការគ្រប់គ្រងជលផលឆ្លងដែនក្នុងអាងទន្លេមេគង្គភាគខាងក្រោម" សិក្ខាសាលាថ្នាក់ជាតិនេះ ដែលសហការរៀបចំដោយ MRC និង CNMC សមាសភាពចូលរួម រដ្ឋបាលជលផល អង្គការ IUCN។

សិក្ខាសាលានេះមានគោលបំណង ៖
- ដើម្បីពិគ្រោះយោបល់ថ្នាក់ជាតិលើការពាក់ពន្ធ័ជលផលឆ្លងដែន ផ្តល់ធាតុចូលបានគ្រប់ជ្រុងជ្រោយ។
- ដើម្បីរៀបចំគម្រោងពេញលេញសម្រាប់ដាក់ជូន GEFនូវចុងឆ្នាំ២០២៤ ។

សូមបញ្ជាក់ថាគម្រោងនេះបានគាំទ្រដោយក្រុមប្រឹក្សាអង្គការGEF លើថវិកា 50ម៉ឺនដុល្លារអាមេរិកលើជំហាននៃគម្រោងទៅក្រសួងកសិកម្ម រុក្ខាប្រមាញ់ និងនេសាទ ជំហានបន្ទាប់ GEF តម្រូវឱ្យរៀបចំគម្រោងពេញលេញតាមការសម្របសម្រួលរបស់ MRC និងCNMCដើម្បីដាក់ទៅGEFដើម្បីអនុម័តនៅខែធ្នូ ចុងឆ្នាំ ២០២៤។

អាជ្ញាធរទន្លេសាបបានចូលរួមយោបល់ក្នុងសិក្ខាសាលា:
១- គាំទ្រលើគម្រោងដែលគាំទ្រថវិកាដោយGEF
២- ការរៀបចំគម្រោងពេញលេញត្រូវពិនិត្យបានគ្រប់នូវស្ថាប័នពាក់ពន្ធ័
៣- គម្រោងត្រូវមាន អ.ទ.ស ចូលរួមលើសកម្មភាព ទន្លេសាបក៏ជាផ្នែកមួយទាក់ទង និងជលផលឆ្លងដែនផងដែរ
៤- ពេលអនុវត្តន៍សំណូមពរមានការដឹកនាំគម្រោងសម្របសម្រួលដោយ CNMC។

ឯកឧត្តមរដ្ឋមន្រ្តី ថោ ជេដ្ឋា ប្រធានអាជ្ញាធរទន្លេសាប អញ្ជើញចុះស្វែងយល់ពីការអាស្រ័យផលលើដីព្រៃលិចទឹកតំបន់២ និងតំបន់៣ នៃបឹងទន្លេសាប ក្នុងភូមិសាស្រ្ត ខេត្តកំពង់ឆ្នាំង

2024-07-22T07:13:49+00:00

នៅព្រឹកថ្ងៃអាទិត្យ ១រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែកក្កដា ឆ្នាំ២០២៤ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញចុះស្វែងយល់ពីការអាស្រ័យផលលើដីព្រៃលិចទឹក និងពិនិត្យស្ថានភាពទីតាំងជាក់ស្តែងដីព្រៃលិចទឹកតំបន់២ និងតំបន់៣ ដែលបានកាត់ឆ្វៀលជូនប្រជាពលរដ្ឋ ស្ថិតនៅក្នុងភូមិសាស្ត្រឃុំសំរោងសែន និងឃុំច្រណូក ស្រុកកំពង់លែង ខេត្តកំពង់ឆ្នាំង។

សូមជម្រាបថា ការចុះសិក្សាស្វែងយល់នាពេលនេះមានការចូលរួមអមដំណើរពីឯកឧត្តម រដ្ឋលេខាធិការ អនុរដ្ឋលេខាធិការ អនុប្រធានអាជ្ញាធរទន្លេសាប អគ្គនាយក អគ្គលេខាធិការ លោក លោកស្រី អគ្គនាយករង ប្រធាននាយកដ្ឋាន និងមន្ត្រីជំនាញ ព្រមទាំងមានការចូលរួមពីលោកអភិបាលរងនៃគណៈអភិបាលខេត្តកំពង់ឆ្នាំង និងប្រធានមន្ទីរពាក់ព័ន្ធជុំវិញខេត្តជាច្រើនរូបផងដែរ។ អានត..

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេសអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-07-15T14:39:41+00:00

កាលពីថ្ងៃអង្គារ ៤កើត ដល់ថ្ងៃសៅរ៍ ៨កើត ខែអាសាឍ ឆ្នាំរោង ឆស័កពុទ្ធសករាជ ២៥៦៨ ត្រូវនឹងថ្ងៃទី ៩ ដល់ថ្ងៃទី ១៣ ខែកក្កដា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេសអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម៖

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យផ្សេងៗ ដូចជា ហ្វ្រេកង់បណ្តោយ និងបណ្តោយទម្ងន់ត្រី(Conducting length frequency and length weight sampling)
- អង្កេតចំនួនឧបករណ៍ចេញនេសាទ(Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើកម្មវិធី (Microsoft Access) ដើម្បីវិភាគទិន្នន័យ...

៣- តំបន់គោលដៅការសិក្សាខែកក្កដា:
- ស្រុកបរិបូរណ៍: មានឃុំឆ្នុកទ្រូ ពន្លៃ ព្រះ គគីរ និងឃុំត្រពាំងចាន់។
- ស្រុកកំពង់លែង: មានឃុំ កំពង់ហៅ ប្រឡាយមាស និងឃុំផ្លូវទូក។
- ក្រុងកំពង់ឆ្នាំង: មានសង្កាត់ខ្សាម និង សង្កាត់ផ្សារឆ្នាំង។

៤- លទ្ធផលការសិក្សាសង្ខេប:
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries) ចំនួន ៦៧៥ គ្រួសារ ប្រើប្រាស់ឧបករណ៍នេសាទ ១៤ ប្រភេទផ្សេងៗគ្នា
- ផលចាប់សរុប: ៣៨៣.០១ តោន
- ប្រភេទត្រីបូកយោង ១៥០ ប្រភេទ
- តម្លៃផលនេសាទសរុប: ២,១០៦.៥៦ លានរៀល
- តម្លៃផលនេសាទគិតជាដុល្លារស្មើនឹង ៥១៣,៧៩៣.៩០ ដុល្លារសហរដ្ឋអាមេរិក (៤,១០០៛/១ដុល្លារ)
- តាមការសិក្សាស្រាវជ្រាវបានបង្ហាញឱ្យឃើញថា ការធ្វើនេសាទហួសកម្រិត (Over fishing) បានធ្វើឱ្យផលស្តុកត្រីជាច្រើនប្រភេទមានការថយចុះ។ វាជាការពិតហើយ ប្រភេទត្រីធំៗដូចជា ត្រីរាជ ត្រីគល់ រាំង និងត្រីធំៗមួយចំនួនទៀតត្រូវបាន គេជួបប្រទះយ៉ាងច្រើនក្នុងអតីតកាល។
|- ក្រុមត្រីធំដែលគិត ជាទូទៅមានហ្វ្រេកង់បណ្តោយ ១២០ ស.ម (Maximum Lenght 120cm) ដែលមានទម្ងន់ ១៧ គ.ក្រ (Maximum Weight 17kg) អាចបន្តពូជបានអាយុ: ៤ទៅ ៥ឆ្នាំ (Maturity Stage 4-5 years) ដូចជាត្រីរាជ (PangasiusHypothalamus) លែងឃើញមានទៀតហើយ។ ត្រីគល់រាំង ឬត្រីកាហោ បានជួប ៣-៤ក្បាល តែបាន ថ្លឹងវាស់វែង១ក្បាល មានប្រវែង ១៥ស.ម និងទម្ងន់ ១២០ក្រាម។ ត្រីគល់រាំង និងត្រី រាជ Max.300cm (DoF), អម្បូរត្រីប្រាមួយចំនួនកាន់តែតូចទៅៗ។
- ក្រុមត្រីទំហំមធ្យម (Maximum Lenght 65cm) និងមានទម្ងន់ដល់ ៦.៥ គ.ក្រ ( Maximum Weight 6,500 g.)ដូចជាត្រី ឆ្កោក,ព្រួល/ ក្រឡង់, គ្រុំ, ក្អែក, ព្រលូង/ច្រឡឹង, តា នេល, កេស (Krytopterus apogon) ជាដើម ។ អាចបន្តពូជបាននៅអាយុពី ២ ទៅ៣ឆ្នាំ មានការថយចុះយ៉ាងខ្លាំង និងមានទំហំកាន់តែតូចទៅៗ។
- ក្រុមត្រីទំហំតូចបានយកហ្វ្រេកង់បណ្តោយវែងបំផុត ៣១ ស.ម (Maximum Lenght) និងមានទម្ងន់ ៥០០ក្រាមចុះក្រាម (Maximum Weight) ដូចជាត្រី ស្លាត ច្រកែង កាហែក្រហម ជាដើម ។ល។ (យោង: Tonle Sap Enviromental Management Project 2003) ។ ប៉ុន្តែបច្ចុប្បន្ន ត្រីមានទំហំកាន់តែតូចទៅៗបានក្លាយជាត្រីនុយមួយភាគធំទៅហើយ ។ល។
- បើយើងសហការបើកផ្លូវមាត់ច្រកទន្លេ សាប ចូលបឹងទន្លេសាប បានទាន់ពេល វេលា មានត្រីរាប់ពាន់តោនធ្វើចរាចរមិន មានការរំខានចូលព្រៃលិចទឹកដើម្បីរក កន្លែងមានចំណីពងកូននោះ ត្រីនឹងមាន ការចាប់ផ្តើមកើនឡើងទាំងបរិមាណ និង គុណភាពបន្តិចម្តងៗឡើងវិញ។ល៕

លោក យ៉ាន់ សំរិទ្ធិ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ក្នុងខេត្តកំពង់ឆ្នាំង

2024-07-15T14:25:37+00:00

នាថ្ងៃព្រហស្បតិ៍ ៦កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១១ ខែកក្កដា ឆ្នាំ២០២៤ លោក យ៉ាន់ សំរិទ្ធិ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារបានបន្តចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ស្ថិតនៅក្នុងភូមិសាស្ត្រស្រុកកំពង់ត្រឡាច ខេត្តកំពង់ឆ្នាំង ។

សូមជម្រាបជូនថា ការបន្តចុះអនុវត្តន៍សកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន និងសហគមន៍នេសាទ ដើម្បី ៖
- ជួបពិភាក្សាជាមួយខណ្ឌរដ្ឋបាលជលផលកំពង់ឆ្នាំង
- ជួបពិភាក្សាជាមួយអាជ្ញាធរឃុំលង្វែក និងតំណាងអង្គភាពជំនាញពាក់ព័ន្ធ នៃរដ្ឋបាលស្រុកកំពង់ត្រឡាច
- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទភូមិវត្ត ។

សូមបញ្ជាក់ជូនថាៈ សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញ យកធនធានធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព ៕

កិច្ចប្រជុំពិភាក្សាដោះស្រាយជាមួយប្រជាពលរដ្ឋសហគមន៍កសិករនៅឃុំសំព្រោជ ស្រុកស្ទោង ខេត្តកំពង់ធំ តវ៉ាបង្អាក់ការសាងសង់បង្គោលព្រំតំបន់៣ ដែនព្រៃលិចតំបន់បឹងទន្លេសាប

2024-07-12T17:44:50+00:00

ខេត្តកំពង់ធំ ៖ នាព្រឹកថ្ងៃថ្ងៃសុក្រ ៧ កើត ខែអាសាឍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១២ ខែកក្កដា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អមដោយថ្នាក់ដឹកនាំ និងមន្ត្រីបច្ចេកទេសក្រោមឱវាទអគ្គលេខាធិការដ្ឋានអាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម និងជា ប្រធានអាជ្ញាធរទន្លេសាប បានដឹកនាំកិច្ចប្រជុំដោះស្រាយករណីប្រជាពលរដ្ឋចំនួន ១៨គ្រួសារ រស់នៅក្នុងភូមិល្វា និងភូមិក្រសាំងជ្រុំជើង ឃុំសំព្រោជ ស្រុកស្ទោង ខេត្តកំពង់ធំ តវ៉ាការសាងសង់បង្គោលព្រំតំបន់៣ លើផ្ទៃដីទំហំ២៣,៥០ហិកតា ស្ថិតក្នុងឃុំម្សាក្រង។

កិច្ចប្រជុំនេះ បានប្រព្រឹត្តិទៅនៅសាលាឃុំសំព្រោជ ដោយមានការចូលរួមពីរដ្ឋបាលថ្នាក់ក្រោមជាតិ រួមមាន រដ្ឋបាល ខេត្ត ស្រុក ឃុំ ប៉ុស្តិ៍នគរបាលរដ្ឋបាល ឃុំសំព្រោជ ស្រុកស្ទោង ខេត្តកំពង់ធំ កងរាជអាវុធហត្ថខេត្ត ស្នងការនគរបាលខេត្ត តំបន់ប្រតិបត្តិការសឹករងខេត្ត មន្ទីរធនធានទឹក និងឧតុនិយមខេត្ត មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត មន្ទីរកសិកម្មរុក្ខាប្រមាញ់ និងនេសាទខេត្ត មន្ទីរបរិស្ថានខេត្ត មន្ទីរទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ចខេត្ត ខណ្ឌរដ្ឋបាលជលផលខេត្តកំពង់ធំ និងតំណាងប្រជាពលរដ្ឋក្នុងមូលដ្ឋាន សរុបចំនួន៥២នាក់។

សូមជម្រាបថា ខេត្តកំពង់ធំ មានស្រុកចំនួន៦ និងឃុំសង្កាត់ចំនួន១៥ ជាប់នឹងតំបន់បឹងទន្លេសាប ក្រោយការកាត់ឆ្វៀលឆ្នាំ២០២២-២០២៣ ទំហំផ្ទៃដីព្រៃលិចទឹកតំបន់៣ ក្នុងខេត្តកំពង់ធំ សរុបប្រមាណ ៩៥,៧៩៣.៨៥ ហិកតា និងមាននិយាមកាបង្គោលចំនួន ៣៤៦ចំនុច បន្ទាប់ពីធ្វើបច្ចុប្បន្នភាពផែនទីកំណត់និយាមកាឡើងវិញ ។

ជារួមបន្ទាប់ពីទទួលបានការពន្យល់ណែនាំពីប្រធានអង្គប្រជុំ ក៏ដូចជាការផ្តល់យោបល់ និងពន្យល់ពីអង្គភាពជំនាញ ដោយឈរលើមូលដ្ឋានបទដ្ឋានបច្ចេកទេស ច្បាប់ និងបទបញ្ញត្តិពាក់ព័ន្ធនឹងការគ្រប់គ្រង និងប្រើប្រាស់ធនធានធម្មជាតិនៅតំបន់ទន្លេសាប ជាពិសេសចូលរួមអនុវត្តឱ្យបានមុតមាំប្រកបដោយប្រសិទ្ធភាពចំពោះប្រសាសន៍ណែនាំដ៏ថ្លៃថ្លាបំផុតរបស់ សម្តេចមហាបវរធិបតី នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការពង្រឹងវិធានការថែរក្សា ការពារ ទប់ស្កាត់ និងគ្រប់គ្រងធនធានធម្មជាតិ និងប្រព័ន្ធអេកូឡូស៊ីតំបន់បឹងទន្លេសាបប្រកបដោយចីរភាព និងនិរន្តរភាព សម្រាប់កូនចៅជំនាន់ក្រោយ ។

ឆ្លៀតឱកាសនេះដែរ ដើម្បីជៀសវាងការអនុវត្តច្បាប់ ទោសទណ្ឌរាល់ការរំលោភបំពាន និងទន្ទ្រានដែនការពារដែនព្រៃលិចទឹកតំបន់៣ ឯឧត្តមប្រធានអង្គប្រជុំ បានជម្រុញក្រើនរំលឹកដល់អាជ្ញាធរមូលដ្ឋានបង្កេីនការយកចិត្តទុកដាក់បន្ថែមទៀតក្នុងការអប់រំផ្សព្វផ្សាយ និងពន្យល់ណែនាំអំពីខ្លឹមសារស្មារតីអនុក្រឹត្យលេខ ៨៣ អនក្រ.បក ចុះថ្ងៃទី២៦ ខែមេសា ឆ្នាំ២០២៣ ស្តីពីការកំណត់សិទ្ធិប្រើប្រាស់ និងអាស្រ័យផលលេីដីរដ្ឋ ក្នុងដែនដីតំបន់ទ្រនាប់នៃដែនព្រៃលិចទឹក (តំបន់២) ជុំវិញបឹងទន្លេសាបស្ថិតក្នុងភូមិសាស្ត្រខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ។

ជាលទ្ធផល កិច្ចប្រជុំបានទទួលស្គាល់ និងឯកភាពតាមចំណុច ដូចខាងក្រោម ៖
១. ចំណុចបង្គោលដែលអាជ្ញាធរទន្លេសាប បានកំពុងសាងសង់ គឺត្រឹមត្រូវតាមខ្សែបន្ទាត់ព្រំអនុក្រឹត្យលេខ ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១ និងអនុក្រឹត្យបានកាត់ឆ្វៀល
២. ឯកភាពឱ្យក្រុមជាងរបស់អាជ្ញាធរទន្លេសាបបន្តការសាងសង់បង្គោលតាមទីតាំងចំណុចបង្គោលដែលអាជ្ញាធរទន្លេសាប បានកំពុងសាងសង់
៣. អាជ្ញាធរដែនដី និងប្រជាពលរដ្ឋ ត្រូវបង្កលក្ខណៈឱ្យក្រុមជាងរបស់អាជ្ញាធរទន្លេសាបបន្តសាងសង់បង្គោល ដែលបានកំណត់តាមខ្សែនិយាមកានៃអនុក្រឹត្យលេខ១៩៧ អនក្រ.បក ចុះថ្ងៃទី២៩ ខែ សីហា ឆ្នាំ២០១១ និងអនុក្រឹត្យដែលបានកាត់ឆ្វៀល ។
៤. ប្រជាពលរដ្ឋ នឹងសហការចូលរួមជាមួយអាជ្ញាធរទន្លេសាប ដើម្បីធ្វើការសាងសង់បង្គោលព្រំតំបន់ ៣ ដែលបានកំណត់ទៅតាមចំណុចនិយាមកា និងចូលរួមពង្រឹងការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ នៅតំបន់ទន្លេសាប ប្រកបដោយនិរន្តរភាព ។

សូមបញ្ជាក់ថា តំបន់បឹងទន្លេសាប ត្រូវបានបែងចែកជា ៣ តំបន់ :
-តំបន់១ ជាតំបន់លំនៅដ្ឋាន ឬភូមិករ និងជាតំបន់បង្កបង្កើនផលរបស់ប្រជាពលរដ្ឋ ដែលទទួលបានសិទ្ធិកាន់កាប់ស្របច្បាប់ (ប័ណ្ណកម្មសិទ្ធិ)
-តំបន់២ ជាតំបន់ប្រើប្រាស់អាស្រ័យផល ស្រូវឡើងទឹក និងប្រដេញទឹក និងក៏ជាតំបន់ទ្រនាប់ការពារ
-តំបន់៣ តំបន់ព្រៃលិចទឹក ហាមប៉ះពាល់ដាច់ខាត និងត្រូវការពារអោយខាងតែបាន៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំកិច្ចប្រជុំពិភាក្សាការងារ ជាមួយលោកប្រធានមន្ទីរធនធានទឹក និងឧតុនិយម ដែលជា ប្រធានជនបង្គោលរបស់អាជ្ញាធរទន្លេសាប ប្រចាំខេត្តទាំង៦ ជុំវិញតំបន់បឹងទន្លេសាប

2024-07-10T20:12:52+00:00

រាជធានីភ្នំពេញ ៖ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប នាព្រឹកថ្ងៃពុធ ៥ កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១០ ខែកក្កដា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម តំណាងដ៏ខ្ពស់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានដឹកនាំកិច្ចប្រជុំពិភាក្សាការងារជាមួយ លោកប្រធានមន្ទីរធនធានទឹក និងឧតុនិយម ដែលជា ប្រធានជនបង្គោលរបស់អាជ្ញាធរទន្លេសាប ប្រចាំខេត្តទាំង៦ ជុំវិញតំបន់បឹងទន្លេសាប (ខេត្តកំពង់ឆ្នាំង, ពោធិ៍សាត់, បាត់ដំបង, បន្ទាយមានជ័យ សៀមរាប និងខេត្តកំពង់ធំ) ស្តីពីកម្មវិធីការងារចុះពិនិត្យវាយតម្លៃស្ថានភាពព្រៃលិចទឹកក្នុងតំបន់២ ដែលរក្សាទុកតំបន់ទ្រនាប់ការពារ និងករណីប្រជាពលរដ្ឋបន្តអាស្រ័យផលដីក្នុងតំបន់៣ ស្ថិតនៅក្នុងភូមិសាស្ត្រនៃខេត្តទាំង៦ ជុំវិញបឹងទន្លេសាប ។ កិច្ចប្រជុំនេះ ក៏មានការអញ្ជើញចូលរួមពីឯកឧត្តមអគ្គលេខាធិការ អគ្គលេខាធិការរង លោកប្រធាននាយកដ្ឋាន មន្ត្រីបច្ចេកទេស ក្រោមឱវាទអគ្គលេខាធិការដ្ឋាន អាជ្ញាធរទន្លេសាប និងលោកប្រធានមន្ទីរខេត្តទាំង៦ ជុំវិញបឹងទន្លេសាប ។

កិច្ចប្រជុំដែលបានប្រារព្ធឡើងនាព្រឹកនេះ គឺក្នុងគោលបំណងពិភាក្សា (១).ពង្រឹងយន្តការការងារបន្ថែមរវាងមន្ទីរធនធានទឹក និងឧតុនិយមជាមួយ អាជ្ញាធរទន្លេសាប (២). សហការចុះអនុវត្តផែនការ/កម្មវិធីសកម្មភាពការងារជាមួយអាជ្ញាធរទន្លេសាប ក្នុងការចុះពិនិត្យវាយតម្លៃស្ថានភាពព្រៃលិចទឹកក្នុងតំបន់២ ដែលរក្សាទុកតំបន់ទ្រនាប់ការពារ និងករណីប្រជាពលរដ្ឋបន្តអាស្រ័យផលដីក្នុងតំបន់៣ ស្ថិតក្នុងស្មារតីចូលរួមចំណែកដល់ការគ្រប់គ្រង និងការប្រើប្រាស់ដី ធនធានធម្មជាតិ និងជីវចម្រុះ ជាពិសេសប្រព័ន្ធអេកូឡូស៊ីតំបន់បឹងទន្លេសាបប្រកបដោយចីរភាព និងនិរន្តរភាព ។

សូមជម្រាបថា កាលពីឆ្នាំ២០១១ រាជរដ្ឋាភិបាលបានចេញអនុក្រឹត្យលេខ ១៩៧ អនក្រ.បក ក្នុងការរក្សាការពារតំបន់ព្រៃលិចទឹក (តំបន់៣) និងកាលពីឆ្នាំ២០២២-២០២៣ រាជរដ្ឋាភិបាល ក៏បានធ្វើការកាត់ឆ្វៀលពីតំបន់៣ មកតំបន់២, ពីតំបន់៣ មកតំបន់១ និងពីតំបន់២ មក តំបន់១ សម្រាប់ជាលំនៅដ្ឋាន ការប្រើប្រាស់អាស្រ័យផល និងរក្សាទុកតំបន់ទ្រនាប់ការពារ រួមជាមួយការដាក់ចេញវិធានការតឹងរឹងជាបន្តបន្ទាប់ និងសកម្មភាពបង្ក្រាបពីអាជ្ញាធរដែនដី កម្លាំងមានសមត្ថកិច្ចមូលដ្ឋាន ក្នុងការទប់ស្កាត់រាល់សកម្មភាពចូលកាប់ ដុត ឈួសឆាយទន្ទ្រានដីព្រៃលិចទឹក ស្ថិតក្នុងភូមិសាស្ត្រខេត្តទាំង៦ ជុំវិញបឹងទន្លេសាប ជាពិសេសអនុក្រឹត្យលេខ ០៨៣ អនក្រ.បក ក្នុងការការកំណត់សិទ្ធិប្រើប្រាស់ និងអាស្រ័យផលលើដីរដ្ឋក្នុងដែនដីតំបន់ទ្រនាប់នៃដែនព្រៃលិចទឹក (តំបន់២) ។

ក្នុងស្មារតីទទួលខុសត្រូវចូលរួមអនុវត្តបទបញ្ជាណែនាំដ៏ខ្ពង់ខ្ពស់បំផុតរបស់ សម្តេចមហាបវរធិបតី នាយករដ្ឋមន្ត្រី ក្នុងការការពារ ថែរក្សា និងគ្រប់គ្រងតំបន់ទន្លេសាប ប្រកបដោយចីរភាព និងនិរន្តរភាព សម្រាប់បន្តដល់កូនចៅជំនាន់ក្រោយ អាជ្ញាធរទន្លេសាប ដែលជាសេនាធិការឱ្យរាជរដ្ឋាភិបាល បាននិងកំពុងតែធ្វើបច្ចុប្បន្នភាពផែនទីកំណត់តំបន់ និងដំណើរការសាងសង់បង្គោលព្រំតំបន់៣ និងកំពុងដាក់ចេញនូវសកម្មភាពការងារចុះអនុវត្តកិច្ចការផ្សេងៗទៀត ដែលពាក់ព័ន្ធនឹងការគ្រប់គ្រង និងប្រើប្រាស់ដី ធនធានធម្មជាតិ និងជីវចម្រុះក្នុងតំបន់ទន្លេសាប ក្នុងភូមិសាស្ត្រនៃខេត្តទាំង៦ ជុំវិញតំបន់បឹងទន្លេសាប ។

សូមបញ្ជាក់ថា តំបន់បឹងទន្លេសាប ត្រូវបានបែងចែកជា ៣ តំបន់ :
-តំបន់១ ជាតំបន់លំនៅដ្ឋាន ឬភូមិករ និងជាតំបន់បង្កបង្កើនផលរបស់ប្រជាពលរដ្ឋ ដែលទទួលបានសិទ្ធិកាន់កាប់ស្របច្បាប់ (ប័ណ្ណកម្មសិទ្ធិ)
-តំបន់២ ជាតំបន់ប្រើប្រាស់អាស្រ័យផល ស្រូវឡើងទឹកនិងប្រដេញទឹក និងក៏ជាតំបន់ទ្រនាប់ការពារ
-តំបន់៣ តំបន់ព្រៃលិចទឹក ហាមប៉ះពាល់ដាច់ខាត និងត្រូវការពារអោយខាងតែបាន៕

ឯកឧត្តម ហ៊ែល តូនី អនុប្រធានក្តាប់រួម បានដឹកនាំជំនួបពិភាក្សាការងារជាមួយភាគីចិន តាមរយៈប្រព័ន្ធ Zoom Meeting ស្តីអំពី ”គម្រោងប្រព័ន្ធត្រួតពិនិត្យរបាយទឹកភ្លៀង និងប្រព័ន្ធការជូនដំណឹងជាមុន ពីគ្រោះមហន្តរាយអាកាសធាតុ ក្នុងតំបន់អាងទន្លេសាប

2024-07-09T16:21:03+00:00

នាថ្ងៃចន្ទ ៣កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ៨ ខែកក្កដា ឆ្នាំ២០២៤ នៅសាលប្រជុំអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានដឹកនាំក្រុមការងារបច្ចេកទេសអាជ្ញាធរទន្លេសាប ជួបប្រជុំពិភាក្សាជាមួយភាគីចិនមកពីមជ្ឈមណ្ឌលសហប្រតិបត្តិការធនធានទឹក Lancang-Mekong (LMC Water Center) និងក្រុមហ៊ុន SUN Create តាមរយៈប្រព័ន្ធ Zoom Meeting ស្តីអំពី “គម្រោងប្រព័ន្ធត្រួតពិនិត្យរបាយទឹកភ្លៀង និងប្រព័ន្ធការជូនដំណឹងជាមុន ពីគ្រោះមហន្តរាយអាកាសធាតុ ក្នុងតំបន់អាងទន្លេសាប” ហើយថវិកាគាំទ្រទទួលបានពីមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង ។

គោលបំណងនៃកិច្ចប្រជុំពិភាក្សាមាន ៖
១. ពិភាក្សាលើការរៀបចំសេចក្តីពង្រាងគម្រោងមេគង្គ-ឡានឆាង ឆ្នាំ២០២៤-២០២៥ ២. ប្រមូលមតិយោបល់កែលម្អ ជាធាតុចូលក្នុងការធ្វើអោយប្រសើរឡើង និងបញ្ចប់សេចក្តីពង្រាងគម្រោង
៣.បានពិភាក្សាការរៀបចំអនុស្សារណៈនៃការយោគយល់គ្នារវាងមជ្ឈមណ្ឌលសហប្រតិបត្តិការធនធានទឹក Lancang-Mekong (LMC Water Center) និងអាជ្ញាធរទន្លេសាប (TSA) ៤. រៀបចំសកម្មភាព និងផែនទីបង្ហាញផ្លូវគម្រោង។

តាមរយៈកិច្ចប្រជុំពិភាក្សានេះ ឯកឧត្តម ហ៊ែល តូនី អនុប្រធានក្តាប់រួម បានលើកឡើងពីសមិទ្ធិផលកិច្ចសហប្រតិបត្តិការកន្លងមកដល់ភាគីចិន និងបានថ្លែងអំណរគុណដល់ថ្នាក់ដឹកនាំ និងអ្នកជំនាញបច្ចេកទេសពីមជ្ឈមណ្ឌលសហប្រតិបត្តិការធនធានទឹក ជាពិសេសរដ្ឋាភិបាលសាធារណរដ្ឋប្រជាមានិតចិន តាមរយៈមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង បានផ្តល់ការជួយគាំទ្រសម្ភារៈ និងបច្ចេកទេសសម្រាប់ការអនុវត្តគម្រោងកន្លងមកដល់អាជ្ញាធរទន្លេសាប ជាពិសេសការអនុវត្តគម្រោងសាកល្បងនៃការអង្កេត និងបញ្ជូនទិន្នន័យជលសាស្ត្រនៅកម្ពុជាដែលបានបញ្ចប់នាពេលថ្មីៗនេះ។

ឯកឧត្តមអនុប្រធានក្តាប់រួម បានវាយតម្លៃខ្ពស់លើសមិទ្ធិផលការអនុវត្តគម្រោងកន្លងមក និងបានគូសបញ្ជាក់ពីសារៈសំខាន់ការរៀបចំគម្រោងអនុវត្តសម្រាប់ ប្រព័ន្ធត្រួតពិនិត្យរបាយទឹកភ្លៀង និងប្រព័ន្ធការជូនដំណឹងជាមុន ពីគ្រោះមហន្តរាយអាកាសធាតុ ក្នុងតំបន់អាងទន្លេសាប។ ដែលគំនិតផ្តួចផ្តើមនេះគឺពិតជាបានឆ្លើយតបតម្រូវការទិន្នន័យព័ត៌មាន ភាពចាំបាច់ជាក់ស្តែងពីការកើនឡើងនៃបម្រែបម្រួលអាកាសធាតុ ក្នុងកិច្ចគាំទ្រក្នុងការធ្វើទំនើបកម្មប្រព័ន្ធជូនដំណឹងជាមុន ពីគ្រោះមហន្តរាយអាកាសធាតុក្នុងតំបន់អាងទន្លេសាប ស្របនឹងផែនការយុទ្ធសាស្ត្ររបស់អាជ្ញាធរទន្លេសាប ២០២៤-២០២៨។

លោក Dong Yanfei អគ្គលេខាធិការរង នៃមជ្ឈមណ្ឌលសហប្រតិបត្តិការធនធានទឹក Lancang-Mekong ក៏បានថ្លែងអំណរគុណដល់ថ្នាក់ដឹកនាំ និងអ្នកជំនាញបច្ចេកទេសនៃអាជ្ញាធរទន្លេសាប បានផ្តល់កិច្ចសហការខ្ពស់ និងចួលរួមយ៉ាងសកម្មក្នុងការអនុវត្តគម្រោងកន្លងមក ជាពិសេសការរៀបចំសេចក្តីព្រាងគម្រោងថ្មីនេះផងដែរ។ បន្ថែមលើនេះលោក Dong Yanfei ក៏បានបង្ហាញពីការរៀបចំសេចក្តីព្រាងអនុស្សារណៈនៃការយោគយល់រវាងមជ្ឈមណ្ឌលសហប្រតិបត្តិការធនធានទឹក Lancang-Mekong (LMC Water Center) និងអាជ្ញាធរទន្លេសាប (TSA) ដែលគ្រោង និងរៀបចំចុះហត្ថលេខា អំឡុងពេលគណៈប្រតិភូចិនមកបំពេញទស្សនៈកិច្ចនៅក្នុងប្រទេសកម្ពុជា នាខែកញ្ញា ឆ្នាំ២០២៤ ខាងមុខនេះ។

ឯកឧត្តមអនុប្រធានក្តាប់រួម ក៏បានស្នើសុំអោយក្រុមការងាររៀបចំសេចក្តីព្រាងគម្រោង ពិនិត្យលទ្ធភាពជាមួយការគិតគូរអោយបានច្បាស់លាស់លើផែនការសកម្មភាពនៃការបណ្តុះបណ្តាល និងការជួសជុលថែរក្សាឧបករណ៍ក្រោយគម្រោងបានបញ្ចប់ រៀបចំបញ្ចូលទៅក្នុងផែនការសកម្មភាពគម្រោង និងនៅក្នុងអនុស្សារណៈនៃការយោគយល់រវាងមជ្ឈមណ្ឌលសហប្រតិបត្តិការធនធានទឹក Lancang-Mekong (LMC Water Center) និងអាជ្ញាធរទន្លេសាប (TSA)៕

ឯកឧត្តម ហ៊ែល តូនី អនុប្រធានក្តាប់រួម បានដឹកនាំជំនួបពិភាក្សាការងារជាមួយភាគីចិន តាមរយៈប្រព័ន្ធ Zoom Meeting ស្តីអំពី ”គម្រោងប្រព័ន្ធត្រួតពិនិត្យរបាយទឹកភ្លៀង និងប្រព័ន្ធការជូនដំណឹងជាមុន ពីគ្រោះមហន្តរាយអាកាសធាតុ ក្នុងតំបន់អាងទន្លេសាប

2024-07-09T16:21:03+00:00

ក្រុមការងារមន្ត្រីបច្ចេកទេសទទួលបន្ទុកពិនិត្យតាមដានការសាងសង់បង្គោលតំបន់ ៣ នៃអគ្គលេខាធិការដ្ឋានអាជ្ញាធរទន្លេសាប បន្តចុះពិនិត្យការសាងសង់បង្គោលព្រំការពារដែនព្រៃលិចទឹក និងព្រៃលិចទឹកតំបន់ ៣ ក្នុងតំបន់បឹងទន្លេសាប

2024-07-09T06:16:13+00:00

កាលពីថ្ងៃសុក្រ ១៤រោច ដល់ថ្ងៃអាទិត្យ ២កើត ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ០៥ ដល់ថ្ងៃទី ០៧ ខែកក្កដា ឆ្នាំ ២០២៤ ក្រុមការងារមន្ត្រីបច្ចេកទេសទទួលបន្ទុកពិនិត្យតាមដានការងារសាងសង់បង្គោលព្រំដីតំបន់ ៣ នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយលោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានបន្តចុះពិនិត្យទីតាំងសាងសង់បង្គោល និងគុណភាពបង្គោលព្រំតំបន់ ៣ ស្ថិតក្នុងភូមិសាស្ត្រខេត្តកំពង់ឆ្នាំង ។

សូមជម្រាបថា ក្នុងរយៈពេល ៩៨ថ្ងៃ ដោយគិតចាប់ពីថ្ងៃទី ០១ ខែមេសា មកត្រឹមថ្ងៃទី ០៨ ខែកក្កដា ឆ្នាំ ២០២៤ នេះ ការសាងសង់បង្គោលព្រំតំបន់ ៣ ដែនព្រៃលិចទឹកជុំវិញបឹងទន្លេសាប គឺសម្រេចបាន ៤៣.៧៩% និងបានកំពុងតែបន្តជីករណ្តៅសាងសង់បង្គោលជាបន្តបន្ទាប់ ដើម្បីបញ្ចប់តាមផែនការគ្រោងទុកឱ្យបានមុនទឹកដំឡើងលិចដែនព្រៃលិចទឹកតំបន់ ៣៕

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានអញ្ជើញជាអធិបតី បើកវគ្គបណ្តុះបណ្តាលស្តីពីការប្រើប្រាស់ GNSS Geomate GPS សម្រាប់ការវាស់វែង កំណត់និយាមកា និងផលិតផែនទី

2024-07-07T07:56:24+00:00

នាថ្ងៃសុក្រ ១៤រោចដល់ថ្ងៃសៅរ៍ ១កើត ខែអាសាឍល ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ៥-៦ ខែកក្កដា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានអញ្ជើញជាអធិបតី បើកវគ្គបណ្តុះបណ្តាលស្តីពីការប្រើប្រាស់ GNSS Geomate GPS សម្រាប់ការវាស់វែង កំណត់និយាមកា និងផលិតផែនទី ដែលប្រព្រឹត្តទៅនៅអគ្គលេខាធិការដ្ឋាន អាជ្ញាធរទន្លេសាប ឧទ្ទេសដោយអ្នកជំនាញការផ្នែកវាស់វែង ពីក្រុមហ៊ុន Accurate Advance Suryvey និងមានសិក្ខាកាមជាមន្ត្រីបច្ចេកទេសអាជ្ញាធរទន្លេសាបចូលរួមចំនួន ១៥ រូប ។

សូមជម្រាបថា ការបណ្តុះបណ្តាលនេះ ដើម្បីលើកកម្ពស់សមត្ថភាពមន្ត្រីជំនាញអាជ្ញាធរទន្លេសាបបន្ថែម ក្នុងការចុះពិនិត្យផ្ទៀងផ្ទាត់ភាពត្រឹមត្រូវចំណុចនិយាមកា សហការរៀបចំធ្វើផែនទីបោះបង្គោលកំណត់ព្រំ គ្រប់គ្រងតំបន់ទន្លេសាប សំដៅការពារថែរក្សាធនធានធម្មជាតិបឹងទន្លេសាបឱ្យខាងតែបានស្របតាមបទបញ្ជាដ៏ខ្ពង់ខ្ពស់របស់ប្រមុខរាជរដ្ឋាភិបាលដែលបានកំណត់។

ជាលទ្ធផលសិក្ខាកាមទទួលបាន :
- យល់ដឹងពីរបៀបកំណត់ឧបករណ៍ GNSS (equipment configuration)
- ការតម្លើងឧបករណ៍ ដែលពាក់ព័ន្ធសម្រាប់ការវាស់វែង
- ការថែរក្សាឧបករណ៍ និងវិធានការសុវត្ថិភាពការងារ
- អនុវត្តដោយផ្ទាល់ ៕

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានអញ្ជើញជាអធិបតី បើកវគ្គបណ្តុះបណ្តាលស្តីពីការប្រើប្រាស់ GNSS Geomate GPS សម្រាប់ការវាស់វែង កំណត់និយាមកា និងផលិតផែនទី

2024-07-07T07:56:24+00:00

លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមសិក្ខាសាលាថ្នាក់ជាតិ ស្តីពី “ការប្រែប្រួលអាកាសធាតុ យេនឌ័រ និងភាពងាយរងគ្រោះ” នៅសណ្ឋាគារ សាន់ និងមូន រាជធានីភ្នំពេញ

2024-07-04T14:43:22+00:00

កាលពីថ្ងៃអង្គារ ១១រោច ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២ ខែកក្កដា ឆ្នាំ ២០២៤ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមសិក្ខាសាលាថ្នាក់ជាតិ ស្តីពី “ការប្រែប្រួលអាកាសធាតុ យេនឌ័រ និងភាពងាយរងគ្រោះ” ដែលមានសមាជិកចូលរួមសរុបចំនួន ៣៥ រូប ក្នុងនោះមានស្ត្រីចំនួន ១៩រូប។

គោលបំណងនៃសិក្ខាសាលាមាន៖
១. ទិដ្ឋភាពទូទៅនៃបញ្ហាយេនឌ័រ និងការប្រែប្រួលអាកាសធាតុ
២. ការបញ្ជ្រាបយេនឌ័រ ទៅក្នុងកិច្ចខិតខំប្រឹងប្រែងលើការប្រែប្រួលអាកាសធាតុ
៣. យុទ្ធសាស្ត្រភាពរួមនៃយេនឌ័រ សម្រាប់សកម្មភាពកាត់បន្ថយការប្រែប្រួលអាកាសធាតុ
៤. ការបញ្ជ្រាបយេនឌ័រ ទៅក្នុងយន្តការហិរញ្ញប្បទានការប្រែប្រួលអាកាសធាតុ៕

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប ដឹកនាំជំនួបពិភាក្សាជាមួយលោក Azghea Hussian Mohammmed អ្នកប្រឹក្សាយោបល់អន្តរជាតិរបស់ធនាគារ ADB លើគម្រោងសិក្សាសមិទ្ធិលទ្ធភាពការអភិវឌ្ឍ NSDI នៅប្រទេសកម្ពុជា

2024-07-02T14:12:38+00:00

នាព្រឹកថ្ងៃ អង្គារ ១១រោច ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២ ខែកក្កដា ឆ្នាំ២០២៤ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំមន្ត្រីបច្ចេកទេសអគ្គលេខាធិការដ្ឋាន អាជ្ញាធរទន្លេសាប ជួបពិភាក្សាការងារជាមួយអ្នកប្រឹក្សាយោបល់អន្តរជាតិរបស់ធនាគារអភិវឌ្ឍន៍អាស៊ី (ADB) នៃក្រសួងរៀបចំដែនដី នគរូបនីយកម្ម និងសំណង់ ដឹកនាំដោយលោក Azghea Hussian Mohammmed លើគម្រោងសិក្សាសមិទ្ធិលទ្ធភាពការអភិវឌ្ឍ NSDI នៅប្រទេសកម្ពុជា។

កិច្ចប្រជុំពិភាក្សាការងារនេះ ក្នុងគោលបំណង ដើម្បីធ្វើការស្វែងយល់ពីរបៀបនៃការគ្រប់គ្រងទិន្នន័យភូមិសាស្ត្រ និងទិន្នន័យផ្សេងៗទៀត ដែលពាក់ព័ន្ធ ក្នុងការលើកអនុសាសន៍លើការបង្កើតការអភិវឌ្ឍ NSDI រួមទាំងស្វែងរកយន្តការក្នុងការចែករំលែកទិន្នន័យទាំងនោះសម្រាប់ជាប្រយោជន៍ក្នុងដំណើការការអភិវឌ្ឍគម្រោង NSDI ។

សូមជម្រាបជូនថា បន្ទាប់ពីការធ្វើបទបង្ហាញពីគម្រោងសិក្សាសមិទ្ធិលទ្ធភាពការអភិវឌ្ឍ SNDI អ្នកប្រឹក្សាយោបល់អន្តរជាតិរួចមក កិច្ចប្រជុំបានពិភាក្សាពិគ្រោះយោបល់គ្នា ដើម្បីស្វែងយល់លើការផ្តល់ធាតុចូល និងបញ្ជីទិន្នន័យដែលអាជ្ញាធរទន្លេសាប បាន និងកំពុងប្រមូល ប្រើប្រាស់សព្វថ្ងៃ ដើម្បីចូលរួមជាការចែករំលែកទិន្នន័យព័ត៌មានតម្រូវការនៃកិច្ចប្រជុំផងដែរ ៕

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប ដឹកនាំជំនួបពិភាក្សាជាមួយលោក Azghea Hussian Mohammmed អ្នកប្រឹក្សាយោបល់អន្តរជាតិរបស់ធនាគារ ADB លើគម្រោងសិក្សាសមិទ្ធិលទ្ធភាពការអភិវឌ្ឍ NSDI នៅប្រទេសកម្ពុជា

2024-07-02T14:12:38+00:00

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-06-30T22:04:19+00:00

កាលពីថ្ងៃអង្គារ ៤រោច ដល់ថ្ងៃសៅរ៍ ៨ រោច ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៥ ដល់ថ្ងៃទី ២៩ ខែមិថុនា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស អគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

១- គោលបំណងសិក្សា :
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ។
- មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមានប្រសិទ្ធិភាព និងនិរន្តរភាព។
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យផ្សេងៗ ដូចជា ហ្វ្រេកង់បណ្តោយ និងបណ្តោយទម្ងន់ត្រី (Conducting length frequency and length weight sampling)
- អង្កេតចំនួនឧបករណ៍ចេញនេសាទ (Surveying the number of active gears)
- អង្កេតចំនួនថ្ងៃចេញនេសាទ (Surveying the number of active days)
- ប្រើកម្មវិធី (Microsoft Access) ដើម្បីវិភាគទិន្នន័យ...

៣- តំបន់គោលដៅការសិក្សាខែមិថុនា:
- ស្រុកកំពង់ត្រឡាច: មានឃុំកំពង់ត្រ ឡាច អំពិលទឹក តាជេស លង្វែក និង ឃុំសែប
- ស្រុកជលគីរី: មានឃុំកោះថ្កូវ ជលសារ កំពង់អុស ព្រៃគ្រី និងឃុំពាមឆ្កោក
- ស្រុករលាប្អៀរ: មានឃុំទឹកហូត និងឃុំស្វាយជ្រុំ

៤- លទ្ធផលការសិក្សាសង្ខេប:
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries) ចំនួន ៦៧៥ គ្រួសារ ប្រើប្រាស់ឧបករណ៍នេសាទ ១១ ប្រភេទផ្សេងៗគ្នា
- ផលចាប់សរុប: ៦៨.៦៨ តោន
- ប្រភេទត្រីបូកយោង ១៤៩ ប្រភេទ
- តម្លៃផលនេសាទសរុប: ៣៧៧.៧៧ លានរៀល
- តម្លៃផលនេសាទគិតជាដុល្លារស្មើនឹង ៩២,១៣១.៧១ ដុល្លាសហរដ្ឋអាមេរិក (៤,១០០៛/១ដុល្លារ)
- ខេត្តកំពង់ឆ្នាំងគឺជាខេត្តមួយដែលសម្បូរធនធានត្រី និងមានផលចាប់ច្រើនជាងបណ្តាខេត្តនៅជុំវិញបឹងទន្លេសាប (MRC/DANIDA Project 1994-2003)

ទំហំត្រី ចែកចេញជា ៣ ក្រុមគឺ:
1- ក្រុមត្រីទំហំតូច (Group of Small size)
2- ក្រុមត្រីទំហំមធ្យម (Group of Medium size) និង
3- ក្រុមត្រីទំហំធំ ( Group of Big size)
- ក្រុមត្រីទំហំតូច មានអាយុ ១ឆ្នាំអាច បង្ករកំណើតបាន (Maturity Stage 1 year) ដូចជាត្រីច្រកែង ក្រុស បញ្ចុះ កំភ្លាញ រៀល ជាដើម។ល។ ប្រភេទត្រី ក្រុមទំហំតូចមួយចំនួនឃើញថានៅសម្បូរនៅឡើយ។
- ខេត្តកំពង់ឆ្នាំង មានដែននេសាទទឹកជ្រៅ ជាទន្លេសាប នៅសម្បូរក្រុមត្រីទំហំ តូចជាច្រើនប្រភេទនៅឡើយ។ ត្រូវធ្វើចរាចរពីទន្លេសាប ចូលបឹងទន្លេសាប ចូលតំបន់ព្រៃលិចទឹកដើម្បីរកចំណីពង កូនតាមរដូវកាល។
- ប៉ុន្តែចរាចរ ត្រី គ្រប់ប្រភេទ ពីទន្លេសាប ចូលបឹងទន្លេសាប ដើម្បីរកកន្លែង ពងកូន ត្រូវបានគេស្ទាក់ចាប់ជាច្រើនជាន់ ដោយឧបករណ៍នេសាទទំនើប មានប្រ សិទ្ធិភាព ផ្ទុយពីច្បាប់/ប្រកាសលេខ៤៥៨ ប្រក.កសក ចុះថ្ងៃទី ២២ ខែតុលា ឆ្នាំ២០១២ បណ្តាលឱ្យផលស្តុកធ្លាក់ចុះយ៉ាងខ្លាំង។ល៕

កិច្ចប្រជុំពិភាក្សា និងដោះស្រាយបញ្ហាសកម្មភាពបង្អាក់ដំណើរការសាងសង់បង្គោលព្រំតំបន់៣ នៃដែនព្រៃលិចទឹកតំបន់បឹងទន្លេសាប ជាមួយប្រជាពលរដ្ឋ ស្ថិតក្នុងភូមិសាស្ត្រឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ

2024-06-29T09:40:39+00:00

ខេត្តបន្ទាយមានជ័យ ៖ នាព្រឹកថ្ងៃសុក្រ ៧រោច ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៨ ខែមិថុនា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អមដោយថ្នាក់ដឹកនាំ និងមន្ត្រីបច្ចេកទេសក្រោមឱវាទអគ្គលេខាធិការដ្ឋានអាជ្ញាធរទន្លេសាប តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានដឹកនាំប្រតិភូជាថ្នាក់ដឹកនាំ និងមន្ត្រីបច្ចេកទេសអន្តរក្រសួងស្ថាប័នជំនាញ រួមមាន ក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រម៉ាញ់ និងនេសាទ, ក្រសួងបរិស្ថាន, ក្រសួងអធិការកិច្ច ប្រជុំដោះស្រាយបញ្ហាបង្អាក់ការសង់បង្គោលព្រំតំបន់៣ នៃដែនព្រៃលិចទឹកតំបន់បឹងទន្លេសាប ជាមួយប្រជាពលរដ្ឋ ស្ថិតក្នុងភូមិសាស្ត្រឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ ។ កិច្ចប្រជុំដោះស្រាយនេះ បានប្រព្រឹត្តទៅនៅសាលាឃុំភ្នំលៀប និងមានការចូលរួមពីមន្ទីរជំនាញខេត្ត, អាជ្ញាធរដែនដី (ស្រុក ឃុំ និងភូមិ), កងកម្លាំងមានសមត្ថកិច្ច និងប្រជាពលរដ្ឋពាក់ព័ន្ធនឹងតំបន់ខាងលើ ដែលដឹកនាំសម្របសម្រួលដោយ ឯកឧត្តម លៀម សូដា អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម អ៊ំ រាត្រី អភិបាលនៃគណ:អភិបាលខេត្តបន្ទាយមានជ័យ ។

សូមជម្រាបថា ខេត្តបន្ទាយមានជ័យ ជាខេត្តមួយប្រកបដោយសក្តានុពលធនធានធម្មជាតិក្នុងចំណោមខេត្តទាំង ៦ ជាប់ផ្ទាល់នឹងតំបន់បឹងទន្លេសាប អមផ្លូវជាតិលេខ៦ និងលេខ៥ ។ ខេត្តបន្ទាយមានជ័យ បន្ទាប់ពីធ្វើបច្ចុប្បន្នភាពទំហំផ្ទៃដីព្រៃលិចទឹកតំបន់៣ ក្រោយការកាត់ឆ្វៀលឆ្នាំ២០២១-២០២២ គឺមានទំហំប្រមាណជា ៦ ៩១៣.៣៨ ហិកតា មាននិយាមកាចំនួន ៤៧ ចំនុច ត្រូវសង់បង្គោលការពារព្រំ ដែលមកទល់បច្ចុប្បន្ននេះ នៅសល់ចំនួន ៤បង្គោលទៀត តម្រូវឱ្យមានការដោះស្រាយជាមួយប្រជាពលរដ្ឋ ដើម្បីបញ្ចប់ការសង់ទាំងស្រុងសម្រាប់ខេត្តបន្ទាយមានជ័យ ។

ជារួមបន្ទាប់ពីទទួលបានការពន្យល់ បកស្រាយ និងណែនាំពីប្រធានអង្គប្រជុំ ក៏ដូចជាការផ្តល់យោបល់ និងពន្យល់ពីប្រតិភូថ្នាក់ដឹកនាំអន្តរក្រសួងស្ថាប័នជំនាញ លើបទដ្ឋានបច្ចេកទេស និងបទដ្ឋានច្បាប់ បទបញ្ញត្តិដែលបានកំណត់ ដោយឈរលើស្មារតីយកចិត្តទុកដាក់ថែរក្សា ការពារ និងគ្រប់គ្រងឱ្យខាងតែបាននូវសម្បត្តិធនធានធម្មជាតិដ៏កម្រមិនអាចកាត់ថ្លៃបាននៃបឹងទន្លេសាប ជាពិសេសចូលរួមអនុវត្តឱ្យបានមុតមាំប្រកបដោយប្រសិទ្ធភាពចំពោះប្រសាសន៍ណែនាំដ៏ថ្លៃថ្លាបំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក៏ដូចជាចូលរួមចំណែកលើកកម្ពស់ប្រសិទ្ធភាពនៃការអនុវត្ត យុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល ក្នុងនីតិកាលទី៧ នៃរដ្ឋសភាជាតិ ។ អង្គប្រជុំទាំងមូល រួមជាមួយប្រជាពលរដ្ឋពាក់ព័ន្ធខាងលើ បានយល់ព្រម និងសម្រេចឯកភាពគ្នាជាគោលការណ៍រួម ដូចខាងក្រោម ៖

១. ទីតាំងចំនុចទាំង ៤ បង្គោល ពិតជាស្ថិតនៅក្នុងដែនព្រំតំបន់ ៣ ស្របតាមខ្សែបន្ទាត់ នៃអនុក្រឹត្យលេខ ៥៨ អនក្រ.បក និងសេចក្តីជូនដំណឹងលេខ ២៦៨ សជណ.ដប ចុះថ្ងៃទី៦ ខែមីនាឆ្នាំ២០២៣
២. ឯកភាពឱ្យក្រុមជាងរបស់អាជ្ញាធរទន្លេសាបបន្តការសាងសង់បង្គោលតាមទីតាំងចំណុចទាំង ៤
៣. ក្រុមការងារអន្តរក្រសួងជំនាញ នឹងពាំនាំសំណើរបស់ប្រជាពលរដ្ឋ តាមរយៈការលើកស្នើរបស់អាជ្ញាធរដែនដីមកថ្នាក់ជាតិ ដើម្បីដាក់ជូនថ្នាក់ដឹកនាំ ពិនិត្យ និងសម្រេច
៤. អាជ្ញាធរដែនដី និងប្រជាពលរដ្ឋ ត្រូវបង្ករលក្ខណៈឱ្យក្រុមជាងរបស់អាជ្ញាធរទន្លេសាបបន្តសាងសង់បង្គោល ដែលបានកំណត់តាមខ្សែនិយាមការនៃអនុក្រឹត្យលេខ ៥៨ អនក្រ.បក និងសេចក្តីជូនដំណឹងលេខ ២៦៨ សជណ.ដប ចុះថ្ងៃទី៦ ខែមីនា ឆ្នាំ២០២៣
៥. អាជ្ញាធរទន្លេសាប នឹងស្នើសុំអង្គភាពប្រឆាំងអំពើពុករលួយ ដើម្បីចុះមកស្រាវជ្រាវ និងអនុវត្តន៍នីតិវិធីច្បាប់
៦. ប្រជាពលរដ្ឋ រស់នៅក្នុងឃុំភ្នំលៀប យល់ព្រមបញ្ឈប់សកម្មភាពរារាំង និងចូលរួមសហការជាមួយអាជ្ញាធរទន្លេសាប ដើម្បីធ្វើការសាងសង់បង្គោលព្រំតំបន់៣ ដែលបានកំណត់ទៅតាមចំណុចទាំង ៤ បង្គោល និងចូលរួមការការពារ ការគ្រប់គ្រង អភិរក្សធនធានធម្មជាតិ នៅតំបន់ទន្លេសាប ។

សូមបញ្ជាក់ថា តំបន់បឹងទន្លេសាប ត្រូវបានបែងចែកជា ៣ តំបន់ :
- តំបន់១ ជាតំបន់លំនៅដ្ឋាន ឬភូមិករ និងជាតំបន់បង្កបង្កើនផលរបស់ប្រជាពលរដ្ឋ ដែលទទួលបានសិទ្ធិកាន់កាប់ស្របច្បាប់ (ប័ណ្ណកម្មសិទ្ធិ)
- តំបន់២ ជាតំបន់ប្រើប្រាស់អាស្រ័យផល ស្រូវឡើងទឹកនិងប្រដេញទឹក និងក៏ជាតំបន់ទ្រនាប់ការពារ
- តំបន់៣ តំបន់ព្រៃលិចទឹក ហាមប៉ះពាល់ដាច់ខាត និងត្រូវការពារអោយខាងតែបាន៕

ឯកឧត្តមបណ្ឌិត អាន ពេជ្រ ហត្ថដា រដ្ឋលេខាធិការ ដឹកនាំកិច្ចប្រជុំពិភាក្សាការងារជាមួយគណៈប្រតិភូដៃគូអភិវឌ្ឍន៍អូស្ត្រាលី និងធនាគារពិភពលោក

2024-06-28T12:10:28+00:00

នៅសាលប្រជុំ នៃគណៈកម្មាធិការជាតិទន្លេមេគង្គកម្ពុជា នាព្រឹកថ្ងៃព្រហស្បតិ៍ ៦រោច ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែមិថុនា ឆ្នាំ២០២៤ នេះ ឯកឧត្តមបណ្ឌិត អាន ពេជ្រ ហត្ថដា រដ្ឋលេខាធិការ តំណាងដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម ប្រធានគណ:កម្មាធិការជាតិទន្លេមេគង្គកម្ពុជា និងជាប្រធានអាជ្ញាធរទន្លេសាប បានអញ្ជើញដឹកនាំកិច្ចប្រជុំពិភាក្សាការងារជាមួយគណៈប្រតិភូដៃគូអភិវឌ្ឍន៍អូស្ត្រាលី និងធនាគារពិភពលោក (WB)។ អានត...

កិច្ចប្រជុំពិភាក្សា និងពិនិត្យខ្លឹមសារអត្ថន័យ និងកែសម្រួលព្រះរាជក្រឹត្យ និងបទដ្ឋានគតិយុត្តិពាក់ព័ន្ធការបង្កើតអាជ្ញាធរទន្លេសាប

2024-06-26T09:04:44+00:00

បន្ទាប់ពីទទួលបានការណែនាំចង្អុលបង្ហាញដ៏ខ្ពង់ខ្ពស់ពីឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នារសៀលថ្ងៃអង្គារ ៤រោច ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែមិថុនា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម បានដឹកនាំកិច្ចប្រជុំពិភាក្សា ជាមួយឯកឧត្តមអគ្គលេខាធិការ អគ្គលេខាធិការរង លោកប្រធាន-អនុប្រធាននាយកដ្ឋាន និងក្រុមប្រឹក្សាអ្នកច្បាប់ប្រចាំក្រសួងធនធានទឹក និងឧតុនិយម ដើម្បីពិនិត្យឡើងវិញលើរាល់ខ្លឹមសារអត្ថន័យ និងកែសម្រួលធ្វើបច្ចុប្បន្នភាពតួនាទីភារកិច្ចនៅក្នុងព្រះរាជក្រឹត្យ និងបទដ្ឋានគតិយុត្តិ រួមមានការបង្កើតឋបនីយជីវមណ្ឌលបឹងទន្លេសាប និងការបង្កើតអាជ្ញាធរទន្លេសាប ។

សូមជម្រាបថា ឋបនីយជីវមណ្ឌលបឹងទន្លេសាប ត្រូវបានបង្កើតឡើងក្រោមព្រះរាជក្រឹត្យលេខ នស/រកត/០៤០១/០៧០ នៅឆ្នាំ២០០១ និងត្រូវបានដាក់ឱ្យស្ថិតក្នុងរចនាសម្ព័ន្ធ និងការគ្រប់គ្រងរបស់គណៈកម្មាធិការជាតិទន្លេមេគង្គកម្ពុជា ។ ដោយពិនិត្យឃើញថា ឋបនីយជីវមណ្ឌលបឹងទន្លេសាប គឺជាតំបន់ដ៏មានសារៈសំខាន់ប្រកបដោយសក្តានុពលខ្ពស់សម្រាប់ធនធានមច្ឆាជាតិ ជីវចម្រុះ និងប្រព័ន្ធអេកូឡូស៊ីនៅក្នុងប្រព័ន្ធបឹងទន្លេសាប ហើយក៏ជាតំបន់ដែលស្ថិតក្រោមដែនសមត្ថកិច្ចការសម្របសម្រួលសម្រាប់ការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប របស់អាជ្ញាធរទន្លេសាប ។ នាពេលថ្មីៗនេះ រាជរដ្ឋាភិបាល បានចេញសេចក្តីជូនដំណឹងលេខ ៧៨០ សជណ.កបច ចុះថ្ងៃទី១៣ ខែមិថុនា ឆ្នាំ២០២៤ សម្រេចផ្ទេរលេខាធិការដ្ឋានឋបនីយជីវមណ្ឌលបឹងទន្លេសាប និងលេខាធិការ ពីគណៈកម្មាធិការជាតិទន្លេមេគង្គកម្ពុជា ទៅស្ថិតក្នុងរចនាសម្ព័ន្ធ និងការគ្រប់គ្រងរបស់អាជ្ញាធរទន្លេសាប ។

សូមបញ្ជាក់ផងដែរថា ដើម្បីឆ្លើយតបភាពចាំបាច់របស់ស្ថាប័ន ក្នុងការធានាបាននូវការងារប្រកបដោយប្រសិទ្ធភាព និងមន្ត្រីប្រកបដោយគុណភាព ជាពិសេសចូលរួមអនុវត្តស្មារតីខ្លឹមសារគោលនយោបាយកំណែទម្រង់ស៊ីជម្រៅរបស់រាជរដ្ឋាភិបាល ក្រោមការដឹកនាំដ៏ខ្ពង់ខ្ពស់បំផុតរបស់ សម្តេចមហាបវរធិបតី នាយករដ្ឋមន្ត្រី ដែលពេលថ្មីៗនេះ បានចេញសេចក្តីណែនាំ ស្តីពីការពិនិត្យឡើងវិញ និងការវិភាគមុខងារ និងរចនាសម្ព័ន្ធក្រសួងស្ថាប័ន ក្នុងការឆ្លុះបញ្ចាំង និងពង្រឹងប្រសិទ្ធភាពនៃការអនុវត្តយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលក្នុងនីតិកាលទី៧ នៃរដ្ឋសភា ។ អាជ្ញាធរទន្លេសាប បាននិងកំពុងតែពិនិត្យឡើងវិញពីតួនាទីភារកិច្ច និងរចនាសម្ព័ន្ធរបស់ខ្លួន ដែលមានស្រាប់ ដូចបានកំណត់ក្នុងព្រះរាជក្រឹត្យ នៃការបង្កើតអាជ្ញាធរទន្លេសាប និងបទដ្ឋានគតិយុត្តិពាក់ព័ន្ធនឹងដំណើរការការងារ រួមជាមួយនឹងការបញ្ចូលនូវ ឋបនីយជីវមណ្ឌលបឹងទន្លេសាប ឱ្យមកស្ថិតក្រោមរចនាសម្ព័ន្ធ និងការគ្រប់គ្រងរបស់អាជ្ញាធរទន្លេសាប៕

កិច្ចប្រជុំពិភាក្សាអគ្គលេខាធិការដ្ឋាន នៃអាជ្ញាធរទន្លេសាប ដើម្បីពិនិត្យឡើងវិញ វិភាគមុខងារ និងរចនាសម្ព័ន្ធរបស់អាជ្ញាធរទន្លេសាប

2024-06-25T21:05:30+00:00

បន្ទាប់ពីទទួលការណែនាំដ៏ខ្ពង់ខ្ពស់ពី ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នាព្រឹកថ្ងៃ អង្គារ ៤រោច ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែមិថុនា ឆ្នាំ២០២៤ នៅសាលប្រជុំរបស់អគ្គលេខាធិការដ្ឋានអាជ្ញាធរទន្លេសាប ឯកឧត្តម សរ គឹមសាន្ត អគ្គលេខាធិការ បានដឹកនាំប្រជុំពិភាក្សាជាមួយឯកឧត្តមអគ្គលេខាធិការរង និងលោកប្រធាន-អនុប្រធាននាយកដ្ឋានទាំងបួន ស្ថិតក្រោមឱវាទអគ្គលេខាធិការដ្ឋានដើម្បីធ្វើការពិនិត្យឡើងវិញ វិភាគមុខងារ និងរចនាសម្ព័ន្ធរបស់អាជ្ញាធរទន្លេសាប ។

សូមបញ្ជាក់ថា កិច្ចប្រជុំពិភាក្សានេះ គឺឆ្លើយតបទៅនឹងភាពចាំបាច់ក្នុងការធ្វើបច្ចុប្បន្នភាពការងារឱ្យកាន់តែប្រសើរឡើងនៅក្នុងដំណើរការការងារស្ថាប័ន ដើម្បីធានាបាននូវប្រសិទ្ធភាពការងារ និងមន្ត្រីប្រកបដោយគុណភាព ជាពិសេសចូលរួមអនុវត្តស្មារតីខ្លឹមសារគោលនយោបាយកំណែទម្រង់ស៊ីជម្រៅរបស់រាជរដ្ឋាភិបាល ក្រោមការដឹកនាំដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដែលកន្លងទៅថ្មីៗនេះ បានចេញសេចក្តីណែនាំ ស្តីពីការពិនិត្យឡើងវិញ និងការវិភាគមុខងារ និងរចនាសម្ព័ន្ធក្រសួងស្ថាប័ន គឺក្នុងគោលបំណងលើកកម្ពស់ដំណើរការនៃក្រសួងស្ថាប័នឱ្យកាន់តែមានប្រសិទ្ធភាព និងស័ក្តិសិទ្ធិភាព ក្នុងក្របខ័ណ្ឌនៃការបំពេញមុខងារ និងបេសកកម្មរបស់ស្ថាប័ន និងឆ្លើយតបទៅនឹងយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលក្នុងនីតិកាលទី៧ នៃរដ្ឋសភា៕

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ក្នុងខេ

2024-06-24T12:02:59+00:00

នាថ្ងៃសុក្រ ១៥កើត ខែជេស្ឋ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២១ ខែមិថុនា ឆ្នាំ២០២៤ លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ និងក្រុមការងារបានបន្តចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ស្ថិតនៅក្នុងភូមិសាស្ត្រស្រុកជីក្រែង ខេត្តសៀមរាប ។

សូមជម្រាបជូនថា ការបន្តចុះអនុវត្តសកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន និងសហគមន៍នេសាទ ដើម្បី ៖
- ជួបពិភាក្សាជាមួយអាជ្ញាធរឃុំជីក្រែង និងតំណាងអង្គភាពជំនាញពាក់ព័ន្ធ នៃរដ្ឋបាលស្រុកជីក្រែង
- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទជីក្រែង ។

សូមបញ្ជាក់ជូនថាៈ សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញ យកធនធានធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព៕

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានចុះពិនិត្យ និងទប់ស្កាត់សកម្មភាពឈូសឆាយដីព្រៃលិចទឹក ស្ថិតក្នុងភូមិសាស្ត្រសង្កាត់ជ្រាវ ក្រុងសៀមរាប ខេត្តសៀមរាប

2024-06-24T11:54:54+00:00

នាព្រឹកថ្ងៃសុក្រ ១៥កើត ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២១ ខែមិថុនា ឆ្នាំ២០២៤ ដោយទទួលបានបទបញ្ជាណែនាំពី ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ឯកឧត្តម សរ គឹមសាន្ត អគ្គលេខាធិការ អមដោយ ឯកឧត្តម ខូវ មាស អគ្គលេខាធិការរង រួមជាមួយមន្ត្រីបច្ចេកទេសអគ្គលេខាធិការដ្ឋាន អាជ្ញាធរទន្លេសាប បានដឹកនាំប្រតិភូអន្តរក្រសួងស្ថាប័ន រួមមាន ក្រសួងរៀបចំដែនដី នគរូបនីយកម្ម និងសំណង់ ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន ដោយសហការជាមួយអាជ្ញាធររដ្ឋបាលខេត្ត កងកម្លាំងមានសមត្ថកិច្ចខេត្ត មន្ទីរជំនាញជុំវិញខេត្ត និងអាជ្ញាធរមូលដ្ឋានក្រុងសៀមរាប និងសង្កាត់ជ្រាវ នៃខេត្តសៀមរាប ដែលមានសមាសភាពចូលរួមសរុបចំនួន២៤នាក់ ចុះពិនិត្យទីតាំងជាក់ស្តែង និងចាត់វិធានការទប់ស្កាត់សកម្មភាពឈួសឆាយទន្ទ្រានដីព្រៃលិចទឹកក្នុងតំបន់២ ស្ថិតក្នុងទីតាំងភូមិសាស្ត្រខាងលើ ដោយអនុវត្តតាមច្បាប់ និងបទបញ្ញត្តិដែលមានស្រាប់ ក្នុងការហាមឃាត់ការឈូសឆាយដីព្រៃ និងធ្វើការកសាងហេដ្ឋារចនាសម្ព័ន្ធក្នុងតំបន់២ ដែលនាំឱ្យប៉ះពាល់របបទឹក គម្របដី ជីវចម្រុះ និងប្រព័ន្ធអេកូឡូស៊ី ។ល។

ក្នុងដំណើរចុះពិនិត្យនេះផងដែរ ឯកឧត្តមបានជម្រុញអាជ្ញាធរមូលដ្ឋានបង្កើនការយកចិត្តទុកដាក់បន្ថែមទៀតក្នុងការអប់រំផ្សព្វផ្សាយ ពន្យល់ ណែនាំអំពីខ្លឹមសារស្មារតីអនុក្រឹត្យលេខ ៨៣ អនក្រ.បក ចុះថ្ងៃទី២៦ ខែមេសា ឆ្នាំ២០២៣ ស្តីពីការកំណត់សិទ្ធិប្រេីប្រាស់ និងអាស្រ័យផលលេីដីរដ្ឋ ក្នុងដែនដីតំបន់ទ្រនាប់នៃដែនព្រៃលិចទឹក (តំបន់២) ជុំវិញបឹងទន្លេសាបស្ថិតក្នុងភូមិសាស្ត្រខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ។

សូមបញ្ជាក់ថា តំបន់បឹងទន្លេសាប ត្រូវបានបែងចែកជា ៣ តំបន់ :
-តំបន់១ ជាតំបន់លំនៅដ្ឋាន ឬភូមិករ និងជាតំបន់បង្កបង្កើនផលរបស់ប្រជាពលរដ្ឋ ដែលទទួលបានសិទ្ធិកាន់កាប់ស្របច្បាប់ (ប័ណ្ណកម្មសិទ្ធិ)
-តំបន់២ ជាតំបន់ប្រើប្រាស់អាស្រ័យផល ស្រូវឡើងទឹកនិងប្រដេញទឹក និងក៏ជាតំបន់ទ្រនាប់ការពារ
-តំបន់៣ តំបន់ព្រៃលិចទឹក ហាមប៉ះពាល់ដាច់ខាត និងត្រូវការពារឱ្យខានតែបាន ៕

កិច្ចប្រជុំពិភាក្សាអន្តរក្រសួង ជាមួយអាជ្ញាធរដែនដី និងមន្ទីរជំនាញក្នុងខេត្តពោធិ៍សាត់ ពីផែនការអនុវត្តគម្រោងអភិវឌ្ឍន៍តំបន់អភិរក្សពហុចម្រុះអេកូទេសចរណ៍សហគមន៍ ឃុំស្នាអន្សា ស្រុកក្រគរ ខេត្តពោធិ៍សាត់

2024-06-21T22:05:55+00:00

សាលប្រជុំរដ្ឋបាលសាលាខេត្តពោធិ៍សាត់, នាព្រឹកថ្ងៃសុក្រ ១៥កើត ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២១ ខែមិថុនា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អមដោយ ឯកឧត្តម ជា សុខនី អគ្គលេខាធិការរង តំណាងដ៏ខ្ពង់ខ្ពស់ ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប បានដឹកនាំប្រតិភូអន្តរក្រសួងស្ថាប័នជំនាញ រួមមាន : ក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, ក្រសួងបរិស្ថាន, និងក្រសួងទេសចរណ៍ ប្រជុំពិភាក្សាជាមួយអាជ្ញាធរខេត្ត ស្រុក ឃុំ និងមន្ទីរជំនាញពាក់ព័ន្ធក្នុងខេត្តពោធិ៍សាត់ ដែលដឹកនាំដោយ ឯកឧត្តម ឡាយ វិសិដ្ឋ អភិបាលរង តំណាងឯកឧត្តមអភិបាលនៃគណ:អភិបាលខេត្តពោធិ៍សាត់ ដើម្បីស្វែងយល់ពីផែនការអនុវត្តគម្រោងអភិវឌ្ឍន៍តំបន់អភិរក្សពហុចម្រុះអេកូទេសចរណ៍សហគមន៍ ស្ថិតក្នុងភូមិសាស្ត្រឃុំស្នាអន្សា ស្រុកក្រគរ ខេត្តពោធិ៍សាត់ ។

សូមជម្រាបថា គម្រោងអភិវឌ្ឍន៍តំបន់អភិរក្សពហុចម្រុះអេកូទេសចរណ៍សហគមន៍ ក្នុងទីតាំងខាងលើ ត្រូវបានផ្តួចផ្តើមដោយប្រជាពលរដ្ឋ និងអាជ្ញាធរមូលដ្ឋានស្រុកក្រគរ នៅលើទំហំផ្ទៃដីសរុប ២៦៦៧,១៧ ហិកតា ស្ថិតក្នុងតំបន់២ និងតំបន់៣ នៃបឹងទន្លេសាប ក្នុងគោលបំណង : ១.ការពារនិងទប់ការលួចដុតទន្ទ្រានព្រៃលិចទឹក, ២.រក្សាជម្រកត្រីសត្វស្លាប និងជីវចម្រុះតំបន់បឹងទន្លេសាប, ៣.ជម្រុញសក្តានុពលអេកូទេសចរក្នុងការលើកកម្ពស់ជីវភាពរស់នៅរបស់ប្រជាពលរដ្ឋ និងសហគមន៍ ។

បន្ទាប់ពីស្តាប់ការពន្យល់បង្ហាញ និងជជែកពិភាក្សាដោយយកចិត្តទុកដាក់ក្នុងស្មារតីការពារ និងទប់ស្កាត់ផលប៉ះពាល់បឹងទន្លេសាប ជាសម្បត្តិធនធានធម្មជាតិដ៏កម្រមិនអាចកាត់ថ្លៃបានជាពិសេសត្រូវចូលរួមអនុវត្តឱ្យមានប្រសិទ្ធភាពនូវបទបញ្ជាណែនាំដ៏ថ្លៃថ្លាបំផុតរបស់ សម្តេចធិបតី នាយករដ្ឋមន្ត្រី ត្រូវយកចិត្តទុកដាក់ការពារ ថែរក្សា និងគ្រប់គ្រងតំបន់បឹងទន្លេសាបប្រកបដោយមានចីរភាព និងនិរន្តរភាព សម្រាប់អាយុជីវិតប្រទេសជាតិ និងបន្តអោយអ្នកជំនាន់ក្រោយ ។ អង្គប្រជុំ ក៏បានស្នើអោយអាជ្ញាធរដែនដីខេត្ត ស្រុក និងឃុំ ធ្វើការសហការសិក្សា ពិនិត្យពិចារណាឡើងវិញ ជាពិសេសលើរាល់ច្បាប់ និងបទដ្ឋានគតិយុត្តិដែលមានស្រាប់ និងត្រូវឱ្យមានការពិភាក្សាឱ្យបានល្អិតល្អន់ជាមួយមន្ទីរជំនាញជុំវិញខេត្តដែលជាសេនាធិការផ្ទាល់នៅថ្នាក់ក្រោមជាតិឱ្យក្រសួងស្ថាប័នជំនាញថ្នាក់ជាតិ ។

សូមបញ្ជាក់ថា តំបន់បឹងទន្លេសាប ត្រូវបានបែងចែកជា ៣ តំបន់ :
-តំបន់១ ជាតំបន់លំនៅដ្ឋាន ឬភូមិករ និងជាតំបន់បង្កបង្កើនផលរបស់ប្រជាពលរដ្ឋ ដែលទទួលបានសិទ្ធិកាន់កាប់ស្របច្បាប់ (ប័ណ្ណកម្មសិទ្ធិ)
-តំបន់២ ជាតំបន់ប្រើប្រាស់អាស្រ័យផល ស្រូវឡើងទឹកនិងប្រដេញទឹក និងក៏ជាតំបន់ទ្រនាប់ការពារ
-តំបន់៣ តំបន់ព្រៃលិចទឹក ហាមប៉ះពាល់ដាច់ខាត និងត្រូវការពារអោយខាងតែបាន៕

កិច្ចប្រជុំ ស្តីពីការពិនិត្យ និងធ្វើបច្ចុប្បន្នភាពពង្រឹងការងារស្នូលរបស់អគ្គលេខាធិការដ្ឋាននៃអាជ្ញាធរទន្លេសាប

2024-06-19T17:22:10+00:00

នៅព្រឹកថ្ងៃពុធ ១៣កើត ខែជេស្ឋ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី១៩ ខែមិថុនា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប តំណាងដ៏ខ្ពង់ខ្ពស់របស់ ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប បានដឹកនាំកិច្ចប្រជុំជាមួយថ្នាក់ដឹកនាំ និងមន្ត្រីថ្នាក់នាយកដ្ឋាន ក្រោមឱវាទអគ្គលេខាធិការដ្ឋាន នៃអាជ្ញាធរទន្លេសាប ដើម្បីពិនិត្យ និងបច្ចុប្បន្នភាពពង្រឹងការងារស្នូលរបស់ អគ្គលេខាធិការដ្ឋាននៃអាជ្ញាធរទន្លេសាប ។
សូមជម្រាបថា កិច្ចប្រជុំព្រឹកនេះ ឯកឧត្តមប្រធានអង្គប្រជុំ បានដាក់ចេញនូវគំនិតផ្តួចផ្តើម និងគោលបំណង ដើម្បីឈានទៅពង្រឹងការងារស្នូលរបស់ស្ថាប័ន ឱ្យមានប្រសិទ្ធភាព ជូនថ្នាក់ដឹកនាំអាជ្ញាធរទន្លេសាប និងរាជរដ្ឋាភិបាល រួមមាន ៖
ទី១. ពិនិត្យវត្តមាន និងការងាររបស់ថ្នាក់ដឹកនាំ និងមន្ត្រីក្រោមឱវាទអគ្គលេខាធិការដ្ឋាន និងនាយកដ្ឋាន ឈានទៅបន្ស៊ីនឹងការវាយតម្លៃមុខងាររបស់មន្ត្រីក្នុងស្ថាប័ន ដើម្បីឱ្យមានចរន្តការងារក្នុងស្ថាប័នប្រកបដោយសង្គតិភាព
ទី២. ពិនិត្យបែងចែកការទទួលបន្ទុកលើការរៀបចំ និងផលិតរបាយការណ៍បច្ចេកទេសសំខាន់ៗ លើលទ្ធផលសិក្សាស្រាវជ្រាវ ពាក់ព័ន្ធនឹងបញ្ហាបឹងទន្លេសាប ។
បន្ទាប់ពីទទួលបាននូវរាល់គំនិតផ្តួចផ្តើម និងសេចក្តីពន្យល់ច្បាស់លាស់ ក្នុងគោលដៅឈានទៅបច្ចុប្បន្នភាពពង្រឹងការងារស្នូលរបស់ អគ្គលេខាធិការដ្ឋាន អាជ្ញាធរទន្លេសាប ។ អង្គប្រជុំ បានធ្វើការពិភាក្សាដោយយកចិត្តទុកដាក់លើគំនិតផ្តួចផ្តើមខាងលើ និងរីករាយបន្តអនុវត្តការងារ ដើម្បីធានាពង្រឹងប្រសិទ្ធភាពការងារស្នូលរបស់នាយកដ្ឋាននីមួយៗ ក៏ដូចជាកិច្ចការស្នូលរបស់អគ្គលេខាធិការដ្ឋានផងដែរ ។
សូមបញ្ជាក់ថា អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ក្នុងអាណត្តិការងារ សម្របសម្រួល សម្រាប់ការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប ។ ជាមួយនឹងតួនាទីភារកិច្ច និងការទទួលខុសត្រូវស្នូលប្រចាំថ្ងៃ អាជ្ញាធរទន្លេសាប ក៏បានរៀបចំកសាង និងកំពុងអនុវត្តនូវផែនការយុទ្ធសាស្ត្រ ៥ ឆ្នាំ (២០២៤-២០២៨) របស់ខ្លួន រួមជាមួយផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន អាជ្ញាធរទន្លេសាប ផងដែរ៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-06-17T14:33:06+00:00

កាលពីថ្ងៃអង្គារ ៥ កើត ដល់ថ្ងៃសៅរ៍ ៩ កើត ខែជេស្ធ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ១១ ដល់ថ្ងៃទី ១៥ ខែមិថុនា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

១. គោលបំណងសិក្សា :
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ។
- មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមានប្រសិទ្ធភាព និងនិរន្តរភាព។
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។
២. ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យ ហ្វ្រេកង់បណ្តោយ និងបណ្តោយទម្ងន់ របស់ត្រីគ្រប់ប្រភេទដែលបានរកឃើញ
- អង្កេតឧបករណ៍ចេញនេសាទតាមខែ
- អង្កេតចំនួនថ្ងៃចេញនេសាទតាមខែ និង
- ប្រើប្រាស់កម្មវិធី (MicrosoftAccess) ដើម្បីវិភាគទិន្នន័យ...
៣. តំបន់គោលដៅនៃការសិក្សា:
- ស្រុកបរិបូរណ៌: មានឃុំឆ្នុកទ្រូ កំពង់ព្រះគគី ត្រពាំងចាន់ និងឃុំពន្លៃ
- ស្រុកកំពង់លែង: មានឃុំកំពង់ហៅ ឃុំប្រឡាយមាស និងឃុំផ្លូវទូក
- ក្រុងកំពង់ឆ្នាំង: មានសង្កាត់ផ្សារឆ្នាំង និងសង្កាត់ខ្សាម។
៤. លទ្ធផលការសិក្សាសង្ខេប:
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries) ចំនួន ១,៥៩៧ គ្រួសារ ប្រើប្រាស់ឧបករណ៍នេសាទ ១៤ ប្រភេទផ្សេងៗគ្នា។ ក្នុងនឹងមានឧបករណ៍នេសាទ ដោយលបណ ឬ រ៉ាវ ទំនើប ប្រើសាច់មងក្រឡាញឹក (ភាសាក្នុងតំបន់ហៅ បរ/បរណរ៉ាវ/លបលូកង ឬលបកង) ជាច្រើនករណី។
- ផលចាប់សរុប: ៣៨៦.៥៣ តោន
- ប្រភេទត្រីបូកយោង ១៤៩ ប្រភេទ
- តម្លៃផលនេសាទសរុប: ២១២៥.៩២ លានរៀល
- តម្លៃផលនេសាទគិតជាដុល្លារស្មើនឹង ៥១៨,៥១៥.៨៥ ដុល្លារសហរដ្ឋអាម៉េរិក (៤,១០០៛/១ដុល្លារ)
៥. អនុសាសន៍
- យោងសេចក្តីជូនដំណឹង ពីរដ្ឋបាលជលផល ស្តីពី រដូវបិទនេសាទឆ្នាំ២០២៤ នេះ អ្នកនេសាទទាំងអស់ត្រូវប្រើតែឧបករណ៍នេសាទគ្រួសារ ដែលមានចែងក្នុងប្រកាសលេខ ៤៥៨ ប្រក.កសក ចុះថ្ងៃទី២២ ខែតុលា ឆ្នាំ២០១២។
សូមជម្រាបជូន នៅក្នុងប្រកាសនេះបានអនុញ្ញាតឱ្យធ្វើនេសាទគ្រួសារនៅក្នុងរដូវបិទនេសាទ មានចំនួន ៤៤ ប្រភេទឧបករណ៍។ នៅក្នុងឧបករណ៍ ៤៤ ប្រភេទនេះ សូមលើកយកតែឧបករណ៍នេសាទមួយប្រភេទដែលអ្នកនេសាទនិយមចូលចិត្តប្រើតាំងពីដូនតាគឺ ឧបករណ៍ លប។ តែការប្រើប្រាស់ក្នុងការចាប់ត្រី មិនឱ្យប្រើរបាំងព្រួលរួមផ្សំលើសពី១០ម៉ែត្រនោះទេ។ល។ ប៉ុន្តែតាមការសិក្សាស្រាវជ្រាវវាយតម្លៃផលចាប់ ចូលឆ្នាំទី ៣ ហើយ បានបង្ហាញឱ្យឃើញថា ឧបករណ៍ លបណរ៉ាវ ទំនើបនេះប្រើសាច់មងទំហំក្រឡា ១ ស.ម បួនជ្រុង ប្រវែងរាប់រយ ពាន់ម៉ែត្រ មានប្រសិទ្ធភាពខ្ពស់ណាស់ក្នុងការចាប់ត្រីទាំងរដូវបិទ និងរដូវបើកនេសាទ ជាច្រើនករណីផ្ទុយពីច្បាប់ បណ្តាលឱ្យផលស្តុកត្រីមានការធ្លាក់ចុះយ៉ាងខ្លាំង។ រដ្ឋបាលជលផល មានរចនាសម្ព័ន្ធគ្រប់គ្រងគ្រប់គ្រាន់ មានដូចជា: អធិការដ្ឋាន ខាងជើង និងខាងត្បូងបឹងទន្លេសាបមានខណ្ឌ មានផ្នែក និងសង្កាត់រដ្ឋបាលជលផល។ ជាពិសេស មានផ្នែក និងសង្កាត់នេសាទ នៅប្រចាំការជាអចិន្ត្រៃយ៍តាមតំបន់ជុំវិញបឹងទន្លេសាប។ ការងារអនុវត្តច្បាប់របស់រដ្ឋបាលជលផល មាន ការងារអធិការកិច្ច ការអង្កេត ការងារតាមដាន និងការត្រួតពិនិត្យរាល់សកម្មភាពជលផលក្នុងតួនាទីជានគរបាលយុត្តិធម៌។ មិនត្រូវឱ្យកើតមានបទល្មើសនេសាទ ផ្ទុយនឹងច្បាប់ច្រំដែលៗដុះស្នឹមយ៉ាងដូច្នេះទេ។ ជាពិសេស លប ណ ឬរ៉ាវ ទំនើប ប្រើសាច់មងនេះ បំផ្លាញធនធានជលផលយ៉ាងខ្លាំង។
អគ្គលេខាធិការដ្ឋានអាជ្ញាធរទន្លេសាប មាននាយកដ្ឋាននីតិកម្ម និងផ្សព្វផ្សាយដែលជានាយកដ្ឋានអង្គច្បាប់ ត្រូវតែចាប់អារម្មណ៍ពិភាក្សាសុំគោលការណ៍ថ្នាក់ដឹកនាំដើម្បីចុះប្រមូលភស្តុតាងជាក់ស្តែងឱ្យបានគ្រប់ជ្រុងជ្រោយនៅតំបន់ចាំបាច់ជាមុនសិន ជូនថ្នាក់ដឹកនាំយើងវិញ មានមូលដ្ឋានគ្រប់គ្រាន់ជាលក្ខណ:ច្បាប់ ដើម្បីរាយការណ៍ជូនរាជរដ្ឋាភិបាល ទទួលបាននូវប្រសិទ្ធភាពមួយជំហ៊ានដំបូងសិន ហើយសុំបន្ដដំណើរទៅកន្លែងដ៏ទៃទៀត។

ចរាចរណ៍ត្រីពីទន្លេសាប ចូលបឹងទន្លេសាប ដើម្បីរកកន្លែងពងកូន ត្រូវបានរាំងស្ទះចាប់ដោយ ឧបករណ៍ លបណរ៉ាវ ទំនើប ជាច្រើនករណី មាន ៣ ខេត្តព្រុំប្រទល់ជាប់គ្នាគឺ:
+ ឃុំឆ្នុកទ្រូ ស្រុកបរិបូរណ៌ ខ.កំពង់ឆ្នាំង
+ ឃុំអន្សាចំបក់ ស្រុកក្រគរ ខ.ពោធិ៍សាត់
+ ឃុំផាត់សណ្តាយ ស្រុកកំពង់ស្វាយ ខ.កំពង់ធំ៕

ឯកឧត្តមអនុប្រធានក្តាប់រួម អាជ្ញាធរទន្លេសាប អមដោយថ្នាក់ដឹកនាំ និងមន្ត្រីបច្ចេកទេសអគ្គលេខាធិការដ្ឋាន អាជ្ញាធរទន្លេសាប ចុះពិនិត្យទីតាំងនិយាមកាបោះបង្គោលព្រំ និងស្ថានភាពព្រៃលិចទឹកក្នុងតំបន់៣ ស្ថិតក្នុងភូមិសាស្ត្រខេត្តបាត់ដំបង

2024-06-17T09:53:55+00:00

ទទួលបានការណែនាំចង្អុលបង្ហាញដ៏ខ្ពង់ខ្ពស់ពី ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នាថ្ងៃសៅរ៍ ៩កើត ដល់ថ្ងៃអាទិត្យ ១០កើត ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៥ ដល់ថ្ងៃទី១៦ ខែមិថុនា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អមដោយឯកឧត្តម សរ គឹមសាន្ត អគ្គលេខាធិការ បានដឹកនាំក្រុមការងារមន្ត្រីបច្ចេកទេសក្រោមឱវាទអគ្គលេខាធិការដ្ឋាន អាជ្ញាធរទន្លេសាប ចុះពិនិត្យទីតាំងនិយាមកាបោះបង្គោលព្រំ និងស្ថានភាពព្រៃលិចទឹកក្នុងតំបន់៣ ស្ថិតក្នុងទីតាំងភូមិសាស្ត្រស្រុកម៉ោងឫស្សី ស្រុកសង្កែ និងស្រុកថ្មគោល ខេត្តបាត់ដំបង ។

សូមជម្រាបថា នៅក្នុងដំណើរបេសកកម្មខាងលើ រយ:ពេលពីរថ្ងៃរបស់ថ្នាក់ដឹកនាំ និងមន្ត្រីបច្ចេកទេសអាជ្ញាធរទន្លេសាប ក៏មានការអញ្ជើញចូលរួមយ៉ាងផុលផុសពីមន្ត្រីអាជ្ញាធរខេត្ត តំណាងមន្ទីរជំនាញខេត្ត អាជ្ញាធរស្រុក ឃុំ ភូមិ និងសហគមន៍តាមទីតាំងភូមិសាស្ត្រពាក់ព័ន្ធផងដែរ ។ ខេត្តបាត់ដំបង មានស្រុកចំនួន ៤ និងឃុំចំនួន ១៨ ក្រោមផ្លូវជាតិលេខ ៥ ជាប់នឹងតំបន់បឹងទន្លេសាប ដែលមានចំនុចនិយាមកាបោះបង្គោលឡើងវិញសរុបចំនួន ១៧១ ក្នុងទំហំផ្ទៃដីព្រៃលិចទឹកសរុបប្រមាណជាង ១៩២ ៩១០.៨៨ ហិកតា ត្រូវតែការពារឱ្យខាងតែបាន ក្រោយការកាត់ឆ្វៀល និងកែសម្រួលព្រំឆ្នាំ២០២២-២០២៣ ជូនប្រជាពលរដ្ឋសម្រាប់ប្រើប្រាស់ អាស្រ័យផល និងរក្សាទុកជាតំបន់ទ្រនាប់ការពារ ។ ជាមួយដំណើរបេសកកម្មនេះផងដែរ ក្រុមការងារ ក៏បានពិនិត្យឃើញថា ដែនព្រៃលិចទឹក និងព្រៃលិចទឹកតំបន់៣ ក្នុងភូមិសាស្ត្រខេត្តបាត់ដំបង ត្រូវបានការពារ និងទប់ស្កាត់យ៉ាងម៉ឺងមាត់ ក្រោមចំណាត់ការ និងការយកចិត្តទុកដាក់ខ្ពស់របស់រដ្ឋបាលខេត្តបាត់ដំបង ក្នុងការចូលរួម និងអនុវត្តបទបញ្ជាណែនាំដ៏ខ្ពង់ខ្ពស់បំផុតរបស់សម្តេចធិបតី នាយករដ្ឋមន្ត្រី ក្នុងការលើកកម្ពស់ប្រសិទ្ធភាពការអនុវត្តគោលនយោបាយរបស់រាជរដ្ឋាភិបាលកម្ពុជា ។

សូមបញ្ជាក់ផងដែរថា ក្រោយពីទទួលបានអនុសាសន៍ណែនាំដ៏ខ្ពង់ខ្ពស់បំផុតរបស់ សម្តេចមហាបវរធិបតី នាយករដ្ឋមន្ត្រីនៃព្រះរាជាណាចក្រកម្ពុជា លើការរៀបចំធ្វើបច្ចុប្បន្នភាពផែនទី និងបោះបង្គោលតំបន់១ តំបន់២ និងតំបន់៣ ឱ្យបានត្រឹមត្រូវ និងសុក្រឹតភាព ក្នុងការគិតគូរយកចិត្តទុកដាក់ដល់ការថែរក្សា ការពារ និងគ្រប់គ្រងតំបន់ទន្លេសាបប្រកបដោយចីរភាព និងនិរន្តរភាពសម្រាប់បន្តដល់កូនចៅជំនាន់ក្រោយ ។ គិតមកត្រឹមថ្ងៃទី១៦ ខែមិថុនា ឆ្នាំ២០២៤ អាជ្ញាធរទន្លេសាប បានដំណើរការបោះបង្គោលព្រំតំបន់៣ ក្នុងភូមិសាស្ត្រខេត្តទាំង ៦ ជុំវិញបឹងទន្លេសាប បានចំនួន ៣០% នៃចំនួនបង្គោលសរុបចំនួន ១២២៤ បង្គោល និងបានកំពុងតែបន្តជីករណ្តៅពន្លឿនការសាងសង់បង្គោល ដើម្បីឱ្យបានចប់ ១០០% តាមផែនការគ្រោងទុកមុនទឹកដំឡើងលិចដែនព្រៃលិចទឹកតំបន់៣៕

ក្រុមការងារមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើសក្តានុពលទេសចរណ៍ និងខ្សែសង្វាក់សេវាកម្មទេសចរណ៍ធម្មជាតិក្នុងឃុំកំពង់ភ្លុក ស្រុកប្រាសាទបាគង ខេត្តសៀមរាប

2024-06-16T11:22:37+00:00

នៅថ្ងៃអង្គារ ៥កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែមិថុនា ឆ្នាំ២០២៤ ក្រុមការងារមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើ សក្តានុពលទេសចរណ៍ និងខ្សែសង្វាក់សេវាកម្មទេសចរណ៍ធម្មជាតិក្នុងឃុំកំពង់ភ្លុក ស្រុកប្រាសាទបាគង ខេត្តសៀមរាប ។

ការចុះសិក្សារបស់ក្រុមការងារមានដូចខាងក្រោម៖
- ជួបជាមួយនឹងតំណាងអ្នកសម្របសម្រួលទេសចរណ៍នៅក្នុងឃុំកំពង់ភ្លុក ពិភាក្សា និងស្វែងយល់ពីស្ថានភាពទូទៅនៃទេសចរណ៍ដែលមាននៅក្នុងឃុំកំពង់ភ្លុក ស្រុកប្រាសាទបាគង ខេត្តសៀមរាប រួមបញ្ចូលទាំង ចំនួនភ្ញៀវទេសចរណ៍មកទស្សនា។
- ការរៀបចំបែងចែកវេនសម្រាប់ប្រជាជនដែលបើកទូកដឹកភ្ញៀវទេសចរណ៍ ចំនួនប្រជាពលរដ្ឋដែលបម្រើសេវាកម្មទេសចរណ៍ (ចំនួនអ្នកបើកទូក/កាណូត ចំនួនផ្ទះស្នាក់)។
- ជួបជាមួយអាជ្ញាធរដែនដី ថ្នាក់ឃុំ អំពីផែនការដែលឃុំចូលរួមក្នុងការជួយដល់ផ្នែកទេសចរណ៍ក្នុងតំបន់ និងដៃគូសហការនានាពាក់ព័ន្ធនឹងវិស័យទេសចរណ៍ដែលជួយដល់ឃុំកំពង់ភ្លុក ។

ជាមួយនឹងសកម្មភាពក្រុមការងារចុះសិក្សានៅតំបន់ពាក់ព័ន្ធខាងលើនេះជាលទ្ធផលមានដូចជា៖
១. ចំនួនទូក/កាណូតដែលបម្រើដល់ភ្ញៀវទេសចរណ៍ដែលទំហំមធ្យមផ្ទុកមនុស្ស (១-៤៩) ដែលតម្លៃអាស្រ័យទៅតាមទំហំទូក/កាណូត
២. ចំនួនទូកអុំសរុបទាំង ០៣ភូមិក្នុងឃុំកំពង់ភ្លុកមានចំនួន ១៣០ទូក ដែលបច្ចុប្បន្នមិនទាន់ដំណើការនៅឡើយ ដោយសារការគោករាក់ដែលមិនអាចអុំទូកបាន
៣. ចំនួនផ្ទះស្នាក់ដែលមាននៅក្នុងឃុំកំពង់ភ្លុកមានចំនួន០៦ ដែលក្នុង១ខែមានចំនួនភ្ញៀវ ១ក្រុម ទៅ២ក្រុម (ឆ្នាំ២០២៣) ប៉ុន្តែក្នុងឆ្នាំ២០២៤ មិនទាន់មានភ្ញៀវស្នាក់នៅឡើយទេ
៤. ភ្ញៀវទស្សនានៅក្នុងតំបន់ឃុំកំពង់ភ្លុកមាន ភ្ញៀវអន្តរជាតិ ( ទស្សនានៅក្នុងចន្លោះខែ០៨ ដល់ខែ០៤ )ភ្ញៀវជាតិ ( ទស្សនានៅក្នុងរដូវបុណ្យទាននានា បុណ្យទន្លេ ភ្ជុំ ចូលឆ្នាំ ) បច្ចុប្បន្នចំនួនភ្ញៀវជាតិមានចំនួនតិចតួចប៉ុណ្ណោះមកទស្សនាក្នុងឃុំកំពង់ភ្លុក។

លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ និងលោក ខូវ វេងសុង ប្រធានការិយាល័យធនធានរ៉ែ នៃអាជ្ញាធរទន្លេសាប បានចូលរួមសិក្ខាសាលាបណ្តុះបណ្តាលស្តីពីការវាយតម្លៃហេតុផលប៉ះពាល់យេនឌ័រ (GIA) នៅខេត្តសៀមរាប

2024-06-15T12:43:15+00:00

ថ្ងៃពុធ ៦កើត និងថ្ងៃព្រហស្បតិ៍ ៧កើត ខែជេស្ឋ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ១២ ដល់ថ្ងៃទី ១៣ ខែមិថុនា ឆ្នាំ២០២៤ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ និងលោក ខូវ វេងសុង ប្រធានការិយាល័យធនធានរ៉ែ នៃអាជ្ញាធរទន្លេសាប បានចូលរួមសិក្ខាសាលាបណ្តុះបណ្តាលស្តីពីការវាយតម្លៃហេតុផលប៉ះពាល់យេនឌ័រ (GIA) នៅសណ្ឋាគារអង្គរប៉ារ៉ាឌី ក្នុងខេត្តសៀមរាប ដែលសហការរៀបចំដោយអង្គការ Oxfam និងអង្គការ Fact ។

សិក្ខាសាលានេះគឺមានគោលបំណង ៖
- ដើម្បីបង្កើនការយល់ដឹងពីអ្នកចូលរួមទាក់ទងនឹងគោលការណ៍ និងសារៈសំខាន់ នៃការវាយតម្លៃផលប៉ះពាល់យេនឌ័រ (GIA) ក្នុងដំណើរការអភិវឌ្ឍនានា។
- ដើម្បីផ្តល់ឱកាសដល់អ្នកចូលរួមក្នុងការផ្លាស់ប្តូរបទពិសោធន៍លើការប្រើប្រាស់ឧបករណ៍ និងវិធីសាស្ត្រនានា ពាក់ព័ន្ធការប៉ាន់ប្រមាណផលប៉ះពាល់បរិស្ថាន (EIA) ដែលបានដោះស្រាយបញ្ហាយេនឌ័របានគ្រប់ជ្រុងជ្រោយ។
- ដើម្បីបង្កើនឱកាសនៃការសិក្សារៀនសូត្រ និងសហការ ក្នុងចំណោមសិក្ខាកាមពាក់ព័ន្ធ នៃការធ្វើឱ្យប្រសើរឡើងនូវការវិភាគបញ្ហាយេនឌ័រ និងការវាយតម្លៃក្នុងការសម្រេចចិត្ត និងការអនុវត្តគោលនយោបាយ៕

លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ និងលោក ខូវ វេងសុង ប្រធានការិយាល័យធនធានរ៉ែ នៃអាជ្ញាធរទន្លេសាប បានចូលរួមសិក្ខាសាលាបណ្តុះបណ្តាលស្តីពីការវាយតម្លៃហេតុផលប៉ះពាល់យេនឌ័រ (GIA) នៅខេត្តសៀមរាប

2024-06-15T12:43:15+00:00

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំក្រុមការងារចុះពិនិត្យបាតុភាពរារាំងការដាំបង្គោលព្រំតំបន់៣ ក្នុងភូមិសាស្ត្រឃុំខុនរ៉ង ស្រុកបរិបូណ៌ ខេត្តកំពង់ឆ្នាំង

2024-06-14T08:58:46+00:00

ថ្ងៃពុធ ៦កើត ខែជេស្ឋ ឆ្នាំរោង ឆស័ក ព.ស.២៥៦៨ ត្រូវនឹង ថ្ងៃទី១២ ខែមិថុនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំក្រុមការងារចុះពិនិត្យបាតុភាពរារាំងការដាំបង្គោលព្រំតំបន់៣ ក្នុងភូមិសាស្ត្រឃុំខុនរ៉ង ស្រុកបរិបូណ៌ ខេត្តកំពង់ឆ្នាំង ដោយមានការអប់រំផ្សព្វផ្សាយ និងពន្យល់ ណែនាំអំពីខ្លឹមសារស្មារតីអនុក្រឹត្យលេខ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ ២០១១ និងអនុក្រឹត្យលេខ ៨៣ អនក្រ.បក ចុះថ្ងៃទី២៦ ខែមេសា ឆ្នាំ២០២៣ និងមានកិច្ចសហការចូលរួមពី ឯកឧត្តម ឡោ ដាវុធ រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ ឯកឧត្តម ហាស់ សារ៉េត រដ្ឋលេខាធិការ ក្រសួងកសិកម្ម រុក្ខាប្រមាញ់ និងនេសាទ ឯកឧត្តម សឹម យ៉ារ៉ែន អនុរដ្ឋលេខាធិការ ក្រសួងបរិស្ថាន លោក សុង ហុង អនុប្រធានរដ្ឋបាលជលផល , មេធាវីប្រចាំក្រសួងធនធានទឹក និងឧតុនិយម លោក សាន់ យូ អភិបាលរង នៃគណៈអភិបាលខេត្តកំពង់ឆ្នាំង អភិបាលរងស្រុក មេឃុំ ប៉ុស្តិ៍នគរបាលរដ្ឋបាលឃុំខុនរ៉ង ស្រុកបរិបូណ៌ ខេត្តកំពង់ឆ្នាំង មន្ទីរធនធានទឹក និងឧតុនិយមខេត្ត មន្ទីរកសិកម្ម រុក្ខាប្រមាញ់ និងនេសាទខេត្ត នាយកទីចាត់ការសាលាខេត្តការិយាល័យភូមិបាលស្រុក និងតំណាងប្រជាពលរដ្ឋ ៕

ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំក្រុមការងារចុះធ្វើការត្រួតពិនិត្យផ្ទៀងផ្ទាត់ការងារបោះបង្គោលព្រំតំបន់៣ ក្នុងភូមិសាស្ត្រឃុំតាប៉ុន ស្រុកសង្កែ និងឃុំព្រែកហ្លួង ស្រុកឯកភ្នំ ខេត្តបាត់ដំបង

2024-06-12T11:27:55+00:00

ថ្ងៃពុធ ១៤រោច ខែពិសាខ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៥ ខែមិថុនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំក្រុមការងារចុះធ្វើការត្រួតពិនិត្យផ្ទៀងផ្ទាត់ការងារបោះបង្គោលព្រំតំបន់៣ ក្នុងភូមិសាស្ត្រឃុំតាប៉ុន ស្រុកសង្កែ និងឃុំព្រែកហ្លួង ស្រុកឯកភ្នំ ខេត្តបាត់ដំបង ធ្វេីការណែនាំ ផ្សព្វផ្សាយ និងពន្យល់ អំពីខ្លឹមសារ ស្មារតីអនុក្រឹត្យលេខ៨៣ អនក្រ.បក ចុះថ្ងៃទី២៦ ខែមេសា ឆ្នាំ២០២៣ ដោយមានការចូលរួមសហការពីឯកឧត្តម សឿម ប៊ុនរិទ្ធិ អភិបាលរងនៃគណៈអភិបាលខេត្តបាត់ដំបង និងជាសមាជិកអាជ្ញាធរទន្លេសាប និងឯកឧត្តម យិន សុភី មេធាវីប្រចាំក្រសួងធនធានទឹក និងឧតុនិយម ព្រមទាំងមន្ទីរពាក់ព័ន្ធ អាជ្ញាធរស្រុក មេឃុំ កងកម្លាំង ក្រុមការងារបច្ចេកទេស សហគមន៍ និងប្រជាពលរដ្ឋ ៕

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ក្នុងខេត្តពោធិ៍សាត់

2024-06-07T14:51:11+00:00

នាថ្ងៃពុធ ១៤ រោច ខែពិសាខ ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី៥ ខែមិថុនា ឆ្នាំ២០២៤ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងក្រុមការងារបានបន្តចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ស្ថិតនៅក្នុងភូមិសាស្ត្រស្រុកក្រគរ ខេត្តពោធិ៍សាត់ ។

សូមជម្រាបជូនថា ការបន្តចុះអនុវត្តន៍សកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន និងប្រជាសហគមន៍ ដើម្បី ៖
- ជួបពិភាក្សាស្វែងយល់ និងប្រមូលទិន្នន័យ-ព័ត៌មានជាមួយខណ្ឌជលផលខេត្តពោធិ៍សាត់
- ជួបពិភាក្សាជាមួយអាជ្ញាធរដែនដី មានតំណាងភូមិអូរតាប្រ៉ុក តំណាងឃុំអូរសណ្តាន់ និងតំណាងអង្គភាពជំនាញពាក់ព័ន្ធ នៃសាលាស្រុកក្រគរ
- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទអូរតាប្រ៉ុក ។

សូមបញ្ជាក់ជូនថាៈ សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធានធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព៕

លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីការអង្កេតថ្នាក់ជាតិលើយេនឌ័រ និងបរិស្ថាននៅកម្ពុជា នៅសណ្ឋាគារកាំបូឌីយ៉ាណា

2024-06-06T07:13:50+00:00

នាថ្ងៃចន្ទ ១២ រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣ ខែមិថុនា ឆ្នាំ២០២៤ លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចូលរួមសិក្ខាសាលាពិគ្រោះយោបល់ថ្នាក់ជាតិ ស្តីពីការអង្កេតថ្នាក់ជាតិលើយេនឌ័រ និងបរិស្ថាននៅកម្ពុជា។

១. គោលបំណង៖
- ដើម្បីពិគ្រោះយោបល់ជាមួយអ្នកប្រើប្រាស់ និងអ្នកផលិតទិន្នន័យឆ្លើយតបបញ្ហាសមភាពយេនឌ័រ
- កំណត់អំពីតម្រូវការទិន្នន័យសំខាន់ៗស្របតាមគោលនយោបាយគន្លឹះបំពេញឱ្យផែន ការមេ ស្ដីពីយេនឌ័រ និងការប្រែប្រួលអាកាសធាតុ ផែនការសកម្មភាពជាតិស្ដីពីការកាត់បន្ថយហានិភ័យគ្រោះមហន្តរាយ
- កំណត់អំពីតម្រូវការទិន្នន័យផែនការយុទ្ធសាស្ត្រនារីរតនៈ IV ផែនការយុទ្ធសាស្ត្រអភិវឌ្ឍន៍ជាតិ និងយុទ្ធសាស្ត្រ និងផែនការសកម្មភាពស្ដីពីសេដ្ឋកិច្ច
- ដើម្បីពិនិត្យមើលកម្រងសំណួរអង្កេតលើយេនឌ័រ និងបរិស្ថានគំរូដែលនឹងប្រើប្រាស់អង្កេតលើយេនឌ័រ និងបរិស្ថាននៅកម្ពុជា ការកំណត់ពីប្រធានបទអាទិភាព
- ដើម្បីរៀបចំជំហានបន្ទាប់ជំរុញការប្រើប្រាស់ទិន្នន័យយេនឌ័រ និងបរិស្ថាននៅកម្ពុជា និងពិភាក្សាអំពីរបៀបទាញយកទិន្នន័យដែលបានពីការអង្កេតលើយេនឌ័រ និងបរិស្ថាន។

២. លទ្ធផល៖
- បានពិភាក្សាពីតម្រូវការព័ត៌មានសំខាន់ៗនៅកម្ពុជា
- បានកំណត់ពីអាទិភាពនៃការប្រមូលទិន្នន័យនៅក្នុងបរិបទយេនឌ័រ និងបរិស្ថាន រួមទាំងការប្រែប្រួលអាកាសធាតុ
- បានផ្លាស់ប្តូរទស្សនៈអំពីសំណួរនានានៅក្នុងប្រធានបទដែលគួរចាត់ទុកអាទិភាពការអង្កេតយេនឌ័រ និងបរិស្ថាន
- បានរៀបចំដាក់ចេញនៅជំហានបន្តបន្ទាប់ជម្រុញការប្រើប្រាស់ទិន្នន័យយេនឌ័រ និងបរិស្ថាននៅកម្ពុជា
-បានពិភាក្សាអំពីរបៀបយកទិន្នន័យដែលបានពីការអង្កេតយេនឌ័រសម្រាប់ធ្វើការសម្រេចចិត្តផ្អែកលើភស្តុតាង និងធ្វើការតាមដានគោលនយោបាយយេនឌ័រ អាកាសធាតុ ឬបរិស្ថានដែលកំពុងអនុវត្ត៕

លោកស្រី ទេស សុដាវី អនុប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានដឹកនាំដោយក្រុមការងារយេនឌ័រ នៃនាយកដ្ឋានរដ្ឋបាល ផែនការ និងសហប្រតិបត្តិការ បានបន្តចុះអនុវត្តន៍សកម្មភាព ស្តីពីការចុះសិក្សាពីការលើកកម្ពស់ការយល់ដឹង និងកសាងសមត្ថភាពយេ

2024-06-06T07:06:24+00:00

នាថ្ងៃសុក្រ ៩រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៣១ ខែឧសភា ឆ្នាំ២០២៤ ក្រុមការងារយេនឌ័រ បានចុះអនុវត្តសកម្មភាព ស្តីពីការចុះសិក្សាស្វែងយល់ពីការយល់ដឹងយេនឌ័រឱ្យស្គាល់អត្ថប្រយោជន៍ពីធនធានធម្មជាតិ នៅតំបន់បឹងទន្លេសាប ស្ថិតនៅឃុំព្រៃស្វាយ ស្រុកមោងឫស្សី ខេត្តបាត់ដំបង។

១. គោលបំណង៖
- ជួបអាជ្ញាធរមូលដ្ឋាន ប្រមូលព័ត៌មាន-ទិន្នន័យពាក់ព័ន្ធយេនឌ័រ
- ជួប និងពិភាក្សាពីតួនាទី ភារកិច្ចរបស់ស្ត្រី និងបុរស និងបញ្ហាយេនឌ័រពាក់ព័ន្ធនឹងការអនុវត្តការងារក្នុងការគ្រប់គ្រងធនធានធម្មជាតិ
- សិក្សាពីការយល់ដឹងក្នុងការចូលរួមរបស់យេនឌ័រលើគ្រប់គ្រង ការពារធនធានធម្មជាតិ នៅក្នុងតំបន់ជុំវិញបឹង ទន្លេសាប
- សិក្សាលើចំនួនស្ត្រី និងបុរសយល់ដឹងពីសារៈប្រយោជន៍ធនធានធម្មជាតិ និងការអាស្រ័យផលនៅរបស់បឹងទន្លេសាប
- សម្ភាសន៍ក្រុមប្រឹក្សាឃុំទទួលបន្ទុកការរងារស្ត្រី។

២. លទ្ធផល៖
- បានបញ្ជ្រាប និងពង្រឹងការយល់ដឹងពីយេនឌ័រ ជូនដល់អាជ្ញាធរមូលដ្ឋាន
- បានចែករំលែកចំណេះដឹង និងបទពិសោធន៍ជូនដល់អាជ្ញាធរមូលដ្ឋាន
- បានបង្កើនស្មារតីឱ្យស្ត្រីចូលរួម និងមានការសម្រេចចិត្តក្នុងការគ្រប់គ្រង និងការពារធនធានធម្មជាតិនៅតំបន់បឹងទន្លេសាប។

សូមជម្រាបជូនថាៈ សកម្មភាពចុះសិក្សាពីការយល់ដឹង និងការកសាងសមត្ថភាពយេនឌ័រលើការគ្រប់គ្រងធនធានធម្មជាតិ មានគោលបំណងឱ្យស្ត្រី និងបុរស មានការចូលរួម និងឱ្យយល់ដឹងពីសារៈប្រយោជន៍ពីធនធនធម្មជាតិក្នុងតំបន់ជុំវិញបឹងទន្លេសាបប្រកបដោយនិរន្តរភាព៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំប្រជុំពិភាក្សា និងដាក់ផែនការទិសដៅការងារបន្ត ជាមួយក្រុមការងារមន្ត្រីបច្ចេកទេស អគ្គលេខាធិការដ្ឋាន នៃអាជ្ញាធរទន្លេសាប

2024-06-06T00:05:33+00:00

បន្ទាប់ពីក្រុមការងារមន្ត្រីបច្ចេកទេសទទួលបន្ទុកត្រួតពិនិត្យផ្ទៀងផ្ទាត់ភាពត្រឹមត្រូវនិយាមកាបោះបង្គោលព្រំតំបន់ ៣ បានបញ្ចប់បេសកកម្មការងារទាំងស្រុងក្នុងការចុះផ្ទៀងផ្ទាត់និយាមកា ស្ថិតក្នុងភូមិសាស្ត្រខេត្តទាំង ៦ (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ) ជុំវិញតំបន់បឹងទន្លេសាប ។ នាព្រឹកថ្ងៃ អង្គារ ១៣រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ០៤ ខែ មិថុនា ឆ្នាំ ២០២៤ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានដឹកនាំប្រជុំពិភាក្សាពិគ្រោះយោបល់ ជាមួយក្រុមការងារមន្ត្រីបច្ចេកទេសទាំងនោះ ដើម្បីស្វែងយល់ពីមូលហេតុ និងឫសគល់បញ្ហានានា បានកើតឡើងក្នុងអំឡុងពេលចុះអនុវត្តការងារ និងទិដ្ឋភាពនៃការរំលោភបំពានទន្ទ្រានដីព្រៃលិចទឹក នៅតាមទីតាំងភូមិសាស្ត្រជាក់ស្តែងនីមួយៗក្នុងខេត្តទាំង ៦ ជុំវិញបឹងទន្លេសាប ។ បន្ទាប់ពីបានស្តាប់សេចក្តីរាយការណ៍ និងពិគ្រោះយោបល់ជាមួយសមាជិកក្រុមការងារមន្ត្រីបច្ចេកទេស ឯកឧត្តមប្រធានអង្គប្រជុំ បានផ្តល់ការណែនាំ និងដាក់ផែនការទិសដៅបន្តអនុវត្តការងារឱ្យមានប្រសិទ្ធភាព សំដៅដល់ការគ្រប់គ្រង និងធានាប្រសិទ្ធភាពការប្រើប្រាស់ដីធ្លី និងធនធានធម្មជាតិតំបន់បឹងទន្លេសាបប្រកបដោយចីរភាព និងនិរន្តរភាពសម្រាប់បន្តដល់កូនចៅជំនាន់ក្រោយ ។

សូមបញ្ជាក់ថា អាជ្ញាធរទន្លេសាប ជាស្ថាប័នថ្នាក់ជាតិសេនាធិការផ្ទាល់ឱ្យរាជរដ្ឋាភិបាល ក្នុងតួនាទី ភារកិច្ច សម្រាប់សម្របសម្រួលក្នុងការគ្រប់គ្រង អភិរក្ស និងអភិវឌ្ឍតំបន់ទន្លេសាប ។ ផ្សារភ្ជាប់ជាមួយតួនាទី ភារកិច្ចនេះ អាជ្ញាធរទន្លេសាប បាននិងកំពុងដើរតួនាទីយ៉ាងសកម្មប្រកបដោយការយកចិត្តទុកដាក់ខ្ពស់បំផុត ក្នុងការចុះអនុវត្តបទបញ្ជារបស់រាជរដ្ឋាភិបាល បន្ទាប់ពីទទួលបានអនុសាសន៍ណែនាំដ៏ខ្ពង់ខ្ពស់បំផុតពី សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នាឱកាសពិធីបិទអង្គសន្និបាតបូកសរុបការងារកសិកម្ម រុក្ខាប្រមាញ់ និងនេសាទ កាលពីថ្ងៃទី៣០ ខែមករា ឆ្នាំ២០២៤ និងអនុវត្តខ្លឹមសារសេចក្តីជូនដំណឹងលេខ ១៨៨ សជណ របស់រាជរដ្ឋាភិបាល ក្នុងការធ្វើបច្ចុប្បន្នភាពផែនទីតំបន់ ១ តំបន់ ២ តំបន់ ៣និងបោះបង្គោលការពារដែនព្រៃលិចទឹក ដើម្បីការពារ ថែរក្សា ទប់ស្កាត់ និងគ្រប់គ្រងធនធនធម្មជាតិនៅក្នុងតំបន់ទន្លេសាបប្រកបដោយចីរភាព ។

សូមជម្រាបផងដែរថា បន្ទាប់ក្រុមការងារមន្ត្រីបច្ចេកទេសទទួលបន្ទុករៀបចំផែនទី បានកំណត់ផែនទី និងនិយាមកាតាមរូបភាពលើអាកាស ដោយគិតចាប់ពីថ្ងៃទី ០១ ខែមេសា មកទល់នឹងត្រឹមថ្ងៃទី ០៤ ខែមិថុនា ឆ្នាំ ២០២៤ នេះ ក្រុមការងារមន្ត្រីបច្ចេកទេសទទួលបន្ទុកពិនិត្យផ្ទៀតផ្ទាត់ភាពត្រឹមត្រូវនិយាមកាក្នុងភូមិសាស្ត្រខេត្តទាំង ៦ បានបញ្ចប់ទាំងស្រុង (១០០%) និងបានសង់បង្គោលព្រំតំបន់ ៣ ដែនព្រៃលិចទឹកជុំវិញបឹងទន្លេសាប សម្រេចបាន ២១.២០% និងបានកំពុងតែបន្តជីករណ្តៅសាងសង់បង្គោលជាបន្តបន្ទាប់ ដើម្បីបញ្ចប់តាមផែនការគ្រោងទុកឱ្យបានមុនទឹកដំឡើងលិចដែនព្រៃលិចទឹកតំបន់ ៣ ៕

ក្រុមការងារមន្ត្រីបច្ចេកទេសទទួលបន្ទុកពិនិត្យតាមដានការសាងសង់បង្គោលតំបន់ ៣ នៃអគ្គលេខាធិការដ្ឋានអាជ្ញាធរទន្លេសាប ចុះពិនិត្យការសាងសង់បោះបង្គោលព្រំការពារដែនព្រៃលិចទឹក និងព្រៃលិចទឹកតំបន់៣ ក្នុងតំបន់បឹងទន្លេសាប

2024-06-05T23:55:43+00:00

បន្ទាប់ពីក្រុមការងារមន្ត្រីបច្ចេកទេសទទួលបន្ទុកត្រួតពិនិត្យនិយាមកា បានបញ្ចប់ការចុះផ្ទៀងផ្ទាត់ភាពត្រឹមត្រូវនិយាមកា នៅតាមបណ្តាខេត្តទាំង ៦ (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ) ជុំវិញបឹងទន្លេសាប នាថ្ងៃសុក្រ ៩រោច ដល់ថ្ងៃអាទិត្យ ១១រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ៣១ ខែឧសភា ដល់ថ្ងៃទី ០២ ខែមិថុនា ឆ្នាំ ២០២៤ ក្រុមការងារមន្ត្រីបច្ចេកទេសទទួលបន្ទុកពិនិត្យតាមដានការសាងសង់បង្គោលព្រំតំបន់ ៣ នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយ លោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចុះពិនិត្យទីតាំង និងគុណភាពនៃការសាងសង់បោះបង្គោលព្រំតំបន់ ៣ ការពារដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេត្តពោធិ៍សាត់ និងខេត្តបាត់ដំបង ។

សូមជម្រាបថា ក្នុងរយៈពេល ៦៤ថ្ងៃ ដោយគិតចាប់ពីថ្ងៃទី ០១ ខែមេសា មកត្រឹមថ្ងៃទី ០៣ ខែមិថុនា ឆ្នាំ ២០២៤ នេះ ការសាងសង់បង្គោលព្រំតំបន់ ៣ ដែនព្រៃលិចទឹកជុំវិញបឹងទន្លេសាប គឺសម្រេចបាន ២១.២០% និងបានកំពុងតែបន្តជីករណ្តៅសាងសង់បង្គោលជាបន្តបន្ទាប់ ដើម្បីបញ្ចប់តាមផែនការគ្រោងទុកឱ្យបានមុនទឹកដំឡើងលិចដែនព្រៃលិចទឹកតំបន់ ៣ ៕

ក្រុមការងារមន្ត្រីបច្ចេកទេសទទួលបន្ទុកត្រួតពិនិត្យនិយាមកា នៃអគ្គលេខាធិការដ្ឋាន អាជ្ញាធរទន្លេសាប ចុះផ្ទៀងផ្ទាត់ភាពត្រឹមត្រូវនិយាមកាកំណត់ដែនព្រៃលិចទឹកតំបន់ ៣ ស្ថិតក្នុងភូមិសាស្ត្រខេត្តកំពង់ឆ្នាំង និងខេត្តកំពង់ធំ

2024-06-05T23:36:50+00:00

បន្ទាប់ពីក្រុមការងារមន្ត្រីបច្ចេកទេសទទួលបន្ទុកត្រួតពិនិត្យនិយាមកា នៃអគ្គលេខាធិការដ្ឋាន អាជ្ញាធរទន្លេសាប បញ្ចប់សកម្មភាពចុះផ្ទៀងផ្ទាត់និយាមកាកំណត់ដែនព្រៃលិចទឹកតំបន់ ៣ ក្នុងភូមិសាស្ត្រខេត្តពោធិ៍សាត់ចំនួន ១៤៦ចំនុច ខេត្តបាត់ដំបងចំនួន ១៧១ចំនុច ខេត្តបន្ទាយមានជ័យចំនួន ៤៧ចំនុច និងខេត្តសៀមរាបចំនួន ២៩៩ចំនុច ។ ក្រុមការងារ បានបន្តបញ្ចប់បេសកកម្មចុះអនុវត្តសកម្មភាពផ្ទៀងផ្ទាត់និយាមកាកំណត់ដែនព្រៃលិចទឹកតំបន់៣ ស្ថិតក្នុងភូមិសាស្ត្រខេត្តកំពង់ធំចំនួន ៣៤៦ចំនុច និងខេត្តកំពង់ឆ្នាំងចំនួន ២១៥ចំនុច កាលពីនាចុងខែឧសភា ឆ្នាំ ២០២៤ កន្លងទៅនេះ ។

សូមបញ្ជាក់ថា សកម្មភាពចុះផ្ទៀងផ្ទាត់និយាមកាកំណត់ដែនព្រៃលិចទឹកតំបន់ ៣ ដែលបាននឹងកំពុងចុះអនុវត្តតាមបណ្តាខេត្តទាំង ៦ ជុំវិញបឹងទន្លេសាប គឺជាជំហានសកម្មភាពពិនិត្យទីតាំងជាក់ស្តែងក្នុងការផ្ទៀងផ្ទាត់បញ្ជាក់ភាពត្រឹមត្រូវ និងបញ្ជៀសនូវរាល់ទំនាស់ផ្សេងៗ បន្ទាប់ពីមន្ត្រីបច្ចេកទេសផែនទី នៃអគ្គលេខាធិការដ្ឋានអាជ្ញាធរទន្លេសាប បានសិក្សា វិភាគលើទិន្នន័យព័ត៌មានដែលមានស្រាប់ និងបានកំណត់ដៅតាម Satellite Images ក្រោយពីធ្វើបច្ចុប្បន្នភាពផែនទីកំណត់ដែនព្រៃលិចទឹកតំបន់ ៣ ឡើងវិញ បន្ទាប់ពីរាជរដ្ឋាភិបាលបានធ្វើការកាត់ឆ្វៀលជូនប្រជាពលរដ្ឋកាលពីឆ្នាំ ២០២២-២០២៣ ពីតំបន់ ៣ មកតំបន់ ២, តំបន់ ១ និងពីតំបន់ ២ មកតំបន់ ១ សម្រាប់ជាលំនៅដ្ឋាន អាស្រ័យផល និងរក្សាទុកជាតំបន់ទ្រនាប់ការពារ ។

ក្រោយពីបញ្ចប់ការផ្ទៀងផ្ទាត់ចំនុចនិយាមតាមបណ្តាខេត្តទាំង ៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ) សូមជម្រាបផងដែរថា ក្នុងរយៈពេល ៦៤ថ្ងៃ ដោយគិតចាប់ពីថ្ងៃទី ០១ ខែមេសា មកត្រឹមថ្ងៃទី ០៣ ខែមិថុនា ឆ្នាំ ២០២៤ នេះ ការសាងសង់បង្គោលព្រំតំបន់ ៣ ដែនព្រៃលិចទឹកជុំវិញបឹងទន្លេសាប គឺសម្រេចបាន ២១.២០% និងបានកំពុងតែបន្តជីករណ្តៅសាងសង់បង្គោលជាបន្តបន្ទាប់ ដើម្បីបញ្ចប់តាមផែនការគ្រោងទុកឱ្យបានមុនទឹកដំឡើងលិចដែនព្រៃលិចទឹកតំបន់ ៣ ។

សូមបញ្ជាក់ថា បន្ទាប់ពីទទួលបានអនុសាសន៍ និងការណែនាំដ៏ថ្លៃថ្លាបំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅក្នុងពិធីបិទសន្និបាតបូកសរុបការងារក្រសួងកសិកម្ម រុក្ខាប្រមាញ់ និងនេសាទ ដែលបានប្រព្រឹត្តទៅកាលពីថ្ងៃទី៣០ ខែមករា ឆ្នាំ២០២៤ និងស្ថិតក្រោមការដឹកនាំ និងចង្អុលបង្ហាញដ៏ខ្ពង់ខ្ពស់ពី ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប អគ្គលេខាធិការដ្ឋាននៃអាជ្ញាធរទន្លេសាប បានសម្រេចការងារ និងកំពុងបន្តអនុវត្តការងារចម្បងៗមួយចំនួន រួមមាន ៖ (១) បានធ្វើបច្ចុប្បន្នភាពផែនទី និងកំណត់និយាមកាតំបន់៣ តំបន់២ តំបន់១ និងតំបន់កាត់ឆ្វៀល, (២). បានសហការជាមួយអាជ្ញាធរដែនដី និងសមត្ថកិច្ចពាក់ព័ន្ធ ក្នុងការផ្សព្វផ្សាយពីការបញ្ឈប់បន្តសកម្មភាពអាស្រ័យផលលើផ្ទៃដីតំបន់៣ និងឈួសឆាយដីព្រៃក្នុងតំបន់២ ដែលទុកជាតំបន់ទ្រនាប់ការពារ, (៣). បានចុះផ្ទៀងផ្ទាត់ភាពត្រឹមត្រូវនៃនិយាមកាតាមទីតាំងជាក់ស្តែង តាមបណ្តាខេត្តទាំង ៦ ជុំវិញបឹងទន្លេសាប, (៤). បាននិងកំពុងបោះបង្គោលព្រំតំបន់៣ តាមបណ្តាខេត្តទាំង ៦ ជុំវិញតំបន់បឹងទន្លេសាប, (៥). បាននិងកំពុងសហការតាមដានការពារថែរក្សា ទប់ស្កាត់ និងបង្ក្រាបបទល្មើសទន្ទ្រានដីព្រៃលិចទឹកក្នុងតំបន់ ៣ និងតំបន់ទ្រនាប់ការពារ, (៦). បាននិងកំពុងលើកផែនការគិតគូរសិក្សាលទ្ធភាពរៀបចំហេដ្ឋារចនាសម្ព័ន្ធធានាប្រសិទ្ធភាពការពារដែនព្រៃលិចទឹកនិងព្រៃលិចទឹកប្រកបដោយនិរន្តរភាព រួមជាមួយការស្តារដាំព្រៃលិចទឹកឡើងវិញ ក្នុងទីតាំងតំបន់ដែលបានឆេះ និងឈួសឆាយទន្ទ្រានកន្លងមក ៕ល៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តការចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង ។

2024-06-03T08:09:02+00:00

កាលពីថ្ងៃចន្ទ ៥ រោច ដល់ថ្ងៃសុក្រ ៩ រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី ២៧ ដល់ថ្ងៃទី ៣១ ខែឧសភា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ មានដូចខាងក្រោម:

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យ ហ្វ្រេកង់បណ្តោយ និងបណ្តោយទម្ងន់ របស់ត្រីគ្រប់ប្រភេទដែលបានរកឃើញ
- អង្កេតឧបករណ៍ចេញនេសាទតាមខែ
- អង្កេតចំនួនថ្ងៃចេញនេសាទតាមខែ និង
- ប្រើប្រាស់កម្មវិធី (Microsoft Access) ដើម្បីវិភាគទិន្នន័យ...

៣- តំបន់គោលដៅនៃការសិក្សា:
- ស្រុកកំពង់ត្រឡាច: មានឃុំកំពង់ត្រឡាច លង្វែក តាជេស អំពិលទឹក និងឃុំសែប
- ស្រុកជលគីរី: មានឃុំកោះថ្កូវ ជលសា ព្រៃគ្រី កំពង់អុស និងឃុំពាមឆ្កោក
- ស្រុករលាប្អៀរ: មានឃុំទឹកហូត ឃុំគោកបន្ទាយ និងឃុំស្វាយជ្រុំ។

៤- លទ្ធផលការសិក្សាសង្ខេប:
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries)ចំនួន ៨៥០ គ្រួសារ ប្រើប្រាស់ឧបករណ៍នេសាទ ១១ ប្រភេទផ្សេងៗគ្នា
- ផលចាប់សរុប: ៩២.៥១ តោន
- ប្រភេទត្រីបូកយោង ១៤៨ ប្រភេទ
- តម្លៃផលនេសាទសរុប: ៥០៨.៨១ លានរៀល ស្មើនឹង ១២៤,០៩៨.៧៨ ដុល្លារសហរដ្ឋអាមេរិក(៤,១០០៛/១ដុល្លារ)

៥- អនុសាសន៍
- អាជ្ញាធរទន្លេសាប គួរមានកម្មវិធីប្រជុំជាមួយអាជ្ញាធរដែនដីដើម្បីឱ្យពួកគាត់ជាសមត្ថកិច្ចមានវិធានការទប់ស្កាត់ឱ្យបានមុនការកាប់ព្រៃលិចទឹកនៅរដូវទឹកឡើង ធ្វើជាសម្រាស់សម្រាប់ដាក់ចាប់ត្រីនៅរដូវសម្រកនាឆ្នាំក្រោយ។ តាមធម្មតាប្រជាជនពួកគាត់មិនដែលហ៊ានប្រព្រឹត្តដោយឯកចិត្តនោះទេ៕

កញ្ញា ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ អាជ្ញាធរទន្លេសាប បានចូលរួមកម្មវិធីវេទិកាសិក្សាដែលផ្តោតលើប្រធានបទស្តីអំពី "ការកសាងទន្លេមេគង្គ ប្រកបដោយសុវត្ថិភាព” ក្នុងនាមជា Boundary partner ដើម្បីផ្តល់ធាតុចូលក្នុងវេទិកាលើភាព

2024-06-02T12:34:56+00:00

ទីក្រុងបាងកក៖ ដោយទទួលបានការចាត់តាំងដ៏ខ្ពង់ខ្ពស់អំពីសំណាក់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប នាថ្ងៃពុធ ៧រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ២៩-៣០ ខែឧសភា ឆ្នាំ២០២៤ កញ្ញា ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ អាជ្ញាធរទន្លេសាប បានចូលរួមកម្មវិធីវេទិកាសិក្សា SUMERNET ឆ្នាំ២០២៤ ដែលផ្តោតលើប្រធានបទស្តីអំពី "ការកសាងទន្លេមេគង្គ ប្រកបដោយសុវត្ថិភាព” ក្នុងព្រឹត្តិការណ៍សំខាន់ៗចំនួន ២ ៖ "កិច្ចប្រជុំដៃគូ SUMERNET"នៅថ្ងៃទី ២៩ ខែឧសភា ឆ្នាំ ២០២៤ និង " វេទិកាស្រាវជ្រាវ SUMERNET ដើម្បីគោលនយោបាយ" នៅថ្ងៃទី ៣០ ខែឧសភា ឆ្នាំ២០២៤ និង "សមត្ថភាព SUMERNET ការកសាង និងបណ្តាញ" នៅក្រុងបាងកក ប្រទេសថៃដោយមានអ្នកចូលរួមប្រមាណ ១៤៨នាក់។

វេទិកាសិក្សានេះមានគោលបំណង៖
ពេញមួយរយៈពេល នៃការអនុវត្ត SUMERNET 4 All កិច្ចខិតខំប្រឹងប្រែងរួមគ្នាមួយត្រូវបានធ្វើឡើងដើម្បីដោះស្រាយបញ្ហាអសន្តិសុខទឹកនៅក្នុងទន្លេមេគង្គ។ តាមរយៈការប្រើប្រាស់ការស្រាវជ្រាវ ការចូលរួមគោលនយោបាយ និងការផ្តល់សកម្មភាពកសាងសមត្ថភាព កម្មវិធីនេះមានគោលបំណងបង្រួបបង្រួមចំណេះដឹងវិទ្យាសាស្ត្រ និងគោលនយោបាយ ដើម្បីអនុញ្ញាតឱ្យមានការសម្រេចចិត្តអំពីគោលនយោបាយដែលមានព័ត៌មានស្តីពីការគ្រប់គ្រងធនធានទឹកនៅក្នុងតំបន់។ ដូច្នេះហើយ វេទិកាសិក្សា SUMERNET នៅឆ្នាំ ២០២៤ នឹងលើកយកប្រធានបទសំខាន់មួយគឺ "ពីចំណេះដឹងដល់សកម្មភាព៖ ការកសាងទន្លេមេគង្គប្រកបដោយសុវត្ថិភាព"។

វេទិកាសិក្សានឹងបម្រើជាវេទិកាមួយសម្រាប់ដៃគូ អ្នកគាំទ្រ និងអ្នកពាក់ព័ន្ធរបស់ SUMERNET សម្រាប់៖
1) ផ្សព្វផ្សាយការរកឃើញសំខាន់ៗពីការស្រាវជ្រាវ និងការចូលរួមគោលនយោបាយដែលគាំទ្រដោយ SUMERNET,
2) ពង្រឹងកិច្ចសន្ទនាក្នុងន័យស្ថាបនាក្នុងចំណោមភាគីពាក់ព័ន្ធលើសន្តិសុខទឹកក្នុងតំបន់មេគង្គ
3) ការរុករកគោលនយោបាយប្រកបដោយភាពច្នៃប្រឌិត និងដំណោះស្រាយការអនុវត្តសម្រាប់សន្តិសុខទឹកសម្រាប់ទាំងអស់គ្នា ខណៈពេលដែលផ្តល់អាទិភាពដល់សមត្ថភាពយេនឌ័រ និងសមភាពសង្គម
4) បង្កើតភាពជាដៃគូយូរអង្វែង និងស្វែងរកកិច្ចសហការជាក់ស្តែងក្នុងចំណោមអ្នកស្រាវជ្រាវ អ្នកបង្កើតគោលនយោបាយ និងអ្នកអនុវត្តនៅទូទាំងតំបន់មេគង្គ ដែលនឹងមានសារៈសំខាន់ក្នុងការធានានិរន្តរភាពយូរអង្វែងរបស់ គំនិតផ្តួចផ្តើមសន្តិសុខទឹក៕

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះធ្វើការពិនិត្យទីតាំងស្នើសុំ បូមស្តារខ្សាច់កកដុះតាមដងស្ទឹងពោធិ៍សាត់ ក្នុងខេត្តពោធិ៍សាត់

2024-05-31T22:25:34+00:00

ថ្ងៃសុក្រ ៩ រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ៣១ ខែឧសភា ឆ្នាំ២០២៤ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប និងលោក ខូវ វេងសុង ប្រធានការិយាល័យធនធានរ៉ែ នៃនាយកដ្ឋានធនធានធម្មជាតិ រួមជាមួយក្រុមការងារបច្ចេកទេសក្រសួងធនធានទឹក និងឧតុនិយម បានចុះធ្វើការពិនិត្យទីតាំងស្នើសុំ បូមស្តារខ្សាច់កកដុះតាមដងស្ទឹងពោធិ៍សាត់ ផ្នែកខាងក្រោម ស្ថិតក្នុងភូមិសាស្ត្រភូមិតាម៉ៅ និងភូមិផ្លូវលួង ឃុំកញ្ជរ ស្រុកកណ្តៀង ខេត្តពោធិ៍សាត់ ។

សកម្មភាពចុះនេះគឺមានគោលបំណង ៖
- ពិនិត្យមើលទីតាំងជាក់ស្តែង និងស្ថានភាពស្ទឹង
- ផលប៉ះពាល់ដែលអាចកើតមានឡើងនៅក្នុងតំបន់៣ និងព្រៃលិចទឹក រួមទាំងធនធានជីវចម្រុះដ៏ទៃទៀត៕

លោក លឹម ហេង អនុប្រធាននាយកដ្ឋាន នីតិកម្ម ផ្សព្វផ្សាយ បានដឹកនាំក្រុមការងារចុះអនុវត្តន៍សកម្មភាព ទិដ្ឋភាពនៃធនធានធម្មជាតិ បរិស្ថាន និងសេដ្ឋកិច្ចសង្គមនៅតំបន់ទន្លេសាប ពីសារៈសំខាន់នៃព្រៃលិចទឹក ខេត្តកំពង់ធំ

2024-05-31T22:09:19+00:00

នាថ្ងៃចន្ទ ៥ រោច ដល់ថ្ងៃសុក្រ ៩ រោច ខែពិសាខ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៧ ដល់ថ្ងៃទី៣១ ខែឧសភា ឆ្នាំ២០២៤ លោក លឹម ហេង អនុប្រធាននាយកដ្ឋាន នីតិកម្ម ផ្សព្វផ្សាយដឹកនាំក្រុមការងារចុះអនុវត្តន៍សកម្មភាព ទិដ្ឋភាពនៃធនធានធម្មជាតិ បរិស្ថាន និងសេដ្ឋកិច្ចសង្គមនៅតំបន់ទន្លេសាប ពីសារៈសំខាន់នៃព្រៃលិចទឹក ស្ថិតនៅក្នុងឃុំផាត់សណ្តាយ ខេត្តកំពង់ធំ។

សកម្មភាពនេះបានធ្វើលើការជួបសម្ភាសន៍ជាមួយ៖
-អាជ្ញាធរដែនដី
-ប្រជាពលរដ្ឋ
-គ្រូបង្រៀន និងមន្ត្រីឧទ្យានុរក្សបរិស្ថាន។

ជាមួយនឹងការចុះអនុវត្តសកម្មភាពនេះ ជាលទ្ធផលឃើញថា ៖
- ប្រមូលព័ត៌មានពីអ្នកពាក់ព័ន្ធ ស្តីពី សារៈសំខាន់ព្រៃលិច និងកិច្ចការពារ
- ប្រមូលផ្តិតយកទិដ្ឋភាពទីតាំងភូមិសាស្ត្រ ព្រៃលិចទឹក និងសកម្មភាពរស់នៅរបស់ប្រជាពលរដ្ឋ។
ដើម្បីផលិតជាកម្រងវីដេអូបែបបទយកការណ៍ ទិដ្ឋភាពនៃធនធានធម្មជាតិ បរិស្ថាន និងសេដ្ឋកិច្ចសង្គមនៅតំបន់ទន្លេសាប ពីសារៈសំខាន់នៃព្រៃលិចទឹក។

សូមជម្រាបជូនថា ការចុះអនុវត្តសកម្មភាព ទិដ្ឋភាពនៃធនធានធម្មជាតិ បរិស្ថាន និងសេដ្ឋកិច្ចសង្គមនៅតំបន់ទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ២០២៤ របស់អាជ្ញាធរទន្លេសាប។
សកម្មភាពខាងលើនេះ មានគោលបំណង:
-បង្ហាញពីទិដ្ឋភាពសក្តានុពលធនធានធម្មជាតិ និងការការពារបរិស្ថាន
-សម្រាប់ធ្វើការផ្សព្វផ្សាយតាមបណ្តាញសង្គមដល់អ្នកពាក់ព័ន្ធចូលរួមថែរក្សា ការការពារធនធានធម្មជាតិ
-សម្រាប់ទុកជាឯកសារក្នុង Server របស់អាជ្ញាធរទន្លេសាប ៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួម វេទិកាជាតិលើកទី២ ស្តីពី " ទីក្រុង និងលំនៅដ្ឋាន "

2024-05-31T10:21:27+00:00

រាជធានីភ្នំពេញ៖ ដោយទទួលបានការចាត់តាំងដ៏ខ្ពង់ខ្ពស់អំពីសំណាក់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប នាថ្ងៃព្រហស្បតិ៍ ៨រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៣០ ខែឧសភា ឆ្នាំ២០២៤ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានអញ្ជើញចូលរួមវេទិកាជាតិលើកទី២ ដែលរៀបចំឡើងដោយក្រសួងដែនដីនគរូបនីយកម្ម និងសំណង់ ស្តីពី " ទីក្រុង និងលំនៅដ្ឋាន " ក្រោមអធិបតីភាពដ៏ខ្ពង់ខ្ពស់ ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងដែនដី នគរូបនីយកម្ម និងសំណង់។

វេទិកាជាតិនេះមានគោលបំណង៖
- បង្កើតវេទិកាពិភាក្សា ស្តីពី អាទិភាពទីក្រុងឆ្លាត បៃតង មានភាពធន់ និងប្រកបដោយបរិយាបន្ន
- ពិភាក្សា និងឯកភាពគ្នាលើគោលនយោបាយ និង យុទ្ធសាស្ត្រ ដោយផ្តោតសំខាន់លើកការអភិវឌ្ឍសមត្ថភាព នាវានិវត្តន៍ ការសម្របសម្រួល និងភាពជាដៃគូវិស័យឯកជន ការវិនិយោគលើទីក្រុងឆ្លាត សំណង់មិនរៀបរយ ការរចនាទីក្រុង និងការរៀបចំគម្រោងនានាដែលទាក់ទាញការវិនិយោគ ស្របទៅតាមគោលនយោបាយជាតិ ស្តីពី ទីក្រុងឆ្លាត និងយុទ្ធសាស្ត្រជាតិស្តីពីទីក្រុង។

កំណើននគរូបនីយកម្មនឹងនាំឱ្យមានសម្ពាធលើបរិស្ថាន និងការប្រើប្រាស់ដី។ ផ្ទៃដីប្រមាណ ៨០% នៅកម្ពុជាស្ថិតនៅក្នុងអាងទន្លេមេគង្គ និងទន្លេសាប ជាហេតុធ្វើឱ្យកម្ពុជាងាយរងគ្រោះដោយសារទឹកជំនន់ ខ្យល់ព្យុះ និងគ្រោះរាំងស្ងួត ក្រោមឥទ្ធិពលនៃការប្រែប្រួលអាកាសធាតុ ដូចនេះការអភិវឌ្ឍទីក្រុង គឺត្រូវពិចារណាអំពីហានិភ័យអាកាសធាតុ និងគ្រោះមហន្តរាយ ជាមុនឱ្យបានត្រឹមត្រូវប្រកបដោយប្រសិទ្ធភាព៕

ឯកឧត្តម ខូវ មាស អគ្គលេខាធិការរង និងលោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានអញ្ជើញចូលរួមសិក្ខាសាលាថ្នាក់ជាតិ ស្តីពី "ស្តារឡើងវិញនូវប្រព័ន្ធអេកូឡូស៊ីសម្រាប់ការអភិវឌ្ឍប្រកបដោយចីរភាព

2024-05-29T07:09:10+00:00

រាជធានីភ្នំពេញ៖ ថ្ងៃចន្ទ ៥រោច ខែពិសាខ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែឧសភា ឆ្នាំ២០២៤ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប និងលោក ហេង សុវណ្ណារ៉ា ប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានអញ្ជើញចូលរួមសិក្ខាសាលាថ្នាក់ជាតិ ដែលរៀបចំឡើងដោយក្រសួងបរិស្ថាន ស្តីពី "ស្តារឡើងវិញនូវប្រព័ន្ធអេកូឡូស៊ីសម្រាប់ការអភិវឌ្ឍប្រកបដោយចីរភាពនៅតំបន់អាងបឹងទន្លេសាប និងតំបន់ទេសភាពសៀមរាប/គូលេន"។

សិក្ខាសាលានេះមានគោលបំណង៖
- សិក្សា និងប្រមូលព័ត៌មាន ទិន្នន័យសំខាន់ៗដែលជាធាតុចូលសម្រាប់រៀបចំគម្រោងឱ្យបានត្រឹមត្រូវ និងមានសុក្រឹតភាព
- ពិភាក្សាជាមួយស្ថាប័នពាក់ព័ន្ធថ្នាក់ជាតិ ថ្នាក់ក្រោមជាតិ វិស័យឯកជន និងសហគមន៍មូលដ្ឋានក្នុងតំបន់គោលដៅ
- ពិនិត្យ និងផ្តល់សុពលភាព លើការរៀបចំអនុម័ត ឯកសារគម្រោង ដើម្បីដាក់ជូនទៅកម្មវិធីបរិស្ថានសកលនៅក្នុងខែមិថុនា ឆ្នាំ២០២៤ សម្រាប់ពិនិត្យ និងសម្រេចជាផ្លូវការ ដើម្បីធ្វើឱ្យគម្រោងមានលទ្ធភាពអនុវត្តពេញលេញនៅដើមខែមករា ឆ្នាំ២០២៥ ខាងមុខ៕

ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប អញ្ជើញចូលរួម វេទិកាទឹកពិភពលោក

2024-05-26T09:19:08+00:00

ដោយទទួលបានការចាត់តាំង និងណែនាំដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប តាមរយៈការគាំទ្រពីដៃគូអភិវឌ្ឍន៍ធនាគារពិភពលោក ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប រួមជាមួយថ្នាក់ដឹកនាំមួយចំនួនរបស់ក្រសួងធនធានទឹក និងឧតុនិយម អមដំណើរ ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប ដើម្បីចូលរួមវេទិកាទឹកពិភពលោក ដែលបានប្រព្រឹត្តទៅចាប់ពីថ្ងៃទី ២០ ដល់ថ្ងៃទី ២៤ ខែឧសភា ឆ្នាំ ២០២៤ នៅទីក្រុង បាលី ប្រទេសឥណ្ឌូនេស៊ី ។

សូមបញ្ជាក់ថា នាឱកាសនៃការអញ្ជើញទៅចូលរួមវេទិកាទឹកពិភពលោក ឯកឧត្តមអនុប្រធានអាជ្ញាធរទន្លេសាប ក៏បានអម ឯកឧត្តមរដ្ឋមន្ត្រី និងជាប្រធានអាជ្ញាធរទន្លេសាប ចូលរួមកិច្ចប្រជុំថ្នាក់រដ្ឋមន្ត្រី និងជំនួបពិភាក្សាការងារជាមួយដៃគូរអភិវឌ្ឍន៍ធនាគារពិភពលោកប្រចាំតំបន់អាស៊ីបូព៌ា និងប៉ាស៊ីហ្វិក ផងដែរ ។

សូមជម្រាបផងដែរថា វេទិកាទឹកពិភពលោក គឺវេទិកាតែមួយគត់ ដែលសហគមន៍ទឹក និងអ្នកធ្វើសេចក្តីសម្រេចចិត្តសំខាន់ៗ អាចបង្កើនកិច្ចសហការ និងវឌ្ឍនភាពការងាររយៈពេលវែង អំពីបញ្ហាប្រឈមទឹកសាកល ។ វេទិកានេះសោត ក៏បានប្រមូលផ្តុំអ្នកចូលរួមជាច្រើនមកពីគ្រប់កម្រិត និងតំបន់ រួមជាមួយអ្នកនយោបាយ ស្ថាប័នពហុភាគី សង្គមស៊ីវិល និងវិស័យឯកជន…៕

ឯកឧត្តមរដ្ឋមន្ត្រី ថោ ជេដ្ឋា ជួបពិភាក្សាការងារទ្វេភាគីជាមួយតំណាងធនាគារពិភពលោក លោកស្រី Manuela V. Ferro និងលោក Saroj Kumar Jha

2024-05-23T19:54:04+00:00

ប្រទេសឥណ្ឌូនេស៊ី៖ ឆ្លៀតក្នុងឱកាសចូលរួមវេទិកាទឹកពិភពលោកលើកទី១០ នៅកោះបាលី ប្រទេសឥណ្ឌូនេស៊ី នាថ្ងៃអង្គារ ១៤កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី២១ ខែឧសភា ឆ្នាំ២០២៤នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានជួបពិភាក្សាទ្វេភាគីជាមួយតំណាងធនាគារពិភពលោក លោកស្រី Manuela V. Ferro អនុប្រធានធនាគារពិភពលោកប្រចាំតំបន់អាស៊ីខាងកើតនិងប៉ាស៊ីហ្វិក និងលោក Saroj Kumar Jha នាយកផ្នែកទឹកសាកលនៃធនាគារពិភពលោក។ អានត...

ឯកឧត្តមរដ្ឋមន្ត្រី ថោ ជេដ្ឋា ជួបពិភាក្សាការងារទ្វេភាគីជាមួយតំណាងធនាគារពិភពលោក លោកស្រី Manuela V. Ferro និងលោក Saroj Kumar Jha

2024-05-23T19:54:04+00:00

សិក្ខាសាលាបណ្តុះបណ្តាល ស្តីពីការព្យាករទឹកជំនន់ទន្លេមេគង្គ និងជំនន់ទឹកភ្លៀង(National Training Workshop for River Flood and Flash Flood in The Lower Mekong Basin) នៅខេត្តកំពង់ចាម

2024-05-11T05:11:39+00:00

នាថ្ងៃពុធ ១កើត ខែពិសាខ ឆ្នាំរោង ឆស័ក ព.ស ២៥៦៧ ត្រូវនឹងថ្ងៃទី០៨ ខែឧសភា ឆ្នាំ២០២៤ លោក ហេង បូរាណ ជំនួយការផ្ទាល់ឯកឧត្តមអនុប្រធានក្តាប់រួម នៃអាជ្ញាធរទន្លេសាបបានចូលរួមសិក្ខាសាលាបណ្តុះបណ្តាល ស្តីពីការព្យាករទឹកជំនន់ទន្លេមេគង្គ និងជំនន់ទឹកភ្លៀង ។ កិច្ចប្រជុំពិគ្រោះយោបល់នេះមានការចូលរួមពីមន្ត្រីតំណាងក្រសួង-ស្ថាប័នពាក់ព័ន្ធ រួមមាន ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន គណៈកម្មាធិការជាតិទន្លេមេគង្គកម្ពុជា គណៈកម្មាធិការជាតិគ្រប់គ្រងគ្រោះមហន្តរាយ មន្ទីរធនធានទឹក និងឧតុនិយម ខេត្តពាក់ព័ន្ធ ក្រុមជំនាញពីមជ្ឈមណ្ឌលគ្រប់គ្រងទឹកជំនន់ និងភាពរាំងស្ងួតថ្នាក់តំបន់ Regional Flood and Drought Management Centre (RFDMC) នៃលេខាធិការដ្ឋានគណៈកម្មការទន្លេមេគង្គ (MRC) សរុប ២៨រូប។

គោលបំណងនៃវគ្គបណ្តុះបណ្តាលនេះគឺ ១)បង្ហាញអំពីការប្រើប្រាស់ឧបករណ៍បច្ចេកទេសបានធ្វើបច្ចុប្បន្នភាពសម្រាប់ការព្យាករទឹកជំនន់ទន្លេមេគង្គ និងជំនន់ទឹកភ្លៀង ២)ពង្រឹងសមត្ថភាពមន្ត្រីជំនាញលើប្រព័ន្ធណែនាំការព្យាករទឹកជំនន់ទឹកភ្លៀង និងទឹកជំនន់ទន្លេ រួមការរៀបចំព្រឹត្តិប័ត្រព័ត៌មាន ៣) ការផ្សព្វផ្សាយព្រឹត្តិប័ត្រព័ត៌មានប្រចាំថ្ងៃ និងពង្រឹងកិច្ចសម្របសម្រួលក្រុមជំនាញការថ្នាក់តំបន់ និងថ្នាក់ជាតិ។

សូមបញ្ចាក់ថា៖ អាងទន្លេមេគង្គមានប្រវែង ៤,៨០០គីឡូម៉ែត្រ ដែលមានផ្ទៃអាង ៧៩៥,០០០គីឡូម៉ែត្រការ៉េ មានប្រភពពីខ្ពង់រាបទីបេ ដែលមានធាទឹកហូរកាត់ប្រទេសចិន ភូមា ឡាវ ថៃ កម្ពុជា និងវៀតណាម ដែលបានគ្របដណ្តប់ផ្ទៃដី ៨៦%ប្រទេសកម្ពុជា ៩៧%ប្រទេសឡាវ ៣៦%ប្រទេសថៃ ២០%ប្រទេសវៀតណាម ការប្រែប្រួលរបបជលសាស្ត្រគឺអាស្រយលើកត្តាធម្មជាតិរួមមាន ទឹកភ្លៀង អាកាសធាតុ សណ្ឋានដី និងកត្តាមនុស្សមានដូចជា គម្រោងវីរីអគ្គសនី ធារាសាស្ត្រកសិកម្ម និងការដកហូតបង្វែទឹកសម្រាប់វិស័យឧស្សាហកម្ម រួមនិងលក្ខណគ្រួសារ។ តាមរយៈសមិតិកម្មខាងលើនេះនាំអោយមានកង្វល់ជាច្រើន ក្នុងនោះមានបញ្ហាគ្រោះទឹកជំនន់តែងតែកើតមានឡើងក្នុងអាងទន្លេមេគង្គផ្នែកខាងក្រោមជាពិសេសប្រទេសកម្ពុជាដែលទទួលរងផលប៉ះពាល់ធន់ធ្ងរ និងកើតឡើងញឹកញាប់ជាងគេ។ ដើម្បីបន្ធូរបន្ថយពីស្ថានភាពនេះលេខាធិការដ្ឋានគណៈកម្មការទន្លេមេគង្គបានបងើ្តតយុទ្ធសាស្ត្រអភិវឌ្ឍអាងទន្លេមេគង្គឆ្នាំ២០២១ ដល់ឆ្នាំ២០៣០ និងផែនការយុទ្ធសាស្ត្រឆ្នាំ២០២១ ដល់ឆ្នាំ២០២៥ ដោយផ្តោតសំខាន់ការធ្វើទំនើបកម្មប្រព័ន្ធការទទួលបាន រក្សាទុក និងចែករំលែកទិន្នន័យ ជាការងារស្នូលរបស់គណៈកម្មការទន្លេមេគង្គ។

សិក្ខាសាលាបណ្តុះបណ្តាល ស្តីពីការព្យាករទឹកជំនន់ទន្លេមេគង្គ និងជំនន់ទឹកភ្លៀង(National Training Workshop for River Flood and Flash Flood in The Lower Mekong Basin) នៅខេត្តកំពង់ចាម

2024-05-11T05:11:39+00:00

ឯកឧត្តម ជា សុខនី អគ្គលេខាធិការរងនៃអគ្គលេខាធិការដ្ឋាន អាជ្ញាធរទន្លេសាប និងមន្ត្រីបច្ចេកទេស បានអញ្ជើញចូលរួមក្នុងកិច្ចប្រជុំពាក់ពន្ធ័នឹងការស្នើសុំជួយស្តារខ្សាច់កក់ដុះ តាមដងស្ទឹងពោធិ៍សាត់ ផ្នែកខាងក្រោម ចំនួន ០២ ទីតាំងក្នុងមូលដ្ឋាន ឃុំ

2024-05-01T09:00:11+00:00

នាថ្ងៃចន្ទ ៦រោច ខែចេត្រ ឆ្នាំរោង ឆស័ក ព.ស ២៥៦៧ ត្រូវនឹងថ្ងៃទី ២៩ ខែមេសា ឆ្នាំ២០២៤ ឯកឧត្តម ជា សុខនី អគ្គលេខាធិការរង នៃអគ្គលេខាធិការដ្ឋានអាជ្ញាធរទន្លេសាប និងមន្ត្រីបចេ្ចកទេស បានអញ្ជើញចូលរួមក្នុងកិច្ចប្រជុំពាក់ព័ន្ធនឹងការស្នើសុំជួយស្តារខ្សាច់កក់ដុះ តាមដងស្ទឹងពោធិ៍សាត់ ផ្នែកខាងក្រោម ចំនួន ០២ ទីតាំង ស្ថិតក្នុងមូលដ្ឋាន ឃុំកញ្ជរ ស្រុកកណ្តៀង ខេត្តពោធិ៍សាត់ នាទីស្តីការក្រសួងរ៉ែ និងថាមពល ។

ទីតាំងដែលត្រូវធ្វើការស្នើសុំស្តារមានដូចខាងក្រោម ៖
- ទីតាំងទី ១: ចាប់ពីចំណុចបង្ហៀរ ភូមិតាម៉ៅ ដល់តំបន់តាចាន់ ជាប់បឹងទន្លេសាប មានចម្ងាយប្រមាណ ១៨ គីឡូម៉ែត្រ
- ទីតាំងទី ២: ពីចំណុចទំនប់បង្ហៀរ ភូមិផ្លូវលួង ដល់តំបន់ស្ទឹងឈូរ មានចម្ងាយប្រមាណ ០៧ គីឡូម៉ែត្រ។

កិច្ចប្រជុំ មានការអញ្ជើញចូលរួមពីតំណាងក្រសួងរ៉ែ និងថាមពល ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន ក្រសួងធនធានទឹក និងឧតុនិយម និង អាជ្ញាធរទន្លេសាប។ បន្ទាប់ពីការធ្វើបទបង្ហាញពីតំណាងក្រសួងរ៉ែ និងថាមពល ទីតាំងដែលស្នើសុំស្តារនេះ មួយផ្នែកស្ថិតក្នុងតំបន់៣ នៃបឹងទន្លេសាប ដែលជាតំបន់ហាមឃាត់ ។ អង្គប្រជុំបានសម្រេចឯកភាពគ្នា ចាត់អ្នកបច្ចេកទេស របស់ក្រសួងស្ថាប័នពាក់ព័ន្ធចុះធ្វើការសិក្សាឱ្យបានច្បាស់លាស់ជាមុនសិន មុននឹងអនុញ្ញាតឱ្យធ្វើការបូមស្តារ៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំពាមបាង បានអញ្ជើញចុះសួរសុខទុក្ខ និងជួបសំណេះសំណាលជាមួយក្រុមប្រឹក្សាឃុំ និងអាជ្ញាធរមានសមត្ថកិច្ចជំនាញ ក្នុងឃុំពាមបាង ស្រុកស្ទោង

2024-04-28T08:25:08+00:00

នៅថ្ងៃសៅរ៍ ៤ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២៧ ខែមេសា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងាររាជរដ្ឋាភិបាលចុះមូលដ្ឋានឃុំពាមបាង តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា និងជា ប្រធានក្រុមការងារថ្នាក់ជាតិចុះមូលដ្ឋានស្រុកស្ទោង ខេត្តកំពង់ធំ អមជាមួយអនុប្រធាន អគ្គលេខាធិការ អគ្គលេខាធិការរង និងសមាជិកនៃក្រុមការងារថ្នាក់ជាតិ ដែលជាថ្នាក់ដឹកនាំ និងមន្ត្រីក្រោមឱវាទអគ្គលេខាធិការដ្ឋាន អាជ្ញាធរទន្លេសាប បានអញ្ជើញចុះសួរសុខទុក្ខ និងជួបសំណេះសំណាលជាមួយអាជ្ញាធរភូមិ-ឃុំ ក្រុមប្រឹក្សាឃុំ រដ្ឋបាលជលផល មន្ត្រីបរិស្ថាន សហគមន៍នេសាទ សមាគមគ្រូបង្រៀន សេវាសង្គម និងកងកម្លាំង ប្រជាការពារឃុំ សរុបចំនួន ៥៣នាក់ ដើម្បីស្វែងយល់ពីស្ថានភាពទូទៅក្នុងមូលដ្ឋានរបស់ឃុំ ផ្សារភ្ជាប់ជាមួយការការពារ និងគ្រប់គ្រងសក្តានុពលធនធានតំបន់បឹងទន្លេឆ្មារ ដូចជាធនធានធម្មជាតិ, បរិស្ថាន, ជីវៈចម្រុះ, ជីវភាពរស់នៅ, ភូមិ-ឃុំ សុវត្ថិភាព, និងការបម្រើសេវាកម្មផ្សេងៗ នៅក្នុងឃុំពាមបាង ស្រុកស្ទោង ។

សូមជម្រាបថា នៅក្នុងពិធីជួបសំណេះសំណាលនេះ ឯកឧត្តម ក៏បានពាំនាំនូវការ សាកសួរសុខទុក្ខ និងការនឹករលឹក ពីសំណាក់ ឯកឧត្តម រដ្ឋមន្ត្រី ថោ ជេដ្ឋា និងលោកជំទាវ ជូនចំពោះអាជ្ញាធរដែនដី សមាជិកក្រុមប្រឹក្សាឃុំ និងអង្គភាពជំនាញពាក់ព័ន្ធទាំងអស់ ដែលបានកំពុងយកចិត្តទុកដាក់បម្រើការងារជូនប្រជាពលរដ្ឋ និងការការពារធនធានធម្មជាតិនៅក្នុងឃុំពាមបាង បានល្អប្រសើរ ព្រមទាំងជម្រាបជូនអំពីតួនាទី ភារកិច្ច និងការទទួលខុសត្រូវរបស់អាជ្ញាធរទន្លេសាប ផ្សារភ្ជាប់ជាមួយនឹងភារកិច្ចក្រុមការងារថ្នាក់ជាតិទទួលជួយឃុំពាមបាងនេះផងដែរ ។

បន្ទាប់ពីលោកមេឃុំពាមបាង បានធ្វើរបាយកាណ៍សង្ខេបពីស្ថានភាពទូទៅភូមិសាស្ត្រ និងសភាពការណ៍រួមរបស់ឃុំ អំពី ភូមិឃុំសុវត្ថិភាព សេវាសាធារណៈ ការគ្រប់គ្រងធនធានធម្មជាតិ បរិស្ថាន និងជីវភាពរស់នៅប្រចាំថ្ងៃរបស់ប្រជាពលរដ្ឋ រួមទាំងបញ្ហាប្រឈម និងសំណូមពរនានារួចមក ។ ឯកឧត្តមប្រធានអង្គប្រជុំ ក៏បានផ្តល់ជាគំនិតផ្តួចផ្តើមណែនាំ និងដំណោះស្រាយមួយចំនួនជូនដល់អាជ្ញាធរដែនដី និងសមាជិកក្រុមការងារ ដើម្បីជម្រុញប្រសិទ្ធភាព និងប្រសិទ្ធផលការងារបន្តទៀត រួមមាន÷
១. រួមគ្នាគិតគូរ និងពង្រឹងការផ្តល់សេវាសាធារណៈ ភូមិឃុំមានសុវត្ថិភាព និងចូលរួមដោះស្រាយទុក្ខលំបាកជូនប្រជាពលរដ្ឋក្នុងមូលដ្ឋាន
២. រួមគ្នាគិតគូរដោយកិច្ចសហការរវាងអាជ្ញាធរមូលដ្ឋានជាមួយក្រុមការងារថ្នាក់ជាតិ ក្នុងការទប់ស្កាត់បទល្មើស ការបំផ្លាញធនធានធម្មជាតិ បរិស្ថាន ជីវចម្រុះនៅតំបន់ទន្លេសាប ជាពិសេសធនធាននៅតំបន់បឹងទន្លេឆ្មារ
៣. ក្រុមការងារថ្នាក់ជាតិមន្ត្រីអាជ្ញាធរទន្លេសាប នឹងយកចិត្តទុកដាក់សហការជាមួយអង្គភាពជំនាញ លើការសិក្សាបន្ថែម ពីភាពប្រឈម និងដំណោះស្រាយផលប៉ះពាល់ធនធានធម្មជាតិ បរិស្ថាននៅបឹងទន្លេឆ្មារ
៤. ទទួលយករាល់សំណើ យកមកសិក្សាបន្ថែម ដើម្បីធ្វើរបាយការណ៍ជូនឯកឧត្តមរដ្ឋមន្ត្រី និងជាប្រធានក្រុមការងារពិនិត្យ និងផ្តល់អនុសាសន៍ណែនាំ។

សូមជម្រាបផងដែរថា ឆ្លៀតក្នុងឱកាសពិធីសំណេះសំណាលខាងលើនេះ ក៏មានក្រុមការងារមន្ត្រីថ្នាក់ជាតិ របស់អាជ្ញាធរទន្លេសាប ដែលដឹកនាំដោយ ឯកឧត្តម លឹម ពុយ អនុប្រធាន អាជ្ញាធរទន្លេសាប បានចុះធ្វើការសិក្សាអំពីរបបជលសាស្ត្រ គុណភាពទឹក ជីវៈចម្រុះ ផលចាប់ត្រី និងប្រព័ន្ធអេកូឡូស៊ីនៅក្នុងបឹងទន្លេឆ្មារ ផងដែរ ដើម្បីស្វែងយល់ពីសក្តានុពលធនធានធម្មជាតិបឹងទន្លេឆ្មារនារដូវប្រាំង និងវិភាគរៀបចំនូវផែនការដោះស្រាយបញ្ហាប្រឈម ក្នុងការធានានិរន្តរភាពនៃធនធានជលផល និងជីវៈចម្រុះនាពេលបច្ចុប្បន្ន និងអនាគត។
មួយវិញទៀត ផ្សារភ្ជាប់នឹងបេសកកម្មខាងលើនេះដែរ នៅរសៀលថ្ងៃដដែល ឯកឧត្តមហ៊ែល តូនី អនុប្រធានក្តាប់រួម អាជ្ញាធរទន្លេសាប រួមជាមួយថ្នាក់ដឹកនាំ និងមន្ត្រីបច្ចេកទេស ក៏បានបន្តចុះពិនិត្យលក្ខណៈបច្ចេកទេស នៃការសាងសង់បោះបង្គោលព្រំតំបន់ ៣ កំណត់ដែនព្រៃលិចទឹក ស្ថិតក្នុងទីតាំងភូមិសាស្ដ្រឃុំកំពង់លួង ស្រុកក្រគរ ខេត្តពោធិ៍សាត់ ។

សូមបញ្ជាក់ថា ក្រុមការងាររាជរដ្ឋាភិបាលចុះមូលដ្ឋានស្រុកស្ទោង ត្រូវបានចាត់តាំងឡើងដោយសេចក្តីសម្រេចលេខ ០៧ សសរ ចុះថ្ងៃទី២៣ ខែកុម្ភៈ ឆ្នាំ២០២៤ របស់ក្រុមការងារថ្នាក់ជាតិចុះមូលដ្ឋានខេត្តកំពង់ធំ ដែលមានតួនាទីភារកិច្ច ស្របតាមសេចក្តីណែនាំលេខ ០៤ សណន ចុះថ្ងៃទី៣០ ខែវិច្ឆិកា ឆ្នាំ២០២៣ របស់រាជរដ្ឋាភិបាល ដើម្បីអនុវត្តកម្មវិធីនយោបាយ និងយុទ្ធសាស្ត្របញ្ចកោណ ដំណាក់កាលទី១ នៃរាជរដ្ឋាភិបាល នីតិកាលទី៧ នៃរដ្ឋសភា៕

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-04-28T08:02:43+00:00

កាលពីថ្ងៃអង្គារ ១៥ កើត ដល់ថ្ងៃសៅរ៍ ៤ រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២៣ ដល់ថ្ងៃទី ២៧ ខែមេសា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៃផែនការសកម្មភាពការងារប្រចាំឆ្នាំ ២០២៤ របស់ អគ្គលេខាធិការដ្ឋានអាជ្ញាធរទន្លេសាបក្នុងគោលបំណង:
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ
- មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមានប្រសិទ្ធភាព និងនិរន្តរភាព
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។

២-ការយកទិន្នន័យ (Data collection)
- អង្កេតចំនួនឧបករណ៍សិប្បកម្ម(Frame survey)
- យកគំរូតាមប្រភេទឧបករណ៍នេសាទជាលក្ខណ: (Random)
- យកទិន្នន័យ ហ្វ្រេកង់បណ្តោយ និងបណ្តោយទម្ងន់ របស់ត្រីគ្រប់ប្រភេទដែលបានរកឃើញ
- អង្កេតឧបករណ៍ចេញនេសាទតាមខែ
- អង្កេតចំនួនថ្ងៃចេញនេសាទតាមខែ និង
- ប្រើប្រាស់កម្មវិធី (MicrosoftAccess) ដើម្បីវិភាគទិន្នន័យ...។

៤- លទ្ធផលសិក្សាសង្ខេប:
- នៅតំបន់ ស្រុកកំពង់ត្រឡាច ស្រុកជលគីរី និងស្រុករលាប្អៀរ ខែមេសា ឆ្នាំ២០២៤
- បានរកឃើញអ្នកនេសាទជាលក្ខណ:សិប្បកម្ម (Middle scale fisheries)និងសម្រាប់ (Brush park) ចំនួន ១,១៨៩ គ្រួសារ ប្រើប្រាស់ឧបករណ៍នេសាទ ១១ ប្រភេទផ្សេងៗគ្នា
- ផលចាប់សរុប: ៦០៣.៧៣ តោន
- ប្រភេទត្រីបូកយោង ១៤២ ប្រភេទ
- តម្លៃផលនេសាទសរុប: ៣,៣២០.៥២លានរៀល
- ស្មើនឹង ៨០៩,៨៨១.៧១ ដុល្លាសហរដ្ឋអាមេរិក (៤,១០០៛/១ដុល្លា)។

៤-អនុសាសន៍សម្រាប់ ធ្វើឱ្យត្រី ឬ វារីសត្វកុំ ជាឧបករណ៍ហាមឃាត់ដាច់ខាត(ច្បាប់ជលផល)។ តែត្រូវបានគេប្រើឧបករណ៍នេសាទហ៊ុមព័ទ្ធចាប់យកត្រី ជាពិសេសពេលយប់ក្នងខែមេសា ជាច្រើនករណី និងជារៀងរាល់ឆ្នាំផងដែរ៕

លោក អុល សុជាតិ ប្រធានការិយាល័យសម្របសម្រួលវិវាទ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅតំបន់បឹងទន្លេសាប ក្នុងខេត្តបន្ទាយមានជ័យ

2024-04-27T17:24:22+00:00

នាថ្ងៃព្រហស្បតិ៍ ២រោច ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២៥ ខែមេសា ឆ្នាំ២០២៤ ក្រុមការងារមន្ត្រីការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក អុល សុជាតិ ប្រធានការិយាល័យ បានបន្តចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ស្ថិតនៅក្នុងភូមិសាស្ត្រស្រុកព្រះនេត្រព្រះ ខេត្តបន្ទាយមានជ័យ ។

សូមជម្រាបជូនថា ការបន្តចុះអនុវត្តន៍សកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា៖
- ជួបពិភាក្សាស្វែងយល់ និងប្រមូលទិន្នន័យ-ព័ត៌មានជាមួយខណ្ឌជលផលខេត្តបន្ទាយមានជ័យ
- ជួបពិភាក្សា និងប្រមូលទិន្នន័យ-ព័ត៌មានជាមួយអាជ្ញាធរឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ
- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទកំបោរ ។

សូមបញ្ជាក់ជូនថាៈ សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធានធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព ៕

ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប ដឹកនាំប្រជុំពិនិត្យតាមដានការអនុវត្តការងារប្រចាំត្រីមាសទី ១ ឆ្នាំ ២០២៤ របស់អគ្គលេខាធិការដ្ឋាន អាជ្ញាធរទន្លេសាប

2024-04-23T16:43:16+00:00

នាព្រឹកថ្ងៃអង្គារ ១៥ កើត ខែចេត្រ ឆ្នាំរោង ព.ស ២៥៦៧ ត្រូវនឹងថ្ងៃទី ២៣ ខែមេសា ឆ្នាំ ២០២៤ ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប បានដឹកនាំកិច្ចប្រជុំពិនិត្យ តាមដានលើលទ្ធផលនៃការអនុវត្តការងារប្រចាំត្រីមាសទី ១ ឆ្នាំ២០២៤ របស់អគ្គលេខាធិការដ្ឋាន អាជ្ញាធរទន្លេសាប ដែលមានការចូលរួមពី ឯកឧត្តមអនុប្រធាន អគ្គលេខាធិការ អគ្គលេខាធិការរង លោកទីប្រឹក្សា ប្រធាននាយកដ្ឋាន អនុប្រធាននាយកដ្ឋាន និងមន្ត្រីបច្ចេកទេសក្រោមឱវាទអគ្គលេខាធិការដ្ឋាន នៃអាជ្ញាធរទន្លេសាប ។

សូមជម្រាបជូនថា កិច្ចប្រជុំនេះ គឺដើម្បី (១). ពិនិត្យតាមដានវឌ្ឍនភាពនៃការអនុវត្តការងារ ស្របនឹងតួនាទីភារកិច្ចការទទួលខុសត្រូវ និងគម្រោងសកម្មភាពអនុវត្តបានដាក់ចេញនៅក្នុងផែនការប្រចាំឆ្នាំ ២០២៤ សម្រាប់ត្រីមាសទី១ របស់អគ្គលេខាធិការដ្ឋានអាជ្ញាធរទន្លេសាប ផ្តោតសំខាន់លើលទ្ធផលការងារ បញ្ហាប្រឈម និងគោលដៅអនុវត្តបន្ត និង (២) ពង្រឹងយន្តការការងារ ក្នុងក្របខ័ណ្ឌប្រសិទ្ធភាពការងារផ្ទៃក្នុង ឱ្យដើរទន្ទឹមនឹងបរិបទការងាររបស់សង្គម និងបរិការណ៍ឌីជីថល ។ ឯកឧត្តម ក៏បានលើកឡើងផងដែរ អំពីសារៈសំខាន់របស់ព័ត៌មាន-ទិន្នន័យ ដែលទទួលពីការសិក្សាស្រាវជ្រាវនៅតំបន់ជុំវិញទន្លេសាប និងតំបន់ពាក់ព័ន្ធរបស់អាជ្ញាធរទន្លេសាប ស្របពេលដែលក្រសួង ស្ថាប័នពាក់ព័ន្ធ និងអង្គការដៃគូអភិវឌ្ឍន៍នានា ត្រូវការជាចាំបាច់ ក្នុងការរៀបចំគោលនយោបាយ ផែនការយុទ្ធសាស្ត្រអភិវឌ្ឍន៍ គម្រោង/កម្មវិធី និងរួមគ្នាដោះស្រាយលើបញ្ហាប្រឈម ដែលបាន និងកំពុងតែកើតឡើងនៅក្នុងតំបន់បឹងទន្លេសាប ដូចជា វិស័យកសិកម្ម បរិស្ថាន ធនធានទឹក ជលផល សេដ្ឋកិច្ចសង្គម និងសុខភាពអនាម័យ ជាដើម ។

បន្ទាប់មកកិច្ចប្រជុំ បានធ្វើសេចក្តីរាយការណ៍ អំពីលទ្ធផលអនុវត្តការងារក្នុងរយៈពេល ៣ ខែកន្លងមក តាមរយៈសកម្មភាពអនុវត្តរបស់ឯកឧត្តមអគ្គលេខាធិការ ឯកឧត្តមអគ្គលេខាធិការរង លោកទីប្រឹក្សា និងនាយកដ្ឋានទាំង៤ ក្រោមឱវាទអគ្គលេខាធិការដ្ឋាន លើលទ្ធផលសម្រេចបាន បញ្ហាប្រឈម ទិសដៅបន្ត និងពិភាក្សារួចមក ។ ឯកឧត្តមប្រធានអង្គប្រជុំ បានវាយតម្លៃខ្ពស់ចំពោះការអនុវត្តនូវតួនាទីភារកិច្ច ការទទួលខុសត្រូវ និងផែនការសកម្មភាពប្រចាំឆ្នាំក្នុងត្រីមាសទី១ និងការអនុវត្តបទបញ្ជារបស់រាជរដ្ឋាភិបាល ក្នុងការកំណត់ដែនព្រៃលិចទឹក និងព្រៃលិចទឹកតំបន់១ តំបន់២ និងតំបន់៣ នៃខេត្តទាំង ៦ ជុំវិញបឹងទន្លេសាប ។

ជាមួយគ្នានោះដែរ ឯកឧត្តមប្រធានអង្គប្រជុំ ក៏បានផ្តល់ការណែនាំដល់ ឯកឧត្តមអគ្គលេខាធិការ ត្រូវសហការការងារជាមួយថ្នាក់ដឹកនាំ និងមន្ត្រីក្រោមឱវាទអគ្គលេខាធិការដ្ឋាន បន្តយកចិត្តទុកដាក់ពង្រឹងការងារបន្ថែម ពិនិត្យ ដោះស្រាយបញ្ហាប្រឈម ដែលបានលើកឡើង និងបានធ្វើឱ្យរាំងស្ទះការងារនៅក្នុងត្រីមាសទី ១ នេះ ដើម្បីកែលម្អការអនុវត្តនៅត្រីមាសទី ២ ឱ្យទទួលបានជោគជ័យ និងមានប្រសិទ្ធភាព និងទទួលបានឯកសាររបាយការណ៍បច្ចេកទេសសិក្សាស្រាវជ្រាវប្រកបដោយគុណវុឌ្ឍ ។

នៅចុងបញ្ចប់នៃកិច្ចប្រជុំ ឯកឧត្តមប្រធានអង្គប្រជុំ ក៏បានពាំនាំការផ្តាំផ្ញើដ៏ខ្ពង់ខ្ពស់ពី ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ជូនដល់ឯកឧត្តម លោក លោកស្រី បន្តយកចិត្តទុកដាក់ និងជម្រុញការអនុវត្តការងារឱ្យមានប្រសិទ្ធភាព រួមមាន ៖
១. ជម្រុញបង្កើតឱ្យមាន Tonle Sap E-library និងពង្រឹងប្រព័ន្ធផ្សព្វផ្សាយ (Media) របស់អាជ្ញាធរទន្លេសាប
២. ពង្រឹងប្រសិទ្ធភាពគ្រប់គ្រងទិន្នន័យ-ព័ត៌មាន (Sever ) ដោយមានការចូលរួមកាន់តែសកម្មក្នុងការបញ្ចូល-ចែករំលែកទិន្នន័យ-ព័ត៌មាន
៣. ពង្រឹងការសិក្សាស្រាវជ្រាវ និងផលិតរបាយការណ៍របកគំហើញការសិក្សាស្រាវជ្រាវ ដើម្បីជូនរាជរដ្ឋាភិបាល និងក្រសួងស្ថាប័នពាក់ព័ន្ធ ជ្រាបជារបាយការណ៍ និងប្រើប្រាស់ជាប្រយោជន៍ក្នុងការចូលរួមលើកកម្ពស់ប្រសិទ្ធភាពការអនុវត្តយុទ្ធសាស្ត្របញ្ចកោណដំណាក់កាលទី ១ របស់រាជរដ្ឋាភិបាល
៤. បន្តការយកចិត្តទុកដាក់សម្របសម្រួល និងពង្រឹងកិច្ចសហការជាមួយក្រសួងស្ថាប័ន និងដៃគូរពាក់ព័ន្ធទាំងថ្នាក់ជាតិ និងថ្នាក់ក្រោមជាតិ ក្នុងការចូលរួមអនុវត្តសកម្មភាពសិក្សាស្រាវជ្រាវនៅតំបន់បឹងទន្លេសាប និងតំបន់ពាក់ព័ន្ធ
៥. បន្តពង្រឹងអភិបាលកិច្ចការងារ កសាងសមត្ថភាពដល់មន្ត្រី និងលើកទឹកចិត្តមន្ត្រីសកម្ម ។

សូមបញ្ជាក់ថា ផែនការសកម្មភាពប្រចាំឆ្នាំ២០២៤ របស់អគ្គលេខាធិការដ្ឋាន អាជ្ញាធរទន្លេសាប សម្រាប់គាំទ្រផែនការយុទ្ធសាស្ត្រ អាជ្ញាធរទន្លេសាប ២០២៤-២០២៨ ត្រូវបានដាក់ឱ្យដំណើរអនុវត្តកាលពីថ្ងៃទី ២៥ ខែមករា ឆ្នាំ២០២៤ ដែលមានសកម្មភាពចំនួន ២៨ ហើយសកម្មភាពទាំងនោះបានបន្ស៊ីជាមួយនឹងសកម្មភាពយុទ្ធស្រាស្ត្រ ទិសដៅយុទ្ធសាស្ត្រ និងគោលដៅយុទ្ធសាស្ត្រ នៃផែនការយុទ្ធសាស្ត្រ អាជ្ញាធរទន្លេសាប (២០២៤-២០២៨)។

ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចូលរួមសិក្ខាសាលាថ្នាក់ជាតិស្តីពី ការវិនិយោគលើការបន្ស៊ាំនឹងការប្រែប្រួលអាកាសធាតុ តាមរយៈការស្តារតំបន់ទេសភាពកសិអេកូឡូស៊ី នៅសណ្ឋាគារ Hyatt Regency ភ្នំពេញ

2024-04-22T21:58:19+00:00

នាថ្ងៃចន្ទ ១៤កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី២២ ខែមេសា ឆ្នាំ២០២៤ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប និងលោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ បានចូលរួមសិក្ខាសាលាថ្នាក់ជាតិស្តីពី ការវិនិយោគលើការបន្ស៊ាំនឹងការប្រែប្រួលអាកាសធាតុ តាមរយៈការស្តារតំបន់ទេសភាពកសិអេកូឡូស៊ី ក្រោមអធិបតីភាពឯកឧត្តម អ៊ាង សុផល្លែត រដ្ឋមន្ត្រីក្រសួងបរិស្ថាន។

សិក្ខាសាលាថ្នាក់ជាតិនេះមាន គោលបំណង៖
- ការចែករំលែកនូវលទ្ធផល និងបទពិសោធន៍ និងការរៀនសូត្រពីគម្រោង
- ផ្តល់ជាគម្រូដល់ភាគីពាក់ព័ន្ធ លើការដាំស្តារទេសភាពព្រៃឈើឡើងវិញ
- ស្វែងរកតម្រូវការ ដើម្បីនិរន្តរភាពក្នុងការងារដាំស្តារ និងឱកាសការងារសម្រាប់សហគមន៍ និងកសិករ
- កិច្ចប្រជុំពិភាក្សារវាងក្រុមបច្ចេកទេស ADB ជាមួយនឹងស្ថាប័នថ្នាក់ជាតិ និងអង្គការលើចំណុចគន្លឹះ បញ្ហាប្រឈម វិធីសាស្ត្រដាំស្តារទេសភាពព្រៃឈើ វិធានការការងារ និងការទទួលគំនិត មតិយោបល់
- វេទិកាតុមូលសំណួរ និងចម្លើយ រវាងវាគ្មិន និងអ្នកចូលរួម។

សូមជម្រាបជូនថាៈ សិក្ខាសាលាថ្នាក់ជាតិនេះមានការគាំទ្រដោយស្ថាប័នថ្នាក់ជាតិ និងអង្គការពាក់ព័ន្ធ ជាពិសេស ក្រសួងបរិស្ថាន ដែលស្របទៅនឹងយុទ្ធសាស្ត្រចក្រាបៃតង ក្នុងការដាំស្តារទេសភាពព្រៃអោយគ្របដណ្តប់ប្រទេសឱ្យបាន ៦០%, ទប់ស្កាត់ ការពារ និងអភិរក្ស ព្រៃឈើប្រកបដោយចីរភាព, អប់រំប្រជាពលរដ្ឋ យុវជន ឱ្យចេះស្រឡាញ់ដើមឈើ, យុទ្ធនាការដាំដើមឈើឱ្យបាន១លានដើមក្នុងមួយឆ្នាំ៕

ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចូលរួមសិក្ខាសាលាថ្នាក់ជាតិស្តីពី ការវិនិយោគលើការបន្ស៊ាំនឹងការប្រែប្រួលអាកាសធាតុ តាមរយៈការស្តារតំបន់ទេសភាពកសិអេកូឡូស៊ី នៅសណ្ឋាគារ Hyatt Regency ភ្នំពេញ

2024-04-22T21:58:19+00:00

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ចុះពិនិត្យការសាងសង់បោះបង្គោលព្រំការពារដែនព្រៃលិចទឹក និងព្រៃលិចទឹកតំបន់៣ ក្នុងតំបន់បឹងទន្លេសាប

2024-04-22T06:51:12+00:00

នាថ្ងៃ អាទិត្យ ១៣កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២១ ខែមេសា ឆ្នាំ ២០២៤ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អមដោយលោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ និងមន្ត្រីបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប ចុះពិនិត្យការសាងសង់បោះបង្គោលព្រំតំបន់ ៣ ការពារដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រស្រុកក្រគរ ឃុំកំពង់លួង និងស្រុកកណ្តៀង ឃុំកញ្ជរ និងឃុំស្យា ខេត្តពោធិ៍សាត់ បន្ទាប់ពីក្រុមការងារមន្ត្រីបច្ចេកទេសផែនទី របស់អាជ្ញាធរទន្លេសាប សហការជាមួយមន្ត្រីជនបង្គោលអាជ្ញាធរទន្លេសាប (មន្ទីរធនធានទឹក និងឧតុនិយម ខេត្តពោធិ៍សាត់) និងអាជ្ញាធរដែនដី បានបញ្ចប់ការចុះពិនិត្យផ្ទៀងផ្ទាត់និយាមកាសព្វគ្រប់ និងត្រឹមត្រូវរួចហើយទៅតាមចំនុចទីតាំងនីមួយៗក្នុងភូមិសាស្ត្រខេត្តពោធិ៍សាត់ ។

សូមជម្រាបថា ខេត្តពោធិ៍សាត់ ជាខេត្តមួយក្នុងចំណោមខេត្តទាំង ៦ អមផ្លូវជាតិលេខ ៥ និងផ្លូវជាតិលេខ ៦ ជាប់ផ្ទាល់នឹងតំបន់បឹងទន្លេសាប ដែលមានស្រុកចំនួន ៣ និងឃុំចំនួន ១៤ ជាប់ពាក់ព័ន្ធផ្ទាល់ជាមួយនឹងតំបន់ដែនព្រៃលិចទឹក (តំបន់៣) ។ ជារួមសកម្មភាពនៃការដាំបង្គោលការពារដែនព្រៃលិចទឹកព្រំតំបន់ ៣ ក្នុងខេត្តពោធិ៍សាត់ គិតមកត្រឹមថ្ងៃទី ២១ ខែមេសា ឆ្នាំ ២០២៤ នេះ គឺបានសម្រេចចំនួន ៣៥ បង្គោល លើ ១៤៦ ចំនុច ស្មើនឹង ២៤% ។

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អញ្ជើញជាអធិបតីបើកសន្និបាតបូកសរុបលទ្ធផលការងារក្រសួងធនធានទឹក និងឧតុនិយម គណ:កម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ឆ្នាំ២០២៣ និងទិសដ

2024-04-09T20:25:51+00:00

នាព្រឹកថ្ងៃអង្គារ ១កើត ខែចេត្រ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៩ ខែមេសា ឆ្នាំ២០២៤ ឯកឧត្តមរដ្ឋមន្ត្រី ថោ ជេដ្ឋា និងជា ប្រធានអាជ្ញាធរទន្លេសាប បានអញ្ជើញជាអធិបតីបើកសន្និបាតបូកសរុបលទ្ធផលការងារជាលើកដំបូង របស់ក្រសួងធនធានទឹកនិងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ឆ្នាំ២០២៣ និងទិសដៅអនុវត្តឆ្នាំ២០២៤ នៅទីស្តីការក្រសួង ក្បាលថ្នល់ ។

ឯកឧត្តមរដ្ឋមន្ត្រី និងជា ប្រធានអាជ្ញាធរទន្លេសាប បានមានប្រសាសន៍លើកឡើងថា ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន វិស័យធនធានទឹក និងឧតុនិយម សម្រេចបាននូវសមិទ្ធិផលជាច្រើននៅក្នុងឆ្នាំ២០២៣ និងបានចូលរួមចំណែកយ៉ាងសកម្មដល់ការអនុវត្តអាទិភាពគន្លឹះយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលនីតិកាលទី៦ នៃរដ្ឋសភា “មនុស្ស ផ្លូវ ទឹក និង ភ្លើង” និងក្នុងអាណត្តិថ្មីនេះ បាននិងកំពុងបន្តដាក់ចេញនូវអាទិភាពគន្លឹះចំនួន៥ ក្នុងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលនីតិកាលទី៧ នៃរដ្ឋសភា “មនុស្ស ផ្លូវ ទឹក ភ្លើង និង បច្ចេកវិទ្យា” ក្រោមការដឹកនាំប្រកបដោយសក្តានុពលរបស់ សម្តេចធិបតី នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីឈានទៅសម្រេចបានចក្ខុវិស័យកម្ពុជាឆ្នាំ២០៣០ និងឆ្នាំ២០៥០។

ជាមួយគ្នានោះដែរ ឯកឧត្តមរដ្ឋមន្ត្រី និងជា ប្រធានអាជ្ញាធរទន្លេសាប បានសង្កត់ធ្ងន់ថា វិស័យធនធានទឹក មិនត្រឹមតែបម្រើឱ្យការងារស្រោចស្រពដំណាំកសិកម្មប៉ុណ្ណោះទេ ប៉ុន្តែវិស័យធនធានទឹក បាននិងកំពុងបម្រើដល់គ្រប់វិស័យដែលពាក់ព័ន្ធ ដែលតម្រូវឱ្យក្រសួង-ស្ថាប័នពាក់ព័ន្ធ ចូលរួមសហការគាំទ្ររួមមាន ៖ ក្រសួងបរិស្ថាន ក្រសួងសាធារណ:ការ និងដឹកជញ្ជូន ក្រសួងរ៉ែនិងថាមពល ក្រសួងអភិវឌ្ឍន៍ជនបទ ក្រសួងឧស្សាហកម្ម ក្រសួងទេសចរណ៍ និងគណ:កម្មាធិការជាតិគ្រប់គ្រងគ្រោះមហន្តរាយជាដេីម ។

ឯកឧត្តមរដ្ឋមន្ត្រី និងជា ប្រធានអាជ្ញាធរទន្លេសាប បានបញ្ជាក់ផងដែរថា លទ្ធផលដែលសម្រេចបានក្នុងឆ្នាំ២០២៣ នឹងក្លាយជាកម្លាំងចលករជម្រុញការលើកទឹកចិត្តដល់ថ្នាក់ដឹកនាំ មន្ត្រីរាជការគ្រប់លំដាប់ថ្នាក់របស់ក្រសួងធនធានទឹក និងឧតុនិយម គណៈកម្មាធិការជាតិទន្លេមេគង្គកម្ពុជា និងអាជ្ញាធរទន្លេសាប ព្រមទាំងក្រសួង-ស្ថាប័នពាក់ព័ន្ធនានា ក៏ដូចជាដៃគូអភិវឌ្ឍន៍ ដើម្បីបន្តអនុវត្តផែនការការងារសម្រាប់ឆ្នាំបន្តបន្ទាប់៕

កិច្ចប្រជុំពិភាក្សាការងារ រវាងក្រុមការងារបច្ចេកទេសអាជ្ញាធរទន្លេសាប ជាមួយមន្ត្រីបច្ចេកទេសក្រសួងសាធារណៈការ និងដឹកជញ្ជូន និងអ្នកបច្ចេកទេសក្រុមហ៊ុនសាជីវកម្មស្ពាន និងថ្នល់ចិន (CRBC)

2024-04-09T16:25:48+00:00

នាព្រឹកថ្ងៃចន្ទ ១៥រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែមេសា ឆ្នាំ២០២៤ ក្រុមការងារមន្ត្រីបច្ចេកទេសអាជ្ញាធរទន្លេសាប បានជួបប្រជុំពិភាក្សាការងារ រវាងក្រុមការងារបច្ចេកទេសអាជ្ញាធរទន្លេសាប ជាមួយមន្ត្រីបច្ចេកទេសក្រសួងសាធារណៈការនិងដឹកជញ្ជូន និងអ្នកបច្ចេកទេសក្រុមហ៊ុនសាជីវកម្មស្ពាន និងថ្នល់ចិន(CRBC) លើ ករណីស្នើសុំការផ្ដល់ព័ត៌មាន និងឯកសារ ទិន្នន័យពាក់ព័ន្ធនឹងតំបន់ស្ថិតក្រោមការគ្រប់គ្រងរបស់អាជ្ញាធរទន្លេសាប ដើម្បីជួយសម្រួលដល់ការសិក្សាគម្រោងផ្លូវល្បឿនលឿនតភ្ជាប់ពី រាជធានីភ្នំពេញ-ខេត្តសៀមរាប-ក្រុងប៉ោយប៉ែត ។

គោលបំណងនៃកិច្ចប្រជុំពិភាក្សាការងារនេះគឺ ស្នើសុំការចូលរួមសហការការងារ និងពិនិត្យលទ្ធភាពការផ្តល់ទិន្នន័យ-ព័ត៌មាន និងឯកសាររបាយការណ៍បច្ចេកទេសពាក់ព័ន្ធ ជាជំនួយសម្រួលដល់ការសិក្សា វិភាគការជ្រើសរើសខ្សែផ្លូវអាទិភាព គម្រោងផ្លូវល្បឿនលឿន។

ជាលទ្ធផលកិច្ចប្រជុំពិភាក្សា ក្រុមការងារបច្ចេកទេស បានឯកភាពលើចំណុចរួមមាន ៖
- បានឯកភាពគ្នាក្នុងកិច្ចសហការការងារ ការចែករំលែកទិន្នន័យ-ព័ត៌មាន និងឯកសាររបាយការណ៍បច្ចេកទេស
- ឱ្យមានការចូលរួមពីស្ថាប័នពាក់ព័ន្ធ ជាពិសេសថ្នាក់ដឹកនាំ និងអ្នកជំនាញបច្ចេកទេស ពីអាជ្ញាធរទន្លេសាប លើកិច្ចការងារពិភាក្សា រួមទាំងការសិក្សា ការវាយតម្លៃផលប៉ះពាល់ធនធានធម្មជាតិ និងសង្គម ក្នុងតំបន់ទន្លេសាប
- បន្តយន្តការកិច្ចសហការណ៍ ក្រុមការងារបច្ចេកទេសលើការផ្លាស់ប្តូរ ចែករំលែកព័ត៌មាន-ទិន្នន័យរវាងស្ថាប័នអាជ្ញាធរទន្លេសាប និងក្រសួងសាធារណៈការ និងដឹកជញ្ជូន ដើម្បីឱ្យការសិក្សាគម្រោងសាងសង់ផ្លូវល្បឿនលឿន ដែលតភ្ជាប់ពី រាជធានីភ្នំពេញ-ខេត្តសៀមរាប-ក្រុងប៉ោយប៉ែត បញ្ចប់តាមការគ្រោងទុក និងប្រកបដោយប្រសិទ្ធភាព ៕

កិច្ចប្រជុំពិភាក្សាការងារ រវាងក្រុមការងារបច្ចេកទេសអាជ្ញាធរទន្លេសាប ជាមួយមន្ត្រីបច្ចេកទេសក្រសួងសាធារណៈការ និងដឹកជញ្ជូន និងអ្នកបច្ចេកទេសក្រុមហ៊ុនសាជីវកម្មស្ពាន និងថ្នល់ចិន (CRBC)

2024-04-09T16:25:48+00:00

មន្ត្រីបច្ចេកទេសអាជ្ញាធរទន្លេសាប ចុះពិនិត្យផ្ទៀងផ្ទាត់ចំណុចនិយាមកាព្រំប្រទល់តំបន់៣ កំណត់ដែនព្រៃលិចទឹក ខេត្តបាត់ដំបង

2024-04-09T16:20:40+00:00

នារសៀលថ្ងៃចន្ទ ១៥រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែមេសា ឆ្នា២០២៤ ក្រុមការងារមន្ត្រីបច្ចេកទេសអាជ្ញាធរទន្លេសាប បានបញ្ចប់បេសកកម្មការងារ ពិនិត្យផ្ទៀងផ្ទាត់ភាពត្រឹមត្រូវ នៃចំណុចនិយាមកាក្នុងខេត្តបាត់ដំបង ចំនួន ១៧១ចំនុច ដែលបានចាប់ផ្តើមចុះអនុវត្តកិច្ចការងារពីថ្ងៃទី១ ដល់ថ្ងៃទី៨ ខែមេសា ឆ្នាំ២០២៤ ដោយមានកិច្ចសហការចូលរួមពី អាជ្ញាធរមានសមត្ថកិច្ច អាជ្ញាធររដ្ឋបាលដែនដី និងជនបង្គោលអាជ្ញាធរទន្លេសាប (មន្ទីរធនធានទឹក និងឧតុនិយម ខេត្តបាត់ដំបង) ។

សូមជម្រាបផងដែរថា កាលពីថ្ងៃ២៥ ខែមីនា ឆ្នាំ២០២៤ បន្ទាប់ពីក្រុមការងារមន្ត្រីបច្ចេកទេសផែនទី បានបញ្ចប់សកម្មភាពចុះពិនិត្យផ្ទៀងផ្ទាត់ភាពត្រឹមត្រូវនៃចំណុចនិយាមកាចំនួន ១៤៦ ចំនុច នៅខេត្តពោធិ៍សាត់រួចរាល់។ នាថ្ងៃទី១ ខែមេសា ឆ្នាំ២០២៤ លោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានដឹកនាំក្រុមការងារមន្ត្រីបច្ចេកទេស ចុះពិនិត្យការជីករណ្តៅ និងដាំបង្គោលជាបន្តបន្ទាប់ទៅតាមចំណុចនិយាមកា បានកំណត់ដៅត្រឹមត្រូវតាមទីតាំងព្រំ នៃដែនព្រៃលិចទឹកក្នុងខេត្តពោធិ៍សាត់ ។

សូមបញ្ជាក់ថា តំបន់បឹងទន្លេសាប ត្រូវបានកំណត់បែងចែកជា ៣ តំបន់ :
- តំបន់១. ជាតំបន់ភូមិឋាន ដែលអនុញ្ញាតឱ្យចុះបញ្ជីដីធ្លីជាប្រព័ន្ធចេញប័ណ្ណកម្មសិទ្ធិជូនប្រជាពលរដ្ឋ
- តំបន់២. ជាតំបន់ទ្រនាប់ ស្ថិតនៅចន្លោះរវាងតំបន់១ និងតំបន់៣ ប្រជាពលរដ្ឋមានសិទ្ធិប្រើប្រាស់ និងអាស្រ័យផល
- តំបន់៣. ជាតំបន់ព្រៃលិចទឹក ដែលត្រូវការពារ និងហាមឃាត់ដាច់ខាត ៕

ឯកឧត្តម ហ៊ែល តូនី អនុប្រធានក្តាប់រួម ដឹកនាំពិភាក្សាកិច្ចការបច្ចេកទេសគ្រប់គ្រងរបបជលសាស្ត្រនៅតំបន់បឹងទន្លេសាប

2024-04-08T21:47:10+00:00

នាព្រឹកថ្ងៃចន្ទ ១៥រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែមេសា ឆ្នាំ២០២៤ នៅសាលប្រជុំអគ្គលេខាធិការដ្ឋានអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម បានដឹកនាំកិច្ចប្រជុំពិភាក្សាជាមួយ ឯកឧត្តម សរ គឹមសាន្ត អគ្គលេខាធិការ ឯកឧត្តម ជា សុខនី អគ្គលេខាធិការរង លោក ហេង បូរាណ ជំនួយការអនុប្រធានក្តាប់រួម លោក វិន ប៊ុនពៅ ប្រធាននាយកដ្ឋាន លោក ខ្វាន់ ភក្ត្រា អនុប្រធាននាយកដ្ឋានធនធានធម្មជាតិ និងមន្ត្រីថ្នាក់ការិយាល័យធនធានទឹក ដើម្បីពិនិត្យ និងប្រមូលព័ត៌មាន ទិន្នន័យ នៃស្ថានីយជលសាស្ត្រពាក់ព័ន្ធនឹងរបបទឹកនៅក្នុងតំបន់បឹងទន្លេសាប ទាំងរដូវប្រាំង និងរដូវវស្សា (លំហូរចូល-ចេញ, កម្ពស់ទឹក, ធារទឹក ។ល។) សម្រាប់ធ្វើការវិភាគ និងរៀបចំរបាយការណ៍បច្ចេកទេសរបបជលសាស្ត្រ នៅតំបន់ទន្លេសាបជូនថ្នាក់ដឹកនាំ ក៏ដូចជារាជរដ្ឋាភិបាល និងធ្វើការផ្សព្វផ្សាយ ដោយធ្វើការសម្របសម្រួលកិច្ចសហការជាមួយនាយកដ្ឋានជលសាស្ត្រ និងការងារទន្លេ (ក្រសួងធនធានទឹក និងឧតុនិយម) គណៈកម្មាធិការជាតិទន្លេមេគង្គកម្ពុជា មជ្ឈមណ្ឌលគ្រប់គ្រងគ្រោះទឹកជំនន់ និងរាំងស្ងួតប្រចាំតំបន់ (គណៈកម្មការមេគង្គ) និងខេត្តទាំង ៨ ក្នុងតំបន់ទន្លេសាប (ខេត្តកណ្តាល, កំពង់ចាម, កំពង់ធំ, សៀមរាប, បន្ទាយមានជ័យ, បាត់ដំបង, ពោធិ៍សាត់, និងកំពង់ឆ្នាំង) ។

សូមជម្រាបផងដែរថា កាលពីថ្ងៃទី៥ ខែមេសា ឆ្នាំ២០២៤ កន្លងទៅនេះ ក្រុមការងារបច្ចេកទេសអគ្គលេខាធិការដ្ឋានអាជ្ញាធរទន្លេសាប ដឹកនាំដោយ ឯកឧត្តម សរ គឹមសាន្ត អគ្គលេខាធិការ ក៏បានជួបពិភាក្សាលើកិច្ចការជលសាស្ត្រ និងឧតុនិយម ជាមួយក្រុមការងារបច្ចេកទេសក្រសួងធនធានទឹក និងឧតុនិយម ដឹកនាំដោយ លោកជំទាវ សិទ្ធ វណ្ណារ៉េត ទីប្រឹក្សាក្រសួង លើបញ្ហាកិច្ចសហប្រតិបត្តិការចែករំលែកព័ត៌មាន ទិន្នន័យស្ថានីយជលសាស្ត្រទាំង ៨ នៅតំបន់ទន្លេសាប ដែលគ្រប់គ្រងដោយអាជ្ញាធរទន្លេសាប ។

សូមបញ្ជាក់ថា បឹងទន្លេសាប មានទំនាក់ទំនងនឹងទន្លេមេគង្គ តាមរយៈទន្លេសាប ដែលជាប្រព័ន្ធផ្លូវទឹកដ៏សំខាន់ ទទួលឥទ្ធិពលរបបទឹកពីទន្លេមេគង្គនៅរដូវវស្សា និងហូរត្រឡប់ទៅទន្លេមេគង្គវិញនៅរដូវប្រាំង ដែលជាបាតុភូតដ៏កម្រមួយក្នុងពិភពលោក ។ ជាទូទៅទឹកក្នុងបឹងទន្លេសាបនៅរដូវវស្សាបានមកពីទន្លេមេគង្គប្រមាណ ៦២ភាគរយ និង ៣៨ភាគរយ ទៀត បានមកពីបណ្តាស្ទឹងធំៗជុំវិញបឹងទន្លេសាបទាំង ១១ ស្ទឹង ៕

លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ក្នុងខេត្តសៀមរា

2024-04-04T15:53:44+00:00

នាថ្ងៃពុធ ១០រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣ ខែមេសា ឆ្នាំ២០២៤ ក្រុមការងារមន្ត្រីការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ ដឹកនាំដោយ លោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ បានបន្តចុះអនុវត្តសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ ស្ថិតនៅក្នុងភូមិសាស្ត្រស្រុកសូទ្រនិគម ខេត្តសៀមរាប ។

ក្នុងចុះអនុវត្តសកម្មភាពនេះ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា៖
- ជួបពិភាក្សាស្វែងយល់ និងប្រមូលទិន្នន័យ-ព័ត៌មាន ជាមួយនឹងខណ្ឌជលផលខេត្តសៀមរាប
- ជួបពិភាក្សា និងប្រមូលទិន្នន័យ-ព័ត៌មានជាមួយរដ្ឋបាលស្រុកសូទ្រនិគម និងអាជ្ញាធរឃុំកំពង់ឃ្លាំងស្រុកសូទ្រនិគមខេត្តសៀមរាប ។

- ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទព្រែកស្រមោច។
សូមជម្រាបជូនថាៈ សកម្មភាពចុះសិក្សាសកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ មានគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្ន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធនធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព៕

លោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ បានចុះពិនិត្យការសាងសង់បង្គោលព្រំតំបន់ ៣ ការពារដែនព្រៃលិចទឹក ក្នុងតំបន់បឹងទន្លេសាប

2024-04-04T09:37:08+00:00

បន្ទាប់ពីក្រុមមន្ត្រីបច្ចេកទេសផែនទី អាជ្ញាធរទន្លេសាប សហការជាមួយមន្ត្រីជនបង្គោលអាជ្ញាធរទន្លេសាប (មន្ទីរធនធានទឹក និងឧតុនិយម ខេត្តពោធិ៍សាត់) និងអាជ្ញាធរដែនដី បានចុះពិនិត្យផ្ទៀងផ្ទាត់និយាមកាចំនួន ១៤៦ ចំនុចនៅក្នុងខេត្តពោធិ៍សាត់បានត្រឹមត្រូវ នៅថ្ងៃពុធ ១០រោច ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ៣ ខែមេសា ឆ្នាំ ២០២៤ លោក ឡុក សីលា ប្រធាននាយកដ្ឋានរដ្ឋបាល ផែនការ និងសហប្រតិបត្តិការ អមដោយមន្ត្រីបច្ចេកទេសអាជ្ញាធរទន្លេសាប បានចុះពិនិត្យការសាងសង់បង្គោលព្រំតំបន់ ៣ ការពារដែនព្រៃលិចទឹក និងព្រៃលិចទឹក ស្ថិតក្នុងទីតាំងភូមិសាស្ត្រភូមិផ្លូវលួង ឃុំកញ្ជរ និងភូមិធ្លក ឃុំស្យា ស្រុកកណ្តៀង ខេត្តពោធិ៍សាត់ ។

សូមជម្រាបថា អាជ្ញាធរទន្លេសាប ត្រូវបានរាជរដ្ឋាភិបាល សម្រេចឱ្យទទួលខុសត្រូវ ពង្រឹងការអនុវត្តភារកិច្ចស្របតាមសមត្ថកិច្ចកំណត់ និងជំរុញបញ្ចប់ការធ្វើបច្ចុប្បន្នភាពផែនទីតំបន់១ តំបន់២ និងតំបន់៣ នៃតំបន់ទន្លេសាប និងធ្វើការបោះបង្គោលព្រំស្របតាមលក្ខណៈបច្ចេកទេស (សេចក្តីជូនដំណឹងលេខ ១៨៨ សជណ.ដប ចុះថ្ងៃទី៩ ខែកុម្ភៈ ឆ្នាំ២០២៤)៕

ឯកឧត្តមរដ្ឋមន្រ្តី ថោ ជេដ្ឋា ប្រធានអាជ្ញាធរទន្លេសាប អមដំណើរឯកឧត្តមឧបនាយករដ្ឋមន្ត្រី សាយ សំអាល់ ចុះពិនិត្យស្ថានភាពទូទៅជុំវិញបឹងទន្លេសាប តាមឧទ្ធម្ភាគចក្រ

2024-04-04T09:19:11+00:00

នាព្រឹកថ្ងៃពុធ ១០រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣ ខែមេសា ឆ្នាំ ២០២៤ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ព្រមជាមួយឯកឧត្តមរដ្ឋមន្រ្តី និងថ្នាក់ដឹកនាំក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន ក្រសួងរៀបចំដែនដី នគរូបនីយកម្ម និងសំណង់ និងអាជ្ញាធរទន្លេសាប បានអមដំណើរឯកឧត្តម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ តាមឧទ្ធម្ភាគចក្រ ដើម្បីពិនិត្យមើលពីស្ថានភាពទូទៅនៅជុំវិញតំបន់បឹងទន្លេសាប។ អានត...

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានចូលរួមក្នុងកិច្ចប្រជុំ ស្តីពីការអភិវឌ្ឍន៍សមត្ថភាពទិន្នន័យនយោបាយទឹក ក្រោមកម្មវិធីអភិបាលកិច្ចទឹកតំបន់មេគង្គ

2024-04-03T06:52:41+00:00

តបតាមការអញ្ជើញរបស់អង្គការ OXFAM និងបានទទួលការឯកភាពដ៏ខ្ពង់ខ្ពស់ពី ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប នារសៀលថ្ងៃអង្គារ ៩រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២ ខែមេសា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម និងលោក ហេង បូរាណ ជំនួយការឯកឧត្តមអនុប្រធានក្តាប់រួម បានចូលរួមចែករំលែកការយល់ដឹងលើទស្សនៈវិស័យយុទ្ធសាស្ត្រ របស់អាជ្ញាធរទន្លេសាបក្នុងការគ្រប់គ្រងបឹងទន្លេសាប ក្នុងកិច្ចប្រជុំការអភិវឌ្ឍន៍សមត្ថភាពទិន្នន័យនយោបាយទឹក ក្រោមកម្មវិធីអភិបាលកិច្ចទឹកតំបន់មេគង្គ ដែលបានប្រព្រឹត្តិទៅនៅ Palace Gate Hotel & Resort, Phnom Penh និងមានការចូលរួមពីក្រុមមន្ត្រីគ្រប់គ្រងកម្មវិធីអភិបាលកិច្ចមេគង្គ OXFAM ។

សូមជម្រាបថា កិច្ចប្រជុំខាងលើ មានគោលបំណង (១). លើកកម្ពស់សមត្ថភាពក្រុមមន្ត្រី ក្នុងការគាំទ្រភាគី/សហគមន៍គោលដៅពាក់ព័ន្ធ ឱ្យមានលទ្ធភាពទទួលបាននូវព័ត៌មាន ទិន្នន័យ និងចំណេះដឹង សម្រាប់ការទ្រទ្រង់ជីវភាពរស់នៅ និងភាពធន់ និងលទ្ធភាពក្នុងការចែករំលែកព័ត៌មាន និងបទពិសោធន៍ជាមួយអ្នកប្រើប្រាស់/សហគមន៍ផ្សេងទៀត (២).ធានាបាននូវគណនេយ្យភាពខ្ពស់ និងទំនួលខុសត្រូវរាល់សកម្មភាពអនុវត្តន៍ ព្រមជាមួយការធ្វើឱ្យប្រសើរឡើងនូវការអន្តរាគមន៍នៃវដ្តជីវិតដែលពាក់ព័ន្ធប្រកបដោយនិរន្តរភាព។

ជារួម បន្ទាប់ពីការចូលរួមចែករំលែកគំនិតទស្សនៈទានរបស់ថ្នាក់ដឹកនាំ អាជ្ញាធរទន្លេសាប ចំពោះផែនការយុទ្ធសាស្ត្ររយៈពេលវែង របស់អាជ្ញាធរទន្លេសាប ជាមួយនឹងការគ្រប់គ្រងបឹងទន្លេសាប ដោយបន្ស៊ីជាមួយគោលនយោបាយយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាល អាណត្តិទី៧ និងគោលដៅអភិវឌ្ឍន៍ប្រកបដោយចីរភាព ។ អង្គប្រជុំ បានយកចិត្តទុកដាក់ និងចាប់អារម្មណ៍ជាខ្លាំង ជាមួយនឹងកិច្ចការដំណើរការការងាររបស់អាជ្ញាធរទន្លេសាប បាននិងកំពុងគិតគូរដោយហ្មត់ចត់ចំពោះវិធានការការពារថែរក្សា អភិរក្ស និងគ្រប់គ្រងធនធានទឹក ធនធានធម្មជាតិ និងបរិស្ថាននៅតំបន់បឹងទន្លេសាប ដែលបច្ចុប្បន្នបឹងទន្លេសាប បាននិងកំពុងតែទទួលរងនូវផលប៉ះពាល់បណ្តាលមកពីការអភិវឌ្ឍន៍ហួសកម្រិត វិសមភាពនៃការទាញអត្ថប្រយោជន៍ និងបម្រែបម្រួលអាកាសធាតុ ។ ក្នុងនោះដែរ អង្គប្រជុំក៏បានគិតគូរ នឹងរៀបចំនូវកម្មវិធីការងារក្នុងការពង្រឹងកិច្ចសហប្រតិបត្តិការជាមួយ អាជ្ញាធរទន្លេសាប ដើម្បីចូលរួមចំណែកគាំទ្រដល់ការគ្រប់គ្រង និងអភិវឌ្ឍន៍តំបន់ទន្លេសាបប្រកបដោយចីរភាព៕

ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាបអញ្ជើញចុះពិនិត្យ និងស្វែងយល់ពីស្ថានភាពបឹងទន្លេសាបក្នុងភូមិសាស្ត្រខេត្តកំពង់ឆ្នាំង និងខេត្តកំពង់ធំ

2024-03-26T15:07:36+00:00

នៅថ្ងៃអង្គារ ២រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែមីនា ឆ្នាំ២០២៤នេះ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អមដំណើរដោយឯកឧត្តមថ្នាក់ដឹកនាំក្រសួង និងអាជ្ញាធរទន្លេសាប មន្ត្រីបច្ចកទេសក្រសួងនិងមន្ទីរ រួមជាមួយអាជ្ញាធរមូលដ្ឋាន បានចុះពិនិត្យនិងស្វែងយល់ពីស្ថានភាពទូទៅ និងការរស់នៅរបស់បងប្អូនប្រជាពលរដ្ឋនៃសហគមន៍នេសាទភូមិបណ្តែតទឹកក្នុងតំបន់បឹងទន្លេសាប ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ និងឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង។

សូមជម្រាបថា ដំណើរចុះបេសកកម្មរបស់ ឯកឧត្តមរដ្ឋមន្ត្រី ប្រធានអាជ្ញាធរទន្លេសាប នាពេលនេះគឺក្នុងគោលបំណង ដើម្បីពិនិត្យ និងស្វែងយល់ពី ទី១)ស្ថានភាពតំបន់ដែនព្រៃលិចទឹក និងព្រៃលិចទឹក ក្នុងតំបន់៣ ដែលនឹងត្រូវបោះបង្គោលព្រំការពារថែរក្សា ទី២)ការគ្រប់គ្រងធនធានទឹកសម្រាប់ការបង្កបង្កើនផលលើផ្ទៃដីកសិកម្មក្នុងតំបន់អាស្រ័យផលក្នុងតំបន់២ ទី៣)ការគ្រប់គ្រងរបស់អាជ្ញាធរដែនដីមានសមត្ថកិច្ច និងសហគមន៍ក្នុងកិច្ចការពារធនធានធម្មជាតិ ទី៤)ស្ថានភាពទឹកបឹងទន្លេសាប និងទី៥)ការទ្រទ្រង់ជីវភាពរស់នៅរបស់ប្រជាពលរដ្ឋនៅតាមសហគមន៍ សម្រាប់ធ្វើជាធាតុចូលដ៏សំខាន់ក្នុងការផ្តួចផ្តើមគំនិតពីការគិតគូរដោយយកចិត្តទុកដាក់ចំពោះបញ្ហាគ្រប់គ្រងធនធានទឹក និងធនធានធម្មជាតិឱ្យមានប្រសិទ្ធភាពខ្ពស់នៅក្នុងតំបន់ទន្លេសាប និងឈានទៅរៀបចំកសាងនូវគោលនយោបាយមួយច្បាស់លាស់ និងផែនការយុទ្ធសាស្ត្ររយៈពេលវែងក្នុងការគ្រប់គ្រង និងអភិវឌ្ឍន៍តំបន់ទន្លេសាបប្រកបដោយចីរភាព ដើម្បីចូលរួមចំណែកលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលកម្ពុជា ក្នុងបាវចនាទាំង៥ ៖ កំណើន ការងារ សមធម៌ ប្រសិទ្ធភាព ចីរភាព ដើម្បីកសាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជាឆ្នាំ២០៥០។

ក្នុងឱកាសនោះ ឯកឧត្តមរដ្ឋមន្ត្រី និងជាប្រធានអាជ្ញាធរទន្លេសាបក៏បានជួបសំណេះសំណាលជាមួយអាជ្ញាធរមូលដ្ឋាន ប្រជាពលរដ្ឋ និងសហគមន៍នេសាទ ដែលកំពុងរស់នៅប្រកបរបរចិញ្ចឹមជីវិតអាស្រ័យនឹងធនធានធម្មជាតិរបស់បឹងទន្លេសាប ស្ថិតក្នុងតំបន់នោះផងដែរ។ ឯកឧត្តមរដ្ឋមន្ត្រី បានបង្ហាញនូវការចាប់អារម្មណ៍យ៉ាងខ្លាំងជាមួយនឹងការប្រែប្រួលរបបទឹកនៅក្នុងរដូវប្រាំងធៀបនឹងរដូវវស្សា ការរេចរិលនៃធនធនធម្មជាតិ គុណភាពទឹក សេវាកម្មទេសចរ និងការរស់នៅរបស់ប្រជាពលរដ្ឋសហគមន៍ក្នុង ការប្រើប្រាស់ទឹកប្រចាំថ្ងៃ ការវេចខ្ចប់កាកសំណល់រឹងរាវ ការធ្វើអនាម័យ និងការបញ្ចេញទឹកកខ្វក់ពី អាជីវកម្មខ្នាតតូចនៅលើទឹកបឹង ដែលពាក់ព័ន្ធជាមួយនឹងសុខមាលភាពរបស់បឹងទាំងមូល។

ជាមួយគ្នានេះ ឯកឧត្តមរដ្ឋមន្ត្រី ប្រធានអាជ្ញាធរទន្លេសាប ក៏បានលើកឡើងពីសារសំខាន់របស់បឹងទន្លេសាប ដែលជាសម្បត្តិធនធានធម្មជាតិមិនអាចកាត់ថ្លៃបាន និងបានបញ្ជាក់ពីការយកចិត្តទុកដាក់ និងការប្តេជ្ញាចិត្តរបស់រាជរដ្ឋាភិបាល នីតិកាលទី៧ នៃរដ្ឋសភា ក្នុងការការពារថែរក្សា និងគ្រប់គ្រងតំបន់ទន្លេសាបប្រកបដោយចីរភាព ព្រមទាំងបានណែនាំដល់អាជ្ញាធរមូលដ្ឋានគ្រប់លំដាប់ថ្នាក់ត្រូវរួមសហការគ្នាជាមួយក្រសួង ស្ថាប័នជំនាញ ក្នុងការចូលរួមលើកកម្ពស់ប្រសិទ្ធភាពនៃការការពារ ការអភិរក្ស និងការគ្រប់គ្រងធនធានធម្មជាតិ និងបរិស្ថានរបស់បឹងទន្លេសាបឱ្យមាននិរន្តរភាព ។

គួរបញ្ជាក់ថា បឹងទន្លេសាប គឺជាបឹងទឹកសាបមួយដែលធំជាងគេក្នុងភូមិភាគអាស៊ីអាគ្នេយ៍ និងជាប្រព័ន្ធអេកូឡូស៊ីធម្មជាតិមានតម្លៃមិនអាចកាត់ថ្លៃបានទាំងផ្នែកសង្គម សេដ្ឋកិច្ច វប្បធម៌ និងបរិស្ថាន ដែលកំណត់ពីអត្តសញ្ញាណជាតិ និងបានដើរតួនាទីយ៉ាងសំខាន់ក្នុងការផ្តល់សន្តិសុខស្បៀង និងផ្គត់ផ្គង់ជីវភាពរស់នៅប្រជាពលរដ្ឋកម្ពុជាទូទាំងប្រទេស។ ការទាញយកផលប្រយោជន៍ពីធនធានធម្មជាតិបឹងទន្លេសាបហួសកម្រិត រួមជាមួយការប្រែប្រួលអាកាសធាតុ បានធ្វើឱ្យបឹងទន្លេសាប ទទួលរងនូវការគំរាមកំហែងគួរឱ្យព្រួយបារម្ភ ដែលនឹងអាចធ្វើឱ្យបាត់នូវលំនឹងប្រព័ន្ធអេកូឡូស៊ី៕

លោក វិន ប៊ុនពៅ ប្រធាននាយកដ្ឋានធនធានធម្មជាតិ បានចូលរួមសិក្ខាសាលាពិគ្រោះយោបល់លើកទី ១ ស្តីពីផែនការគ្រប់គ្រងអាងស្ទឹងជីនិត របស់គម្រោងកែលម្អប្រព័ន្ធធារាសាស្ត្រកសិកម្ម នៅក្រុងស្ទឹងសែន ខេត្តកំពង់ធំ

2024-03-21T15:11:09+00:00

នៅថ្ងៃព្រហស្បតិ៍ ១២ កើត ដល់ថ្ងៃសុក្រ ១៣ កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២១ ដល់ ២២ ខែមីនា ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិ ត្រូវបានចាត់តាំងឱ្យ ចូលរួមសិក្ខាសាលាពិគ្រោះយោបល់លើកទី១ ស្តីពីផែនការគ្រប់គ្រងអាងស្ទឹងជីនិតរបស់គម្រោងកែលម្អប្រព័ន្ធធារាសាស្ត្រកសិកម្មនៅផ្នែកខាងត្បូងក្រុងស្ទឹង សែនខេត្តកំពង់ធំនៅសណ្ឋាគារកំពង់ធំរ៉ូយ៉ាល់។

អង្គសិក្ខាសាលាបានដឹកនាំ និងសម្របសម្រួលដោយ ឯកឧត្តម ចាន់ ស៊ីណាត រដ្ឋលេខាធិការ ក្រសួងធនធានទឹក និងឧតុនិយម និងសមាសភាពតំណាងចូលរួមពីក្រសួង-ស្ថាប័នថ្នាក់ជាតិ និងថ្នាក់ក្រោមជាតិ រួមមាន៖ ក្រសួងធនធានទឹក និងឧតុនិយម ក្រសួងកសិកម្ម រុក្ខាប្រមាញ់ និងនេសាទ ក្រសួងរ៉ែ និងថាមពល អាជ្ញាធរទន្លេសាប មន្ទីរធនធានទឹក និងឧតុនិយមខេត្ត មន្ទីរកសិកម្ម រុក្ខាប្រមាញ់ និងនេសាទ មន្ទីររ៉ែ និងថាមពល មន្ទីរឧស្សាហកម្ម មន្ទីររៀបចំដែនដី នគរូបនីយកម្ម និងសំណង់ មន្ទីររដ្ឋាករទឹកស្វយ័តខេត្ត សរុបចំនួន ៥០រូប ។

អង្គសិក្ខាសាលាបានផ្តោតលើ៖
១. សាវតារបស់គម្រោងកែលម្អប្រព័ន្ធធារាសាស្ត្រអាងស្ទឹងជីនិត និងប្រភពថវិកា
២. ការកសាងផែនការគ្រប់គ្រងអាងស្ទឹងជីនិត
៣. លទ្ធភាពប្រើប្រាស់ទឹក និងការផ្គត់ផ្គង់ទឹកសម្រាប់អាងស្ទឹង
៤. បម្រែបម្រួលអាកាសធាតុ របបជលសាស្ត្រ-ឧតុនិយម និងផលប៉ះពាល់បាតុភូតផ្សេងៗមកលើអាងស្ទឹង និង
៥. ការចែករំលែកបទពិសោធន៍លើការងារគ្រប់គ្រងធនធានទឹក កសិកម្ម ធនធានរ៉ែ និងការប្រើប្រាស់ទឹកក្នុងវិស័យឧស្សាហកម្មក្នុងអាងស្ទឹងជីនិត ។

លទ្ធផលអង្គសិក្ខាសាលាបានពិភាក្សាលើ៖
• ផែនការគម្រោងកែលម្អប្រព័ន្ធធារាសាស្ត្រអាងស្ទឹងជីនិត
• ការព្យាករណ៍អាកាសធាតុ ជលសាស្ត្រ និងឧតុនិយម ច្រើនឆ្នាំសម្រាប់អាងស្ទឹង
• គម្រោងកែលម្អប្រព័ន្ធធារាសាស្ត្របានផ្តោតលើទីតាំង ចំនួន ៥ ខេត្ត (ខេត្តបាត់ដំបង កំពង់ចាម កំពង់ធំ កំពត និងតាកែវ)
• បញ្ហាប្រឈម ដំណោះស្រាយ និងតម្រូវការទឹកប្រើប្រាស់នៅក្នុងគម្រោងកែលម្អប្រព័ន្ធធារាសាស្ត្រអាងស្ទឹងជីនិត៕

ឯកឧត្តម ហ៊ែល តូនី ដឹកនាំគណៈប្រតិភូធនាគារពិភពលោក ចុះពិនិត្យស្វែងយល់ពីស្ថានភាពភាពទូទៅ និងការរស់នៅរបស់ប្រជាពលរដ្ឋភូមិបណ្តែតទឹកក្នុងតំបន់បឹងទន្លេសាប ស្ថិតក្នុងភូមិសាស្ត្រឃុំកំពង់លួង ស្រុកក្រគរ ខេត្តពោធិ៍សាត់

2024-03-20T23:49:43+00:00

បន្ទាប់ពីជំនួបពិភាក្សាការងាររវាង ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ជាមួយប្រតិភូធនាគារពិភពលោក លោកស្រី Maria Angelica Sotomayor ប្រធានទទួលបន្ទុកផ្នែកទឹកប្រចាំតំបន់អាស៊ីខាងកើត និងប៉ាស៊ីហ្វិក កាលពីព្រឹកថ្ងៃទី១៩ ខែមីនា ឆ្នាំ២០២៤ នៅទីស្តីការក្រសួងធនធានទឹក និងឧតុនិយម ។ នៅថ្ងៃពុធ ១១កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២០ ខែមីនា ឆ្នាំ២០២៤ នេះ ឯកឧត្តម ហ៊ែល តូនី អនុប្រធានក្តាប់រួម ជាមួយនឹងក្រុមការងារមន្ត្រីបច្ចេកទេសអាជ្ញាធរទន្លេសាប បានដឹកនាំក្រុមគណៈប្រតិភូធនាគារពិភពលោក លោកស្រី Maria Angelica Sotomayor ចុះពិនិត្យស្វែងយល់ពីស្ថានភាពទូទៅ និងការរស់នៅរបស់ប្រជាពលរដ្ឋភូមិបណ្តែតទឹកក្នុងតំបន់បឹងទន្លេសាប ស្ថិតក្នុងភូមិសាស្ត្រឃុំកំពង់លួង ស្រុកក្រគរ ខេត្តពោធិ៍សាត់ ។

សូមជម្រាបថា ក្នុងដំណើរទស្សនៈកិច្ចរបស់គណៈប្រតិភូធនាគារពិភពលោកនៅទីតាំងផ្នែកមួយនៃតំបន់បឹងទន្លេសាប គឺដើម្បីផ្តួចផ្តើមគំនិតពីការគិតគូរដោយហ្មត់ចត់ចំពោះការរៀបចំនូវការគ្រប់គ្រងធនធានទឹក និងធនធានធម្មជាតិ បរិស្ថានតំបន់អាងបឹងទន្លេ សាបសម្រាប់កំណើនប្រកបដោយចីរភាព ដោយធ្វើការវាយតម្លៃលើស្ថានភាពទូទៅរបស់អាងបឹងទន្លេសាបជាមួយនឹងការរៀបចំផែនការយុទ្ធសាស្ត្ររយៈពេលវែងក្នុងការគ្រប់គ្រង និងអភិវឌ្ឍន៍តំបន់ទន្លេសាប ដែលមាន អាជ្ញាធរទន្លេសាប ជាស្ថាប័នសេនាធិការឱ្យរាជរដ្ឋាភិបាល ដែលជាស្ថាប័នមួយ ដើរតួនាទីយ៉ាងសំខាន់លើកិច្ចការសម្របសម្រួលអន្តរវិស័យ ក្នុងតំបន់អាងទន្លេសាប។

សូមជម្រាបជូនថា បេសកកម្មរយៈពេលមួយថ្ងៃនេះ គណៈប្រតិភូ បានចុះពិនិត្យដល់ទីតាំងជាក់ស្តែង និងបានស្វែងយល់ជាបឋមលើការគ្រប់គ្រងធនធានធម្មជាតិ និងបរិស្ថាន ដែលពាក់ព័ន្ធជាមួយនឹងការប្រើប្រាស់ទឹក, គុណភាពទឹក, ការគ្រប់គ្រងថង់ប្លាស្ទិក និងការបញ្ចេញចោលរាល់កាកសំណល់ទៅក្នុងទឹកបឹង ដែលផ្សារភ្ជាប់ទៅនឹងសុខុមាលភាពរបស់បឹងទាំងមូល ជាមួយនឹងការស្វែងយល់ពីការរស់នៅរបស់ប្រជាពលរដ្ឋនៅភូមិបណ្តែតទឹក ដែលរស់នៅពឹងផ្អែកទាំងស្រុងទៅលើធនធានធម្មជាតិ របស់បឹងទន្លេសាប ជាពិសេសការចិញ្ចឹមជិវិតប្រចាំថ្ងៃជាមួយនឹងរបរនេសាទ អាជីវកម្មខ្នាតតូចជាលក្ខណៈគ្រួសារ និងសេវាកម្មទេសចរ នៅលើផ្ទៃបឹងទន្លេសាប ។

សូមបញ្ជាក់ថា កាលពីពេលថ្មីៗកន្លងទៅនេះ ធនាគារពិភពលោក បានអនុម័តកញ្ចប់ថវិកា សម្រាប់ការសិក្សាជំហានបឋមតំបន់បឹងទន្លេសាប ដើម្បីឈានទៅធ្វើការគ្រប់គ្រង និងអភិរក្សតំបន់បឹងទន្លេសាបឱ្យមាននិរន្តរភាពយូរអង្វែង ស្របពេលដែលរាជរដ្ឋាភិបាលអាណត្តិ ទី ៧ ក្រោមការដឹកនាំដ៏ខ្ពង់ខ្ពស់បំផុតរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាននិងកំពុងដាក់ចេញនូវវិធានការយ៉ាងក្តៅចំពោះការការពារថែរក្សា និងគ្រប់គ្រងដែនព្រៃលិចទឹក និងព្រៃលិចទឹកនៅក្នុងខេត្តទាំង ៦ ជុំវិញបឹងទន្លេសាប ។

ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប អញ្ជើញចូលរួមកិច្ចប្រជុំសមាសភាពសមាជិកគណៈកម្មាធិការជាតិទន្លេមេគង្គកម្ពុជា លើកដំបូងឆ្នាំ២០២៤

2024-03-20T14:59:47+00:00

ដោយមានការឯកភាពដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម ប្រធានគណៈកម្មាធិការជាតិទន្លេមេគង្គកម្ពុជា និងជាប្រធានអាជ្ញាធរទន្លេសាប នៅព្រឹកថ្ងៃពុធ ១១ កើត ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២០ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប រួមជាមួយលោក យ៉ាន់ សំរិទ្ធ ប្រធាននាយកដ្ឋាននីតិកម្ម និងផ្សព្វផ្សាយ និងលោក វិន ប៊ុនពៅ ប្រធាននាយកដ្ឋានធនធានធម្មជាតិ បានអញ្ជើញចូលរួម “កិច្ចប្រជុំលើកដំបូង នៃសមាសភាពសមាជិកគណៈកម្មាធិការជាតិទន្លេមេគង្គកម្ពុជាឆ្នាំ២០២៤” ក្នុងអាណត្តិរាជរដ្ឋាភិបាលនីតិកាលទី៧នៃរដ្ឋសភា នៅសាលប្រជុំទីស្តីការក្រសួងធនធានទឹក និងឧតុនិយម ។

កិច្ចប្រជុំនេះ មានការចូលរួមពីសមាសភាពសមាជិកគណ:កម្មាធិការជាតិទន្លេមេគង្គកម្ពុជា នាយកខុទ្ទកាល័យ ឯកឧត្តមរដ្ឋមន្ត្រី ឯកឧត្តម លោកជំទាវ ជាអនុប្រធាន អនុប្រធានអចិន្ត្រៃយ៍ ឯកឧត្តមទីប្រឹក្សា អគ្គលេខាធិការ អគ្គលេខាធិការង មន្ត្រីថ្នាក់នាយកដ្ឋាន គ.ទ.ជ.ក និង ឯកឧត្តម លោក លោកស្រី មន្ត្រីអមឯកឧត្តមរដ្ឋមន្ត្រី មានចំនួន៧០រូប។

សូមជម្រាបជូនថា កិច្ចប្រជុំនេះមានគោលបំណង ដើម្បី៖

i. ជម្រាបជូនដល់ឯកឧត្តម លោកជំទាវ ជារដ្ឋលេខាធិការ និងអគ្គលេខាធិការក្រសួងស្ថាប័ន ដែលទេីបទទួលបានការតែងតាំងជាសមាសភាព គ.ជ.ទ.ក ក្នុងអាណត្តិរាជរដ្ឋាភិបាល នីតិកាលទី៧ នៃរដ្ឋសភា

ii. អំពីការងាររបស់គណៈកម្មាធិការជាតិទន្លេមេគង្គកម្ពុជា នៅថ្នាក់ជាតិ និងកិច្ចសហប្រតិបត្តិការក្នុងក្របខ័ណ្ឌគណៈកម្មការទន្លេមេគង្គ (MRC)។

ក្នុងឱកាសដ៏មានតម្លៃនេះដែរ ឯកឧត្តមរដ្ឋមន្ត្រី និងជាប្រធាន គ.ជ.ទ.ក បានលើកឡើងថា គណៈកម្មាជាតិទន្លេមេគង្គកម្ពុជា ជាស្ថាប័នសម្របសម្រួលក្នុងក្របខ័ណ្ឌកិច្ចសហប្រតិបត្តិការមេគង្គសម្រាប់កម្ពុជា បានធ្វើការយ៉ាងជិតសិ្នទ្ធ និងប្រកបដោយកិច្ចសហការល្អជាមួយក្រសួង ស្ថាប័ន និងភាគីពាក់ព័ន្ធផ្សេងទៀតនៅថ្នាក់ជាតិ និងនៅកម្រិតតំបន់ គ.ជ.ទ.ក បានចូលរួមយ៉ាងសកម្ម និងធ្វើកិច្ចសហការយ៉ាងជិតស្និទ្ធជាមួយប្រទេសជាសមាជិក (ប្រទេសឡាវ ថៃ និងវៀតណាម) និងជាមួយដៃគូសន្ទនា (ប្រទេសចិន និងប្រទេសមីយ៉ាន់ម៉ា) ព្រមទាំងដៃគូសហការពាក់ព័ន្ធដទៃទៀត សំដៅការពារ អភិរក្ស និងអភិវឌ្ឍន៍ធនធានទឹក និងធនធានធម្មជាតិ ដើម្បីផលប្រយោជន៍ជាតិ និងប្រជាជន ប្រកបដោយសន្តិភាព មិត្តភាព និងកិច្ចសហប្រតិបត្តិការល្អក្នុងតំបន់មេគង្គ ។

ឯកឧត្តមរដ្ឋមន្ត្រីបញ្ជាក់ថា សមិទ្ធិផលក្នុងក្របខ័ណ្ឌកិច្ចសហប្រតិបត្តិការមេគង្គទាំងនៅថ្នាក់ជាតិ និងថ្នាក់តំបន់ដែលសម្រេចបាន គឺបង្ហាញពីការយកចិត្តទុកដាក់ និងកិច្ចខិតខំប្រឹងប្រែងក្នុងស្មារតីទទួលខុសត្រូវខ្ពស់ក្នុងការចូលរួមអនុវត្តគោលនយោបាយ និងផែនការយុទ្ធសាស្ត្រអភិវឌ្ឍន៍ជាតិរបស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងនីតិកាលទី៧ នៃរដ្ឋសភា ដោយមានការគាំទ្រ និងកិច្ចសហការល្អពីគ្រប់ក្រសួង ស្ថាប័នជាសមាជិក និងភាគីពាក់ព័ន្ធទាំងអស់សម្រេចបានសមិទ្ធិផលធំៗ ក្នុងការជម្រុញ ពង្រឹង និងលើកកម្ពស់កិច្ចសហប្រតិបត្តិការលើការគ្រប់គ្រងធនធានទឹក និងធនធានពាក់ព័ន្ធក្នុងអាងទន្លេមេគង្គ ដើម្បី “កំណើន ការងារ សមធម៌ ប្រសិទ្ធភាព និងចីរភាព” និងមានគោលដៅជាយុទ្ធសាស្ត្រ ដែលបានកំណត់យកវិស័យអាទិភាពគន្លឹះចំនួន ៥ រួមមាន មនុស្ស ផ្លូវ ទឹក ភ្លើង និងបច្ចេកវិទ្យាឌីជីថល ក្នុងគោលដៅប្រែក្លាយកម្ពុជាទៅជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ ដើម្បីកសាងមូលដ្ឋានគ្រឹះឆ្ពោះទៅសម្រេចបានចក្ខុវិស័យកម្ពុជាឆ្នាំ២០៥០ ៕

លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស ចុះសិក្សាស្តីពីបម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងខេត្តកំពង់ឆ្នាំង ពោធិ៍សាត់ និងខេត្តកំពង់ធំ

2024-03-16T09:15:56+00:00

កាលពីថ្ងៃចន្ទ ២កើត ដល់ថ្ងៃសុក្រ ៦កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១១ ដល់ថ្ងៃទី ១៥ ខែមីនា ឆ្នាំ២០២៤ លោក ប៉ុន វុឌ្ឍី អនុប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងតំបន់ឆ្នុកទ្រូ ឃុំឆ្នុកទ្រូ ស្រុកបរិបូរណ៌ ខេត្តកំពង់ឆ្នាំង តំបន់កំពង់លួង ឃុំកំពង់លួង ស្រុកក្រគរ ខេត្តពោធិ៍សាត់ និងតំបន់ផាត់សណ្តាយ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ។

ការចុះសិក្សានេះ ក្រុមការងារបានធ្វើលើ ៖
ទី១. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សា ។
ទី២. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ, វាស់គុណភាពទឹកបឋម និងពិនិត្យលើលំនៅដ្ឋានធនធានជលផលនៅរដូវប្រាំង ។

ជាមួយនឹងសកម្មភាពក្រុមការងារចុះសិក្សានៅតំបន់ខាងលើ និងតំបន់ពាក់ព័ន្ធ ជាលទ្ធផលបឋមបង្ហាញថា ៖
១. រកឃើញប្រភេទត្រីចំនួន ៣៨ ប្រភេទ តាមរយៈការនេសាទដោយប្រើប្រាស់នូវឧបករណ៍ចំនួន ៤ ប្រភេទ គឺឧបករណ៍មងអូស មងសង្គ្រប់ សំណាញ់ និងបរ ។
២. ធនធានក្រៅពីត្រីមានចំនួន ៧ប្រភេទ និងការប្រើប្រាស់ធនធានត្រីសម្រាប់វារីវប្បកម្មនៅក្នុងតំបន់សិក្សា ។
៣. ការវាស់សំណាកគុណភាពទឹកដោយឧបករណ៍ស្វ័យប្រវត្តិបឋមនៅតាមតំបន់សិក្សារួមមាន៖ កម្រិតភាពថ្លានៃទឹក, អុកស៊ីសែនរលាយក្នុងទឹក(DO), ប៉េហាស (pH), កម្រិតកម្ពស់ទឹក, សីតុណ្ហភាពទឹកបឹង និងកម្រិតស្លែ និងកកររបស់ទឹកបឹង ព្រមទាំងការពិនិត្យភាពសម្បូរនៃប្លង់តុង (ប្លង់តុងរុក្ខជាតិ និងប្លង់តុងសត្វ) ។

សូមជម្រាបជូនថាៈ សកម្មភាពចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រខេត្តកំពង់ឆ្នាំង ពោធិ៍សាត់ និងខេត្តកំពង់ធំ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៤ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។

សកម្មភាពខាងលើនេះ មានគោលបំណង៖
- តាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍នេសាទក្នុងទីតាំងសិក្សា។
- បច្ចុប្បន្នភាពប្រភេទ និងលក្ខណៈជីវសាស្ត្រធនធានជលផលតាមប្រភេទទីជម្រក ចំណី និងបរិស្ថានទឹក។ (វាយតម្លៃបឋមលើគុណភាពទឹកតាមទីតាំងចុះសិក្សា)
- វាយតម្លៃប្រភេទធនធានជលផលនៅតាមដងទន្លេសាប (កណ្តាល-ភ្នំពេញ-កំពង់ឆ្នាំង) នៅឡូត៍ដាយត្រី និងតំបន់ពាក់ព័ន្ធ។
- វាយតម្លៃលើការបន្លាស់ទីធនធានជលផលតាមស្ទឹង និងលក្ខណៈជីវសាស្ត្ររបស់ត្រី និងក្រៅពីត្រី ។

កិច្ចប្រជុំអន្តរក្រសួងស្ថាប័ន ពិភាក្សាពាក់ព័ន្ធនឹងឋបនីយជីវមណ្ឌលបឹងទន្លេសាប

2024-03-16T08:58:08+00:00

ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប នាថ្ងៃព្រហស្បតិ៍ ៦កើត ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៥ ខែមីនា ឆ្នាំ២០២៤ ឯកឧត្តម ហ៊ែល តូនី អនុប្រធានក្តាប់រួម, រួមជាមួយឯកឧត្តម សរ គឹមសាន្ត អគ្គលេខាធិការ, ឯកឧត្តម ជា សុខនី អគ្គលេខាធិការរង និងលោក ហេង បូរាណ ជំនួយការអនុប្រធានក្តាប់រួម អាជ្ញាធរទន្លេសាប បានអញ្ជើញចូលរួមកិច្ចប្រជុំអន្តរក្រសួងស្ថាប័ន ពិភាក្សាពាក់ព័ន្ធនឹងឋបនីយជីវមណ្ឌលបឹងទន្លេសាប ស្របតាមការស្នើសុំរបស់គណៈកម្មាធិការជាតិទន្លេមេគង្គកម្ពុជា ដែលបានប្រព្រឹត្តិទៅនៅសាលប្រជុំគណ:កម្មាធិការជាតិទន្លេមេគង្គកម្ពុជា ដោយមានការចូលរួមពីថ្នាក់ដឹកនាំក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, រដ្ឋបាលជលផល, ក្រសួងបរិស្ថាន, និងអគ្គលេខាធិការដ្ឋានគណៈកម្មាធិការជាតិទន្លេមេគង្គកម្ពុជា ផងដែរ ។

សូមជម្រាបថា កិច្ចប្រជុំនេះ គឺមានបំណងស្វែងរកគំនិតរួមគ្នា និងការព្រមព្រៀងជាឯកឆន្ទ ក្នុងការផ្ទេរអង្គភាពលេខាធិការដ្ឋានឋបនីយជីវមណ្ឌលបឹងទន្លេសាប ពីការគ្រប់គ្រងរបស់គណៈកម្មាធិការជាតិទន្លេមេគង្គកម្ពុជា ឱ្យមកស្ថិតក្រោម ការគ្រប់គ្រងរបស់ អាជ្ញាធរទន្លេសាបវិញ ។

ជារួមបន្ទាប់ពីអង្គប្រជុំ ធ្វើការពិភាក្សា និងចូលរួមយោបល់ពីក្រសួងស្ថាប័នជំនាញ ដោយធ្វើការពិនិត្យលើទិដ្ឋភាពបទប្បញ្ញត្តិច្បាប់ និងទិដ្ឋភាពបច្ចេកទេស អង្គប្រជុំ ក៏បានឯកភាពយល់ព្រម ក្នុងការផ្ទេរឋបនីយជីវមណ្ឌលបឹងទន្លេសាប ឱ្យមកនៅក្រោមអាជ្ញាធរទន្លេសាប ដើម្បីឱ្យស្របទៅនឹងបេសកកម្ម និងដែនវិសាលភាពគ្រប់គ្រងរបស់អាជ្ញាធរទន្លេសាប ។ ទន្ទឹមនេះ ត្រូវគិតគូរយកចិត្តទុកដាក់ឱ្យបានស៊ីជម្រៅក្នុងការរៀបចំនីតិវិធីច្បាប់ និងលិខិតបទដ្ឋានពាក់ព័ន្ធឱ្យបានត្រឹមត្រូវ ដេីម្បីសុំសេចក្តីសម្រេចពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប, គណៈកម្មាធិការជាតិទន្លេមេគង្គកម្ពុជា ។

សូមបញ្ជាក់ថា ផ្អែកលើសារៈសំខាន់នៃប្រព័ន្ធអេកូឡូស៊ី បរិស្ថាន សេដ្ឋកិច្ច សង្គម និងវប្បធម៌បឹងទន្លេសាប ឱ្យស្របតាមលក្ខន្តិក ស្តីពីប្រព័ន្ធឋបនីយជីវមណ្ឌលពិភពលោក, ឋបនីយជីវមណ្ឌលបឹងទន្លេសាប ត្រូវបានបង្កើតឡើងស្របតាមព្រះរាជក្រឹត្យលេខ នស/រកត/០៤០១/០៧០ ចុះថ្ងៃទី ១០ ខែមេសា ឆ្នាំ ២០០១ ។ ចំណែកការបង្កើតឱ្យមានលេខាធិការដ្ឋានឋបនីយជីវមណ្ឌលបឹងទន្លេសាប អនុក្រឹត្យលេខ ៩៤ អនក្រ.បក ចុះថ្ងៃទី ២០ ខែកញ្ញា ឆ្នាំ ២០០១ ស្ថិតក្រោមគណៈកម្មាធិការជាតិទន្លេមេគង្គកម្ពុជា គឺដើម្បីជួយដល់ការសម្របសម្រួល ពង្រឹងការងារទំនាក់ទំនង និងសហការរវាងក្រសួង ស្ថាប័នជាតិ និងអន្តរជាតិ អាជ្ញាធរដែនដី និងសង្គមស៊ីវិល ក្នុងកិច្ចការការពារ និងគ្រប់គ្រងឋបនីយជីវមណ្ឌលបឹងទន្លេសាប ប្រកបដោយនិរន្តរភាព ។

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ដឹកនាំកិច្ចប្រជុំពិគ្រោះយោបល់ជាមួយសមាសភាពសមាជិកអាជ្ញាធរទន្លេសាប

2024-03-15T06:41:53+00:00

ថ្ងៃព្រហស្បតិ៍ ៥កើត ខែផល្គុន ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៤ ខែមីនា ឆ្នាំ២០២៤ នៅទីស្តីការក្រសួងធនធានទឹក និងឧតុនិយម បានរៀបចំកិច្ចប្រជុំពិគ្រោះយោបល់ជាមួយសមាសភាពអាជ្ញាធរទន្លេសាប ស្តីពី ការពង្រឹងយន្តការថែរក្សា ការពារ និងគ្រប់គ្រងធនធានធម្មជាតិ និងដែនព្រៃលិចទឹក ក្នុងខេត្តទាំង ៦ ជុំវិញបឹងទន្លេសាប ក្រោមអធិបតីភាពដ៏ខ្ពស់ខ្ពស់របស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ដោយមានការអញ្ជើញចូលរួមពីថ្នាក់ដឹកនាំជា រដ្ឋលេខាធិការ អនុរដ្ឋលេខាធិការ អគ្គលេខាធិការ អគ្គលេខាធិការរង នៃបណ្តាក្រសួងស្ថាប័នពាក់ព័ន្ធ និងអភិបាល-អភិបាលរងនៃគណៈអភិបាលខេត្តទាំង ៨ ជុំវិញតំបន់ទន្លេសាប ដែលជាអនុប្រធាន អនុប្រធានអចិន្ត្រៃយ៍ និងជាសមាជិកសមាសភាព របស់អាជ្ញាធរទន្លេសាប រួមជាមួយប្រធានមន្ទីរធនធានទឹក និងឧតុនិយម នៃខេត្តទាំង ៨ ជុំវិញតំបន់ទន្លេសាប សរុបចំនួន ៥៧នាក់ ។

សូមជម្រាបថា កិច្ចប្រជុំពិគ្រោះយោបល់សមាសភាពអាជ្ញាធរទន្លេសាប ដែលបានប្រព្រឹត្តទៅនារសៀលនេះ គឺជាកិច្ចប្រជុំលើកដំបូង ស្ថិតក្នុងដំណើរការការងារអាណត្តិទី ៧ ក្រោមការដឹកនាំចង្អុលបង្ហាញដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងស្មារតីផ្សារភ្ជាប់ជាមួយនឹងការយកចិត្តទុកដាក់ និងលើកកម្ពស់ដល់ការអនុវត្តគោលនយោបាយយុទ្ធសាស្ត្របញ្ចកោណ ដំណាក់កាលទី ១ ប្រកបដោយប្រសិទ្ធភាព ដើម្បីកសាងមូលដ្ឋានគ្រឹះឆ្ពោះទៅចក្ខុវិស័យកម្ពុជាឆ្នាំ២០៥០។

កិច្ចប្រជុំខាងលើនេះ គឺមានគោលបំណងពិភាក្សា និងពិគ្រោះយោបល់ សំដៅប្រមូលរាល់គំនិតយោបល់ និងការចែករំលែកនូវបទពិសោធន៍ការងារ ពីថ្នាក់ដឹកនាំដែលជាសមាជិកមកពីបណ្តាក្រសួងស្ថាប័នពាក់ព័ន្ធចំនួន ២៨ និងខេត្តទាំង ៨ ជុំវិញតំបន់ទន្លេសាប ដែលជាធាតុចូលមួយដ៏មានសារៈសំខាន់ ក្នុងការកំណត់បាននូវសកម្មភាពយុទ្ធសាស្ត្រការងារជាអាទិភាព ដើម្បីចូលរួមពង្រឹងយន្តការថែរក្សា ការពារ និងគ្រប់គ្រងធនធានធម្មជាតិ និងដែនព្រៃលិចទឹក ក្នុងខេត្តទាំង ៦ ជុំវិញបឹងទន្លេសាបប្រកបដោយចីរភាព ។

ជារួមអង្គប្រជុំទាំងមូល បានគាំទ្រចំពោះយន្តការដំណើរការការងារអាជ្ញាធរទន្លេសាប ដែលបាន និងកំពុងអនុវត្តផ្ទាល់ជាមួយនឹងកិច្ចការការពារ ថែរក្សា និងគ្រប់គ្រងធនធានធម្មជាតិ និងដែនព្រៃលិចទឹកនៅតំបន់ជុំវិញបឹងទន្លេសាប និងបានចូលរួមនូវគំនិត ការផ្តល់យោបល់ និងចែករំលែកបទពិសោធន៍ល្អៗ ក្នុងកិច្ចសហការយ៉ាងជិតស្និតក្នុងក្របខ័ណ្ឌបច្ចេកទេស សំដៅដល់ការគ្រប់គ្រង អភិរក្ស និងអភិវឌ្ឍន៍តំបន់ទន្លេសាបប្រកបដោយនិរន្តរភាព ។

សូមបញ្ជាក់ថា អាជ្ញាធរទន្លេសាប គឺជាស្ថាប័នសេនាធិការឲ្យរាជរដ្ឋាភិបាលផ្ទាល់ ក្នុងបេសកកម្មការងារសម្របសម្រួលដល់ការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប ។ ក្នុងនោះដែរ អាជ្ញាធរទន្លេសាប ក៏មានសមាសភាពជាសមាជិក មកពីបណ្តាក្រសួងស្ថាប័នចំនួន ២៨ និងខេត្តទាំង ៦ ជុំវិញបឹងទន្លេសាប និងខេត្ត ២ បន្ថែមទៀត ដែលជាប់តំបន់ទន្លេសាប ហើយត្រូវបានបង្កើតឡើងស្របតាមសេចក្តីសម្រេចលេខ ២៤៣ សសរ ចុះថ្ងៃទី ២៥ ខែធ្នូ ឆ្នាំ ២០២៣ ស្តីពីការកែសម្រួលសមាសភាព របស់អាជ្ញាធរទន្លេសាប ៕

ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បញ្ចប់ការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេ

2024-03-13T07:46:29+00:00

នៅថ្ងៃអង្គារ ៣កើត ខែផល្គុន ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹង ថ្ងៃទី១២ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បញ្ចប់ការចុះផ្សព្វផ្សាយការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ក្នុងភូមិសាស្ត្រស្រុកក្រគរ ស្រុកកណ្តៀង ស្រុកបាកាន ខេត្តពោធិ៍សាត់ និងស្រុកសូទ្រនិគម ស្រុកជីក្រែង ខេត្តសៀមរាប។

គោលបំណងនៃកិច្ចប្រជុំផ្សព្វផ្សាយខាងលើ ផ្ដោតសំខាន់លើ ការចុះបោះបង្គោលកំណត់ព្រំតំបន់៣ នៃដែនព្រៃលិចទឹក ទៅកាន់ស្ថាប័នជំនាញពាក់ព័ន្ធ អាជ្ញាធរមូលដ្ឋាន ភូមិ ឃុំ ស្រុក ដែលពាក់ព័ន្ធនឹងតំបន់៣ នៃដែនព្រៃលិចទឹក ជុំវិញបឹងទន្លេសាប ដើម្បីផ្ដល់កិច្ចសហការ និងចូលរួមអនុវត្តឱ្យមានប្រសិទ្ធភាពខ្ពស់។

ថ្លែងក្នុងកិច្ចប្រជុំផ្សព្វផ្សាយ ឯកឧត្តម ក៏បានសង្កត់ធ្ងន់លើសារ:សំខាន់នៃបឹងទន្លេសាប ដែលជាអត្តសញ្ញាណជាតិមិនអាចកាត់ថ្លៃបាន និងកត្តាប្រឈមនានា ដែលបាន និងកំពុងជះឥទ្ធិពលគម្រាមកំហែងមកលើប្រព័ន្ធអេកូឡូស៊ីបឹងទន្លេសាប ជាពិសេស សកម្មភាពក្នុងការទន្ទ្រានដីព្រៃលិចទឹកធ្វើកសិកម្ម និងការនេសាទខុសច្បាប់ ជាដើម។

សូមបញ្ជាក់ជូនថា: អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងព្រៃលិចទឹក បានធ្វើកិច្ចសហការជាមួយស្ថាប័នជំនាញពាក់ព័ន្ធ ក្នុងការពិនិត្យ ផ្ទៀងផ្ទាត់ទិន្នន័យ-ព័ត៌មាន និងផែនទី ក្នុងការកំណត់តំបន់១ តំបន់២ និងតំបន់៣ រួមនឹង ការចុះបោះបង្គោលកំណត់ព្រំតំបន់៣ នៃព្រៃលិចទឹក នៅក្នុងខេត្តទាំង៦ ជុំវិញបឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ក្នុងការកំណត់តំបន់ព្រៃលិចទឹកបឹងទន្លេសាប អោយប្រកបដោយ ប្រសិទ្ធភាព សុក្រឹតភាព និងចីរភាព ៕

ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រ

2024-03-12T05:33:20+00:00

នៅថ្ងៃចន្ទ ២កើត ខែផល្គុន ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹង ថ្ងៃទី១១ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តធ្វើការចុះផ្សព្វផ្សាយការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ក្នុងភូមិសាស្ត្រស្រុកស្ទោង ស្រុកកំពង់ស្វាយ ស្រុកសន្ទុក ស្រុកបារាយណ៍ ស្រុកតាំងគោក ក្រុងស្ទឹងសែន ខេត្តកំពង់ធំ និងស្រុកក្រឡាញ់ ស្រុកពួក ស្រុកប្រាសាទបាគង ក្រុងសៀមរាប ខេត្តសៀមរាប។

សូមបញ្ជាក់ជូនថា: អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងព្រៃលិចទឹក បានធ្វើកិច្ចសហការជាមួយស្ថាប័នជំនាញពាក់ព័ន្ធ ក្នុងការពិនិត្យ ផ្ទៀងផ្ទាត់ទិន្នន័យ-ព័ត៌មាន និងផែនទី ក្នុងការកំណត់តំបន់១ តំបន់២ និងតំបន់៣ រួមនឹង ការចុះបោះបង្គោលកំណត់ព្រំតំបន់៣ នៃព្រៃលិចទឹក នៅក្នុងខេត្តទាំង៦ ជុំវិញបឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ក្នុងការកំណត់តំបន់ព្រៃលិចទឹកបឹងទន្លេសាប អោយប្រកបដោយ ប្រសិទ្ធភាព សុក្រឹតភាព និងចីរភាព ៕

ក្រុមការងារមន្ត្រីបច្ចេកទេសនាយកដ្ឋានធនធានធម្មជាតិ នៃអាជ្ញាធរទន្លេសាប បានចុះសិក្សាស្តីពី សក្តានុពលធនធានទឹកនៅជុំវិញតំបន់បឹងទន្លេសាប និងតំបន់ពាក់ព័ន្ធ ស្ថិតក្នុងស្រុកបរិបូណ៌ ខេត្តកំពង់ឆ្នាំង

2024-03-09T11:06:41+00:00

កាលថ្ងៃចន្ទ ៩រោច ដល់ថ្ងៃសុក្រ ១៣រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ៤ ដល់ ៨ ខែមីនា ឆ្នាំ២០២៤ លោក វិន ប៊ុនពៅ ប្រធាននាយកដ្ឋាន បានដឹកនាំក្រុមការងារមន្ត្រីនាយកដ្ឋានធនធានធម្មជាតិ នៃអាជ្ញាធរទន្លេសាប ចុះសិក្សាស្តីពី សក្តានុពលធនធានទឹកនៅតំបន់ជុំវិញបឹងទន្លេសាប និងតំបន់ពាក់ព័ន្ធ ក្នុងស្រុកបរិបូណ៌ ខេត្តកំពង់ឆ្នាំង ។

គោលបំណងនៃការចុះសិក្សារួមមាន៖
១. បន្តការតាមដាន និងបច្ចុប្បន្នភាពរបបជលសាស្ត្រ-ឧតុនិយមក្នុងទឹកបឹងទន្លេសាប (១១ស្ទឹង និងបឹងទន្លេសាប)
២. បន្តវាយតម្លៃបរិមាណលំហូរទឹក/ធារទឹកស្ទឹងនៅតាមបណ្តាអាងស្ទឹងជុំវិញបឹងទន្លេសាប និងតំបន់ពាក់ព័ន្ធ
៣. បន្តបច្ចុប្បន្នភាពប្រព័ន្ធធារាសាស្ត្រនៅក្នុងអាងស្ទឹង និងស្វែងរកប្រភពធនធានទឹក លទ្ធភាពប្រើប្រាស់ ព្រមទាំងវាយតម្លៃលើការគ្រប់គ្រងធនធានទឹកនៅតំបន់បឹងទន្លេសាប និងតំបន់ពាក់ព័ន្ធ ។

ជាលទ្ធផលរបស់ក្រុមការងារដែលបានចុះសិក្សាបឋមមានដូចខាងក្រោម:
១- ស្រុកបរិបូណ៌មានប្រព័ន្ធធារាសាស្ត្រខ្នាតធំ មធ្យម និងតូច សរុបចំនួន ៦ ប្រព័ន្ធ ។
២- បច្ចុប្បន្នរបបទឹកស្ទឹងបរិបូណ៌នារដូវប្រាំង ត្រូវបានគោករីងស្ងួតដោយកន្លែង នៅតាមដងស្ទឹង ជាពិសេសផ្នែកខាងក្រោមប្រព័ន្ធធារាសាស្ត្រទំនប់រំហាច និងទំនប់អាចាង ។
៣- ប្រព័ន្ធធារាសាស្ត្រមួយចំនួនត្រូវការស្តារ និងជួសជុលឡើងវិញ ព្រមទាំងសាងសង់បន្ថែម ដើម្បីធានាបាននូវនិរន្តរភាពទឹកស្ទឹងទៅពេលអនាគត ។
៤- ផលប៉ះពាល់លំហូរទឹក និងធារទឹកស្ទឹងដោយផ្ទាល់ និងប្រយោល គឺដោយសារតែការប្រែប្រួលរបបទឹកភ្លៀង និងការប្រែប្រួលអាកាសធាតុ។
៥- ការងារបង្កបង្កើនផលស្រូវរបស់ប្រជាកសិករនៅក្នុងតំបន់សិក្សា ត្រូវបានប្រមូលផលស្ទើររួចរាល់ ឬបានប្រមាណជា ៩០% នៃផ្ទៃដីសរុបក្នុងតំបន់សិក្សា ។
៦- ចំណែកឯ ស្រូវប្រាំងដែលនៅសេសសល់ ឬមិនទាន់ប្រមូលផល គឺស្រូវស្រែធ្វើឡើងក្នុងដំណាក់កាលទី ២ និងដំណាក់កាលទី ៣ ព្រោះស្រែនៅជិតប្រភពទឹក និងស្រែអាស្រ័យផលមួយចំនួនទៀតនៅក្នុងអាងទឹក ។
៧- បច្ចុប្បន្នមានការទាញយកធនធានរ៉ែខ្សាច់នៅតាមដងស្ទឹង និងខ្សាច់បក ។

លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី នៅខេត្តកំពង់ឆ្នាំង

2024-03-09T10:50:16+00:00

នៅថ្ងៃព្រហស្បតិ៍ ១២រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៧ ខែមីនា ឆ្នាំ២០២៤ លោក ភេម ស៊ា ទីប្រឹក្សាអាជ្ញាធរទន្លេសាប បានដឹកនាំក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវវាយតម្លៃផលចាប់ នៃធនធានត្រី ស្ថិតនៅក្នុងភូមិសាស្ត្រឃុំកំពង់ត្រឡាច ឃុំសែប ស្រុកកំពង់ត្រឡាច, ឃុំទឹកហូត ស្រុករលាប្អៀរ, ឃុំកោះថ្កូវ ឃុំជលសា ស្រុកជលគីរី ខេត្តកំពង់ឆ្នាំង។

ការចុះសិក្សាស្រាវជ្រាវនេះ ក្រុមការងារបានជួបប្រជុំជាមួយអាជ្ញាធរមូលដ្ឋាន សហគមន៍នេសាទ ដែលធ្លាប់បានបណ្តុះបណ្តាល ដើម្បីប្រមូលទិន្នន័យដូចជា: ១/.ស្ថិតិគ្រួសារចេញធ្វើនេសាទនៅក្នុងខែមីនា, ២/.ប្រភេទឧបករណ៍ប្រើប្រាស់ក្នុងការចាប់ត្រី, ៣/.ចំនួនថ្ងៃចេញនេសាទក្នុងខែ, ៤/.ផលចាប់មួយឧបករណ៍ ក្នុងមួយថ្ងៃ, ៥/.តម្លៃផលនេសាទគិតតាមប្រភេទត្រីលេខ១,២ និងលេខ៣, ៦/. ធ្វើការប្រៀបធៀប ផលនេសាទមានការកើនឡើង ឬថយចុះទៅនឹងឆ្នាំមុន។ល។

គម្រោង/សកម្មភាពខាងលើមានគោលបំណង:
- គ្រប់គ្រងស្ថិតិផលនេសាទ តាមបែបវិទ្យាសាស្ត្រ ដែលបានចូលរួមក្នុងវិស័យសេដ្ឋកិច្ចជាតិ។
- មានមូលដ្ឋានគ្រឹះគ្រប់គ្រាន់ក្នុងការចូលរួមជាមតិថ្នាក់ជាតិ ចំណាប់អារម្មណ៍កំណត់គោលនយោបាយក្នុងការគ្រប់គ្រងវិស័យជលផលឱ្យមាននិរន្តរភាព។
- មានទិន្នន័យសម្រាប់ធ្វើការប្រៀបធៀបទៅនឹងលទ្ធផលពីអតីតកាល។

ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រ

2024-03-08T00:13:04+00:00

នាថ្ងៃព្រហស្បតិ៍ ១២រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៧ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស បន្តធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ក្នុងភូមិសាស្ត្រស្រុកមោងឫស្សី ស្រុកសង្កែ ខេត្តបាត់ដំបង និងស្រុកព្រះនេត្យព្រះ ស្រុកមង្គលបូរី ខេត្តបន្ទាយមានជ័យ ។

គោលបំណងនៃកិច្ចប្រជុំ ផ្សព្វផ្សាយខាងលើផ្ដោតសំខាន់លើ ការចុះបោះបង្គោលកំណត់ព្រំតំបន់៣ នៃដែនព្រៃលិចទឹក ទៅកាន់ស្ថាប័នជំនាញពាក់ព័ន្ធ អាជ្ញាធរមូលដ្ឋាន ភូមិ/ឃុំ/ស្រុក ដែលពាក់ព័ន្ធនឹងតំបន់៣ នៃដែនព្រៃលិចទឹក ជុំវិញបឹងទន្លេសាប ដើម្បីផ្ដល់កិច្ចសហការ និងចូលរួមអនុវត្តអោយមានប្រសិទ្ធភាពខ្ពស់។

ថ្លែងក្នុងកិច្ចប្រជុំផ្សព្វផ្សាយ ឯកឧត្តម អគ្គលេខាធិការ ក៏បានសង្កត់ធ្ងន់លើសារ:សំខាន់នៃបឹងទន្លេសាប ដែលជាអត្តសញ្ញាណជាតិមិនអាចកាត់ថ្លៃបាន និងកត្តាប្រឈមនានា ដែលបាន និងកំពុងជះឥទ្ធិពលគម្រាមកំហែងមកលើប្រព័ន្ធអេកូឡូស៊ីបឹងទន្លេសាប ជាពិសេស សកម្មភាពក្នុងការទន្ទ្រានដីព្រៃលិចទឹកធ្វើកសិកម្ម និងការនេសាទខុសច្បាប់ ជាដើម។

សូមបញ្ជាក់ជូនថា: អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងព្រៃលិចទឹក បានធ្វើកិច្ចសហការជាមួយស្ថាប័នជំនាញពាក់ព័ន្ធ ក្នុងការពិនិត្យ ផ្ទៀងផ្ទាត់ទិន្នន័យ-ព័ត៌មាន និងផែនទី ក្នុងការកំណត់តំបន់១ តំបន់២ និងតំបន់៣ រួមនឹង ការចុះបោះបង្គោលកំណត់ព្រំតំបន់៣ នៃព្រៃលិចទឹក នៅក្នុងខេត្តទាំង៦ ជុំវិញបឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ក្នុងការកំណត់តំបន់ព្រៃលិចទឹកបឹងទន្លេសាប អោយប្រកបដោយ ប្រសិទ្ធភាព សុក្រឹតភាព និងចីរភាព ៕

ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស ធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេត្

2024-03-06T22:51:53+00:00

នាថ្ងៃពុធ ១១រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៦ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និង ឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេស ធ្វើការចុះផ្សព្វផ្សាយ ការបោះបង្គោលកំណត់ព្រំតំបន់៣ នៃដែនព្រៃលិចទឹក និងព្រៃលិចទឹក ក្នុងភូមិសាស្ត្រស្រុកកំពង់លែង ស្រុកជលគីរី និងស្រុកបរិបូណ៌ នៃកំពង់ឆ្នាំង និងក្នុងភូមិសាស្ត្រស្រុកមោងឫស្សី ស្រុកសង្កែ ស្រុកឯកភ្នំ និងស្រុកថ្មគោល នៃខេត្តបាត់ដំបង ។

សូមបញ្ជាក់ជូនថា: អាជ្ញាធរទន្លេសាប គឺជាសេនាធិការផ្ទាល់ឱ្យរាជរដ្ឋាភិបាល ដែលមានភារកិច្ចក្នុងការតាមដាន ត្រួតពិនិត្យ អធិការកិច្ចដែនព្រៃលិចទឹក និងព្រៃលិចទឹក បានធ្វើកិច្ចសហការជាមួយស្ថាប័នជំនាញពាក់ព័ន្ធ ក្នុងការពិនិត្យ ផ្ទៀងផ្ទាត់ទិន្នន័យ-ព័ត៌មាន និងផែនទី ក្នុងការកំណត់តំបន់១ តំបន់២ និងតំបន់៣ រួមនឹង ការចុះបោះបង្គោលកំណត់ព្រំតំបន់៣ នៃព្រៃលិចទឹក នៅក្នុងខេត្តទាំង៦ ជុំវិញបឹងទន្លេសាប ស្របតាមគោលការណ៍ និងអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល ក្នុងការកំណត់តំបន់ព្រៃលិចទឹកបឹងទន្លេសាប អោយប្រកបដោយ ប្រសិទ្ធភាព សុក្រឹតភាព និងចីរភាព ៕

កិច្ចប្រជុំពិភាក្សាលើកផែនការចុះផ្សព្វផ្សាយការបោះបង្គោលព្រំកំណត់តំបន់៣ នៃដែនព្រៃលិចទឹក ស្ថិតក្នុងខេត្តទាំ៦ជុំវិញបឹងទន្លេសាប នារសៀលថ្ងៃចន្ទ ៩រោច ខែមាឃ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៤ ខែមីនា ឆ្នាំ២០២៤ ឯកឧត្ត

2024-03-05T09:38:30+00:00

នារសៀលថ្ងៃចន្ទ ៩រោច ខែមាឃ ឆ្នាំថោះបញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៤ ខែមីនា ឆ្នាំ២០២៤ ឯកឧត្តម សរ គឹមសាន្ត អគ្គលេខាធិការ និងជាប្រធានក្រុមការងារ បានដឹកនាំកិច្ចប្រជុំក្រុមការងារទទួលបន្ទុកផ្សព្វផ្សាយច្បាប់បទដ្ឋានគតិយុត្ត ព័ត៌មាន និងចំណេះដឹងពាក់ព័ន្ធការចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកស្ថិតនៅក្នុងខេត្តទាំង៦ ជុំវិញបឹងទន្លេសាប នៅសាលប្រជុំអគ្គលេខាធិការដ្ឋាន នៃអាជ្ញាធរទន្លេសាប ។

កិច្ចប្រជុំនេះ ដើម្បីពិភាក្សា លើកផែនការចុះផ្សព្វផ្សាយការបោះបង្គោលព្រំកំណត់តំបន់៣ នៃដែនព្រៃលិចទឹក ស្ថិតក្នុងខេត្តទាំង៦ ជុំវិញបឹងទន្លេសាប មានខេត្តកំពង់ធំ សៀមរាប បន្ទាយមានជ័យ បាត់ដំបង ពោធិ៍សាត់ និងខេត្តកំពង់ឆ្នាំង ។

សូមបញ្ជាក់ថា ក្រុមការងាររបស់អាជ្ញាធរទន្លេសាបទទួលបន្ទុកផ្សព្វផ្សាយច្បាប់បទដ្ឋានគតិយុត្ត ព័ត៌មាន និងចំណេះដឹងពាក់ព័ន្ធការចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកស្ថិតនៅក្នុងខេត្តទាំង៦ ជុំវិញបឹងទន្លេសាបនេះ ត្រូវបានបង្កើតឡើងដោយសេចក្តីសម្រេចលេខ ២៣៦ អទស ចុះថ្ងៃទី០២ ខែតុលា ឆ្នាំ២០២៣។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យ ស្រាវជ្រាវករណីប្រជាពលរដ្ឋបង្កបង្កើនផលស្រូវលើដីតំបន់ ៣ នៅក្នុងភូមិសាស្ត្រខេត្តពោធិ៍សាត់ និងខេត្តកំពង់ឆ្នាំង

2024-03-01T12:28:42+00:00

ថ្ងៃពុធ ៤រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៨ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចុះនៅក្នុងភូមិសាស្ត្រខេត្តពោធិ៍សាត់ និងខេត្តកំពង់ឆ្នាំង។

ដំណើរការ និងលទ្ធផលរបស់ក្រុមការងារសម្រេចបាន ៖
- ចុះពិនិត្យ និងស្រាវជ្រាវចំពោះអធិករណ៍ទាំងឡាយដែលកើតឡើងលើករណីប្រជាពលរដ្ឋបង្កបង្កើនផលស្រូវលើដីតំបន់ ៣ ដោយមានកិច្ចសហការចូលរួមពីរដ្ឋបាលខេត្ត រដ្ឋបាលស្រុក រួមទាំងមន្ទីរ-ស្ថាប័នជំនាញពាក់ព័ន្ធ និងអាជ្ញាធរឃុំ ។
- បានចុះដល់ទីតាំង និងពិនិត្យស្ថានភាពដីដែលប្រជាពលរដ្ឋ បានចូលធ្វើការបង្កបង្កេីនផលនៅក្នុងតំបន់៣ ។

ជំនួបពិភាក្សាថ្នាក់ដឹកនាំ អាជ្ញាធរទន្លេសាប និង គណៈកម្មាធិការជាតិទន្លេមេគង្គកម្ពុជា អំពីការផ្ទេរការគ្រប់គ្រងលេខាធិការដ្ឋានឋបនីយជីវមណ្ឌលបឹងទន្លេសាប

2024-03-01T11:56:06+00:00

អនុលោមតាមការណែនាំចង្អុលបង្ហាញដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប, គណៈកម្មាធិការជាតិទន្លេមេគង្គកម្ពុជា នារសៀលថ្ងៃព្រហស្បតិ៍ ៥រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ២៩ ខែកុម្ភៈ ឆ្នាំ២០២៤ នៅអគ្គលេខាធិការដ្ឋាន គណៈកម្មាការជាតិទន្លេមេគង្គកម្ពុជា មានកិច្ចប្រជុំពិភាក្សា ស្តីពីការផ្ទេរការគ្រប់គ្រងលេខាធិការដ្ឋានឋបនីយជីវមណ្ឌលបឹងទន្លេសាប រវាងថ្នាក់ដឹកនាំអាជ្ញាធរទន្លេសាប ដឹកនាំដោយឯកឧត្តម ហ៊ែល តូនី អនុប្រធានក្តាប់រួម ជាមួយថ្នាក់ដឹកនាំគណៈកម្មាធិការជាតិទន្លេមេគង្គកម្ពុជា ដឹកនាំដោយ ឯកឧត្តម តែ ណាវុធ អនុប្រធានអចិន្ត្រៃយ៍ និងមានការចូលរួមពីឯកឧត្តមអគ្គលេខាធិការ អគ្គលេខាធិការរង ទីប្រឹក្សា ប្រធាននាយកដ្ឋានជំនាញបច្ចេកទេស នៃស្ថាប័នទាំងពីរ ផងដែរ ។សូមបញ្ជាក់ផងដែរថា លេខាធិការដ្ឋានឋបនីយជីវមណ្ឌលបឹងទន្លេសាប បង្កើតឡើងនៅឆ្នាំ ២០០១ ដោយព្រះរាជក្រឹត្យលេខ នស/រកត/០៤០១/០៧០ ហើយបច្ចុប្បន្នស្ថិតក្រោមការគ្រប់គ្រង របស់គណៈកម្មាធិការជាតិទន្លេមេគង្គកម្ពុជា ។ ដោយពិនិត្យឃើញថា កិច្ចការសម្របសម្រួលដល់ការគ្រប់គ្រង អភិរក្ស និងអភិវឌ្ឍន៍តំបន់ឋបនីយជីវមណ្ឌលបឹងទន្លេសាប មានសង្គតភាព និងស្របជាមួយដែនសមត្ថកិច្ច បេសកកម្ម និងភារកិច្ចទទួលខុសត្រូវរបស់អាជ្ញាធរទន្លេសាប ជាពិសេសស្របទៅនឹងដំណើរការកំណែទម្រង់ស៊ីជម្រៅរដ្ឋបាលសាធារណៈ និងរួមចំណែកលើកកម្ពស់ប្រសិទ្ធភាពនៃការអនុវត្តយុទ្ធសាស្ត្របញ្ចកោណ ដំណាក់កាលទី ១ នៃរាជរដ្ឋាភិបាលកម្ពុជា អាជ្ញាធរទន្លេសាប និងគណៈកម្មាធិការជាតិទន្លេមេគង្គកម្ពុជា បានប្រជុំពិភាក្សា និងឯកភាពគ្នាក្នុងការផ្ទេរឋបនីយជីវមណ្ឌលបឹងទន្លេសាបឱ្យមកស្ថិតក្រោមការគ្រប់គ្រង របស់អាជ្ញាធរទន្លេសាបវិញ និងបានពិភាក្សាពិនិត្យលើផ្លូវច្បាប់ និងបច្ចេកទេស ដើម្បីដាក់ប្រជុំពិភាក្សាជាមួយអន្តរក្រសួង-ស្ថាប័ន ដែលជាសមាជិកនាពេលខាងមុខ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យ ស្រាវជ្រាវករណីប្រជាពលរដ្ឋបង្កបង្កើនផលស្រូវលើដីតំបន់ ៣ ក្នុងភូមិសាស្ត្រខេត្តបាត់ដំបង

2024-02-29T07:54:43+00:00

ថ្ងៃអង្គារ ៣រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៧ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចុះនៅក្នុងភូមិសាស្ត្រខេត្តបាត់ដំបង ។

ដំណើរការ និងលទ្ធផលរបស់ក្រុមការងារសម្រេចបាន ៖
- ចុះពិនិត្យ និងស្រាវជ្រាវចំពោះអធិករណ៍ទាំងឡាយដែលកើតឡើងលើករណីប្រជាពលរដ្ឋបង្កបង្កើនផលស្រូវលើដីតំបន់ ៣ ដោយមានកិច្ចសហការចូលរួមពីរដ្ឋបាលខេត្ត រដ្ឋបាលស្រុក រួមទាំងមន្ទីរ-ស្ថាប័នជំនាញពាក់ព័ន្ធ និងកម្លាំងកងរាជអាវុធហត្ថ សឹករង អធិការដ្ឋាននគរបាលស្រុក ប្រជាការពារភូមិ និងសហគមន៍នេសាទ ដែលមានសមាសភាពចូលរួមសរុបចំនួន ៣៤នាក់។
- បានចុះដល់ទីតាំង និងពិនិត្យស្ថានភាពដីដែលប្រជាពលរដ្ឋ បានចូលធ្វើការបង្កបង្កេីនផលនៅក្នុងតំបន់ ៣ ។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យ ស្រាវជ្រាវករណីប្រជាពលរដ្ឋបង្កបង្កើនផលស្រូវលើដីតំបន់ ៣ ក្នុងភូមិសាស្ត្រខេត្តកំពង់ធំ សៀមរាប និងបន្ទាយមានជ័យ

2024-02-29T07:38:52+00:00

ថ្ងៃសៅរ៍ ១៥កើត ដល់ថ្ងៃពុធ ៤រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៤ ដល់ថ្ងៃទី ២៨ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៦ ដឹកនាំដោយ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប បានចុះនៅក្នុងភូមិសាស្ត្រខេត្តកំពង់ធំ សៀមរាប និងបន្ទាយមានជ័យ ។

ដំណើរការ និងលទ្ធផលរបស់ក្រុមការងារសម្រេចបាន ៖
- ចុះពិនិត្យ និងស្រាវជ្រាវចំពោះអធិករណ៍ទាំងឡាយដែលកើតឡើងលើករណីប្រជាពលរដ្ឋបង្កបង្កើនផលស្រូវលើដីតំបន់ ៣ ដោយមានកិច្ចសហការចូលរួមពីរដ្ឋបាលខេត្ត រដ្ឋបាលស្រុក រួមទាំងមន្ទីរ-ស្ថាប័នជំនាញពាក់ព័ន្ធ និងកម្លាំងកងរាជអាវុធហត្ថ សឹករង អធិការដ្ឋាននគរបាលស្រុក ប្រជាការពារភូមិ និងសហគមន៍នេសាទ ។
- បានចុះដល់ទីតាំង និងពិនិត្យស្ថានភាពដីដែលប្រជាពលរដ្ឋ បានចូលធ្វើការបង្កបង្កើនផលនៅក្នុងតំបន់ ៣ ។

លោកស្រី ទេស សុដាវី អនុប្រធាននាយកដ្ឋាន បានដឹកនាំក្រុមការងារយេនឌ័រ នៃនាយកដ្ឋានរដ្ឋបាល ផែនការ និងសហប្រតិបត្តិការ បានបន្តអនុវត្តន៍សកម្មភាព ស្តីពីការចុះសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិ នៅតំបន់បឹងទន្លេសាប នៅខេត

2024-02-27T07:34:39+00:00

នាថ្ងៃចន្ទ ២រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ ក្រុមការងារយេនឌ័រ នៃនាយកដ្ឋានរដ្ឋបាល ផែនការ និងសហប្រតិបត្តិការ ដឹកនាំដោយ លោកស្រីទេស សុដាវី អនុប្រធាននាយកដ្ឋាន បានបន្តអនុវត្តន៍សកម្មភាព ស្តីពីការចុះសិក្សាស្វែងយល់ពីការយល់ដឹងយេនឌ័រឱ្យស្គាល់ពីអត្ថប្រយោជន៍ធនធានធម្មជាតិ នៅតំបន់បឹងទន្លេសាប ស្ថិតនៅឃុំសែប ស្រុកកំពង់ត្រឡាច ខេត្តកំពង់ឆ្នាំង។

ការអនុវត្តសកម្មភាពខាងលើមានដូចជា៖
- ជួបជាមួយអាជ្ញាធរមូលដ្ឋានប្រមូលព័ត៌មាន-ទិន្នន័យពាក់ព័ន្ធយេនឌ័រ
- ជួប និងពិភាក្សាពីតួនាទី ភារកិច្ចរបស់ស្ត្រី និងបុរស និងបញ្ហាយេនឌ័រពាក់ព័ន្ធនឹងការអនុវត្តការងារក្នុងការគ្រប់គ្រងធនធានធម្មជាតិ
- បញ្ជ្រាប និងពង្រឹងការយល់ដឹងយេនឌ័រឱ្យស៊ីជម្រៅពីការអនុវត្តអនុសញ្ញា ស្តីពីការលុបបំបាត់រាល់ទម្រង់ នៃ ការរើសអើងប្រឆាំងនឹងនារីភេទ
- សិក្សាស្វែងយល់ពីការយល់ដឹងក្នុងការចូលរួម របស់យេនឌ័រលើគ្រប់គ្រង ការពារធនធានធម្មជាតិ និងការ អាស្រ័យផលនៅក្នុងតំបន់ជុំវិញបឹងទន្លេសាប
- សិក្សាលើចំនួនប្រជាជនយល់ដឹងពីសារៈប្រយោជន៍ធនធានធម្មជាតិរបស់បឹងទន្លេសាប
- សម្ភាសន៍ក្រុមប្រឹក្សាឃុំទទួលបន្ទុកការរងារយេនឌ័រ។

ការអនុវត្តសកម្មភាពខាងលើទទួលបានលទ្ធផលដូចខាងក្រោម៖
១. បានផ្សព្វផ្សាយអនុសញ្ញា ស្តីពីការលុបបំបាត់រាល់ទម្រង់ នៃការរើសអើងប្រឆាំងនឹងនារីភេទ
២. បានបញ្ជ្រាប និងពង្រឹងការយល់ដឹងពីយេនឌ័រ ជូនដល់អាជ្ញាធរមូលដ្ឋាន ពីគុណតម្លៃ សារៈប្រយោជន៍ធនធានធម្មជាតិ និងការអាស្រ័យផល របស់ប្រជាជននៅតំបន់ បឹងទន្លេសាប
៣. បានចែករំលែកចំណេះដឹង និងបទពិសោធន៍ក្នុងការអនុវត្តការងារយេនឌ័រដោយសមត្ថភាព សមធម៌ជូន ដល់អាជ្ញាធរមូលដ្ឋាន ដើម្បីឱ្យស្ត្រីមានសិទ្ធិ និងបង្កើនស្មារតីស្ត្រីចូលរួមបញ្ចេញមតិ ការសម្រេចចិត្ត មិនមានភាពរើសអើង ដែលពាក់ព័ន្ធក្នុងការគ្រប់គ្រង អភិរក្ស និងការពារធនធានធម្មជាតិនៅតំបន់បឹងទន្លេសាប។

សូមជម្រាបជូនថាៈ សកម្មភាពចុះសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិ មានគោលបំណងឱ្យស្ត្រី និងបុរស មានការចូលរួមក្នុងការគ្រប់គ្រង ការពារធនធានធម្មជាតិដោយសមធម៌ និងឱ្យយល់ដឹងពីសារៈប្រយោជន៍ និងផលប្រយោជន៍ពីធនធានធម្មជាតិក្នុងតំបន់ជុំវិញបឹងទន្លេសាបប្រកបដោយនិរន្តរភាព។

លោក វិន ប៊ុនពៅ ប្រធាននាយកដ្ឋានធនធានធម្មជាតិ បានដឹកនាំក្រុមការងារមន្ត្រីបច្ចេកទេស ចុះសិក្សាស្តីពី ការសិក្សាតាមដានគុណភាពទឹកនៅតំបន់ទន្លេសាប និងតំបន់ពាក់ព័ន្ធនៅក្នុងខេត្តកំពង់ឆ្នាំង ខេត្តកំពង់ធំ និងខេត្តពោធិ៍សាត់

2024-02-25T10:54:44+00:00

កាលពីថ្ងៃចន្ទ ១០កើត ដល់ថ្ងៃសុក្រ ១៤កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ដល់២៣ ខែកុម្ភ: ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិ បានចុះសិក្សាតាមដានគុណភាពទឹកនៅតំបន់បឹងទន្លេសាប និងតំបន់ពាក់ព័ន្ធ នៅក្នុងតំបន់ឆ្នុកទ្រូ ខេត្តកំពង់ឆ្នាំង តំបន់ផាត់សណ្តាយ ខេត្តកំពង់ធំ និងតំបន់កំពង់លួង ខេត្តពោធិ៍សាត់ ។

ការចុះសិក្សានេះ ក្រុមការងារបានជួបសម្ភាសន៍ជាមួយប្រជាពលរដ្ឋ អាជ្ញាធរដែនដី និងការចុះយកសំណាកទឹកនៅលើទីតាំងជ្រើសរើសសិក្សា ដើម្បីពិនិត្យពីស្ថានភាពប្រើប្រាស់ទឹករបស់ប្រជាជនភូមិបណ្តែតទឹក និងស្ថានភាពកាកសំណល់ទូទៅក្នុងតំបន់សិក្សានីមួយៗ។

ជាមួយនឹងសកម្មភាពចុះសិក្សាស្រាវជ្រាវខាងលើ ទទួលបានលទ្ធផលដូចខាងក្រោម :

ទី១. ក្រុមការងារបានធ្វើការជ្រើសរើសទីតាំងចំនួន ១២ កន្លែង សម្រាប់វាយតម្លៃបឋមដោយប្រើប្រាស់ឧបករណ៍វាស់គុណភាពទឹកស្វ័យប្រវត្តិជាលក្ខណៈរូប ដែលមានប៉ារ៉ាម៉ែត្រ pH, ORP, CT, DO, TDS, Turbidity, Transparency, chlorophyll, Cyanobacteria និងកករទឹក និងកម្រិតថ្លាក្នុងទឹក ។
ទី២. យកសំណាកទឹកមកធ្វើការពិនិត្យ និងវិភាគ/វាយតម្លៃលើលក្ខណៈគីមីចំនួន ១៣ ប៉ារ៉ាម៉ែត្រ ដូចជា TSS, អាសូតសរុប (Total Nitrogen), នីត្រាត (NO3¬-), អាម៉ូញ៉ូម (NH4-) និងផូស្វរសរុប (Total Phoshorus), TSS, NO3, NH4, TN, TP, ហ្វីកាល់កូលីហ្វម (Fecal coliform), អឺកូលី (E.Coli) និងការបកស្រាយលទ្ធផលសំណាកទឹកពីស្ថានភាពគុណភាពទឹក ដែលបានពីមន្ទីរពិសោធន៍វិភាគគុណភាពទឹក នៅមន្ទីរពិសោធន៍គុណភាពទឹក របស់ក្រសួងធនធានទឹក និងឧតុនិយម។
ទី៣. លើបញ្ហាការគ្រប់គ្រងកាកសំណល់ក្នុងតំបន់សិក្សាប្រជាពលរដ្ឋមួយភាគធំទុកដាក់កាកសំណល់ និងការគ្រប់គ្រងនៅមានកម្រិត គឺបានចោលចូលទៅក្នុងទន្លេ និងលើដីគោក ជាពិសេសពពួកថង់ប្លាស្ទិក សំបកបេ សិប្បីសត្វ និងកាកសំណល់ផ្សេងៗ លើកលែងតែដបទឹកសុទ្ធ សំបកកំប៉ុង និងធុងសាំង ឬធុងជ័រ ដែលមានការប្រមូលទិញ ដើម្បីកែច្នៃឡើងវិញ ទើបប្រមូលរក្សាទុកលក់ (អេតចាយ) ។

សូមជម្រាបជូនថា ៖ សកម្មភាពចុះសិក្សាតាមដានគុណភាពទឹក នៅភូមិបណ្តែតទឹកបឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន នៃអាជ្ញាធរទន្លេសាប ។

សកម្មភាពខាងលើនេះ មានគោលបំណង ៖
១. បច្ចុប្បន្នភាពផលប៉ះពាល់គុណភាពទឹកបឹងលើបរិស្ថាន ជីវៈចម្រុះ និងត្រួតពិនិត្យតាមដានការប្រែប្រួលគុណភាពទឹកក្នុងបឹងទន្លេសាប និងតំបន់ពាក់ព័ន្ធ។
២. ចងក្រងទិន្នន័យ-ព័ត៌មានគុណភាពទឹកបឹងទន្លេសាបនៅខេត្តទាំង៦ជុំវិញបឹងទន្លេសាប និងនៅភូមិបណ្តែតទឹក។

ក្រុមការងារការិយាល័យនីតិកម្ម នៃនាយកដ្ឋាននីតិកម្ម និងផ្សព្វផ្សាយ ដឹកនាំដោយលោក សុខ មុនី ប្រធានការិយាល័យ បានចុះអនុវត្តន៍សកម្មភាព សិក្សាពីស្ថានភាពរស់នៅរបស់ប្រជាជនលើការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប ក្នុងភូមិសាស្ត

2024-02-23T17:14:51+00:00

នាថ្ងៃអង្គារ ១១កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែកុម្ភៈ ឆ្នាំ២០២៤ ក្រុមការងារការិយាល័យនីតិកម្ម ដឹកនាំដោយ លោក សុខ មុនី ប្រធានការិយាល័យ បានចុះអនុវត្តន៍សកម្មភាពសិក្សាពីស្ថានភាពជីវភាពរស់នៅរបស់ប្រជាជនលើការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប សិ្ថតនៅក្នុងភូមិសាស្ត្រឃុំជលសារ ស្រុកជលគិរី ខេត្តកំពង់ឆ្នាំង ។

សកម្មភាពខាងលើ ក្រុមការងារបានជួបសម្ភាសន៍ជាមួយ ៖
១. ជួបសម្ភាសន៍ជាមួយប្រជាជនដែលមានមុខរបរទ្រទ្រង់ជីវភាពដោយការអាស្រ័យផលលើធនធានធានធម្មជាតិ
២. ជួបសម្ភាសន៍ជាមួយអាជ្ញាធរមូលដ្ឋានភូមិ ឃុំ ពាក់ព័ន្ធនឹងស្ថានភាពទូទៅរបស់តំបន់ ។

ក្នុងការចុះសិក្សានៅតំបន់ខាងលើ ក្រុមការងារ ទទួលបានលទ្ធផល ដូចតទៅ ៖
១. ប្រជាជននៅក្នុងតំបន់សិក្សាមានមុខរបរសំខាន់ៗ ដើម្បីទ្រទ្រង់ជីវភាពរួមមាន ការបង្កបង្កើនផលស្រូវប្រាំង(២ដងក្នុងមួយឆ្នាំ), ដាំឈូក , ការងារនេសាទត្រី , ចូកលៀស , ដងអន្ទង់ នៅតាមដងទន្លេសាប
២. ជីវភាពរស់នៅប្រចាំថ្ងៃរបស់ប្រជាជនក្នុងតំបន់សិក្សាមានបញ្ហាប្រឈមដោយពួកគាត់ មិនមានមុខរបរអ្វីផ្សេងក្រៅពីធ្វើស្រែ និងការធ្វើនេសាទ

៣. កត្តាមួយចំនួនដែលជះឥទ្ធិពលលើជីវភាពរបស់ពួកគាត់រួមមាន
-កត្តាគ្រួសារ : ខ្វះកម្លាំងពលកម្មក្នុងគ្រួសារ(សមាជិកតិច), ជម្ងឺ , និងការអប់រំទាប
- កត្តាធម្មជាតិ : មានគ្រោះរាំងស្ងួត, សត្វចង្រៃបំផ្លាញស្រូវ, និងការថយចុះធនធានធម្មជាតិ(ត្រី លៀស)
- កត្តាសង្គម : ថ្លៃកសិផលមិនមានស្ថេរភាព, ខ្វះបច្ចេកទេសកសិកម្ម, និងការចំណាយច្រើនទៅការព្យាបាលសុខភាព ។

៤. ប្រជាជនក្នុងតំបន់សិក្សាមានតម្រូវការចំបាច់មួយចំនួនដើម្បីជម្រុញជីវភាពរស់នៅរបស់ពួកគាត់មានភាពប្រសើរឡើង
- ជួយផ្តល់ឥណទានដែលមានអត្រាការប្រាក់ទាប
- ជួយអោយស្រូវមានតម្លៃសមរម្យ
- បញ្ចុះតម្លៃធាតុចូលកសិកម្ម
- ជួយបណ្តុះបណ្តាលបច្ចេកទេសកសិកម្ម
- កសាងហេដ្ឋារចនាសម្ព័ន្ធធារាសាស្ត្របន្ថែមទៀត ។

កិច្ចប្រជុំប្រជុំគណៈកម្មាធិការ និងកិច្ចប្រជុំក្រុមការងារបច្ចេកទេស សម្របសម្រួលការគ្រប់គ្រងឋបនីយជីវមណ្ឌលបឹងទន្លេសាប ស្តីពីកិច្ចពិគ្រោះយោបល់ និងប្រមូលធាតុចូលសម្រាប់រៀបចំផែនការយុទ្ធសាស្ត្រឋបនីយជីវមណ្ឌលបឹងទន្លេសាប ២០២៤-២០២៨ ដែលដឹកនាំ

2024-02-23T08:04:27+00:00

នាថ្ងៃចន្ទ ១០កើត ដល់ថ្ងៃអង្គារ ១១កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៩ ដល់ថ្ងៃទី២០ ខែកុម្ភៈ ឆ្នាំ២០២៤ លោក ខ្វាន់ ភត្ត្រា អនុប្រធាននាយកដ្ឋាននាយកដ្ឋាន ធនធានធម្មជាតិ តំណាងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានចូលរួមទស្សនកិច្ច ឋបនីយជីវមណ្ឌលបឹងទន្លេសាប ព្រែកទាល់ និងកិច្ចពិគ្រោះយោបល់ផែនការយុទ្ធសាស្ត្រឋបនីយជីវមណ្ឌលបឹងទន្លេសាប សិ្ថតនៅឃុំកោះជីវាំង ស្រុកឯកភ្នំ ខេត្តបាត់ដំបង។

ដំណើរទស្សនកិច្ច និងកិច្ចពិគ្រោះយោបល់នេះមានគោលបំណង ដើម្បីស្វែងយល់ពីបញ្ហាប្រឈមលើបរិស្ថាន ជីវៈចម្រុះ ការគ្រប់គ្រងសំណល់រឹង និងរាវ ទឹកស្អាតនិងអនាម័យ និងដើម្បីប្រមូលមតិយោបល់ពីសហគមន៍ អង្គការដៃគូពាក់ព័ន្ធទាំងថ្នាក់ជាតិ និងថ្នាក់ក្រោមជាតិ នៃខេត្តទាំង ៦ ជុំវិញបឹងទន្លេសាប ដើម្បីប្រមូលធាតុចូលសម្រាប់កសាងផែនការយុទ្ធសាស្ត្រឋបនីយជីវមណ្ឌលបឹងទន្លេសាប ២០២៤-២០២៨។

ជាមួយនឹងកិច្ចពិគ្រោះយោបល់លើផែនការយុទ្ធសាស្ត្រនេះ ត្រូវបានកំណត់របៀបវារៈជាអាទិភាពលើប្រាំមួយចំណុច៖ (១) អភិបាលកិច្ចនិងការគ្រប់គ្រង, (២) ការបំពុលបរិស្ថាន (៣) ធនធានធម្មជាតិ និងជីវៈចម្រុះ (៤) ជីវភាពរស់នៅ (៥) ជលសាស្ត្រ និង(៦) ការគ្រប់គ្រងការប្រើប្រាស់ដី ដោយប្រើវិធីសាស្ត្រការវិភាគ SWOT (ភាពខ្លាំង ភាពខ្សោយ ឱកាស និងការគម្រាមកំហែង )

ជាលទ្ធផលសង្ខេបសំខាន់បឋមមានដូចតទៅ៖
- ភាពខ្លាំង៖ ឯកសារគតិយុត្តនានាគាំទ្រឋបនីយជីវមណ្ឌលបឹងទន្លេសាប, ទីជម្រកដែនសត្វស្លាប និងជីវៈចម្រុះធំជាងគេនៅអាស៊ីអាគ្នេយ៍ ។ល។
- ភាពខ្សាយ៖ ខ្វះទឹកស្អាត, ខ្វះសមាហរណកម្មផែនការយុទ្ធសាស្ត្រ ពីអន្តរភាគីពាក់ព័ន្ធ, ការអនុវត្តភារកិច្ចត្រួតស៊ីគ្នា ដោយមិនទាន់បានចែករំលែកទិន្នន័យ ព័ត៌មាន និងសកម្មភាព, ការប្រែប្រួលអាកាសធាតុ, ការគ្រប់គ្រងសំណល់រឹងរាវ។ល។
- ឱកាស៖គោលនយោបាយគាំទ្ររាជរដ្ឋាភិបាលច្បាស់លាស់, នឹងមានឱកាសរៀបចំផែនការយុទ្ធសាស្ត្ត្ររួមគ្នាគ្រប់ជ្រុងជ្រោយ, បង្កើតមុខរបរ និងការងារដល់ប្រជាសហគមន៍ ។ល។
- ការគម្រាមកំហែង៖ ការកាប់ទន្ទ្រាន និងដុតព្រៃលិចទឹក, ការប្រែប្រួលរបបជលសាស្ត្រ, ការថយចុះបរិមាណនិងពូជជីវៈចម្រុះ ។ល។

ក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានចុះសិក្សាស្រាវជ្រាវលើ កាកសំណល់ឧបករណ៍នេសាទ នៅក្នុងភូមិបណ្ដែតទឹកកំពង់លួង ខេត្តពោធិ៍សាត់

2024-02-20T23:20:40+00:00

នាថ្ងៃព្រហស្បតិ៍ ៦កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី ១៥ ខែកុម្ភ: ឆ្នាំ២០២៤ ក្រុមការងារបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប បានបន្តចុះសិក្សាស្រាវជ្រាវលើ កាកសំណល់ឧបករណ៍នេសាទនៅក្នុងភូមិបណ្ដែតទឹកកំពង់លួង ឃុំកំពង់លួង ស្រុកក្រគរ ខេត្តពោធិ៍សាត់ ។

ជាលទ្ធផលក្រុមការងារទទួលបាន :
១- ជួបជាមួយអាជ្ញាធរដែនដី ពិភាក្សាអំពីការទុកដាក់សំរាម(ឧបករណ៍នេសាទ) របស់ប្រជាជន លើភូមិបណ្ដែតទឹកឃុំកំពង់លួង
២-ជួបសម្ភាសន៍ជាមួយប្រជានេសាទពាក់ព័ន្ធ និងការប្រើប្រាស់ឧបករណ៍នេសាទ តម្លៃទិញចូល អាយុកាលប្រើប្រាស់ និងរបៀបគ្រប់គ្រងកាកសំណល់ឧបករណ៍នេសាទ ក្រោយពេលផុតអាយុកាលប្រើប្រាស់។
៣- ជួបពិភាក្សាអាជីវករលក់ដូរឧបករណ៍នេសាទលើភូមិបណ្ដែតទឹក ដឹងពីតម្លៃទីផ្សារប្រភេទឧបករណ៍នីមួយៗ និងឧបករណ៍ដែលពេញនិយមដូចជា បរ មង និងអ៊ុយ ជាដើម។

សូមបញ្ជាក់ថាសកម្មភាពខាងលេីនេះមានគោលបំណង ៖
- សិក្សាវាយតម្លៃលើប្រភេទឧបករណ៍នេសាទដែលប្រជានេសាទពេញនិយមក្នុងការប្រើប្រាស់ចំនួនបីប្រភេទ រួមមាន ប្រភេទឧបករណ៍នេសាទ បរ មង និងអ៊ុយ និងសិក្សាវាយតម្លៃលើប្រភេទឧបករណ៍នេសាទដែលប្រជាជនប្រើប្រាស់ ជាលក្ខណៈគ្រួសារ។
- សិក្សាពីលំហូរ នៃផលប៉ះពាល់បណ្ដាលមកពីឧបករណ៍នេសាទទៅលើអេកូស៊ីស្ទែមបឹងរួមជាមួយនឹងតម្លៃសេដ្ឋកិច្ច ទៅលើប្រភេទឧបករណ៍នេសាទនីមួយៗ និងរយៈពេលនៃការប្រើប្រាស់។
- ការបញ្ជ្រាប និងលើកកម្ពស់ការយល់ដឹង ស្ដីពី ផលប៉ះពាល់នៃកាកសំណល់ឧបករណ៍នេសាទដល់ប្រជានេសាទ ប្រជាជនដែលរស់នៅលើភូមិបណ្ដែតទឹកខេត្តជុំវិញបឹងទន្លេសាប។

ក្រុមការងារយេនឌ័រនៃនាយកដ្ឋានរដ្ឋបាល ផែនការ សហប្រតិបត្តិការ បានដឹកនាំដោយ លោកស្រី ទេស សុដាវី អនុប្រធាននាយកដ្ឋាន បានចុះអនុវត្តន៍សកម្មភាព ចុះសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិតំបន់បឹងទន្លេសាប ស្ថិតនៅខេត្តកំពង់ធំ

2024-02-20T23:08:53+00:00

នាថ្ងៃចន្ទ ១០កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២០ ខែកុម្ភៈ ឆ្នាំ២០២៤ ក្រុមការងារយេនឌ័រនៃនាយកដ្ឋានរដ្ឋបាល ផែនការ សហប្រតិបត្តិការ ដឹកនាំដោយ លោកស្រីទេស សុដាវី អនុប្រធាននាយកដ្ឋានបានចុះអនុវត្តន៍សកម្មភាពសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិនៅតំបន់បឹងទន្លេសាប និងតំបន់ពាក់ព័ន្ធ សិត្ថនៅក្នុងឃុំកកោះ ស្រុកសន្ទុក ខេត្តកំពង់ធំ ។

សកម្មភាពខាងលើ ក្រុមការងារយេនឌ័របានជួបជាមួយអាជ្ញាធរមូលដ្ឋាន មានដូចជា៖
១. ជួបពិភាក្សាស្វែងយល់យេនឌ័រ និងប្រមូលទិន្នន័យ-ព័ត៌មាន ជាមួយអាជ្ញាធរឃុំ និងមន្ត្រីទទួលបន្ទុកការងារយេនឌ័រ
២. ជួបពិភាក្សា និងសម្ភាសន៍ជាមួយសហគមន៍។

ក្នុងតំបន់សិក្សាខាងលើទទួលបានលទ្ធផល ដូចខាងក្រោម៖
១. អនុវត្តការងារយេនឌ័រក្នុងការគ្រប់គ្រងធនធានធម្មជាតិ:
- សមត្ថភាព និងការយល់ដឹងយេនឌ័រ ពីតួនាទី ភារកិច្ចការគ្រប់គ្រង ថវិកា សម្ភារៈគម្រោង របស់គណៈកម្មការសហគមន៍នៅមានកម្រិត
- មានទំនាក់ទំនង និងកិច្ចសហការល្អ ជាមួយជំនាញពាក់ព័ន្ធ អាជ្ញាធរមូលដ្ឋាន និងសហគមន៍
- មានការចូលរួមយេនឌ័រដោយសមធម៌ក្នុងគ្រប់គ្រងធនធានធម្មជាតិ តាមរយៈសកម្មភាពចេញល្បាតញឹកញាប់ ការផ្តល់ព័ត៌មានទាន់ហេតុការណ៍ពីសកម្មភាពប្រព្រឹត្តបទល្មើសនេសាទ និងការដាំកូនឈើ និងអភិរក្សពូជត្រីនៅក្នុងសហគមន៍
- មានការគាំទ្រផ្នែកថវិកាមួយចំនួនតាមរយៈគម្រោងមួយរយៈពេលក្រោយមកគម្រោងត្រូវបានបញ្ចប់

២. បញ្ជ្រាប និងការកសាងសមត្ថភាពយេនឌ័រ :
- ធ្វើការបណ្តុះបណ្តាល/ណែនាំ
- អនុវត្តន៍ទៅតាមនីតិវិធីច្បាប់ អនុសញ្ញាស៊ី_ដ
- ធ្វើការផ្សព្វផ្សាយបទដ្ឋានគតិយុត្ត និងឯកសារពាក់ព័ន្ធឱ្យបានទូលំទូលាយ
- អាជ្ញាធរ និងជំនាញពាក់ព័ន្ធ បានធ្វើការប្រជុំពិភាក្សា លើករណីអាស្រ័យផលប្រជាពលរដ្ឋនៅក្នុងដែនសហគមន៍ (ស្ថិតនៅក្នុងតំបន់២) ។

សូមជម្រាបជូនថាៈ សកម្មភាពចុះសិក្សាស្វែងយល់ពីការយល់ដឹងយេនឌ័រក្នុងការគ្រប់គ្រងធនធានធម្មជាតិ មានគោលបំណងឱ្យស្ត្រី និងបុរស ដើម្បីបង្កើនកិច្ចសហការល្អ រវាងអាជ្ញាធរមូលដ្ឋាន មន្ត្រីជំនាញពាក់ព័ន្ធ និងសហគមន៍ ឱ្យយល់ដឹងពីតម្លៃ ពីផលប៉ះពាល់ធនធានធម្មជាតិ រួមទាំងការចែករំលែកនូវទិន្នន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងផលប្រយោជន៍ពីការទាញយកធនធនធម្មជាតិសម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយនិរន្តរភាព។

ក្រុមការងារនៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានចុះសិក្សាតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ វារីវប្បកម្ម និងចរន្តទីផ្សារច្រកចេញ-ចូល នៅខេត្តពោធិ៍សាត់

2024-02-20T15:56:10+00:00

នាថ្ងៃអង្គារ ៤កើត ដល់ថ្ងៃសៅរ៍ ៨កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៣ ដល់ថ្ងៃទី១៧ ខែកុម្ភៈ ឆ្នាំ២០២៤ ក្រុមការងារមន្ត្រីនៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស ដឹកនាំដោយលោក អ៊ូ ទូច ប្រធានការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បានដឹកនាំក្រុមការងារចុះសិក្សាតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ វារីវប្បកម្ម និងចរន្តទីផ្សារច្រកចេញ-ចូល ស្ថិតនៅភូមិសាស្ត្រឃុំកំពង់លួង ស្រុកក្រគរ, ឃុំកញ្ជរ និងឃុំរាំងទិល ស្រុកកណ្តៀង ខេត្តពោធិ៍សាត់ ។

ការចុះសិក្សានេះ ក្រុមការងារបានធ្វើការចុះជួបជាមួយ ៖
១. ជួបសម្ភាសន៍ជាមួយអាជ្ញាធរដែនដី
២. សម្ភាសន៍ជាមួយប្រជានេសាទ
៣. សម្ភាសន៍ជាមួយអាជីវករទិញ-លក់ត្រី ត្រីនុយ និងសិប្បីសត្វ
៤. ជួបសម្ភាសន៍ជាមួយអ្នកចឹញ្ចឹមត្រី។

ក្រុមការងារចុះសិក្សានៅតំបន់ពាក់ព័ន្ធខាងលើ ជាលទ្ធផលរកឃើញថា ៖
១. បានធ្វើការសិក្សាតាមដាននៅច្រកសំខាន់ៗចំនួន ៣ ច្រក គឺនៅច្រកកំពង់លួង ស្ថិតនៅឃុំកំពង់លួង ស្រុកក្រគរ ច្រកព្រែកត្របែក ស្ថិតនៅឃុំកញ្ជរ និងច្រករាំងទិល ស្ថិតនៅឃុំរាំងទិល ស្រុកកណ្តៀង ។
២. មានការធ្វើអាជីវកម្មត្រីជាមធ្យមប្រមាណ ៥.៧០០គ.ក្រ/ថ្ងៃ និងសរុបប្រមាណ ២៨.៥០០គ.ក្រ/៥ថ្ងៃ ។
- មានការធ្វើអាជីវកម្មត្រីនុយជាមធ្យមប្រមាណ ៣.៧៥០គ.ក្រ/ថ្ងៃ និងសរុបប្រមាណ ១៨.៧៥០គ.ក្រ/៥ថ្ងៃ ។
- មានការធ្វើអាជីវកម្មសិប្បីសត្វជាមធ្យមប្រមាណ ៥.៦០០គ.ក្រ/ថ្ងៃ និងសរុបប្រមាណ ២៨.០០០គ.ក្រ/៥ថ្ងៃ ។
- វារីវប្បករ បានដាក់ចិញ្ចឹមត្រីប្រមាណ ៨.០០០ ទៅ ១០.០០០ក្បាល/ស្រះ ឬ បែរ ទំងន់ត្រីបច្ចុប្បន្នចន្លោះពី ០.៥ ទៅ ០.៨គ.ក្រ/ក្បាល ជាទូទៅគាត់បានប្រើចំណីប្រមាណ ១៥០ ទៅ ២០០គ.ក្រ/ថ្ងៃ ។

៣. ការធ្វើអាជីវកម្មត្រី ត្រីនុយ និងសិប្បីសត្វនៅក្នុងខេត្តពោធិ៍សាត់ មានប្រភពមកពីការនេសាទក្នុងបឹងទន្លេសាទ បឹងទន្លេឆ្មារ នៃខេត្តកំពង់ធំ ខេត្តបាត់ដំបង ខេត្តកំពង់ឆ្នាំង ការធ្វើវារីវប្បកម្ម និងត្រីនាំចូលពីក្រៅប្រទេស ។
៤. សម្រាប់ត្រី ត្រីនុយ និងសិប្បីសត្វ អ្នកនេសាទដឹកយកមកលក់នៅមាត់ទឹកទៅអោយឈ្មួញកណ្តាល ឈ្មួញកណ្តាល លក់រាយ ឬ បោះដុំក្នុងតំបន់ និងដឹកជញ្ជូនទៅលក់បន្តនៅរាជធានីភ្នំពេញ ខេត្តបាត់ដំបង និងខេត្តបន្ទាយមានជ័យ ។ ត្រីនុយជាប្រភេទត្រីតូចៗ និងចម្រុះច្រើនប្រភេទ ។
- តម្លៃត្រីស្រស់មានតម្លៃចន្លោះពី ២.០០០ ទៅ ៥០.០០០៛/គ.ក្រ ត្រីនុយ ១.៥០០ ទៅ ២.០០០៛/គ.ក្រ លៀស ២០០ ទៅ ២.០០០៛/គ.ក្រ ខ្ចៅ ១.០០០ ទៅ ២.០០០៛/គ.ក្រ និងខ្យង ២.០០០ ទៅ ៥.០០០៛/គ.ក្រ ។
៥. នៅក្នុងទីតាំងច្រកឡើងត្រីទាំងបីកន្លែងនេះមានការប្រែប្រួលទាំងបរិមាណនៃការធ្វើអាជីវកម្ម និងតម្លៃជាប្រចាំ អាស្រ័យលើស្ថានភាពទៅតាមរដូវកាល និងការចុះបង្ក្រាបបទល្មើសរបស់មន្ត្រីជំនាញ និងអាជ្ញាធរមូលដ្ឋាន ។
៦. ផលវិជ្ជមាន: នៃការធ្វើអាជីវកម្មធនធានធម្មជាតិ បង្កើនប្រាក់ចំណូលប្រចាំថ្ងៃ មានតម្រូវការបរិភោគខ្ពស់ បំពេញតម្រូវការក្នុងការធ្វើវារីវប្បកម្ម កែច្នៃជាចំណីសត្វ កាត់បន្ថយការនាំចូលត្រីត្រីនុយពីប្រទេសក្រៅ និងបំពេញតម្រូវការនាំចេញទៅក្រៅប្រទេស។
- ផលអវិជ្ជមាន: កំណើនប្រជាជនតាមតំបន់ធ្វើអោយកើនឡើងចំនួនអ្នកនេសាទ ការប្រើឧបករណ៍នេសាទខុសច្បាប់បានធ្វើឱ្យធនធានត្រី និងសិប្បីសត្វថយចុះ ធ្វើអោយប៉ះពាល់ជម្រក កន្លែងពងកូន ប្រភពចំណី ចំនួនមេពូជថយចុះ និងប៉ះពាល់ដល់គុណភាពទឹក កាលណាបរិមាណ នៃប្រភេទធនធានធម្មជាតិថយចុះនឹងធ្វើអោយតម្លៃរបស់វាឡើងថ្លៃជាងមុន បើសិនជាត្រីក្នុងបឹងទន្លេសាបថយចុះ ការធ្វើវារីវប្បកម្មក្នុងស្រុកតិច មិនអាចផ្គត់ផ្គង់តម្រូវការក្នុងស្រុកគ្រប់គ្រាន់ នឹងមានការនាំចូលត្រីពីប្រទេសក្រៅកាន់តែច្រើនជាងមុន ។

សូមជម្រាបជូនថា៖ សកម្មភាពចុះសិក្សាតាមដាន វាយតម្លៃលើការធ្វើអាជីវកម្មត្រី ត្រីនុយ សិប្បីសត្វ និងចរន្តទីផ្សារតាមច្រកចេញ-ចូល នៅបណ្តាខេត្តទាំង ៦ ជុំវិញបឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តន៍នៅក្នុងផែនការសកម្មភាពប្រចាំឆ្នាំ ២០២៤ របស់អាជ្ញាធរទន្លេសាប ។
សកម្មភាពខាងលើនេះ មានគោលបំណង៖
- សិក្សាតាមដានបរិមាណនៃការធ្វើអាជីវកម្មធនធានធម្មជាតិនៅតំបន់បឹងទន្លេសាប
- សិក្សាពីប្រភព និងប្រភេទត្រីនុយដែលធ្វើអាជីវកម្មលើវារីវប្បកម្ម
- សិក្សាចរន្តទីផ្សារ នៃការធ្វើអាជីវកម្មធនធានធម្មជាតិ
- សិក្សាពីផលប៉ះពាល់ នៃការធ្វើអាជីវកម្មធនធានធម្មជាតិ ។

ក្រុមការងារនៃនាយកដ្ឋាន រដ្ឋបាល ផែនការ និងសហប្រតិបត្តិការ ដឹកនាំដោយលោក អ៊ុក បញ្ញារិទ្ធ អនុប្រធាននាយកដ្ឋាន ធ្វើការចុះតាមដាន និងវាយតម្លៃប្រសិទ្ធភាពគម្រោងដែលបាននឹងកំពុងអនុវត្តនៅក្នុងឃុំសែប ស្រុកកំពង់ត្រឡាច ខេត្តកំពង់ឆ្នាំង

2024-02-20T15:46:23+00:00

នាថ្ងៃព្រហស្បតិ៍ ៦កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៥ ខែកុម្ភៈ ឆ្នាំ២០២៤ ក្រុមការងារនៃនាយកដ្ឋាន រដ្ឋបាល ផែនការ និងសហប្រតិបត្តិការ ដឹកនាំដោយលោក អ៊ុក បញ្ញារិទ្ធ អនុប្រធាននាយកដ្ឋាន ធ្វើការចុះតាមដាន និងវាយតម្លៃប្រសិទ្ធភាពគម្រោងដែលបាននឹងកំពុងអនុវត្តនៅក្នុងឃុំសែប ស្រុកកំពង់ត្រឡាច ខេត្តកំពង់ឆ្នាំង។

ការចុះសិក្សានេះ ក្រុមការងារបានធ្វើលើ ការសម្ភាសន៍ជាមួយអ្នកអនុវត្តន៍គម្រោង (លោកមេឃុំ និងសហការីឃុំ)៖
១.ដើម្បីជ្រើសរើសគម្រោងអាទិភាពថ្នាក់ឃុំដែលបាន និងកំពុងអនុវត្តន៍សម្រាប់ធ្វើការត្រួតពិនិត្យតាមដានពីភាពរីកចម្រើន/ប្រសិទ្ធភាពនៃការអនុវត្តគម្រោង
២. ផ្លាស់ប្តូរបទពិសោធន៍អំពីនីតិវិធីតាមដាន និងវាយម្លៃគម្រោង។

ជាមួយនឹងសកម្មភាពក្រុមការងារចុះសិក្សានៅតំបន់ខាងលើ និងតំបន់ពាក់ព័ន្ធ ជាលទ្ធផលសង្ខេបបានធ្វើការត្រួតពិនិត្យតាមដានគម្រោងដូចក្រោម ៖
ទី១. គម្រោងស្តាបឹងអង្ក្រងផ្តល់ផលប្រយោជន៍ជាលទ្ធភាពស្រោចស្រពទៅដល់ដីជាច្រើនហិកតាសម្រាប់ធ្វើស្រែ និងចំការ
ទី២. គម្រោងជ្រើសរើសប្រជាជន ១១ នាក់សម្រាប់ធ្វើជាជនបង្គោលដើម្បីផ្សព្វផ្សាយពីការចិញ្ចឹមមាន់ទៅតាមគ្រួសារនីមួយៗនៅក្នុងភូមិដែលផ្តល់ផលប្រយោជន៍ទៅលើមុខរបរ និងជីវភាពរស់នៅរបស់អ្នកភូមិ
ទី៣. គម្រោងសាងសង់ផ្លូវគ្រួសក្រហមផ្តល់ផលប្រយោជន៍ដល់ការធ្វើដំណើររស់នៅក្នុងភូមិ
ទី៤. ទទួលបានជាមេរៀនបទពិសោធន៍រវាងក្រុមការងារ និងឃុំអំពីនីតិវិធីតាមដាន និងវាយតម្លៃសម្រាប់គ្រប់គ្រងគម្រោងសម្រេចបានលទ្ធផលដែលយើងចង់បាន។

សកម្មភាពខាងលើនេះ មានគោលបំណង៖ ប្រមូលចងក្រង វិភាគព័ត៌មានពីប្រសិទ្ធភាព នៃការអនុវត្តគម្រោងថ្នាក់ឃុំអាទិភាពដែលបានកំពុងអនុវត្តន៍ និងធ្វើការត្រួតពិនិត្យភាពរីកចម្រើនគម្រោង, ១. ថាតើគោលបំណង និងគោលដៅសូចនាករ របស់គម្រោង ឆ្លើយតបទៅនឹងលទ្ធផលរំពឹងទុក និងលទ្ធផលចុងក្រោយបែបណា, ២.ថាតើគម្រោងទាំងនោះផ្តល់ផលប្រយោជន៍ជាវិជ្ជមាន និងអវិជ្ជមានអ្វីខ្លះទៅដល់បឹងទន្លេសាប និងតំបន់ពាក់ព័ន្ធ។

ទិដ្ឋភាពប្រសព្វខ្សែទឹកទន្លេសាប និងខ្សែទឹកទន្លេមេគង្គនៅរាជធានីភ្នំពេញ រដូវប្រាំង

2024-02-20T15:37:49+00:00

លំហូរទឹកទន្លេមេគង្គ បានបណ្តាលឱ្យទឹកក្នុងទន្លេសាប ហូរបញ្ច្រាសទិសត្រឡប់ឆ្ពោះទៅបឹងទន្លេសាប បង្កបានជាបាតុភូតជលសាស្ត្រធម្មជាតិ ដែលកម្រមានក្នុងសាកលលោក ។

វិសាលភាពបឹងទន្លេសាប មានការប្រែប្រួលតាមរដូវកាល នៅរដូវប្រាំងជម្រៅ ១ម៉ែត្រ-២ម៉ែត្រ ផ្ទៃក្រឡាប្រមាណ ២៥០ ០០០ ហិកតា និងរដូវវស្សាជម្រៅ ៨ម៉ែត្រ-១១ម៉ែត្រ ផ្ទៃក្រឡាប្រមាណ ១ ៥០០ ០០០ ហិកតា ។ មាឌទឹកបឹងទន្លេសាបប្រែប្រួលប្រមាណពី ៤ ៥០០លានម៉ែត្រគូប នៅរដូវប្រាំង ទៅ ១៣៥ ០០០លានម៉ែត្រគូប នៅរដូវវស្សា ។

ទឹកក្នុងបឹងទន្លេសាបនៅរដូវវស្សាបានមកពីទន្លេមេគង្គ ៦២% និង៣៨% ទៀតបានមកពីបណ្តាស្ទឹងធំៗទាំង ១១ ជុំវិញបឹងទន្លេសាប ។

ទឹកជំនន់មកពីទន្លេមេគង្គ មានឥទ្ធិពលទាំងបរិមាណ និងគុណភាពទឹក ហូរចាក់ទៅក្នុងបឹងទន្លេសាប បាននាំមកនូវដីល្បាប់ភក់ផ្តល់នូវជីជាតិយ៉ាងសម្បូរបែប សម្រាប់វាលទំនាបព្រៃលិចទឹកជុំវិញបឹងទន្លេសាប ដែលជម្រកពងកូន និងបង្កជាចំណីដល់ជីវៈចម្រះគ្រប់ប្រភេទ ព្រមជាមួយធនធានជលផលផងដែរ ។(ប្រភព-Alpha Water & Electric Supply, 19 February 2024)

លោក វិន ប៊ុនពៅ ប្រធាននាយកដ្ឋានធនធានធម្មជាតិបានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងខេត្តសៀមរាប និងខេត្តបាត់ដំបង

2024-02-19T21:56:21+00:00

កាលពីថ្ងៃអង្គារ ៤កើត ដល់ ថ្ងៃសៅរ៍ ៨កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៣ ដល់ ១៧ ខែកុម្ភៈ ឆ្នាំ២០២៤ លោក វិន ប៊ុនពៅ ប្រធាននាយកដ្ឋានធនធានធម្មជាតិបានដឹកនាំក្រុមការងារមន្ត្រីបច្ចេកទេសចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធ នៅតំបន់ចុងឃ្នៀស ខេត្តសៀមរាប និង តំបន់ព្រែកទាល់ ខេត្តបាត់ដំបង ។

ការចុះសិក្សានេះ ក្រុមការងារបានធ្វើលើ ៖
ទី ១/. សម្ភាសន៍ប្រជានេសាទដើម្បីប្រមូលទិន្នន័យ-ព័ត៌មានពីការប្រើប្រាស់ប្រភេទឧបករណ៍នេសាទនៅតំបន់សិក្សា
ទី២/. ប្រមូលសំណាកត្រី និងធនធានក្រៅពីត្រី, កត់ត្រាទីតាំងនេសាទ (X,Y), វាស់ជម្រៅទឹកនៅតាមតំបន់នេសាទនីមួយៗ, វាស់គុណភាពទឹកបឋម និងពិនិត្យលើលំនៅដ្ឋានធនធានជលផលនៅរដូវប្រាំង ។

ជាមួយនឹងសកម្មភាពក្រុមការងារចុះសិក្សានៅតំបន់ខាងលើ និងតំបន់ពាក់ព័ន្ធ ជាលទ្ធផលបឋមបង្ហាញថា ៖
១. រកឃើញប្រភេទត្រីចំនួន ៣៥ ប្រភេទ តាមរយៈការនេសាទដោយប្រើប្រាស់នូវឧបករណ៍ចំនួន ២ ប្រភេទ គឺឧបករណ៍មងរាយ និងបរ ។
២. ធនធានក្រៅពីត្រីមានចំនួន ៦ ប្រភេទ និងការប្រើប្រាស់ធនធានត្រីសម្រាប់វារីវប្បកម្មនៅក្នុងតំបន់សិក្សា ។
៣. ការវាស់សំណាកគុណភាពទឹកដោយឧបករណ៍ស្វ័យប្រវត្តិនៅតាមតំបន់សិក្សា រួមមាន៖ កម្រិតភាពថ្លានៃទឹក, អុកស៊ីសែនរលាយក្នុងទឹក(DO), ប៉េហាស (pH), កម្រិតកម្ពស់ទឹក, សីតុណ្ហភាពទឹកបឹង និងកម្រិតស្លែ និងកកររបស់ទឹកបឹង ព្រមទាំងការពិនិត្យភាពសម្បូរនៃប្លង់តុង (ប្លង់តុងរុក្ខជាតិ និងប្លង់តុងសត្វ) ។

សូមជម្រាបជូនថាៈ សកម្មភាពចុះសិក្សាស្តីពី បម្រែបម្រួលធនធានជលផលនៅតំបន់ទន្លេសាប និងតំបន់ពាក់ព័ន្ធនៅក្នុងភូមិសាស្ត្រខេត្តសៀមរាប និងខេត្តបាត់ដំបង គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៤ របស់នាយកដ្ឋានធនធានធម្មជាតិ នៃអាជ្ញាធរទន្លេសាប ។

សកម្មភាពខាងលើនេះ មានគោលបំណង៖
- តាមដាន និងវាយតម្លៃប្រភេទធនធានជលផលទៅតាមប្រភេទឧបករណ៍នេសាទក្នុងទីតាំងសិក្សា
- បច្ចុប្បន្នភាពប្រភេទ និងលក្ខណៈជីវសាស្ត្រធនធានជលផលតាមប្រភេទទីជម្រក ចំណី និងបរិស្ថានទឹក (វាយតម្លៃបឋមលើគុណភាពទឹកតាមទីតាំងចុះសិក្សា)
- វាយតម្លៃប្រភេទធនធានជលផលនៅតាមដងទន្លេសាប (កណ្តាល-ភ្នំពេញ-កំពង់ឆ្នាំង) នៅឡូតិ៍ដាយត្រី និងតំបន់ពាក់ព័ន្ធ
- វាយតម្លៃលើការបន្លាស់ទីធនធានជលផលតាមស្ទឹង និងលក្ខណៈជីវសាស្ត្ររបស់ត្រី និងក្រៅពីត្រី ។

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ ចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាន នៅខេត្តកំពង់ធំ

2024-02-17T08:09:08+00:00

នាថ្ងៃព្រហស្បតិ៍ ៦កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៥ ខែកុម្ភៈ ឆ្នាំ២០២៤ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ដឹកនាំដោយ លោក អុល សុជាតិ ប្រធានការិយាល័យសម្របសម្រួលវិវាទ បានចុះអនុវត្តន៍សកម្មភាពសម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ នៅក្នុងខេត្តកំពង់ធំ ។
ក្នុងពេលបំពេញការងារអនុវត្តន៍សកម្មភាពខាងលើ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដូចជា ៖
១/. ជួបពិភាក្សាស្វែងយល់ និងប្រមូលទិន្នន័យ-ព័ត៌មាន ជាមួយនឹងខណ្ឌរដ្ឋបាលជលផលខេត្ត
២/. ជួបពិភាក្សា និងប្រមូលទិន្នន័យ-ព័ត៌មានជាមួយរដ្ឋបាលឃុំត្រពាំងឬស្សី និងរដ្ឋបាលស្រុកកំពង់ស្វាយ ខេត្តកំពង់ធំ ។
៣/. ជួបពិភាក្សា និងប្រមូលទិន្នន័យ-ព័ត៌មានជាមួយសហគមន៍នេសាទឧកញ៉ាមហាពពាយ។

ជាមួយនឹងការអនុវត្តសកម្មភាពក្នុងតំបន់សិក្សាខាងលើ ជាលទ្ធផលបឋម ទទួលបានដូចខាងក្រោម ៖
១. ការតាមដានការអនុវត្តការងារក្នុងការគ្រប់គ្រងធនធានធម្មជាតិ
- សមត្ថភាព និងការយល់ដឹងពីគោលការណ៍ តួនាទីភារកិច្ច រួមនឹងការសម្របសម្រួល និងការគ្រប់គ្រង ថវិកា សម្ភារគម្រោង របស់គណៈកម្មការសហគមន៍នេសាទឧកញ៉ាមហាពពាយ មានកម្រិតល្អ
- មានទំនាក់ទំនង និងកិច្ចសហការល្អ ជាមួយជំនាញពាក់ព័ន្ធ អាជ្ញាធរមូលដ្ឋាន និងអង្គការ ដៃគូអភិវឌ្ឍ
- មានការចូលរួមក្នុងការគ្រប់គ្រងធនធានធម្មជាតិ តាមរយៈសកម្មភាពចេញល្បាតញឹកញាប់ ការផ្តល់ព័ត៌មានទាន់ហេតុការណ៍ពីសកម្មភាពប្រព្រឹត្តបទល្មើសនេសាទ និងការដាំ/ថែទាំព្រៃលិចទឹកក្នុងសហគមន៍
- មានការគាំទ្រផ្នែកថវិកាចំនួន ៤លានរៀល ក្នុង ១ឆ្នាំតាមរយៈគម្រោង CAPFISH-Capture ក្រោមការសម្របសម្រួលដោយខណ្ឌរដ្ឋបាលជលផលខេត្តកំពង់ធំ

២. ករណីវិវាទផលប្រយោជន៍ក្នុងសហគមន៍
- វិវាទលើការប្រើប្រាស់ឧបករណ៍នេសាទខុសច្បាប់ និងការលបលួចចូលនេសាទក្នុងដែនអភិរក្សសហគមន៍
- វិវាទដីអាស្រ័យផល របស់ប្រជាពលរដ្ឋចំនួន ២២៨ គ្រួសារ នៅក្នុងដែនសហគមន៍នេសាទ (ស្ថិតនៅក្នុងតំបន់២)

៣. យន្តការដោះស្រាយវិវាទ
- ធ្វើការសម្របសម្រួល អប់រំ/ណែនាំ ដល់អ្នកប្រព្រឹត្តល្មើសក្នុងកម្រិតស្រាល
- អនុវត្តន៍ទៅតាមនីតិវិធីច្បាប់ ចំពោះបុគ្គល/ក្រុមដែលប្រព្រឹត្តល្មើសធ្ងន់ធ្ងរ
- ធ្វើការផ្សព្វផ្សាយបទដ្ឋានគតិយុត្ត និងឯកសារពាក់ព័ន្ធឲ្យបានទូលំទូលាយ
- រដ្ឋបាលខេត្ត និងមន្ទីរជំនាញពាក់ព័ន្ធ បានធ្វើការប្រជុំពិភាក្សា លើករណីវិវាទដីអាស្រ័យផលប្រជាពលដ្ឋទាំង ២២៨ គ្រួសារ នៅក្នុងដែនសហគមន៍ ។

សូមជម្រាបជូនថាៈ សកម្មភាពនៃចុះសិក្សាលើប្រធានបទ សម្របសម្រួល និងតាមដានទំនាស់អត្ថប្រយោជន៍ពីការប្រើប្រាស់ធនធានធម្មជាតិ និងបរិស្ថាននៅតំបន់បឹងទន្លេសាប និងតំបន់ពាក់ព័ន្ធ មានគោលបំណង ដើម្បីបង្កើនកិច្ចសហការល្អ រវាងស្ថាប័នជំនាញពាក់ព័ន្ធ និងការយល់ដឹងពីដំណើរការនៃការតាមដានត្រួតពិនិត្យ និងវាយតម្លៃពីផលប៉ះពាល់ធនធានធម្មជាតិ រួមទាំងការចែករំលែកនូវទិន្នន័យ-ព័ត៌មានទាន់ហេតុការណ៍ ដែលកើតមានឡើងក្នុងតំបន់ជុំវិញបឹងទន្លេសាប ព្រមទាំងវិធីសាស្ត្រក្នុងការដោះស្រាយវិវាទផលប្រយោជន៍ពីការទាញយកធនធនធម្មជាតិ នៅកម្រិតថ្នាក់ជាតិ និងថ្នាក់ក្រោមជាតិ សម្រាប់ភាពជោគជ័យក្នុងកិច្ចការពារ និងគ្រប់គ្រងធនធានធម្មជាតិនៅតំបន់បឹងទន្លេសាប ប្រកបដោយចីរភាព៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បន្តដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកប្រចាំមុខព្រួញខេត្តកំពង់ធំ សៀមរាប និងបន្ទាយមានជ័យ

2024-02-04T00:10:28+00:00

នៅថ្ងៃសុក្រ ៨ រោច ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០២ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៦ ខេត្តកំពង់ធំ សៀមរាប និងបន្ទាយមានជ័យ ដឹកនាំដោយ ឯកឧត្តម ខូវ មាស អគ្គលេខាធិការរង និងជាប្រធានក្រុមមុខព្រួញ អមដោយលោក ហេង សុវណ្ណារ៉ា ប្រធានមុខព្រួញ ខេត្តកំពង់ធំ និង លោក លឹម វុទ្ធី ប្រធានមុខព្រួញខេត្តបន្ទាយមានជ័យ។

សកម្មភាពក្រុមការងារមានគោលបំណងសំខាន់ដើម្បី៖
- ឆ្លើយតបនឹងតម្រូវការរបស់ថ្នាក់ដឹក ក្នុងការចុះអង្កេតតាមដាន និងត្រួតពិនិត្យផ្ទៀងផ្ទាត់ លើតំបន់ដី តំបន់ ៣ ដែលរងការទន្ទ្រានដីស្រែក្រៅពីតំបន់កាត់ឆ្វៀល និងឈូសឆាយដីថ្មីក្នុងតំបន់ ៣។
- ក្រុមការងារបានសហការណ៍សម្របសម្រួលជាមួយរដ្ឋបាលសាលាខេត្ត ស្រុក ស្ថាប័នពាក់ព័ន្ធ និងអាជ្ញាធរដែនដី ដើម្បីចុះអធិការកិច្ចផ្ទាល់លើតំបន់កាត់ឆ្វៀល និងតំបន់រងការទន្ទ្រាន...។
- ជុំរុញការផ្សព្វផ្សាយ និងសូមឱ្យមានការចូលរួមយ៉ាងសកម្មក្នុងការអនុវត្ត និងគោរពតាមបទដ្ឋានគតិយុត្តដែលមានកន្លងមកដូចជា អនុក្រឹត្យ ១៩៧ អនក្រ.បក និងសារាចរណែនាំ របស់រាជរដ្ឋាភិបាល និងអនុក្រឹត្យនៃការកាត់ឆ្វៀលតាមបណ្តាខេត្តទាំង ៦ ជុំវិញបឹងទន្លេសាប ប្រកបដោយសុក្រឹត្យភាព ប្រសិទ្ធភាពខ្ពស់ និងចូលរួមទប់ស្កាត់គ្រប់សកម្មភាពនៃការទន្ទ្រានចូលក្នុងតំបន់ ៣ ដោយត្រូវមានវិធានការតឹងរឹងបំផុត។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកឯកភ្នំ និងស្រុកថ្មគោល ខេត្តបាត់ដំបង

2024-02-03T12:32:22+00:00

នៅថ្ងៃព្រហស្បតិ៍ ៧រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០១ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រ ឃុំព្រែកហ្លួង ព្រែកនរិន្ទ និងឃុំពាមឯក ស្រុកឯកភ្នំ, ឃុំបឹងព្រីង ជ្រោយស្តៅ តាម៉ឺន និងឃុំតាពូង ស្រុកថ្មគោល ខេត្តបាត់ដំបង តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផល របស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម ភូមិបាលស្រុក សហគមន៍នេសាទ រួមនឹងកម្លាំងកងរាជអាវុធហត្ថ សឹករង វរសេនាតូចលេខ៣ និងអធិការដ្ឋាននគរបាលស្រុក ខេត្តបាត់ដំបង និងបានធ្វើកំណត់ហេតុលើលទ្ធផលចុះអធិការកិច្ចនេះ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការទន្ទ្រាន នៅក្នុងតំបន់ ៣ ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកមោងឫស្សី និងស្រុកសង្កែ ខេត្តបាត់ដំបង

2024-02-03T12:09:53+00:00

នៅថ្ងៃសុក្រ ៨រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០២ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រឃុំតាប៉ុន រកា កំពង់ព្រះ និងឃុំកំពង់ព្រៀង ស្រុកសង្កែ និងឃុំឫស្សីក្រាំង ជ្រៃ តាលាស់ កកោះ និងឃុំព្រៃតូច ស្រុកមោងឫស្សី ខេត្តបាត់ដំបង តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផលរបស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម មន្ត្រីភូមិបាលស្រុក ផ្នែកជលផល សហគមន៍នេសាទ រួមនឹងកម្លាំងកងរាជអាវុធហត្ថ សឹករង និងអធិការដ្ឋាននគរបាលស្រុក ខេត្តបាត់ដំបង និងបានធ្វើកំណត់ហេតុលើលទ្ធផលនៃការចុះអធិការកិច្ចនេះ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន៣ ដែលមានការទន្ទ្រាន។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រខេត្តកំពង់ធំ សៀមរាប និងខេត្តបន្ទាយមានជ័យ

2024-02-03T11:51:37+00:00

នៅថ្ងៃព្រហស្បតិ៍ ៧រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ០១ ខែកុម្ភៈ ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៦ ដឹកនាំដោយ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រខេត្តកំពង់ធំ សៀមរាប និងបន្ទាយមានជ័យ តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផល របស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម រួមនិងកងកម្លាំងរាជអាវុធហត្ថ និងអធិការដ្ឋានស្រុក របស់ខេត្តកំពង់ធំ សៀមរាប និងខេត្តបន្ទាយមានជ័យ និងទទួលបានលទ្ធផលពីការចុះអធិការកិច្ចនេះផងដែរ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផលនៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការពង្រីកផ្ទៃដីបង្កបង្កើនផល ក្រៅតំបន់កាត់ឆ្វៀល ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកកណ្តៀង និងស្រុកបាកាន ខេត្តពោធិ៍សាត់

2024-02-03T11:35:00+00:00

នៅថ្ងៃ ពុធ ៦រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣១ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរងអាជ្ញាធរទន្លេសាប បានចុះនៅក្នុងភូមិសាស្ត្រ ឃុំកញ្ជរ, ស្យា, កណ្តៀង, ស្រែស្តុក និងឃុំរាំងទិល ស្រុកកណ្តៀង និងឃុំស្នាមព្រះ, បឹងបត់កណ្តោល, មេទឹក និងឃុំអូរតាប៉ោង ស្រុកបាកាន ខេត្តពោធិ៍សាត់ តាមស្មារតីអនុក្រឹត្យលេខ ១៩៧អនក្រ.បក។

ដំណើរការ និងលទ្ធផល របស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម ភូមិបាលស្រុក សង្កាត់រដ្ឋបាលជលផល រួមនឹងកម្លាំងកងរាជអាវុធហត្ថ សឹករង និងអធិការដ្ឋាននគរបាលស្រុក ខេត្តពោធិ៍សាត់ និងបានធ្វើកំណត់ហេតុលើលទ្ធផលចុះអធិការកិច្ចនេះ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការទន្ទ្រាន នៅក្នុងតំបន់ ៣ ។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញខេត្តកំពង់ធំ សៀមរាប និងបន្ទាយមានជ័យ

2024-02-01T09:15:09+00:00

នៅថ្ងៃចន្ទ ៤រោច ដល់ថ្ងៃ ពុធ ៦រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៩ ដល់ថ្ងៃទី ៣១ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ដោយបានបែងចែកជា ៣ ក្រុមមុខព្រួញ៖
* ខេត្តសៀមរាប ដឹកនាំដោយ ឯកឧត្តម ខូវ មាស
* ខេត្តកំពង់ធំ ដឹកនាំដោយ លោក ហេង សុវណ្ណារ៉ា
* ខេត្តបន្ទាយមានជ័យ ដឹកនាំដោយ លោក លឹម វុទ្ធី
#. មុខព្រួញខេត្តសៀមរាប បានសហការជាមួយគណៈបញ្ជាការឯកភាពស្រុកកងកម្លាំងប្រដាប់អាវុធ អាជ្ញាធរមូលដ្ឋានពាក់ព័ន្ធ បានចុះទៅដល់ទីតាំងជាក់ស្តែងដែលមានលទ្ធផលបឋមជូនដូចខាងក្រោម៖
- ស្រុកជីក្រែង ឃុំសង្វើយ : មានការទន្ទ្រានថ្មី ចំនួន ៥ហិកតា និងដីក្រៅតំបន់កាត់ឆ្វៀល(ទន្ទ្រានចាស់) ចំនួន ៥.៧៣ហិកតា ។ ចំពោះការទន្ទ្រានដីថ្មីខាងលើនេះត្រូវបានជំនាញទប់ស្កាត់ទាន់ពេលវេលាដោយបានកសាងសុំណុំរឿងទៅតុលាការ។
- ស្រុកសូទ្រនិគម ឃុំកំពង់ឃ្លាំង : ប្រជាជនបានធ្វើស្រែក្រៅតំបន់កាត់ឆ្វៀល (ទន្ទ្រានចាស់) ២គ្រួសារ ចំនួន ៣ហិកតា។
- ឃុំដានរុន : ប្រជាជន ១គ្រួសារបានទៅទន្ទ្រានដីថ្មីចំនួន ៣ហិកតា ។

អាជ្ញាធរស្រុកបានធ្វើកិច្ចសន្យា និងបានដកហូតមកវិញ។
- ស្រុកប្រាសាទគង : ពុំទាន់រកឃេីញការទន្ទ្រានចូលក្រៅពីតំបន់កាត់ឆ្វៀល និងតំបន់តំបន់ ៣ ទេ។
- ក្រុងសៀមរាប សង្កាត់ស្រង៉ែ : ការទន្ទ្រានដីក្នុងតំបន់ពុំបានកាត់ឆ្វៀល(ទន្ទ្រានចាស់) ចំនួន ២៧ ហិកតា (២២គ្រួសារ)។

#. មុខព្រួយខេត្តកំពង់ធំ ក្រុមការងារសហការជាមួយគណ:បញ្ជាការកងឯកភាពខេត្ត ស្រុក មេឃុំ មន្ទីរ-ការិយាល័យជំនាញពាក់ពន្ធ័ បានចុះពិនិត្យទីតាំងផ្ទាល់ក្នុង ស្រុកតាំងគោក ស្រុកបារាយណ៍ ស្រុកសន្ទុក និងក្រុងស្ទឹងសែន ជាលទ្ធផលបឋម ៖

+ ស្រុកតាំងគោកផ្ទៃដីរំលោភទន្ទ្រានមានចំនួន ៤២.១០ហិកតា ក្នុងនោះមានៈ
- តំបន់ស្វាខ្មៅ ឃុំស្រឡៅមាន ចំនួន ២៥.០៥ ហិកតា
- តំបន់ខាងជេីងព្រែកទាល់ឃុំស្រឡៅ ចំនួន ៥.០៥ ហិកតា
- តំបន់ខាងលិចព្រែកទាល់ឃុំស្រឡៅ ចំនួន១២ហិកតា
- អ្នកទន្ទ្រានកាន់កាប់ជាប្រជាពលរដ្ឋឈ្មោះ ហាង អ៊ុំ និងឈ្មោះ នាង ប្រេីស។

+ ស្រុកបារាយណ៍ផ្ទៃដីរំលោភទន្ទ្រានមានចំនួន ១២៣.២ ហិកតា ក្នុងនោះមានៈ
- តំបន់អន្លង់កីមាន ចំនួន ៣.២ ហិកតា
- តំបន់បឹងផ្ទោលមាន ចំនួន ១២ ហិកតា
- តំបន់អូរសាលា ឃុំបារាយណ៍មាន ចំនួន ៣៧ហិកតា
- តំបន់បឹងវៀន ឃុំចុងដូងមាន ចំនួន ៥៣ ហិកតា
- តំបន់បឹងត្រាវ ឃុំចុងដូងមាន ចំនួន ១៨ ហិកតា។
- អ្នកទន្ទ្រានកាន់កាប់ជាប្រជាពលរដ្ឋមិនទាន់កំណត់អត្តសញ្ញាណបាន។

+ ស្រុកសន្ទុកផ្ទៃដីរំលោភទន្ទ្រានមានចំនួន ៥ ហិកតា ស្ថិតក្នុងតំបន់រវ្វង់ខែ ឃុំព្នៅ។ |
+ ក្រុងស្ទឹងសែនផ្ទៃដីរំលោភទន្ទ្រានមានចំនួន ៦៣៥.៣៧ ហិកតា ក្នុងនោះមានៈ
- តំបន់គោកព្រះឃុំស្រយ៉ូវមាន ចំនួន៤១៨.៣១ហិកតា
- តំបន់ខ្ទម្ភមួយដេីម ឃុំស្រយ៉ូវមាន ចំនួន ១៦៣.៧២ ហិកតា
- តំបន់អាងស្នែងក្របី ឃុំស្រយ៉ូវមាន ចំនួន ៥៣.៣៤ ហិកតា
- អ្នកទន្ទ្រានកាន់កាប់ជាប្រជាពលរដ្ឋជួលពីឈ្មួញមិនទាន់កំណត់អត្តសញ្ញាណបាន។

#. មុខព្រួយខេត្តបន្ទាយមានជ័យ ក្រុមការងារបានចុះសហការ ជាមួយអាជ្ញាធរដែនដីដូចខាងក្រោម៖
- ស្រុកមង្គលបុរី ក្រុមការងារសហការជាមួយគណ:បញ្ជាការកងឯកភាពខេត្ត ស្រុក មន្ទីរ ការិ-ជំនាញពាក់ពន្ធ័ មេឃុំ មេភូមិ សរុបសមាសភាពចូលរួម ចំនួន ២២រូប បានចុះពិនិត្យដល់ទីតាំង ឃុំសំបួរ ពុំរកឃេីញមានការទន្ទ្រានដីលេីសពីតំបន់ដែលបានកាត់ឆ្វៀលនោះទេ ។
- ស្រុកព្រះនេត្រព្រះ ក្រុមការងារបានចុះពិនិត្យទីតាំងផ្ទាល់ក្នុង ឃុំភ្នំលៀប និងភូមិកាបៅ និងកំពង់ក្រសាំង ឃេីញថាទីតាំងឃុំភ្នំលៀប ប្រជាពលរដ្ឋកំពុងធ្វើស្រែនៅក្នុងតំបន់ ៣ ក្រៅពីតំបន់កាត់ឆ្វៀល(ទន្ទ្រានចាស់)មាន ចំនួន ១៥គ្រួសារ ដែលកំពុងធ្វើស្រែនៅលើផ្ទៃដីប្រមាណពី ១៥០ ទៅ២០០ ហិកតា ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកក្រគរ ខេត្តពោធិ៍សាត់

2024-02-01T08:52:11+00:00

នៅថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣០ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រ ឃុំអន្សាចំបក់ ក្បាលត្រាច កំពង់លួង អន្លង់ត្នោត ស្នាអន្សា អូរសណ្តាន់ និងឃុំកំពង់ពោធិ៍ ស្រុកក្រគរ ខេត្តពោធិ៍សាត់ តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផលរបស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម សង្កាត់រដ្ឋបាលជលផល រួមនឹងកម្លាំងកងរាជអាវុធហត្ថ និងអធិការដ្ឋាននគរបាលស្រុក ខេត្តពោធិ៍សាត់ និងបានធ្វើកំណត់ហេតុលើលទ្ធផលចុះអធិការកិច្ចនេះ ព្រមទាំងបានចាក់សារសំឡេង របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញថ្លែងក្នុងពិធីបិទសន្និបាតបូកសរុបការងារ ឆ្នាំ២០២៣ និងលើកទិសដៅការងារ ឆ្នាំ២០២៤ របស់ក្រសួងកសិកម្ម រុក្ខាប្រមាញ់ និងនេសាទ នៅក្នុងអង្គប្រជុំ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការទន្ទ្រាន នៅក្នុងតំបន់ ៣ ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកបរិបូណ៌ ខេត្តកំពង់ឆ្នាំង

2024-02-01T08:30:54+00:00

នៅថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣០ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រ ឃុំឆ្នុកទ្រូ, ត្រពាំងចាន់, ខុនរ៉ង, មេលំ និងឃុំកំពង់ព្រះគគីរ ស្រុកបរិបូណ៌ ខេត្តកំពង់ឆ្នាំង តាមស្មារតីអនុក្រឹត្យលេខ ១៩៧ អនក្រ.បក ។

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រខេត្តកំពង់ធំ សៀមរាប និងខេត្តបន្ទាយមានជ័យ

2024-02-01T00:42:18+00:00

នៅថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ៣០ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៦ ដឹកនាំដោយ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រខេត្តកំពង់ធំ សៀមរាប និងបន្ទាយមានជ័យ តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផល របស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម រួមនិងកងកម្លាំងរាជអាវុធហត្ថ និងអធិការដ្ឋានស្រុក របស់ខេត្តកំពង់ធំ សៀមរាប និងខេត្តបន្ទាយមានជ័យ និងទទួលបានលទ្ធផលពីការចុះអធិការកិច្ចនេះផងដែរ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផលនៅក្នុងតំបន់ ៣ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការពង្រីកផ្ទៃដីបង្កបង្កើនផល ក្រៅតំបន់កាត់ឆ្វៀល ។

ឯកឧត្តមរដ្ឋមន្ត្រី ថោ ជេដ្ឋា ប្រធានអាជ្ញាធរទន្លេសាប អញ្ជើញចូលរួមកិច្ចប្រជុំអន្តរក្រសួងប្រជុំត្រួតពិនិត្យការចុះបញ្ជីដីធ្លីនៅតំបន់ទន្លេសាប

2024-01-31T23:23:58+00:00

នៅទីស្តីការក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃអង្គារ ៥រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី៣០ ខែមករា ឆ្នាំ២០២៤ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អមដោយឯកឧត្តមរដ្ឋលេខាធិការប្រចាំការ ឯកឧត្តមថ្នាក់ដឹកនាំក្រសួង និងឯកឧត្តមអនុប្រធានអាជ្ញាធរទន្លេសាប និងមន្ត្រីបច្ចេកទេស បានអញ្ជើញចូលរួមក្នុងកិច្ចប្រជុំអន្តរក្រសួងដើម្បីពិភាក្សា...អានត

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកកំពង់លែង ខេត្តកំពង់ឆ្នាំង

2024-01-30T16:47:57+00:00

នៅថ្ងៃចន្ទ ៤រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៩ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះនៅក្នុងភូមិសាស្ត្រ ឃុំផ្លូវទូក, ពោធិ៍, ច្រណូក, ដារ, សំរោងសែន និងឃុំស្វាយរំពារ ស្រុកកំពង់លែង ខេត្តកំពង់ឆ្នាំង តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផលរបស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានកិច្ចសហការចូលរួមពីរដ្ឋបាលស្រុក-ឃុំ មន្ទីរធនធានទឹក និងឧតុនិយម រួមនិងកងកម្លាំងរាជអាវុធហត្ថ និងអធិការដ្ឋានស្រុក របស់ខេត្តកំពង់ឆ្នាំង និងបានធ្វើកំណត់ហេតុលើលទ្ធផលចុះអធិការកិច្ចនេះផងដែរ ។
- ចុះដល់ទីតាំង និងពិនិត្យស្ថានភាពដីដែលបានកាត់ឆ្វៀលជូនប្រជាពលរដ្ឋ ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅក្នុងតំបន់ ៣ តាមរយៈលិខិតលេខ ២៦ សជណ ចុះថ្ងៃទី ០៥ ខែមករា ឆ្នាំ២០២៤ ។
- ចុះពិនិត្យដែនព្រៃលិចទឹកក្នុងតំបន់ ៣ ដែលមានការពង្រីកផ្ទៃដីបង្កបង្កើនផល ក្រៅតំបន់កាត់ឆ្វៀល ។

ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក នៅភូមិសាស្ត្រស្រុកជលគីរី ខេត្តកំពង់ឆ្នាំង

2024-01-29T16:29:01+00:00

នៅថ្ងៃសុក្រ ១រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៦ ខែមករា ឆ្នាំ២០២៤ ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ ៥ ដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាប បានចុះតាមដានត្រួតពិនិត្យ និងផ្ទៀងផ្ទាត់ និយាមកាបង្គោលព្រំការពារដែនព្រៃលិចទឹក និងព្រៃលិចទឹក ស្ថិតនៅក្នុងភូមិសាស្ត្រ ឃុំពាមឆ្កោក ស្រុកជលគីរី ខេត្តកំពង់ឆ្នាំង តាមស្មារតីអនុក្រឹត្យលេខ ១៩៧ អនក្រ.បក ។

ដំណើរការ និងលទ្ធផលរបស់ក្រុមការងារសម្រេចបាន ៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ និងផែនការចុះអនុវត្តផ្ទាល់ដល់ទីតាំង ដោយមានការចូលរួមពីតំណាងរដ្ឋបាលស្រុក អាជ្ញាធរឃុំ និងប៉ុស្តិ៍នគរបាលឃុំ និងធ្វើកំណត់ហេតុលើលទ្ធផលចុះអធិការកិច្ចនេះផងដែរ ។- ចុះដល់ទីតាំង និងពិនិត្យស្ថានភាពបង្គោលព្រំតំបន់៣ នៅឃុំពាមឆ្កោក ។
- ចុះពិនិត្យផ្ទៃដីដែលប្រជាពលរដ្ឋកំពុងប្រើប្រាស់ និងអាស្រ័យផល នៅឃុំពាមឆ្កោក ។
- បានចុះដល់ចំនុចព្រែកកំពង់តាអួរ, ជ្រុងត្រែង, ទំនប់ឆ្តោ, ចុងខ្សាច់, ទួលវាលស្រង៉ែ, វាលសំណាប, ព្រែកប្រណាក, បាក់កាំភ្លើង, ព្រែកអញ្ចាញ, ព្រែកធំ, ក្រោយភូមិក្បាលក្រឡង់, កោះរការ និងស្តីដក់គង ។

ជាការកត់សំគាល់ ៖
- បង្គោលព្រំដែនព្រៃលិចទឹកតំបន់ ៣ ស្ថិតក្នុងឃុំពាមឆ្កោក បានបោះចំទីតាង ក្នុងនោះមាននៅឈរត្រង់ល្អភាគច្រើន មួយចំនួនដួលរលំ និងបាត់មួយចំនួនផងដែរ ។
- ផ្ទៃដីក្នុងដែនព្រៃលិចទឹកតំបន់ ៣ នៅតែមានប្រជាពលរដ្ឋបន្តចូលប្រើប្រាស់ អាស្រ័យផល និងទន្ទ្រានថ្មី នៅតំបន់ខ្លះ និងមានករណីជីកស្រះចិញ្ចឹមត្រី ជីកយកអាចម៍ដី និងប្រឡាយទឹក ទោះបីមានការហាមឃាត់តឹងរឹងពីអាជ្ញាធរដែនដីក៏ដោយ ។

សូមជម្រាបជូនថា ៖ សកម្មភាពចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកនៅភូមិសាស្ត្រខេត្តកំពង់ឆ្នាំង ក្រុមការងារជំនាញបច្ចេកទេសដឹកនាំដោយ ឯកឧត្តម ជា សុខនី អគ្គលេខាធិការរង អាជ្ញាធរទន្លេសាបនឹងបន្តចុះសិក្សាបន្ថែមទៀតរហូតបញ្ចប់តាមផែនការគ្រោងទុក ។

សកម្មភាពខាងលើនេះ មានគោលបំណងសំខាន់ដើម្បី ៖
- តាមដាន ត្រួតពិនិត្យ និងផ្ទៀងផ្ទាត់និយាមកាបង្គោលព្រំការពារដែនព្រៃលិចទឹក និងព្រៃលិចទឹកតំបន់ ៣
- សហការសម្របសម្រួលជាមួយស្ថាប័នជំនាញ និងអាជ្ញាធរដែនដីពាក់ព័ន្ធ ដើម្បីចុះអធិការកិច្ចលើរាល់គ្រប់សកម្មភាពពាក់ព័ន្ធដែនព្រៃលិចទឹក និងព្រៃលិចទឹក
- ពិនិត្យ ជួសជុល និងថែទាំ ឬ ដាំបង្គោលព្រំ និងស្លាកសញ្ញាការពារដែនព្រៃលិចទឹក និងព្រៃលិចទឹក
- ចូលរួមគ្រប់សកម្មភាពការពារធនធានធម្មជាតិ ពិសេសព្រៃលិចទឹក និងដែនព្រៃលិចទឹកនៅជុំវិញបឹងទន្លេសាប និងតំបន់ពាក់ព័ន្ធប្រកបដោយប្រសិទ្ធភាពខ្ពស់ ៕

ឯកឧត្តម ខូវ មាស អគ្គលេខាធិការរង អាជ្ញាធរទន្លេសាប បានដឹកនាំក្រុមការងារបច្ចេកទេស ចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកនៅភូមិសាស្ត្រស្រុកស្ទោង ខេត្តកំពង់ធំ

2024-01-26T08:37:23+00:00

នៅថ្ងៃអង្គារ ១៣កើត ដល់ថ្ងៃព្រហស្បតិ៍ ១៥កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៣ ដល់ថ្ងៃទី ២៥ ខែមករា ឆ្នាំ២០២៤ ក្រុមការងារចុះពិនិត្យតាមដាន ចុះពិនិត្យដែនព្រៃលិចទឹក និងព្រៃលិចទឹក ប្រចាំមុខព្រួញផ្លូវជាតិលេខ៦ ដឹកនាំដោយ ឯកឧត្តម ខូវ មាស អគ្គលេខាធិការរងអាជ្ញាធរទន្លេសាប បានចុះតាមដានត្រួតពិនិត្យ និងផ្ទៀងផ្ទាត់ និយាមកាបង្គោលព្រំការពារដែនព្រៃលិចទឹក និងព្រៃលិចទឹកស្ថិតនៅឃុំចំណារក្រោម ឃុំសំព្រោច និងឃុំម្សាក្រង ស្រុកស្ទោង ខេត្តកំពង់ធំ តាមស្មារតីអនុក្រឹត្យលេខ ១៩៧ អនក្រ.បក។

ដំណើរការ និងលទ្ធផលរបស់ក្រុមការងារសម្រេចបាន៖
- ជួបប្រជុំផ្សព្វផ្សាយ អំពីដំណើរការ និងគោលបំណងនៃបេសកកម្មរបស់ក្រុមការងារ បានចុះអនុវត្តផ្ទាល់ដល់ទីតាំង និងបានពិភាក្សាការងារជាមួយ តំណាងរដ្ឋបាលខេត្តកំពង់ធំ អភិបាល-អភិបាលរងស្រុកស្ទោង មេបញ្ជាការ-មេបញ្ជាការរងស្រុកស្ទោង អធិការ-អធិការរងស្រុកស្ទោង ប្រធានការិយាល័យច្រកចេញចូលតែមួយ នាយសង្កាត់ជលផលស្រុកស្ទោង ប្រធានការិយាល័យរៀបចំដែនដី នគរូបនីយកម្ម និងសំណង់ ប្រធានស្តីទីការិយាល័យនីតិកម្ម និងមេឃុំ-ក្រុមប្រឹក្សាទាំង ៤ឃុំ។
- ចុះដល់ទីតាំង និងពិនិត្យស្ថានភាពបង្គោលព្រំតំបន់៣ នៅឃុំចំណារក្រោម ឃុំសំព្រោច និងឃុំម្សាក្រង។
- ចុះពិនិត្យផ្ទៃដីដែលប្រជាពលរដ្ឋកំពុងអាស្រ័យផល ស្ថិតនៅអាងទឹកសហគមន៍ ៣ ភូមិ ស្ថិតនៅឃុំចំណារក្រោម មានប្រជាពលរដ្ឋមកពីភូមិត្រពាំងជ័រ ភូមិក្លិន ភូមិប្រាសាទ នៃឃុំចំណារលើ, ភូមិស្ពានក្រង ភូមិសណ្តាន់ ភូមិនាងណយ នៃឃុំចំណារក្រោម ។
- បានចុះដល់ចំនុចផ្តៅពេន និងចំនុចត្រពាំងក្រប៉ៅ មានប្រជាពលរដ្ឋទាំងអស់មកពីភូមិសំបួរត្បូង និងភូមិបត់ត្រង់ ឃុំម្សាក្រង ។

ជាការកត់សំគាល់៖
- បង្គោលព្រំ ដែនព្រៃលិចទឹកតំបន់៣ ស្ថិតក្នុងឃុំចំណារក្រោម ឃុំសំព្រោចនិងឃុំម្សាក្រង បានបោះចំទីតាងនិងត្រង់ល្អភាគច្រើន។
- ផ្ទៃដីក្នុងដែនព្រៃលិចទឹកតំបន់ ៣ នៅតែមានប្រជាពលរដ្ឋមួយចំនួន បន្តចូលទៅទន្ទ្រាន នៅតំបន់ខ្លះ ទោះបីមានការហាមឃាត់តឹងរឹងពីអាជ្ញាធរស្រុកស្ទោងក៏ដោយ ។

សូមជម្រាបជូនថា ៖ សកម្មភាពចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកនៅភូមិសាស្ត្រខេត្តកំពង់ធំ ក្រុមការងារជំនាញបច្ចេកទេសដឹកនាំដោយ ឯកឧត្តម ខូវ មាស អគ្គលេខាធិការរង អាជ្ញាធរទន្លេសាបនឹងបន្តចុះសិក្សាបន្ថែមទៀតរហូតបញ្ចប់តាមផែនការគ្រោងទុក ។

ថ្នាក់ដឹកនាំ និងក្រុមមន្ត្រីបច្ចេកទេសរបស់អាជ្ញាធរទន្លេសាប ចុះពិនិត្យទីតាំងឈួសឆាយទន្ទ្រានដីព្រៃលិចទឹក ក្នុងតំបន់ ៣ នៃខេត្តកំពង់ធំ

2024-01-23T17:29:58+00:00

ដោយទទួលបានការណែនាំដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប នាថ្ងៃទី ២២ ខែមករា ឆ្នាំ២០២៤ ក្រុមមន្ត្រីបច្ចេកទេសរបស់អាជ្ញាធរទន្លេសាប ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប បានចុះពិនិត្យអធិការកិច្ចលើទីតាំង ដែលបានឈួសឆាយទន្ទ្រានយកដីព្រៃលិចទឹកនៅក្នុងតំបន់ ៣ ស្ថិតក្នុងភូមិសាស្ត្រតំបន់ឃុំកំពង់គោ ស្រុកកំពង់ស្វាយ ខេត្តកំពង់ធំ ។ ក្រោយពីថ្នាក់ដឹកនាំ និងក្រុមមន្ត្រីបច្ចេកទេសរបស់អាជ្ញាធរទន្លេសាប ដោយសហការជាមួយថ្នាក់ដឹកនាំអាជ្ញាធរខេត្ត និងមន្ត្រីអាជ្ញាធរមូលដ្ឋានស្រុក ឃុំពាក់ព័ន្ធទីតាំងឈួសឆាយទន្ទ្រានខាងលើ បានពិនិត្យឃើញថា ផ្ទៃដីស្ថិតក្នុងតំបន់ ៣ ត្រូវបានក្រុមឈ្មួញឃុបឃិតគ្នា ធ្វើការឈួសឆាយ ដើម្បីពង្រីកផ្ទៃដីស្រែប្រាំង ឬស្រូវប្រដេញទឹកបន្ថែមទៀត បើទោះបីតំបន់នេះ ត្រូវបានរាជរដ្ឋាភិបាល បានធ្វើការកាត់ឆ្វៀលជូនកន្លងមកក៏ដោយ ។

សូមបញ្ជាក់ថា ទីតាំងតំបន់ដីវាលក្រោមស្ថិតក្នុងភូមិសាស្ត្រ ខេត្តកំពង់ធំ កាលពីឆ្នាំ ២០២២ រាជរដ្ឋាភិបាល បានធ្វើការកាត់ឆ្វៀលផ្ទៃដីពីតបន់ ៣ មកតំបន់ ២ ទំហំ ៣៤ ១៥៩ហិកតា ៧០អា ស្មើ ៨ ៦៦១ គ្រួសារ សម្រាប់អាស្រ័យផល និងកាត់ពីតំបន់ ២ មកតំបន់ ១ ទំហំ ១៧ ៣៣៩ហិកតា ៥៦អា ស្មើ ១០ ៨០៣ គ្រួសារ សម្រាប់លំនៅដ្ឋាន ។

បន្ទាប់ពីចុះពិនិត្យជាក់ស្តែងលើទំហំផ្ទៃដី ដែលទទួលរងការឈួសឆាយទន្ទ្រានរួចមក ថ្នាក់ដឹកនាំ និងក្រុមមន្ត្រីបច្ចេកទេសរបស់អាជ្ញាធរទន្លេសាប បានរៀបចំកំណត់ហេតុ និងបានអោយអាជ្ញាធរខេត្ត ស្រុក និងឃុំពាក់ព័ន្ធទីតាំងទន្ទ្រាននេះ ទទួលស្គាល់ និងសន្យាការពារមិនអោយមានការដាំដុះនៅលើដីដែលបានទន្ទ្រាននេះឡើយ បើពុំនោះនឹងទទួលខុសត្រូវចំពោះមុខច្បាប់ជាធរមាន ហើយក៏ត្រូវបន្តសកម្មភាពស្វែងរកបុគ្គលឈ្មួញ ដែលបានប្រព្រឹត្ត យកមកដោះស្រាយតាមនីតិវិធីច្បាប់ ។ ក្នុងនោះដែរ ត្រូវបន្តកិច្ចសហការ និងអនុវត្តតាមស្មារតីនៃតួនាទី និងការទទួលខុសត្រូវដូចបានកំណត់ក្នុងអនុក្រឹត្យលេខ ១៩៧ អនក្រ.បក ចុះថ្ងៃទី២៩ ខែសីហា ឆ្នាំ២០១១។

សូមបញ្ជាក់ថា ៖ អាជ្ញាធរទន្លេសាប គឺជាស្ថាប័នមួយដែលជាសេនាធិការឲ្យរាជរដ្ឋាភិបាល ក្នុងអាណត្តិការងារសម្របសម្រួលក្នុងការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប ។ ដោយឡែកក្នុងស្មារតីខ្លឹមសារមាត្រា ៤ អនុក្រឹត្យលេខ ១៩៧ អនក្រ.បក បានចែងថា អាជ្ញាធរទន្លេសាបមានភារកិច្ចធ្វើអធិការកិច្ចលើសកម្មភាពដែនព្រៃលិច និងព្រៃលិចទឹក រួចធ្វើរបាយការណ៍ជូននាយករដ្ឋមន្ត្រី ដើម្បីមានវិធានការសម្រេច៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អញ្ជើញជាអធិបតីភាពដឹកនាំសម្របសម្រួលកិច្ចប្រជុំពិគ្រោះយោបល់កម្រិតបច្ចេកទេសអន្តរក្រសួង ស្តីពីការពិនិត្យ និងផ្ទៀងផ្ទាត់ឡើងវិញលើការកំណត់បែងចែកតំបន់ជុំវិញបឹងទន្លេសាប

2024-01-18T10:58:48+00:00

រាជធានីភ្នំពេញៈ នៅអាជ្ញាធរទន្លេសាប នាព្រឹកថ្ងៃពុធ ៧កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៧ ខែមករា ឆ្នាំ២០២៤ អាជ្ញាធរទន្លេសាប បានរៀបចំកិច្ចប្រជុំពិគ្រោះយោបល់កម្រិតបច្ចេកទេសអន្តរក្រសួង ស្តីពីការពិនិត្យ និងផ្ទៀងផ្ទាត់ឡើងវិញលើការកំណត់បែងចែកតំបន់ជុំវិញបឹងទន្លេសាប ដឹកនាំសម្របសម្រួលដោយឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាបតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប។

កិច្ចប្រជុំពិគ្រោះយោបល់នេះ ក៏មានការអញ្ជើញចូលរួមពី ឯកឧត្តមអគ្គលេខាធិការ អគ្គលេខាធិការរង ប្រធាន-អនុប្រធាននាយកដ្ឋាន ក្រុមការងារមន្ត្រីបច្ចេកទេសអាជ្ញាធរទន្លេសាប និងឯកឧត្តម អស់លោកតំណាងក្រសួងរៀបចំដែនដី នគរូបនីយកម្ម និងសំណង់, ក្រសួងធនធានទឹក និងឧតុនិយម, ក្រសួងបរិស្ថាន, ក្រសួងកសិកម្ម រុក្ខាប្រមាញ់ និងនេសាទ, ក្រសួងអភិវឌ្ឍន៍ជនបទ, រដ្ឋបាលជលផល មានចំនួនសរុប ៤១រូប ។

សូមបញ្ជាក់ថា កិច្ចប្រជុំពិគ្រោះយោបល់កម្រិតបច្ចេកទេសអន្តរក្រសួងនេះ មានគោលបំណង ដូចខាងក្រោម ៖

១. ពិនិត្យ និងផ្ទៀងផ្ទាត់ព័ត៌មាន ទិន្នន័យឡើងវិញ បន្ទាប់ពីកិច្ចប្រជុំជាមួយថ្នាក់ខេត្ត នៃខេត្តទាំង ៦ ជុំវិញបឹងទន្លេសាប

២. ពិភាក្សា និងពិនិត្យព័ត៌មាន ទិន្នន័យមានលក្ខណៈបច្ចេកទេសត្រឹមត្រូវ និងរៀបចំកំណត់ផែនទីរួមតែមួយ ក្នុងការបែងចែកតំបន់១ តំបន់២ និងតំបន់៣ នៃខេត្តទាំង៦ ជុំវិញបឹងទន្លេសាប ឲ្យបានច្បាស់លាស់

៣.ស្វែងរកធាតុចូលឲ្យបានត្រឹមត្រូវ សំដៅរកការឯកភាព និងសម្រេចបាននូវគោលគំនិតរួមតែមួយ អំពីការកំណត់បែងចែកតំបន់១ តំបន់២ និងតំបន់៣ នៃខេត្តទាំង៦ ជុំវិញបឹងទន្លេសាប ដើម្បីដាក់ជូនថ្នាក់ដឹកនាំក្រសួង/ស្ថាប័ន និងរាជរដ្ឋាភិបាល ពិនិត្យ សម្រេច និងផ្តល់អនុសាសន៍ណែនាំ។

ជាកិច្ចចាប់ផ្តើម ឯកឧត្តម ហ៊ែល តូនី បានសម្តែងនូវសេចក្តីរីករាយ និងស្វាគមន៍ចំពោះឯកឧត្តម អស់លោកតំណាងក្រសួង-ស្ថាប័នពាក់ព័ន្ធ ដែលបានឆ្លៀតពេលវេលាដ៏មានតម្លៃចូលរួមក្នុងកិច្ចប្រជុំដ៏មានសារ:សំខាន់នាព្រឹកនេះ និងថ្លែងអំណរគុណចំពោះកិច្ចសហការពីក្រសួង-ស្ថាប័ន ថ្នាក់ជាតិ និងថ្នាក់ក្រោមជាតិ (អាជ្ញាធរខេត្ត ស្រុក ឃុំ) ដែលបានចូលរួមកិច្ចប្រជុំពិភាក្សា ស្តីពីការចុះពិនិត្យផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹកតំបន់ជុំវិញបឹងទន្លេសាប ស្ថិតក្នុងភូមិសាស្ត្រខេត្តកំពង់ឆ្នាំង, កំពង់ធំ, ពោធិ៍សាត់, បាត់ដំបង, បន្ទាយមានជ័យ និងខេត្តសៀមរាប ចាប់តាំងពីខែវិច្ឆិកា ឆ្នាំ ២០២៣ មកដល់ពាក់កណ្តាលខែមករា ឆ្នាំ ២០២៤ ។

ក្នុងកិច្ចប្រជុំពិគ្រោះយោបល់នេះ ក៏បានធ្វើបទបង្ហាញពីទិន្នន័យ និងផែនទីបែងចែកដីព្រំប្រទល់ដែនព្រៃលិចទឹក និងព្រៃលិចទឹកតំបន់ ១ តំបន់២ និងតំបន់៣ នៅក្នុងភូមិសាស្ត្រខេត្តទាំង៦ ជុំវិញបឹងទន្លេសាប មានខេត្តកំពង់ធំ, សៀមរាប, បន្ទាយមានជ័យ, បាត់ដំបង និងខេត្តកំពង់ឆ្នាំង ព្រមទាំងពិភាក្សាលើលទ្ធផលវឌ្ឍនភាពការកាត់ឆ្វៀលផ្ទៃដីព្រៃលិចទឹករវាងក្រុមការងារអាជ្ញាធរទន្លេសាប និងក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលជលផល។

ជារួមកិច្ចប្រជុំពិគ្រោះយោបល់កម្រិតបច្ចេកទេសអន្តរក្រសួង ស្តីពីការពិនិត្យ និងផ្ទៀងផ្ទាត់ឡើងវិញលើការកំណត់បែងចែកតំបន់ជុំវិញបឹងទន្លេសាប បានលទ្ធផល និងឯកភាពជាគោលការណ៍មួយចំនួនរួមមាន៖
១. ទទួលបានធាតុចូលសំខាន់ៗ និងការផ្តល់យោបល់ល្អៗ ព្រមទាំងកិច្ចសហការយ៉ាងជិតស្និទ្ធពីក្រសួងស្ថាប័ន/ជំនាញពាក់ព័ន្ធ
២. ឯកភាព ទទួលយកការពិភាក្សា និងពិនិត្យជាបន្តបន្ទាប់លើព័ត៌មានទិន្នន័យឲ្យបានច្បាស់លាស់ ដើម្បីរៀបចំកំណត់បានជាផែនទីរួមតែមួយ ប្រកបដោយត្រឹមត្រូវមុននឹងរៀបចំរបាយការណ៍ក្នុងការបែងចែកតំបន់១ តំបន់២ និងតំបន់៣ នៃខេត្តទាំង៦ ជុំវិញបឹងទន្លេសាប ដាក់ជូនថ្នាក់ដឹកនាំក្រសួង/ស្ថាប័ន និងរាជរដ្ឋាភិបាល ស្នើសុំការពិនិត្យ សម្រេច និងផ្តល់អនុសាសន៍ណែនាំ
៣. ឯកភាព ឲ្យមន្ត្រីបច្ចេកទេសក្រសួងស្ថាប័នទាំង បី ( អាជ្ញាធរទន្លេសាប, ក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលជលផល) បន្តធ្វើការរួមគ្នាពិនិត្យ និងផ្ទៀងផ្ទាត់ឡើងវិញលើព័ត៌មាន ទិន្នន័យ និងរៀបចំផែនទីរួម ក្នុងការកំណត់បែងចែកតំបន់ ១ តំបន់ ២ និងតំបន់ ៣ ជុំវិញបឹងទន្លេសាប ដើម្បីដាក់ប្រជុំពិនិត្យ និងពិភាក្សារួមជាមួយក្រសួងស្ថាប័នពាក់ព័ន្ធ មុននឹងសម្រេចចុងក្រោយ ដាក់ជូនថ្នាក់ដឹកនាំ និងរាជរដ្ឋាភិបាល ពិនិត្យ និងសម្រេច
៤. បន្តរក្សាស្មារតីអនុវត្តខ្លឹមសារអនុក្រឹត្យលេខ១៩៧ អនក្រ.បក ជាមូលដ្ឋាន ព្រមជាមួយបទដ្ឋានគតិយុត្តិពាក់ព័ន្ធនឹងការការពារដែនព្រៃលិចទឹកតំបន់បឹងទន្លេសាប ក្រោយពីការកាត់ឆ្វៀលត្រូវបានបិទបញ្ចប់ក្នុងខេត្តទាំង ៦ ជុំវិញបឹងទន្លេសាប
៥. ក្រសួងជំនាញពាក់ព័ន្ធ នឹងទទួលយកនូវទិន្នន័យគោលនេះ ទៅពិនិត្យលើឯកសារគតិយុត្តនានា របស់អង្គភាពសាម៉ី ដើម្បីធ្វេីការអភិវឌ្ឍន៍ និងអភិរក្សបរិស្ថានធនធានធម្មជាតិ នៅក្នុងតំបន់ជុំវិញបឹងទន្លេសាប ព្រមទាំងចូលរួមសហការមានវិធានការការពារដែនព្រៃលិចទឹកតំបន់៣ ។

គួររម្លឹកផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ក៏បានកំណត់ទំហំនៃដែនព្រៃលិចទឹក (តំបន់៣) និងនិយាមការស្ថិតក្នុងភូមិសាស្ត្រខេត្តទាំង ៦ ជុំវិញបឹងទន្លេសាប មានខេត្តកំពង់ឆ្នាំង កំពង់ធំ ពោធិ៍សាត់ បាត់ដំបង បន្ទាយមានជ័យ និងខេត្តសៀមរាប ព្រមជាមួយការកំណត់បែងចែកតួនាទី ភារកិច្ច និងការទទួលខុសត្រូវច្បាស់លាស់ ក្នុងការចូលរួមការពារដែនព្រៃលិចទឹក (តំបន់ ៣) ជុំវិញបឹងទន្លេសាប ។

គួរបញ្ជាក់ផងដែរថា អាជ្ញាធរទន្លេសាប ជាអង្គភាពថ្នាក់ជាតិដែលមានភារកិច្ចសិក្សាស្រាវជ្រាវ សម្របសម្រួលក្នុងការគ្រប់គ្រង អភិរក្ស និងអភិវឌ្ឍន៍តំបន់ទន្លេសាបឱ្យមានប្រសិទ្ធភាព ដើម្បីធានាបាននូវផលប្រយោជន៍ប្រកបដោយនិរន្តរភាព។ ដោយចាប់បង្កើតឡើងក្នុងឆ្នាំ២០០៧ អាជ្ញាធរអាងទន្លេសាប បានប្តូរឈ្មោះជាអាជ្ញាធរទន្លេសាបវិញក្នុងឆ្នាំ២០០៩ ។ អាជ្ញាធរទន្លេសាបបានដើរតួនាទីជាសេនាធិការឱ្យរាជរដ្ឋាភិបាល ៕

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប អញ្ជើញជាអធិបតីភាពដ៏ខ្ពង់ខ្ពស់បើកកិច្ចប្រជុំវាយតម្លៃការអនុវត្តផែនការសកម្មភាពការងារប្រចាំឆ្នាំ ២០២៣ ពិនិត្យវឌ្ឍនភាពការងារអាជ្ញាធរទន្លេសាបឆ្នាំ២០២៣

2024-01-17T12:55:47+00:00

នារសៀលថ្ងៃអង្គារ ៦ កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១៦ ខែមករា ឆ្នាំ ២០២៤ នៅសាលប្រជុំទីស្តីការក្រសួង ក្រោមអធិបតីភាព ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានអញ្ជើញជាកិត្តិយសបើកកិច្ចប្រជុំវាយតម្លៃការអនុវត្តផែនការសកម្មភាពការងារប្រចាំឆ្នាំ ២០២៣ ពិនិត្យវឌ្ឍនភាពការងារអាជ្ញាធរទន្លេសាបឆ្នាំ២០២៣ និងលើកទិសដៅបន្តអនុវត្តន៍សម្រាប់ឆ្នាំ២០២៤ ដោយមានការអញ្ជើញចូលរួមពីឯកឧត្តម អនុប្រធាន អាជ្ញាធរទន្លេសាប ឯកឧត្តម អគ្គលេខាធិការ អគ្គលេខាធិការរង លោកទីប្រឹក្សា លោក-លោកស្រី ប្រធាន-អនុប្រធាននាយកដ្ឋាន និងមន្ត្រីរាជការក្រោមឱវាទអគ្គលេខាធិការដ្ឋានអាជ្ញាធរទន្លេសាប មានចំនួនសរុប ៦១រូប ។

ក្នុងឱកាសបើកកិច្ចប្រជុំ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានមានមតិសំណេះសំណាល និងណែនាំអំពីការងារចំពោះមុខ ដែលបានកំណត់ពីបេសកកម្មស្នូល និងការទទួលខុសត្រូវរបស់អាជ្ញាធរទន្លេសាប និងបានគូសបញ្ជាក់ជាអង្គភាពថ្នាក់ជាតិពាក់ព័ន្ធនឹងកិច្ចការពហុវិស័យស្ថិតក្នុងដែនវិសាលភាពបឹងទន្លេសាប ក្នុងតួនាទី ភារកិច្ច លើការសិក្សាស្រាវជ្រាវ និងសម្របសម្រួល សម្រាប់ការគ្រប់គ្រង អភិរក្ស និងអភិវឌ្ឍន៍ធនធានធម្មជាតិ បរិស្ថាន និងសេដ្ឋកិច្ចសង្គមតំបន់បឹងទន្លេសាបប្រកបដោយនិរន្តរភាព។

ទន្ទឹមគ្នានេះដែរ ឯកឧត្តមប្រធាន អាជ្ញាធរទន្លេសាប បានផ្តាំផ្ញើដល់ថ្នាក់ដឹកនាំ និងមន្ត្រីនៃអគ្គលេខាធិការដ្ឋាន អាជ្ញាធរទន្លេសាប បន្តយកចិត្តទុកដាក់ពង្រឹងការអនុវត្តការងារឱ្យកាន់តែសកម្ម ច្បាស់លាស់ និងមានប្រសិទ្ធភាពថែមទៀត ដោយធ្វើយ៉ាងណាឲ្យលេចចេញជាសមិទ្ធផល របស់ស្ថាប័នអាជ្ញាធរទន្លេសាប ដែលអាចយកទៅប្រើប្រាស់បាន និងទទួលស្គាល់ជាផ្លូវការ សម្រាប់ការរៀបចំគោលនយោបាយ ផែនការយុទ្ធសាស្ត្រ គាំទ្រដល់កម្មវិធីឬគម្រោងនានា និងសម្រាប់ជាមូលដ្ឋានសំខាន់ដល់អ្នកសិក្សាស្រាវជ្រាវ ។

ក្រោយពីឯកឧត្តមប្រធាន អាជ្ញាធរទន្លេសាប បានធ្វើការណែនាំ និងផ្តល់អនុសាសន៍ដ៏ខ្ពង់ខ្ពស់មួយចំនួននៅក្នុងការបើកកិច្ចប្រជុំនារសៀលនេះ ឯកឧត្តមប្រធាន ក៏បានប្រគល់ជូននូវ សៀវភៅផែនការយុទ្ធសាស្ត្រ រយៈពេល ៥ ឆ្នាំ របស់អាជ្ញាធរទន្លេសាប (២០២៤-២០២៨) ដើម្បីធ្វើជាត្រីវិស័យក្នុងដំណើរការការអនុវត្ត និងចូលរួមចំណែកគាំទ្រលើកកម្ពស់ប្រសិទ្ធភាពការអនុវត្តគោលនយោបាយយុទ្ធសាស្ត្របញ្ចកោណ ដំណាក់កាលទី ១ របស់រាជរដ្ឋាភិបាល ក្នុងនីតិកាលទី ៧ ។

បន្ទាប់ពីបទបង្ហាញ និងកិច្ចពិភាក្សាវឌ្ឍនភាពនៃការអនុវត្តន៍ផែនការសកម្មភាពឆ្នាំ២០២៣ របស់ថ្នាក់ដឹកនាំ និងនាយកដ្ឋានទាំង ៤ រួចមក ឯកឧត្តម សរ គឹមសាន្ត អគ្គលេខាធិការ ក៏បានលើកបង្ហាញពីទិសដៅសម្រាប់អនុវត្តន៍នៅក្នុងឆ្នាំ២០២៤ របស់អគ្គលេខាធិការដ្ឋាន អាជ្ញាធរទន្លេសាប ក្នុងការគាំទ្រដល់ដំណើរការអនុវត្តផែនការយុទ្ធសាស្ត្រ របស់អាជ្ញាធរទន្លេសាប ២០២៤-២០២៨ ឲ្យសម្រេចបានជោគជ័យ ដែលក្នុងនោះមានសកម្មភាពសរុបមានចំនួន ២៨ សកម្មភាព ផ្តោតលើអន្តរវិស័យក្នុងដែនគ្រប់គ្រង អភិរក្ស និងអភិវឌ្ឍន៍ បរិស្ថានធនធានធម្មជាតិ នៅតំបន់ជុំវិញបឹងទន្លេសាប ព្រមទាំងបានយកអនុសាសន៍ណែនាំដ៏ខ្ពង់ខ្ពស់ពីឯកឧត្តមប្រធានអាជ្ញាធរទន្លេសាប ដូចខាងក្រោម៖

1. ចុះសិក្សាស្រាវជ្រាវប្រមូលទិន្នន័យច្បាស់លាស់ និងធ្វើការវិភាគ
2. រៀបចំចងក្រងបោះពុម្ពសមិទ្ធផលដែលរកឃើញ
3. ធ្វើការផ្សព្វផ្សាយ និងចែករំលែកព័ត៌មានទិន្នន័យ។

ក្នុងឱកាសបូកសរុបកិច្ចប្រជុំនេះ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានផ្តល់មតិណែនាំបន្ថែម ផ្តោតសំខាន់ទៅលើ៖
- បង្កើនកិច្ចសហការជាមួយដៃគូអភិវឌ្ឍន៍ និងសាកលវិទ្យាល័យក្នុងស្រុក លើការសិក្សាស្រាវជ្រាវ និងចែករំលែករបកគំហើញពីការសិក្សាស្រាវជ្រាវ
- បង្កើនការយកចិត្តទុកដាក់លើប្រសិទ្ធភាពការផ្សព្វផ្សាយតាមប្រព័ន្ធឌីជីថល និងជាឯកសាររង(ទស្សនាវដ្តី ខិតប័ណ្ណ ...)
- ពិនិត្យលើការលើកផែនការសកម្មភាពអន្តរវិស័យឆ្នាំ២០២៤ ត្រូវអនុវត្តសិក្សារួមគ្នារវាងនាយកដ្ឋានជំនាញនៃអគ្គលេខាធិការដ្ឋាន ។

លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ បានចូលរួមសិក្ខាសាលាពិគ្រោះយោបល់ស្តីពី ការបំពុលប្លាស្ទិកក្នុងទន្លេនៅប្រទេសកម្ពុជា នៅសណ្ឋាគារកាំបូឌីយ៉ាណា រាជធានីភ្នំពេញ

2024-01-15T12:34:05+00:00

នាថ្ងៃព្រហស្បតិ៍ ១កើត ដល់ថ្ងៃសុក្រ ២កើត ខែបុស្ស ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១១ ដល់ថ្ងៃទី១២ ខែមករា ឆ្នាំ២០២៤ លោកស្រី ប្រាក់ ចាន់វឌ្ឍនា អនុប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមសិក្ខាសាលាពិគ្រោះយោបល់ ស្តីពីការបំពុលប្លាស្ទិកក្នុងទន្លេនៅប្រទេសកម្ពុជា នៅសណ្ឋាគារកាំបូឌីយ៉ាណា រាជធានីភ្នំពេញ ដែលរៀបចំដោយអគ្គនាយកដ្ឋានគាំពារបរិស្ថាន នៃក្រសួងបរិស្ថានសហការជាមួយកម្មវិធីអភិវឌ្ឍន៍អង្គការសហប្រជាជាតិ (UNEP)។

គោលបំណងសំខាន់ នៃសិក្ខាសាលាពិគ្រោះយោបល់៖
១. លើកកម្ពស់ការយល់ដឹង ដល់ មន្ត្រីក្រសួងស្ថាប័នពាក់ព័ន្ធលើការអនុវត្តអនុសញ្ញាបាសែល ដើម្បីទប់ស្កាត់ការបំពុលសំណល់ប្លាស្ទិកក្នុងទន្លេ សំដៅចូលរួមដល់ការការពារសុខភាពសារធារណៈ និងកិច្ចគាំពារបរិស្ថានតាមរយៈការចែករំលែកព័ត៌មានស្តីពីលទ្ធផលនៃការសិក្សាការវាយតម្លៃការបំពុលប្លាស្ទិកក្នុងទន្លេ និងការគ្រប់គ្រងសំណល់រឹងនៅកម្ពុជា និងបទបង្ហាញសេចក្តីណែនាំសង្ខេបអំពីទម្រង់ និងការរចនានៃការរៀបចំឯកសារសំណើគម្រោង ស្ថានភាពម្ចាស់ជំនួយជាតិនៅកម្ពុជាដែលអាចស្នើសុំថវិកាពីធនាគារ និងគំនិតផ្តួចផ្តើមស្តីពីការតាមដានការបំពុលប្លាស្ទិកក្នុងទន្លេ
២. ការពិភាក្សា ពិគ្រោះយោបល់លើ (i) ឧបករណ៍ និងវិធីសាស្ត្រសម្រាប់ការវាយតម្លៃប្លាស្ទិក និងផែនការការងារដើម្បីឲ្យប្រសើរឡើងនូវការវាយតម្លៃ និងការតាមដានការបំពុលប្លាស្ទិកនៅក្នុងទន្លេ ព្រមទាំងលើ (ii) សកម្មភាពគម្រោងដែលមានសក្តានុពលសម្រាប់គម្រោងដែលអាចស្នើសុំថវិកាពីធនាគារនៅកម្ពុជា ។

ជាលទ្ធផលនៃអង្គសិក្ខាសាលាពិគ្រោះ សិក្ខាកាមដែលបានអញ្ជើញមកពីក្រសួង ស្ថាប័ន NGOs និងវិស័យឯកជនពាក់ព័ន្ធ បានផ្តល់ធាតុចូលបន្ថែមជាច្រើនដល់គម្រោងក្នុងការរៀបចំបង្កើតសកម្មភាពគម្រោងក្នុងការតាមដានលើការបំពុលប្លាស្ទិកក្នុងទន្លេ ការចូលរួមការកាត់បន្ថយការប្រើប្រាស់ប្លាស្ទិក ព្រមទាំងវិធានការការពារការបំពុលប្លាស្ទិកនៅក្នុងទន្លេ។

សូមជម្រាបជូនថា ៖ សិក្ខាសាលាបណ្តុះបណ្តាលនេះ បានប្រព្រឹត្តទៅក្រោមអធិបតីភាព ឯកឧត្តម សាបូ អូហ្សាណូ រដ្ឋលេខាធិការ នៃក្រសួងបរិស្ថាន ដោយមានការអញ្ជើញចូលរួមមកពីតំណាងក្រសួងស្ថាប័នពាក់ព័ន្ធ និងNGOs រួមមាន MoE, MISTI, MoP, MoC, MoH, MoT, TSA , UNEP, UNDP, GIZ, JICA នៅ MoE, EPA, iDE, GRID-ARENDAL, Eco-bricks, TONTOTON, ROC, RUPP, RUA និងមន្ត្រីពីអគ្គនាយកគាំពារបរិស្ថានសរុបអ្នកចូលរួមចំនួន ៣៥ រូប (ស្រី ១៤រូប)។

ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប បានចូលរួមសិក្ខាសាលាស្តីពី ភាពធន់នឹងអាកាសធាតុ និងអន្តរកាលថាមពល៖ បច្ច័យសម្រាប់កម្ពុជា ដែលសហការរៀបចំដោយ ក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ (ក.ស.វ) និងផ្នែកដោះស្រោយការអភិវឌ្ឍដ

2024-01-13T12:00:26+00:00

នាថ្ងៃព្រហស្បតិ៍ ១កើត ខែបុស្ស ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១១ ខែមករា ឆ្នាំ២០២៤ ឯកឧត្តម ម៉ៅ ហាក់ អនុប្រធានអាជ្ញាធរទន្លេសាប អមដោយមន្ត្រីបច្ចេកទេសពីររូប លោក ខ្វាន់ ភត្ត្រា អនុប្រធាននាយកដ្ឋានធនធានធម្មជាតិ និងលោក សុខ រ៉ាយ៉ុង ប្រធានការិយាល័យអភិរក្ស ត្រូវបានចាត់អោយទៅចូលរួមសិក្ខាសាលាស្តីពី ភាពធន់នឹងអាកាសធាតុ និងអន្តរកាលថាមពល៖ បច្ច័យសម្រាប់កម្ពុជា។

គោលបំណងសំខាន់នៃអង្គសិក្ខាសាលាគឺដើម្បីស្វែងរកដំណោះស្រាយលើការអភិវឌ្ឍន៍ប្រកបដោយចីរភាពសម្រាប់កម្ពុជាលើវិស័យរួមមាន សេដ្ឋកិច្ច ថាមពល និងកិច្ចសហការអាស៊ានជាមួយចិន ជប៉ុន កូរ៉េ អូស្ត្រាលី និង New Zealand និងការសំណួរចម្លើយរវាងអង្គសិក្ខាសាលាជាមួយវាគ្មិន។

សូមជម្រាបជូនថា ៖ សិក្ខាសាលាស្តីពីភាពធន់នឹងអាកាសធាតុ និងអន្តរកាលថាមពល៖ បច្ច័យសម្រាប់កម្ពុជា បានប្រព្រឹត្តទៅក្រោមអធិបតីភាព ឯកឧត្តម វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងលោកសាស្តាចារ្យ Jeffrey Sachs ប្រធានមជ្ឈមណ្ឌលសម្រាប់ការអភិវឌ្ឍនប្រកបដោយចីរភាពនៃសាកលវិទ្យាល័យ កូឡុំប៊ី (Columbia) និងជាប្រធានផ្នែកដោះស្រាយការអភិវឌ្ឍដោយចីរភាព របស់អង្គការសហប្រជាជាតិ។

លទ្ធផលនៃអង្គសិក្ខាសាលាលោកសាស្ត្រាចារ្យបានផ្តល់នូវសសរស្តម្ភចំនួនបីលើការអភិវឌ្ឍប្រកដោយចីរភាពសម្រាប់កម្ពុជា៖
១. វិបុលសុខ, យុត្តិធម៌និងតម្លាភាព និងសន្តិភាព (Prosperity, fair, transparency and Peace); ២. ហេដ្ឋារចនាសម្ព័ន្ធ និងសេដ្ឋកិច្ច ( Infrastructure &Economic) និង៣. ចីរភាពបរិស្ថាន និងថាមពលស្អាត (Sustainable Environment & Green Energies); លោកសាស្ត្រាចារ្យបានគូសបញ្ចាក់ថា កម្ពុជាត្រូវតែបន្តកិច្ចសហការប្រទេសក្នុង និងក្រៅតំបន់រួមមាន អាស៊ាន, ចិន, ជប៉ុន, កូរ៉េ, អូស្ត្រាលី, សហភាពអឺរ៉ុប និងសហរដ្ឋអាមេរិក។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម នាក់ ណេរ៉ុន អភិបាលរងខេត្តនៃគណៈអភិបាលខេត្តសៀមរាប បានអញ្ជើញជាអធិបតីដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តស

2024-01-13T11:45:06+00:00

នៅព្រឹកថ្ងៃព្រហស្បតិ៍ ១កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១១ ខែមករា ឆ្នាំ២០២៤នៅសាលប្រជុំសាលាខេត្តសៀមរាប ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងារចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប និងឯកឧត្តម នាក់ ណេរ៉ុន អភិបាលរងនៃគណ:អភិបាលខេត្តសៀមរាប បានដឹកនាំកិច្ចប្រជុំពិភាក្សាលើការចុះពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេត្តសៀមរាប ។ កិច្ចប្រជុំនេះ មានការអញ្ជើញចូលរួមពី អគ្គលេខាធិការ អគ្គលេខាធិការរង ប្រធាននាយកដ្ឋាន និងក្រុមការងារអាជ្ញាធរទន្លេសាប ព្រមទាំង តំណាងក្រសួងស្ថាប័នពាក់ពន្ធ័ថ្នាក់ជាតិ មន្ទីរ អង្គភាពជំនាញ កងកម្លាំង អាជ្ញាធរដែនដីរដ្ឋបាលថ្នាក់មូលដ្ឋានស្រុក និងឃុំពាក់ព័ន្ធ ក្នុងខេត្តសៀមរាប ចំនួនសរុប ៨៩ នាក់។

ក្នុងឱកាសនោះដែរ ឯកឧត្តម ហ៊ែល តូនី បានជម្រាបជូនអង្គប្រជុំពីសក្តានុពល ដ៏មានសារៈសំខាន់នៃបឹងទន្លេសាប និងបញ្ហាប្រឈមដែលបាន និងកំពុងបង្កផលប៉ះពាល់ធ្ងន់ធ្ងរដល់បឹងទន្លេសាបនាពេលបច្ចុប្បន្នដោយកត្តាធំៗគឺ កត្តាធម្មជាតិ (បម្រែបម្រួលអាកាសធាតុ) និងកត្តាមនុស្ស។ ក្នុងស្មារតីទទួលខុសត្រូវលើដែនសមត្ថកិច្ចរបស់ខ្លួន អាជ្ញាធរទន្លេសាប ជាសេនាធិការឲ្យរាជរដ្ឋាភិបាល រួមជាមួយភារកិច្ចទទួលខុសត្រូវ ដែលបានកំណត់ក្នុងអនុក្រឹត្យលេខ ១៩៧ អនក្រ.បក ជាពិសេសការចូលរួមលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលក្នុងអាណត្តិទី៧ នៃរដ្ឋសភា បានរៀបចំកិច្ចប្រជុំពិភាក្សានេះឡើង មានគោលបំណង ដើម្បីពិភាក្សាលើចំនុចមួយចំនួន ដូចខាងក្រោម ៖
១- បង្ហាញពីលទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣)
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់១ តំបន់២ និងតំបន់៣ ក្នុងខេត្តសៀមរាប
៤- រួមសហការជាមួយក្រសួង-ស្ថាប័នមន្ទីរជំនាញពាក់ពន្ធ័ ថ្នាក់ដឹកនាំខេត្ត កងកម្លាំង អាជ្ញាធរមូលដ្ឋានពាក់ព័ន្ធ ក្នុងការចូលរួមការពារ ថែរក្សាធនធានធម្មជាតិ និងបរិស្ថាន តំបន់១ តំបន់២ និងតំបន់៣ នៃតំបន់បឹងទន្លេសាប
៥- ដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងភូមិសាស្ត្រខេត្តសៀមរាប។

សូមរម្លឹកផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ដែលបានកំណត់ដែនព្រៃលិចទឹក (តំបន់៣) ក្នុងភូមិសាស្ត្រខេត្តសៀមរាប មាន ២៩៤ បង្គោល ទំហំផ្ទៃដីដែនព្រៃលិចទឹក (តំបន់៣) សរុបចំនួន: ១២៦,៨៤៥ ហិកតា លើកផ្ទាំងប៉ាណូផែនទីបង្ហាញដែនព្រៃលិចទឹកតំបន់៣ បានចំនួន: ១២ ផ្ទាំង និងបានបោះបង្គោលប្រវត្តិសាស្ត្រចំនួន ៦ បង្គោល ។
- នៅឆ្នាំ២០២២-២០២៣ រាជរដ្ឋាភិបាល កាត់ឆ្វៀលផ្ទៃដីពីតំបន់៣ មកតំបន់១ មានចំនួន: ៦៤០.៤១ហិកតា និងពីតំបន់៣ មកតំបន់២ មានចំនួន: ២៣,៧៩៥.១៣ ហិកតា ។
- ផ្ទៃដីដែនព្រៃលិចទឹក និងព្រៃលិចទឹកតំបន់៣ នៅខេត្តសៀមរាប បានកែសម្រួលពីទំហំ ១២,៨៤៥ ហិកតា មកនៅសល់ចំនួន ១០២,៤៤៤.៤៦ ហិកតា បន្ទាប់ពីរាជរដ្ឋាភិបាលកាត់ឆ្វៀលជូនប្រជាពលរដ្ឋប្រើប្រាស់ជាលំនៅឋាន និងអាស្រ័យផល។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
1. បន្តកិច្ចសហការរវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វើការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក
2. ផ្ទៀងផ្ទាត់ឡើងវិញនូវចំណុចលម្អៀង នៃទិន្នន័យរបស់អាជ្ញាធរទន្លេសាប និងក្រសួង មន្ទីរជំនាញពាក់ព័ន្ធ
3. ចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ
4. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង
5. ទទួលបានការយល់ដឹងពីសកម្មភាព និងការងារស្នូលរបស់អាជ្ញាធរដែនដីក្នុងការចូលរួមអនុវត្តន៍ទប់ស្កាត់ និងការការពារតំបន់ព្រៃលិចទឹក ធនធានជលផល ជីវចម្រុះ និងប្រព័ន្ធអេកូឡូស៊ី ក្នុងដែនសមត្ថកិច្ច
6. បន្តអនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម លី សុវណ្ណារិទ្ធ អភិបាលស្តីទី បានអញ្ជើញជាអធិបតីដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តបន្ទាយមានជ័យ

2024-01-13T11:11:03+00:00

នៅព្រឹកថ្ងៃពុធ ១៤រោច ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១០ ខែមករា ឆ្នាំ២០២៤នៅសាលប្រជុំ (ខ) សាលាខេត្តបន្ទាយមានជ័យ ក្រុមការងារអាជ្ញាធរទន្លេសាប ដឹកនាំដោយ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងារចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប និង

ឯកឧត្តម លី សុវណ្ណារិទ្ធ អភិបាលស្តីទីនៃគណ:អភិបាល ខេត្តបន្ទាយមានជ័យ បានដឹកនាំកិច្ចប្រជុំពិភាក្សាលើការចុះពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រខេត្តបន្ទាយមានជ័យ ដែលកិច្ចប្រជុំនេះ មានការអញ្ជើញចូលរួមពីតំណាងក្រសួងស្ថាប័នថ្នាក់ជាតិ និងតំណាងមន្ទីរ អង្គភាពជំនាញ ព្រមទាំងអាជ្ញាធរដែនដីរដ្ឋបាលថ្នាក់មូលដ្ឋានស្រុក និងឃុំពាក់ព័ន្ធ ក្នុងខេត្តបន្ទាយមានជ័យចំនួនសរុប ៥៩នាក់។

ក្នុងឱកាសនោះដែរ ឯកឧត្តម ហ៊ែល តូនី បានជម្រាបជូនអង្គប្រជុំ អំពីសារៈសំខាន់ធនធានធម្មជាតិនៃបឹងទន្លេសាប និងបញ្ហាប្រឈមកំពុងបង្កផលប៉ះពាល់ធ្ងន់ធ្ងរដល់បឹងនាពេលបច្ចុប្បន្នដោយកត្តាធំដោយកត្តាមនុស្ស និងកត្តាធម្មជាតិ(បម្រែបម្រួលអាកាសធាតុ) ។ ក្នុងស្មារតីទទួលខុសត្រូវលើដែនសមត្ថកិច្ចរបស់ខ្លួន អាជ្ញាធរទន្លេសាប ជាសេនាធិការឲ្យរាជរដ្ឋាភិបាល រួមជាមួយភារកិច្ចទទួលខុសត្រូវ ដែលបានកំណត់ក្នុងអនុក្រឹត្យលេខ ១៩៧ អនក្រ.បក ជាពិសេសការចូលរួមលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលក្នុងអាណត្តិទី៧ នៃរដ្ឋសភា បានរៀបចំកិច្ចប្រជុំពិភាក្សានេះឡើង មានគោលបំណង ដើម្បីពិភាក្សាលើចំនុចមួយចំនួន ដូចខាងក្រោម ៖
១. បង្ហាញពីលទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប
២. ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣)
៣. ចែករំលែក និងផ្លាស់ប្តូរព័ត៌មាន ទិន្នន័យ តំបន់១ តំបន់២ និងតំបន់៣ ក្នុងខេត្តបន្ទាយមានជ័យ
៤. រួមសហការពីក្រសួង-ស្ថាប័នជំនាញ ថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរមូលដ្ឋានពាក់ព័ន្ធ ក្នុងការចូលរួមការពារ ថែរក្សាធនធានធម្មជាតិ និងបរិស្ថាន តំបន់១ តំបន់២ និងតំបន់៣ នៃតំបន់បឹងទន្លេសាប
៥. ការរៀបចំផែនការចុះអនុវត្តការងារតាមតំបន់គោលដៅជាក់ស្តែង ក្នុងខេត្តបន្ទាយមានជ័យ។

គួររម្លឹកផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ដែលបានកំណត់ដែនព្រៃលិចទឹក (តំបន់៣) ខេត្តបន្ទាយមានជ័យ មាន ៤៨ បង្គោលទំហំផ្ទៃដីដែនព្រៃលិចទឹក (តំបន់៣) សរុប ១២,២៩៥ ហិកតា និងលើកផ្ទាំងប៉ាណូផែនទីកំណត់ដែនព្រៃលិចទឹកក្នុងតំបន់៣ បានចំនួន ០៦ ផ្ទាំង បង្គោលប្រវត្តិសាស្ត្រចំនួន ០២បង្គោល។
- នៅឆ្នាំ២០២២-២០២៣ រាជរដ្ឋាភិបាល កាត់ឆ្វៀលផ្ទៃដីតំបន់២ មកតំបន់១ មានចំនួន ៣,៤៩៩.២៦ ហិកតា និងពីតំបន់២ មកតំបន់១ មានទំហំ ៣១៦.០២ហិកតា ។
- ផ្ទៃដីដែនព្រៃលិចទឹក និងព្រៃលិចទឹកតំបន់៣ នៅខេត្តបន្ទាយមានជ័យ បានកែសម្រួលពីទំហំ ១២,២៩៥ហិកតា មកនៅត្រឹម ៨,៧៩៥.៧៣ហិកតា បន្ទាប់ពីរាជរដ្ឋាភិបាលកាត់ឆ្វៀលជូនប្រជាពលរដ្ឋជាកម្មសិទ្ធិ(លំនៅឋាន) និងអាស្រ័យផល។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
1. បន្តកិច្ចសហការរវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វើការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក
2. ផ្ទៀងផ្ទាត់ឡើងវិញនូវចំណុចលម្អៀង នៃទិន្នន័យរបស់អាជ្ញាធរទន្លេសាប និងក្រសួង មន្ទីរជំនាញពាក់ព័ន្ធ
3. ចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ
4. ការរៀបចំផែនការចុះអនុវត្តការងារតាមតំបន់ជាក់ស្តែង
5. ទទួលបានការយល់ដឹងពីសកម្មភាព និងការងារស្នូលរបស់អាជ្ញាធរដែនដីក្នុងការចូលរួមអនុវត្តន៍ទប់ស្កាត់ និងការការពារតំបន់ព្រៃលិចទឹក ធនធានជលផល ជីវចម្រុះ និងប្រព័ន្ធអេកូឡូស៊ី ក្នុងដែនសមត្ថកិច្ច
6. បន្តអនុវត្តតាមស្មារតីខ្លឹមសារអនុក្រឹត្យលេខ ១៩៧ ។

សូមជម្រាបជូនផងដែរថា បន្ទាប់ពីបញ្ចប់កិច្ចប្រជុំ ឯកឧត្តម អនុប្រធានក្តាប់រួម បានដឹកនាំក្រុមការងារចុះពិនិត្យជាក់ស្តែងទីតាំងដែនដីកាត់ឆ្វៀលតំបន់២ ស្ថិតនៅភូមិសាស្ត្រចំណុចបឹងដង្កៀបក្តាមមានជ័យ និងតំបន់កំព្រីងធំ និងផ្ទាំងប៉ាណូផែនទីបង្ហាញព្រំប្រទល់ព្រៃលិច ចន្លោះបង្គោលលេខ ៣៦៥ ដល់ ៣៦៦ ក្នុងឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ៕

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម សឿម ប៊ុនរិទ្ធ អភិបាលស្តីទី នៃគណៈអភិបាល ខេត្តបាត់ដំបង បានអញ្ជើញជាអធិបតីដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេ

2024-01-10T23:35:50+00:00

នៅព្រឹកថ្ងៃអង្គារ ១៣រោច ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី០៩ ខែមករា ឆ្នាំ២០២៤ នៅសាលប្រជុំសាលាខេត្តបាត់ដំបង ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងជាប្រធានក្រុមការងារចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប តំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប និង

ឯកឧត្តម សឿម ប៊ុនរិទ្ធ អភិបាលស្តីទី នៃគណៈអភិបាល ខេត្តបាត់ដំបង បានដឹកនាំកិច្ចប្រជុំពិភាក្សាលើការចុះពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងភូមិសាស្ត្រ ខេត្តបាត់ដំបង ដែលកិច្ចប្រជុំនេះ មានការអញ្ជើញចូលរួមពីតំណាងក្រសួងស្ថាប័នថ្នាក់ជាតិ និងតំណាងមន្ទីរ អង្គភាពជំនាញ ព្រមទាំងអាជ្ញាធរដែនដីរដ្ឋបាលថ្នាក់មូលដ្ឋានស្រុក និងឃុំពាក់ព័ន្ធ ក្នុងខេត្តបាត់ដំបង ចំនួនសរុប ៩៤ នាក់។

ក្នុងឱកាសនោះដែរ ឯកឧត្តម ហ៊ែល តូនី បានជម្រាបជូនអង្គប្រជុំពីសក្តានុពល និងសារៈសំខាន់នៃបឹងទន្លេសាប និងបញ្ហាប្រឈមដែលបាន និងកំពុងបង្កផលប៉ះពាល់ធ្ងន់ធ្ងរដល់បឹងទន្លេសាបនាពេលបច្ចុប្បន្នដោយកត្តាធំៗគឺ កត្តាធម្មជាតិ (បម្រែបម្រួលអាកាសធាតុ) និងកត្តាមនុស្ស។ ក្នុងស្មារតីទទួលខុសត្រូវលើដែនសមត្ថកិច្ចរបស់ខ្លួន អាជ្ញាធរទន្លេសាប ជាសេនាធិការផ្ទាល់ឲ្យរាជរដ្ឋាភិបាល រួមជាមួយភារកិច្ចទទួលខុសត្រូវ ដែលបានកំណត់ក្នុងអនុក្រឹត្យលេខ ១៩៧ អនក្រ.បក ជាពិសេស ការចូលរួមលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលក្នុងអាណត្តិទី៧ នៃរដ្ឋសភា បានរៀបចំកិច្ចប្រជុំនេះឡើង ក្នុងគោលបំណង ដើម្បីពិភាក្សាលើចំនុចមួយចំនួន ដូចខាងក្រោម ៖

១- បង្ហាញពីលទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣) ជាមួយនឹងមតិយោបល់កែលម្អ
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់១ តំបន់២ និងតំបន់៣ ក្នុងខេត្តបាត់ដំបង
៤- កិច្ចសហការពីក្រសួង-ស្ថាបន័ជំនាញ ថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរមូលដ្ឋានពាក់ព័ន្ធក្នុងខេត្តបាត់ដំបង ក្នុងការចូលរួមការពារ ថែរក្សាធនធានធម្មជាតិ និងបរិស្ថាន តំបន់១ តំបន់២ និងតំបន់៣ នៃតំបន់បឹងទន្លេសាប
៥- ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តបាត់ដំបង ។
ជាលទ្ធផល បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
1. បន្តកិច្ចសហការរវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វើការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក
2. ផ្ទៀងផ្ទាត់ឡើងវិញនូវចំណុចលម្អៀង នៃទិន្នន័យរបស់អាជ្ញាធរទន្លេសាប និងក្រសួង មន្ទីរជំនាញពាក់ព័ន្ធ ក្នុងខេត្តបាត់ដំបង
3. ចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ
4. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តបាត់ដំបង
5. ទទួលបានការយល់ដឹងពីសកម្មភាព និងការងារស្នូលរបស់អាជ្ញាធរដែនដីក្នុងការចូលរួមអនុវត្តន៍ទប់ស្កាត់ និងការការពារតំបន់ព្រៃលិចទឹក ធនធានជលផល ជីវចម្រុះ និងប្រព័ន្ធអេកូឡូស៊ី ក្នុងដែនសមត្ថកិច្ចរបស់ខេត្តបាត់ដំបង
6. បន្តអនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

គួររម្លឹកផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ដែលបានកំណត់ព្រំដែនព្រៃលិចទឹក (តំបន់៣) ក្នុងខេត្តបាត់ដំបង មានចំនួន ១១២ បង្គោល ទំហំផ្ទៃដីដែនព្រៃលិចទឹក (តំបន់៣) សរុបចំនួន ២០៦,៨៥០ហិកតា និងលើកផ្ទាំងប៉ាណូផែនទីបង្ហាញដែនព្រៃលិចទឹកក្នុងតំបន់៣ បានចំនួន ១៩ ផ្ទាំង ។
✓ នៅឆ្នាំ២០២២-២០២៣ រាជរដ្ឋាភិបាល កាត់ឆ្វៀលផ្ទៃដីតំបន់៣ មកតំបន់២ មានចំនួន ១០,៨៣២.៥៧ហិកតា និងពីតំបន់៣ មកតំបន់១ មានចំនួន ១,៣៥៣.៣៤ហិកតា ។
✓ផ្ទៃដីដែនព្រៃលិចទឹក និងព្រៃលិចទឹកតំបន់៣ នៅខេត្តបាត់ដំបង បានកែសម្រួលពីទំហំ ២០៦,៨៥០ហិកតា មកនៅត្រឹម ១៩៤,៦៦៤.០៩ហិកតា បន្ទាប់ពីរាជរដ្ឋាភិបាលបានកាត់ឆ្វៀលជូនប្រជាពលរដ្ឋជាកម្មសិទ្ធិ (លំនៅឋាន)ខ្លះ និងអាស្រ័យផលមួយចំនួនរួចមក ។

សូមជម្រាបជូនផងដែរថា បន្ទាប់ពីបញ្ចប់កិច្ចប្រជុំ ឯកឧត្តម ហ៊ែល តូនី បានដឹកនាំក្រុមការងារចុះពិនិត្យជាក់ស្តែងទីតាំងដែនដីកាត់ឆ្វៀលនៅចំណុចបង្គោល និងផ្ទាំងប៉ាណូផែនទីបង្ហាញព្រំប្រទល់ព្រៃលិចទឹក បង្គោលលេខ 279, 280, 281, 287, 288, 289, 290 ស្ថិតនៅតំបន់អាងទឹក អាងភាស ក្នុងភូមិគោកដូង ភូមិព្រែកឆ្តោរ ឃុំពាមឯក ស្រុកឯកភ្នំ ខេត្តបាត់ដំបង ៕

លោកស្រី ប៊ូ សុភ័ស្ត អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ បានចូលរួមសិក្ខាសាលាស្តីពី របាយការណ៍បញ្ចប់ការសិក្សាសាកល្បងនៃប្រព័ន្ធតាមដានការប្រើប្រាស់ទឹកក្នុងអាងស្ទឹងព្រែកត្នោត នៅសាលប្រជុំគណៈកម្មាធិការជាតិទន្លេមេគង្គកម្

2023-12-31T10:43:07+00:00

រាជធានីភ្នំពេញ៖ ថ្ងៃ១៥កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៧ ខែធ្នូ ឆ្នាំ២០២៣ លោកស្រី ប៊ូ សុភ័ស្ត អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ ត្រូវបានចាត់អោយទៅចូលរួមសិក្ខាសាលាស្តីពី របាយការណ៍បញ្ចប់ការសិក្សាសាកល្បងនៃប្រព័ន្ធតាមដានការប្រើប្រាស់ទឹកក្នុងអាងស្ទឹងព្រែកត្នោត។

គោលបំណង នៃសិក្ខាសាលាគឺ៖
១. ដើម្បីបង្ហាញពីសេចក្តីព្រាងបញ្ចប់របាយការណ៍ស្តីពីការសិក្សាសាកល្បងនៃប្រព័ន្ធតាមដានការប្រើប្រាស់ទឹកនៅកម្ពុជា ដោយការប្រើប្រាស់ម៉ូឌែល (WA+) ការគណនេយ្យទឹក និង SWAT
២. ដើម្បីធ្វើការចូលរួមពិភាក្សា ប្រមូលមតិយោបល់ និងផ្តល់ជាអនុសាសន៍ កែលម្អដល់របាយការណ៍ក្នុងការធ្វើអោយលទ្ធផល នៃការសិក្សាដែលទទួលបាននោះប្រាកដដោយសមិទ្ធផល។

សូមជម្រាបជូន៖ សិក្ខាសាលានេះបានប្រព្រឹត្តទៅនៅក្រោមអធិបតីភាពរបស់ ឯកឧត្តម គឹម សីហា ជាអគ្គលេខាធិការរងនៃគណៈកម្មការជាតិទន្លេមេគង្គ ដោយមានការអញ្ចើញចូលរួមពីក្រសួង ស្ថាប័ន និងមន្ទីរពាក់ព័ន្ធ, មន្ត្រីអគ្គលេខាដ្ឋានដែលបានចូលរួមតាមប្រព័ន្ធអនឡាញ, មន្ត្រីសម្របសម្រួលគណៈកម្មការជាតិទន្លេមេគង្គ សរុបអ្នកចូលរួមមានចំនួន ២០រូប (ស្រី ០៣រូប)។

លោក ឡូញ ណារិន្ន ប្រធានការិយាល័យកសិកម្មចម្រុះ នៃនាយកដ្ឋានធនធានធម្មជាតិ បានចូលរួមសិក្ខាសាលាបណ្តុះបណ្តាល ស្តីពីការរៀបចំផែនទីទឹកជំនន់សម្រាប់ការសិក្សាសាកល្បងផ្នែកទឹកជំនន់ នៅស្ទឹងស្ទោង ទីរួមខេត្តកំពង់ធំ

2023-12-28T22:17:39+00:00

នាថ្ងៃចន្ទ ១៣កើត និងថ្ងៃអង្គារ ១៤កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៥ និងទី២៦ ខែធ្នូ ឆ្នាំ២០២៣ លោក ឡូញ ណារិន្ន ប្រធានការិយាល័យកសិកម្មចម្រុះ នៃនាយកដ្ឋានធនធានធម្មជាតិ របស់អាជ្ញាធរទន្លេសាប បានចូលរួមសិក្ខាសាលាបណ្តុះបណ្តាល ស្តីពីការរៀបចំផែនទីទឹកជំនន់សម្រាប់ការសិក្សាសាកល្បងផ្នែកទឹកជំនន់ នៅស្ទឹងស្ទោង នៅភោជនីយដ្ឋានឡូវ គឹម សេង ទីរួមខេត្តកំពង់ធំ ដែលរៀបចំដោយគណៈកម្មាធិការជាតិទន្លេមេគង្គកម្ពុជា ។

គោលបំណងសំខាន់ នៃសិក្ខាសាលាបណ្តុះបណ្តាល ៖
១. ដើម្បីបង្ហាញលទ្ធផលសំខាន់ៗ ពីការសិក្សាសាកល្បងទឹកជំនន់
២. ដើម្បីពង្រឹងការកសាងសមត្ថភាពក្រុមមន្ត្រីបច្ចេកទេស ដែលពាក់ព័ន្ធនឹងការសិក្សាសាកល្បងទឹកជំនន់ និងក្រសួង ស្ថាប័នពាក់ព័ន្ធ លើការប្រើប្រាស់ឧបករណ៍រៀបចំផែនទីទឹកជំនន់ ។

សូមជម្រាបជូនថា ៖ សិក្ខាសាលាបណ្តុះបណ្តាលនេះ បានប្រព្រឹត្តទៅក្រោមអធិបតីភាព ឯកឧត្តម សូ សុភ័ទ្ទ អគ្គលេខាធិការ នៃគណៈកម្មាធិការជាតិទន្លេមេគង្គកម្ពុជា ដោយមានការអញ្ជើញចូលរួមមកពីតំណាងក្រសួងធនធានទឹក និងឧតុនិយម ក្រសួងសាធារណការ និងដឹកជញ្ជូន, ក្រសួងកសិកម្ម រុក្ខាប្រមាញ់ និងនេសាទ (រដ្ឋបាលជលផល), អាជ្ញាធរទន្លេសាប, គណៈកម្មាធិការជាតិគ្រប់គ្រងគ្រោះមហន្តរាយ, មន្ទីរធនធានទឹកខេត្តកំពង់ធំ, មន្ទីរធនធានទឹកខេត្តព្រះវិហារ, មន្ត្រីពីគណៈកម្មាធិការជាតិទន្លេមេគង្គកម្ពុជា និងជំនាញការជាតិ សរុបអ្នកចូលរួមចំនួន ១៧ រូប។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម ឡាយ វិសិដ្ឋ អភិបាលរង នៃគណៈអភិបាល ខេត្តពោធិ៍សាត់ បានអញ្ជើញជាអធិបតីដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តពោធិ៍ស

2023-12-28T16:05:04+00:00

នាថ្ងៃពុធ ១៥កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៧ ខែធ្នូ ឆ្នាំ២០២៣ នៅសាលប្រជុំសាលាខេត្តពោធិ៍សាត់ ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប និងជាប្រធានក្រុមការងារចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាបជាតំណាងដ៏ខ្ពង់ខ្ពស់ឯកឧត្តម ថោ ជេដ្ឋា រដ្ឋមន្រី្តក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានសម្របសម្រួលដឹកនាំក្រុមការងារចូលរួមកិច្ចប្រជុំពិភាក្សាលើការពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប ស្ថិតក្នុងភូមិសាស្ត្រ ខេត្តពោធិ៍សាត់ ។

សូមជម្រាបថា កិច្ចប្រជុំបានប្រព្រឹត្តទៅដោយមានការអញ្ជើញជាអធិបតីភាពឯកឧត្តម ឡាយ វិសិដ្ឋ អភិបាលរង នៃគណៈអភិបាលខេត្តពោធិ៍សាត់ តំណាងដ៏ខ្ពង់ខ្ពស់ ឯកឧត្តម ខួយ រីដា អភិបាលខេត្ត និងមានការអញ្ជើញចូលរួមពីថ្នាក់ដឹកនាំអគ្គលេខាធិការដ្ឋាន នាយកដ្ឋាន និងមន្ត្រីបច្ចេកទេសនៃក្រុមការងារតាមដាន និងអធិការកិច្ចដែនព្រៃលិចទឹក នៃអាជ្ញាធរទន្លេសាប ថ្នាក់ដឹកនាំ និងមន្ត្រីបច្ចេកទេសតំណាងពីក្រសួងស្ថាប័នថ្នាក់ជាតិ រួមមានក្រសួងរៀបចំដែនដីនគរូបនីយកម្ម និងសំណង់, ក្រសួងមហាផ្ទៃ, ក្រសួងបរិស្ថាន, ក្រសួងកសិកម្ម រុក្ខាប្រម៉ាញ់ និងនេសាទ, ក្រសួងអភិវឌ្ឍន៍ជនបទ, ក្រសួងសាធារណការ និងដឹកជញ្ជូន និងមន្ត្រីបច្ចេកទេស និង ថ្នាក់ដឹកនាំមន្ទីរ អង្គភាពជំនាញពាក់ព័ន្ធជុំវិញសាលាខេត្តពោធិ៍សាត់ ព្រមទាំងអាជ្ញាធរដែនដីរដ្ឋបាលថ្នាក់មូលដ្ឋានស្រុក និងឃុំពាក់ព័ន្ធ ក្នុងខេត្តពោធិ៍សាត់ មានចំនួនសរុប ៦៩ រូប។

ឯកឧត្តម ហ៊ែល តូនី បានជម្រាបជូនអង្គប្រជុំថា ក្នុងស្មារតីទទួលខុសត្រូវលើដែនសមត្ថកិច្ចរបស់ខ្លួន អាជ្ញាធរទន្លេសាប ជាសេនាធិការឲ្យរាជារដ្ឋាភិបាល រួមជាមួយភារកិច្ចទទួលខុសត្រូវ ដែល បានកំណត់ក្នុងអនុក្រឹត្យលេខ ១៩៧ អនក្រ.បក ជាពិសេសការចូលរួមលើកកម្ពស់ប្រសិទ្ធភាពនៃការអនុវត្តគោលនយោបាយយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលក្នុងអាណត្តិទី៧ នៃរដ្ឋសភា។

កិច្ចប្រជុំពិភាក្សានេះ មានគោលបំណងពិភាក្សាលើចំនុចមួយចំនួន ដូចខាងក្រោម ៖
១- លទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប។
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣) ជាមួយនឹងមតិយោបល់កែលម្អ។
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់ ១តំបន់ ២ និងតំបន់ ៣ ក្នុងខេត្តពោធិ៍សាត់ ។
៤- កិច្ចសហការពីក្រសួង-ស្ថាបន័ជំនាញ ថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរមូលដ្ឋានពាក់ព័ន្ធក្នុងខេត្តពោធិ៍សាត់ ក្នុងការចូលរួមការពារ ថែរក្សាធនធានធម្មជាតិ និងបរិស្ថាន តំបន់១ តំបន់២ និងតំបន់៣ នៃតំបន់បឹងទន្លេសាប ។
៥- ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តពោធិ៍សាត់ ។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
១. បន្តកិច្ចសហការរវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វើការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក ។
២. ផ្ទៀងផ្ទាត់ឡើងវិញនូវចំណុចលម្អៀង នៃទិន្នន័យរបស់អាជ្ញាធរទន្លេសាប និងក្រសួង មន្ទីរជំនាញពាក់ព័ន្ធ ក្នុងខេត្តពោធិ៍សាត់ ។
៣. ចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ ។
៤. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តពោធិ៍សាត់។
៥. ទទួលបានការយល់ដឹងពីសកម្មភាព និងការងារស្នូលរបស់អាជ្ញាធរដែនដីក្នុងការចូលរួមអនុវត្តន៍ទប់ស្កាត់ និងការការពារតំបន់ព្រៃលិចទឹក ធនធានជលផល ជីវចម្រុះ និងប្រព័ន្ធអេកូឡូស៊ី ក្នុងដែនសមត្ថកិច្ចរបស់ខេត្តពោធិ៍សាត់។
៦. បន្តអនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

សូមបញ្ជាក់ផងដែរថា អនុក្រឹត្យលេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ដែលបានកំណត់ដែនព្រៃលិចទឹក (តំបន់៣) មានទំហំផ្ទៃដីសរុបចំនួន ៦៤៧,៤០៦ ហិកតា និងបោះបង្គោលកំណត់ព្រំប្រទល់ព្រៃលិចទឹកតំបន់៣ មានចំនួន ៨០២ បង្គោល ស្ថិតនៅក្នុងភូមិសាស្ត្រខេត្តទាំង៦ ជុំវិញបឹងទន្លេសាប មានខេត្តកំពង់ធំ សៀមរាប បន្ទាយមានជ័យ បាត់ដំបង ពោធិ៍សាត់ និងខេត្តកំពង់ឆ្នាំង ។ ដោយឡែក ខេត្តពោធិ៍សាត់ មានទំហំផ្ទៃដីដែនព្រៃលិចទឹក (តំបន់៣) សរុបមានចំនួន ៩៤,០៤២ ហិកតា ក្រោយពីយុទ្ធនាការកាត់ឆ្វៀលហេីយផ្ទៃដីតំបន់៣ មាន ៩០, ៥៩៣.២៣ ហិកតា និងបង្គោលកំណត់ព្រំតំបន់៣ ចំនួន ៧៦បង្គោល ។

ក្នុងឱកាសនោះដែរ បន្ទាប់ពីបញ្ចប់កិច្ចប្រជុំ ឯកឧត្តមអនុប្រធានក្តាប់រួម បានដឹកនាំក្រុមការងារចុះជាក់ស្តែង ៖
1.ចុះពិនិត្យទីតាំងដែនដីកាត់ឆ្វៀលនៅចំនុចបង្គោលលេខ២០៩ និងផ្ទាំងប៉ាណូផែនទីបង្ហាញព្រំប្រទល់ព្រៃលិច ស្ថិតនៅតំបន់វាលក្តាន់ធាក់ ក្នុងភូមិសាស្ត្រឃុំអន្សាចំបក់។
2.ស្វែងយល់ពីស្ថានភាពជីវភាពរស់នៅប្រចាំថ្ងៃរបស់ប្រជាពលរដ្ឋភូមិបណ្តែតទឹក ក្នុងភូមិសាស្ត្រភូមិកំបង់ថ្កោល ឃុំអន្សាចំបក់ ស្រុកក្រគរ ខេត្តពោធិ៍សាត់។

សូមរម្លឹកផងដែរថា អាជ្ញាធរទន្លេសាប បានចេញសេចក្ដីសម្រេចលេខ ២៣៦ អទស នៅថ្ងៃទី០២ ខែតុលា ឆ្នាំ២០២៣ ស្តីពីការបង្កើតក្រុមការងារចុះតាមដានពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងខេត្តទាំង ៦ ជុំវិញបឹងទន្លេសាប៕

ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ចុះស្វែងយល់ការប្រមូលផលត្រីនៅដាយត្រីស្រុកពញាឮ ខេត្តកណ្តាល

2023-12-23T14:36:59+00:00

នាព្រឹកថ្ងៃសៅរ៍ ១១កើត ខែមិគសិរ ឆ្នាំថោះ ព.ស.២៥៦៧ ត្រូវនឹងថ្ងៃទី២៣ ខែធ្នូ ឆ្នាំ២០២៣ ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានដឹកនាំប្រតិភូអាជ្ញាធរទន្លេសាប អញ្ជើញចុះស្វែងយល់ពីការប្រមូលផលនេសាទនៅដាយលេខ១៥E ស្ថិតក្នុងភូមិសាស្ត្រភូមិតាពៅ ឃុំកោះចិន ស្រុកពញាឮ ខេត្តកណ្តាល។ អានត...

លោក វិន ប៊ុនពៅ ប្រធាននាយកដ្ឋានធនធានធម្មជាតិ បានចូលរួមពិធីប្រកាសផ្សព្វផ្សាយស្តីពីរបាយការណ៍លទ្ធផលអង្កេតកសិកម្មកម្ពុជាឆ្នាំ ២០២១ នៅសណ្ឋាគារភ្នំពេញ

2023-12-21T10:49:33+00:00

នាថ្ងៃពុធ ៨កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ២០ ខែធ្នូ ឆ្នាំ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប ត្រូវបានចាត់អោយទៅ ចូលរួមពិធីប្រកាសផ្សព្វផ្សាយ ស្តីពីរបាយការណ៍លទ្ធផលអង្កេតកសិកម្មកម្ពុជាឆ្នាំ ២០២១ ។

គោលបំណងសំខាន់ នៃការផ្សព្វផ្សាយរួមមាន៖
១. សាវតានៃគម្រោងអង្កេតកសិកម្មកម្ពុជា ២០២១
២. ការប្រមូលចងក្រងព័ត៌មាន ទិន្នន័យ និងវិធីសាស្ត្រវាយតម្លៃ
៣. ការរៀបចំរបាយការណ៍ស្ថិតិអង្កេតកសិកម្មកម្ពុជា
៤. ការរៀបចំផែនទីស្ថិតិអង្កេតកសិកម្មកម្ពុជាឆ្នាំ ២០២១ ។

លទ្ធផលនៃពិធីប្រកាសផ្សព្វផ្សាយ ស្តីពីរបាយការណ៍លទ្ធផលអង្កេតកសិកម្មបានផ្តោតលើ៖
១. វិធីសាស្ត្រ និងទិដ្ឋភាពទូទៅពីសារៈសំខាន់នៃស្ថិតិអង្កេតកសិកម្មកម្ពុជាឆ្នាំ ២០២១ (ផលិតកម្មដំណាំ, ការចិញ្ចឹមបសុសត្វ និងបក្សី, វារីវប្បកម្ម និងនេសាទ, កម្លាំងពលកម្ម និងសេដ្ឋកិច្ច)។
២. ការផ្សព្វផ្សាយព័ត៌មាន និងបច្ចេកវិទ្យាកសិកម្ម ដើម្បីគាំទ្រដល់សន្តិសុខស្បៀង អាហារូបត្ថម្ភ និងលើកកម្ពស់វិស័យកសិកម្មប្រកបដោយចីរភាព ។
៣. សម្រេចអោយបានសមភាពយេនឌ័រ និងកុមារ។
៤. របាយការណ៍អង្កេតកសិកម្មឆ្លុះបញ្ចាំងពីគោលដៅអភិវឌ្ឍន៍ប្រកបដោយចីរភាពឆ្នាំ ២០៣០ ។
៥. ការដាក់អោយប្រើប្រាស់ជាផ្លូវការពីលទ្ធផលរបាយការណ៍អង្កេតកសិកម្ម ដើម្បីជួយការកាត់បន្ថយ និងបញ្ចប់ភាពក្រីក្រនៅកម្ពុជា និងសកល ។

សូមជម្រាបជូនថា ៖ ពិធីប្រកាសផ្សព្វផ្សាយស្តីពីរបាយការណ៍លទ្ធផលអង្កេតកសិកម្មកម្ពុជាឆ្នាំ ២០២១ បានប្រព្រឹត្តទៅក្រោមអធិបតីភាព ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ និងលោកស្រី Rebekah Bell តំណាងអង្គការស្បៀង និងកសិកម្ម នៃអង្គការសហប្រជាជាតិប្រចាំកម្ពុជា ព្រមទាំងអញ្ជើញចូលរួមមកពីតំណាងក្រសួង-ស្ថាប័ន ក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ, អាជ្ញាធរទន្លេសាប អង្គការក្រៅរដ្ឋាភិបាល អង្គការជាតិ និងអន្តរជាតិ វិទ្យាស្ថានស្រាវជ្រាវ និងដៃគូផ្សេងៗ និងជំនាញការជាតិ និងអន្តរជាតិ សរុបចំនួនប្រមាណ ១០០រូប ។

លោកស្រី ប៊ូ សុភ័ស្ត អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ បានចូលរួមសិក្ខាសាលាផ្សព្វផ្សាយស្តីពី ការពង្រឹងការគ្រប់គ្រងហានិភ័យទឹកជំនន់ និងរាំងស្ងួតនៅអាងទន្លេមេគង្គក្រោមនៃប្រទេសកម្ពុជា នៅវិទ្យាស្ថានបច្ចេកវិទ្យាកម្ពុជា

2023-12-14T23:22:15+00:00

រាជធានីភ្នំពេញ៖ ថ្ងៃពុធ ១កើត ខែមិគសិរ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣ ខែធ្នូ ឆ្នាំ២០២៣ លោកស្រី ប៊ូ សុភ័ស្ត អនុប្រធានការិយាល័យធនធានទឹក នៃនាយកដ្ឋានធនធានធម្មជាតិ បានចូលរួមសិក្ខាសាលាផ្សព្វផ្សាយ ស្តីពី ការពង្រឹងការគ្រប់គ្រងហានិភ័យ និងរាំងស្ងួត នៅអាងទន្លេមេគង្គក្រោមនៃប្រទេសកម្ពុជា នៅវិទ្យាស្ថានបច្ចេកវិទ្យាកម្ពុជា។

គោលបំណងនៃសិក្ខាសាលាគឺដើម្បី៖ ១. បង្ហាញ និងចែករំលែកលទ្ធផលស្រាវជ្រាវនៃគម្រោង HEIP-ITC-SGA #19 ដោយរួមបញ្ចូល ការវាយតម្លៃទឹកជំនន់ ការព្យាករណ៍ទឹកជំនន់ ព្រមទាំងការវាយតម្លៃ និងការគ្រប់គ្រងគ្រោះរាំងស្ងួត។
២. ចែករំលែកពីតួនាទី និងមុខងារនៃស្ថានីយឧតុនិយម និងស្ថានីយជលសាស្ត្រស្វ័យប្រវត្តិ ព្រមទាំងមានការផ្តល់ជាប្រភពព័ត៌មានដែលទាក់ទងនឹងការវាយតម្លៃ និងការព្យាករណ៍គ្រោះទឹកជំនន់ និងគ្រោះរាំងស្ងួត។
៣. ពិភាក្សាអំពីផលប៉ះពាល់ដែលបានរកឃើញ និងគម្លាតយន្តការសម្រាប់គោលនយោបាយ ការអនុវត្ត និងការសហការនាពេលអនាគតសម្រាប់ការប្រតិបត្តិការស្ថានីយឧតុនិយម និងស្ថានីយជលសាស្ត្រស្វ័យប្រវត្តិទាំងនេះ។
៤. ជំរុញកិច្ចសហប្រតិបត្តិការ និងបណ្តាញរវាងភាគីពាក់ព័ន្ធ។

សូមបញ្ជាក់ផងដែរថា សិក្ខាសាលានេះ មានការអញ្ជើញចូលរួមពីមន្ត្រីបច្ចេកទេសនៃក្រសួងធនធានទឹក និងឧតុនិយម (MOWRAM), គណៈកម្មាធិការជាតិគ្រប់គ្រងគ្រោះមហន្តរាយ(NCDM), ក្រសួងបរិស្ថាន(MoE), ក្រសួងកសិកម្ម រុក្ខាប្រមាញ់ និងនេសាទ (MAFF), ក្រសួងសាធារណៈការ និងដឹកជញ្ជូន(MPWT), ក្រសួងអភិវឌ្ឍន៍ជនបទ(MRD), អាជ្ញាធរទន្លេសាប(TSA), មន្ទីរធនធានទឹក និងឧតុនិយមខេត្តកំពង់ស្ពឺ, វិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា(CDRI), អ្នកស្រាវជ្រាវ និងនិស្សិត នៃវិទ្យាស្ថានបច្ចេកវិទ្យាកម្ពុជា (ITC), និងសមាជិកនៃគម្រោង HEIP-ITC-SGA#19 សរុបអ្នកចូលរួមមានចំនួន ៤០នាក់។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម ទូច សុខា អភិបាលរង នៃគណៈអភិបាលខេត្តកំពង់ធំ បានអញ្ជើញដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តកំពង់ធំ

2023-12-14T22:30:11+00:00

ខេត្តកំពង់ធំ: នៅសាលប្រជុំសាលាខេត្តកំពង់ធំ នាថ្ងៃព្រហស្បតិ៍ ២ កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៤ ខែធ្នូ ឆ្នាំ២០២៣ ជាតំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្រី្ត ក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប និងជាប្រធានក្រុមការងារទទួលបន្ទុកក្តាប់រួម ចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក បានដឹកនាំប្រតិភូចូលរួមកិច្ចប្រជុំពិភាក្សាលើការ ពិនិត្យ ផ្ទៀងផ្ទាត់ តាមដាន និងអធិការកិច្ចដែនព្រៃលិចទឹក និងព្រៃលិចទឹកនៅតំបន់ជុំវិញបឹងទន្លេសាប ស្ថិតក្នុងភូមិសាស្ត្រ ខេត្តកំពង់ធំ ។

កិច្ចប្រជុំបានពិភាក្សាលេីចំនុចមួយចំនួនដូចខាងក្រោម ៖
១- លទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប។
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣)។
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់ ១ តំបន់ ២ និងតំបន់ ៣ ក្នុងខេត្តកំពង់ធំ ។
៤- កិច្ចសហការពីថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរដែនដីមូលដ្ឋានពាក់ព័ន្ធក្នុងខេត្តកំពង់ធំ ក្នុងការ ចូលរួមការពារ ថែរក្សាធនធានធម្មជាតិ និងបរិស្ថាន តំបន់ ១ តំបន់ ២ និងតំបន់ ៣ ។
៥- ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តកំពង់ធំ ។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួល ខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
១. អង្គប្រជុំ បានយល់ស្រប បន្តកិច្ចសហការ រវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វេីការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក ។
២. ផ្ទៀងផ្ទាត់ចំណុចលម្អៀង នៃទិន្នន័យ របស់អាជ្ញាធរទន្លេសាប និងមន្ទីររៀបចំដែនដី នគរូបនីយកម្ម និងសំណង់ខេត្តកំពង់ធំ ។
៣. ឯកភាពប្រើប្រាស់ទិន្នន័យផែនទី របស់ក្រសួងរៀបចំដែនដី នគរូបនីយកម្ម និងសំណង់ ជាគោល ។ រាល់ទិន្នន័យដែលពាក់ព័ន្ធ គឺអាចស្នើសុំមកក្រសួងរៀបចំដែនដី នគរូបនីយកម្ម និងសំណង់ ប្រសិនបើមានតម្រូវការចាំបាច់។
៤. ឯកភាពចែករំលែកទិន្នន័យ-ព័ត៌មានរួម និងបច្ចេកទេស រវាងស្ថាប័នពាក់ព័ន្ធ ។
៥. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តកំពង់ធំ ។
៦. អនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

កិច្ចប្រជុំនេះដែរ មានការអញ្ជើញចូលរួមពីមន្ត្រីបច្ចេកទេសក្រុមការងារតាមដាន និងអធិការកិច្ចដែនព្រៃលិចទឹក នៃអាជ្ញាធរទន្លេសាប ថ្នាក់ដឹកនាំ និងមន្ត្រីបច្ចេកទេសតំណាងពីក្រសួងស្ថាប័នថ្នាក់ជាតិ រួមមានក្រសួងរៀបចំដែនដី នគរូបនីយកម្ម និងសំណង់, ក្រសួងមហាផ្ទៃ, ក្រសួងបរិស្ថាន, ក្រសួងកសិកម្ម រុក្ខាប្រម៉ាញ់ និងនេសាទ, ក្រសួងអភិវឌ្ឍន៍ជនបទ, ក្រសួងសាធារណការ និងដឹកជញ្ជូន និងមន្ត្រីបច្ចេកទេសសាលាខេត្តកំពង់ធំ ថ្នាក់ដឹកនាំមន្ទីរជំនាញពាក់ព័ន្ធជុំវិញសាលាខេត្តកំពង់ធំ ព្រមទាំងអាជ្ញាធរដែនដីរដ្ឋបាលថ្នាក់មូលដ្ឋានពាក់ព័ន្ធ នៃស្រុក ឃុំ ភូមិពាក់ព័ន្ធ ក្នុងខេត្តកំពង់ធំ ចំនួន ៧៣ រូប។

បន្ទាប់ពីបញ្ចប់កិច្ចប្រជុំ ឯកឧត្តមអនុប្រធានក្តាប់រួម បានដឹកនាំក្រុមការងារចុះទៅទីតាំងកាត់ឆ្វៀលផ្ទាល់ក្នុងភូមិសាស្ត្រ ភូមិរកា និងភូមិចំបក់ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។
សូមបញ្ជាក់ថា: អាជ្ញាធរទន្លេសាប បានចេញសេចក្ដីសម្រេចលេខ ២៣៦ អទស នៅថ្ងៃទី០២ ខែតុលា ឆ្នាំ២០២៣ ស្តីពីការបង្កើតក្រុមការងារចុះតាមដានពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងខេត្តទាំង ៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ)៕

លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប បានចូលរួមទស្សនៈកិច្ចនៅតំបន់ព្រែកទាល់ នៃគម្រោងគ្រប់គ្រង និងអភិរក្សតំបន់ដីសើមអាងទន្លេមេគង្គក្រោមក្នុងប្រទេសកម្ពុជា នៅខេត្តសៀមរាប

2023-12-13T13:53:49+00:00

នាថ្ងៃអង្គារ ១៥ រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១២ ខែធ្នូ ឆ្នាំ២០២៣ លោក វិន ប៊ុនពៅ ប្រធាននាយកដ្ឋានធនធានធម្មជាតិ នៃអាជ្ញាធរទន្លេសាប ត្រូវបានចាត់អោយទៅចូលរួមកម្មវិធីទស្សនៈកិច្ចនៅតំបន់ព្រែកទាល់ នៃគម្រោងគ្រប់គ្រង និងអភិរក្សតំបន់ដីសើមអាងទន្លេមេគង្គក្រោមក្នុងប្រទេសកម្ពុជា រៀបចំដោយក្រសួងបរិស្ថាន និងសម្របសម្រួលពីគណៈកម្មាធិការជាតិទន្លេមេគង្គកម្ពុជា ។

គោលបំណងសំខាន់នៃទស្សនៈកិច្ច ដើម្បី៖
១. ដំណើរទស្សនៈកិច្ចមជ្ឈមណ្ឌលគ្រប់គ្រង និងអភិរក្សតំបន់ដីសើមរ៉ាមសារព្រែកទាល់
២. ដំណើរទស្សនៈកិច្ចសំបុកសត្វស្លាបទឹកសាបក្នុងតំបន់អភិរក្សរ៉ាមសារសត្វស្លាបព្រែកទាល់
៣. ការចុះពិនិត្យ និងវាយតម្លៃសមិទ្ធផលបញ្ចប់គម្រោង (ការជួសជុលអាគារ បង្គោលព្រំអភិរក្សតំបន់រ៉ាមសារ ម៉ាស៊ីនបូប ទឹកសម្រាប់ការងារអន្តរាគមន៍ពន្លត់អគ្គិភ័យចល័ត ការបំពាក់បរិក្ខារមួយចំនួន និងផែស្នាលបណ្តុះកូនឈើព្រៃលិចទឹក) ។

សូមជម្រាបជូនថា ៖ ដំណើរទស្សនៈកិច្ចនេះ បានប្រព្រឹត្តទៅក្រោមអធិបតីភាព ឯកឧត្តម តែ ណាវុធ អនុប្រធានអចិន្ត្រៃយ៍គណៈកម្មាធិការជាតិទន្លេមេគង្គកម្ពុជា (គជទមក) និងមន្ត្រីតំណាងក្រសួងបរិស្ថាន ដោយមានការអញ្ជើញចូលរួមមកពីតំណាងក្រសួងធនធានទឹក និងឧតុនិយម, ក្រសួងកសិកម្ម រុក្ខាប្រមាញ់ និងនេសាទ (រដ្ឋបាលជលផល), អាជ្ញាធរទន្លេសាប អង្គការក្រៅរដ្ឋាភិបាល និងដៃគូ និងមន្ត្រីពីគ.ជ.ទ.ម.ក និងជំនាញការជាតិ អ្នកចូលរួមចំនួន ១៨រូប។

លទ្ធផលទទួលបានពីដំណើរទស្សនៈកិច្ច បានផ្តល់ការយល់ដឹងពី៖
១. សាវតានៃការគ្រប់គ្រង និងអភិរក្សតំបន់ដីសើមព្រែកទាល់ (រ៉ាមសារ)។
២. ការតាមដាន កត់ត្រា និង ចំណាត់ថ្នាក់ប្រភេទសត្វស្លាបជាប្រចាំថ្ងៃពីមន្ត្រីអនុរក្សប្រចាំការ។
៣. ការងារគ្រប់គ្រងធនធានធម្មជាតិ ជលផល និងការបង្ក្រាបបទល្មើសក្នុងតំបន់ដែនអភិរក្សរ៉ាមសារព្រែកទាល់។
៤. វិធីសាស្ត្រ ឬនិតិវិធីវិភាគទិន្នន័យសត្វស្លាបដោយប្រើប្រាស់វិធីសាស្ត្រស្ថិតិកត់ត្រាប្រចាំថ្ងៃ ខែ និងឆ្នាំលើការងារបន្លាស់ទី ចំណី ការបន្តពូជ និងប្រភេទសត្វ ។

ថ្នាក់ដឹកនាំអាជ្ញាធរទន្លេសាប ជួបសំណេះសំណាល និងពិភាក្សាពង្រឹងការងារនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប

2023-12-13T13:41:39+00:00

ព្រឹកថ្ងៃអង្គារ ១៥រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១២ ខែធ្នូ ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានជួបសំណេះសំណាល និងពិភាក្សាការងារជាមួយលោកប្រធាន អនុប្រធាន និងមន្ត្រីក្រោមឱវាទនាយកដ្ឋាននីតិកម្ម និងផ្សព្វផ្សាយ ដើម្បីពង្រឹងប្រសិទ្ធភាពការងារក្នុងនាយកដ្ឋាន ក្នុងស្មារតីលើកកម្ពស់ប្រសិទ្ធភាពការងាររបស់អាជ្ញាធរទន្លេសាប ។ ក្នុងកិច្ចសំណេះសំណាលនេះ ឯកឧត្តមអនុប្រធានក្តាប់រួម ក៏បានណែនាំដល់នាយកដ្ឋាន ឲ្យរៀបចំរបាយការណ៍ ស្តីពីវឌ្ឍនភាពការងាររបស់នាយកដ្ឋានឆ្នាំ ២០២៣ និងប្រមូលផ្តុំចងក្រងរាល់ឯកសារច្បាប់ បទដ្ឋានគតិយុត្តពាក់ព័ន្ធនឹងការប្រព្រឹត្តទៅរបស់អាជ្ញាធរទន្លេសាបរហូតមកដល់បច្ចុប្បន្ន ដើម្បីប្រជុំបូកសរុប ស្តីពីវឌ្ឍនភាពការងារ ២០២៣ របស់អាជ្ញាធរទន្លេសាប នាដើមខែមករា ឆ្នាំ ២០២៤ និងផ្សព្វផ្សាយដាក់ឲ្យអនុវត្តនូវផែនការយុទ្ធសាស្ត្រអាជ្ញាធរទន្លេសាប ២០២៤-២០២៨ និងផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន អាជ្ញាធរទន្លេសាប ។

សូមបញ្ជាក់ថា : អាជ្ញាធរទន្លេសាប ជាស្ថាប័នសេនាធិការឲ្យរាជរដ្ឋាភិបាល ត្រូវបានបង្កើតឡើងនាឆ្នាំ ២០០៩ ក្រោមព្រះរាជក្រឹត្យលេខ នស/រកត/០៦០៩/៧០៥ ស្ថិតក្រោមការដឹកនាំរបស់រដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប ហើយដែលមាននាយកដ្ឋានចំនួន ០៤ និងការិយាល័យចំនួន ១៤ នៅក្រោមឱវាទអគ្គលេខាធិការដ្ឋាននៃអាជ្ញាធរទន្លេសាប ។

ថ្នាក់ដឹកនាំអាជ្ញាធរទន្លេសាប ដឹកនាំប្រជុំតាម ZOOM ជាមួយក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប

2023-12-09T13:09:54+00:00

រសៀលថ្ងៃសុក្រ ១១រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៨ ខែធ្នូ ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម និងជាប្រធានក្រុមការងារ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានដឹកនាំសម្របសម្រួលកិច្ចប្រជុំពិភាក្សាតាម ZOOM ជាមួយក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប មុននឹងក្រុមការងារទទួលខុសត្រូវតាមមុខព្រួញបណ្តាខេត្តអមផ្លូវជាតិលេខ ៥ និងលេខ ៦ ចុះអនុវត្តការងារអធិការកិច្ច និងស្រង់ព័ត៌មាន ទិន្នន័យពាក់ព័ន្ធបង្គោលកំណត់ព្រំតំបន់ ៣, ផ្ទាំងប៉ាណូ, តំបន់ផ្ទៃដីទន្ទ្រានព្រៃលិចទឹក (ចាស់-ថ្មី), តំបន់កាត់ឆ្វៀល ដែលស្ថិតនៅតាមទីតាំងជាក់ស្តែងក្នុងតំបន់ ១ តំបន់ ២ និងតំបន់ ៣ ក្នុងខេត្តទាំង ៦ ជុំវិញបឹងទន្លេសាប ។

សូមជម្រាបថា : កិច្ចប្រជុំពិភាក្សានេះ មានការចូលពី ឯកឧត្តមអគ្គលេខាធិការ អគ្គលេខាធិការរង ប្រធាននាយដ្ឋាន អនុប្រធាននាយកដ្ឋាន និងមន្ត្រី ដែលជា ប្រធាន អនុប្រធាន និងសមាជិកនៃក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប សរុបចំនួន : ២២នាក់ ។

កិច្ចប្រជុំ គឺបានពិភាក្សាផ្តោតលើ :
១. កិច្ចការបច្ចេកទេស (ផែនការការងារ, ការចាត់ចែងសមាជិកក្រុមការងារ, វិធីសាស្ត្រ, និងសម្ភារៈបច្ចេកទេស)
២. កិច្ចការហិរញ្ញវត្ថុក្នុងការចំណាយ
៣. បញ្ហាផ្សេងៗ

សូមបញ្ជាក់ថា : ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប របស់អាជ្ញាធរទន្លេសាប បាន និងកំពុងតែចុះជួបពិភាក្សាជាមួយអាជ្ញាធរដែនដី និងមន្ទីរជំនាញពាក់ព័ន្ធ នៅតាមបណ្តាខេត្តទាំង ៦ ជុំវិញបឹងទន្លេសាប ដើម្បីធ្វើការផ្ទៀងផ្ទាត់ព័ត៌មាន ទិន្នន័យបឋមមុននឹងក្រុមការងារចុះដល់ទីតាំងជាក់ស្តែង ។ ដោយឡែក មន្ត្រីក្រុមការងារជំនាញបច្ចេកទេស នៃអគ្គលេខាធិការដ្ឋានអាជ្ញាធរទន្លេសាប ក៏បាននិងកំពុងយកចិត្តទុកដាក់កែសម្រួល និងរៀបចំរាល់ឯកសារបច្ចេកទេស និងផែនទីពាក់ព័ន្ធ (ទាំងផ្នែកទន់ និងផ្នែករឹង) ដើម្បីជួយគាំទ្រ និងសម្រួលដល់ក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប និងបានផ្តល់ការបណ្តុះបណ្តាលពីការប្រើប្រាស់កម្មវិធីចុះប្រមូលទិន្នន័យ-ព័ត៌មាន ដោយប្រើប្រាស់កម្មវិធី (KOBO Collect) ។

ថ្នាក់ដឹកនាំអាជ្ញាធរទន្លេសាប ដឹកនាំប្រជុំតាម ZOOM ជាមួយក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប

2023-12-09T13:09:54+00:00

ថ្នាក់ដឹកនាំអគ្គលេខាធិការដ្ឋាននៃអាជ្ញាធរទន្លេសាប រៀបចំបណ្តុះបណ្តាលដល់សមាជិកក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប

2023-12-08T20:28:48+00:00

ព្រឹកថ្ងៃព្រហស្បតិ៍ ១០រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៧ ខែធ្នូ ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប បានរៀបចំវគ្គបណ្តុះបណ្តាលការងារបច្ចេកទេសក្នុងការចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាបដោយប្រើប្រាស់ប្រព័ន្ធ KoboCllection ដឹកនាំដោយ ឯកឧត្តម សរ គឹមសាន្ត អគ្គលេខាធិការ នៃអគ្គលេខាធិការដ្ឋានអាជ្ញាធរទន្លេសាប ដើម្បីត្រៀមលក្ខណៈ ក្នុងការចុះអនុវត្តការងារតាមដានត្រួតពិនិត្យ និងផ្ទៀងផ្ទាត់និយាមកាបង្គោលព្រំការពារដែនព្រៃលិចទឹក និងតំបន់កាត់ឆ្វៀល ក្នុងតំបន់ ១ តំបន់ ២ និងតំបន់ ៣ ដែលស្ថិតក្នុងភូមិសាស្ត្រខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ។

សូមបញ្ជាក់ថា : រាជរដ្ឋាភិបាលបានកាត់ឆ្វៀលដីមួយចំនួនចេញពីដែនព្រៃលិចទឹកពីតំបន់៣ មកតំបន់២ និង.ពីតំបន់២ មកតំបន់១ នៃអនុក្រឹត លេខ ១៩៧ អនក្រ.បក ចុះថ្ងៃទី ២៩ ខែសីហា ឆ្នាំ២០១១ ជូនប្រជាពលរដ្ឋ អាស្រ័យផល និងតាំងទីលំនៅ ។ ហើយបច្ចុប្បន្នក្រុមការងារអាជ្ញាធរទន្លេសាប បាន និងកំពុងបន្តអនុវត្តន៍តួនាទីភារកិច្ច ក្នុងការប្រមូលផ្ទៀងផ្ទាត់ទិន្នន័យ ព័ត៌មានជាក់លាក់ ដើម្បីពិភាក្សាជាមួយក្រសួង ស្ថាប័នពាក់ព័ន្ធ និងថ្នាក់ក្រោមជាតិនៃខេត្តទាំង ៦ ជុំវិញបឹងទន្លេសាប និងឈានទៅរៀបចំរបាយការណ៍ជូនថ្នាក់ដឹកនាំ និងប្រមុខរាជរដ្ឋាភិបាល ។

ថ្នាក់ដឹកនាំអាជ្ញាធរទន្លេសាប ជួបសំណេះសំណាល និងពិភាក្សាពង្រឹងការងារនាយកដ្ឋានរដ្ឋបាល ផែនការ និងសហប្រតិបត្តិការ នៃអគ្គលេខាធិការដ្ឋាន អាជ្ញាធរទន្លេសាប

2023-12-08T20:13:03+00:00

រសៀលថ្ងៃព្រហស្បតិ៍ ១០រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០៧ ខែធ្នូ ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម និងឯកឧត្តម សរ គឹមសាន្ត អគ្គលេខាធិការ អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានជួបសំណេះសំណាល និងពិភាក្សាការងារជាមួយលោកប្រធាន អនុប្រធាន និងមន្ត្រីក្រោមឱវាទនាយកដ្ឋានរដ្ឋបាល ផែនការ និងសហប្រតិបត្តិការ ដើម្បីពង្រឹងប្រសិទ្ធភាពការងារក្នុងនាយកដ្ឋាន ក្នុងស្មារតីលើកកម្ពស់ប្រសិទ្ធភាពការងាររបស់អាជ្ញាធរទន្លេសាប និងត្រៀមរៀបចំឯកសាររបាយការណ៍បូកសរុបស្តីពីវឌ្ឍនភាពការងាររបស់អាជ្ញាធរទន្លេសាបឆ្នាំ ២០២៣ ដើម្បីប្រជុំផ្សព្វផ្សាយនាដើមខែមករា ឆ្នាំ ២០២៤ រួមជាមួយការដាក់ឲ្យអនុវត្តនូវផែនការយុទ្ធសាស្ត្រអាជ្ញាធរទន្លេសាប ២០២៤-២០២៨ និងផែនការសកម្មភាពប្រចាំឆ្នាំ ២០២៤ របស់អគ្គលេខាធិការដ្ឋាន អាជ្ញាធរទន្លេសាប ។

ថ្នាក់ដឹកនាំអគ្គលេខាធិការដ្ឋាននៃអាជ្ញាធរទន្លេសាប ដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប

2023-12-07T18:23:51+00:00

នៅអគ្គលេខាធិការដ្ឋាន នៃអាជ្ញាធរទន្លេសាប បានរៀបចំកិច្ចប្រជុំពិភាក្សាការងារបច្ចេកទេសជាមួយក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកជុំវិញតំបន់បឹងទន្លេសាប ក្រោមការដឹកនាំដោយប្រធានក្រុមការងារទទួលខុសត្រូវប្រចាំតាមមុខព្រួញ ដែលជាថ្នាក់ដឹកនាំនៃអគ្គលេខាធិការដ្ឋានអាជ្ញាធរទន្លេសាប ដើម្បីត្រៀមលក្ខណៈកិច្ចការបច្ចេកទេស ក្នុងការដាក់ផែនការចុះផ្សព្វផ្សាយ និងចុះអនុវត្តន៍តាមដានត្រួតពិនិត្យ និងផ្ទៀងផ្ទាត់និយាមកាបង្គោលព្រំការពារដែនព្រៃលិចទឹក និងតំបន់កាត់ឆ្វៀល ក្នុងតំបន់ ១ តំបន់ ២ និងតំបន់ ៣ ដែលស្ថិតក្នុងភូមិសាស្ត្រខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ ។

សូមជម្រាបថា : (1). ប្រធានក្រុមការងារទទួលបន្ទុកផ្សព្វផ្សាយច្បាប់បទដ្ឋានគតិយុត្ត ព័ត៌មាន និងចំណេះដឹងពាក់ព័ន្ធ ដឹកនាំដោយ ឯកឧត្តម សរ គឹមសាន្ត អគ្គលេខាធិការ នៃអាជ្ញាធរទន្លេសាប, (2). ប្រធានក្រុមការងារទទួលបន្ទុកប្រចាំមុខព្រួញផ្លូវជាតិលេខ ៦ ដឹកនាំដោយ ឯកឧត្តម ខូវ មាស អគ្គលេខាធិការរង នៃអាជ្ញាធរទន្លេសាប និង (3). ប្រធានក្រុមការងារទទួលបន្ទុកប្រចាំមុខព្រួញផ្លូវជាតិលេខ ៥ ដឹកនាំដោយឯកឧត្តម ជា សុខនី អគ្គលេខាធិការរង នៃអាជ្ញាធរទន្លេសាប ។

សូមបញ្ជាក់ថា : អាជ្ញាធរទន្លេសាប បានបង្កើតក្រុមការងារចុះពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹកស្ថិតក្នុងខេត្តទាំង៦ ជុំវិញបឹងទន្លេសាប (ខេត្តកំពង់ឆ្នាំង, ពោធិ៍សាត់, បាត់ដំបង, បន្ទាយមានជ័យ, សៀមរាប និងខេត្តកំពង់ធំ) ដែលរាជរដ្ឋាភិបាលបានឆ្វៀលចេញពីដែនព្រៃលិចតំបន់៣ មកតំបន់២ និង. ពីតំបន់២ មកតំបន់១ នៃអនុក្រឹត លេខ ១៩៧ អនក្រ.បកចុះថ្ងៃទី ២៩ ខែសីហា ឆ្នាំ២០១១ ដែលមានដែនទំហំ ៦៤៧,៤០៦ហិកតា ជូនប្រជាពលរដ្ឋ អាស្រ័យផល និងតាំងទីលំនៅ ។ ក្រុមការងារ បាន និងកំពុងបន្តអនុវត្តន៍តួនាទីភារកិច្ច ក្នុងការប្រមូលផ្ទៀងផ្ទាត់ទិន្នន័យ ព័ត៌មានជាក់លាក់ ដើម្បីពិភាក្សាជាមួយក្រសួង ស្ថាប័នពាក់ព័ន្ធ និងថ្នាក់ក្រោមជាតិនៃខេត្តទាំង ៦ ជុំវិញបឹងទន្លេសាប និងធ្វើការផ្សព្វផ្សាយបង្កើនការយល់ដឹងពីសារប្រយោជន៍ធនធានធម្មជាតិ និងចូលរួមកិច្ចការការពារ ធនធានធម្មជាតិបឹងទន្លេសាបប្រកបដោយចីរភាព។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប អញ្ជើញជួបពិភាក្សាការងារលើកិច្ចសហប្រតិបត្តិការជាមួយគណៈប្រតិភូមេគង្គ-ឡានឆាង

2023-12-02T09:43:36+00:00

នាព្រឹកថ្ងៃសុក្រ ៤រោច ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ០១ ខែធ្នូ ឆ្នាំ២០២៣ នៅសាលប្រជុំអគ្គលេខាធិការដ្ឋាន អាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប តំណាងដ៏ខ្ពង់ខ្ពស់ឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប បានទទួលជួបពិភាក្សាការងារជាមួយគណៈប្រតិភូមេគង្គ-ឡានឆាង ដែលដឹកនាំដោយ លោក Li Ge អគ្គនាយករង ក្រសួងធនធានទឹក នៃសាធារណរដ្ឋប្រជាមានិតចិន និង Dr. Zhou Zhiwei, អគ្គលេខាធិការ មជ្ឈមណ្ឌលកិច្ចសហប្រតិបត្តិការធនធានទឹកឡានឆាង-មេគង្គ (LMC) ។

សូមជម្រាបថា កិច្ចប្រជុំនេះ មានការចូលរួមពីឯកឧត្តមអគ្គលេខាធិការ ប្រធាននាយកដ្ឋាននីតិកម្ម និងផ្សព្វផ្សាយ អនុប្រធាននាយកដ្ឋានធនធានធម្មជាតិ មន្ត្រីបច្ចេកទេស នៃអាជ្ញាធរទន្លេសាប ព្រមទាំងមន្ត្រីបច្ចេកទេសនៃក្រសួងធនធានទឹកចិន និងមេគង្គ-ឡានឆាង។

ក្នុងឱកាសជំនួបនេះដែរ ឯកឧត្តម អនុប្រធាន បានជម្រាបជូនគណៈប្រតិភូ អំពីតួនាទី ភារកិច្ច បេសកកម្មស្នូល និងសមិទ្ធផលស្នាដៃដែលអាជ្ញាធរទន្លេសាបសម្រេចបានកន្លងមក ព្រមទាំងបានបង្ហាញពីទស្សនទានការងារដែលកំណត់នៅក្នុងផែនការយុទ្ធសាស្ត្ររបស់អាជ្ញាធរទន្លេសាប ២០២៤-២០២៨ ផ្សាភ្ជាប់នឹងបញ្ហាប្រឈម និងវិធានការទប់ស្កាត់ផលប៉ះពាល់មកលើបឹងទន្លេសាបនាពេលបច្ចុប្បន្ន និងទៅអនាគត រួមជាមួយការលើកឡើងភាពទំនាក់ទំនងរវាងបឹងទន្លេសាប ជាមួយទន្លេមេគង្គ ។

ជាមួយនេះដែរ ប្រធានគណៈប្រតិភូ រួមជាមួយក្រុមប្រតិភូ ឡានឆាង-មេគង្គ បានចាប់អារម្មណ៍យ៉ាងខ្លាំង ជាមួយការលើកឡើងពាក់ព័ន្ធនឹងទស្សនទានការងាររបស់អាជ្ញាធរទន្លេសាបផ្សាភ្ជាប់នឹងបញ្ហាបឹងទន្លេសាប និងភាពទំនាក់ទំនងរវាងបឹងទន្លេសាប ជាមួយទន្លេមេគង្គ ។

ជាលទ្ធផលនៃកិច្ចពិភាក្សា គណៈប្រតិភូឡានឆាង-មេគង្គ លោក Li Ge និង Dr. Zhou Zhiwei, បានទទួលយកនូវសំណើរបស់ ឯកឧត្តមអនុប្រធានអាជ្ញាធរទន្លេសាប ក្នុងការពង្រឹងចំណងមិត្តភាព និងកិច្ចសហប្រតិបត្តិការយូរអង្វែងរវាង អាជ្ញាធរទន្លេសាប និងឡានឆាង-មេគង្គ ហើយនឹងចាត់តាំងមន្ត្រីបច្ចេកទេស ០១រូប ដើម្បីសហការជួយរៀបចំសំណើគម្រោង Project Proposal កិច្ចសហប្រតិបត្តិការរវាង អាជ្ញាធរទន្លេសាប និង Lancang-Mekong Water Resources Cooperation-LMC នាពេលខាងមុខ ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ដឹកនាំកិច្ចប្រជុំពិនិត្យពិភាក្សាលើផែនការសកម្មភាពអគ្គលេខាធិការដ្ឋាន អាជ្ញាធរទន្លេសាប ឆ្នាំ២០២៤

2023-12-01T10:13:40+00:00

នៅព្រឹកថ្ងៃព្រហស្បតិ៍ ៣រោច ខែកត្តិក ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃ៣០ ខែវិច្ឆិកា ឆ្នាំ២០២៣ នាសាលប្រជុំអាជ្ញាធរទន្លេសាប ឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប ដឹកនាំកិច្ចប្រជុំពិនិត្យផែនការសកម្មភាពអគ្គលេខាធិការដ្ឋាន អាជ្ញាធរទន្លេសាប ឆ្នាំ២០២៤ ។

សូមជម្រាបថា កិច្ចប្រជុំនេះមានការចូលរួមពីឯកឧត្តមអគ្គលេខាធិការ ឯកឧត្តមអគ្គលេខាធិការរង ប្រធាននាយកដ្ឋាន និងមន្ត្រីបច្ចេកទេស។

ឯកឧត្តមអនុប្រធាន បានឱ្យដឹងថា គោលបំណងនៃកិច្ចប្រជុំ ដើម្បីពិនិត្យ និងពិភាក្សាកែសម្រួល លើផែនការសកម្មភាពឆ្នាំ២០២៤ ដែលបានលើកឡើងដោយថ្នាក់ដឹកនាំ និងនាយកដ្ឋានទាំង៤ ចំណុះអគ្គលេខាធិការដ្ឋាន អាជ្ញាធរទន្លេសាប ស្របតាមផែនការយុទ្ធសាស្ត្រអាជ្ញាធរទន្លេសាប ២០២៤-២០២៨ និងយុទ្ធសាស្ត្របញ្ចកោណរបស់រាជរដ្ឋាភិបាល ដើម្បីអនុវត្តន៍ប្រកបដោយប្រសិទ្ធភាពតាមតួនាទីភារកិច្ច របស់នាយកដ្ឋាននីមួយៗ ៕

លោក អុល សុជាតិ ប្រធានការិយាល័យសម្របសម្រួលវិវាទ នៃនាយកដ្ឋាននីតិកម្ម និងផ្សព្វផ្សាយ បានដឹកនាំក្រុមការងារ បន្តចុះសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន នៅខេត្តកំពង់ធំ

2023-11-24T23:42:32+00:00

នាថ្ងៃព្រហស្បតិ៍ ១១កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ២៣ ខែវិច្ឆិកា ឆ្នាំ២០២៣ ក្រុមការងារមន្ត្រីនាយកដ្ឋាននីតិកម្ម និងផ្សព្វផ្សាយ នៃអគ្គលេខាធិការដ្ឋាន អាជ្ញាធរទន្លេសាប ដឹកនាំដោយ លោក អុល សុជាតិ ប្រធានការិយាល័យសម្របសម្រួលវិវាទ បានបន្តចុះអនុវត្តសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន នៅខេត្តកំពង់ធំ ។

សកម្មភាពខាងលើ ក្រុមការងារបានជួបជាមួយមន្ទីរ អង្គភាពជំនាញពាក់ព័ន្ធ និងអាជ្ញាធរមូលដ្ឋាន ដើម្បី៖
១. ពិភាក្សាស្វែងយល់ និងប្រមូលទិន្នន័យ-ព័ត៌មាន ជាមួយនឹងខណ្ឌជលផលខេត្តកំពង់ធំ
២. ពិភាក្សា និងប្រមូលទិន្នន័យ-ព័ត៌មានជាមួយអាជ្ញាធរឃុំប្រាសាទ ស្រុកសន្ទុក ខេត្តកំពង់ធំ និងសហគមន៍នេសាទតាគង់អន្លង់ត្រីបឹងទក់បឹងគួយ។

ជាមួយនឹងការអនុវត្តន៍សកម្មភាពក្នុងតំបន់សិក្សាខាងលើ ជាលទ្ធផលបឋម បានបង្ហាញឃើញថា៖
១. សហគមន៍នេសាទតាគង់អន្លង់ត្រីបឹងទក់បឹងគួយ បានបង្កើតឡើងក្នុងឆ្នាំ២០០៧ មានសមាជិកគណៈកម្មការសហគមន៍ចំនួន ១១នាក់ ស្រី ១នាក់ហើយមិនទាន់បោះឆ្នោតជ្រើសរើសគណៈកម្មការថ្មីនៅឡើយ។ សហគមន៍នេសាទនេះមានបឹងអភិរក្សចំនួន ២កន្លែង គឺ បឹងទក់ មានទំហំ ១៥០មx៣០០ម និង បឹងគួយ ទំហំ ១៥០ម×៣០០ម ដែលព័ទ្ធជុំវិញទៅដោយស្រែប្រាំង ។
២. គិតត្រឹមខែវិច្ឆិកា ឆ្នាំ២០២៣ នេះ ស្ថាប័នជំនាញពាក់ព័ន្ធ បានបំពេញការងារ និងបានសហការធ្វើការបង្ក្រាបបទល្មើសនេសាទ ក៏ដូចជាការចូលរួមការពារ អភិរក្ស និងអភិវឌ្ឍន៍ធនធានធម្មជាតិ សម្រេចបានការដកហូត និងបំផ្លាញចោលឧបករណ៍នេសាទខុសច្បាប់ រួមមាន៖
- ឧបករណ៍ឡុក ចំនួន ៤,៣៣១គ្រឿង
- ឧបករណ៍របាំងស្បៃម៉ុងប្រវែង ៦៤,០៤៣ម៉ែត្រ
- ឧបករណ៍របាំងសាច់មងប្រវែង៦៧,៧៧៥ម៉ែត្រ
- ឧបករណ៍សម្រាស់ទំហំ ១,៣៤៦ម៉ែត្រការ៉េ
- ខ្សែរចងប្រវែង ៤៨៥ម៉ែត្រ
- លបប្រើស១០០ ចំនួន ២,៩៨៩គ្រឿង
- អួន ចំនួន ៣វង់
- ដុំភ្លើងឆក់ ចំនួន ១៦គ្រឿង
- ដងឆក់ ចំនួន ១៤គូរ
- ខ្សែរភ្លើងប្រវែង ៨៤គ្រឿង
- អាគុយ ចំនួន ១៦គ្រឿង
- បង្គោល ចំនួន ៧៤,៦២០ដើម
- បានប្រលែងត្រីចូលបឹងធម្មជាតិ ចំនួន ២,៧១០គីឡូក្រាម។
សូមជម្រាបជូនថា៖ សកម្មភាពចុះសិក្សាសកម្មភាពពង្រឹងបណ្តាញទំនាក់ទំនងការងារជាមួយអង្គភាពជំនាញពាក់ព័ន្ធ និងអាជ្ញាធរមូលដ្ឋាន មានគោលបំណង ដើម្បីបង្កើតបណ្តាញទំនាក់ទំនងកិច្ចសហប្រតិបត្តិការ ជាមួយមន្ត្រីស្ថាប័នជំនាញពាក់6ព័ន្ធ និងថ្នាក់ក្រោមជាតិ ក្នុងការចែករំលែកចំណេះដឹង ទិន្នន័យ ព័ត៌មានពីការគ្រប់គ្រង អភិរក្ស និងអភិវឌ្ឍន៍ធនធានធម្មជាតិប្រកបដោយចីរភាពនៅតំបន់ជុំវិញបឹងទន្លេសាប។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប និងឯកឧត្តម សាន់ យូ អភិបាលរងនៃគណ:អភិបាលខេត្តកំពង់ឆ្នាំង បានអញ្ជើញដឹកនាំកិច្ចប្រជុំក្រុមការងារពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងខេត្តកំពង់ឆ្នាំង

2023-11-23T18:37:15+00:00

នៅសាលប្រជុំសាលាខេត្តកំពង់ឆ្នាំង នាថ្ងៃព្រហស្បត្តិ៍១១កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៣ ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម អាជ្ញាធរទន្លេសាប និងជាប្រធានក្រុមការងារទទួលបន្ទុកក្តាប់រួម ចុះត្រួតពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក តំណាងដ៏ខ្ពង់ខ្ពស់ ឯកឧត្តម ថោ ជេដ្ឋា រដ្ឋមន្រី្ត ក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប បានដឹកនាំប្រតិភូថ្នាក់ដឹកនាំ និងមន្ត្រីបច្ចេកទេស នៃអាជ្ញាធរទន្លេសាប ចូលរួមកិច្ចប្រជុំពិនិត្យតាមដាន និងអធិការកិច្ចដែនព្រៃលិចទឹក និងព្រៃលិចទឹក ក្នុងភូមិសាស្ត្រខេត្តកំពង់ឆ្នាំង ដែលមានការចូលរួមពីថ្នាក់ដឹកនាំ និងមន្ត្រីក្រុមការងារបច្ចេកទេស របស់អាជ្ញាធរទន្លេសាប ថ្នាក់ដឹកនាំ និងមន្ត្រីបច្ចេកទេសតំណាងក្រសួងស្ថាប័នថ្នាក់ជាតិ រួមមានក្រសួងរៀបចំដែនដី នគរូបនីយកម្ម និង សំណង់, ក្រសួងមហាផ្ទៃ, ក្រសួងបរិស្ថាន, ក្រសួងកសិកម្ម រុក្ខាប្រម៉ាញ់ និងនេសាទ, ក្រសួងអភិវឌ្ឍន៍ជនបទ, ក្រសួងសាធារណការ និងដឹកជញ្ជូន, ថ្នាក់ដឹកនាំខេត្ត និងមន្ត្រីបច្ចេកទេសសាលាខេត្តកំពង់ឆ្នាំង, មន្ទីរជំនាញពាក់ព័ន្ធ ក្នុងខេត្តកំពង់ឆ្នាំង និងអាជ្ញាធរដែនដីរដ្ឋបាលថ្នាក់មូលដ្ឋានពាក់ព័ន្ធ នៃស្រុក/ឃុំ/ភូមិពាក់ព័ន្ធ ក្នុងខេត្តកំពង់ឆ្នាំង ចំនួន ៧៧នាក់។

កិច្ចប្រជុំបានពិភាក្សាលេីចំនុចមួយចំនួនដូចខាងក្រោម ៖
១- លទ្ធផលសិក្សាស្រាវជ្រាវ របស់ក្រុមការងារបច្ចេកទេស អាជ្ញាធរទន្លេសាប
២- ពិភាក្សាលើបញ្ហាពាក់ព័ន្ធ (តំបន់ ១ តំបន់ ២ និងតំបន់ ៣)
៣- ចែករំលែក និងផ្លាស់ប្តូរព័ត៌មាន ទិន្នន័យ តំបន់១, តំបន់២ និងតំបន់ ៣ ក្នុងខេត្តកំពង់ឆ្នាំង
៤- កិច្ចសហការពីថ្នាក់ដឹកនាំខេត្ត មន្ទីរជំនាញពាក់ព័ន្ធ អាជ្ញាធរដែនដីមូលដ្ឋានពាក់ព័ន្ធក្នុងខេត្តកំពង់ឆ្នាំង ក្នុងការ ចូលរួមការពារ ថែរក្សាធនធានធម្មជាតិ និងបរិស្ថាន តំបន់ ១ តំបន់ ២ និងតំបន់ ៣
៥- ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តកំពង់ឆ្នាំង ។

បន្ទាប់ពីបានពិភាក្សា ផ្លាស់ប្តូរមតិយោបល់ប្រកបដោយការទទួលខុសត្រូវខ្ពស់រួចមក កិច្ចប្រជុំបានឯកភាពគ្នា ដូចខាងក្រោម ៖
១. អង្គប្រជុំ បានយល់ស្រប បន្តកិច្ចសហការ រវាងថ្នាក់ខេត្ត មន្ទីរ និងក្រសួង ស្ថាប័នពាក់ព័ន្ធ ដើម្បីចុះធ្វេីការពិនិត្យផ្ទៀងផ្ទាត់តាមដាន និងអធិការកិច្ចដែនព្រៃលិចទឹក និងព្រៃលិចទឹក ។
២. ផ្ទៀងផ្ទាត់ចំណុចលម្អៀង នៃទិន្នន័យ របស់អាជ្ញាធរទន្លេសាប និងមន្ទីររៀបចំដែនដី នគរូបនីយកម្ម និងសំណង់ខេត្តកំពង់ឆ្នាំង ។
៣. ឯកភាពប្រើប្រាស់ទិន្នន័យផែនទី របស់ក្រសួងរៀបចំដែនដី នគរូបនីយកម្ម និងសំណង់ ជាគោល ។ រាល់ទិន្នន័យដែលពាក់ព័ន្ធ គឺអាចស្នើសុំមកក្រសួងរៀបចំដែនដី នគរូបនីយកម្ម និងសំណង់ ប្រសិនបើមានតម្រូវការចាំបាច់។
៤. ឯកភាពចែករំលែកទិន្នន័យ ព័ត៌មានរួម និងបច្ចេកទេស រវាងស្ថាប័នពាក់ព័ន្ធ ។
៥. ការដាក់ផែនការ/កម្មវិធីចុះអនុវត្តការងារតាមតំបន់ជាក់ស្តែង ក្នុងខេត្តកំពង់ឆ្នាំង ។
៦. អនុវត្តតាមស្មារតីខ្លឹមសារ អនុក្រឹត្យលេខ ១៩៧ ។

សូមបញ្ជាក់ថា អាជ្ញាធរទន្លេសាប បានចេញសេចក្ដីសម្រេចលេខ ២៣៦ អទស នៅថ្ងៃទី០២ ខែតុលា ឆ្នាំ២០២៣ ស្តីពីការបង្កើតក្រុមការងារចុះតាមដានពិនិត្យ និងធ្វើអធិការកិច្ចដែនព្រៃលិចទឹក និងព្រៃលិចទឹក ស្ថិតក្នុងខេត្តទាំង ៦ ជុំវិញបឹងទន្លេសាប (ខេត្តកំពង់ឆ្នាំង ពោធិ៍សាត់ បាត់ដំបង បន្ទាយមានជ័យ សៀមរាប និងខេត្តកំពង់ធំ) ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ចូលរួមជាគណៈអធិបតីក្នុងសន្និសីទអន្តរជាតិ ស្តីពីការងារវិស័យធនធានទឹក ដើម្បីនិរន្តរភាពបរិស្ថាននៅតំបន់អាស៊ីអាគ្នេយ៍ (Southeast Asian Water Jobs for Environmental Sustainability-SEAWAT)

2023-11-21T11:05:46+00:00

ដោយទទួលបានការឯកភាពដ៏ខ្ពង់ខ្ពស់ពីឯកឧត្តមរដ្ឋមន្ត្រីក្រសួងធនធានទឹក និងឧតុនិយម និងជា ប្រធានអាជ្ញាធរទន្លេសាប តបតាមការគោរពអញ្ជើញរបស់សាកលវិទ្យាល័យជាតិបាត់ដំបង ។ ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប បានអញ្ជើញចូលរួមជាគណៈអធិបតីក្នុងសន្និសីទអន្តរជាតិ ស្តីពីការងារវិស័យធនធានទឹក ដើម្បីនិរន្តរភាពបរិស្ថាននៅតំបន់អាស៊ីអាគ្នេយ៍ (Southeast Asian Water Jobs for Environmental Sustainability-SEAWAT) ដែលបានប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី១៨ ដល់ ២០ ខែវិច្ឆិកា ឆ្នាំ២០២៣ នៅសណ្ឋាគារអង្គរប៉ារ៉ាឌី ខេត្តសៀមរាប ។

កម្មវិធីនេះ រៀបចំដោយសាកលវិទ្យាល័យជាតិបាត់ដំបង ក្នុងគម្រោងកសាងសមត្ថភាពឧត្តមសិក្សា ERSMUS+ EBHE INOWASIA ដែលផ្តោតលើនវានុវត្តន៍ ការអភិវឌ្ឍកម្មវិធីអប់រំសម្រាប់បណ្តុះបណ្តាលអ្នកបច្ចេកទេសលើវិស័យធនធានទឹកឈានមុខនៅតំបន់អាស៊ីអាគ្នេយ៍។ សន្និសីទអន្តរជាតិនេះមានការចូលរួមពីអ្នកស្រាវជ្រាវថ្នាក់ជាតិ ប្រទេសក្នុងអនុតំបន់មេគង្គ និងអន្តរជាតិ រួមជាមួយក្រសួងស្ថាប័នជំនាញពាក់ព័ន្ធរបស់រាជររដ្ឋាភិបាល ។

សន្និសីទនេះរៀបចំឡើងក្នុងគោលបំណងសំខាន់ចំនួន ៣ រួមមាន ៖
• ពិភាក្សាអំពីបញ្ហាប្រឈមទាក់ទងនឹងការបណ្តុះបណ្តាលការស្រាវជ្រាវ និងកាលានុវត្តភាពលើវិស័យធនធានទឹកនិងបរិស្ថាននៅកម្ពុជា និងតំបន់អាស៊ីអាគ្នេយ៍
• ផ្តល់ឱកាសសម្រាប់អ្នកស្រាវជ្រាវក្នុងតំបន់ និងអន្តរជាតិ និងភាគីពាក់ព័ន្ធអាចផ្លាស់ប្តូរចំណេះដឹង ឧត្តមានុវត្ត និងដំណោះស្រាយបែបវិទ្យាសាស្ត្រដើម្បីដោះស្រាយបញ្ហាប្រឈមទឹក និងបរិស្ថានក្នុងតំបន់
• កំណត់ផែនទីចង្អុលផ្លូវសម្រាប់ដំណើរការអភិវឌ្ឍកម្មវិធីអប់រំ ស្រាវជ្រាវ និងនវានុវត្តន៍ពាក់ព័ន្ធនឹងទឹក និងបរិស្ថាននាពេលអនាគត ដើម្បីការអភិវឌ្ឍប្រកបដោយចីរភាពនៅក្នុងតំបន់អាស៊ីអាគ្នេយ៍ ឈានទៅសម្រេចគោលដៅអភិវឌ្ឍន៍ប្រកបដោយចីរភាព (SDGs) ឆ្នាំ២០៣០។

សន្និសីទបានរៀបចំជា ៤ផ្នែក សំខាន់ៗដូចជា ៖
ផ្នែកទី ១/. កម្មវិធីអប់រំការច្នៃប្រឌិតចម្រុះសម្រាប់លើវិស័យការងារទឹក
ផ្នែកទី ២/. សហប្រតិបត្តិការសាកលវិទ្យាល័យ-ឧស្សាហកម្មដើម្បីលើកកម្ពស់ការអប់រំ និងការស្រាវជ្រាវក្នុងវិស័យទឹក
ផ្នែកទី ៣/. និរន្តរភាពបរិស្ថាននៅតំបន់អាស៊ីអាគ្នេយ៍ និងបញ្ហាប្រឈមការគ្រប់គ្រងទឹក
ផ្នែកទី ៤/. មុខងារអេកូឡូស៊ី និងការអភិរក្សជីវៈចម្រុះដែលប្រឈមមុខនឹងការផ្លាស់ប្តូរសកល ។

ក្នុងអង្គពិធីសន្និសីទនេះដែរ ឯកឧត្តម ហ៊ែល តូនី បានចូលរួមចែករំលែកបទពិសោធន៍ ចំណេះដឹង ទិសដៅ និងទស្សនៈវិស័យរបស់អាជ្ញាធរទន្លេសាប ស្តីអំពី បច្ចុប្បន្នភាព និងអនាគតបឹងទន្លេសាប ដើម្បីធានាការប្រើប្រាស់សេវាអេកូឡូស៊ីបឹងទន្លេសាប ដែលកំពុងប្រឈមនឹងការផ្លាស់ប្តូរជាសកល។ ឯកឧត្តមក៏បានចូលរួមជាវាគ្មិនកិត្តិយសសម្រាប់កិច្ចពិភាក្សា ជាមួយភាគីពាក់ព័ន្ធ ជាតិ និងអន្តរជាតិលើប្រធានបទ៖(១).ការបណ្តុះបណ្តាលជំនាញទឹកនៅក្នុងតំបន់អាស៊ីអាគ្នេយ៍ដើម្បីសម្រេចគោលដៅអភិវឌ្ឍន៍ប្រកបដោយ ចីរភាព(SDGs) នៃកម្មវិធីអប់រំការច្នៃប្រឌិតចម្រុះសម្រាប់ការងារលើវិស័យទឹក, (២). គម្លាតការស្រាវជ្រាវ នៅតំបន់បឹងទន្លេសាប និងទន្លេមេគង្គសម្រាប់ទិសដៅសិក្សាស្រាវជ្រាវនាពេលអនាគត នៃមុខងារអេកូឡូស៊ីនិងការអភិរក្សជីវៈចម្រុះដែលប្រឈមមុខនឹងការផ្លាស់ប្តូរសកល, (៣). ការរៀបចំឯកសារសំណើស្តីពី ការរៀបចំមន្ទីរពិសោធន៍អន្តរជាតិរួមគ្នា ។

ឯកឧត្តម ហ៊ែល តូនី អនុប្រធានក្តាប់រួម អាជ្ញាធរទន្លេសាប ចូលរួមជាគណៈអធិបតីក្នុងសន្និសីទអន្តរជាតិ ស្តីពីការងារវិស័យធនធានទឹក ដើម្បីនិរន្តរភាពបរិស្ថាននៅតំបន់អាស៊ីអាគ្នេយ៍ (Southeast Asian Water Jobs for Environmental Sustainability-SEAWAT)

2023-11-21T11:05:46+00:00

ក្រុមការងារបច្ចេកទេស នាយកដ្ឋាននីតិកម្ម និងផ្សព្វផ្សាយ បានបន្តសកម្មភាពសិក្សាវាយតម្លៃ និងផលចំណេញសេដ្ឋកិច្ចក្នុងផលិតកម្មស្រូវប្រាំងនៅវាលទំនាបបឹងទន្លេសាប ខេត្តកំពង់ធំ

2023-11-20T07:50:13+00:00

នាថ្ងៃព្រហស្បតិ៍ ៤កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី ១៦ ខែវិច្ឆិកា ឆ្នាំ២០២៣ មន្ត្រីបច្ចេកទេស នៃនាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប បានបន្តធ្វើការសិក្សាការវិភាគតម្លៃ និងផលចំណេញក្នុងផលិតកម្មស្រូវនៅវាលទំនាបបឹងទន្លេសាប នៅឃុំពង្រ, ទ្រៀល, ជ្រលង, សូយោង និងឃុំស្រឡៅ ស្រុកតាំងគោក ខេត្តកំពង់ធំ។

ការសិក្សានេះ ទទួលបានលទ្ធផលបឋម ដូចខាងក្រោម៖
- ផ្ទៃដីស្រែប្រាំងក្នុងស្រុកតាំងគោកមានចំនួន ២៣.០០០ ហិកតា ក្នុងតំបន់២
- ធ្វើស្រែប្រាំងបាន ២ដង ក្នុងមួយឆ្នាំ
- ទិន្នផលបាន ៣ ទៅ ៤ តោន ក្នុងមួយហិកតា ដោយប្រើប្រាស់ពូជស្រូវ OM5154 សែនក្រអូប និងរំដួល
- តម្លៃស្រូវក្នុងឆ្នាំ២០២៣ គឺ ១២០០រៀល/គក្រ
- ការធ្វើស្រែប្រាំង របស់កសិករក្នុងតំបន់នេះ ចំណាយអស់ប្រមាណ ២,៨ លានរៀល/ហត ដូចជា ថ្លៃពូជស្រូវ ថ្លៃជួលភ្ជួររាស់ ជួលច្រូត ជួលដឹកជញ្ជូន ថ្លៃថ្នាំ-ជីគីមី និងប្រេង/សាំង។
- ចំណេញចន្លោះពី ១,០០,០០០ ទៅ ១,៥០០,០០០ រៀល ក្នុងមួយហិកតា ក្នុងមួយដង
- បច្ចេកទេសធ្វើស្រែ និងការប្រើប្រាស់ថ្នាំគីមី ជីគីមី គឺធ្វើតាមតៗគ្នា។
- ប្រជាជនស្រុកតាំងគោក មានសមាជិកគ្រួសារចន្លោះពី ៤ ទៅ ៦នាក់/គ្រួសារ ប៉ុន្តែកម្លាំងពលកម្មធ្វើស្រែមានតែ ១ ទៅ ២នាក់ ប៉ុណ្ណោះ គឺការធ្វើស្រែដោយជួលគេធ្វើឲ្យ ដែលធ្វើឲ្យចំណាយច្រើន។
- ការធ្វើស្រែក្នុងស្រុកតាំងគោក គឺអនុវត្តន៍កសិកម្មជាលក្ខណៈគ្រួសារ ដែលមានផ្ទៃដី ២ទៅ ២០ ហិកតា/គ្រួសារ។

សូមជម្រាបជូនថា៖ សកម្មភាពសិក្សាវាយតម្លៃ និងផលចំណេញសេដ្ឋកិច្ចក្នុងផលិតកម្មស្រូវប្រាំងនៅវាលទំនាបបឹងទន្លេសាប ខេត្តកំពង់ធំ គឺជាសកម្មភាពមួយក្នុងចំណោមសកម្មភាព ដែលត្រូវបានអនុម័តឱ្យអនុវត្តន៍នៅក្នុងផែនការសកម្មភាពប្រចាំឆ្នាំ២០២៣ របស់នាយកដ្ឋាននីតិកម្ម និងផ្សព្វផ្សាយ នៃអាជ្ញាធរទន្លេសាប ។

សកម្មភាពខាងលើនេះ មានគោលបំណងដើម្បី៖
- វិភាគចរន្តសេដ្ឋកិច្ចពីរបរស្រែប្រាំងក្នុងតំបន់សិក្សា
- វិភាគថ្លៃដើមផលិតកម្ម និងផលិតផលផលិតកម្មស្រែប្រាំង
- ស្វែងយល់ និងវិភាគចំណូលចំណាយពីការធ្វើរបរស្រែប្រាំង
- បញ្ហាប្រឈមក្នុងការងារធ្វើស្រែរបស់ប្រជាពលរដ្ឋ
- ចងក្រងជាឯកសារពីតម្លៃស្រូវ ទីផ្សារ ទិន្នផល ពូជស្រូវតាមឆ្នាំ/តំបន់។

លោក សុខ រ៉ាយ៉ុង ប្រធានការិយាល័យអភិរក្ស នៃនាយកដ្ឋានត្រួតពិនិត្យការធ្វើអាជីវកម្ម និងអភិរក្ស បាន ដឹកនាំមន្ត្រីបច្ចេកទេស បន្តចុះសិក្សាស្រាវជ្រាវពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ខេត្តកំពង់ធំ ។

2023-11-19T11:19:37+00:00

នាថ្ងៃពុធ ៣ កើត ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី ១៥ ខែវិច្ឆិកា ឆ្នាំ២០២៣ លោក សុខ រ៉ាយ៉ុង ជាប្រធានការិយាល័យអភិរក្ស របស់នាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានដឹកនាំក្រុមការងារបន្តចុះសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ស្ថិតនៅក្នុងឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។

ការសិក្សាស្រាវជ្រាវនេះ ក្រុមការងារបាន ៖
ទី១. ជួបជាមួយក្រុមប្រឹក្សាឃុំ សង្កាត់រដ្ឋបាលជលផលដើម្បីដឹងពីបម្រែបម្រួលស្ថានភាពបរិស្ថាន ធនធានជលផល មូលហេតុនៃបម្រែបម្រួលទាំងនេះ និងស្ថានភាពជលសាស្ត្រ។
ទី២. ជួបជាមួយប្រជានេសាទ ដើម្បីយល់ដឹងពីបរិមាណផលនេសាទ បម្រែបម្រួលផលនេសាទ និងកត្តាបទល្មើសផ្សេងៗ។
ទី៣. ពិនិត្យ និងអង្កេតផ្ទាល់ពីស្ថានភាពទូទៅមួយចំនួនក្នុងតំបន់រ៉ាមសារស្ទឹងសែន។

ជាមួយនឹងសកម្មភាពសិក្សានៅតំបន់ពាក់ព័ន្ធខាងលើនេះ ក្រុមការងារមន្ត្រីបច្ចេកទេស បានរកឃើញនូវលទ្ធផលដូចខាងក្រោម៖
១. ស្ថានភាពទឹកទន្លេមានលក្ខណៈឡើងយឺត និងទឹកស្អុយរយៈពេលយូរជាងរាល់ឆ្នាំ ហើយកម្ពស់ទឹកឆ្នាំនេះទាបជាងឆ្នាំមុនជាង ០១ម៉ែត្រ។ ស្ថានភាពនេះធ្វើឲ្យត្រីមានការបន្តពូជយឺត និងលូតលាស់ធំធាត់យឺតផងដែរ។
២. បញ្ហាអាកាសធាតុនៅក្នុងតំបន់នេះមានការប្រែប្រួលខ្លាំងដូចជា ការកើនឡើងកំដៅ ទឹកកង្វក់ខ្យល់ព្យុះ ឬខ្យល់កន្ត្រាក់តែងកើតមានជាញឹកញាប់ ធ្វើអោយប្រជាជននៅក្នុងតំបន់នេះពិបាកក្នុងការរស់នៅ ពិសេសប្រជាជនដែលពឹងផ្អែកទាំងស្រុងលើរបរនេសាទ។
៣. មានការកើនឡើងច្រើនគួរអោយកត់សម្គាល់ រួមមានសត្វស្លាប ពស់ថ្លាន់ ស្វា និងភេ។
៤. បរិមាណផលនេសាទ មិនទាន់មានការប្រែប្រួលណាមួយ ដែលអាចវាយតម្លៃពីភាពសម្បូរ ឬខ្សត់នៅឡើយ ព្រោះបច្ចុប្បន្ននៅមានភ្លៀង ផ្គរ ស្ទើររាល់ថ្ងៃ ជាហេតុធ្វើអោយត្រីមិនទាន់បំលាស់ទីចេញពីក្នុងព្រៃ និងជម្រករបស់វាចុះមកទន្លេមេគង្គតាមទន្លេសាបនៅឡើយ។
៥. ប្រជានេសាទជាច្រើនមានការត្អូញត្អែរពីការកើនឡើងនៃសត្វភេ ដែលតែងតែមកចាប់ហែកលបយកត្រីធ្វើជាចំណី ដែលពី៤ ឬ ៥ឆ្នាំមុន ស្ទើតែមិនធ្លាប់ជួបប្រទះ។

សូមជម្រាបជូនថា៖ សកម្មភាពចុះសិក្សាស្រាវជ្រាវអំពីបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន ខេត្តកំពង់ធំ គឺជាសកម្មភាពមួយក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឲ្យអនុវត្តនៅក្នុងផែនការសកម្មភាពប្រចាំឆ្នាំ ២០២៣ របស់អាជ្ញាធរទន្លេសាប។

សកម្មភាពខាងលើនេះ មានគោលបំណង៖
- ស្វែងយល់ពីស្ថានភាពបរិស្ថាន និងធនធានជលផលនៅតំបន់រ៉ាមសារស្ទឹងសែន។
- វាយតម្លៃបម្រែបម្រួលបរិស្ថាន និងធនធានជលផលក្នុងតំបន់រ៉ាមសារស្ទឹងសែន។
- ផ្តល់ជាអនុសាសសម្រាប់កែលម្អ និងវិធានការបន្សាំទៅនឹងការប្រែប្រួលដើម្បីធានាបាននូវការអភិរក្ស អភិវឌ្ឍន៍បរិស្ថាន និងធនធានជលផលក្នុងតំបន់រ៉ាមសារស្ទឹងសែនឲ្យមានភាពប្រសើរឡើង។

ឯកឧត្តម ហ៊ែល តូនី អនុប្រធាន ទទួលបន្ទុកក្តាប់រួម អាជ្ញាធរទន្លេសាប ដឹកនាំពិភាក្សា អំពីយន្តការ និងដំណើរការនៃការរៀបចំរបាយការណ៍បច្ចេកទេសលទ្ធផលសិក្សាស្រាវជ្រាវរបស់អាជ្ញាធរទន្លេសាប

2023-11-19T11:02:15+00:00

នាព្រឹកថ្ងៃព្រហស្បតិ៍ ៤ កើត ខែកត្តិក ឆ្នាំថោះ ព.ស ២៥៦៧ ត្រូវនឹងថ្ងៃទី ១៦ ខែវិច្ឆិកា ឆ្នាំ ២០២៣ នៅអគ្គលេខាធិការដ្ឋាន នៃអាជ្ញាធរទន្លេសាប បានរៀបចំពិភាក្សា អំពីយន្តការ និងដំណើរការនៃការរៀបចំរបាយការណ៍បច្ចេកទេសលទ្ធផលសិក្សាស្រាវជ្រាវរបស់អាជ្ញាធរទន្លេសាប ក្រោមការដឹកនាំសម្របសម្រួលដោយ ឯកឧត្តម ហ៊ែល តូនី អនុប្រធានទទួលបន្ទុកក្តាប់រួម និងមានការចូលរួមពី ឯកឧត្តមអនុប្រធាន អគ្គលេខាធិការ អគ្គលេខាធិការរង ប្រធាននាយកដ្ឋាន និងមន្ត្រីបច្ចេកទេសក្រោមឱវាទអគ្គលេខាធិការដ្ឋាន នៃអាជ្ញាធរទន្លេសាប ។

ក្នុងអង្គប្រជុំនេះផងដែរ ឯកឧត្តម លឹម ពុយ អនុប្រធាន អ.ទ.ស បានធ្វើការចែករំលែកនូវទស្សនៈវិស័យសម្រាប់សកម្មភាពស្រាវជ្រាវ នៅបឹងទន្លេសាបក្នុងឆ្នាំ ២០២៤ និងការធ្វើសំយោគឯកសារបច្ចេកទេសជា ៣ ផ្នែក ៖
* ផ្នែកទី១. ស្ថានភាពជីវវិទ្យា នៃបឹងទន្លេសាប ក្រោមផ្លូវជាតិលេខ ៥ និងលេខ ៦ (ខេត្តកំពង់ឆ្នាំង ពោធិ៍សាត់ បាត់ដំបង សៀមរាប និងកំពង់ធំ)។
* ផ្នែកទី២. ស្ថានភាពធនធានជលផល នៅតំបន់ទន្លេសាប, ព្រៃលិចទឹក លំនៅដ្ឋានធនធានត្រី និងវិស័យកសិកម្មនៅតំបន់៣ ។
* ផ្នែកទី៣. ទស្សនៈវិស័យក្នុងការគ្រប់គ្រងនាពេលអនាគត។

បន្ទាប់ពីអង្គប្រជុំ បានស្តាប់បទបង្ហាញនៃការចែករំលែក និងពិភាក្សា ឯកឧត្តមប្រធានអង្គប្រជុំ បានកោតសរសើរចំពោះការចែករំលែកគំនិតទស្សនៈទានរបស់ ឯកឧត្តម លឹម ពុយ ក្នុងស្មារតីចូលរួមគាំទ្រដំណើរការនៃការរៀបចំឯកសារបច្ចេកទេសលទ្ធផលសិក្សាស្រាវជ្រាវរបស់ អាជ្ញាធរទន្លេសាប ឲ្យមានប្រសិទ្ធភាព ។ ជាមួយគ្នានោះដែរ ឯកឧត្តមប្រធានអង្គប្រជុំ ក៏បានផ្តល់ការណែនាំទៅឯកឧត្តម សរ គឹមសាន្ត អគ្គលេខាធិការ ឲ្យពិនិត្យរៀបចំក្រុមការងារ ដើម្បីរៀបចំឯកសារបច្ចេកទេសដែលបានសិក្សាស្រាវជ្រាវកន្លងមករបស់អាជ្ញាធរទន្លេសាប ស្របតាមការណែនាំ និងឯកភាពដ៏ខ្ពង់ខ្ពស់ពី ឯកឧត្តមប្រធាន អាជ្ញាធរទន្លេសាប និងពិនិត្យមើលការពង្រឹងយន្តការការងារជាមួយនាយកដ្ឋាននីតិកម្ម និងផ្សព្វផ្សាយ ក្នុងការជម្រុញការរៀបចំ Tonle Sap E-library ឲ្យស្របតាមការកំណត់នៅក្នុងផែនការយុទ្ធសាស្ត្រ អាជ្ញាធរទន្លេសាប ២០២៤-២០២៨ ។

សកម្មភាពទូទៅ

ថ្នាក់ដឹកនាំ អាជ្ញាធរ​ទន្លេសាប ចុះ​អធិការកិច្ច​ដែន​ព្រៃ​លិច​ទឹក និង​ព្រៃ​លិច​ទឹក តំបន់​៣ ខេត្តបាត់ដំបង​

​សង្ក្រាន្ត​ពាម​បាង​ឃុំ​ខ្ញុំ (​ឋបនីយ​ជីវ​មណ្ឌល​បឹង​ទន្លេសាប​-​បឹង​ទន្លេ​ឆ្មា​)

សក្តានុពល​ធនធានធម្មជាតិ​បឹង​ពារាំងជាប់​នឹង​បឹង​ទន្លេសាប

ថ្នាក់ដឹកនាំ អាជ្ញាធរ​ទន្លេសាប ចុះ​អធិការកិច្ច​ដែន​ព្រៃ​លិច​ទឹក និង​ព្រៃ​លិច​ទឹក តំបន់​៣ ខេត្តសៀមរាប

Visit of His Excellency Thor Chetha, Chairman of the Tonle Sap Authority, and His Excellency Li Guoying, Minister of Water Resources of the People's Republic of China, to the Tonle Sap Area in Siem Reap Province

សិក្ខាសាលា​ស្តីពី​ការអភិរក្ស​ទឹក​ជនបទ​

កិច្ចប្រជុំ​ពិភាក្សា​លើ​ការរៀបចំ concept note ក្រោម​ចំណងជើង​ថា​សម្បូរ​ត្រី​នៅ​កម្ពុជា​

កិច្ចប្រជុំ​ពិភាក្សា​លើ​ការរៀបចំ concept note ក្រោម​ចំណងជើង​ថា​សម្បូរ​ត្រី​នៅ​កម្ពុជា​

សកម្ម​ភាពចុះ​សិក្សា​ស្រាវជ្រាវ អំពី​ផល​នេសាទ តាមរយៈ​ការធ្វើ​អាជីវកម្ម​ឡូត៍​ដាយ​នៅតាម​ដង​ទន្លេសាប​

វគ្គ​បណ្តុះបណ្តាល​ស្តីពី ការ​បន្សាំ​ទៅនឹង​ប្រព័ន្ធ​អេកូឡូស៊ី “ Ecosystem-Based Adaptation “ ប្រទេស​ថៃ​

វគ្គ​បណ្តុះបណ្តាល​ស្តីពី ការ​បន្សាំ​ទៅនឹង​ប្រព័ន្ធ​អេកូឡូស៊ី “ Ecosystem-Based Adaptation “ ប្រទេស​ថៃ​

ថ្នាក់ដឹកនាំ អាជ្ញាធរទន្លេសាប ចុះអធិការកិច្ចដែនព្រៃលិចទឹក និងព្រៃលិចទឹក តំបន់៣ ខេត្តបាត់ដំបង

សង្ក្រាន្តពាមបាងឃុំខ្ញុំ (ឋបនីយជីវមណ្ឌលបឹងទន្លេសាប-បឹងទន្លេឆ្មា)

សក្តានុពលធនធានធម្មជាតិបឹងពារាំងជាប់នឹងបឹងទន្លេសាប

ថ្នាក់ដឹកនាំ អាជ្ញាធរទន្លេសាប ចុះអធិការកិច្ចដែនព្រៃលិចទឹក និងព្រៃលិចទឹក តំបន់៣ ខេត្តសៀមរាប

សិក្ខាសាលាស្តីពីការអភិរក្សទឹកជនបទ

កិច្ចប្រជុំពិភាក្សាលើការរៀបចំ concept note ក្រោមចំណងជើងថាសម្បូរត្រីនៅកម្ពុជា

កិច្ចប្រជុំពិភាក្សាលើការរៀបចំ concept note ក្រោមចំណងជើងថាសម្បូរត្រីនៅកម្ពុជា

សកម្មភាពចុះសិក្សាស្រាវជ្រាវ អំពីផលនេសាទ តាមរយៈការធ្វើអាជីវកម្មឡូត៍ដាយនៅតាមដងទន្លេសាប

វគ្គបណ្តុះបណ្តាលស្តីពី ការបន្សាំទៅនឹងប្រព័ន្ធអេកូឡូស៊ី “ Ecosystem-Based Adaptation “ ប្រទេសថៃ

វគ្គបណ្តុះបណ្តាលស្តីពី ការបន្សាំទៅនឹងប្រព័ន្ធអេកូឡូស៊ី “ Ecosystem-Based Adaptation “ ប្រទេសថៃ